متميز**كيكة الجيلى والموزة ومعاها صورة

[#ام سلمى# 1]

 

السلام عليكــم ورحمـة الله وبركاتــة ،،

ازيك يا حلوين يا محلين قسم الحلويات :biggrin:

اخيرا اتعلمت اعمل حاجة حلوة وطلعت روعة بمعنى الكلمة

من كتر ما عجبتنى بعملها كل كام يوم

وبقيت اديها على سبيل الهدايا لاهلى واهل زوجى

بطلى كرم بقا وادخلى فى المفيد>>>>>>>>>>>>>>>> :closedeyes:

بتعملى كيكة عادية بمقاديرك المعتمدة عندك

ولو خيبة زى حالاتى هقولك على كيكة روعة وناجحة مية فى المية

المقادير؛

4 بيضات كيس فانليا

كوب لبن كوبين سكر

3 اكواب دقيق كيس بودر

ربع كوب زيت

الطريقة :icon17:

فى الخلاط هتحطى البيض معاه الفانليا وتضربيهم شوية وبعدين تحطى السوائل

يعنى اللبن وبعدين الزيت وتضربى شوية

بعدين تحطى السكر وتضربيهم حتى الدوبان

وبعدين تحطى الدقيق وتساعدى التقليب مع الخلاط بالمعلقة

خايفة على خلاظك يبقا تصبى الخليط فى طبق بلاستك وتحطى الدقيق المنخول مع البودر حبة حبة وتقلبى بالمضرب السلكى

وتكونى داهنة صنية بالسمنة ورشاها دقيق وصوبى محتويات الخليط بشويش وفى الفرن من نص ساعة ل40 دقيقة او حسب فرنك

معلومات لنجاح الكيكة متجربة ومية مية :icon15: :icon17:

1_لازم كل محتويات الكيكة تكون بدرجة حرارة الغرفة يعنى البيض واللبن يطلع من التلاجة قبلها بمدة

2_الدقيق يكون منخول ويكون معاه البودر

3(لتغلب على زفارة البيض ينصح بوضع معلقة صغيرة خل على البيض روعة روعة روعة ولا بيكون للخل ولا للبيض اى رائحة :icon15:

4_الفرن يكون متشغل قبل البدء فى الكيكة علشان يكون حامى

5_الصنية تكون مدهونة قبل البدء فى الكيكة باسمن والدقيق او زيت ودقيق

6_الخليط يصب فى الفرن بشويش خالص علشان الهوا

7_غلق باب الفرن بشويش خالص علشان الهوا وعدم هز الصنية عند وضع الخليط

8_ميتفتحش على الكيكة خالص قبل تلت ساعة علشان متهبطش

9_بعود اسنان او سكية تغرزيها فى النص طلعت نضيفة يبقا استوت طلعت ملزقة يبقا لسه شوية

وبكده هيطلع معاكى احلى نوع كيكة

فى الرد التانى طريقة الجيلى بقا :unsure:

تم تعديل 17 مارس, 2010 بواسطة ام حلا

[#ام سلمى# 1]

السلام عليكم ورحمة الله وبركاته،،

التكملة بقا والزينة هنحتاج الاتى

3 اكياس جيلى فرولة

3 موز او اكتر حسب مزاجك

فرولة لو تحبى جربتها فى صنية تانية كانت روعة

طلعنا الكيكة من الفرن وكلو تمام نقلبها على صنية تانية

نجيب حلة فيها اربع اكواب ماية مغليه ونحط عليها كيسين جيلى ونسبها تغلى ثوانىونطفى

فى الصنية اللى سوينا فيها الكيكة مش واحده تانية علشان المقاس

نقطع طرنشات موز ونحطها فى الصنية ونص عليها الجيلى

وتتحط فى التلاجة 8 ساعات او حتى التماسك

نطلعا من التلاجة ونحطها على النار عشر ثوانى مش اكتر علشان الجيلى يفك من الصنية ويتقلب معاكى بسرعة

بعد 8 ساعات نجيب كوبيتين ماية مغلية ونحط عليهم باكو الجيلى التالت

ونجيب الكيكة نساوى الوش يعنى نشيل الطبقة البنى كلها ونصب الجيلى عليها كلها علشان لونها من جوة يبقى بامبة وتكون طعمها جيلى

ونقوم قالبنها على الصنية اللى فيها الجيلى

ونجيب سرفيس او صنية نضيفة ونقلب الكيكة عليها وبكده تمام روعة روعة روعة

صورة على ما قسم

 

ودى لاول واحده ترد عليا بس

الكلام كتير بس الخطوات سهلة موت

واسفة على عدم وضع الصور اصلى صورتها وضاعات هعملها تانى واحط الخطوات مصورة

بس جربها حلوة خالص والله محببة للاطفال جدا وليا انا كمان ههههههههههه

[ثروة 259]

وعليكم السلام ورحمة الله وبركاته،،

بارك الله فيكِ أم سلمى حبيبتي،

رائعة اللهم بارك سلمت يمناكِ:)

[موده واخاء 417]

جميلة يا شوشو والله كنت بدور عليها

 

وحشتينى يا شيماء يا مطنشانى وحشتينننننننننننننننننننننننى اووى

 

[موده واخاء 417]

عاوزين صور الخطوات

[امة الله حنان 0]

وعليكم السلام ورحمة الله وبركاته،،

ما شاء الله بجد حلوة اوى وانا بحبها بس ماكنتش بتظبط معاى وفى البيت قالولى بطلى تعكيلنا

لكن ان شاء الله هعمل بتاعتك وان شاء الله تطلع بتاعتى زي الخرافه اللى فى الصورة

جزاك الله خيرا

[**نحو غدٍ أفضل** 15]

إنتى فين يا شيماء

 

هربتى من الرجيم

 

و كمان رجعلنا بتورتة

 

بس جميلة أوى تسلم إيدك يا قمر

 

علفكرة دى أول تورتة جربت أعملها و كانت بتبقى سهلة أوى

 

أنا بحط كمان كريم شانتية بتبقى روعة

 

يلا كفاية تورت بقا و تعالى نكمل مشوار الرشاقة

[ام حلا 6]

تسلم الايادي يا ام سلمى

ارجو ان تكون لديك وصفات رائعة مثلك

[راضية وحامدة الله 2]

السلام عليكم ورحمة الله وبركاته،،

 

شوشو وحشتينى

 

كويس انك حطيطيها من وقت ما قولتيلى وانا هتجنن على الطريقه

 

ومش لقياكى هعملها ان شاء الله

[بغداد الجريحة 7]

ياسلام على الابداع جميلة جدا تسلم يدك

وجزيت خيرا

[محبة لربها، ادعوا لي بالثبات 72]

كلتها عند نا س كتير ومرة عملتها ما نزلتش الا مفتفته _الجيلى_قوليلى على قوانين الجيلى ما يلزقش وينزل من غير ما يسيح او يتكسر

 

انت تجننى وشكرا لك اوى تسلم ايديكِ يا غاليه

[#ام سلمى# 1]

جميلة يا شوشو والله كنت بدور عليها

 

وحشتينى يا شيماء يا مطنشانى وحشتينننننننننننننننننننننننى اووى

 

الله يخليكى يا ام بيدو يا قمر جربيها روعة والله وعلى ضمانتى

ساعتها مش رجل عمران بس اللى هتطلع دا هو اللى هيصورها كمان

وانتى وحشانى اكتر يا قلبى

 

عاوزين صور الخطوات

عيونى بس اصبرى عليا كام يوم لانى مصورتهاش والله :closedeyes:

المرة الجاية باذن الله0

وعليكم السلام ورحمة الله وبركاته،،

بارك الله فيكِ أم سلمى حبيبتي،

رائعة اللهم بارك سلمت يمناكِ:)

تسلميلى يا ثروة يا قمر

مرورك هو الاروع حبيبتى

ربنا يبارك فيكى وفى بنوتك يارب

[#ام سلمى# 1]

وعليكم السلام ورحمة الله وبركاته،،

ما شاء الله بجد حلوة اوى وانا بحبها بس ماكنتش بتظبط معاى وفى البيت قالولى بطلى تعكيلنا

لكن ان شاء الله هعمل بتاعتك وان شاء الله تطلع بتاعتى زي الخرافه اللى فى الصورة

جزاك الله خيرا

ربنا يخليكى يا حنونة يا قمر انتى

بجد نورتى الصفحة والله

لا يا عسل جربيها بس اهم حاجة الكيكة هى اللى تظبط

الجيلى سهل خالص

وان شاء الله اجيبو بالصور0

 

إنتى فين يا شيماء

 

هربتى من الرجيم

 

و كمان رجعلنا بتورتة

 

بس جميلة أوى تسلم إيدك يا قمر

 

علفكرة دى أول تورتة جربت أعملها و كانت بتبقى سهلة أوى

 

أنا بحط كمان كريم شانتية بتبقى روعة

 

يلا كفاية تورت بقا و تعالى نكمل مشوار الرشاقة

ايه يا ايمان النت فصل قولت خلاص اكل اللى نفسى فيه وادوق اخواتى كمان

وبعد كده ابدء الرحلة من الاول تانى معاكو

جاية على طول يا قمرى باذن الله

شكلك ست بيت شاطرة صح :closedeyes:

[#ام سلمى# 1]

تسلم الايادي يا ام سلمى

ارجو ان تكون لديك وصفات رائعة مثلك

ربنا يبارك فيكى يا ام حلا

معقول اول مشاركة ليا مشرفتى الغالية تدخل وكمان تميز المشاركة

لا انا هدنى هنا على طول بقا :closedeyes:

نورتينى بمرورك0

السلام عليكم ورحمة الله وبركاته،،

 

شوشو وحشتينى

 

كويس انك حطيطيها من وقت ما قولتيلى وانا هتجنن على الطريقه

 

ومش لقياكى هعملها ان شاء الله

السلام عليكــم ورحمـة الله وبركاتــة ،،

ماهو بصى بقا الاحتمال الوحيد انك تكونى مسلمة تحب الله :mrgreen:

اصل مورتهاش لحد غيرك

قرى واعترفى انتى ولا لا

انتى اللى وحشانى خالص يا قمرى

جربيها والله هتعجب الاولاد خالص وحشانى

[#ام سلمى# 1]

ياسلام على الابداع جميلة جدا تسلم يدك

وجزيت خيرا

جزانا الله واياكى يا حبيبة

نورتى مشاركتى بمرورك يا غاليه0

كلتها عند نا س كتير ومرة عملتها ما نزلتش الا مفتفته _الجيلى_قوليلى على قوانين الجيلى ما يلزقش وينزل من غير ما يسيح او يتكسر

 

انت تجننى وشكرا لك اوى تسلم ايديكِ يا غاليه

معقول محبة عندنا يا مرحبا يا مرحبا

نورتينى والله

بصى يا غاليه انتى بعد ما تقطعى الموز وتصبى عليه الجيلى الساجن بتحطية فى التلاجة حوالى 8 ساعات حتى التماسك التام

طبعا بيكون لزق فى الصنية خالص

نعمل ايه بقا علشان نفكو

:closedeyes: بتحطى الصنية على النار حوالى 10 ثوانى وتلفيها يعنى تحطيها على العين وتدنك تلفى فيها علشان الجيلى يفك من الصنية

وبعدين تقلبى عليها الكيكة

وبعدين تقلبى الصنية كاملة فى طبق التقديم

زى الصورة وهتطلع سليمة مية فى المية واخر جمال

جربى وقوليلى الاخبار

[ام عبد الله المسلمة 0]

السلام عليكم ورحمة الله وبركاته،،

تسلم ايدك الحلوة على الحاجات الحلوة

ان شاء الله حعملها للولاد

[ام مريم ويحيى 136]

السلام عليكم ورحمة الله وبركاته

 

ما شاء الله

 

تسلم ايديك يا قمر

 

شكلها روووووعة

[راجيةرحمةخالقها 0]

السلام عليكم ورحمة الله وبركاته

 

ما شاء الله

 

تسلم ايديك يا قمر

 

شكلها روووووعة

[محبة لربها، ادعوا لي بالثبات 72]

تسلمى من كل ردى يا سوسو يا قمورة ...زاشكرك على ترحيبك الجامد بيا.زباين عليك حبوبه وعسوله هجربها واقولك يا نور عينى ادعيلى

[#ام سلمى# 1]

السلام عليكم ورحمة الله وبركاته،،

تسلم ايدك الحلوة على الحاجات الحلوة

ان شاء الله حعملها للولاد

وعليكم السلام ورحمه الله وبركاته

منورة يا حبيبتى

انتى الحلوة يا قمرى علشان كده مش بيطلع منك الا الكلام الحلو

اعمليها تعجبهم قوى باذن الله

اصلها محببة للاطفال وليا انا كمان :closedeyes:

السلام عليكم ورحمة الله وبركاته

 

ما شاء الله

 

تسلم ايديك يا قمر

 

شكلها روووووعة

وعليكم السلام ورحمه الله وبركاته

تسلميلى يا حبيبتى من كل شر يا رب

الاروع مرورك يا غاليه

جربى وقوليلى :biggrin:

[#ام سلمى# 1]

السلام عليكم ورحمة الله وبركاته

 

ما شاء الله

 

تسلم ايديك يا قمر

 

شكلها روووووعة

وعليكم السلام ورحمه الله وبركاته

تسلميلى على مروك يا غاليه

اسعدتينى بتواجدك

تسلمى من كل ردى يا سوسو يا قمورة ...زاشكرك على ترحيبك الجامد بيا.زباين عليك حبوبه وعسوله هجربها واقولك يا نور عينى ادعيلى

ربنا يخليكى يا قمرى

كلامك دا وسام على صدرى ربى يخليكى لى

احبك فى الله

جربيها ان شاء الله وهتدعيلى :biggrin:

[محبة لربها، ادعوا لي بالثبات 72]

اشكرك و خدى البوسه دى ممممممممممواه

[موده واخاء 417]

انتى فين ياشيمووووووووو

[أم ربعي 21]

جزاكم الله خيرا وتسلم إيدك انا برضه بعملها وتطلع في منتهى الجمال

لكن انصحك تعمليها بكيكة الاسفنجية احسن

بتبقى هشة اكتر واكتر

[انوار القلوب 1]

السلام عليكــم ورحمـة الله وبركاتــة ،،

سلمت يداكى ياقمر شكلها تحفة :icon15: