اذهبي الى المحتوى
راغبة بالفردوس

**متميز**شعري ضنايا:سايبني ورايح فين؟؟؟؟برنامج يوم ورا يوم لتربية الشعر

المشاركات التي تم ترشيحها

السلام عليكــم ورحمـة الله وبركاتــة ،،

 

طبعاً انا زعلانه جداً ان مفيش مشاركات ،لدرجه ان قررت ما أكمل النصائح لاني حاسه ان مالهاش فايده

 

لكن المشرفه جزاها الله خيراً أعطت موضوعي وسام التميز

 

لذلك قلت أكتب نصيحه اليوم وأشوف هتشاركوني ولا ايه؟؟؟؟؟؟؟

 

نيجي للمفيد

 

 

النصيحه الرابعه

 

 

هي حاجه متعبه شويتين

 

بس مهمه جدا جدا جدا جدا

 

مطلوب من كل واحده تحليل نسبة الهيموجلوبين في الدم؟؟؟

 

لان فقر الدم "(الانيميا") من اهم اسباب ضعف الشعر

 

واحنا اتفقنا نلتزم علشان نتعالج صح

 

في اي معمل او مستشفى تروحي تحللي ونشوف النتيجه يا قمرات

 

انا عارفه انكم هتخنقوني بس انا عايزة المصلحه مش اكتر

 

وهو ده الاختبار الحقيقي ليكم ؟؟

 

هنشوف مين نفسه يتعالج فعلا ومين عادي مش فارقه معاه

 

وانا مش عايزة غير الجادين ويهمني تكون بفايده والله

 

اشوفكم بكرة ان شاء الله تقولولي جبتوا البانتوجار ولا لا؟؟

 

وبعدها تكونو حللتوا والنتيجه ظهرت كمان

 

منتظراكم

 

ارجوكم متزعلوش مني

 

انا بحبكم والله زي اخواتي

 

ومش عايزة غير ان تعبكم يكون بفايده

 

وبتعامل معاكم بمنتهى الصدق والامانة

 

منتظراكم

 

 

 

انا مش عايزاكم تضيعو وقتكم على الفاضي

 

انتظروني في باقي النصائح ان شاء الله

 

ومنتظرة منكم التنفيذ باذن الله تعالى

شارك هذه المشاركه


رابط المشاركه
شارك

ياه ازاى الموضوع ده فاتنى

ده رائع جدا وهطبق ان شاء الله

كنت عامله تحليل قريب وكان 14

وباكل سلطه كتيرهو الحمد لله حلو

بس نفسى يطول لو تفدينا ازاى يطول

بس موضعك يستحق التميز

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

معاكي ان شاء الله لان ضنايا غالي عليا اوووووووووووووووووووووووووووووووووي

post-122034-1272129122.gif

شارك هذه المشاركه


رابط المشاركه
شارك
ياه ازاى الموضوع ده فاتنى

ده رائع جدا وهطبق ان شاء الله

كنت عامله تحليل قريب وكان 14

وباكل سلطه كتيرهو الحمد لله حلو

بس نفسى يطول لو تفدينا ازاى يطول

بس موضعك يستحق التميز

 

شكراً لكي ياعسل مرورك

ايوه كدا ورونا الهمه

 

وتابعي معانا يارحوله عشان ضناكي يطول ويبقي صحي :icon_eek:

شارك هذه المشاركه


رابط المشاركه
شارك
السلام عليكــم ورحمـة الله وبركاتــة ،،

معاكي ان شاء الله لان ضنايا غالي عليا اوووووووووووووووووووووووووووووووووي

 

 

والسلام عليكــم ورحمـة الله وبركاتــة ،،

 

الله يبارك في مرورك ياجميل ،وعطرتي الصفحه ياعطوره :icon_eek:

شارك هذه المشاركه


رابط المشاركه
شارك

معلش ليه سؤال لحسن شكلك متخصصه

ادهن شعرى كريم ولا زيت انهى افضل ؟؟؟

طيب كام مره ؟؟

والتسريح كام مره فى اليوم؟؟

لو مجربه انواع كريمات او زيت حلو افدينى؟

طيب لوعايزه الفه طقيه وهو مبلول اعمل ايه؟؟

كام مره اغسله ؟كل كام يوم يعنى؟؟

معلش زعجتج اسئله انا اسفة وساتابع حتى النهايه

عشان نعمه ربنا الشعر نعمه غاليه قوى قوى قوى

شارك هذه المشاركه


رابط المشاركه
شارك

'رحيل القمر' date='Apr 24 2010, 08:27 PM' post='2818362']

معلش ليه سؤال لحسن شكلك متخصصه

ههههههههه ، لا والله مش متخصصه ولا حاجه ، الموضوع ده انا ناقلاه مع نعض التعديلات

 

ادهن شعرى كريم ولا زيت انهى افضل ؟؟؟

طيب كام مره ؟؟

أنا أعتقد ان الزيوت أفضل لانها طبيعيه

 

والتسريح كام مره فى اليوم؟؟

 

انا ذكرت انه 100 مره تقريباً

لو مجربه انواع كريمات او زيت حلو افدينى؟

طيب لوعايزه الفه طقيه وهو مبلول اعمل ايه؟؟

 

دي بقي علمي قليل فيها ، بس انا دائماً أستعمل زيت زيتوت

 

كام مره اغسله ؟كل كام يوم يعنى؟؟

 

لو في الشتاء يبقي مرتين في الاسبوع ، أما في الصيف 3 مرات ،

هذا علي حد علمي ، ولو حد عنده إضافع ياريت يذكرها

 

معلش زعجتج اسئله انا اسفة وساتابع حتى النهايه

عشان نعمه ربنا الشعر نعمه غاليه قوى قوى قوى

 

لا والله ياحبيبه قلبي ، بس اتمني أكون أفدتك ولو 50%

شارك هذه المشاركه


رابط المشاركه
شارك

ده انتى افدتينى ميه فى الميه

اشكرك جدا جدا وربنا يوفقك

ويكرمك يارب

بس انا شعرى من الامام فقط

مقصف كتير وبقيته لا اعمل ايه

ربنا يارب يحسن شعورنا كلنا قولوا

امين

شارك هذه المشاركه


رابط المشاركه
شارك

اية الموضوع الروعة دة ولا الاسلوب بيشجع على الفعل

لان ضنايا فعلا محتاج اهتمام لانى بدات اهملة من فترة انا بدأت فعلا فى التسريح والحمام وان شاء الله اعمل التحليل ويارب فعلا استفيد من موضوعك ياجميلة ياراغبة

وانى احبك فى الله ....................

شارك هذه المشاركه


رابط المشاركه
شارك
السلام عليكــم ورحمـة الله وبركاتــة ،،

معاكي ان شاء الله لان ضنايا غالي عليا اوووووووووووووووووووووووووووووووووي

 

وعليكم السلام ورحمه الله وبركاته

 

جزاكي الله خيراً حبيبتي أمه الله حنان علي التفاعل

شارك هذه المشاركه


رابط المشاركه
شارك
اية الموضوع الروعة دة ولا الاسلوب بيشجع على الفعل

لان ضنايا فعلا محتاج اهتمام لانى بدات اهملة من فترة انا بدأت فعلا فى التسريح والحمام وان شاء الله اعمل التحليل ويارب فعلا استفيد من موضوعك ياجميلة ياراغبة

وانى احبك فى الله ....................

 

مرورك هو الاروع يا أم يوسف

وجزاكي الله خيراً علي مشاركتك وإستجابتك للنصائح والطلبات :biggrin:

 

وأحبكِ الله الذي احببتيني فيه

والسلام عليكــم ورحمـة الله وبركاتــة ،،

شارك هذه المشاركه


رابط المشاركه
شارك

مبروك يا دودى على التميو والله تستاهلى

 

موضوع رائع ومغيد

 

بارب شعرنا بقوى كلنا ويبقى جميل

 

لى سؤال ادوية الحديد متوفرة فى جميع الصيدليات وخصوصا البنتوجار

 

احب اضيف معلومة شرب الماء مهم جدا جدا لانه مهم للجلد بيخلى ناعم ولو فيه حبوب بيساعد غلى ترطيب البشرة وكمان قوية فمابلك بجلد الراس لازم نشرب 8 اكواب ماء بعنى 2لتر مياه والتقليل من الكافين الذى يعد من اعم الاسباب لسقوط الشعر لانه بقتل خلايا الحديد وكمان بينشف المياه فى جسمنا لذلك ينصح خبراء التغذية اذا شربت كوب من الشاى او القهوة او البيبسى والكولا لابد تشربى امامه كوبين من الماء لتعويض ما يفعله الكافين فى جسم الانسان من جفاف

 

ايضا شرب 8 اكواب يساعد على التخلص من الهالات السوداء

 

شكرا لكى راغبة الفردوس على اتاحة لى الفرصة والمشاركة فى موضوعك الجميل

شارك هذه المشاركه


رابط المشاركه
شارك

name='دانة الاسلام' date='Apr 24 2010, 11:10 PM' post='2818560']

مبروك يا دودى على التميو والله تستاهلى

الله يبارك فيكي ياسموره وعقبال عندك إن شاء الله :biggrin: :biggrin:

 

موضوع رائع ومغيد

 

بارب شعرنا بقوى كلنا ويبقى جميل

 

لى سؤال ادوية الحديد متوفرة فى جميع الصيدليات وخصوصا البنتوجار

 

احب اضيف معلومة شرب الماء مهم جدا جدا لانه مهم للجلد بيخلى ناعم ولو فيه حبوب بيساعد غلى ترطيب البشرة وكمان قوية فمابلك بجلد الراس لازم نشرب 8 اكواب ماء بعنى 2لتر مياه والتقليل من الكافين الذى يعد من اعم الاسباب لسقوط الشعر لانه بقتل خلايا الحديد وكمان بينشف المياه فى جسمنا لذلك ينصح خبراء التغذية اذا شربت كوب من الشاى او القهوة او البيبسى والكولا لابد تشربى امامه كوبين من الماء لتعويض ما يفعله الكافين فى جسم الانسان من جفاف

 

ايضا شرب 8 اكواب يساعد على التخلص من الهالات السوداء

 

شكرا لكى راغبة الفردوس على اتاحة لى الفرصة والمشاركة فى موضوعك الجميل

 

 

شكراً ليكي علي المعلومات اللي قلتيها يا دندونه ، وياريت أي واحده من الاخوات عندها إضافه تقولها برده

عشان كلنا نستفيد

 

نورتي الصفحه يادانه :icon17: :icon17: :icon17:

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

أخيتي الكريمة:)

جزاكِ الله خيرًا وبارك الرّحمن فيكِ على المعلومات المفيدة ..

 

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

أخيتي الكريمة:)

جزاكِ الله خيرًا وبارك الرّحمن فيكِ على المعلومات المفيدة ..

 

 

وعليكــم السلام ورحمـة الله وبركاتــة ،،

 

جزانا الله وإياكي مشرفتي الغاليه

 

وسعدت بمرورك ومشاركتك الطيبه المباركه

شارك هذه المشاركه


رابط المشاركه
شارك

 

السلام عليكــم ورحمـة الله وبركاتــة ،،

 

بسم الله الرحمن الرحيم

 

انا مش عارفه اشكركم ازاي على اهتمامكم وتواصلكم معايا

 

 

وتنفيذ النصائح تماااااااااااام

 

 

وهراجع عليهم بسرعه

 

 

الاولى.... التسريح بمشط خشب والاهتمام بتسريحه بطريقه مختلفه براحه جدا لمدة خمس دقايق ويا ريت تراعم تغيروا الطيقه غيروا الفرق

مرة يمين مره شمال وهكذا

 

 

التانيه...... قص التقصيف اي تقصيف مالوش علاج غير القص ايوة ممكن بعد كده مع الاهتمام هنتجنب التقصيف

لكن الموجود خلاص ليس له علاج ولو ماتقصش بيدمر باقي الشعر

 

 

التالته........ البانتوجار والسلطه الخضرا

 

 

الرابعه...... تحليل الهيموجلوبين

...................................

 

 

طبعا اللي حلل من فترة وكان 13 او 14 خلاص

 

 

اللي حلل وكان اقل ومتعالجش يتبع معايا اللي هقوله عن الانيميا بس مش النهارده

 

 

اللي محللش يا ريت يحلل وبالذات لو شفايفك بيضا او الجفن السفلي من جوة مش لونه احمر

ده دليل على وجود الانيميا

 

النصيحه الخامسة

 

 

الكارثة الازليه

 

 

التساقط

 

 

تقريبا كلكم بتعانوا منه

 

 

ان شاء الله هنقضي عليه تماما

 

 

بس النصائح اللي فاتت مهمه جدا جدا جدا للقضاء على التساقط

 

اسباب تساقط الشعر

 

1- الحمل :تساقط الشعر لايكون اثناء الحمل يكون بعد الولاده بتلات شهور او شهرين

لكن السبب هو الحمل لان الشعر بيدخل مرحلة سكون نتيجة تغير الهرمونات والاهتمام بالغذاء والفيتامينات مهم جدا لتقليل الخسائر

 

 

2- التعرض للحمى او الانفلونزا او الالتهابات الجرثومية: نجد بعد فترة 6 اسابيع او تلاته شهور

حدوث تساقط بسبب هذه الامراض وبنكون مش مدركين ايه السبب

 

 

3- قلة البروتين في الطعام : واضحه طبعا

 

 

4- استخدام بعض الادوية مثل : مضادات التجلط ومضادات الاكتئاب و علاج النقرس والتهاب المفاصل وبعض ادوية امراض القلب وارتفاع ضغط الدم

 

 

5- اقراص منع الحمل : قد تكون سبب من اسباب تساقط الشعر

وبعض الحالات عند التوقف عن استخدام اقراص منع الحمل يحدث تساقط للشعر يزول بعد ست شهور كما يحدث بعد الولادة نفس الفكرة

 

 

6- انخفاض الحديد : واضحة طبعا

 

 

7- التعرض لعمليه جراحيه يحدث بعدها تساقط بشهرين او تلاته ويتوقف تلقائيا

 

 

8- تساقط وراثي: يظهر في فترةالمراهقه او العشرينات او التلاتينات وممكن يكون من ناحية الام او الاب

 

 

9- الفرد والصبغات

 

 

10- تصفيف الشعر بطريقه غير مناسبه :تسريحات يكون فيها الشعر مشدود ذيل الحصان او شد الضفيرة

 

 

طبعا معدل التساقط الطبيعي من 50 الى 100 شعرة في اليوم

علاج تساقط الشعر

 

طبعا اولا/ تجنب الاسباب

 

 

ثانيا/ الاهتمام بالتغذيه والفيتامينات والسلطه الخضرا

 

 

ثالثا/ معالجه الانيميا

 

 

رابعا/ العلاج الموضعي انا هرشحلكم طريقتين واحده طبيعيه والتانيه مستحضر من الصيدليه

 

 

استخدموا حاجه واحده منهم بس

 

 

وانا افضل مستحضر الصيدليه لسهولة الاستعمال

 

الطريقه الطبيعيه الزعتر

 

 

يطحن تماما وتؤخذ ملعقه في كوب ماءساخن وتنقع 24 ساعه ثم تصفى وتستخدم

عند النوم في تدليك الشعر وتترك على الشعر وتغسل صباحا او لا اختياري وتكرر يوميا

والمنقوع يكون طازج

 

 

المستحضر الطبي

 

 

لوسيون دورين من لونا

 

 

موجود للشعر الجاف والدهني كل واحد على حسب نوع شعره

 

 

يستخدم في تدليك الشعر يوميا

 

 

مع اتباع الارشادات على العلبه ويفضل استخدام شامبو لونا بالبانثينول معاه اثناء فترة العلاج

 

 

فترة العلاج 8 اسابيع

 

 

على فكرة اللي عندهم قشره الشعر هتروح ان شاء الله مع المستحضرات ده سواء الزعتر او دورين

 

 

السعر في متناول الجميع

 

 

العبوة الكبيرة ب 12 جنيه ممكن تستمر عشرة ايام او اسبوعين ومحدش يجيب الصغيرة لانها بتخلص بسرعه

والشامبو في نفس السعر تقريبا

 

 

طبعا المستحضرات كتييييييييييير ،لكن أعتقد إن ده كويس جدا جدا

 

 

وسعره كمان كويس جدا جد

 

................................

ومنتظرة منكم التفاعل

 

 

النصيحه النهارده مهمه جدا

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

ماشاء الله

ربنا يباركلك يا راغبه

دا أنا بقول لشعرى (انا لله وانا اليه راجعون)

منظره تحفه فعلا وخصوصا أنا زواجى بعد5 شهور تقريبا :,(

مش عارفه أعمله ايه

هطبق ان شاء الله وأتأكد من وجود الأنيميا

الله المستعاان

 

دعواتك ياقمر ^_^

شارك هذه المشاركه


رابط المشاركه
شارك
السلام عليكم ورحمة الله وبركاته،،

 

ماشاء الله

ربنا يباركلك يا راغبه

دا أنا بقول لشعرى (انا لله وانا اليه راجعون)

منظره تحفه فعلا وخصوصا أنا زواجى بعد5 شهور تقريبا :,(

مش عارفه أعمله ايه

هطبق ان شاء الله وأتأكد من وجود الأنيميا

الله المستعاان

 

دعواتك ياقمر ^_^

 

 

وعليكــم السلام ورحمـة الله وبركاتــة ،،

 

بارك الله فيكِ حبيبتي علي مرورك ومشاركتك

 

والحمد لله ، لسا فاضل وقت علي فرحك عشان تلحقي توضبي ضناكي :biggrin:

 

وان شاء الله النصائح دي كلنا ننفذها عشان شعرنا يرجع ذي الاول وأحسن

 

وربنا يتمم لكِ علي خير ان شاء الله ،وأهم حاجه تعزمينا علي الفرح هههههههه

شارك هذه المشاركه


رابط المشاركه
شارك

نصائح فى غايه الاهميه بصراحه اعترف بجمال الموضوع

بس اسالك مش كتره التسريح تخرب الشعراو تقصفو؟؟؟

طيب ايه فوائد كتر ه التسريح؟؟

اكرر شكرى يارغوبه

شكرا شكرا وساظل متابعه

شارك هذه المشاركه


رابط المشاركه
شارك
نصائح فى غايه الاهميه بصراحه اعترف بجمال الموضوع

بس اسالك مش كتره التسريح تخرب الشعراو تقصفو؟؟؟

طيب ايه فوائد كتر ه التسريح؟؟

اكرر شكرى يارغوبه

شكرا شكرا وساظل متابعه

 

السلام عليكــم ورحمـة الله وبركاتــة ،،

 

الحمد لله يارحوله ان الموضوع عجبك وبتتابعيه

أما عن كثره التسريح (فعن تجربه عندما كنت أسرح شعري بالمشط البلاستيك كان بيقع شعر كتير وخاصه

اني كنت بسرحه بعنف ، أما الان فأنا أنفذ هذه النصائح مثلكم تماماً وصرت أسرح شعري بالمشط الخشب

وبالطريقه المذكوره أنفاً والحمد لله الفرق ملحوظ في مقدار الشعر اللي بيقع )

 

وللعلم لا تسرحي شعرك بطريقه مبالغ فيها ولا تزيدي عن 5 دقائق ،فخير الأمور الوسط :icon15:

 

يارب اكون وصلتلك المعلومه صح :rolleyes:

 

وأهم حاجه تدعولي :biggrin:

شارك هذه المشاركه


رابط المشاركه
شارك
(فعن تجربه عندما كنت أسرح شعري بالمشط البلاستيك كان بيقع شعر كتير وخاصه

اني كنت بسرحه بعنف ، أما الان فأنا أنفذ هذه النصائح مثلكم تماماً وصرت أسرح شعري بالمشط الخشب

وبالطريقه المذكوره أنفاً والحمد لله الفرق ملحوظ في مقدار الشعر اللي بيقع )

يا عينى !!

دا المسط البلاستيك رفيق شعرى من زمن

من بكره ان شاء الله يكون المشط الخشب عندى

بس أحيانا بحس ان الفرشه بتنعشه أكتر >>هى برده مُضره ؟؟

 

 

عملت التحليل وهشوف النتيجه بكره ان شاء الله وربنا يُستر

 

 

شئ كمان بدأت أعمله لشعرى من أكتر من أسبوع وحاسه بفرق فعلا:

إشتريت خلطة زيوت للشعر من عند العطار ومكونه من7 أو 8 أنواع زيوت (سمسم ولوز وجوز هند ونخاع وجرجير وخروع وزيت زيتون ..)وضعه على شعرى بعد غسله وأدلك بيه شعرى ..حاسه انه بيلمع الشعر وصار أقوى والتساقط بدأ يقل

 

كمان تجربه : عرفت من فتره ان زيت الخروع لوحده بتدليكه لفروة الرأس بيطول الشعر ويكثفه ويعيد انبات التالف

وبرده بدأت أجربه والحمد لله

 

 

دعواتك بئه حبيبتى وطبعا انتوا معزومين عالفرح ..بس تيجوا ^___^

 

بانتظار باقى النصائح

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

عفواً ياجماعه اتأخرت عليكوا ، بس والله كان في ظروف خارجه عن ارادتي هي اللي أخرتني

وان شاء الله مااتأخرش عليكو تاني....

يا عينى !!

دا المسط البلاستيك رفيق شعرى من زمن

من بكره ان شاء الله يكون المشط الخشب عندى

بس أحيانا بحس ان الفرشه بتنعشه أكتر >>هى برده مُضره ؟؟

 

ههههههه وكنت عايزه تستخدمي الفرشه كمان ،دا انتي كنتي عايزه تقضي عليه خالص

 

عملت التحليل وهشوف النتيجه بكره ان شاء الله وربنا يُستر

 

ان شاء الله هتطلع كويسه ،واللي هيلاقوا عندهم أنيميا انا محضره حلقه ليها بس مش النهارده

 

شئ كمان بدأت أعمله لشعرى من أكتر من أسبوع وحاسه بفرق فعلا:

إشتريت خلطة زيوت للشعر من عند العطار ومكونه من7 أو 8 أنواع زيوت (سمسم ولوز وجوز هند ونخاع وجرجير وخروع وزيت زيتون ..)وضعه على شعرى بعد غسله وأدلك بيه شعرى ..حاسه انه بيلمع الشعر وصار أقوى والتساقط بدأ يقل

 

فعلاً انا عندي فكره ان خلطه الزيوت دي مفيده جــــــــــــــــــــــــــــداً للشعر

 

 

دعواتك بئه حبيبتى وطبعا انتوا معزومين عالفرح ..بس تيجوا ^___^

 

:cool: :smile: :unsure:

 

بانتظار باقى النصائح

 

حاضر حالاً هكتبها..........

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

مراجعه سريعه..

 

طبعا تسريح الشعر(ضناكي) مهم جدا جدا مرة في اليوم زي ماتفقنا ومرتين تانيين عادي مع مراعاة تغيير التسريحه

 

 

لتنشيط عضلات الشعر وبالتالي تقويته فيكون اقل عرضه للتساقط

 

 

نيجي للمفيد

 

 

النصيحه السادسة

 

 

 

مساج ضناكي (شعرك بالعربي) ازاي تفرفشيه وتدلعيهده حاجه مهمة جدا جدا جدا جدا

 

 

واكيد اللي بيعملوها 1% بالكتير اوي اوي

 

فوائد تدليل ضناكي

 

 

1- ينشط فروة الراس وبالتالي يجلب الاكسجين والمواد الغذائية والهرمونات علشان ياخد كفايته منها

 

 

2- تنشيط الشعر بالذات الجديد اللي هيحل محل القديم وده هيحل مشاكل التساقط والقشرة كمان

 

 

3-الطريقه المثاليه الموضعيه لتغذية ضناكي هو التدليك بزيت دافي

 

 

4- يمنع اي تشققات او جفاف في فروة الراس جفاف فروة الاس او كثرة الدهون تؤدي الي القشرة والقشرة تؤدي الى التساقط

 

يعني مشاكل ضناكي مترابطة

 

 

5- دخول الدورة الدمويه الى فروة الراس لان شدة الاعصاب والاجهاد يمنع وصولها

وده بيؤدي الي عدم نمو الشعر بطريقه صحيه

 

 

6- يساعد على تغذية الجذور وتقوية جزع الشعر ونمو الشعر الجديد وتقوية القديم

 

 

7- يعطي الشعر ليونة ويجعله مطيع هادي سهل التسريح

 

 

 

8- نشر الزيت الطبيعي اللي بتفرزه الفروة وبالتالي لمعان الشعر

 

 

9- يحافظ عل الشعر من عوامل التلف الحرارة واشعة الشمس ويؤدي الى زيادة تكيفه ضد اي تغيير مفاجيء

 

 

10- يصلح مشاكل الشعر التالف والجاف ويساعد على وقف التقصيف

 

 

11- تقليل حرارة الجسم بشكل عام خاصة لو بعد اجهاد

 

 

12- استرخاء لعضلات الرقبه

 

 

الطريقه التمااااااااااااااااااااام للتدليك

 

 

 

الشعر الجاف توضع اطراف الاصابع في الزيت الدافي

مثلا زيت زيتون او زيت سمسم اي زيت خفيف لكن زيت خروع لا علشان تقيل

 

 

الشعر العادي يوضع اطراف الاصابع في ماء دافي وممكن زيت دافي بردو بس خفيف

 

 

الشعر الدهني كوب صغير ماء وعليها نصف ليمونه ودافيين بردو

والتدليك يكون بخفه جدا للشعر الدهني

 

 

اي حاجه من دول في الكلام بعد كده هقول الزيت لكن كل واحد عارف هيستخدم ايه تمام؟

 

 

كيفية عمل المساج

 

 

 

1- قبل عمل التدليك قومي بتمشيط الشعر جيدا وأثناء ذلك انحني بخصرك للأمام لمساعدة زيادة تدفق الدم للرأس مستخدمة المشط الخشب الواسع او فرشاه خشب نهايتها مكورة

 

 

 

 

 

 

 

 

 

 

2- اجعلي رأسك مثنيا لأسفل وقومي بجر أصابعك بسرعة وبشيء من القوة ابتداء من الجذور وحتى الأطراف.

 

 

 

 

 

3- ارفعي رأسك لأعلى ثم ضعي أصابعك على جانبي الرأس فوق الجبهة ثم قومي بتحريك الأصابع وليس الأظافر على فروة الرأس للوراء.

 

 

 

 

 

4- ضعي أصابعك على الرأس في آي موضع مع جعل اليد على هيئة (يد القطه) وقومي بفرك الرأس بأصابعك وكرري ذلك بعدة مواضع.

 

 

 

 

 

5- حركي أصابعك بحركه دائرية على( خط الشعر) من الخلف وحتى الكتفين لمساعدة استرخاء أي عضلات مجهدة أو متقلصة.

 

 

 

 

 

6-ضعي أصابعك على أعلى الجبهة ثم حركي يديك على فروة الرأس بسرعة بحيث تتحرك إحدى اليدين في اتجاه معاكس للأخرى.

 

 

 

 

 

7- أخيرا ضمي شعرك وارفعيه لأعلى في اتجاه أحد الجانبين مع إمساكه بكلتا اليدين ثم قومي بلم الشعر مع الشد لأعلى بخفه حتى تشعري بحدوث شد بفروة الرأس وكرري ذلك بجعل الشعر متجها للجانب الآخر

 

 

وينتهي المساج بهزهزة الراس من ناحية لأخرى.

 

التدليك للشعر الدهني غير مستحب يكون بقوة لانه بيساعد على افراز الدهون لكن نعمله بخفة

 

 

التدليك يكون مرتين في الاسبوع فقط لجميع انواع الشعر

 

 

وللشعر الدهني مرة واحدة اقصد الشعر الدهني يعني الفروة الدهنيه

 

 

اتمنى تكونوا استفدتم

 

 

 

منتظرة تطبيكم النهارده

 

يلا شجعوني اكمل

مبسوطة بيكم وبكل ردودكم وتطبيقاتكم

ربنا معاكم

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

مراجعه سريعه..

 

طبعا تسريح الشعر(ضناكي) مهم جدا جدا مرة في اليوم زي ماتفقنا ومرتين تانيين عادي مع مراعاة تغيير التسريحه

 

 

لتنشيط عضلات الشعر وبالتالي تقويته فيكون اقل عرضه للتساقط

 

 

نيجي للمفيد

 

 

النصيحه السادسة

 

 

 

مساج ضناكي (شعرك بالعربي) ازاي تفرفشيه وتدلعيهده حاجه مهمة جدا جدا جدا جدا

 

 

واكيد اللي بيعملوها 1% بالكتير اوي اوي

 

فوائد تدليل ضناكي

 

 

1- ينشط فروة الراس وبالتالي يجلب الاكسجين والمواد الغذائية والهرمونات علشان ياخد كفايته منها

 

 

2- تنشيط الشعر بالذات الجديد اللي هيحل محل القديم وده هيحل مشاكل التساقط والقشرة كمان

 

 

3-الطريقه المثاليه الموضعيه لتغذية ضناكي هو التدليك بزيت دافي

 

 

4- يمنع اي تشققات او جفاف في فروة الراس جفاف فروة الاس او كثرة الدهون تؤدي الي القشرة والقشرة تؤدي الى التساقط

 

يعني مشاكل ضناكي مترابطة

 

 

5- دخول الدورة الدمويه الى فروة الراس لان شدة الاعصاب والاجهاد يمنع وصولها

وده بيؤدي الي عدم نمو الشعر بطريقه صحيه

 

 

6- يساعد على تغذية الجذور وتقوية جزع الشعر ونمو الشعر الجديد وتقوية القديم

 

 

7- يعطي الشعر ليونة ويجعله مطيع هادي سهل التسريح

 

 

 

8- نشر الزيت الطبيعي اللي بتفرزه الفروة وبالتالي لمعان الشعر

 

 

9- يحافظ عل الشعر من عوامل التلف الحرارة واشعة الشمس ويؤدي الى زيادة تكيفه ضد اي تغيير مفاجيء

 

 

10- يصلح مشاكل الشعر التالف والجاف ويساعد على وقف التقصيف

 

 

11- تقليل حرارة الجسم بشكل عام خاصة لو بعد اجهاد

 

 

12- استرخاء لعضلات الرقبه

 

 

الطريقه التمااااااااااااااااااااام للتدليك

 

 

 

الشعر الجاف توضع اطراف الاصابع في الزيت الدافي

مثلا زيت زيتون او زيت سمسم اي زيت خفيف لكن زيت خروع لا علشان تقيل

 

 

الشعر العادي يوضع اطراف الاصابع في ماء دافي وممكن زيت دافي بردو بس خفيف

 

 

الشعر الدهني كوب صغير ماء وعليها نصف ليمونه ودافيين بردو

والتدليك يكون بخفه جدا للشعر الدهني

 

 

اي حاجه من دول في الكلام بعد كده هقول الزيت لكن كل واحد عارف هيستخدم ايه تمام؟

 

 

كيفية عمل المساج

 

 

 

1- قبل عمل التدليك قومي بتمشيط الشعر جيدا وأثناء ذلك انحني بخصرك للأمام لمساعدة زيادة تدفق الدم للرأس مستخدمة المشط الخشب الواسع او فرشاه خشب نهايتها مكورة

 

 

 

 

 

 

 

 

 

 

2- اجعلي رأسك مثنيا لأسفل وقومي بجر أصابعك بسرعة وبشيء من القوة ابتداء من الجذور وحتى الأطراف.

 

 

 

 

 

3- ارفعي رأسك لأعلى ثم ضعي أصابعك على جانبي الرأس فوق الجبهة ثم قومي بتحريك الأصابع وليس الأظافر على فروة الرأس للوراء.

 

 

 

 

 

4- ضعي أصابعك على الرأس في آي موضع مع جعل اليد على هيئة (يد القطه) وقومي بفرك الرأس بأصابعك وكرري ذلك بعدة مواضع.

 

 

 

 

 

5- حركي أصابعك بحركه دائرية على( خط الشعر) من الخلف وحتى الكتفين لمساعدة استرخاء أي عضلات مجهدة أو متقلصة.

 

 

 

 

 

6-ضعي أصابعك على أعلى الجبهة ثم حركي يديك على فروة الرأس بسرعة بحيث تتحرك إحدى اليدين في اتجاه معاكس للأخرى.

 

 

 

 

 

7- أخيرا ضمي شعرك وارفعيه لأعلى في اتجاه أحد الجانبين مع إمساكه بكلتا اليدين ثم قومي بلم الشعر مع الشد لأعلى بخفه حتى تشعري بحدوث شد بفروة الرأس وكرري ذلك بجعل الشعر متجها للجانب الآخر

 

 

وينتهي المساج بهزهزة الراس من ناحية لأخرى.

 

التدليك للشعر الدهني غير مستحب يكون بقوة لانه بيساعد على افراز الدهون لكن نعمله بخفة

 

 

التدليك يكون مرتين في الاسبوع فقط لجميع انواع الشعر

 

 

وللشعر الدهني مرة واحدة اقصد الشعر الدهني يعني الفروة الدهنيه

 

 

اتمنى تكونوا استفدتم

 

 

 

منتظرة تطبيكم النهارده

 

يلا شجعوني اكمل

مبسوطة بيكم وبكل ردودكم وتطبيقاتكم

ربنا معاكم

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×