ام مريم و رغد 0 أرسلي تقرير عن المشاركة قامت بالمشاركة 18 سبتمبر, 2010 السلام عليكــم ورحمـة الله وبركاتــة ،، مريت بموقفين في اجازتي و نزولي لبلدي حبيت اشارككم الي حصل و اعرف رايكوا و كان هايكون رد فعلكوا ايه لو كان حصل معاكوا انا منتقبه من اربع سنين وسط معارضه شديده من الاهل و تشجيع من زوجي بس نزلت بلدي في الاجازه و كنت سابقه زوجي في النزول باسبوع و معايا البنات فحب عمي و هوه في منصب مهم في جهاز مهم من اجهزه الدوله انه يساعدني في اختصار اجراءات السفر و بعت لي واحد ياخد اوراقي و يخلصها بسرعه علشان البنات الي معايا بالرغم من معارضتي الا انه اصر جزاه الله خيرا و لكوا ان تتخيلوا الموقف العجيب جه المكلف بانه ينجز اوراقي و بينده على اسمي و رديت عليه انا بصلي و قال لي معلش حضرتك لازم تكشفي وشك علشان نخلص اجراءات الوصول قلت له ماشي هاتلي واحده تتاكد من شخصيتي و خلص الاوراق رد و قال لي لا انتي لازم تخلعي النقاب خالص قلت له نعم ليه قال لي دي الاجراءات قلت له خلاص مش عايزه منك حاجه شكرا انا هامشي في الاجراءات لوحدي و رجعت اقف في صف الجوازات و كان زحمه جدا و قلت من ترك شيئا لله عوضه الله خيرا عنه و فعلا اول لما رجعت لقت الي قدامي بيقول لي اتفضلي يا مدام معاكي اطفال و لقيت ظابط الجوازات في منتهى الادب و حتى مطلبش انه يتم التحقق من شخصيتي سبحان الله الي يخلي الواحد يتقهر ان المكلف بانه يخلص اوراقي رجعلي تاني بعد الجوازات و قال لي ختمتي الباسبور طب هاتي اجيب لك الشنط (طبعا هنا انفجرت فيه ايه هوه مستعر من النقاب) قلت له لا شكرا مستغنيه عن خدماتك مش عايزه اي حاجه منك قعد يعتذر قلت له الموضوع منتهي مع السلامه عمي اتنرفز من الي حصل و قال لا مفيش اي تعليمات بالتهريج الي حصل قلت له دي فوبيا من النقاب بقى الموقف التاني ده بقى كان صعب اكتر من اي شيء كنا في عزومه عائليه مع اقاربنا و في مكان عام بس كان النساء لوحدهم و الرجال لوحدهم و بعدين بنتناقش في امور الشغل و العمل و كانت احدى القريبات من اهل زوجي محتده ان النساء يقدروا يقوموا باي شغل زي مثلا وكيل النيابه ليه مايكونش ست؟؟ و كان في معارضات لرايها بس لما انا قلت رأيي كان ردها عليا انتي اصلا متخلفه النقاب الي انتي لابساه ده قمه التخلف انا كنت بحبك بس لما لبستيه زعلت جدا ايه هيكون رد فعلكوا و انتوا بتسمعوا الكلام ده قدام اهل زوجك كلهم مجتمعين و في ناس اول مره تشوفيهم و تتعرفي عليهم في حياتك ناس مايعرفوش شخصيتك و لا تعليمك و مركزك و لا ثقافتك كنت بقول لها اسفه انا مش متخلفه و النقاب مش تخلف ( ربنا العالم كنت خايفه عليها من انيوم القيامه تيجي كل منتقبه تقتص منها عند ربنا ) و سالتها نقابي مزعلك في ايه كلامنا كله مع بعض بيدل على عقل متفتح مش منغلق على نفسه و مافرضتش على اي حد اي حاجه فارق معاكي ايه انك مش شايفه وشي و انا معاكي في خروجه ماعتقدش انه هايضرك في شيء هنا طبعا تراجعت و قعدت تقول لي انتي زي بنتي انا بحبك اوي و انا عارفه انها فعلا بتحبني بس الي موجودين مش عارفين غير انه هجوم على النقاب كملت التجمع عادي ولا اي تغيير في التعامل بالعكس كنت بعاملها هيه اكتر واحده بضحك بس طبعا جرحي الي سببته كان صعب جدا ياترى كان هايكون رد فعلكوا ايه بس انا دايما بحب ادي صوره حلوه عن النقاب و انه عمره ماكان عار و لا شيء عيب علشان نتكسف نه و لا هوه تخلف بالعكس ده قمه الاعتزاز و الفخر تعرفوا ارتحت كتير لما حكيت لكوا عن الي حصل لانه كان بيؤلمني جدا و لما اناقشه مع حد من العيله مايؤيدنيش لانهم اصلا مش موافقين عليه و نفسهم اقلعه و حجتهم غريبه اوي مانتي زي القمر اهه امال سبتي ايه للبنات الوحشين الي المفروض يتداروا تخيلوا المنطق الغريب الله المستعان و زي الي يقول لي انتي لو جيتي تعالجيني مش هارضى علشان انا مابرتحش غير لما اشوف الي بيعالجني مع اني كنت بعالج طفل اعمى و كان يتعب جامد و يقعد يعيط كانوا يندهولي علشان انا الوحيده الي بعرف اهديه و هوه سبحان الله مش شايفني خالص سبحان الله انا بحس انهم بيغالطوا نفسهم لاني لما بناقشهم مابيعرفوش يكملوا معايا خالص ربنا يعينا و يثبتنا على ديننا اللهم امين معلش طولت عليكوا بحبكوا في الله شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 18 سبتمبر, 2010 السلام عليكم ورحمة الله وبركاته بارك الله فيك يا أختي صحيح أن النقاب هو رمز العفة فأنا أيضا منتقبة منذ حوالي العشر سنين وأفتخر بهذا ولا يهمني كلام الناس لأني أرضي ربي شارك هذه المشاركه رابط المشاركه شارك
عزتي نقابي 1 أرسلي تقرير عن المشاركة قامت بالمشاركة 18 سبتمبر, 2010 ربنا يثبتك يا جميل ويهديلك اسرتك بس عارفه رغم ان النقاب هو الحق بس مش هنسلم من كلام الناس دا الرسول عليه الصلاةوالسلام كان بيتاذي بالكلام والفعل احتسبي اجرك عند الله وتاكدي انه في ميزان حسناتك وبعدين عارفه لما الواحد بيلاقي تعليق سخيف علي النقاب ؟؟؟ انا عن نفسي بفرح جدا لاني بجدد نيتي في لبسه ولاني بحس اني فعلا عامله حاجه حلوه مش قادرين يعملولي حاجه غير انهم يضايقوني ___________قل موتو بغيظكم__________ شارك هذه المشاركه رابط المشاركه شارك
**راضية** 1996 أرسلي تقرير عن المشاركة قامت بالمشاركة 18 سبتمبر, 2010 اختي ثبتك الله نحن في زمن الغربة يا عزيزتي و يجب ان تفخري بانك غريبة بنقابك فطوبى للغرباء سبحان الله تعرضت لمواقف لا تحصى اتهمت بالجنون و بالتخاذل و بالفشل بالوحش الضحك علي من طرف الاطفال وووو و من اقرب الناس سبحان الله لكن ما زادني ذلك الا حبا لنقابي طيب اقول لك موقف تعرضت له مؤخرا ذهبنا زيارة لاحد اقارب زوجي و كانت اول مرة نزورهم فيها ظننت انهم بمجرد ان يروا اني منقبة سيحترمون وضعي و يجلس الرجال في مجلس و الناسء في اخر لكنهم اصروا على الاختلاط ولم اعرف ماذا افعل اصبت باحراج شديد و المشكلة اننا سنبيت عندعهم جلست طوال الوقت بنقابي حتى تجرأت و طلبت منهم ان يفصلوا بيننا وقت العشاء لكن طلبي رفض بمبرر لم استسغه لكن سامحهم الله وضعوا العشاء و انا بنقابي و كنت اكل و انا محرجة جدا و مرتبكة زائد انه كان علي الاعتناء بطفلتين صغيرتين و انا بنقابي فعلا كان يوما لا ينسى هداهم الله ................. شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 18 سبتمبر, 2010 وعليكم السلام ورحمة الله وبركاته الحمد لله على سلامتك والحمد لله ربنا يبارك فيكِ ويثبتنا ويثبتك على الإيمان واحنا طالمنا عاملين شيء عشان بنطيع ربنا سبحانه وتعالى يبقى نبقى مبسوطين حتى لو الناس مش راضيه المهم ان ربنا سبحانه وتعالى يرضى عنا ونصبر احنا لما هما يغلطوا بيتكتب عليهم اللى قالوه واحنا ناخد حسنات إن شاء الله ، الرسول عليه الصلاة والسلام الكفار كانوا بيشتموه وهو صبر عليه الصلاة والسلام بس عايزة اقولك بس هو انتى رجعتى لو حدك من غير محرم؟ شارك هذه المشاركه رابط المشاركه شارك
شروق الصباح 6 أرسلي تقرير عن المشاركة قامت بالمشاركة 19 سبتمبر, 2010 ثبتكى الله أختى الحبيبة أم مريم ورغد على الحق وقواكى بعزته وقوته ولا تحزنى غاليتى فكلما زادت مضايقتك كلما زاد أجرك وثوابك عند الله شارك هذه المشاركه رابط المشاركه شارك
ملاذ الفرح 292 أرسلي تقرير عن المشاركة قامت بالمشاركة 19 سبتمبر, 2010 بس انا دايما بحب ادي صوره حلوه عن النقاب هذا أمرٌ رائع جداً، إذ أن رد فعلكِ هذا كان من أفضل الطرق لدعوة النساء إلى النقاب أنا سابقاً كنت أحس أن المتنقبات معقدات ومتشددات ومن هذا الكلام ولكن بعد دخولي المنتدى وملاحظتي كلام الأخوات المتنقبات وتصرفاتهم وردودهم ومواضيعهم أحببتهم جداً وأحببت النقاب أكثر بارك الله فيكن وثبتكن على الحق وأسأل الله أن يرزقني ارتداؤه أطيب التحيات ~.~ شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 19 سبتمبر, 2010 ازيك يا ام مريم ورغد عودا حميدا يا غالية ومصر نورت وحشتينى جداااا عارفة انا ضميرى يؤنبنى لان زوجة خال زوجى كانت تزورنا فيما مضى كثيرا مع خال زوجى وهى منتقبة.. وانا كنت استقبلها بيننا بالاختلاط وانما غير مدركة او ملمة او منتبهة الى كون النقاب ملزم لبصاحبته بالفصل حتى تتحرك بحرية وحتى نكون فى طاعة لربنا لابد من لا اختلاط وبعد مرات من زيا رتها لنا طالبتنى بالدخول نحن النسشاء بالداخل ..فاستجبت والحمد لله اما بعد ذلك فقد انسانى الشيطان لكن الان شعرت بما كانت تعانيه سبحان الله انا الآن ما يحدث لى ما فعلته بها قديمًا!! شارك هذه المشاركه رابط المشاركه شارك
ساره أم حمزه 1041 أرسلي تقرير عن المشاركة قامت بالمشاركة 19 سبتمبر, 2010 عايزه اضيف ان ميفكروش ان النقاب بيكتفنا ويخلينا منعقدش العيله مع بعض بسببه لا هو حتى لو انتى مش منتقبه تعملى كده تفصلى بين النساء والرجال يبقاش فى اختلاط " اصل فى عشان بيختلط وكده تجي تقوللها انتقبى تقول هاتكتف شارك هذه المشاركه رابط المشاركه شارك
محبة لربها، ادعوا لي بالثبات 72 أرسلي تقرير عن المشاركة قامت بالمشاركة 19 سبتمبر, 2010 فعلا انا اصبحت والحمد لله عز وجل بافصل بين الذكور والاناث على المستوى العائلى والاقى انتقادا شديد اللهجة افصل بين اخوانى وبين زوجاتهم.. هناك من يمتثل وهناك من يرفض كما فصلت بين ابنائى وبين بنات اعمامهم واخوالهم__فى ظل الانتقادات ذاتها__ وذلك فى وجودى على الاقل ارى صديقاتى وسلفاتى يتكلمن مع معلمى ابنائهن بضرورة وغير ضرورة وسرد لشخصيات بناتهن التى لا تعجبهن!! لمدرسيهن وانا ارى ان يتولى تعليم الذكور ..الذكور والعكس صحيح وهذا ما يؤرقنى ودائما يعتبرننى متزمتة او متشدده والله المستعان شارك هذه المشاركه رابط المشاركه شارك
~ كفى يا نفس ~ 102 أرسلي تقرير عن المشاركة قامت بالمشاركة 19 سبتمبر, 2010 وعليكم السلام ورحمة الله وبركاته الله المستعان أسأل الله تعالى أن يثبتنا جميعًا على الحقّ وأن يهدي قلوب من شغلتهم قضية النقاب عن واجبهم ولنتذكر أن للصبر حلاوةً وأجرًا ليس لهما مثيل ولله الحمد والفضل والمنّة أسعد الله قلبكِ أختي في الله :) شارك هذه المشاركه رابط المشاركه شارك
ام مريم و رغد 0 أرسلي تقرير عن المشاركة قامت بالمشاركة 21 سبتمبر, 2010 السلام عليكــم ورحمـة الله وبركاتــة ،، معلش اتاخرت في الردود انشغلت شويه مريم بنتي كانت تعبانه شويه بس الحمد لله احسن اولا احب اشكر كل من تفاعل معايا و عبر عن رايه بجد ادتوني دفعه جامده كنت محتاجه بجد ربنا يخليكوا ليا يارب و يديم المحبه بينا اللهم امين شارك هذه المشاركه رابط المشاركه شارك
* أم بلال * 2 أرسلي تقرير عن المشاركة قامت بالمشاركة 21 سبتمبر, 2010 ما شاء الله ثبتك الله أختي دعواتك شارك هذه المشاركه رابط المشاركه شارك
