بيت مغتربات أخوات الإسلام

[أحزنتنى ذنوبى 2]

صحيح احنا في بلاد مسلمة لكن نشعر بالغربة كثيرا فليس من السهل ان تجدي اناس جيدين لتتعرفي عليهم خصوصا ان احنا المصريين شوية عشريين زي ما بيقولوا ولكن جنسيات أخرى كثيرة ليس من السهل الاختلاط بهم وهم ايضا لايحبوا التعارف فمن الممكن ان يكونوا جيرانك كلهم عرب ومسلمين ولكن لا تعرفي عنهم شيئا ووقتها لن تحاولي ان تتعرفي عليهم اذا عرفتي انهم لا يحبوا التعارف او اذا صدمتي في بادئ معرفتك بهم عندما تشعرين انهم لايرغبون في الاختلاط وهذة مشكلة تواجهه الكثير هنا

انا لما كنت في الرياض كنت ساكنة عمارة كبيرة وكان فيها من كل الجنسيات تقريبا كان فيها من سوريا وفلسطين والاردن وباكستان واليمن والسعودية ومصرلكن بصراحة كانوا احسن من اهلي وكنا اكتر من الأخوات كانوا فعلا نعم الجيران وهونوا عليا الغربة كتير

والله لما كنت باجي انزل مصر واسلم عليهم كنت بعيط

لكن لما اتنقلت حسيت فرق كبير جيراني عرب مسلمين وانا اللي بدات التعارف عليهم لكنهم منعزلين ولذلك اشعر اني في العمارة لوحدي

لكن الشئ الي هون عليا غربتي فعلا وحسسني بفرق كبير لما رحت لدار تحفيظ القرآن سواء هنا او الرياض حسيت فعلا اني عايشة

[أم نهى الفقيرة إلى الله 0]

صحيح احنا في بلاد مسلمة لكن نشعر بالغربة كثيرا فليس من السهل ان تجدي اناس جيدين لتتعرفي عليهم خصوصا ان احنا المصريين شوية عشريين زي ما بيقولوا ولكن جنسيات أخرى كثيرة ليس من السهل الاختلاط بهم وهم ايضا لايحبوا التعارف

 

 

أنا عن نفسي أحب المصرييــــن أوي أوي أوي ...ههههههه :biggrin: :biggrin: :biggrin: أنا لسة مش عندي صديقة مصرية ، لكن أكيد حتعرف على أختفي القريب إن شاء الله

 

لكن الشئ الي هون عليا غربتي فعلا وحسسني بفرق كبير لما رحت لدار تحفيظ القرآن سواء هنا او الرياض حسيت فعلا اني عايشة

 

 

ما شاء الله ، الله يدمها عليكي نعمة ، حفظ كتاب الله أفضل ونيس

 

:icon15: :icon15:

 

 

 

[أم نهى الفقيرة إلى الله 0]

 

 

أخواتي المغتربات في ابلاد الأوروبية أو الأمريكية .. أو ما شابه ..

 

ممكن تحكو لنا مشاكلكم هناك .. ؟؟

طبعا أكيد كلنا عندو مشاكل أو معوقات تصعب عليه الحياة هناك ، سواء كانت متعلقة :

ـ بتربية الأبناء ، الحضانة وبعد ذلك المدرسة ..

ـ مشكلة الحجاب أو النقاب ..

ـ مشكلة اللغة ..

ـ مشكلة في إيجاد الأكل الحلال 100 %

ـ ...

يعني نقول مشاكلنا كلها ونناقشها مع بعض .. ونستفيد من تجاربنا

..

 

 

:icon15: :icon15:

[ام مصطفى ويوسف 0]

السلام عليكم ورحمة الله

أختى ام نهى هبدأ أفضفض لك ولأخواتى وارد على أسئلتك فأنا مغتربة فى أمريكا

بالنسبة لتربية الاولاد فهم لسة صغيرين سنتين ونص وسنة ساعات بشد شعري وكل ما احكى لحد يقول لى انتى لسة ماشفتيش حاجة ولما بافكر فى المشاكل اللى باسمعها عن أولاد أعمامهم وعماتهم باقول الحمد لله انهم لسة فى حضنى وعارفة عنهم كل حاجة مشكلتى الوحيدة مع ابنى الكبير انه متأخر فى الكلام وبتيجى له سبيتش ثيربي( تدربه على الكلام) وده خلاه يتكلم انجليزي وانا خايفة يبقى العربى فى الضياع ولما قررت انى أكلمه عربى أسأله يناولنى حاجة يبص لى كأنى بتكلم هيروغليفى وده بيخلينى ساعات استسهل واكلمه انجليزى

بالنسبة للحجاب فالحمد لله منطقتنا مليئة بالمسلمين خصوصا من باكستان وبنجلاديش فالحجاب شائع جدا ومش حاجة غريبة اطلاقا

 

بالنسبة للغة الحمد لله مش مية مية بس لغتى بتخلينى اعرف اتعامل واهى ماشية

بالنسبة للأكل الحلال بنروح مرة فى الشهر استوريا نجيبه وساعات ظروف زوجى بتخليه يروح كل شهر ونص او شهرين ولما باتزنق فى عزومة باضطر اجيب من محل يهودى جمبنا

 

ياسلام اجاباتى على أسئلتك حسستنى ان الدنيا بمبى والعيش فى أمريكا زى الفل هههههه

أنا عندى مشاكل غير دى تسمحى لى اقولك ولأخواتى عليها مرة تانية

رجاء الدعاء لابنى بالشفاء

[أم نهى الفقيرة إلى الله 0]

بالنسبة لتربية الاولاد فهم لسة صغيرين سنتين ونص وسنة ساعات بشد شعري وكل ما احكى لحد يقول لى انتى لسة ماشفتيش حاجة

 

 

بارك الله في أبنائك ، ما شاء الله ، أنا أيضا كلما ترى أمي أو شخص آخر كم أنا عصبية مع َ ابني 4 سنوات وبنتي سنتين و9 شهور ٍ بيقولو لي إنت لسة مشفتش حاجة .

 

مشكلتى الوحيدة مع ابنى الكبير انه متأخر فى الكلام وبتيجى له سبيتش ثيربي( تدربه على الكلام) وده خلاه يتكلم انجليزي وانا خايفة يبقى العربى فى الضياع ولما قررت انى أكلمه عربى أسأله يناولنى حاجة يبص لى كأنى بتكلم هيروغليفى وده بيخلينى ساعات استسهل واكلمه انجليزى

 

 

بس ابنك الكبير ـ هو أكيد اللي عندو سنتين ـ لس صغير علشان تحكمي إنو متأخرفي الكلام .. أنا ابني عندو 4 سنوات وزيادة وبيتكلم غلط خالص .. مرات مبيعرفش يكون جملة على بعضها .. هو الحمد لله يفهم عربي كويس ، وفي البت بنتكلم فقط عربي ، قليل جدا ألماني .. لكن عندو مشكلة في الكلام سواء عربي فالبيت ، ولا ألماني في الروضة ..

بالنسبة لإبنك اتكلمي معاه كتير عربي .. ده مهم جدا .. ويمكن أبيه يتكلم معاه انجليزي .. لازم أولادنا يتمكنو من لغتهمالأم ، وده عربي يعني حاجة مهمة خالص .. ولما يكبر شوية تبدئي معاه حفظ القرآن .. ولازم تعوديه إنو يجوبك عربي .. هو أكد إنو عندو الإمكانية إنو يتعلم لغتين .. لذلك متستسهليش الأمر معاه ..

 

بالنسبة للأكل الحلال بنروح مرة فى الشهر استوريا نجيبه وساعات ظروف زوجى بتخليه يروح كل شهر ونص او شهرين ولما باتزنق فى عزومة باضطر اجيب من محل يهودى جمبنا

 

 

ده كويس خالص .. نفس الشيء عندنا الحمد لله ..

بس إنتو أكيد بتخدو بالكم أيضا من المواد الغذائية إلليفي سوبر ماركت ، يعني اللي بيكون فيها مشتقات الخنزير و أشياء أخرى غير حلال ..

 

بالنسبة للحجاب فالحمد لله منطقتنا مليئة بالمسلمين خصوصا من باكستان وبنجلاديش فالحجاب شائع جدا ومش حاجة غريبة اطلاقا

 

بالنسبة للغة الحمد لله مش مية مية بس لغتى بتخلينى اعرف اتعامل واهى ماشية

 

مدام كده ده كويس

ياسلام اجاباتى على أسئلتك حسستنى ان الدنيا بمبى والعيش فى أمريكا زى الفل هههههه

أنا عندى مشاكل غير دى تسمحى لى اقولك ولأخواتى عليها مرة تانية

 

 

مستنينك

رجاء الدعاء لابنى بالشفاء

ممكن أسأل ؟ هو ابنك عندو إيه بالظبط .

شافاه الله و عافاه ، شفاء ليس بعده سقما

 

:unsure: :unsure:

[ام مصطفى ويوسف 0]

السلام عليكم اختى أم نهى وجميع الاخوات

أنا ابنى عنده حساسية طعام من القمح يعنى ولا بياكل عيش ولا مكرونة ولا بسكوت ...ولا أى حاجة من الدقيق

ومن اللبن لا بيشربه ولا زبادى ولا أى نوع جبنة

ومن البيض

وأخطر حاجة هى السودانى والمكسرات كلها ماعدا عين الجمل

لو أكل حاجة من دى وشه بيورم وما يقدرش يتنفس ولازم ادى له حقنة تساعده على التنفس واروح به على المستشفى يتحط على جهاز التنفس ويطمنوا على القلب والكبد والكلى لأنهم أول حاجة بتتأثر

لكى ان تتخيلى كان بياكل خضار ولحمة وفراخ بس وكان بياكل ساعات من أكلنا من غير ماناخد بالنا وتحصل مشكلة

لغاية الحمد لله ما ربنا كرمنا( وهو كارمنا على طول) كل يوم نلاقى مخرج جديد فدلوقت عندنا عيش ليه من دقيق التابيوكا وعندنا زبادى وجبن من لبن الصويا وكمان أيس كريم(هيصة)

وبنجيب مكرونة من معمولة من الرز والبطاطس وعنده كمان بسكوتات من التابيوكا

يعنى الحمد لله بناكل كل حاجة بس بطعم مختلف شوية لأ شويتين

احنا بطلنا نجيب أى حاجة هو عنده حساسية منها بناكل كلنا من أكله حتى الاكل ما بستعملش فيه زبدة ولا توم ولا أى توابل غير الملح والفلفل

نسيت اقول لك انه من التوابل بياخد بس الملح والفلفل والبصل

والطماطم والفاكهة على حسب يعنى لو البرتقال فى حموضة كتير يعمل له التهابات فى الوش ودى حاجة بسيطة الحمد لله دوا شرب وكريم وبيبقى زى الفل

انا بس قلقانة من المدرسة الدكتورة بتقول لى ان اطفال كتير بيحبوا يجربوا الحاجات دى فى المدارس ربنا يستر

شكرا على اهتمامك وجزاك الله خيرا على الدعاء

[ام نمارق 0]

السلام عليكم اخواتي المحترمات,انا عراقية ومقيمة في اميركا منذ سنتين.انا في الامس نزلت موضوع عن كيف نربي بناتنا في الغربة ولم اكن اعرف ان في بيت للمغتربات ولما اجيت اليوم اشوف الردود لكي استفاد من النصائح وجدت في العناوين الرئيسية بيت المغتربات.وكم اسعدني ان يكون لنا بيت يجمعنا لنواسي بعضنا البعض في هذه الغربة المقيته التي فرضت علينا وكتبها الله لنا في بلاد الغربة وبالاخص البلاد الغربية.اسعدني خواتي الانضمام لكم في هذا البيت لكون عون لبعضنا على الغربة ان شاء الله.ولنتبادل الافكار في كيفية تجاوز هذه الغربة والوصول بابنائنا الى بر الامان.

[امة الله حنان 0]

السلام عليكــم ورحمـة الله وبركاتــة ،،

 

ما شاء الله ده المنتدى كله مغتربات اسال الله ان ييسر عليكم غربتكم ويردكم الى اهلكم سالمين غانمين

 

لما قرات ردود الاخوات وخاصة المغتربات فى الدول الغربيه احسست ان غربتى دى تهريج وانى انا بهزر لما انسب الى بيت المغتربات

 

على الاقل ان احنا هنا بنكلم عربى والمدارس بالعربى بس عارفين برده تعلم لغه تانيه حلو برده اهو العيال يبقوا بيتكلموا شبه الخوجات

 

طبعا بتقولوا اخلصى انتى منين ومغتربه فين

 

طيب طيب ما تزقوش

 

انا من مصر والان بالسعوديه

 

والمشكله عدم وجود اصدقاء مطلقا فالعماره كلها هنود لا يتكلمون حتى الانجليزيه

 

واخرنا لما نقابل بعض على السلم نضحك لبعض وخلاص

 

بس ان شاء الله نزله مصر فى الاجازه محدش عايز حاجه اجبهالوا وانا جايه

 

انتو تؤمروا

 

واسال الله تعالى ان يشفى ابن الاخت الفاضله ام مصطفى ااامين

تم تعديل 28 مايو, 2010 بواسطة امة الله حنان

[شذى الهمة 331]

السلام عليكم ورحمة الله

أختى ام نهى هبدأ أفضفض لك ولأخواتى وارد على أسئلتك فأنا مغتربة فى أمريكا

بالنسبة لتربية الاولاد فهم لسة صغيرين سنتين ونص وسنة ساعات بشد شعري وكل ما احكى لحد يقول لى انتى لسة ماشفتيش حاجة ولما بافكر فى المشاكل اللى باسمعها عن أولاد أعمامهم وعماتهم باقول الحمد لله انهم لسة فى حضنى وعارفة عنهم كل حاجة مشكلتى الوحيدة مع ابنى الكبير انه متأخر فى الكلام وبتيجى له سبيتش ثيربي( تدربه على الكلام) وده خلاه يتكلم انجليزي وانا خايفة يبقى العربى فى الضياع ولما قررت انى أكلمه عربى أسأله يناولنى حاجة يبص لى كأنى بتكلم هيروغليفى وده بيخلينى ساعات استسهل واكلمه انجليزى

بالنسبة للحجاب فالحمد لله منطقتنا مليئة بالمسلمين خصوصا من باكستان وبنجلاديش فالحجاب شائع جدا ومش حاجة غريبة اطلاقا

 

بالنسبة للغة الحمد لله مش مية مية بس لغتى بتخلينى اعرف اتعامل واهى ماشية

بالنسبة للأكل الحلال بنروح مرة فى الشهر استوريا نجيبه وساعات ظروف زوجى بتخليه يروح كل شهر ونص او شهرين ولما باتزنق فى عزومة باضطر اجيب من محل يهودى جمبنا

 

ياسلام اجاباتى على أسئلتك حسستنى ان الدنيا بمبى والعيش فى أمريكا زى الفل هههههه

أنا عندى مشاكل غير دى تسمحى لى اقولك ولأخواتى عليها مرة تانية

رجاء الدعاء لابنى بالشفاء

 

ربنا يشفي ابنك يارب شفاء لا يغادر سقما

أنتي في بلد إيه متوفر فيه هذه الأشياء

 

بالنسبة للمدرسة ليكي حق تخافي ممكن توديه لما يبدأ يفهم شوية يعني بلاش حضانة وبتنبهي على المدرسات وعلى زملاءه ومثلا لو في فالمدرسة مقصف تنبهي على صاحبه وتحضري الشياء المسموح به وتعطيهاله يديهاله بدلا من أي شئ آخر ربنا يشفيه يارب ويعافيه

 

بالنسبة لإبني عمر كان عنده حساسية بس أقل من اللي عند ابنك وكان شعره بيقع وجلده بيقع ويتقشر ويبقى زي المحروقين كنت بسهر طول الليل به

أخذته عمره وغسلت له وشه وراسه وايده ورجله من حنفيات زمزم وكنت بشربه عسل نحل وزيت حبة البركة الحمدلله خف منها تماما وبقى بيشرب لبن وبياكل بيض عادي الحمدلله

طبعا ممنوع تديله زيت حبة البركة الا لو عملتيله اختبار حساسية منه والعسل تستشيري الدكتور

[دعاء بنت مصر 8]

انا طالبه حاليا ونفسي ان شاء الله بعد مااخلص الكليه اسافر المانيا اكمل فيها دراستي

 

لاني اعرف ان المانيا من اكثر البلاد تقدما في المجال الطبي

 

ليه تزعليني منك يادكتورة دعاء

ألمانيا إيه بس ؟

إوعي تنسي إن وظيفتك الأساسية هي أن تكوني زوجة وأم تنشئ جيلا مسلمل موحدا

ولا تأمنوا إلا لمن تبع دينكم

الطب موجود في مصر كويس وهناك دكاترة نساء ممتازين

ولم يسافروا لألمانيا ولا لإستراليا

شيلي الفكرة دي من دماغك واجتهدي في دراستك وتفوقي قدر الإمكان

وأنصحك تنزلي عيادات في ألجازة ماتستنيش الإمتياز هتستفيدي كتير جداااااااااا

 

والله الموضوع ده فعلا تعبني جداااااااااااا

 

نفسي بجد انجح في شغلي ونفسي اغير فكره ناس كتيييييير اوي والغرب خصوصا عن النقاب والمنتقبات وانهم مش متخلفين ولا ان النقاب والحجاب بيحجب العقل زي مابيقولوا

 

وفي نفس الوقت خيفه برضه من حاجات كتير اوي لو سافرت

 

بس بدعي ربنا انه ييسرلي الامر اللي اقدر اخدم فيه الاسلام والمسلمين

 

وعموما ان شاء الله كده كده في الغالب استقراري النهائي هيكون في السعوديه باذن الله ويااااااااارب يكون في مكه او جده

 

لاني نفسي بجد اعيش واموت هناك اوووووووووي

 

ادعيلي بتيسير الامور : )

 

وصحيح بالنسبه للعيادات

 

هو فعلا متاح اني انزل اتدرب في عياده من دلوقتي ؟؟؟؟؟وانا كمان لسه في تانيه

[.. همســة قلــب .. 620]

السلام عليكم ورحمة الله وبركاته،،

........

حفظك الله أختى الفاضلة وترجعى إلى مصر بالسلامة

إن شاء الله أكييييد إشتقتى لها ماأحلى العودة إلى الوطن

وأنا مش عاوزة حاجة إلا إنك تدعيلى فى الحرم وتدعى إن ربنا

يحفظ مصر وأهلها وجميع البلاد العربية والمسلمين :mrgreen:

وينصر الإسلام والمسلمين فى كل مكان

وتررررجعى بالسلامة :blink:

[أم نهى الفقيرة إلى الله 0]

 

 

أختي أم مصطفى و يوسف : ربنا يبارك ليي فأولادك ويشفي ابنك يا رب آمين ..

أنا سمعت مرة على هذا المرض ، كانت في صديقة لزوجة أخي زوجها عند نفس المرض ، لكن الحمد لله هنا في ألمانيا متوفرة أيضا الأشياء اللي إنتي ذكرتيها ..

بالنسبة للمدرسة لازم حيخدو بالهم كتير، لأنه حتصبح مسؤوليتهم إهن حصلو شيء ا سمح الله ، وأنا أظن أنه في الحالات ديه بيخدو بالهم ، كمان ابنك حيكون شوية كبر وإنتي توصيه ، وهو حيكون واعي بخطورة الوضع عليه ..

وكما قالت ليك الأخت ـ سجود لله فقط ـ بلاش منها الروضة لأنو هناك بيكون شوية غفلة ..

ـ أنا ابني بيروح روضة ، وبسيبي لغاية بعد الظهر هناك لأسباب ، فبيظطر يتغدى هناك ، بس أنا قلتلهم هو يمكن ياكل فقط نباتي .. ولما يرجع دايما أسألو عن أكلو ..

ربنا معاك عزيزتي ، ويجعل لك الأجر في ابنك ..

[***أم محمد*** 8]

فتحتو الجرح بموضوع الحنين الى الاهل

لكن بقول الحمد لله ...الي بشوف بلوة غيره بتهون عليه بلوته

[أم نهى الفقيرة إلى الله 0]

السلام عليكــم ورحمـة الله وبركاتــة ،،

 

ما شاء الله ده المنتدى كله مغتربات اسال الله ان ييسر عليكم غربتكم ويردكم الى اهلكم سالمين غانمين

 

لما قرات ردود الاخوات وخاصة المغتربات فى الدول الغربيه احسست ان غربتى دى تهريج وانى انا بهزر لما انسب الى بيت المغتربات

 

على الاقل ان احنا هنا بنكلم عربى والمدارس بالعربى بس عارفين برده تعلم لغه تانيه حلو برده اهو العيال يبقوا بيتكلموا شبه الخوجات

 

طبعا بتقولوا اخلصى انتى منين ومغتربه فين

 

طيب طيب ما تزقوش

 

انا من مصر والان بالسعوديه

 

والمشكله عدم وجود اصدقاء مطلقا فالعماره كلها هنود لا يتكلمون حتى الانجليزيه

 

واخرنا لما نقابل بعض على السلم نضحك لبعض وخلاص

 

بس ان شاء الله نزله مصر فى الاجازه محدش عايز حاجه اجبهالوا وانا جايه

 

انتو تؤمروا

 

واسال الله تعالى ان يشفى ابن الاخت الفاضله ام مصطفى ااامين

 

 

 

و عليكم السلام ورحمة الله وبركاته ،

كيف حالك أختي حنان .. إنت كمان مغتربة زينا ،، بس إنت حاجة ثانية .. طبعا متغربة في بلد إسلامي ،، تسمعي على الأقل آذان الصلاة...

بس أكيد لما الواحد يكون بعيد عن أهلو ولو في بلد عربي ، بردو ده غربة ..

حاجة مهمة : إوعي تبوزي الرجيم لما تطلعي مصر .. لحسن إيمان تسبنى و تمشي خالص ... ههههه :mrgreen: :blink: :blink:

[أم نهى الفقيرة إلى الله 0]

لسلام عليكم اخواتي المحترمات,انا عراقية ومقيمة في اميركا منذ سنتين.انا في الامس نزلت موضوع عن كيف نربي بناتنا في الغربة ولم اكن اعرف ان في بيت للمغتربات ولما اجيت اليوم اشوف الردود لكي استفاد من النصائح وجدت في العناوين الرئيسية بيت المغتربات.وكم اسعدني ان يكون لنا بيت يجمعنا لنواسي بعضنا البعض في هذه الغربة المقيته التي فرضت علينا وكتبها الله لنا في بلاد الغربة وبالاخص البلاد الغربية.اسعدني خواتي الانضمام لكم في هذا البيت لكون عون لبعضنا على الغربة ان شاء الله.ولنتبادل الافكار في كيفية تجاوز هذه الغربة والوصول بابنائنا الى بر الامان.

 

 

 

و عليكم السلام ورحمة الله وبركاته ،

أهلا بيكي أختي أم نمارق ، نورتي المتندى ، وصفحتنا هاته .. وأرجو من الله أن تجدي معنا ما يفيدك ..

ـ أختي على ما أظن كتبتي في موضوعك السابق أنه لديك فتاة فيسن المراهقة ، وولدين ـ اللهم بارك ـ

طيب أنت مقيمة في أمريكا من متى ..؟

وما هي الصعوبات التي تواجهك هناك ، أو تواجه أبنائك ..؟

يعني إنت بالأكيد لك تجارب كثيرة في تك البلاد كي تحدثينا عنها ..

إن شاء الله نتبادل همومنا ونحاول مساعدة بعضنا البعض قدر المستطاع

 

 

:closedeyes: :closedeyes:

[ام مريم ويحيى 136]

ولكن فعلا انا هنا حاسه بغربه فظيعه انا ما عنديش اى علاقه بالجيران ولا عندى اى اصدقاء او اصحاب ومش بتكلم مع اى حد طول النهار

 

 

أسعدني مرورك أختي سندسة

لماذا عزيزتي لا تكلمين جيرانا ولا أي أحد .. هل جيرانكم ليسو مسلمين ..

.. الله معك حبيبتي ...

أختي أنت في بلاد إسلامية ، وما شاء الله في السعودية ، يعني أهل الكرم والشرف ، وأعتقد أنه إيجاد صحبة صالحة هناك ليس بالأمر الصعب ..

بإذن الله أيضا ربي يرزقك درية صالحة تهون عليك غربتك وبعدك عن أهلك

 

 

اختى الحبيبه ام نهى حقيقى انتى بتقولى ان ايجاد الصحبه الصالحه ليس بالامر الصعب ولكن كيف ومتى واين

 

انا فى بيتى طول النهار فزوجى لا يرجح شغل المرأه حتى ونحن هنا ليس ادينا اختلاط ولكنه لا يوافق كما اننا ننتقل الى اماكن عده بحكم عمله فهو مهندس

 

فمن الظروف السابقه احببت ان ابين لكى غاليتى اننى لا اعرف كيف اجد الصحبه الصالحه حتى الجيران لا اعرف منهم احد وهم ايضا كل واحد فى حاله

 

انا لم اقابل جارتى التى تسكن بجوارى ولا مره مع ان زوجى اخبرنى انها مصريه ولكنها منغلقه مع زوجها واولادها وانا ايضا لم اطرق بابها ولا مره

 

شئ اخر ان زوجى يخاف من الاختلاط ممن هم ليسوا مثلنا اقصد فى التزامنا والحمد لله فعندما اتييت الى هنا اخبرته انى ازد التعرف على زوجات اصحابه

 

فقال لى ان اصحابى لا تعجبنى اصلا تصرفاتهم واخلاقهم وفعلا خرجت مره مع احدى زوجات اصحابه ولم اكررها

 

اعتذر اختى الحبيبه على الاطاله ولكنى احببت اوضح لك ماهو حولى وحبيت افضفض شويه

 

جزاك الله خيرا اختى الحبيبه

[امة الله حنان 0]

السلام عليكم ورحمة الله وبركاته،،

........

حفظك الله أختى الفاضلة وترجعى إلى مصر بالسلامة

 

جزاكى الله خيرا حفدة الصحابه وبارك فيك

 

إن شاء الله أكييييد إشتقتى لها ماأحلى العودة إلى الوطن

 

ما تتخيليش اد ايه ربنا ييسر وارجع استقر تانى فى مصر

 

وأنا مش عاوزة حاجة إلا إنك تدعيلى فى الحرم وتدعى إن ربنا

يحفظ مصر وأهلها وجميع البلاد العربية والمسلمين :wacko:

وينصر الإسلام والمسلمين فى كل مكان

 

ان شاء الله يا اختى واسال الله ان يتقبل منا

 

وتررررجعى بالسلامة :grin:

 

تسلمى... ربنا يبارك فيك

[امة الله حنان 0]

اختى سندسه اسال الله ان ييسر لك الصحبه الصالحه

 

التى تهون عليكى غربتك وفى نفس الوقت تاخذ بيدك الى بر الامان

 

باه جارتك مصريه ومش عارفه لحد دلوقتى تتعرفى عليها

 

حاولى تتعرفى عليها واكيد زوجك عرف زوجها ممكن تعزميها مرة على شاى ولا عصير وهتشوفى مش يمكن تطلع اللى انتى بتتمنيه ولو ما كنش خلاص تباه مره وعدت

 

على العموم هذا هو حال الغربه اعننا الله واياك عليها سندسه

 

وادى احنا بقينا جيران فى بيت المعتربات لو عوزتى اى حاجه .. اي حاجه انتى بس خبطى وانا تحت امرك

[امة الله حنان 0]

السلام عليكم ورحمه الله وبركاته اخواتى وجيران بيت المغتربات

 

اسعد الله صباحكم جميعا

 

عاملين ايه وازيكم يا رب تكونوا كلكم بخير وفى افضل حال

 

انا قلت اجى اصبح عليكم واسالكم ان كنتم عايزين اى حاجه

 

الجيران لبعضيها برده

 

فى امان الله جميعا

[ritaj 21 34]

السلام عليكــم ورحمـة الله وبركاتــة ،،جمعتني معكن كلمة مغتربة اقبلوني معكن .....

انا من المغرب العربي ومغتربة في وطن اجنبي يفتقد الى لذة العيش الاسلامي كصوت الاذان الذي اشتقت اليه او رائحة رمضان ورحمته التي كنت اراها على وجوه اهل بلدي هذا عن الجانب العام

اما جانبي الخاص فهو فجوة كبيرة قعرها الشوق والحنين الى حضن امي ولمستتها وعيون ابي الغالي وو........و عائلتي وو/.....

انا هنا اعاني الوحدة التامة ولس لي الا زوجي وهذا المنتدى الغالي رغم ان اهل زوجي معي في نفس البلد الا انني اسكن في الشمال وهم الجنوب واخواته اكبر مني و مواضيعهم لا علاقتي لي بها واصلا انني لا افقه الكتير عن لغتهم فابقى صامتة معضم الوقت وجدت صعوبة كبيرة في التاقلم والحمد لله على كل حال فلا املك الا ان اصبر

[ام مصطفى ويوسف 0]

أختى أمة الله حنان مبروك نزولك مصر ان شاء الله تقضوا أجازة جميلة مع الاهل وترجعوا بألف سلامة ماتنسيش تسلمى علينا قبل ما تسافرى وتقولى لنا راجعة امتى عشان نستناك فى صالون بيت المغتربات

وجزاك الله خير الجزاء لدعائك لابنى

 

أختى سجودى لله فقط الف حمدا لله على سلامة عمور الجميل ويارب يتمتع بصحة دايما وما تقلقيش عليه أبدا

أنا مقيمة فى أمريكا والاكل ده متوفر قوى هنا لان نص الشعب الامرييكى عنده حساسية

أنا كمان نفسي نروح نحج واسقى مصطفى من زمزم ربنا يكتبها لنا إن شاء الله

وهجرب ان شاء الله العسل وحبة البركة جزاك الله خير الجزاء

[شذى الهمة 331]

حبيبتي دعاء بنت مصر

 

نفسي بجد انجح في شغلي ونفسي اغير فكره ناس كتيييييير اوي والغرب خصوصا عن النقاب والمنتقبات وانهم مش متخلفين ولا ان النقاب والحجاب بيحجب العقل زي مابيقولوا

 

وفي نفس الوقت خيفه برضه من حاجات كتير اوي لو سافرت

 

بس بدعي ربنا انه ييسرلي الامر اللي اقدر اخدم فيه الاسلام والمسلمين

 

وعموما ان شاء الله كده كده في الغالب استقراري النهائي هيكون في السعوديه باذن الله ويااااااااارب يكون في مكه او جده

 

لاني نفسي بجد اعيش واموت هناك اوووووووووي

 

ادعيلي بتيسير الامور : )

 

وصحيح بالنسبه للعيادات

 

هو فعلا متاح اني انزل اتدرب في عياده من دلوقتي ؟؟؟؟؟وانا كمان لسه في تانيه

 

بصي حبيبتي مش مطلوب منك أبدا تغيير فكرة الغرب عن النقاب ولا المنتقبات هم يعلمون جيدا أن المسلمون أفضل منهم ولكنهم يكابرون ويحقدون

الرسول عليه الصلاة والسلام أخبرنا ( لا يضرهم من خالفهم ولا من خذلهم حتى يأتي وعد الله )

أهم شئ تتفوقي وتذاكري كويس

بالنسبة للعيادات أفضل شئ تنزلي مستشفى جامعي القصر العيني أو عين شمس واستئذني من مديرة العيادة واقفي

طبعا أفضل شئ تقفي في عيادة الباطنة أو الأطفال

انتي مش هتشتغلي بإيدك بس هتشوفي وهتاخدي خبرة جامد ممكن تقيسي ضغط أو تغيري على جرح بس هتشوفي حالات عمرك ماهتشوفيها بعد كده

ربنا ييسرلك الخير

 

إحنا احتلينا بيت المغتربين ماتييجي نفتح موضوع للدكاترة :wacko:

[ام مصطفى ويوسف 0]

أختى أم نهى السلام عليكم

هو زوج صديقة زوجة أخيك جات له حساسية وهو كبير ولا اتولد بيها

أصل الدكاترة ادولى امل انه هيخف لما يتم سنتين ولما تمهم والتحاليل طلعت زي ماهى قالوا ان شاء الله وهو عنده خمس سنين وساعات بتوصل لاتناشر سنة انا مش قلقانة غير من السنين الاولى لكن لما يكبر هيستوعب ويفهم ان شاء الله

احنا لسة بنفكر فى موضوع الحضانة بنحاول نلاقى حضانة فيها ممرضة

ابنى طيب قوى نفسي أوديه حضانة عشان يتلحلح شوية

أختى الجميلة سندسة ربنا هيؤنس وحدتك فى القريب ان شاء الله خليكى جمبنا وربنا معانا انا لسة ماكملتش فى المنتدى اسبوعين بس بدأت استأنس به وبكم أخواتى وإن شاء الله مع بعض كدة لغاية الجنة يارب آمين

أختى ريتاج نورتينا وربنا يسعدك فى القريب بلقاء والدتك ووالدك وكل الاهل

ماقلتلناش انتى مغتربة فين وبقالك كم سنة؟

[ام مصطفى ويوسف 0]

السلام عليكم ورحمة الله انا داخلة عشان اقول لكم تصبحوا على خير الساعة قربت على واحدة ونص

مش عاوزين بقى الناس اللى صاحية وفايقة يقلقونا ياريت ماتتكلموش بصوت عال

عموما هاقفل باب قوضتى علي

تصبحوا على خير ان شاء الله

[ام مريم ويحيى 136]

اخواتى الحبيبات عاملين ايه

 

وحشتونى جدا

 

انا كمان ان شاء الله هنزل مصر قريب يعنى كمان شهر ان شاء الله تعالى بس هنزل لوحدى :oops: :sad:

 

عشان زوجى عنده شغل وانا هنزل لوحدى شهر وارجع لانى بصراحه اشتقت لحضن امى بارك الله فيها واشتقت لاخواتى واولادهم حفظهم الله

 

واشتقت لبلدى ووطنى مصر حبيبتى

 

معلش طولت عليكم بس بجد انا فرحانه وان شاء الله اروح وارجع بالسلامه ادعولى لانى مش بحب اسافر لوحدى ابدا