أنثى في قاروره عطر | انثري عطرك

[لميس المسلمه 0]

اهلييين ,اخباركن

خلونا نبحر مع بعض بعالم مليئ بالروائح العطريه الزكيه

 

 

من كنا صغار وقاروره العطر ترافقنا

 

وكانت عطورنا من اختيار الوالده أو الأخت الكبرى ..

لكن بعد ما كبرنا واستقلينا بمشترياتنا .. صار لكل وحده ذوق خاص بإختيار العطر ..

وفيه من البنات نجحوا من البدايه بإختيار العطورات وخلو لهم ريحه مميزه يعرفون فيها *^

وناس كح كح للأسف اخفقن في اختيار العطور وصارت روايحهن سلبيه على الغير بدل ما تكون ايجابيه ><"

 

 

مالكم بالطويله

 

 

 

 

[ تاريخ العطور ]

 

يُقال ان كلمه عطور اصلها لاتيني وتعني رائحه حاصله عن التدخين , اذ ان التدخين كانت اقدم

وسيله لنشر رائحه معينه .. حيث يوضع ماده عطريه على مصدر حراري كالفحم .. " البخور

"

 

 

 

طبعاً اللحين يا بنات العطور صارت اشكال وانواع .. وكل شركه تنافس الثانيه ..

والعطر يمثل شخصيه مستخدمه مو مثل اول كلونيا واعطس يرحمك الله

 

واحنا ننزل للسوق ونتفاجئ بالعدد الهائل من العطور

طيب وش اختار ؟

وكيف اميز الزين من الشين ؟

نحتار ويمكن نخفق بالشراء وتتغير الريحه علينا بالبيت ><

 

خلونا نمشي خطوه خطوه

 

في البدايه .. خلي ببالك ان العطور المقلده ×

لانها يا تكون زيتيه بحت مثل اللي اللحين يعلنون عنها تقليد ماركات بأقل الاسعار ..

ولما يجيك تلقين الريحه مركزه لدرجه الصداع وغير كذا يسبب لك بقع زيتيه بالملابس

 

أو تجيك ذيك اللي مخففه 77 مره وصايره مويه ونقطه عطر .. وأول ما نحطها تختفي الريحه

لا وبعد شموا الريحه كيف ! خياااااااس

 

 

* فخلي ببالك انك بتشترين عطر موثوق فيه مثل عطور الماركات المشهوره =)

" مع ان اللي يدخل علينا كله تقليد بس شيء اهون من شيء "

 

 

أول ما تدخلين بتلقين عالم ثاني كله عطوووور .. فإختصار للوقت اسألي صاحب المحل عن

اخر العطورات اللي نزلت .. وهو بيقدم لك اخر عطر منزل من كل شركه ..

 

لا تقررين بريحه العطر من الكرتون اللي يرش فيه العطر لا .. رشي رشه بسيطه بظاهر يدك

وخليها لين تبرد وشميها .. لأن ريحه عطر بالبشره تكون غير عن الكرتون =/

 

" بنات احرصوا اذا كان البائع رجل لا تبخين بيدك خوف من دخولك بحكم الزانيه =/ ,, فإكتفي بالكرتون .. اما اذا بائعه فخوذي راحتك ^^ "

 

حاولي ما تشمين عطور ورى بعض عشان ما تروح حاسه الشم وطي

 

يمكن كثير ننحرج من اللي يبيع وكذا , لكن هذي شغلته واحنا الزباين .. فخليك هاديه عند الشراء

وعند الإختيار عشان ما تتحسفين على القيمه اللي دفعتيها =/

 

 

 

شريتي العطر ورجعتي للبيت ..

فيه طريقه منتشره بين الناس عشان تثبت ريحة العطر بالملابس مده طويله ..

اللي هي أول ما تشرين العطر لا ترشين منه .. وخليه بالثلاجه لمده 3 ايام وبعدها حطيه بمكان مظلم لمده 3 ايام .. وبتثبت ريحه العطر ..

 

انا ما سويتها لكن عموماً العطر ما يصلح نعرضه لحراره .. فالأفضل تخصصين مكان بارد وبعيد عن الحراره والضوء .. خصوصاً بالصيييف

 

 

ويقولك اذا حابه تحافظين على ريحه عطرك مده أطول ..

 

يقولك تخزينك للعطر مهم جداً واذا اسأتي تخزينه بتفقدين ريحته الأصليه =/

 

فكيف نخزنه مضبوط ونحافظ على ريحته ؟

 

معلومه خليها ببالك انه [ العطر يحتفظ برائحته لمده ثلاث سنوات من تاريخ انتاجه مو من تاريخ شرائك له .. وبعدين تبدأ تتغير ريحته ]

 

- احتفظي بالعطر في مكان مظلم وبارد فهو يحافظ على ريحته خصوصاً بعد استخدامه .. لأنه بعد ما نفتح

العطر ونبدأ نرش فيه ويتعرض للهواء تبدأ مكوناته تتأكسد , فالأفضل انك تبعدينه عن الأماكن الحاره والرطبه ..

 

- عادي تخصصين مكان بالثلاجه لعطورك , لأنه كل ما صار بمكان بارد بيطيل من عمره ويحافظ على ريحتها المنعشه

 

 

 

 

نصائح مهمه لضمان رائحه العطر ..

 

- يجب ان يكون الجسم نظيف قبل وضع العطر , لأن ريحه الجسم وريحه عطر =

 

- اذا كان لبسك فيه ريحه عطر قديمه حاولي تتخلصين منها بالغسل .. لان ريحه عطر مع ريحه عطر ثانيه

يعطيك ريحه سلبيه ما تحبينها ><

 

- هذي نقطه مهمه جداً جداً جداً اللي هي رش العطر على الإبط >< حتى لو كان نظيف ..

يا بنات اساساً هالمنطقه حساسه فكيف نرش عليها عطر =/ وغير كذا هي مستمره بإفراز العرق

ولو اختلطت ريحه العطر + ريحه العرق بتسبب ريحه منفره

 

 

 

كيف اتعطر ؟ وكيف اكون قاروره عطر متنقله

 

انا يقهرنن اللي اذا جن يتعطرن يقربن العطر للملابس وكأن الرذاذ بيهج لا وبعد تشوفين بقطعه العطر ثابته بعد الرش =/ العطر بيوصل ملابسك بس ابعديه شوي خليه ياخذ نفس حطي ملابسك فوق سريرك او الكرسي ورشيهم من بعيد والرذاذ راح ينزل لها وبشكل شامل ^^

 

 

فيه طرق لتعطير جسمك وقلنا من قبل النظافه مرحله أولى ثم التعطير مرحله ثانيه *^

 

- رشي عطرك على مناطق النبض ومنها الرقبه وخلف الأذن والرسغ وثنايات جسمك سواء ثنيه اليد

عند المرفق او ثنيه الرجل عند الركبه .. وبعد ما ننسى اعلى الصدر " نبض قلبك "

 

- رشي عطرك على شعرك وسمعت دكتور يقول انه ما يسبب الشيب .. لكن احتياطاً خلي لشعرك عطر

خالي من الكحول ^^

 

- فيه شيء قريتيه وودي اسويه احس بصير سندريلا زماني =$ يقولك رشي عطرك المفضل امامك

وامشي خطوه ودوري بهدوء .. عشان يتساقط الرذاذ على جسمك .. ~> اشتهيت اسويها

 

- وهذي ما اقتنعت فيها بس بقولها لكم .. يقولك جيبي قطنه واغمسيها بعطرك وحطيها بحمالاتك ..

 

 

 

 

هل ترغبين بدوام رائحه العطر في ملابسك ؟

 

فيه طرق كثيره تسوينها بملابسك او حتى سريرك وتعطيها ريحه عطر دائمه منها ..

 

- لين ترتبين ملابسك خلي بينهم محارم " منديل " تكون مرطبه بريحه عطرك المفضل .

 

- أو عند الكوي , ضعي قطرات من عطرك او من دهن العود في ماء المكوا . او الرشاش اللي فيه مويه ..

 

- فيه مفرش معطر عند نكتار تقدرين تحطينه برف دولابك وتحطين ملابسك عليه .

 

- فيه طريقه قريتها ومدري شلون غريبه .. عاد انتم شوفوها وجربوها .. انا افكر اجربها

يقولك بعد ما تغسلين ملابسك وهي رطبه بخريها أو رشي عليها عطر وبعدين لفيها بكيسه وبعدين

لفيها بكيسه ثانيه ودخليها الفريزر .. ولا تطلعينهم الا بعد 5 ساعات او اكثر .. وتطلع ريحتها ثاااابته

 

 

 

 

 

بنهايه موضوعي اعتذر على القصور

بس حبيت افيدكم بشيء بسيط ..

 

 

الواجب ~>

 

ماهو عطرك المفضل + صوره منه " عادي لو من النت " + السعر + ريحته صباحي والا مسائي

 

 

 

هذا كل ما لدي ,

شكراً لأعينكم القارئه

 

.................................... دُمتُــمْ

 

 

[هنـــاء 18]

السلام عليكم ورحمة الله وبركاته،،

مشكورة أخيتي لميس

بارك الله فيكِ

[*وهج الحرمين* 1]

السلام عليكــم ورحمـة الله وبركاتــة ،،

 

مشككككككككككككككورة حبيبتي و و الله وضحكتيني :biggrin:

 

 

يمكن كثير ننحرج من اللي يبيع وكذا , لكن هذي شغلته واحنا الزباين .. فخليك هاديه عند الشراء

وعند الإختيار عشان ما تتحسفين على القيمه اللي دفعتيها =/

 

حصلت لي شخصيا :closedeyes: :dry:

 

- فيه شيء قريتيه وودي اسويه احس بصير سندريلا زماني =$ يقولك رشي عطرك المفضل امامك

وامشي خطوه ودوري بهدوء .. عشان يتساقط الرذاذ على جسمك .. ~> اشتهيت اسويها

 

و انا كمان :laugh: :wub: :wub:

 

 

الواجب ~>

 

ماهو عطرك المفضل + صوره منه " عادي لو من النت " + السعر + ريحته صباحي والا مسائي

 

استعمل حاليا عطر قديم اشوي كان هدية لام و اخذته و احتفظت به و قلت في نفسي لن استعمله حتى اتزوج للللللللللللللكن طال الامر فاستعملته فاعجبني و ما اثار حساسية انفي اسمه oh la la

سعره لا اعلمه

الصورة ليست موجودة ههههههههههههههه اذا استطعت ساعرضها باذن الله :biggrin:

 

تقبلي مروري حبيبتي و شكرا على نصائحك الرائعة :icon15:

[،،، نور ،،، 39]

السلام عليكم ورحمة الله وبركاته

 

موضوع رآئع يا لميس يسلموا إيديكِ .. : )

ونصائح جيّدة ، إن شاء الله أستفيد منهآآ..

بالنسبة لعطري المُفضّل مش حلاقي صورته على النت مؤكدًا.. لأنّه تركيب :icon15: ..

بس حبيت أشكرك على مجهودكِ : )

 

تحيّآتي .. ~

[@hasby alah@ 2]

السلام عليكــم ورحمـة الله وبركاتــة ،،

مشكورررررررررررررررررررررررررررررة يا غالية الموضوع روعة اعجبني واستفدت جدا منه

بارك الله فيكي

عطري ؟لا التزم بنوع معيين احب التغيير وللاسف ما بعرف انزل صور بس لو اتعلمت اكيد راجعة لموضوعك يا غالية

جزاكي الله خيرا

[النهر النقى 0]

شكرا ليكى

[قطة مصرية 0]

وعليكم السلام ورحمة الله

 

موضوعك رائع وتسلم الايادى

 

 

 

 

 

تقبلى مرورى

[شهرزاد الجزائرية 50]

موضوع رائع

أحب العطور كثيرا بارك الله فيك

[شهرزاد الجزائرية 50]

عطري المفضل هو سكري

ريحته حلوة بالمرة

وأحب عطر سيلفر لزوجي ،عطر مميز :icon15:

[ام يوسف06 0]

السلام عليكم حبيبتي موضوع معطر مثلك جزاك الله خيرا على النصائح القيمة

انا مهووسة بالعطور و كنت كل ما اشووف عطر احب اجربه بس الحمدلله استقريت على عطر ماشاء الله روعة و عمري ما شميت مثله و وزجي يحبه ايضا

estee lauder beautiful

و مشكوووورة يا غالية

[**أم مختار** 10]

مشكوووووووووووووووووورة

[**أم مختار** 10]

 

هذا برفانى بموت فيه

[اشواك ناعمة 0]

السلام عليكم ورحمة الله وبركاته،،

بارك الله فيكِ ومشكورة

انا بحب العطور كتير وكتير بشتري عطور

وبرجع ان شاء الله وبحطلك الصور :biggrin:

[فدوى المسلمي 531]

السلام عليكم ورحمة الله وبركاته،،

مشكورة أخيتي لميس

بارك الله فيكِ

[بنت الاسلام السلفيه 110]

السلام عليكم ورحمة الله وبركاته،،

جزاكى الله خيرا موضوع رائع

انا عطرى المفضل هاواى

بس من اسبوع كده اشتريت عطر اسمه اندرا ايضا رائع

مش بعرف انزل الصور