تجمع للحوامل ياريت كل واحدة حامل تدخل وتشاركنا

[محبة لربها، ادعوا لي بالثبات 72]

على فكرة يا ام حبيبة

 

هاتى الآن عشان يلعبوا مع بعض هاتندمى

 

انا بين ولداى سنتين وشهرين

 

وكانوا بيقولوا اتأخرتِ هههه

 

وسلفاتى جايبين سنة ونصف فرق بين الولاد

 

توكلى على الله عشان يتربوا سوا عن تجربة

[محبة لربها، ادعوا لي بالثبات 72]

على فكرة انا لما ولدت طبيعى اثناء ولادتى

 

اثناء شق منطقة العجان لتيسير نزول الراس ومساعدتها

 

كنت اشعر بان الطبيبة تمر على تلك المنطقة بسن قلم جاف

 

وقبلها بنت خالى الطبيبة دخلت معى غرفة العمليات

 

كانت تشجعنى على الدفع لاسفل اثناء الطلقات بقولها يللا يا سومة كمان الراس نازلة اهى

 

دفعة كمان

الراس اهى يا سومة

 

شعرُه جميل يا سومه ((تقصد محمد)) الكبير هههه كان شعره اسود وثقيل

 

وبعدها دخلت فى ثبات عميق ههههه

 

مشاركة منى فى زكريات كانت مؤلمة وقتها لكنها جميلة وممتعة الآن

تم تعديل 15 يناير, 2011 بواسطة محبة لربها، ادعوا لي بالثبات

[يسرا عبد الرحمن 718]

الحبيبه يسراا

اه ماهو شكلنا كده مش حنخرج من هنا لا وكل واحده فينا شايله فى بطنها بطيخه

وانا خلااااااااااااااص تعبت من البطيخ

على راى ماما كانت دايما تقول لى وانا حامل وبتوجع بقى وعلى اخرى

فى البطن شله وعلى الارض عله

تخيلى يا طيوبه انا دخلت التجمع علشان عقلى انا وزوجى بيوزنا نجيب الثالث واتشجع يعنى من التجمع

لكن واضح انى رجعت فى كلامى

لانى بعد ما فقدت الذاكره فى الحملين اللى فاتوا كلامك رجعها تانى icon_cry.gif

 

هههههههه لا ياحبيبتى انا لالالالالالا مش دلوقت خالص لسه شويتين

هو انا لسه فوقت من الاولانيه لما ادخل فى تانيه فكرتنى بصديقتى سألتنى الاسبوع اللى فات مفيش حاجه جايه فى السكه ؟

قلت لها طبعا لاء مش دلوقت نهائى ان شاء الله عن نفسى ارى انى لا استطيع تحمل مسئوليه رضيعين فى ان واحد

 

يعنى لما حبيبه تكبر وتعدى السنتين وتبدأ تتكلم وتمشى كويس حينها ربنا ييسر

 

لكن اظن اولادك كبار ؟؟ حبيبتى بصى لو بتفكرى وعندك النيه والاستعداد للحمل والولاده وزوجك موافق وعاوز توكلى على الله

وان كنتى ترى انك لستى على قدرها الان فكرى مليا

 

الامر يرجع لقدراتك وحسن تنظيمك للبيت والاولاد والزوج

 

مع انى حاسه انى راح اباركلك قريب ؟؟ :mrgreen: :huh:

 

بقى كده يا طيوبه

طب حنشوف مين فينا حيبارك للتانى الاول :ninja:

[يسرا عبد الرحمن 718]

على فكرة انا لما ولدت طبيعى اثناء ولادتى

 

اثناء شق منطقة العجان لتيسير نزول الراس ومساعدتها

 

كنت اشعر بان الطبيبة تمر على تلك المنطقة بسن قلم جاف

 

وقبلها بنت خالى الطبيبة دخلت معى غرفة العمليات

 

كانت تشجعنى على الدفع لاسفل اثناء الطلقات بقولها يللا يا سومة كمان الراس نازلة اهى

 

دفعة كمان

الراس اهى يا سومة

 

شعرُه جميل يا سومه ((تقصد محمد)) الكبير هههه كان شعره اسود وثقيل

 

وبعدها دخلت فى ثبات عميق ههههه

 

مشاركة منى فى زكريات كانت مؤلمة وقتها لكنها جميلة وممتعة الآن

يا نهارى يا حبوبه هو انا اخلص من ولادة طيوبه تيجى انتى وتحكى ولادتك

المره دى بقى مش حقدر اقولك انا حسيت ب ايه :neutral:

ابنك محمد كان مثل ولادى شعرهم وهما مولودين طويل وناااااااااااااااعم وثقيل

المهم يا محبه فى حملى الاول وانا باشترى احتياجات البيبى قلت لزوجى عايزه اشترى شامبو للبيبى

زوجى قال لى طب استنى مش يمكن يتولد اصلع

قلت له طب ايه رايك بقى انى مش حشترى شامبو دلوقتى لكن لو اتولد وطلع مش اصلع حتشترى مش زجاجة شامبو واحده لاءه اثنين قال لى ماشى وتحدانى

وبعد الولاده وانا نايمه على السرير فى المستشفى اتى زوجى وقبلنى من جبهتى وقال لى حمدا لله على السلامه

مسكت فى ملابسه وسالته هوابنى بشعر لاقيته بيرد وهو فرحان قوى وقال لى دا اكنه لابس باروكه

قلت له لا تنسى زجاجتين الشامبو :mrgreen:

جزاك الله خيرا يا حبوبه على ذكرياتك المؤلمه

حبوبه حبوبه مش عايزه تدخلى الخزانه؟؟؟؟؟؟؟؟؟ :tongue:

[محبة لربها، ادعوا لي بالثبات 72]

حبوبه حبوبه مش عايزه تدخلى الخزانه؟؟؟؟؟؟؟؟؟ :neutral:

 

:tongue:

 

:mrgreen:

[basmat 7ayah 17]

 

يا بنات وحشتونى كتير كتيرررررر

أنين بقالى كتير ماعرفش أخبارك يارب تكونى كويسه

رقيه وأميمه و محبه وحبيبتى الغاليه صاحبه القلب الطيب ويسرا

يارب تكونوا فى أحسن صحه وأتم حال

أنا كان عندى سؤال لما دخلت فى الشهر الخامس الدكتوره منعتنى أخذ الفوليك أسيد

وقالتلى خلاص كده وقفيه

أنا مش عارفه عشان فيه ناس بتقوللى أن لازم يتاخذ لحد اخر الحمل

هل ده صحيح

وبالنسبه للحديد والكالسيوم هل كل الدكاتره بيوصوا بيهم ؟؟

وياترى كل أد أيه بنعمل تحليل المفروض؟دم ووظائف بول؟

أنا بدأت السادس أدعولى ربنا يكملى على خير

[بنت ام عبد 151]

السلام عليكم ورحمة الله وبركاته،،

الاْوراد من القرآن الكريم

*قراءة سورة الفاتحة (سبع مرات)

*قراءة سورة الاخلاص (ثلاث مرات)

*قراءة سورة الفلق (ثلاث مرات)

*قراءة سورة الناس (ثلاث مرات)

*قراءة آية الكرسي

*قراءة آخر سورة البقرة

(آمَنَ الرَّسُولُ بِمَا أُنْزِلَ إِلَيْهِ مِنْ رَبِّهِ وَالْمُؤْمِنُونَ كُلٌّ آمَنَ بِاللَّهِ وَمَلائِكَتِهِ وَكُتُبِهِ وَرُسُلِهِ لا نُفَرِّقُ بَيْنَ ...)ْ الي آخر السورة (مرة واحدة)

*قراءة اْول سورة البقرة

{الم(1)ذَلِكَ الْكِتَابُ لا رَيْبَ فِيهِ هُدًى لِلْمُتَّقِينَ(2)الَّذِينَ يُؤْمِنُونَ بِالْغَيْبِ وَيُقِيمُونَ الصَّلاةَ وَمِمَّا رَزَقْنَاهُمْ يُنفِقُونَ(3)وَالَّذِينَ يُؤْمِنُونَ بِمَا أُنْزِلَ إِلَيْكَ وَمَا أُنْزِلَ مِنْ قَبْلِكَ وَبِالآخِرَةِ هُمْ يُوقِنُونَ(4)أُوْلَئِكَ عَلَى هُدًى مِنْ رَبِّهِمْ وَأُوْلَئِكَ هُمُ الْمُفْلِحُونَ(5)}(مرة واحدة)

يتبع باذن الله

 

[بنت ام عبد 151]

تابع الاْوراد من القرآن الكريم

*قراءة آخر سورة الحشر :

{هُوَ اللَّهُ الَّذِي لَا إِلَهَ إِلَّا هُوَ عَالِمُ الْغَيْبِ وَالشَّهَادَةِ هُوَ الرَّحْمَنُ الرَّحِيمُ ....}(مرة واحدة)

*قراءة قوله تعالي :

( وَعَنَتِ الْوُجُوهُ لِلْحَيِّ الْقَيُّومِ وَقَدْ خَابَ مَنْ حَمَلَ ظُلْمًا ) سورة طه (مرة واحدة)

*قراءة قوله تعالي :

( قُلْنَا يَا نَارُ كُونِي بَرْدًا وَسَلَامًا عَلَى إِبْرَاهِيمَ ) سورة الاْنبياء (ثلاث مرات)

*قراءة قوله تعالي :

( وَإِن يَمْسَسْكَ اللهُ بِضُرٍّ فَلاَ كَاشِفَ لَهُ إِلاَّ هُوَ وَإِن يَمْسَسْكَ بِخَيْرٍ فَهُوَ عَلَى كُلِّ شَيءٍ قَدِيرٌ ) سورة الاْنعام (ثلاث مرات)

*قراءة قوله تعالي :

(وَنُنَزِّلُ مِنَ الْقُرْآنِ مَا هُوَ شِفَاء وَرَحْمَةٌ لِّلْمُؤْمِنِينَ ) سورة الاسراء :82 (ثلاث مرات)

*قراءة قوله تعالي :

( وَيَشْفِ صُدُورَ قَوْمٍ مُّؤْمِنِينَ) سورة التوبة :14 (ثلاث مرات)

*قراءة قوله تعالي :

( وَشِفَاءٌ لِمَا فِي الصُّدُورِ وَهُدًى وَرَحْمَةٌ لِلْمُؤْمِنِينَ ) سورة يونس :57 (ثلاث مرات)

*قراءة قوله تعالي :

( فِيهِ شِفَاءٌ لِلنَّاسِ ) سورة النحل :69 (ثلاث مرات)

*قراءة قوله تعالي :

( وَإِذَا مَرِضْتُ فَهُوَ يَشْفِينِ) سورة الشعراء :80 (ثلاث مرات)

باذن الله لي عودة للتكملة (اْساْل الله لكن النفع والفائدة واْن ييسر لكن كل عسير )

[ام عمر ومريم 3]

السلام عليكم اذيكم يا بنات عاملين ايه كلكوا

يسرا عامله ايه حبيبتى ربنا يخليلك اولادك يااارب طيببما انك ولدتى قيصرى قبل كده ايه نظام البنج كان كلى والا نصفى

انا عن نفسى هطلب كلى لان لم استحمل انى اشوف العمليه وبطنى وانا اصلا جبااااااااااااااانه جدا ومقدرش خاااالص

وبتاخدى اد ايه فى العمليه ولما بتطلعى بتحسى بايه يعنى دوخه او تعب معلش كترت عليكى الاسئله بس عشان ده اول مرة وخايفه بس وربنا يسهلها يااااارب

 

سومه ربنا يباركلك ويبارك فى اولادك اللهم امييييييييييييين وتفرحى بيهم ياااارب

 

ام حبيبه نورتينا يالله شدى حيلك عشان واعمليها تانى وربنا معاكى يااارب

 

اميمه عامله ايه حبيبتى ربنايكملك على خير انتى واخواتك انين السحر وسديم وويبا وتوكلت على خالقى

 

صفوة الصفوة اين انتى شكلك عملتيها يارب تكونى عملتيها يااارب

 

ام يونس اين انتى مش تيجى نشجع بعض والا انتى ناويه تهربى من السباق والا ايه

والا شكلك عملتيها قبلى اين انتى تعالى طمنينا عليكى

 

ام رقيه عامله ايه حبيبتى وحشتينا اوى فيييييييييييييينك تعالى طمنينا عليكى وعلى رقيه والنونو

 

 

ام الاشبال عامله ايه وازى الاشبال عاملين ايه تلاقيكى زى مع الاولاد والامتحانات ربنا يقوينا ياااارب

 

الامهات كنوز الدنيا ونهله ام بلال وحنينى لبلادى ودرصاف وام احمد وريتاج وسهومه وفطومه عاملين ايه اين انتن الاولاد خلاص بعدكوا كده عنننا

 

ام عمر سجودى لله اين انتى وين هالغيبه مش باينه ليه حبيبتى تعالى طمنينا عليكى وعلى الاولاد

[ام عمر ومريم 3]

بنت ام عبد جزاكى الله كل خير حبيبتى ويجعله فى ميزان حسناتك

[أنين السَّحر 35]

السلام عليكن و رحمة الله و بركاته،

 

حيّا الله الغاليات جميعاً ،، اسأل الله أن تكنّ بخير حال منهُ سُبحانه : )

سلامي لكنّ واحدة واحدة حاضرات و غائبات دون إستثناء ^_^

 

بارك الرّحمن فيكنّ جميعاً و في كلّ أخت حبيبة سألت و دعت : )

 

محبة لربها،ادعولي بالثبات ..

انونة الحلوةعاملة ايه

حيّا الله بكِ غاليتي ،، جزّاكِ الله خيراً على سؤالكِ الطيّب مثلكِ : )

الحمدلله أنا بخير حال من الله ، و أتمنى أن تكوني كذلك و زيّادة : )

 

بنت ام عبد ..

بارك الله فيكِ على نقلكِ الطيّب ،، جعلهُ ربي في ميزّان حسناتكِ : )

 

وأشرقت السماء ..

كيف حالكِ يا غالية ؟ بخير حال من الله أتمنى : )

 

توكلت على خالقي ومولاي ..

فينك انين الحبيبة ماشاء الله اصبح نشيط ابنك الله يتمم عليكي بالخير

حيّا الله بكِ يا غالية : )

كيف حالكِ ؟ بخير حال من الله أتمنى : )

 

اللهم آمين و لكِ بالمثل يا حبيبة .

 

صاحبة القلب الطيب - أم حبيبة - ..

حيّاكِ الرّحمن يا حبيبة ،، أنرّتِ بحقّ : )

 

أميمة المتفائلة ..

أنين السحر كيف حالك يا سكرة الجميلة وكيف حال الباشا أقصد النونو :) هل وجدت له اسم ولا لسة ؟

 

يارب يكون عبد طائع وصالح و يبارك لك فيه وفي كل ذرية آآآآآآآمييييييييين

حيّا الله بكِ غاليتي ،، جمّلكِ الله بطاعته و حُسن عِبادته ،، اللهم آمين

الحمدلله أنا و البيبي بخير حال من الله ،، نتمنى أن تكونوا كذلك و أفضل ^_^

لم نجدّ لهُ إسم بعد ^____^

و أنتِ هل عرفتِ جنس المولود أم ليس بعد ؟

 

اللهم آمين آمين آمين و لكِ بمثل ما دعوتِ يا حبيبة .

 

basmat 7ayah ..

أنين بقالى كتير ماعرفش أخبارك يارب تكونى كويسه

حيّا الله بكِ يا غالية ،، أنرّتِ من جديد : )

كيف حالكِ ؟ و حال البيبي ؟ بخير حال من الله أتمنى : )

 

الحمدلله أنا بخير حال من الله ، أتمنى أن تكوني كذلك و أفضل : )

 

أنا كان عندى سؤال لما دخلت فى الشهر الخامس الدكتوره منعتنى أخذ الفوليك أسيد

وقالتلى خلاص كده وقفيه

أنا مش عارفه عشان فيه ناس بتقوللى أن لازم يتاخذ لحد اخر الحمل

هل ده صحيح

نعم تتوقفين عن أخذ الفوليك أسيد و تبدأين بأخذ فيتامينات أُخرى مثل ، فيتامين مُتعدد ، كِلس ، حديد

ليس صحيح أن تأخذي الفوليك أسيد لآخر الحمل ، لأن الفيتامين المُتعدد يحتوي على الفوليك أيّضاً .

 

وبالنسبه للحديد والكالسيوم هل كل الدكاتره بيوصوا بيهم ؟؟

ليس كلّ الأطباء يُحددون نفس الفيتامينات . مثلاً أنا طبيبتي منذ بداية الرابع كتبت لي فيتامين مُتعدد ( بعد إنهاء الفوليك أسيد ) و كِلس و حديد . جارتي كانت تأخذ فقط فيتامين مُتعدد ، و صديقتي الآن تأخذ فقط فيتامين مُتعدد .

 

كلّ طبيبة تُحدد فيتامينات مُعينة إمّا كِلس و حديد و فيتامين مُتعدد ، أو تكتفي بالفيتامين المُتعدد و ذلك لأنهُ يحتوي على ستة عشر نوع من الفيتامين و منهم الكِلس و الحديد .

 

وياترى كل أد أيه بنعمل تحليل المفروض؟دم ووظائف بول؟

هُناك طبيبات لا يطلبون فحوصات إلّا في نهاية الحمل ، و أعتقد في نهاية الشهر الثامن أو مُنتصفهُ .

بالنسبة لطبيبتي ، طلبت منّي فحوصات في الشهر الأول من الحمل ، ثمّ قالت ستطلب منّي أن أُعيدهم في الشهر السّادس و الشهر التاسع .

 

أنا بدأت السادس أدعولى ربنا يكملى على خير

اللهم بـــارك ! أتمّ الله لكِ على خير و بارك لكِ و أقرّ عينكِ بما رزقكِ سُبحانه ،، اللهم آمين

 

ام عمر ومريم ..

كيف حالكِ يا غالية ؟ بخير حال من الله أتمنى : )

 

 

علّ غياب الأخوات المُتغيبات خيراً ،، حقّاً افتقدهنّ و أخبارهنّ : (

في أمان الرّحمن و رعايته : )

[يسرا عبد الرحمن 718]

السلام عليكم اذيكم يا بنات عاملين ايه كلكوا

يسرا عامله ايه حبيبتى ربنا يخليلك اولادك يااارب طيببما انك ولدتى قيصرى قبل كده ايه نظام البنج كان كلى والا نصفى

انا عن نفسى هطلب كلى لان لم استحمل انى اشوف العمليه وبطنى وانا اصلا جبااااااااااااااانه جدا ومقدرش خاااالص

وبتاخدى اد ايه فى العمليه ولما بتطلعى بتحسى بايه يعنى دوخه او تعب معلش كترت عليكى الاسئله بس عشان ده اول مرة وخايفه بس وربنا يسهلها يااااارب

 

سومه ربنا يباركلك ويبارك فى اولادك اللهم امييييييييييييين وتفرحى بيهم ياااارب

 

ام حبيبه نورتينا يالله شدى حيلك عشان واعمليها تانى وربنا معاكى يااارب

 

اميمه عامله ايه حبيبتى ربنايكملك على خير انتى واخواتك انين السحر وسديم وويبا وتوكلت على خالقى

 

صفوة الصفوة اين انتى شكلك عملتيها يارب تكونى عملتيها يااارب

 

ام يونس اين انتى مش تيجى نشجع بعض والا انتى ناويه تهربى من السباق والا ايه

والا شكلك عملتيها قبلى اين انتى تعالى طمنينا عليكى

 

ام رقيه عامله ايه حبيبتى وحشتينا اوى فيييييييييييييينك تعالى طمنينا عليكى وعلى رقيه والنونو

 

 

ام الاشبال عامله ايه وازى الاشبال عاملين ايه تلاقيكى زى مع الاولاد والامتحانات ربنا يقوينا ياااارب

 

الامهات كنوز الدنيا ونهله ام بلال وحنينى لبلادى ودرصاف وام احمد وريتاج وسهومه وفطومه عاملين ايه اين انتن الاولاد خلاص بعدكوا كده عنننا

 

ام عمر سجودى لله اين انتى وين هالغيبه مش باينه ليه حبيبتى تعالى طمنينا عليكى وعلى الاولاد

وعليكم السلام ورحمة وبركاته

انا الحمد لله بخير

ولا يمهك يا حبيبه اسئلى زى ما انت عايزه

 

بصى يا ستى انا طبعا ولدت المرتين قيصرى والاثنين اخذت فيهم بنج كلى والحمدلله

لانى فعلا جباااااااااااااااانه ولذلك دخلت فى جدال مع الدكتوره فى امر البنج النصفى وفضلت الدكتوره تزينه فى عينى وتحدثنى عن مساوىء البنج الكلى لكن مثل ما قالت اختنا اشرقت ان ما فى شىء كامل وكل شىء له محاسنه ومساوئه

لكن بصراحه انا صليت استخاره وسبحان الله لان ربنا مقدر لى البنج الكلى كنت اكلم ناس عن طريق الصدفه واعرف انهم اخذوا فى ولادتهم بنج نصفى وتعبوا جدا منه بسبب ابرة الظهر وغير انهم شافوا الولاده بنفسهم

وبعدها اخبرت زوجى بما عرفته من صديقاتى فقررنا ان ااخذ البنج الكلى ولسه ما انتهينا من الكلام وقلنا نتصل بالدكتوره واخبرها عن قرارى وجدتها بتتصل هى بى سبحان الله فى نفس الوقت وتخبرنى بانها قررت تعطينى بنج كلى وفرحت جدا واطمنت لانى صليت استخاره فما اكثر من ان الدكتوره نفسها تخبرنى بذلك

 

يوم الولاده المحدد بتذهبى قبل الدكتوره زوجك بيعمل اجرات الولاده من دفع المصاريف وغيره وطبعا الدكتوره بتبلغ المستشفى بيوم الولاده وبيتم حجز غرفه لكى خاصه

بتطلعى على غرفتك بتغيرى الملابس وبترتدى ملابس المستشفى وبيكون معاكى عباءه مفتوحه او روب حتى ترتديها اثناء دخولك على غرفة العمليات وبعد ذلك بتتصلى بالدكتوره بانك موجوده او المستشفى هى التى تقوم بالاتصال بها

وبعد ذلك بعد ان تاتى الدكتوره بتدخلى على غرفة العمليات واول شى بتاخذيه هو البنج وفى اقل من ثانيه بيعمل مفعول البنج وبعد نصف ساعه بتكون انتهت العمليه بالكامل شامله الخياطه

فى الولاده الاولى بدات افق من البنج وانا فى غرفة العمليات وهما بيضعونى على السرير الناقل وشعرت بهم وهم بيحملونى

 

فى الولاده الثانيه افقت من البنج وانا فى غرفتى فى المستشفى وهذا اليوم لم افيق بعد العمليه مباشرة لانى للاسف لم انام قبل العمليه اطلاقا فروحت فى سابع نومه ههههههههه

لكن والدتى وزوجى يقولوا لى ان انا افقت بعد العمليه مباشرة لان والدتى سالتنى وهم يحملونى الى الغرفه يسرا انتى بخير وانا جاوبتها وقلت لها الحمد لله وظللت اردد الحمد لله ولكن دموعى كانت على خدى

وتو ما وضعونى على سرير الغرفه صحيت من النوم وقلتلهم اتركونى انااااااااااام عايزه انام

لكن العمليتين استغرقوا نصف ساعه بالظبط

 

ومش بحس بدوخه ولا حاجه غير انى عايزه انام وبس

ولذلك انا احب ان اقول ملحوظه مهمه لاخواتى اللاتى سيلدن قيصرى

لا تشربوا اى شىء منبه فى اخر فترات الحمل وخاااااااااااااااصة يوم الولاده

طبيعى الطبيبه بتمنع الاكل وشرب الماء حوالى عشر ساعات لكن هناك نساء بيشربوا قبل منع الاكل والشرب قهوه او نسكافيه او شاى حتى لا يناموا هذا اليوم وهذا خطا فى يوم الولاده وخاصة من اجل التخدير ومعذرة لا اريد ان اقول السبب

لكن هذا عن تجربة اخت لنا ونبهتنى بذلك

وصدقينى حبيبتى انا جربت وجع الولاده الطبيعى لكن لم الد طبيعى بعد وجع استمر 13 ساعه وجربت وجع الولاده القيصرى لكنى صراحة احببت الولاده القيصرى جدا وارتحت مع البنج الكلى جدا وهما ثلاثة ايام وبتحرك طبيعى جدا فى البيت

طب مش حتصدقى انى فى الولاده الثانيه ذهبت الى بيتى فى نفس يوم الولاده وانا اللى طلبت اذهب الى بيتى لان ابنى كان مريض جدا يوم ولادة اخته واول ما روحت حممت ولادى الاثنين ام مفتريه مش كده هههههههههه

ياااااااااااااا رب تكونى اطمنتى وما تخفيش

اتم الله حملكن جميعا على خير وبارك لكن فى اطفالكن وجعلها ذريه صالحه ان شاء الله

[صفة الصفوة 0]

السلام عليكــم ورحمـة الله وبركاتــة ،،

 

كيف احوالكم ياغاليات اسأل الله ان يتم جملكن وولادتكن جمييييييييعا على خير

 

ده دخول على السريع علشان ابلغكم انى ما ولدتش وحالى اتلخبط خالص مابين خوف وتعب شديد هد حيلى

 

ثلاثة ايام بس واكون خلصت الشهر التاسع كل يوم يجينى طلق والم والرحم مقفول ومن يومين اشتد عليا التعب

 

والدكتورة اللى بتابع معاها قالت لى ان الحبل السرى قريب من رقبة الجنين ووضعه غلط والراس محشورة فى الحوض

 

استعداد للولادة والرحم مقفول وهى محتارة ليه الرحم للان مقفول ودى الولادة الرابعة ليا وبولد طبيعى قالت لى التوتر

 

ممكن يقفل الرحم وقالت لى هنسيب كام يوم تانى فوق التاسع ولو الوضع زى ما هو هفتح قيصرى مش عايزة تستعجل

 

 

الخير اكيد فى اللى ربنا كاتبهولى بس صعب عليا انى اخد وجع الطبيعى وفى الاخر افتح قيصرى

 

 

ادعوووووووووولى بالله عليكم من مدة والالم ما بيفارقنى والطلق بيصحينى من النوم

 

عندى سؤال هل الصديد فى البول والالتهابات يقفل الرحم ؟؟؟

 

ياريت اللى تعرف ترد عليا واللى مرت بنفس اللى بمر به او تعرف شىء عن حالتى تطمنى

 

الله ييسر لكن جميعا الحمل والولادة

 

وسلالالالامى للجميع احبكن فى الله

[ويبـا 39]

السلام عليكم ورحمة الله وبركاته،،

 

ربنا يتمم على خير يا صفوة وان شاء اللع تقومى بالسلامة معلش كله يهون عشان خاطر عيونهم

 

بس فعلا موضوع الحبل السرى هو اللى بيحول الولادة من طبيعى الى قيصرى

[ويبـا 39]

السلام عليكم ورحمة الله وبركاته،،

 

دى تسجيل حضور على السريع لان عندى شوية مشاكل منعانى من التواجد

 

اما عنى فالحمد لله البيبي غيرت وضعيتها ورفعت نفسها من الحوض

 

والدكتور قالت لى ان التحاليل كويسة بس شوية املاح والهميجولبين ضعيف شوية نظرا لانى مش باخد الحديد من الشهر الرابع

 

بس وجع الضهر حدث ولا حرج مخلينى نايمة كتير جدا ومش قادرة اعمل حاجة

 

دعواتكم معايا

 

وسلامى لكل الاخوات واحدة واحدة غايبى وحاضرة

[محبة لربها، ادعوا لي بالثبات 72]

 

يا بنات وحشتونى كتير كتيرررررر

أنين بقالى كتير ماعرفش أخبارك يارب تكونى كويسه

رقيه وأميمه و محبه وحبيبتى الغاليه صاحبه القلب الطيب ويسرا

يارب تكونوا فى أحسن صحه وأتم حال

أنا كان عندى سؤال لما دخلت فى الشهر الخامس الدكتوره منعتنى أخذ الفوليك أسيد

وقالتلى خلاص كده وقفيه

أنا مش عارفه عشان فيه ناس بتقوللى أن لازم يتاخذ لحد اخر الحمل

هل ده صحيح

وبالنسبه للحديد والكالسيوم هل كل الدكاتره بيوصوا بيهم ؟؟

وياترى كل أد أيه بنعمل تحليل المفروض؟دم ووظائف بول؟

أنا بدأت السادس أدعولى ربنا يكملى على خير

 

الصراحة ناسية

 

وخفت ما اردش تزعلى

 

اسمعى كلام الطبيبة حبيبتى

 

يارب الدكتورة سندس تدخل تفيدكن

 

 

[محبة لربها، ادعوا لي بالثبات 72]

سلامتك ويبا

 

اعتقدان وجع الظهر لازم مع الحمل لكن بدرجات

 

انا كنت مثلك لا استطيع الحركة من فرط آلامه

[وأشرقت السماء 1565]

 

السلام عليكــم ورحمـة الله وبركاتــة ،،

حبيباتى الغاليين وحشتونى

ماله التجمع فضى ليه كده

 

أنونة السكرة

مش بتدخلى كتير زى الأول أتم الله حملك حبيبتى ورزقكى طفلا بارا صالحا

 

أم عمر ومريم

لا تخافى حبيبتى والله فى نساء كتير بتطلب من الدكتورة تولدهم قيصرى لأنهم خايفين من وجع الطبيعى

وبالنسبة للبنج فلا تخافى واتركيها لله الإثنين سهلين

البنج الكلى مش بتحسى بأى حاجة خالص غير بعد ما تفوقى من البنج وبتاخدى مسكنات لألم الجرح وكلها ثلاثة أيام وبتلاقى نفسك ماشية عادى وبتتحركى بسهولة

البنج النصفى سهل بردة والله أنا ما حسيت بالإبرة خالص وفضلت مستنية ولقيتهم بيقولى نامى بقى وطول العملية لا تنظرى لبطنك أنا فضلت مدورة وجهى ناحية اليمين وفضلت أقرأ قرآن وأدعى ربنا والحمد لله ولم أنظر لإبنى إلا بعد ما رحت غرفتى وحسيت إنى أفضل من كل مرة والحمد لله لأنى كنت فايقة جدا ومشيت عادى ورجعت البيت فى نفس اليوم وكنت ماشية عادى جدا والحمد لله

لا تخافى حبيبتى وتوكلى على الله

ربنا يكرمك ويسهل عليكى ويقومك بالسلامة

 

 

بنت أم عبد

جزاكى الله خيرا حبيبتى وجعله بميزان حسناتك

شفاكى الله وعافاكى حبيبتى وسهل عليكى كل صعب ورزقكى ساعة ولادة سهلة ميسرة

وهدى لك بناتك وبارك لكى فيهم وفى زوجك

خلى بالك من نفسك يا غالية وطمنينى عليكى دايما

 

 

صفة الصفوة

معلش حبيبتى تحملى وربنا معاكى وييسر عليكى

حاذرى من التقليب أثناء النوم علشان الحبل السرى

وإمشى كتير أوى لحد ما الرحم يفتح وكلى تمر كتيييييير

ربنا ييسر عليكى ويرزقك ساعة ولادة سهلة ميسرة

 

 

ويبا

الحمد لله إن النونة غيرت وضعها بنت محترمة ههه

ربنا يشفيكى حبيبتى ويتم حملك على خير

لا تقلقى وجع الظهر طبيعى أثناء الحمل تحملى حبيبتى مفيش حاجة سهلة

 

 

أميمة المتفائلة

أتم الله حملك على خير ورزقكى الذرية الصالحة

 

أم يوسف

فرج الله عنكى ما أهمك وأتم حملك على خير وهدى لك أولادك وبارك فيهم

 

بسمة حياة

أتم الله حملك على خير ورزقكى ذرية طيبة معافاة

 

 

فين أم رقية وسديم وأم يونس وأم أسامة وأم الأشبال وسندس وبقية الحوامل الحلوين

 

فينك سجودى لله فقط نسيتينا ولا إيه

ربنا يعينك حبيبتى ويهدى لك أولادك ويبارك فيهم

 

 

يسرا ومحبة لربها وصاحبة القلب الطيب يلا شدوا حيلكم وتعالوا وإنتم حوامل

الصفحة دى إللى يدخل فيها ما يحرج بإذن الله إلا وهو والد

 

 

[محبة لربها، ادعوا لي بالثبات 72]

اشرقت

 

وبعديييييييين

 

ولادى كبروا ومش حمل اقلع بامبرز والبس بامبرز واقعد على البوتى مافيش خُلْق

 

وصلى على النبى

 

واستغفر الله الذى لا اله الاهو الحى القيوم واتوب اليه

[بنت ام عبد 151]

السلام عليكم ورحمة الله وبركاته،،

جزاك الله خيرا واشرقت السماء الحبيبة علي اْهتمامك والدعاء , واعتذر للاخوات علي التاْخر في كتابة بقية الاوراد ,ويعلم الله اني احياناً اقوم بعمل بسيط في البيت وبعدها مباشرة اريد ان انام ,اصبحت لا اتحمل كثرة الوقوف والله المستعان ,عموماً انا من طبيعتي باْقفل التاسع ولا اْلد الا في بداية العاشر مع ان الرحم بيكون مفتوح مثلاً

2سم في بداية الشهر وهذا الموضوع بيؤلمني لطول الانتظار ما عدا بنتي الكبري ولدت في منتصف التاسع وكانت ولادتها ما ايسرها (واذكر الاخوات بفضل الدعاء خاصة في السحر )كنت اكثر من الدعاء ان تكون هذة الولادة ميسرة وسهلة لاني لا اخفيكم كنت حديثة عهد بالولادة واحاول تخيل كيف ستكون الالام كما يصفها النساء وينتابني الخوف فكنت وقتها اكثر من الدعاء والتضرع وسبحان الله وانا نائمة جاءتني بداية الالام ولم استيقظ الا علي الالام الشديدة جداً وبمجرد اتصالي بالدكتورة وكانت مترددة اننا نذهب الان للمستشفي وتظن ان امامي وقت طويل وانا اقول لها الالم شديد وتقول علشان اول مرة لسة حيشتد وسبحان الله مجرد وصولي المستشفي كانت البنت حتنزل ,واسرعن الممرضات بحملي الي غرفة الولادة وولدت في لحظات ,فتستبشر الاخوات اللاتي لم يلدن من قبل باذن الله تكون اسهل المرات ويخفف الله عنكن الالام

ولا تنسين اخواتي الاحتساب واْساْلن الله الاجر علي هذة الالام لعلها تكون كفارة لذنوبنا وتقصيرنا , يسر الله لكن الحمل والوضع ورزقكن السكون والطماْنينة وقت الولادة وعافاكن من الجزع والصراخ . وملاحظة ان معظم الاخوات يلدن قيصري (اعتقد والله اعلم السبب في ذلك الاطباء وقلة الخبرة لديهم )

هناك حالات من الولادات الطبيعية تحتاج الي مهارة من الطبيبة والغالبية الا من رحم ربي يلجاْن الي القيصرية لعدم خبرتهن في تفادي المشكلة التي امامهن .

[ساره أم حمزه 1040]

السلام عليكم ورحمة الله وبركاته

ربنا ييسرلكم جميعا

سؤال بس

الاخت اللى هى بتابع مع دكتوره فى منطقتها تيجى امتى لمدينة امها لتولد عن دكتوره تانيه إن شاء الله

قبلها باسبوع ينفع ولا بنصف شهر او شهر؟ إن شاء الله

جزاكم الله خيرا

[محبة لربها، ادعوا لي بالثبات 72]

كفاية نصف شهر يا سارّة

 

اخاف اقول شهر ..حق الزوج عليها سوف يضيع!

[وأشرقت السماء 1565]

محبة

الله يسعدك ضحكتينى

يا بنتى وإيه يعنى هتجددى الذى مضى

 

 

بنت أم عبد

ربنا ييسر عليكى حبيبتى ويجعل تعبك بميزان حسناتك

أنا فى المرة الأولى كنت هاولد طبيعى والرحم فتح خالص والطلق وكل حاجة بس قالوا لازم قيصرى علشان البيبى جاى برجليه

وبعدها كل دكتورة أروح لها تقولى كان ممكن تولدى طبيعى عادى

 

 

سارة

هى أختك فى بلد تانية يعنى هتركب طيارة ولا فى بلد جنبكم عادى

لو طيارة الدكتورة هتحدد لها ميعاد السفر وغالبا بيكون فى أول الثامن

أما لو مواصلات بسيطة ممكن أسبوع أو أسبوعين بالكتير

تم تعديل 17 يناير, 2011 بواسطة وأشرقت السماء

[بنت ام عبد 151]

كفاية نصف شهر يا سارّة

 

اخاف اقول شهر ..حق الزوج عليها سوف يضيع!

بصي يا سارة اقترح علي اختك حبيبتي ان تاتي في بداية التاسع او نهاية الثامن الي طبيبتكم وتظبط معها كل شيء وتعمل تحاليل وكل ما يلزم العملية لتتعرف الطبيبة علي الحالة

وتحدد لها الميعاد (اعتقد انك ذكرت ان الولادة قيصرية)وبعد ذلك تعود سريعاً الي بيتها وتاْتي قبل الميعاد باْيام ممكن تطلب منها الطبيبة اعادة التحاليل مرة اخري وعمل سونار اكيد

للاطمئنان علي الجنين وكمية المياة حوله وهذة الاشياء

ومعلش يا محبة يا حبوبة (نقسم البلد نصفين ^__^)ونخليها تترك الزوج مرتين ولكن الاولي فترة قصيرة جداً ثم تعود بعد ذلك استعداداً للولادة

يسر الله الامور لاختك يا سارة وعموماً حبيبتي اوصيها بالاستخارة قبل الاقدام علي اي خطوة .

[ام عمر ومريم 3]

السلام عليكم ورحمة الله وبركاته

جزاكن الله كل خير يارب كل خيريا بنات ربنا يبارك فيكوا يارب وفى اولادكوا اللهم امين ويفرجكوا ويطمن قلبكوا زى ماتطمنطونى

حبيبتى يسرا ربنا يبارك فيى يارب حبيبيتى والله فعلا كل الناس هنابيقولوا ان الان القيصرى اسهل من الطبيعى بل البنات هما اللى بييريدون القيصرى خوفا من وجع الطلق ومتاعبه

وانا الحمد لله كنت عنج الدكتورة النهاردة وقالتلى انى اذهباليها يوم الاحد لتحديد العمليه بالظبط لانها مهتستنى موافقه شركة التامين الخاص بالعمليه ثم تحددلى متى العمليه وكلمتها فى نوع البنج قالت لى ده المسئول عنها الدكتور بتاع البنج بس قولتلها انى اريد بنج كلى وليس نصفى قالتلى زى ماتحبى والحمد لله على كل حال واهو انا متوكله على الله وصليت صلاة استخارة وربنا يقدرالخيريااااارب

وربنا يجازيكى كل خير ويبارك فى اولادك ياااااااارب

 

حبيبتى اشرقت السماء ربنا يكمل حملك على خير يارب ويبارك فى اولادك اللهم امين

تسلمى حبيبتى على اطمئنانك لى بالفعل اكتر الاخوات قالوا مثلكن بالظبط ربنايبارك فيكوا يارب ويجعل ولادتكوا سهله وميسورة اللهم امييييييين

وان شاء الله هروح للدكتورة يوم الاحد واعرفالميعاد بالظبط باذن الله

 

صفوة الصفوة ربنا يجعلك ساعه سهله اللهم امين وتقومى انتى وطفلك بالسلامهيارب ويقدرليكى الخيراللهم امييييييين خلى توكلك على الله وفوضى امرك ليه وان شاء الله خير لاننا مالناش غيرة رحيم بينا

 

حبيبتى سارة احنا هنا لو عاوزين نولد فى مستشفى معينه قبل الولادة لازم تكون قبلها بشهر عشان تفتح ملف المستشفى والدكاترة يتابعوها

 

ام عبد الله جزاكى الله كل خير ويبارك فى اولادك يارب وينبتهم نباتا حسنا اللهم امين

 

ويبا وجع الضهر ده عادى خالص دة من اول الحمل وانتى هتحسى بيه ده عادى فى الحمل وبالنسبه للبول اشربى مايه كتييييييييييييير اوى وان شاء الله يخف الالتهاب

بالنسبه للحديد خدى فيتامينات حديد مع الاكل اللذى يحتوى على حديد مثل الخضار والجرجير والكبدة البلدى والسبانخ والعسل الاسود والتفاح والباذنجان كل هذا مفيد جدا وبه نسبه حديد وربنا يخفف عننا يارب ويكملك على خيريااارب

 

سوووووووومه منورة التجمع حبيبتى شدى حيلك يالله وتعالى التجمع نوريه

 

انين السحر جزاكى الله كل خير على سؤالك انا الحمد لله فى نعمة وفضل والحمد لله بس محتاجه لدعواتكم بتييسيرالامور اللهم امين ويكملك على خيرياااااارب