استفسار عن ماكينة براون

[نسمة الريحان 0]

السلام عليكــم ورحمـة الله وبركاتــة ،،

 

 

اخواتى حبايبي اللي دايما بيقفوا جنبي وبيردوا عليا

 

 

مش هاطول عليكوا

 

 

حماتى الله يكرمها ويديها الصحة يارب جابتلي ماكينة براون هدية من السعودية 5*1

 

 

وأكيد فاكرين ازمة الطيران اللي حصلت وضيعت حاجات ناس كتير

 

 

المهم الماكينة بتاعتى ضاعت الشنطة اللي كانت فيها في المطار وعملت محضر بيها

 

 

وبعد كام اسبوع الحمد لله رجعتلي الماكينة

 

 

بس يافرحة ماتمت

 

 

رجعتلي مستخدمة وعليها اثار الشعر

 

 

واللي اكتر من كده كمان رجعتلي مش شغاله

 

 

انا دلوقتى ياعينى مالحقتش افرح بيها وعايزة اصلحها

 

 

حد فيكوا يعرف فين توكيل براون في مصر ؟

 

 

وهايصلحوها ولا لآلا

 

 

طولت عليكم أنا اسفه

 

 

انا حبيت احكلكم عن الاستهتار اللي حصل

 

 

ياريت تردوا عليا بسرعه

 

 

مستياكوا حبايبي

[نسمة الريحان 0]

[ام روتى 4]

السلام عليكم ورحمة الله وبركاته،،

 

انا الصراحة معرفش توكيل براون فى مصر

 

بس إن شاء الله البنات يفيدوكى

 

ونصيحة منى لا تستخدميها وانتى حامل لأنها بتأثر على الجنين ربنا يكملك بخير ويقومك بالسلامة

[نسمة الريحان 0]

عليكم السلام ورحمة الله وبركاته

 

جزاكى الله خيرا اختى ام روتى علي اهتمامك ونصيحتك

[نسمة الريحان 0]

زعلانة منكوا اوى خالص

 

[يسرا عبد الرحمن 718]

اختى فى الله نسمة الريحان انا اسفه قوى لسه شايفه موضوعك

حتلاقى توكيلات براون فى شارع النبى دانيال بالاسكندريه اذا كنتى من قانطيها فى محطة الرمل

اما اذا كنتى من اى محافظه بمصر اتصلى بالدليل رقم 140 واساليه عن ارقام تليفونات توكيلات براون بالمحافظه اللى انتى فيها وان شاء الله حيفيدوكى

 

وحسبى الله ونعم الوكيل فى قلة الامانه ربنا ينتقم منهم خلاص مفيش ضمير ولا امانه وربنا يعوض عليكى حبيبتى

بس انا رايى بلاش تستعمليها متعرفيش اللى استعملها عنده مرض جلدى ولا لاه وممكن ينقل لكى المرض حبيبتى استخيرى ربنا حبيبتى قبل ما تستعمليها ويا رب اكون افادتك

[نسمة الريحان 0]

جزاكى الله خيرا حبيبتى يسرا علي اهتمامك

 

وبالفعل استفدت من كلامك كتير

 

ومتاسفة ان اتاخرت انا كنت يأست وبطلت ادخل الموضوع

 

احب اقولك ان متابعه أراءك في مواضيع كتيرة وبتعجبنى جدا

 

جزاكى الله خيرا ياغالية

[بنوته مسلمه مصريه 458]

السلام عليكــم ورحمـة الله وبركاتــة ،،

ازيك يانسومه وازاى النونو ربنا يقومك بالسلامه يارب ويرزقك الذريه الصالحه

رأى يانسمة تسيبك منها خالص وترميها

اعتبريها مجتش أصلا

[نسمة الريحان 0]

أهلا اهلا ببنوتة البنانيت

 

عليكم السلام ورحمة الله وبركاته

 

ازيك يا احلي بنوته

 

انا الحمد لله بخير والنونو كمان الحمد لله بخير واحتمال تكون بنت لسه الدكتورة مااكدتش

 

وبالنسبة للماكينة مااقدرش اعمل فيها كده عشان دى هدية حماتى

 

وكمان مش معقوله هي اتكلف نفسها وانا ارميها ولا ايه يابنوته

 

[**نحو غدٍ أفضل** 15]

السلام عليكم ورحمة الله و بركاته

 

حبيبتى هدية حماتك على العين و الرأس

 

لكن طالاما استعملت لا تستعمليها أبداً أبداً

 

و ربنا يعوضك و مش ضرورى تقولى لحماتك

 

الله اعلم فيها إيه و إللى استعملها استعملها فى إيه

 

بجد أوعى تستعمليها

[نسمة الريحان 0]

عليكم السلام ورحمة الله وبركاته

 

جزاكى الله خيرا حبيبتى نحو غد افضل علي اهتمامك

 

انتى كده خوفتينى منها

 

وشكلي هاسمع كلامك

[بنوته مسلمه مصريه 458]

السلام عليكم ورحمة الله و بركاته

 

حبيبتى هدية حماتك على العين و الرأس

 

لكن طالاما استعملت لا تستعمليها أبداً أبداً

 

و ربنا يعوضك و مش ضرورى تقولى لحماتك

 

الله اعلم فيها إيه و إللى استعملها استعملها فى إيه

 

بجد أوعى تستعمليها

انا كان قصدى كده برضوا

حطيها في علبتها وعينيه ياستى بس متستعملهاش

[**نحو غدٍ أفضل** 15]

عليكم السلام ورحمة الله وبركاته

 

جزاكى الله خيرا حبيبتى نحو غد افضل علي اهتمامك

 

انتى كده خوفتينى منها

 

وشكلي هاسمع كلامك

 

ربنا يعوضك بأحسن منها إن شاء الله

 

بس متستعمليهاش ok :lol:

[محبة النبي عليه الصلاة والسلام 6]

السلام عليكم ورحمة الله وبركاته،،

اختي نسمة بارك الله فيك..اما عن التوكيل فليس عندي عنه معلومات....واما عن الاستخدام فخسارة كبيرة ركنها جانبا لانها مفيدة جدا......انا اسالك مينفعش مثلا تضعي الرؤؤس في مطهر ثم تقومي بتنشيفها جيدا؟سواء بقطعة قماش او بالمروحة......يسر الله لك الخير

اما عن خطر استخدامها اثناء الحمل فهل ذلك الكلام صحيح؟ انا كنت استخدمها اثناء حملي

تم تعديل 23 نوفمبر, 2010 بواسطة ام خديجة الفيوم

[يسرا عبد الرحمن 718]

جزاكى الله الف خير يا نسمه على تقييمك لردودى وربنا يبارك لكى فى حملك وتقومى بالسلامه

انا لى رائيى لما تعرفى مكان التوكيل لبراون حتلاقى ان شاء الله قطع غيار للماكينه وبدل ماتغيرى الماكينه كلها حتغيرى فقط الشفرات على فكره انا عندى زيها واصل المانى هى فعلا ممتازه بس سلامتك حبيبتى اهم من اى شىء واهم من الماكينه حبيبتى بلاش تستعمليها لان فى امراض اخطر من الامراض الجلديه والله اعلم اللى استعملها عنده ايه وربنا يحفظك انتى وولدك من كل سوء

[سبيل الهدى 2 14]

أختي نسمة التوكيل زي ما قالوا الأخوات ...

أما عن الأمراض فيمكنك غسل الشفرات بمطهر قبل استعمالها أو تغييرها من التوكيل ...

 

أنا أغسل الشفرة بالماء والصابون كل فترة واتركها تجف في الهواء جيدا قبل استخدامها مرة أخرة ولا يحدث أي ضرر...