غسالة اطباق حقيقى ممتااااااااااااااازه

[يسرا عبد الرحمن 718]

اخواتى الحبيبات الحمد لله بعد استخارة الله عز وجل مرتين واستخارة زوجى ايضا اشتريت غسالة فريش للاطباق حقيقى ممتاااااااااااااااااااااااااااااازه وهى ل6 افراد وتوضع على الرخامه وبتغسل كل حاجه ما عدا الالومنيوم بتغير لونه وانا جربت ده فى غطاء حله الومنيوم قديم بس اهم حاجه فيها انك تعرفى ازاى ترصى الاطباق وكمان كل كام يوم تنظفى الفلتر وده سهل جداوكمان انك تعرفى ايه البرنامج المناسب لنوعية اتساخ الاطباق

واى استفسار عنها انا فى الخدمه

[دِفءُ الأُنـْــــــــس 21]

السلام عليكم ورحمة الله وبركاته،،

 

حيّاكِ الله أختي الكريمة يسرا

 

غسالة اطباق ممتاز : )

حتريحك من غسل الأطباق ^_^

ربنا يباركلك فيها يا رب

[يسرا عبد الرحمن 718]

[يمين][/يمين]عقبالك حبيبتىفى الله نعمه احمد ربنا عليها بتريح خصوصا فى العزومات

يارب باركلى فى زوجى

[امة الله ش 9]

السلام عليكــم ورحمـة الله وبركاتــة ،،

بارك الله لكِ فيها غاليتى يسرا

عندنا أيضا نفس النوع فريش بس ل 8 أفراد

فعلا ممتازة جدا

بتريح كثييييييييير

[يسرا عبد الرحمن 718]

[يمين][/يمين]جزاك الله خيرا وبارك لكى ايضا فيها وفى صحتك قبلها فالصحه نعمه من ربنا ليس لها بديل

[التواااقة للجنان 19]

السلام عليكم ورحمة الله وبركاته،،

 

حيّاكِ الله أختي الكريمة يسرا

 

غسالة اطباق ممتاز : )

حتريحك من غسل الأطباق ^_^

ربنا يباركلك فيها يا رب

[يسرا عبد الرحمن 718]

[يمين][/يمين]وبارك لكى اختاه فى عافيتك وعمرك اللهم امين

[*أم أروى وهشام* 0]

مبروك وربنا ويبارك لك فيها

[يسرا عبد الرحمن 718]

[يمين][/يمين]عقبالك يا ام اروى وشكرا لمباركتك

[السعاده في طريق الالتزام 1]

جزاكي الله خيرااا اختي يسرا

 

 

وربنا يباركلك فيها

 

بس قوليلي هي سعرها كام وياتري بتاخد مساحه كبيره في المطبخ يعني مساحتها اد ايه كدا

 

 

وياتري انتي من مصر يعني جبتيها منين في مصر وجزاكي الله خيرااا

[يسرا عبد الرحمن 718]

اختى الحبيبه السعاده فى طريق الالتزام جزاكى الله خيرا على مباركتك وعقبالك ان شاء الله

اولا انا مناسكندريه واشتريتها من توكيلات فريش فى محطة الرمل والتوكيل افضل لانه بيبعتلك مهندس الصيانه لغاية البيت بيركبها وبيقولك كيفية استخدامها وضمانها 5سنوات وطبعا التوكيل هو اللى بيتحمل الضمان لما تكون من عنده انما المحلات التجاريه ممكن يكون فى المنتج عيب ومش حيقولك عكس التوكيل بتكونى ضمنه سلامة المنتج

ثانيا غسالتى الحجم اصغير لان مطبخى متوسط الحجم ودى بتحطيها على الرخامه ومش بشغلها كل يوم على حسب كمية المواعين وفى العزومات بشغلها دورتين ورا بعضولو مطبخك كبير وعدد افراد الاسره فوق الاربعه هاتى الوسط افضل وبلاش الكبير لانك لما حتشغليها لازم يكون فيها مواعين كتير

ثالث حاجه هى موديلها غساله دبل 580

وسعرها 1275

الطول56

العرض54

الارتفاع45

وعلى فكره هى موفره فعلا فى الماء والكهرباء والصابون

وافضل المساحيق هو فانيش وكمان الزيت والاثنين مهمين جدا فى الغسيل باستثناء الملح مش مهم عندنا فى مصر

انا اشتريت المسحوق بودر فانيش والزيت الملمع فى اول شهر سبعه وكان المسحوق كيلو والزيت 500 ملى وكررت اشتراء المسحوق فى اول ايام عيد الفطر والزيت لغاية دلوقتى مخلصشى ولسه فاضل نصف زجاجة الزيت

ويارب اكون افادتك واى سؤال ان فى الخدمه

وعلى فكره غسالتى مفيهاش باب شفاف ومش بتغسل الخضار

ومهندس الصيلنه قال انها افضل ماصنعته الشركه فى غسالات الاطباق الحجم الصغير

وعلى فكره اصل مكونتها المانى

[الاء القدوس 18]

لا ادري ما زلت لا استوعب ان تكون لدي غسالة اطباق

و الله اعلم

ممكن اغير وجهة نظري إذا تعبت من الغسل :)))

[أمة من إماء الله 6]

جزاك الله خيرا

فعلا بفكر فيها و خصوصا ان كل حاجة بتبقى متراكمة عليا و ببقى محتاجة اي حاجة تساعدني و توفر وقت

 

و الاهم من كده اني عندي حساسية قس ايدي من اي صابون او مساحيق...

 

بس احدى اقاربي كانت بتقول انها غير عملية و انها استغنت عنها بعد فترة و لاتستعملها

و سمعت ان الواحد لازم يغسل الحاجة سريعا قبل ما يحطها فيها\

هذه الاسباب جعلت ابي لايحضرها

 

فما رأيك بما انك جربتي بنفسك...

وجزاك الله خيرا...

و ربنا يارب يبارك لك فيها...

[يسرا عبد الرحمن 718]

وجزاكم يا امه بصى يا ستى من جهة انها بتريح فبتريح على الاخر خاصة فى العزومات بتبقى شايله هم كمية المواعين اللى عندك بعد الضيوف ما بيمشوا عايزه اقولك انى اول مره اعمل عزومات عندى فى رمضان هذا العام علشان جبتها احنا فى البيت اربع افراد وانا جبتها ل6 افراد وكان نفسى اجيب الوسط بس مطبخى مش كبير علشان كده لما بيبقى عندى مواعين كتيرباعمل بالغساله دورتين ورا بعض

وبتريح كمان لما بتكونى خارجه يعنى انا مثلا لما بكون خارجه وعندى مواعين كتر ومفيش وقت اغسلها لما برجع من الخروجه باشغل الغساله لان اصلا مش بيبقى طبعا بعد الخروج فيا حيل علشان اغسلهم

وعلى فكره انا مش كل يوم باشغلها الا لو عندى مواعين كتير اوعندى تنضيف البيت

اما من ناحية تنضيف الاطباق قبل وضعها فى الغساله وده مهم علشان كده عودى نفسك قبل ما تقومى من السفره انك تفضى كل اللى فى الاطباق من بواقى الاكل بالملعقه اومنديل فى طبق واحد او كيسه وبعد كده حطييهم فى الحوض وسيبى عليهم مية الحنفيه لو مش حتحطيهم على طول فى الغساله علشان مفيش حاججه تكون لازقه فى الطبق فبالتالى حيكون تنظيفهم اكثر من رائع فى الغساله

وعلى فكره غسالة فريش فيها نظام ال8 دقائق للشطف السريع علشان لو حتركنيم ومش حتغسليهم فورا والنظام ده علشان بواقى الطبخ مثل الصلصات لا تلزق فيهم وبعد كده لما بتنوى تشغليها بتشغليها على البرنامج اللى يناسب نوعية المواعين

بصى ياحبيبتى هى حقيقى حتريحك قوىىىىىىىىىىىىىىىىىى يا بنتى دا انا بدلعها وبصبح عليها كل يوم وادعى ربنا يبركلى فيها بتشيل عنى كتير

وعلى فكره دلع غسالتى كتوموتوهههههههه

ويارب اكون افادتك وعلى فكره ممكن تكون جارتك عندها الكبيره ودى مش عمليه وعايزه يكون عدد الاسره كبير علشان خاطر تقدرى تملئيها مواعين والاحتركنيهم فيها باليومين علشان تملئيها اطباق ومتشغليهاش على الفاضى واى استفسارات تانيه انا تحت امرك

[يسرا عبد الرحمن 718]

انا كنت زيك يا الاء لكن خلاص جبت اخرى مع المواعين اصلها ما بتخلصشى

عموما يا ستى ربنا يديكى الصحه

وشكرا على مرورك

[محبه لأمنا عائشه 1]

باذن الله افكر اشتريها

[يسرا عبد الرحمن 718]

[يمين][/يمين]يلا شدى حالك يا محبه وصدقينى مش حتندمى ان شاءالله بس الاول استخيرى ربنا علشان تبقى مطمنه اكثر

وشكرا على مرورك اختى فى الله

[~أملي بالله كبير~ 63]

صحيح انها بتريح بس بدها شغل تحطي وتصفي و ترتبي على كل حال فيش بهالدنيا بريح

كله بد شغل الل بعين

يا اختي الغالية الله يباركلك فيها ويهون علينا

[هناء جودة 0]

السلام عليكــم ورحمـة الله وبركاتــة ،،الف مليون مبروك عليكى وعقبال عندى يارب انا فعلا نفسى فيها قوى بسى عندى سؤال يعنى ايه 4 افراد و6 افراد ؟؟؟هو الفرد كام قطعه يعنى؟؟والف مبروك مرة تانيه وربنا يبارك فى زوجك اللى جبهالك يا رب ويباركلك فيها 0

[يسرا عبد الرحمن 718]

وعليكم السلام ورحمة الله وبركاته

جزاكى الله خيرا يا هناء على مباركتك وعقبالك ياااااااااااااااااااااااااااااا رب لانها فعلا بتريح

اما بالنسبه عن سؤالك انا غسالتى الجم الصغير وبتاخذ 6 اطقم سفره كامله 18 طبق و20 كوب و6 مجموعات من الشوك والسكاكين والملاعق

اما الوسط وكان نفسى اشتريها بس مساحة مطبخى لا تسمح بيها بتاخذ 8 اطقم كامله

واللهم امين على دعائك الجميل ده وربنا يهدى ازواجنا جميعا

[هناء جودة 0]

بسم الله ما شاء الله دى جميله خالص خالص دة يا دوب انا وزوجى الغالى بس اللى فى البيت والعزومات كلها بتبقى فى اجازة الصيف علشان اخواتى بيجو باولادهم وفى رمضان كمان علشان الاهل والاصدقاء وربنا يديمها علينا نعمه000وعلى رأيك لو المواعين كترت نبقى نشغلها مرتين وخلاص 0000الله عليكى انا نفسى فيها قوى هبداء وصلة الزن التانيه على زوجى الغالى وربنا يسهل دعواتك

[يسرا عبد الرحمن 718]

هههههههههههههههههه

يلا شدى حيلك وزنى عليه زى اى ست مصريه اصيله بتزن على زوجها وان شاء الله حيستسلم ويجبهالك والله لما حتشتريها حتدعيلى سيبك مفيش احسن من الراحه يا حبيبتى ولما تشتريها طمنينى واستخيرى ربنا الاول والله المستعان

[امة الله ش 9]

طيب بالمرة آخذ رأيكم يابنات

أنا فى بيت أهلى زى ما قلتلكم جبنا الغسالة الحجم الوسط ال8 أفراد

ودلوقتى المفروض اشتري بتاعة الجهاز

كنت خلاص هشترى الوسط زى بتاعة ماما

بس سعات بقول لما أكون لسة عروسة مش بيكون عندى مواعين كتير

يعنى على لما المواعين تكتر قدمى كاااااااااام سنة

أجيب الصغيرة وخلاص ؟؟؟

عندى فى المطبخ مكان كويس الحمد لله لو فكرت فى الكبيرة

بس عايزة أجيب اللى محتاجاه أكتر

إيه رأيكم ؟؟

[يسرا عبد الرحمن 718]

شوفى حبيبتى امة الله ش

لو اشتريتى الحلل المونيوم اشترى الصغيره اللى نفس الموديل اللى عندى لان فى اصغر منها اما ان كانت الحلل تيفال او استانلس فاشترى الوسط افضل

ولو عايزه تشترى الاهم منها وبعدين تاجليها شويه لبعدين مفيش مشكله انا اشتريتها بعد خمس سنين من زواجى وانجبت اولادى وهدو حيلى قررت بصراحه انى لازم اشتريها لانى كنت باقضى وقتى كله فى المطبخ لدرجة ان ابنى عبد الرحمن بيقول لى يا ماما انتى كل شويه فى المطبخ تعالى اجلسى معانا وزوجى يقول لى انتى على طول واقفه فى المطبخ

لكن انتى فى الاول بتكون المسؤليه اخف شويه والمواعين بتكون قليله وممكن تصلى استخاره على انك تشتريها بالمره او تستنى شويه

 

والف مبروك حبيبتى وربنا يتمم لك زواجك على خير ويجعله زوجا صالحا يتقى الله فيكى وتكونى زوجه صالحه له ويبعد عنكم كل شر من الانس والجن

[امة الله ش 9]

هى الحلل بتاعتى إستالس وتيفال وصاج

مجبتش ألمونيوم خالص مش بحبها

بس الغسالة الكبيرة اللى عندنا مش بحب أغسل فيها حلل حتى التيفال

بحس لونها بيتغير وكمان بتاخد مكان كبير والأطباق أولى

الحمد لله فى إمكانية أشترى الكبيرة بس أنا بحب أجيب اللى محتاجاه بجد

مادام إنتى حسيتى بإحتياجك لها بعد 5 سنوات فلسه بدرى عليا أوى

شكلى هرجح الصغيرة

هستخير وأشوف إن شاء الله

جوزيتى خيرا ياقمر الله لا يحرمنى منك .