๑.๑ حفلتى لزوجى بالصـــــور ๑.๑

[ساجدة للرحمن 2049]

الموضوع وصل إلى من أخت لا تريد الإعلان عن نفسها ..فجزاها الله خيرا

بسم الله الرحمن الرحيم

حبيباتى فى الله

عذرا لم أحب أن أصرح بشخصى..

ولكن أحببت أن أوصل لكن الفائدة..فأنتن أخواتى فى الله غاليين علىّ وأحب لكن كما أحب لنفسي..

 

سمعت كثيرا عن الزوجات اللواتى يقمن بالاحتفال بعيد الزواج أو عيد ميلاد الزوج..أو أى مناسبة مما حرمها ديننا..فكما تعرفون أن هذه المناسبات ليست من الدين ولا يجوز لنا الاحتفال إلا بالعيدين الفطر والأضحى..

ففكرت أن أحتفل مع زوجى بدون مناسبة

لكن أعملها له مفاجأة..

لأن أكيد المفاجأة بتفرح أكثر من إنه يكون عارف إنه فيه حفلة..

المهم حعرض عليكم بالتفصيل عملت ايه..

وأرجو إن كل واحدة فيكم تحاول تطبق اللى أنا عملته وتحتفل لزوجها حبيبها وتدخل السرور على قلبه..

أولا يا حبيباتى أحضرت (كيسين ورد مجفف لونين مختلفين _أصفر وبرتقالى _ + متر تل أحمر اشتريته من محلات الأقمشة + طبق خوص كان عندى من قبل..ويمكن استبداله بأى طبق ولو بلاستيك المهم يكون شكله شيك أو انتى تزينيه..+هدية لزوجى عبارة عن زجاجة عطر لأن عطوره كلها خلصت مع بعض فانتهزتها فرصة وفاجئته بها)

على فكرة يا حبيباتى الحاجات دى مش مكلفة خالص..كيس الورد المجفف ب1.50 جنيه والكبير منه ب2.50 جنيه

ومتر التل ب4 جنيه

وكمان الحاجات دى مش بتترمى..يعني ممكن تستعمليها بعد كده فى أى حفلة أو فى تزيين غرفتك فى الأيام العادية..

 

 

تانى خطوة عملتها إنى فرشت سريرى بالملاية البيضا بتاعة ليلة زفافى_متزوجة من أكتر من خمس سنوات والحمد لله_(ودى مش بفرشها غير فى المناسبات لأنها غالية على أوى..بتفكرنى بأحلى ذكرى)..وجبت الورد المجفف ورسمت به قلبين جوه بعض فى وسط السرير ثم فى آخره كتبت بالورد المجفف برضه أول حرف من اسمى وأول حرف من اسمه وعملت بينهم قلب حبنا ^____^

 

والصورة أكيد مبينة كل حاجة..

 

 

تالت حاجة قصيت ورق كارتون كانسون وينفع العادى برضه..قصيته على شكل قلب وكتبت عليه كلمات لزوجى الغالي..حقولكم كتبت ايه علشان الصورة مش واضحة أوى..

(حبيب قلبي..زوجى الغالى..

أنت نعمة من ربى..حفظك الرحمن لى..

أحبك من أعماق أعماقى..وأتمنى لك السعادة والفرح والسرور..

أحبك أحبك أحبك

زوجتك....

وغلفت هديته ووضعتها فى الطبق الخوص ووضعت حولها ورد مجفف برضه..علشان شكلها يبقى أحلى..

 

 

 

رابع حاجة يا غاليات إنى اتفقت مع محل حلوانى إنه يعملى تورتة صغيرة ويكتب عليها اسمى واسم زوجى..للأسف الآنسة هناك اتصرفت من نفسها وخليته يكتب لى عيد ميلاد سعيد..

ثم اسمى واسمه..بصراحة زعلت كمان لأنى على بال ما روحت بالتورتة كان الكلام سايح ومش واضح..

أنا بلفت نظركم علشان تآخدوا بالكم من الحاجات دى لما تيجوا تشتروا..

ونصيحة لو انتى شطوورة فى صنع التورتات فلا تتعاملى أبدا مع المحلات..بل اعملى بيدك وستكون أجمل..

المهم وضعت التورتة وحولها ورد مجفف..

 

 

خامس حاجة فرشت المفرش التل على ترابيزة عندى..ووضعت عليه التورتة والهدية والقلب اللى فيه الإهداء والأطباق والشوك..

وأحضرت صواريخ التورتة(ودى برضه مش غالية..سعرها 3.50جنيه فيها كتير وأنا محتجتش غير اتنين)..وهى عبارة عن صورايخ بتولعيها بالولاعة زى الشمعة فتصدر فرقعات وأضواء جميلة..

 

 

بس كده..وطفيت النور وقفلت الأوضة..بصراحة خفت ولادى يصحوا من النوم و يدخلوا غرفتى ويلعبوا فى حاجة..

وكان زوجى عنده ضيوف فى حجرة الاستقبال وده ساعدنى إنى أحضر بدون ما يشعر بى..

ولما الضيوف مشوا ناديته وقلت له عملالك مفاجأة فى غرفة النوم ^_*

 

وكنت كاتبة على الباب.."الدخول للمتزوجين فقط"

ههههههه

_على فكرة أطفال صغيرين وميعرفوش يقرأوا..لأحسن تكتبوا كده وولادكم كبار وتبقى مشكلـــــــــة.._

 

 

بصراحة زوجى اتفاجىء جدا..ومكنش متصور إن المفاجأة كبيرة كده..والحمد لله فرح جدا بالمفاجأة دى وبالهدية كمان لأنه كان محتاجاها..

_حبيبتى الزوجة لو محتارة فى هدية زوجك:

فكرى هو محتاج ايه..يعني مثلا زوجى كان محتاج عطور..

فى أخوات زوجها مثلا محتاج قمصان خروج أو بيجامات..أو أدوات مكتبية لو زوجك من محبى الأقلام وكده..ممكن تجيبيله مجموعة أقلام شيك بإذن الله يفرح بيها..

أنا قلت كده لأننا دايما بنحتاار فى نوع الهدية..-

 

أخيرا انتظرونى فى حفلة أخرى بإذن الله..

أتمنى تكونوا استفدتوا من حفلتى ومكونش ضيعت وقتكم..

وأتمنى كمان انكم تطبقوا على قد ما تقدروا..

واحتسبي كل مال تنفقيه فى سبيل إرضاء زوجك وإدخال السرور على قلبه..

واحتسبي كل وقت تنفقيه فى التحضير أو الشراء لذلك.

جزاكن الله خيرا

والسلام عليكن ورحمة الله وبركاته

[يالله الجنة 0]

جزاكن الله خيرا

[**نحو غدٍ أفضل** 15]

فكرة حلوة

 

ممكن لما تجوز ابقى اعملها لجوزى

 

بس يارب افتكر الحاجات الحلوة دى كلها

 

أنا ذاكرت كتير بس خايفة انسى

 

جزاك الله خيراً على الموضوع الجميل

[الاء القدوس 18]

افكار رائعة لما اتجوز اعملها ان شاء الله

اسالكن الدعاء

[ديوان فؤاد 0]

ماشاء الله ربنا يهنيكم ويسعدكم ويكتبلك ده في ميزان حسناتك

هو انا كنت عامله فكره شبه دي شويه كان زوجي راح يزور اهله يوم واحد بس يعني ورجع تاني يوم فانا برده حضرتله مفاجاه

هاوريهالكم بالصور شيلت سجادة الصاله وعملت الحاجات دي

واول مافتح باب الشقه شغلت النشيد بتاع كنا بنستنا من زمان الحمد لله على السلامه بتاع طيور الجنه

وكنت مولعه الشمعدنات على السفره وطافيه الانوار

معلش صوري حجمها كبير اوي فلازم تتنزل كملفات مرفقه مابتترفعش مباشرة

 

 

 

تم تعديل 23 مارس, 2010 بواسطة ساجدة للرحمن

[راماس 860]

وعليكم السلام ورحمة الله وبركاته،،

رائـــــــــــــــــــــع الفكرة رائعة ومميزة

علم وينفذ:)

[بسمة الرضى 182]

وعليكم السلام ورحمة الله وبركاته،،

رائـــــــــــــــــــــع الفكرة رائعة ومميزة

علم وينفذ:)

ههههه

علم لكنّه صعب التنفيذ :)

[**حنين للجنة** 16]

وعليكم السلام ورحمة الله وبركاته،،

رائـــــــــــــــــــــع الفكرة رائعة ومميزة

علم وينفذ:)

ههههه

علم لكنّه صعب التنفيذ :)

 

 

هو فعلا صعب التنفيذ خصوصا لوحدة مثلى عندها طفل صغير ووبينام بالنهار وبيصحى بالليل

الله المستعان

[ام رميساء و جنى 16]

ما شاء الله تبارك الله

 

رائع جدااا

 

ربنا يسعدكم ياااااااارب

 

بارك الله فيك اختي

[بنت ام عبد 151]

السلام عليكم ورحمة الله وبركاته،،

افكار حلوه وان شاء الله احاول انفذ ولو جزء منها بس حقيقي افكار جميله واكيد تسعد الزوج بس مشكلتي اني لا اخرج بمفردي اطلاقا

زوجي يشتري لنا الطلبات ويصطحبنا لشراء لوازمنا كيف احضر له هديه ؟ او ارتب حفله ؟

ممكن اعمل حلويات بالمنزل في اخت عندها اقتراح لحل المشكله دي .

[ام حلا 6]

بنت ام عبد ممكن تخلي اي حد من خواتك يشتري ليك شئ من غير علمه

 

الفكرة جميلة و الموضوع اجمل

جزاكن الله خير

[محبة لربها، ادعوا لي بالثبات 72]

عارفين؟انا زوجى لو عملت كده هيودينى هيشك فى قواى العقليه وممكن يودينى العباسيه ههههههههههه شخصيته كده ههههههههههههههه

[* قدوتي عائشة* 60]

السلام عليكــم ورحمـة الله وبركاتــة ،،

 

أفكار رائعة أختي بارك الله فيك

جميل جدا أن نجعل من أي يوم حفلة نحتفل فيها مع أزواجنا

[* قدوتي عائشة* 60]

السلام عليكم ورحمة الله وبركاته،،

افكار حلوه وان شاء الله احاول انفذ ولو جزء منها بس حقيقي افكار جميله واكيد تسعد الزوج بس مشكلتي اني لا اخرج بمفردي اطلاقا

زوجي يشتري لنا الطلبات ويصطحبنا لشراء لوازمنا كيف احضر له هديه ؟ او ارتب حفله ؟

ممكن اعمل حلويات بالمنزل في اخت عندها اقتراح لحل المشكله دي .

 

 

حبيبتي بالنسبة للتورتة ممكن تعمليها بنفسك بالبيت و تزينيها على ذوقك و أكيد زوجك يفرح بيها أكثر من تاع المحل

بالنسبة للوازم الأخرى ممكن توصي شخص أخر يجيبهالك

حاولي و ان شاء الله موفقة

[ام الاشبال 3]

السلام عليكم ورحمة الله وبركاته،،

افكار حلوه وان شاء الله احاول انفذ ولو جزء منها بس حقيقي افكار جميله واكيد تسعد الزوج بس مشكلتي اني لا اخرج بمفردي اطلاقا

زوجي يشتري لنا الطلبات ويصطحبنا لشراء لوازمنا كيف احضر له هديه ؟ او ارتب حفله ؟

ممكن اعمل حلويات بالمنزل في اخت عندها اقتراح لحل المشكله دي .

 

 

:closedeyes: انا زيك كده يا بنت ام عبد

 

بس على مين بنعرف نصرف برضوووو :biggrin: هو يجيب اللى انتى عاوزاه وقوليله عاوزاها لحاجات فى المطبخ

 

اما الورود والهدايا دى بقا لو اخت او صديقه توصيها تجيبهالك

 

انوى انتى بس وربنا هيسهلهالك يا قمر

[ساجدة للرحمن 2049]

السلام عليكم ورحمة الله وبركاته،،

بارك الله فيكن يا غاليات

وجزى الله خيرا الحبيبة صاحبة الفكرة

[الحبيبة أم عبد الله 0]

جزاكي الله خيرا مشرفتي الغاليه

موضوع جميل وقد فعلته فعلا مع زوجي اول متاكدة من حملي لاني كنت عند امي وعندما رجعت بيتي قمت باعداد حفله ضغيره له عند قدومه من العمل تاني يوم وكانت مفاجاه جميله

[مروة المسلمة 0]

ما شاء الله لا قوة إلا بالله

أفكار رقيقة جدااااااا

[أحزنتنى ذنوبى 2]

ياسلام على الرومانسية فكرتونى بنفسى زمان عموما نصيحتى لكن اللى تعرف تعمل الحاجات دى قبل الولاد ماتكبر الله يقويها واللى زينا الله يعنها

[عبــاد الرحمن 165]

السلام عليكم ورحمة الله وبركاته،،

 

حفلة رائعة

 

ما شاء الله افكار جميلة جدا

 

جزاكي الله خيرا اختي صاحبة الحفلة وجزاكي الله خيرا ساجدة للرحمن لعرضك للموضوع

 

فعلا لازم كل واحدة متزوجة تججد في حياتها الزوجية مع زوجها تخترع كل شوية حاجة متميزة وجديدة علشان ميحصلش الملل بين الزوجين

 

وفكرة الحفلة دي جميلة جدااااا

 

ربنا يبارك لك في زوجك واولادك

[سماح الهلالي 0]

حبيباتي بارك الله فيكم واسعدكم واسعدني مع ازواجنا واعاننا علي اسعادهم وطاعتهم والفكره رائعه بارك الله فيكي اختي انشاء الله سنجربها

[طالبة الهدى والغفران 0]

السلام عليكم ورحمة الله وبركاته،،

 

موضوع رائع بارك الله فيك وأسعدك مع زوجك وأسعدنا جميعاً مع أزواجنا

جزاك الله خيراً

" ربنا هب لنا من أزواجنا وذرياتنا قرة أعين وأجعلنا للمتقين إماما " >> ");} // -->

[ام مصعب 953 0]

بصراحه افكار جميله اوى نفسى اعملها كلها بس اكيد الحفله دى عايزه فستان شيك ومكياج بس هلاقى منين فستان على مقاسى دلوقتى وانا خلاص هولد خلال الاسبوع ده ادعولى اقوم بالسلامه وان شاء الله اعمل الافكار الحلوه دى ربنا يجزيكم خير ويجعلها فى ميزان حسناتكم

[ام مريم وهاجر 16]

ههههههههههههههههههههه

 

والله فكرة رائعة ما شاء الله وتجدد الحب فى البيت وتضيع الملل

 

كل ما الواحد ما يقدم فى الزواج الملل بيزيد

 

بس قليلى يا اخت اودى الاربع عيال فين ههههههههههههه

 

ما تخدهمش سلف هههههههههههههههه

 

احبك فى الله يا غالية فكرة رائعة

[أم نرفانا 2]

جزاك الله خيراًحبيبتى ساجدة الفكرة أكثر من رائعة وللعلم الزوج يمل سريعاً فمن الضرورى كسر روتين الحياة

 

 

ببعض هذه الافكار الجميلة البسيطة التى تحرك المياه الراكدة...