تعرفي ال chocolate molten cake ؟ ادخلي و ابهري اهل بيتك

[ام مريم و رغد 0]

السلام عليكــم ورحمـة الله وبركاتــة ،،

 

ازيكم يا حلوين

 

جايبالكم صنف حلو بس رائع دقته مع زوجي في مطعم و عجبه اوي فقال لي تعرفي تعمليه ؟؟

انا بقى ماسكتش و هاتك يا تدوير في كل حته لغايه لما عرفت اعمله و طلع زيه تمام

 

هاه تحبوا تجربوه ؟؟

شوفو صوره و قولولي لو عجبكوا هاكتب طريقته

 

اسيبكم مع الصور (ملحوظه غير مسموح باصحاب الاعصاب الخفيفه )انا حذرت

 

 

 

 

 

 

 

 

 

 

 

 

 

 

[ثروة 259]

وعليكم السلام ورحمة الله وبركاته،،

ررررائع اللهم بارك و أنا ذقته في مطعم

و عجبني جداً الآيس كريم يدوب في الشوكولا و الكيك الساخن

مممممممممم بانتظار الوصفة :biggrin:

[* دعاء الغسق * 63]

السلام عليكــم ورحمـة الله وبركاتــة ،،

 

اسم الكعكة سوفليه وطيبة كتير كتير كتير

يا ريت تفيدي الأخوات وتحطيها

 

حظك حلو انا شبعانه وإلا كان .. :biggrin:

[omo yusuf 1]

همممممممممممممممممممممممع النظرة الاولى جرى لعبي نعم غاليتي امتعينا بطريقة الاستعمال جزاك الله كل خير

[ام مريم و رغد 0]

السلام عليكم ورحمة الله وبركاته،،

اشكركم على المرور و لي عوده مع المقادير و الطريقه استنوني

[الطالبة الداعية 1]

 

السلام عليكــم ورحمـة الله وبركاتــة ،،

 

وانا بعد ذقته ،

ومستحيل اظبطه اذا سويته :icon15:

وننتظر الوصفة بكل شوق

 

[ام رميساء و جنى 16]

:oops: :oops: :cry: :cry: :cry:

 

شكلو جميل جداااا

 

 

بانتظار الطريقة

[بُشرة خير 3]

منتظرين الطريقة يا أم مريم :wink:

[ام مريم و رغد 0]

السلام عليكــم ورحمـة الله وبركاتــة ،،

 

معلش اتاخرت عليكو اوي انا اسفه بس كنت مشغوله شويه اصلي كنت بعملها للي في البيت :oops:

 

نبدا مع بعض طريقه العمل

 

للكيكيه دي بتكون نوع جاهز اسمها كيكه شيكولاته سوداء

دي بتتباع جاهزه في علب على شكل بودر و بتضيفيلها البيض و الزيت و الميه و تدخليها الفرن و دي الي بيستخدموها في المطاعم (dark chocolate cake super moist)

 

او ممكن تعملي كيكه شيكولاته عاديه و تزودي الكاكاو شويه علشان تكون غامقه انا بستسهل و بعمل الطريقه الاولى و بتطلع زي الي في المطعم بالظبط

 

النقطه بقى في القالب الي بيدي الشكل ده

لاني مش لاقياه في السوق و قالبه عليه كل المحلات لان الموجود بنفس الشكل بيكون حجمه كبير اوي فمينفعش بس على مين اتصرفت و عملتها في قالب عادي و ده شكلها

 

 

دي اول خطوه ندخل بقى على تاني خطوه و دي المهمه و هيه الشيكولاته السايحه الي بتكون جواها و بتبقى ايه يم يم يم :oops:

 

دي انا ضورت على طريقتها كتير و انها بتكون ياترى شيكولاته عاديه طلعت fudg

طب و دي اجيبها منين دورت و عرفت طريقه تصنيعه في البيت و كان ليه اكتر من طريقه بس انا جبت اسهلها و عملتها و طلعت تمام زي بتاعه المحل :oops:

 

دي بقى بتحتاجحليب مكثف محلى و دي صورته

 

و شيكولاته غامقه من بتاعه الطبخ و دي صورتها

 

و فانيليا

 

تحطي الحليب المكثف مع الشيكولاته على نار هاديه و تقعدي تقلبي لغايه لما تدوب الشيكولاته و بعدها تضيفي معلقه صغيره فانيليا و علبه الحليب بتحطيلها تقريبا 200 جم اى 250 جم شيكولا

 

 

[ام مريم و رغد 0]

السلام عليكــم ورحمـة الله وبركاتــة ،،

 

خلاص جهزنا الكيكه و عملنا شيكولاته الفدج نيجي لتوضيب التقديم

 

زي ماقلت لو لقيتي القالب ده يكون خير و بركه و ساعتها تيجي بسكينه و تشيلي من قلبه شويه و يكون عامل زي الكوب و تحطي جواه الشيكولاته و تدخليه الميكروويف و تسخنيهم كلهم و بعدين تحطي عليهم بوله ايس كريم و شويه شيكولاته على وشها و تقدميها على طول

 

ماعندكيش زي حالاتي ساعتها اعملي زي و تابعي معايا

 

الاول بقطع الكيكه شرايح و بعدين بحط شريحتين على الطبق

 

 

و بعدين اكون مسخنه الفدج شيكولاته كويس و احط ككميه محترمه على الكيكه

 

 

و بعدين احط طبقه تانيه من الكيكه

 

 

و بعدها احط الايس كريم و هنا استخدمت ايس كريم فانيليا بس ممكن تحطي كمان ايس كريم موكا و بيكون يجنن معاها

 

 

و ده شكلها النهائي و يارب تعجبكوا و يكون شرحي كويس لانها اول مره اشرح طريقه اكل و اسيبكم مع صورها

 

 

 

و دي بعت ما زوجي قضى عليها بالهنا و الشفا :oops:

 

 

يارب تعجبكو و بالهنا و العافيه حبايبي

[أم ربعي 21]

روووووووووووووعة تسلم ايدك حبيبتى

اللى فهمته انها كيكة عاديةبالشوكولاته ومحطوط عليها صوص شوكولا وايس كريم صح كده

اعملها ويارب تطلع حلوة؟

[احساس جميل 6]

ماشاء الله

شكلها مغري جدااااااااا

لي عوده بعد التطبيق باذن الله

جزاك الله خيرا ياقمر

[بغداد الجريحة 7]

تسلم يدك

شكلها يممممممممممممم

ان شاء الله اجربها مع كيكة الموس بتاعة المتفائلة جدا هشة

[ثروة 259]

ممكن ملاحظة صغيرة عن الفانيليا

روح الفانيليا ممكن يكون فيها كحول راجعي مما صنعت أخيتي

[حفيدة الياسين 3]

[ritaj 21 34]

السلام عليكــم ورحمـة الله وبركاتــة ،،

[نهى المصريه 3]

وااااا :tongue: ااااو

 

تسلم ايدك يا قمممممممر :rolleyes:

[محبة لربها، ادعوا لي بالثبات 72]

ما ششاء الله مبدعه اللهم بارك فيكِ ام مريم ورغد

[ام مريم و رغد 0]

ممكن ملاحظة صغيرة عن الفانيليا

روح الفانيليا ممكن يكون فيها كحول راجعي مما صنعت أخيتي

 

 

السلام عليكــم ورحمـة الله وبركاتــة ،،

 

جزاكي الله خيرا على تالملاحظه و انا رجعت للفانيلا الي عندي و لقيت مكتوب عليها خالي من الكحول الحمد لله

[ام مريم و رغد 0]

روووووووووووووعة تسلم ايدك حبيبتى

اللى فهمته انها كيكة عاديةبالشوكولاته ومحطوط عليها صوص شوكولا وايس كريم صح كده

اعملها ويارب تطلع حلوة؟

 

 

السلام عليكــم ورحمـة الله وبركاتــة ،،

 

هيه فعلا كيكه شيكولاته بس ياريت لو تكون هشه لانها بتكون حلوه اوي و صوص الشيكولا مش بيكون صوص عادي لا فدج سايح لان الطعم بيفرق عن تجربه :tongue:

مستنيه تطبيقاتكم

[ام مريم و رغد 0]

تسلم يدك

شكلها يممممممممممممم

ان شاء الله اجربها مع كيكة الموس بتاعة المتفائلة جدا هشة

 

 

مستنيه اشوف تطبيقك و يارب تعجبك

[ام مريم و رغد 0]

جزاكم الله خيرا على مروركم و تشجيعكم يارب تجربوها و تعجبكم و ان شاء الله لي عوده تانيه مع صنف تاني ان شاء الله

[**نحو غدٍ أفضل** 15]

ما شاء الله رائعة

 

إن شاء الله أشوف موضوع القالب دا

 

بس بقولك إيه

 

تعرفى القوالب الألامونيا إللى بتمون صغيرة فى الحجم أو منها أحجام كتير

 

بنستعملها فى الجيلى ( عشان لما نقلبه يكون له شكل )

 

ممكن نستعملها لأن منها بيكون من تحت مقعر فهتبقى أسهل تحطى فيها السيكولاتة و الأيس كريم

 

جزاك الله خيراً على الوصفة

[صلاتي حيلتي 0]

يسلموووو

[ام مريم و رغد 0]

ما شاء الله رائعة

 

إن شاء الله أشوف موضوع القالب دا

 

بس بقولك إيه

 

تعرفى القوالب الألامونيا إللى بتمون صغيرة فى الحجم أو منها أحجام كتير

 

بنستعملها فى الجيلى ( عشان لما نقلبه يكون له شكل )

 

ممكن نستعملها لأن منها بيكون من تحت مقعر فهتبقى أسهل تحطى فيها السيكولاتة و الأيس كريم

 

جزاك الله خيراً على الوصفة

 

فكره برضه بس فكرك مش خفيفه و ممكن تلسع الكيكه و هيه في الفرن؟؟

 

جربي و قوليلي عملتي ايه و شكرا على المرور