اذهبي الى المحتوى
صاحبه القلب الطيب

زوجك وكووووووى ملابسه .......مهمه ثقيله على بعض النساء ؟؟؟

المشاركات التي تم ترشيحها

 

السلام عليكــم ورحمـة الله وبركاتــة ،،

 

مروه المسلمه

 

ربنا يكملك خطبيتك على خير وييسر لك زواجك غاليتى وطبعا انتى لسه على البر بس بكره تدخلى فى الغميق وتتجوزى وتعرفى انه شر لابد منه وليس باختيارك هههههههه مش بخوفك

بس لما تحبيه هتكوي كل هدومه

 

واشرقت السماء

انا معاكوا انهم لسه على البر بكره يدخلوا القفص ويشوفوا

 

بس عجبتنى اوى جملتك ديه

 

وعرض عليا كتير يوديهم للمكوجى لما باكون تعبانة بس أنا برفض لأنه واجبى تجاهه ولازم أعمله لو بموت

 

ياعينى ياعينى ربنا يبارك لك فى زوجك حبيبتى ويحفظكوا

شارك هذه المشاركه


رابط المشاركه
شارك

 

ام بيدو

 

يابختتتتتتتتتتتتتتتتتتتك يعنى اول مره كويتى وحش جوزك قالك خلاص ياسلام مكانش حد غلب انا لحد انهارده بكوى على اد ما اعرف ولسه بتعلم وساعات بتريأ على كوى لانه استاذ فى المكوه بس بيكسل ويخلينى انا اكوى

 

بس تعرفى انا كنت فاكرك انتى بالزات بتكوى ونص ههههه بس يلا كده احسن عشان تتحفينا باكلاتك الحلوه هتجبيى وقت منين للاكل والمكواه

 

هههههه احبك فى الله

 

 

 

الاخت محبه لربها

 

واضح انك استاذه وهنتعلم منك بس متكبيرش نفسك اوى عشرين سنه ايه ياشيخه ده هما 3 -4 سنين ههههه

بس واضح فعلا انك متمكنه فى المكواه ربنا يخليكى لزوجك واولادك

 

ووصلت الهمسه ومن قبل الاولاد فالزوج لا يتنازل عن حقه فى الكوى الا القليل

 

 

وللعلم "اعلم ان الاخت ام عبد الله لا تقصد شئ فمجرد داعبه فكل اخت لسه متزوجتش فاكره ان الحياه وردى وانها ستكون اميره فى مملكتها ولكن الواقع يفرض مصطلحات جديده . يعنى هى بتهزر مش اكتر هما مش بيضحكوا علينا هما متوهمين .ربنا يصلح الاحوال ياغاليات ومش عايزين زعل فى صفحتى انتوا حبايب "

 

دمتم بود

شارك هذه المشاركه


رابط المشاركه
شارك

سجودى لله فقط

 

يلا اهو عندك خبره اهو وبتكوى لما بتزنقى شكل جوزك بيكوى معاكى ههههههه ربنا يهديه ليكى ويجعله قره عينك حبيبتى

 

 

ام الاشبال

 

 

دمك زى السكر تسلمى ياقمر وربنا يخليكى للاشبال وابوهم بس كده كل هدمكوا عند المكوجى :icon15:

 

احبكننن فى الله

شارك هذه المشاركه


رابط المشاركه
شارك

السلام عليكم ورحمة الله وبركاته

انما انا بقى اكررررررررررررررررره حاج عندى المكواة عشان كده بودى مكوتى ومكوة جوزى للمكوجى لان دى اصعب حاجه ليه وعايزة صبر جاااااااااامد وانا بتعب منها بسرعه والحمد لله

انا ممكن اعمل اى حاجه فى البيت يعنى اشيله واعدله تانى لكن المكواه لالالالالالالالالالالالالالالالالالالالالالالالا

والحمد لله على كل حال

شارك هذه المشاركه


رابط المشاركه
شارك

مكواه يااااااااااااااما مين بيقول مكواه

 

ربنا يجعل كلامنا خفيف عليها ههههههههههههه

 

انا أول ما أتجوزت جوزى حكم ليه بالمكواه ولما الالتزامات كترت والعيال

 

والصحة مش زى الاول والوقت مش مكفى أى حاجة بصراحة صعبت عليه ووداها للمكوجى ولله الحمد

 

كان أصعب يوم فى حياتى يوم المكواه بحس انه الحرب العالميه الاولى هههههههههههههه

 

 

انما لبس أولادى وانا اللى بكويه ولله الحمد ربنا يصلح حالنا جميعا يارب

شارك هذه المشاركه


رابط المشاركه
شارك

موضوع بجد مهم خالص

تسلمي يام حبيبه

 

بقول لخطيبي المكواه عليك ماليش دعوه

معرفش بئي اللي هيحصل بعد الزواج ههههه

هل انتى مع كى ملابس ام ضده ؟

بصراحه ضده

هل يشكل لكى مهمه ثقيله الدم ام تقومى بها برحابه صدر ؟

ثقيله جدا

هل حدث خلاف بينك وبين زوجك يوما بسبب كى الملابس؟

لم اتزوج امال انا عماله اتبطر ليه واقول اللي في نفسي هههههههههههه

ما هو نظامك فى الكوى لعل الكل يستفيد ام تفضلين الذهاب للمكوجى

افضل شئ الزوج يكوي لنفسه عشان يبئي من الشغل للمكواه ميبئاش فاضي عشان ميعملش مشاكل هههههههههه

 

اضافه صغيره

(اعتقد ان الواحد ه لو نظمت وقتها وكانت بتحب زوجها وعاوز ترضيه وتعمله كل حاجه ربنا بيعنها

وخاصه اذا قرأت الاذكار(سبحان الله 33 والحمد لله33 والله اكبر 34 )قبل ماتنام

شارك هذه المشاركه


رابط المشاركه
شارك

السلام عليكم ورحمة الله وبركاته،،

صدقا لن اتنازل عن ردك

واطالبك بالدخول والادلاء برأيك

احب ان اعرف ما تفعله مشرفتنا العزيزه مع ملابس زوجها؟

انتظررررررررررررررررررررك

 

 

احبك جداااا فى الله

^___^

فكرت في عدم الرد ولكني لا أستطيع رد طلب لك :smile:

بالنسبة لي عندما تزوجت لم أكن أعرف هذه المهارات ....وفي نفس الوقت كان زوجي محترف ( كان يذهب إليهم في منزلهم مكوجي فكان يكوي ملابسهم و وتعلم منه أسرار الكوي الخفية ^_^)

المهم عشت السنوات الآولى أكوي ( طبعا لم يكن الأمر يخلو من تعليقات :smile: ) وفي يوم قلت له إذا لم يكن كويي يعجبك فما رأيك أن تكوي أنت ؟؟!

وبالفعل أصبحنا الآن نتبادل هذه المهمة _الغير لطيفة_ ....فإذا وجدت عندي وقت فعلت ذلك وبكل سرور أما إذا وجدني مشغولة وهو يريد كوي شيء ما كواه بدون أن يطلب مني ...وعادة إذا وجدته يكوي وأنا ليس لدي ما أفعله أقول له أسترح أنت وأنا سأكوي .

 

ولكن مما لا شك فيه أنها مهمة الزوجة ولا بأس أبدا أن يساعدها الزوج فيها ...فالحياة مشاركة

وأعتقد أن هذا يعتمد على مدى تقارب الزوجين وتفاهمها .

جزاك الله خيرا ...

وأحبك الذي أحببتني فيه

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

 

ام محمد

 

واضح انك مخنوقه اوى من الكوى ههه زى تمام على فكره باباكى زى باباى بيكوى كل ملابسه بنفسه والله عمره ماخلى اى حد يكوى له الا مرات قليله لو كان تعبان ربنا يعافيه ويخليه .ومعلشى زى ما انتى قلتى مضطرين

 

ام عمر ومريم

 

معلشى ياحبيبتى الحمد لله انك بتوديها للمكوجى .امال على رأى ام الاشبال الناس ديه هتفتح بيوتها منين؟

 

ام مريم وهاجر

ربنا يعينك ياعثوله كفايه عليكى الولاد بصراحه تشكرى انتى بالزات معفيه من الكوى

 

احساس جميل

 

عروستنا الحلوه وشيفتنا الماهره واللى فعلا انا معجبه بيها وباكلاتها ورقيها فى اكلاتها كتييييييييييييييير

بصى انتى لسه على البر بكره تدخلى القفص وان كنتى فاكره انه هيكوى انسىىىىىى ممكن يساعد لكن يكوى على طول اشك.......... واكيد حبيبتى تنظيم الوقت مهم جداااااااااااااا

 

 

 

احبكن فى الله

شارك هذه المشاركه


رابط المشاركه
شارك

موضوع لذيذ جدا

انا عن نفسى قبل ما اتجوز لا كنت بحب المكوه ولا الكوى حتى هدومى لما كنت بشتريها احاول اشترى الهدوم اللى مش بتحتاج كوى وكنت لماا اتزنق اطلب من حد من اخواتى يكوى لى بس بيوافقو بعد عذاب ههههههههههههههههههه

المهم لما كنت مخطوبه قلت لزوجى انا ما بعرفش اكوى انا اللى قلت له من غير ما يقول قال مش مششكله انا بحب الكوى

بس طبعا بعد الجواز بقيت اكوى غصب عنى ههههههههههههههههه

ولما اقول له مش انت عارف انى مش بعرف اكوى ولا بحب الكوى يقول معلش انا مش فاضى اكوى على اد ما تقدرى

لحد ما اتقنت الكوى وهو ما عدش بيكوى حتى قميص

بس برده لحد دلوقتى مش بحب المكوى ههههههههههههه

بارك الله فيك يا حبيبتى على طرحك للموضوع الشيق

شارك هذه المشاركه


رابط المشاركه
شارك

السلام عليكم ورحمة الله وبركاته،،

موضوع طيب وجميل

كجمال روح صاحبته

 

 

هل انتى مع كى ملابس ام ضده ؟

صراحة انا لا معه لا ضده لكن اعتبره جزء يندرج ضمن مسؤولياتي تجاه زوجي

وطبعا بحكم عمله كدكتور فيجب ان تكون ملابسه مكوية

 

هل يشكل لكى مهمه ثقيله الدم ام تقومى بها برحابه صدر ؟

احاول جاهدة طبعا ان اقوم برحابة صدر لكي اتقن كيها

وطبعا لا ننسى احتساب الاجر عند الله في ذلك

وكلما كانت الملابس مكوية جيدا كلما احسست بإنشراح صدر

وفرحة تخالج قلبي

 

هل حدث خلاف بينك وبين زوجك يوما بسبب كى الملابس؟

لا ولله الحمد والمنة فهو يحاول تشجيعي للرفع من معنوياتي

ولو مرات بتكون الملابس غير مكوية كوي جيد

ما هو نظامك فى الكوى لعل الكل يستفيد ام تفضلين الذهاب للمكوجى ؟

والله انا لست خبيرة كوي وينقصني الكثيييير من الخبرة فيه والله المستعان

لكن لا يمنع هذا من ان استفيد واتعلم

وطبعا منكم نستفيد ومن افكار اخواتي الحبيبات

ف موضوعك الشيق

شارك هذه المشاركه


رابط المشاركه
شارك
انا بكوى ملابسه وملابس اولادى والحمد لله وما بوديش للمكوجى ولله الحمد الا اذا كنت تعبانه جدا او عيانه

 

ولله الفضل فى انى اكتسبت خبرة فى المكوة وبقيت جامده فيها وطبعا ده ما جاش من فراغ دا منخبرة اكتر من عشرين سنه مكوة لانى كنت بكوى لبابا واخوانى الاتنين من وانا طفله لانى البنت الوحيده فى وسط ثلاث ذكور

 

بس طبعا المكوجى بيبقى حرفى اكتر والا ما كانش يبقى مصدر رزق له

 

انا بودى البدل لتنظيف البخار النصف الاعلى بس (الجاكيت) لان البنطلون بغسله انا واكويه واضع عليه فودرة(قماشه قطن بيضاء )اكوى من خلالها عشان لو كويت من غيرها البناطيل بالذات بتعطى لمعه وبتبوظ..... ها انفع مكوجى؟

 

همسه لازم تتعلمى لانك هتكوى فيما بعد ملابس اطفالك لغاية مال يتجوزوا خصوصا لو ذكور :icon15:

الحبيبة محبة ان تفضلتي مشكورة ومأجورة

ان تصفي لي طريقة كوي البناطيل بالتفصيل وبطريقة مبسطة

لاني الصراحة افتقد لمثل هذه الافكار واكوي البناطيل بشكل عادي

وان امكن طبعا ان تحطي لنا صور فجازاك ربي اعالي الجنان

وهل هذه القماشة يجب ان تكون سميكة او رفيعة ؟

معلش سأتعبك معكي

لكن صدقا محتاجه لمساعدتك ^---^

ف انتظار ردك

شارك هذه المشاركه


رابط المشاركه
شارك

الحمدلله أحب أن أكوي لزوجي ملابسه حتى يبدو أنيق و في أحسن مظهر، أصلا ان لم أكوي له لا يطلب مني أن أفعل و أنا من أطلب منه أن ينتظر حتى أكوي لأني لا أكوي في وقت واحد أحب أن يلبس مباشرة بعد ما أكوي خصوصا الأقمصة و الجلباب أما البدل و الجلابة المغربية فهي للمكوجي

 

هذه صورة للجلابة المغربية يصعب كيها في البيت لأن بها خياطة

 

169173.jpg

شارك هذه المشاركه


رابط المشاركه
شارك

هههههههههههههههههههههه

 

ايوة كدة الله يكرمك عايزاكى تحسى بيه اد أيه أنا بعانى

 

عايزة هتاف حاد وبقوة أن ربنا يقوينى على اللى أنا فيه

 

أحبك فى الله

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

هههههههههههه

 

جيتي على الجرح

 

موضوعك ده والله دايما شاغل بالي

 

هل يشكل لكى مهمه ثقيله الدم ام تقومى بها برحابه صدر ؟

مهمة ثقيلة الدم جدا

 

سبحان الله مش باحب الكوي ابدا حتى معظم لبسي لا اكويه باغسل عباياتي ولا اعصرها حتى لا احتاج للكوي

 

اكره المكوى جدا وياه لما اخويا ييجي لي بالليل ويعطيني لبسه اللي هيلبسه الصبح في الشغل اتضايق جدا واحس اني هانجز حاجة كبيرة هههههههه مع انها مهمة سهلة لكن سبحان الله اكرهها واتضايق منها جدا

 

ودايما افكر واقول يارب جوزي يبقى ياخد لبسه ويوديه للمكوجي افضل

 

لان فعلا اكتر حاجة باكرهها واتضايق منها في شغل البيت كله هي المكوى هههههه يارب جوزي يبقى ياخد لبسه للمكوجي وهو حتى لو جرب كويي هيلاقيه مش هيعجبه لاني طبعا لا اطيق المكوى فبالتالي عمل لا تحبيه يبقى مش هتتقنيه فهيضطر يلجأ للمكوجي هههههه

 

موضوع يستحق النمقاش صاحبة القلب الطيب

 

كل مواضيعك مميزة وتستحق الاهتمام

شارك هذه المشاركه


رابط المشاركه
شارك
انا بكوى ملابسه وملابس اولادى والحمد لله وما بوديش للمكوجى ولله الحمد الا اذا كنت تعبانه جدا او عيانه

 

ولله الفضل فى انى اكتسبت خبرة فى المكوة وبقيت جامده فيها وطبعا ده ما جاش من فراغ دا منخبرة اكتر من عشرين سنه مكوة لانى كنت بكوى لبابا واخوانى الاتنين من وانا طفله لانى البنت الوحيده فى وسط ثلاث ذكور

 

بس طبعا المكوجى بيبقى حرفى اكتر والا ما كانش يبقى مصدر رزق له

 

انا بودى البدل لتنظيف البخار النصف الاعلى بس (الجاكيت) لان البنطلون بغسله انا واكويه واضع عليه فودرة(قماشه قطن بيضاء )اكوى من خلالها عشان لو كويت من غيرها البناطيل بالذات بتعطى لمعه وبتبوظ..... ها انفع مكوجى؟

 

همسه لازم تتعلمى لانك هتكوى فيما بعد ملابس اطفالك لغاية مال يتجوزوا خصوصا لو ذكور :smile:

الحبيبة محبة ان تفضلتي مشكورة ومأجورة

ان تصفي لي طريقة كوي البناطيل بالتفصيل وبطريقة مبسطة

لاني الصراحة افتقد لمثل هذه الافكار واكوي البناطيل بشكل عادي

وان امكن طبعا ان تحطي لنا صور فجازاك ربي اعالي الجنان

وهل هذه القماشة يجب ان تكون سميكة او رفيعة ؟

معلش سأتعبك معكي

لكن صدقا محتاجه لمساعدتك ^---^

ف انتظار ردك

 

يا حبيبتى يا محبه اول مرة تطلبى منى حاجه .........دانت طلباتك اوامر وعلىلا عينى وراسي

 

بس انا ما كنتش فاكرة انى انا وكلامى بالاهميه دى ربننا يرفع قدرك يا غاليه يا رب ويعليه كمان وكمان

 

انتِ حبيبتى الهمتينى انى اعمل موضوع مخصوص بطرق الكوى عشان لو حطيته هنا مش كل الاخوات هتنتبه وكمان عشان اكبر عدد يستفيد ويبقى بفضل الله وبإذنه صدقة جاريه ليا (ربما)

 

شكرا على الفكرة يا غاليه

 

واذا سمحت صاحبة القلب الطيب اليك الاتى

 

توجد كسرتين على جانبى البنطلون

 

كسرة على شمال زر البنطال وكسرة على يمينه(نتكلم فصحى شويه)

 

فضلا ضعى الكسرتين على بعض وافردى البنطلونهتلاقيه اتظبط

 

واما المقعده فبرضه هتلاقيها اتظبطت معاك لوحدها

 

قومى برش البنطال بالبخاخ

 

ثم ضعى عليه قماشه بفته بفته بَفْتَه بيضاء قطنحوالى 40 سم فى 40 سم ورشيها بالبخاخ وهى فوق البنطلونن

 

ممكن تجليسي مش لازم وانت واقفه عشان رجليكِ الحلوين ما تتعبش

 

وابدئى الكوى

 

لما يخلص الوجه الاولانى ارفعى االرجل الاولى من البنطال واكوى اللى تحته الرجل التانيه من جوة

 

واهتمى بالحِجْر لانها بتبان لما الراجل يقعد ويفتح رجليه

 

بس كل ما تبدئر رجل جديده شدى الحرفين بتوع الرجل الواحده من تحت عند الشراب كده عشان الكسرات تطلع مضبوطه

 

عارفه اول ما ايديك تتعود على الشغل هيطلع مظبوط

 

لانى زمان كنت بكوى غلط

 

وبعدين مرة اتزنقت ووديت للمكوجى راح قال لزوجى الكسر كلها بايظة خالص ههههههههههه

 

من يومها وانا اخدت بالى من الكُسَر :biggrin:

شارك هذه المشاركه


رابط المشاركه
شارك

وان شاء الله اصور الطريقه وانزلهالك من عنيا الاتنين بس كده؟؟؟؟؟؟؟ظ

شارك هذه المشاركه


رابط المشاركه
شارك

السلام عليكم ورحمة الله وبركاته،،

حقا وصدقا حبيبتي محبة يعجز لساني عن شكرك

وعلى رحابة صدرك لي

وطبعا كلامك له اهمية كبيرة طالما سيستفيد منه الجميع

ولك اجر ذلك ان شاء الله

فجزاكي الله خير الجزاء وحفظك من كل شر ونجاك من كل هم وحزن

ورزقك ربي السعادة ف الدارين

معلش يا محبة في كثير كلمات فصحى لم افهمها

لكن بما انك ستنزلين لي صور فساكون ممتنة لكي حقا

بهذا المعروف

والله حقا اعتذر لاني اتعبتك معي

لان لي أسئلة اخرى بخصوص الكوي واتمنى ان تساعديني فيها

لكن بعد إستئذان من الحبيبة صاحبة االقلب الطيب

هل يسمح للحبيبة محبة بتزيل الصور ؟

والاجابة عن اي استفسار ف الكوي

وهل يسمح لي طبعا بالرد عليها

لكي لا نخرج عن فكرة نقاش هذا الموضوع

واتواصل مع محبة لربها عن طريق موضوع اخر او فتح موضوع آخر بخصوص تقنيات الكوي

وجازاكم الله خيرا حبيباتي ف الله

شارك هذه المشاركه


رابط المشاركه
شارك

السلام عليكم ورحمة الله وبركاته،،

حقا وصدقا حبيبتي محبة يعجز لساني عن شكرك

وعلى رحابة صدرك لي

وطبعا كلامك له اهمية كبيرة طالما سيستفيد منه الجميع

ولك اجر ذلك ان شاء الله

فجزاكي الله خير الجزاء وحفظك من كل شر ونجاك من كل هم وحزن

ورزقك ربي السعادة ف الدارين

معلش يا محبة في كثير كلمات فصحى لم افهمها

لكن بما انك ستنزلين لي صور فساكون ممتنة لكي حقا

بهذا المعروف

والله حقا اعتذر لاني اتعبتك معي

لان لي أسئلة اخرى بخصوص الكوي واتمنى ان تساعديني فيها

لكن بعد إستئذان من الحبيبة صاحبة االقلب الطيب

هل يسمح للحبيبة محبة بتزيل الصور ؟

والاجابة عن اي استفسار ف الكوي

وهل يسمح لي طبعا بالرد عليها

لكي لا نخرج عن فكرة نقاش هذا الموضوع

واتواصل مع محبة لربها عن طريق موضوع اخر او فتح موضوع آخر بخصوص تقنيات الكوي

وجازاكم الله خيرا حبيباتي ف الله

 

تعبتينى ايه ومعروف ايه هو ده معروف

 

دا انت اللى قدمتيلى هديه ............. اه هديه انى اكسب حسنات بدون مجهود وانى انفع غيرى بما تعلمت ..........الحمد لله كثيرا يا عروس المغرب ربنا يهنى زوجك بيكِ ويهنيكِ بيه

شارك هذه المشاركه


رابط المشاركه
شارك
لان لي أسئلة اخرى بخصوص الكوي واتمنى ان تساعديني فيها

لكن بعد إستئذان من الحبيبة صاحبة االقلب الطيب

هل يسمح للحبيبة محبة بتزيل الصور ؟

والاجابة عن اي استفسار ف الكوي

وهل يسمح لي طبعا بالرد عليها

لكي لا نخرج عن فكرة نقاش هذا الموضوع

واتواصل مع محبة لربها عن طريق موضوع اخر او فتح موضوع آخر بخصوص تقنيات الكوي

 

الحبيبه تواقه للجنان يسلام ياقمر ده انتى تؤمرى

وطبعا الاستفاده ستعم الجميع

 

هذا شئ يسعدنى جدااااااااااااااااا

وما شاء الله عليها محبه استاذه فى الكوى

وسنتفيد جمعيا

 

لا داعى للاستئذان غاليتى فالموضوع موضوعك :icon15: :icon15:

 

احبكن فى الله :tongue:

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

ساجده للرحمن

 

 

ربنا يخليك ياساجده على حضورك

وربنا يخليك لجوزك ويخليه ليكى

وفعلا الحياه تعاون

 

واهو الموضوع اصبح له تبعات

سنتعلم من محبه

 

احبك فى الله

شارك هذه المشاركه


رابط المشاركه
شارك

طبعا دول الكسرتين اللى فى البنطلون

post-113449-1272900709_thumb.jpg

post-113449-1272900871_thumb.jpg

شارك هذه المشاركه


رابط المشاركه
شارك

وهى دى القماشه اللى بتكوى من خلالها

post-113449-1272900994_thumb.jpg

شارك هذه المشاركه


رابط المشاركه
شارك

لو عاوزين القمصان انا موافقه بس دا بالطلب هههههههههه

post-113449-1272901117_thumb.jpg

شارك هذه المشاركه


رابط المشاركه
شارك

الكُسَر اهم حاجة

post-113449-1272901250_thumb.jpg

شارك هذه المشاركه


رابط المشاركه
شارك

للاستزاده بعد اذنك طبعًا يا ام حبيبه :icon15: https://akhawat.islamway.net/forum/index.ph...p;#entry2827508

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×