اذهبي الى المحتوى
قلب مجروح

فراخ بردوا بس مشوية بالخضار

المشاركات التي تم ترشيحها

السلام عليكــم ورحمـة الله وبركاتــة ،،

بســم الله الـرحمــن الرحيــم

الحمدلله والصلاة والسلام على رسول الله وعلى آله وصحبه أجمعين

بصوا بقى هانجيب فرخة ونشقها من جوة بالنص يدوب تبقى مفتوحة مش مقطوعة الى الاخر وبعدين تكون متنظفة ومنقوعة فى ماء وليمون وسنة دقيق ده لو هاتشيلها فى التلاجة تفركى الفرخة بشوية دقيق تقوم لاتبقى زفرة ولا يجرى لها حاجة ولحمها يبقى ابيض المهم

تجيبى الفرخة وتحطى لها بصل مفروم حلو ناعم وفلفل وبهارات وقرن الفلفل الاخضر اياه الحراق واهم حاجة القرفة ليه بقى؟

لانها هيا اللى بتدى لون للحاجة اللى هتنشوى او تتشوح على النار وتسيبها شوية متبلة فى ناس ماتحبش البصل باين نعمل ايه

نضرب البصل مع الباقى فى الخلاط بشوية ماء من غير الملح عشان ما تتملحش قوى وما تاخدش وقت على النار

وبعدين نحطها فى الفرن بشوية يا سمن يا زيت ونسيبها قيمة نص ساعة تلات ارباع ساعة هتبقى شبه مشوية

تكونى محضرة شوية خضار كوسة جزر بسلة فاصوليا بطاطس

وطماطم مضروبة فى الخلاط بشوية ملح بقى

وتروحى حاطة ده كله على الفراخ فى الفرن وكل ما تنشف تحطى ماء عشان تستوى زيها زى البخار والشوى من غير مانتخن

وبعدين لما تستوى سيبيها فى الفرن على نار هادية تنشف شوية

هتلاقى الفرخة لما تيجى تاكليها لحمها احمر وكانها اتشوت على الفحم والجلد ناشف وطالع فى ايدك من غير فحم مضر ولا سمن كتير ولا زيت كتير يعنى الخضار هايبقى متبل ومشوى وواخد دسم الفراخ وصحى وخفيفة

 

 

وبالهنا والشفاء

شارك هذه المشاركه


رابط المشاركه
شارك

وما تنسوش الرز اللى بشعرية والسلطة والمخلل

ربنا يبارك فى القليل ميزتها بالاقى انها بترمى معايا كتير حاجات قليلة وتلاقى البركة حاطة لما تسمى وتتشهدىوتكبرى وتقولى الشهادة وتتدعىى يارب بيض وجهى امام زوجى واهلى

ربنا معاكم

شارك هذه المشاركه


رابط المشاركه
شارك

تسلم ايديك يا قلب مجروح نصايح هايله شكر الله لك حبيبتى

شارك هذه المشاركه


رابط المشاركه
شارك

السلام عليكم ورحمة الله وبركاته،،

تسلم ايدك اكلة رائعة بلهنا والشفا

شارك هذه المشاركه


رابط المشاركه
شارك

انت فين يا قلب؟؟

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

تمامُ الخذلان انشغال العبد بالنعمة عن المنعم وبالبلية عن المبتلي؛ فليس دومًا يبتلي ليعذّب وإنما قد يبتلي ليُهذّب. [ابن القيم]

×