ஓهل تلعبين مع ☼أولادك☼ تعالى احكيلناஓ

[~ماريا~ 1340]

موضوع كتير جميل وحلو

انا اولادي

عمر 6 سنينوشهرين

وعلي 4 سنين الا شهر

وهما ضغنين كنت العب معهم اللعب الخفيفه زي الزغزغه كدا

اما الان فلا العب كتيرا لكن والدهم يقوم بالواجب وزياده

هههههههه

كل يوم يخصص وقت ليهم ويلعبو

المكعبات الاستغمايه الرسم كوره الظابط والحرامي

كتير جدااا مببقاش طيقاهم بصراحه

ههههههههههههه

اما انا بقي فبنسبلهم امنا الغوله

مزاكره فقط

هههههههههههههههههههه

والدهم ربنا يبارك فيهم احن عليهم مني انا شديده شوي من كتر العصبيه

ادعولي اخواتي

[أم عائشة المصرية 241]

ليه بس كده يا ماريا..

طيب ما تحاولى تشاركيهم وقت اللعب لأنه الأطفال مهما كانوا بيغلسوا طول النهار إلا إنهم بيبقوا متجاوبين أوى وقت اللعب..

يعني لازم انتى تشاركيهم علشان مش تبقى أمنا الغولة زى ما بتقولى...

[**أم مختار** 10]

بوركت ام عائشة موضوع مهم ولفت انتباهى العنوان

 

لانى مقصرة جدا مع أولادى ومعنديش طولة بال

 

وطول اليوم اما شغل البيت او اقرا كتب

 

ولو حد فيهما قاطعنى ازعأ له

 

وساعات نادرا جدا العب معاها واستخبى ويدوروا عليه

 

اوقات اخدهم المول واركبهم عربيات

 

ولكن نادرا جدا ان العب معهم واضحك

 

لذلك اشعر انى ام سيئة

 

البقاء لله حبيبتي عظم الله اجرك وصبركم الله(سامحينى مقصرة)

تم تعديل 17 يونيو, 2011 بواسطة **أم مختار**

[~ماريا~ 1340]

والله حبيبتي انا ما كنت كدا بس من الي الواحد بيشوفه في حياته بقيت عصبيه جدااا ومش بطيق الدلع الزياده

مع ان دا وقتهم في اللعب والدلع والمرح

بس ما عاد عندي خلق لكدا خالص

اوقات اضغط علي نفسي والعب بس احس اني اتخنقت بسرعه بسيبهم

يلا ربنا يسهل ويحسن الاوضاع

[** أم الصبر الجميل ** 98]

السلام عليكــم ورحمـة الله وبركاتــة ،

 

بارك الله فيكِ أم عائشة الحبيبة موضوع حقا رائع .

 

أنا ولله الحمد كنت أحب دائما ألعب مع أولادى وذلك لأنهم كانوا بيصعبوا عليا لإن

 

والدهم كان بيبقى مشغول طوال الوقت .

 

بحكم عمله وشغله . فكنت بلعب معاهم لعبة القطر أقف وأحدهم ماسك ديل البلوزة بتاعتى وبسملة تمسك فى تيشرت عبد الرحمن

 

ومنة مؤخرا بقت معاهم ونعمل قطر وأغنيلهم أنا أقول توت توت ... وهم يردوا عليا ويقولوا قطر صغنطوت ونجري نلف الشقة كلها .

 

لغاية لما أتعب أجرش القطر فى المحطة هههههههههه.

 

وكنا نلعب لعبة أننا أسميهم بأسماء طيور أو حيوانات عبدالرحمن بيحب يبقى الأسد

 

وبسملة تبقى القطة ومنة الله تبقى عصفورة .

 

ونضع إصبع السبابه على الأرض وأنا أقول طلعت أنا والأسد ونزلت لوحدى طلعت أنا والقطة وطلعنا كلنا ونزلنا

 

وألخبطهم لغاية لما يغلط حد فيهم أقيم عليه حكم زي زغزغه أعضعض فيه بضحك نقرص فيه وهكذا .واللعبة دي كانت رائعة

 

جدا ومفيدة حيث علمت الأولاد قوة التركيز وقوة الملاحظة علشان ميغلطش ويقع فيقام عليه الحكم .

 

اللعبة التالتة كنت أكون منهم فريقين فريق فيه عبدالرحمن وفريق فيه بسملة ومنة الله دي عامل مشترك

 

شوية مع بودى وشوية مع بسملة بتكون مع اللي يكسب علشان تأخذ الجائزة معاه .

 

وأنا أعمل مذيعة ومعايا مايك اللعبة بتاعتهم وإننا فى برنامج مسابقات وجايبالهم جوايز شيبسي حلويا أو شيكولاته .

 

وعبدالرحمن ألقي عليه سؤال مثلا أوصفله حيوان وهو يقول إسمه أما بسملة أوصفلها فاكهه معينه وهى تقول إسمها .

 

أو أقول لهم إسم سورة فى جزء عم وهم يسمعوها . أو أسألهم كل منهم يأتى بكلمة تبدأ مثلا بحرف معين .

 

وعبد الرحمن حاليا عنده 6 سنوات وبسملة عندها سبع سنوات ومنة الله عندها تلات سنين ونص .

 

معذرة أني أطلت عليكم .

[ساره أم حمزه 1041]

وعليكم السلام ورحمة الله وبركاته

انا قرات اخر رد

ههههههههه ام الصبر الجميل

ما شاء الله عليك وربنا يباركلك فيهم

ألعاب جميله وعجبتنى الصراحه

هاكمل قراءة بقى إن شاء الله

[** الفقيرة الى الله ** 985]

السلام عليكم ورحمة الله وبركاته

 

كنت أبحث في النت عن اللعب مع الأطفال فرأيت هذا الموضوع في منتدانا الحبيب فدخلت مسرعة وقرأت كل الصفحات واستفدت كثيرا صراحة

جزاكِ الله خيرا أم عائشة الحبيبة وجزى جميع الأخوات اللواتي شاركن خير الجزاء ()