أرجوا من كل أخت مخطوبه أومتزوجه الدخول ؟؟؟؟؟؟؟

[راغبة بالفردوس 477]

 

السلام عليكــم ورحمـة الله وبركاتــة ،،

 

بســم الله الـرحمــن الرحيــم

 

 

لن أُطيل عليكنّ وسأبدأ في الموضوع

طبعاً أغلبكن تعرض لموقف رويه الخاطب للمره الاولي

 

لذلك فأطلب منكنّ فضلاً لا أمراً ان تجبنني عن بعض الاسئله ، فإجاباتكن مهمه بالنسبه لي ، وأنا في حاجه اليها في أقرب وقت

 

وأيضاً ستكون مهمه لمن لم تُخطب أ تتزوج بعد .

 

ومن هذه الاسئله :huh:

 

• 
  

هل كنتِ تعرفين زوجك أو( خطيبك ) قبل الزواج أو ( الخطوبه ) ؟؟؟؟
اذا لم تكوني تعرفينه ، فماذا كان شعورك عندما رأيتيه للوهله الاولي ؟؟ وهل تغير شعورك بعد ذلك في نفس الجلسه ؟؟
هل عندما رأتيه في الايام التاليه لهذا اليوم كان لديكِ نفس الشعور الذي كان يراودك في اليوم الاول ؟؟
وهل تغير هذا الشعور بمرور الايام والاسابيع والشهور؟؟؟
وهل كان هناك قبول في اليوم الاول من للتعارف ؟؟
هل كنتِ متردده في الاختيار ؟؟ إذا كانت الاجابه نعم فما كان منكِ بعد ذلك ؟؟
هل كان هناك توافق وقبول منذ اللحظات الاولي للتعارف ؟؟ وإذا كانت الاجابه نعم فكيف عرفتي ذلك
أو ما كان شعورك في ذلك الوقت ؟؟

 

 

طبعاً هناك الكثير من الاسئله في هذا الشأن ولكن لاتحضر ذهني الان

 

لذلك أرجوا ممن لديها إضافه لا تتردد في كتابتها .....

 

وأكتفي بهذا ، وأنا أعلمًُ ان في هذه الاسئله ما يدل علي الغباء :- , ولكن صدقوني

 

إجاباتكنّ مهمه جداااااا بالنسبه إليّ ..

 

وتأكدي وإنت تكتبين الاجابات علي هذه الاسئله ، أنكِ ستفيدي الكثيرين ممن هم في حيره من أمرهم مثلي

 

وإن شاء الله تكون إجاباتك في موازين حسناتك

 

ومعذره علي الاطاله

 

والسلام عليكــم ورحمـة الله وبركاتــة ،،

 

( أرجو الرد سريعاً )

تم تعديل 20 مايو, 2010 بواسطة راغبة بالفردوس

[الاء القدوس 18]

كما تعرفين غادة الحبيبة انا مخطوبة نص نص هههههه كلام يعني

و انتظر الخطوبة الرسمية

خطيبي كان يدرس معي ان شاء الله نستفيد من الاخوات

[حفصة أحمد 40]

وعليكم السلام ورحمة الله وبركاته،،

 

كنت اود الرد عليك بما يفيد

ولكنى لم اخطب بعد

وادعو الله لك ان يوفقك فى الاختيار

[#ام سلمى# 1]

السلام عليكم ورحمة الله وبركاته،،

كنت كتبت الرد باستفاض

[ღ ربـانية ღ 1]

السلام عليكم ورحمة الله وبركاته

 

حياكى الله اختى راغبة بالفردوس

ولا غباء ولا حاجة ما هو الحال من بعضه :rolleyes:

واختك برضو اتحطت فى نفس الموقف وهذه الحيرة والله المستعان

 

أولا أسأل الله أن يرزقك الزوج الصالح الذى تقر عينك به ويعينك على أمر دينك ودنياكـ عاجلا غير آجلا وجميع بنات المسلمين اللهم آمين

 

وبالنسبة لموضوع الرؤية الشرعية الذى تسألى عنه فالأمر ان شاء الله يسير

 

# هل كنتِ تعرفين زوجك أو( خطيبك ) قبل الزواج أو ( الخطوبه ) ؟؟؟؟

 

هو بالنسبة لى صراحة لم أكن أعرفه ولا رأيته من قبل وكنت بدعى قبل الرؤية اللهم دبر لى فإنى لا أحسن التدبير..اللهم بين لى بيانا شافيا فى أمر الأخ فلان ( كنت سمعت الشيخ هانى حلمة فى درس عن الرؤية الشرعية قاله )

 

وعلشان كده انتى بتصلى استخارة واتركيها على الله وفوضى الأمر له وتوكلى عليه حق التوكل وان شاء الله ربنا هييسر لك الامور لما فيه خير لكـ بإذن الله

 

ولو ليكى نصيب معه والله صدقينى هتلاقى نفسك مرتاحة للأمر جدا حتى لو كان على غير ما توقعتى بس سبحان الله

كما يقول المصطفى الارواح جنود مجندة ما تعارف منها ائتلف وما تنافر منها اختلف أو كما قال

 

إدعى دايما ربنا ييسر لك الامر لما يحبه ويرضاه

 

 

# اذا لم تكوني تعرفينه ، فماذا كان شعورك عندما رأيتيه للوهله الاولي ؟؟ وهل تغير شعورك بعد ذلك في نفس الجلسه ؟؟

# هل عندما رأتيه في الايام التاليه لهذا اليوم كان لديكِ نفس الشعور الذي كان يراودك في اليوم الاول ؟؟

# وهل تغير هذا الشعور بمرور الايام والاسابيع والشهور؟؟؟

# وهل كان هناك قبول في اليوم الاول من للتعارف ؟؟

 

أيوة انتى ممكن اول ما تقع عينك عليه من أول مرة ماتحسيش القبول او الاعجاب المتوقع بس ممكن فى اخر الجلسة الأمر بيختلف على فكرة لان الشخص لما بيتكلم تقدرى تحكمى عليه أكتر من خلال اسلوبه فى الكلام والتعبير واخلاقه وضحكته ودمه تقيل ولا خفيف وهل مثقف ولا لأ وهل ملتزم او لا..وغيرها كل ده بيظهر مع الكلام اللى ما بينكم فى الرؤية..فانتى ماتحكميش بإنك مثلا ماحستيش بالقبول والاعجاب المتوقع من اول مرة لأ مش شرط زى ما قلتلك وفعلا لما بتشوفيه تانى الامر بيتغير ونظرتك له بتتغير...

وممكن تلاقى مع واحدة تانية العكس تلاقيها القبول حصل من اول مرة..فالامر نسبى

 

وموضوع القبول ده بيتحس والله بدون ما تعبرى أو هو يعبر عن ده

 

 

# هل كنتِ متردده في الاختيار ؟؟ إذا كانت الاجابه نعم فما كان منكِ بعد ذلك ؟؟

مترددة قبل ما تتم الرؤية الشرعية لكن طول ما انتى حريصة على ان تفوضى أمرك لله وتستخيريه فى الامر ده

بيعطيكى ثقة و يقين تااااااااااام ولا بتحسى بقلق ولا بخوف ولا شىء

انتى بتكررى الاستخارة والدعاااااااااااااااء خاصة وقت السحر والسجود

 

وبإذن الله لن يخذلك الله

 

وانصحك بسماع سلسلة الشباب والزواج للشيخ هانى حلمى هتفيدك كتيييير بإذن الله كما افادتنى والله وكثير من الاخوات

اضغطى هنا

 

وربنا ييسر لك الامر ولجميع الاخوات يارب

واى استشارة فى امر الرؤية والخطبة انا تحت امركم باذن الله

 

 

[ام مريم ويحيى 136]

حبيبتى الغاليه هحاول اجيب على بعض الاسئلة

 

هل كنتِ تعرفين زوجك أو( خطيبك ) قبل الزواج أو ( الخطوبه ) ؟؟؟؟

 

لا اول مره كنت اشوفه يوم الرؤيه الشرعيه لاننا من محافظتين فى مصر بعيد عن بعض كتير

 

 

اذا لم تكوني تعرفينه ، فماذا كان شعورك عندما رأيتيه للوهله الاولي ؟؟

 

اصلا انا ما اخدتش بالى منه غير وهما مروحين هو ووالدته ووالده لانى يومها كنت همووووووت من الكسوف

 

وبصراحه كنت مرتاحه بس ما كنتش تخدت قرار نهائى لان كان طبعا لسه فى رأى اخواتى وطبعا عملت استخاره

 

 

هل عندما رأتيه في الايام التاليه لهذا اليوم كان لديكِ نفس الشعور الذي كان يراودك في اليوم الاول ؟؟

 

فى الحقيقه بعد كده تغير الاحساس للراحه الكامله بعد ما عملت استخاره وكمان رأى كل اهلى والمحيطين بى كانوا مرحبين جدا وده ادانى احساس

 

بالراحه الكامله والامان

 

وهل تغير هذا الشعور بمرور الايام والاسابيع والشهور؟؟؟

 

فى الحقيقه انا من يوم الرؤيه الشرعيه حتى تم العقد وهو كتب الكتاب 15 يوم يعنى اسبوعين وبعديت سافر ورجع بعد 3 شهور واتممنا الزفاف

 

يعنى فترة الخطوبه انا ما شفتهوش ولكن ظل الاحساس بالراحه والسعاده مسيطر عليا والحمد لله

 

 

 

وهل كان هناك قبول في اليوم الاول من للتعارف ؟؟

 

مثل ما اخبرتك اختى الحبيبه انا ما كنت مرتاحه ولكن بعد الاستخاره استرحت كثيرا والحمد لله

 

اجوا ان اكون افدتك على اد ما اقدر

 

وأى اسئلة تانى ان شاء الله نقدر نجاوب عليها

 

بالتوفيق يا غاليه

[** ام مصرية** 0]

السلام عليكــم ورحمـة الله وبركاتــة ،،

بالنسبة لى مش هفيدك فى أى شئ لإن زوجى ابن خالى يعنى متربين مع بعض

و مش هقدر اجاوب لكِ على أى سؤال لأنى ما جربتش الموقف ده قبل كده

هو أنتى مقبلة على مشروع خطوبة و محتارة و لا أيه :rolleyes:

[ღ ربـانية ღ 1]

وربنا يارب يتمم لك على خير اختى الاء القدوس

ويرزقك اختى حفصة بالزوج الصالح الذى يعينك على امر دينك ودنياكى عاجلا غير اجلا وجميع بنات المسلمين اللهم امين

[omsalma81 0]

هل كنتِ تعرفين زوجك أو( خطيبك ) قبل الزواج أو ( الخطوبه ) ؟؟؟؟

لا

اذا لم تكوني تعرفينه ، فماذا كان شعورك عندما رأيتيه للوهله الاولي ؟؟ وهل تغير شعورك بعد ذلك في نفس الجلسه

كنت متوكله على الله ومكسوفه طبعاوتغيرالكسوف شىء بشىء بعدكلامه

هل عندما رأتيه في الايام التاليه لهذا اليوم كان لديكِ نفس الشعور الذي كان يراودك في اليوم الاول ؟

لاطبعا بتبدأهناك الفه وراحه نفسيه وبتبلتدى تشوفى مزايا وعيوب(ماتنسيش انه انسان وله عيوب

وهل تغير هذا الشعور بمرور الايام والاسابيع والشهور؟؟؟

الحياة الزوجيه كلها مشاااااعر مختلفه بتتوقف على مدى الصبرعندالزوج والزوجه فالحياه الزوجيه ليست عواطف ليل ونهار بل هى اكبر كتيير واكيدبتكتشفى صفات ومزايا وعيوب ولكن لازم تتكيفى وتتعايشى معها وتبنى بيت صالح

وهل كان هناك قبول في اليوم الاول من للتعارف

نعم

هل كان هناك توافق وقبول منذ اللحظات الاولي للتعارف ؟؟ وإذا كانت الاجابه نعم فكيف عرفتي ذلك

أو ما كان شعورك في ذلك الوقت ؟؟

الحقيقه انا منذ الوهله الاولى قذف الله فى قلبى حب زوجى وكنت مرتاحه وسعيده حتى بالرغم من كثيرمن الصعاب التى واجهتنا

فالحمدلله رب العالمين

اسال الله لى ولك السعاده

[ღ ربـانية ღ 1]

وأنصحك أختى راغبة وجميع الاخوات اللى مقبلين على فترة الخطوبة يدخلوا هنا ( كل شىء عن الرؤية الشرعية كيف تتصرفى )

https://akhawat.islamway.net/forum/index.php?showtopic=248301

[راغبة بالفردوس 477]

السلام عليكم ورحمة الله وبركاته،،

 

أنا والله مش عارفه أقولكم إيه علي فرحي بردكم السريع علي الموضوع ، والله أنا سعيده جداً وربي يعلم مقدار سعادتي بكم

 

هو أنتى مقبلة على مشروع خطوبة و محتارة و لا أيه

 

نعم ، ومش عارفه أفكر ولا أتخذ قرار قلت أشارككم معايا ، وأخليكوا تفيدوني بتجاربكم ، والحمد لله ما خيبتوش ظنّي

 

ربنا يكرمكم ويسعدكم في الدنيا والاخره

 

وإن شاء الله لي عوده غداً للرد عليكوا كلكوا ، لان الوقت إتأخر الان

 

والسلام عليكم ورحمة الله وبركاته،،

[ام جويريه78 0]

لى عوده ان شأء الله للرد

[راغبة بالفردوس 477]

كما تعرفين غادة الحبيبة انا مخطوبة نص نص هههههه كلام يعني

و انتظر الخطوبة الرسمية

خطيبي كان يدرس معي ان شاء الله نستفيد من الاخوات

 

 

هههههه

 

ربنا يجمع بينك وبين خطيبك علي خير حبيبتي عفاف

 

وان شاء الله تستفيدي معي من ردود الاخوات

[راغبة بالفردوس 477]

وعليكم السلام ورحمة الله وبركاته،،

 

كنت اود الرد عليك بما يفيد

ولكنى لم اخطب بعد

وادعو الله لك ان يوفقك فى الاختيار

 

 

اللهم آآآمين

 

وأسأ ل الله ان يرزقكِ ويرزق كل بنات المسلمين أزواجاً صالحين عاجلاً غير آجلاً انه وليُّ ذلك والقادر عليه

 

أسعدني مرورك حبيبتي حفصه

[راغبة بالفردوس 477]

السلام عليكم ورحمة الله وبركاته،،

كنت كتبت الرد باستفاض

 

أهلاً بكِ أختي الحبيبه سلمي

 

لكن معذرهً مش فاهمه قصدك ايه :tongue:

[راغبة بالفردوس 477]

السلام عليكم ورحمة الله وبركاته

 

حياكى الله اختى راغبة بالفردوس

ولا غباء ولا حاجة ما هو الحال من بعضه :tongue:

واختك برضو اتحطت فى نفس الموقف وهذه الحيرة والله المستعان

 

أولا أسأل الله أن يرزقك الزوج الصالح الذى تقر عينك به ويعينك على أمر دينك ودنياكـ عاجلا غير آجلا وجميع بنات المسلمين اللهم آمين

 

وبالنسبة لموضوع الرؤية الشرعية الذى تسألى عنه فالأمر ان شاء الله يسير

 

# هل كنتِ تعرفين زوجك أو( خطيبك ) قبل الزواج أو ( الخطوبه ) ؟؟؟؟

 

هو بالنسبة لى صراحة لم أكن أعرفه ولا رأيته من قبل وكنت بدعى قبل الرؤية اللهم دبر لى فإنى لا أحسن التدبير..اللهم بين لى بيانا شافيا فى أمر الأخ فلان ( كنت سمعت الشيخ هانى حلمة فى درس عن الرؤية الشرعية قاله )

 

وعلشان كده انتى بتصلى استخارة واتركيها على الله وفوضى الأمر له وتوكلى عليه حق التوكل وان شاء الله ربنا هييسر لك الامور لما فيه خير لكـ بإذن الله

 

ولو ليكى نصيب معه والله صدقينى هتلاقى نفسك مرتاحة للأمر جدا حتى لو كان على غير ما توقعتى بس سبحان الله

كما يقول المصطفى الارواح جنود مجندة ما تعارف منها ائتلف وما تنافر منها اختلف أو كما قال

 

إدعى دايما ربنا ييسر لك الامر لما يحبه ويرضاه

 

 

# اذا لم تكوني تعرفينه ، فماذا كان شعورك عندما رأيتيه للوهله الاولي ؟؟ وهل تغير شعورك بعد ذلك في نفس الجلسه ؟؟

# هل عندما رأتيه في الايام التاليه لهذا اليوم كان لديكِ نفس الشعور الذي كان يراودك في اليوم الاول ؟؟

# وهل تغير هذا الشعور بمرور الايام والاسابيع والشهور؟؟؟

# وهل كان هناك قبول في اليوم الاول من للتعارف ؟؟

 

أيوة انتى ممكن اول ما تقع عينك عليه من أول مرة ماتحسيش القبول او الاعجاب المتوقع بس ممكن فى اخر الجلسة الأمر بيختلف على فكرة لان الشخص لما بيتكلم تقدرى تحكمى عليه أكتر من خلال اسلوبه فى الكلام والتعبير واخلاقه وضحكته ودمه تقيل ولا خفيف وهل مثقف ولا لأ وهل ملتزم او لا..وغيرها كل ده بيظهر مع الكلام اللى ما بينكم فى الرؤية..فانتى ماتحكميش بإنك مثلا ماحستيش بالقبول والاعجاب المتوقع من اول مرة لأ مش شرط زى ما قلتلك وفعلا لما بتشوفيه تانى الامر بيتغير ونظرتك له بتتغير...

وممكن تلاقى مع واحدة تانية العكس تلاقيها القبول حصل من اول مرة..فالامر نسبى

 

وموضوع القبول ده بيتحس والله بدون ما تعبرى أو هو يعبر عن ده

 

 

# هل كنتِ متردده في الاختيار ؟؟ إذا كانت الاجابه نعم فما كان منكِ بعد ذلك ؟؟

مترددة قبل ما تتم الرؤية الشرعية لكن طول ما انتى حريصة على ان تفوضى أمرك لله وتستخيريه فى الامر ده

بيعطيكى ثقة و يقين تااااااااااام ولا بتحسى بقلق ولا بخوف ولا شىء

انتى بتكررى الاستخارة والدعاااااااااااااااء خاصة وقت السحر والسجود

 

وبإذن الله لن يخذلك الله

وربنا ييسر لك الامر ولجميع الاخوات يارب

واى استشارة فى امر الرؤية والخطبة انا تحت امركم باذن الله

 

 

 

 

ربنا يبارك فيكِ أختي الحبيبه ربانيه ، أفدتيني بردك وأسعدتيني به

 

أسأل الله أن يجعله في ميزان حسناتك

 

وجزاكِ الله خيراً علي إستفاضتك في الرد

 

(( أحبك في الله ))

[راغبة بالفردوس 477]

حبيبتى الغاليه هحاول اجيب على بعض الاسئلة

 

هل كنتِ تعرفين زوجك أو( خطيبك ) قبل الزواج أو ( الخطوبه ) ؟؟؟؟

 

لا اول مره كنت اشوفه يوم الرؤيه الشرعيه لاننا من محافظتين فى مصر بعيد عن بعض كتير

 

 

اذا لم تكوني تعرفينه ، فماذا كان شعورك عندما رأيتيه للوهله الاولي ؟؟

 

اصلا انا ما اخدتش بالى منه غير وهما مروحين هو ووالدته ووالده لانى يومها كنت همووووووت من الكسوف

 

وبصراحه كنت مرتاحه بس ما كنتش تخدت قرار نهائى لان كان طبعا لسه فى رأى اخواتى وطبعا عملت استخاره

 

 

هل عندما رأتيه في الايام التاليه لهذا اليوم كان لديكِ نفس الشعور الذي كان يراودك في اليوم الاول ؟؟

 

فى الحقيقه بعد كده تغير الاحساس للراحه الكامله بعد ما عملت استخاره وكمان رأى كل اهلى والمحيطين بى كانوا مرحبين جدا وده ادانى احساس

 

بالراحه الكامله والامان

 

وهل تغير هذا الشعور بمرور الايام والاسابيع والشهور؟؟؟

 

فى الحقيقه انا من يوم الرؤيه الشرعيه حتى تم العقد وهو كتب الكتاب 15 يوم يعنى اسبوعين وبعديت سافر ورجع بعد 3 شهور واتممنا الزفاف

 

يعنى فترة الخطوبه انا ما شفتهوش ولكن ظل الاحساس بالراحه والسعاده مسيطر عليا والحمد لله

 

 

 

وهل كان هناك قبول في اليوم الاول من للتعارف ؟؟

 

مثل ما اخبرتك اختى الحبيبه انا ما كنت مرتاحه ولكن بعد الاستخاره استرحت كثيرا والحمد لله

 

اجوا ان اكون افدتك على اد ما اقدر

 

وأى اسئلة تانى ان شاء الله نقدر نجاوب عليها

 

بالتوفيق يا غاليه

 

أولاً شكراً لكِ حبيبتي سندسه علي تفاعلك معي

 

أسأل الله ان يجعله في ميزان حسناتك

 

ثانياً : عايزه أقولك ان ردك ضحكني قوي عندما قلتي

 

اصلا انا ما اخدتش بالى منه غير وهما مروحين هو ووالدته ووالده

 

ههههههه

 

ربنا يسعدك ويديمها عليكِ نعمه

 

وإنتِ فعلاً أفدتيني وربنا يكرمك

[راغبة بالفردوس 477]

السلام عليكــم ورحمـة الله وبركاتــة ،،

بالنسبة لى مش هفيدك فى أى شئ لإن زوجى ابن خالى يعنى متربين مع بعض

و مش هقدر اجاوب لكِ على أى سؤال لأنى ما جربتش الموقف ده قبل كده

هو أنتى مقبلة على مشروع خطوبة و محتارة و لا أيه :tongue:

 

 

وعليكم السلام ورحمه اللهوبركاته

 

وما فدتنيش إذاي !!!

 

كفايه اني عرفت ان اللي بيكونوا عارفين بعض ما بيتعرضش للمواقف دي ههههههه

 

ربنا يسعدك ويبارك فيكِ ، وشكراً علي ردك الطيب

 

وذي ما قلتك انا فعلاً محتاره ومش عارفه أقرر

[راغبة بالفردوس 477]

هل كنتِ تعرفين زوجك أو( خطيبك ) قبل الزواج أو ( الخطوبه ) ؟؟؟؟

لا

اذا لم تكوني تعرفينه ، فماذا كان شعورك عندما رأيتيه للوهله الاولي ؟؟ وهل تغير شعورك بعد ذلك في نفس الجلسه

كنت متوكله على الله ومكسوفه طبعاوتغيرالكسوف شىء بشىء بعدكلامه

هل عندما رأتيه في الايام التاليه لهذا اليوم كان لديكِ نفس الشعور الذي كان يراودك في اليوم الاول ؟

لاطبعا بتبدأهناك الفه وراحه نفسيه وبتبلتدى تشوفى مزايا وعيوب(ماتنسيش انه انسان وله عيوب

وهل تغير هذا الشعور بمرور الايام والاسابيع والشهور؟؟؟

الحياة الزوجيه كلها مشاااااعر مختلفه بتتوقف على مدى الصبرعندالزوج والزوجه فالحياه الزوجيه ليست عواطف ليل ونهار بل هى اكبر كتيير واكيدبتكتشفى صفات ومزايا وعيوب ولكن لازم تتكيفى وتتعايشى معها وتبنى بيت صالح

وهل كان هناك قبول في اليوم الاول من للتعارف

نعم

هل كان هناك توافق وقبول منذ اللحظات الاولي للتعارف ؟؟ وإذا كانت الاجابه نعم فكيف عرفتي ذلك

أو ما كان شعورك في ذلك الوقت ؟؟

الحقيقه انا منذ الوهله الاولى قذف الله فى قلبى حب زوجى وكنت مرتاحه وسعيده حتى بالرغم من كثيرمن الصعاب التى واجهتنا

فالحمدلله رب العالمين

اسال الله لى ولك السعاده

 

متشكره لكِ جداً حبيبتي أم سلمي ، وأسأل الله أن يبارك لكِ في زوجك

 

وأن يديم نعمه المحبه بينكم

 

جزاكِ الله خيراً ، وإن شاء الله تجدي ردك هذا في ميزان حسناتك

 

دمتي بخير حال

[راغبة بالفردوس 477]

لى عوده ان شأء الله للرد

 

 

وأنا أنتظر عودتك بإذن الله

[ام الاشبال 3]

مبارك مقدما يا رغووبة

 

اقولك على حاجة

 

سيبيها على ربنا

 

كده كده ركبك هتترعش وسنانك ه هتخبط فى بعضها بس بتبقى ليلة جميييييييييييلة

 

ربنا ينزل على قلبيكما القبول ان كان لكما الخير فى بعض

 

اهم حاجة بتعرفى تعملى قهوة ولالا :oops:

[راغبة بالفردوس 477]

مبارك مقدما يا رغووبة

 

اقولك على حاجة

 

سيبيها على ربنا

 

كده كده ركبك هتترعش وسنانك ه هتخبط فى بعضها بس بتبقى ليلة جميييييييييييلة

 

ربنا ينزل على قلبيكما القبول ان كان لكما الخير فى بعض

 

اهم حاجة بتعرفى تعملى قهوة ولالا :oops:

 

 

إيه الرد ده يامريومه ههههههه

 

ربنا يبشرك بالخير :biggrin: :biggrin:

 

ركبي هترتعش وسناني هتخبط في بعض

 

ماااااااااااشي

 

وإن شاء الله لما يحصل حاجه هبقي أقولكم ، أصل هو مسافر وهييجي في شهر 6

 

................

 

وعلي فكره أنا بعرف أعمل القهوه :biggrin: :biggrin: :biggrin:

[ام مريم و رغد 0]

السلام عليكم ورحمة الله وبركاته،،

 

ماكنتش اعرفه خالص قبل الزواج و كنت بدعي دايما اللهم ارزقني زوجا صالحا يعيني على ديني

 

و لما قابلته اول مره ماكنتش عايزه ابصله حتى بس سبحان الله لما بدا يتكلم سالت نفسي هوه انا قابلته قبل كده فيييين؟؟؟؟

 

و تاني مره قابلته فيها كان بعد شهر لانه سافر بعدها على طول للحج و لما رجع اتقابلنا تاني و كنت طول الوقت ده بعمل استخاره بعد كل صلاه و بدعي ربنا انه يوفقني و سبحان الله برضه كان في ارتياح غريب معاه

 

على فكره اول لما رجع و اتصل في البيت علشان يستاذن انه يجي تاني سالته 3 اسئله

 

الاول انت شكلك ايه بالظبط ؟؟؟لاني ماكنتش فاكره شكله خالص و لو كنت شفته في الشارع ماكنتش هاعرفه:grin:

 

التاني انت بتشتغل ايه بالظبط لاني مش فاكره؟؟؟:dry:

 

التالت طولك كام سنتي لانهم قالولي عنك طويل و انا شوفتك قصير:-

 

رد على ال 3 اسئله (طلع فرق الطول بيني و بينه 20 سم لصالحه طبعا:wacko: )

و بعدها سالني سؤال واحد انتي عملتي استخاره و وافقتي على مين بالظبط ؟؟؟

 

طب انتي عارفه انا اسمي ايه؟؟؟:mrgreen:

 

بس عيب عليكي جاوبت طبعا

:grin:

 

و صدقيني سبحان الله توفيق ربنا احسن من لو تعرفيه قبل الزواج 100 سنه حتى

 

و نصيحتي ليكي انك تكثري من الاستخاره و تدرسي عيوبه قبل مميزاته علشان دي الي هاتبان اوي بعد كده و لازم تكون من النوع الي تستحمليه لان مفيش راجل بيتغير فادرسيه كويس اوي و انتبهي لاقل حركه ممكن يعملها لانها ممكن تدلك على حاجات كتير في شخصيته

 

ربنا معاكي و ان شاء الله ربنا يوفقك في زوج صالح يعينك على دينك

[راغبة بالفردوس 477]

السلام عليكم ورحمة الله وبركاته،،

 

ماكنتش اعرفه خالص قبل الزواج و كنت بدعي دايما اللهم ارزقني زوجا صالحا يعيني على ديني

 

و لما قابلته اول مره ماكنتش عايزه ابصله حتى بس سبحان الله لما بدا يتكلم سالت نفسي هوه انا قابلته قبل كده فيييين؟؟؟؟

 

و تاني مره قابلته فيها كان بعد شهر لانه سافر بعدها على طول للحج و لما رجع اتقابلنا تاني و كنت طول الوقت ده بعمل استخاره بعد كل صلاه و بدعي ربنا انه يوفقني و سبحان الله برضه كان في ارتياح غريب معاه

 

على فكره اول لما رجع و اتصل في البيت علشان يستاذن انه يجي تاني سالته 3 اسئله

 

الاول انت شكلك ايه بالظبط ؟؟؟لاني ماكنتش فاكره شكله خالص و لو كنت شفته في الشارع ماكنتش هاعرفه:grin:

 

التاني انت بتشتغل ايه بالظبط لاني مش فاكره؟؟؟:grin:

 

التالت طولك كام سنتي لانهم قالولي عنك طويل و انا شوفتك قصير:dry:

 

رد على ال 3 اسئله (طلع فرق الطول بيني و بينه 20 سم لصالحه طبعا:wacko: )

و بعدها سالني سؤال واحد انتي عملتي استخاره و وافقتي على مين بالظبط ؟؟؟

 

طب انتي عارفه انا اسمي ايه؟؟؟:grin:

 

بس عيب عليكي جاوبت طبعا

:grin:

 

و صدقيني سبحان الله توفيق ربنا احسن من لو تعرفيه قبل الزواج 100 سنه حتى

 

و نصيحتي ليكي انك تكثري من الاستخاره و تدرسي عيوبه قبل مميزاته علشان دي الي هاتبان اوي بعد كده و لازم تكون من النوع الي تستحمليه لان مفيش راجل بيتغير فادرسيه كويس اوي و انتبهي لاقل حركه ممكن يعملها لانها ممكن تدلك على حاجات كتير في شخصيته

 

ربنا معاكي و ان شاء الله ربنا يوفقك في زوج صالح يعينك على دينك

 

 

ههههههههه

 

مش عارفه ليه إجاباتكم كلها بتضحك ليه كدا :- :mrgreen:

 

علي العموم شكراً لكي يا أم مريم ورغد علي المعلومات

 

صدقوني أن استفدت منك جداً

 

ربنا يجعله في ميزان حسناتك يارب

[ام مريم و رغد 0]

السلام عليكم ورحمة الله وبركاته،،

 

مش عارفه ليه إجاباتكم كلها بتضحك ليه كدا

 

مش عارفه دي حاجه كويسه ولا لا

 

بس على العموم انا مش بحب الردود الرسميه انا دايما لما برد على اي موضوع بحس اني بكلم الي كاتباه كاني قاعده معاها بمنتهى التلقائيه و العفويه

 

مش عارفه ده صح ولا لا بس انا كده و مبحبش الرسميات

 

بس على العموم انا بكون مبسوطه لما برسم البسمه على وجه اي حد يقرى ردودي لاني دايما بحب البسمه و الفرفشه ماليش في العقد خالص

 

ودي نصيحه دايما لكل واحده بقولها خدي كل موضوع ببساطه مهما كان ربنا بيفرجها و دايما لعله خير

 

 

ربنا يسعدك يا حبيبتي احبك في الله