ياقوته 0 أرسلي تقرير عن المشاركة قامت بالمشاركة 28 اكتوبر, 2010 السلام عليكم ورحمة الله وبركاته أخواتى الحبيبات .......عندى موضوع ومحتاجه المشوره فيه وطبعا لثقتى فيكم وانى عارفه انكم هتقولو رايكم بما يرضى الله وهتعطونى الراى الصائب باذن الله هعرضه عليكم انا طبيعتى انى بحب اكون ف حالى ومش من النوع الى بتعرف على ناس كتير وطول عمرى كده كل علاقاتى بجيرانى يدوب فى المناسبات ونسلم على بعض لما نتقابل وبس لكن من سنتين اشترينا شقه بفضل الله وليا جاره فى الشقه الى أمامى الست دى أخوها صديق زوجى من الطفوله لغاية الان ...... وطبعا زوجى عارف العيله دى كويس فقالى مفيش مشكله من تعارفك على الست دى انا عارفهم ناس كويسين وكده انا اصلا زوجى بيسافر يشتغل وبييجى فى الصيف بس والست دى كمان زوجها بيشتغل وبيجي اجازات معلش طولت فى المقدمه بس عشان تكونو ملمين بظروف الموضوع المهم انى اتعرفت عليها وبنزور بعض بس من يوم ما عرفتها وفيه حاجات مضيقانى ومش مريحانى خالص بس اتعرفت عليها اولا بنية الدعوه لله وكمان لقيت عندها مخالفات كتير فقلت هتحمل واكمل وخلاص عشان الدعوه يعنى مثلا اول ما جت شقتى بقت تقولى انا كان نفسى اشترى شقتك دى بس مكنش معانا فلوس تكمل شوفى الفرق بينها وبين شقتى شقتى وحشه اوى كان نفسى اوى فى دى مثلا طول الوقت تقولى كل حاجه ف شقتك جميله حتى ولادك دايما مرتبين انتى بتجيبى وقت لكل ده منين لو قدمت لها حاجه تقولى انتى شاطره اوى كل حاجه فى حياتك حلوه ممتازه فى كل حاجه وانا دايما ارد واقولها مفيش حد ممتاز فى كل حاجه وعنده كل حاجه كل انسان عنده عيوب وناقصه حاجات كتير تقولى لا انتى لا يا بخت جوزك بيكى عارفه انا جوزى كان المفروض يتجوزك انتى لانك فيكى كل المميزات الى هو عايزها لكن انا لا وتقولى انتى وجوزك دايما كويسين مش بنسمعكم تتخانقو خالص حتى ربنا رزقك بزوج طيب انا بستغرب عليكى ( مع انى طول ما زوجى او زوجها موجود مش بنزور بعض غير قليل جدااااااااا وانا الى فهمتها ان ده الى هيحصل لما ازواجنا ينزلو اجازه بس بطريق غير مباشر) وتقولى يا بختك منتقبه ومش بتشوفى مسلسلات ودايما اشوفك قاعده ف بيتك كده لا بتروحى ولا تيجى وواخده بالك من ولادك نفسى اوى اكون زيك انا بحس انى ولا حاجه لما بشوفك واقعد معاكى (هى يوميا لازم تخرج عند مامتها او اختها او اى حد لااااااااااازم ) فبحاول انصحها وافهمها اهمية قعدة الست ف بيتها وكده دا غير بقه ان بنتها اكبر من بنتى بسنتين انا بنتى عندها 6 سنين وهما بيبقو يلعبو مع بعض ع السلم فبنتها بقه دايما لو شافت بنتى لابسه حاجه جديده تقولها ده وحشه لو معاها لعبه تقولها وحشه او انتى شكلك وحش مع ان بنتى الحمد لله والله مش كده خالص وتقعد تقولها هاتيلى لعبه معينه مثلا اخدها ليا عشان العب معاكى ولو مجبتيهاش مش هلعب معاكى وهى الست بنفسها بتقعد تسال بنتى انتم طابخين ايه او مين الى كان عندكم ومراقبه كل تحركاتنا وانا مش بحب كده خالص لانى اصلا ف حالى والحمد لله عمرى ما شغلت نفسى بغيرى وبنتى بقه تيجى تقولى حقه يا ماما انا وحشه وفلانه حلوه طبعا بتجنن او هاتيلى فلوس اجيب حاجه حلوه عشان العب معاكى المشكله بقه ان بنتى شخصيتها ضعيفه شويه فالبنت دى بتحاول تسيطر عليها وتخليها تعمل الى هى عيزاه يعنى حتى لو انا اتحملت وجيت على نفسى مش هقدر اسيب بنتها تعمل ف بنتى كده انا بقالى فتره باعده نفسى شويه على ما اشوف هعمل ايه لقيتها جايه لى وقاعده تقولى انا بحبك اوى وانتى غيرتى حياتى كتير اوى واثرتى فيا متسبنيش وتبعدى عنى انتى واخده جنب منى ليه وقعدت تعيط بعد ما كنت قررت انى خلاص هحدد علاقتى جدا بيها وتبقى سطحيه خالص صعبت عليا وف نفس الوقت خايفه اكون كده بتخلى عنها وعن دورى فى دعوتها خصوصا انها بصراحه عندها استعداد وبتتقبل منى الكلام وعشان اكون حياديه هى انسانه محترمه بجد وبتحبنى اوى وبتاخد رايى ف حاجات كتير وبتعمل بيه كمان حاسه انها معادله صعبه ارجوكم بجد محتاجه رايكم اوى واى اخت تدخل تحاول تقولى رايها شارك هذه المشاركه رابط المشاركه شارك
أسيرة الغربة 5 أرسلي تقرير عن المشاركة قامت بالمشاركة 3 نوفمبر, 2010 وعليكم السلام ورحمة الله وبركاته حياكِ الله أختنا الحبيبة "ياقوتة" من الواضح أنكِ زوجة وأم شديدة الحرص على بيتها فهنيئآ لكِ أختي الغالية أسأله عز وجل أن يحفظ بيتكِ واولادكِ وأن يقيهم شرّ الحاسدين .. بما أنكِ بنيتِ علاقتكِ بجارتك على أساس الدعوة أخية فاستمري على هذا الأساس، أُقدّر أنه ليس من السهل مقاطعة جار يسكن في نفس المبنى أو مقابل باب بيتي ! لذلك أخية بداية أنصحكِ أن تحصّني بيتكِ دومآ بذكر الله لطرد الشياطين منه وحسد الحاسدين، حين تجلس جارتكِ تمدح في بيتكِ وفيكِ وأهل بيتكِ ذكّريها بالله فورآ ووضحي لها أن البيت الذي يقوم من أساسه على ذكر الله ومخافته وتقواه وطاعته هو بيت آمن مؤمٌن يعيش أهله حياة هانئة هادئة بإذن الله . فهمتُ من كلامكِ أنها تتقبل النصيحة وتحاول التغيير دومآ وهذه نقطة إيجابية برأيي يا حبيبة، أما بالنسبة لعلاقة البنات ببعضهم فعوّدي ابنتكِ على أن تثق بنفسها أكثر فلا تكون ذات شخصية ضعيفة تعطي جميع ما تملك لكي يقبل غيرها باللعب معها أو ما شابه! وأخبري جارتكِ عن المواقف التي حصلت مع ابنتكِ وأنها عليها أن تربّي ابتنها على نبذ استغلال الآخرين وأنه خلق ذميم للغاية، لا تخففي علاقتك بها بدون توضيح الأسباب، عليها أن تفهم أنكِ تريدين لها الخير كله .. أرجو أن أكون أفدتكِ قليلآ. شارك هذه المشاركه رابط المشاركه شارك
* أم بلال * 2 أرسلي تقرير عن المشاركة قامت بالمشاركة 3 نوفمبر, 2010 ما شاء الله لا قوة إلا بالله بارك الله لك أختي وحفظ لك بيتك وأهلك لا أدري إن كنت أهلا للنصيحة لكن من رأيي لا تتركي جارتك ومادامت تتقبل النصيحة فادعيها إلى الله بالمودة والموعظه الحسنة لكن لا يخلو الأمر من بعض الشدة أحيانا لو تعلق الأمر بتربية أولادك يعني لا تسمحي ان تؤثر ابنتها بابنتك وعلمي صغيرتك أن تكون شخصيتها قوية وأن تعتز بما لديها وتفتخر بأهلها وما تجلبونه لها وضعي حدا لتجسسها عليكم ونبهيها بلين لذلك ولما تقول لك انت كذا وكذا قولي لها طيب لما لا نتعاون ونكون مثل بعض؟ وايه رأيك لو تصيري أحسن مني كمان ونترافق لنصل سويا للجنة؟ لم لا تفعلي مثلي مادام الأمر يشدك ؟ حاولي ان تعرفي اسباب بعدها عن الله وبينيها لها أعطيها شرائط وكتب هدايا بطريقة حلوة لتستفيد منها وأرجو أن تفيدك الاخوات بما لديهن من خبرة في هذا الموضوع وكما قالت حبيبتنا أسيرة الغربة احرصي على رقية نفسك وبيتك وأولادك أتمنى أن أكون قد أفدتك ولو قليلا وأرجو أن لا تحرميني من دعوة طيبة شارك هذه المشاركه رابط المشاركه شارك
