علاقة بريئة

[رضوي 2 1]

 

وتكون بين رجل وامرأة او فتى وفتاة ولكنها يحدها حدود ويفترض انها لا تتطور ويشملها الأدب العام والعرف ويصل الأمر إلى المصارحات والصدق والألفة والثقة بين الطرفين ولا بأس بمعرفة الأهل بهذه العلاقة إلى حد ما وقد تتعدى الصداقة إلى الأخوية وكلا الطرفين يحرص على مصلحة الأخر وذلك دون الوصول إلى ما حرمه الله وقد يكون احد الطرفين متزوج ولكن لا بأس فانها علاقة بريئة ويكون الحديث فيها في الأمور الحياتية العادية أو المشاكل الشخصية العادية ومناقشتها

ومن اكبر مميزات هذه العلاقة ان المجتمع يرعاها ويعترف بها والخلاصة ان أصحاب هذه العلاقة على قناعة بصحتها وبرائتها من الفحش وانها علاقة طبيعية مادامت لا تصل إلى ما حرمه الله ومادامت هذه العلاقة فى العلن!!!

 

بس تفتكروا ربنا راضي عن العلاقة دي؟؟؟؟

 

تعالوا نتكلم مع بعض بصراحة

 

وخطوة خطوة مع بعض اكيد هنوصل لحل ان شاء الله

 

هنعيش القصة مع اتنين اصحاب احمد ومحمد تعالوا نشوف حكايتعم ونتعلم منهم

[محبة النبي عليه الصلاة والسلام 6]

السلام عليكم ورحمة الله وبركاته،،

متابعين يارضوي..بارك الله فيك

[بنت الاسلام التونسية 2]

السلام عليكم ورحمة الله وبركاته،،

متابعين يارضوي..بارك الله فيك

[راماس 860]

وعليكم السلام ورحمة الله وبركاته،،

بارك الله بكِ اختي الكريمة

سأحاول المتابعة معكِ بأذن الله

واسمحي لي بهذه الاضافة بارك الله بكِ

إلى حد ما وقد تتعدى الصداقة إلى الأخوية وكلا الطرفين يحرص على مصلحة الأخر وذلك دون الوصول إلى ما حرمه الله وقد يكون احد الطرفين متزوج ولكن لا بأس فانها علاقة بريئة

الصداقة والحب في الله بين الرجل والمرأة

 

https://ar.islamway.net/?iw_s=Fatawa&i...p;fatwa_id=4699

 

السؤال:

ما هو رأي الإسلام بالصداقة والحب في الله بين شاب وامرأة هو 26 سنة وهي 45 تولدت العلاقة بالعمل والدعوة في الله والذكر وتعليم القران وهي إن شاء الله علاقة أخوة كما تعهد بها الاثنان؟

 

 

الإجابة:

 

المؤمنون والمؤمنات أخوة في الله تعالى، لكن لا يجوز للرجل أن يقيم علاقة صداقة خاصة بامرأة ليست محرما له ولا هي زوجته. وهذا لا يمنع أن يحب الرجل المرأة الصالحة في الله تعالى، وتحب المرأة الرجل الصالح في الله تعالى، فهذا من الإيمان ولكن لا يجوز أن يقام على أساس هذا علاقة ارتباط خاصة كما يكون بين الرجل والرجل والمرأة والمرأة، يتصادقان ويفضي بعضهما إلى بعض بمكنون النفوس والأســرار والخصوصيات، لأن ذلك من مداخل الشيطان ولهذا قال صلى الله عليه وسلم موجها كلامه للصحابة الذين هم أبعد الناس عن الريبة "إياكم والدخول على النساء" قالوا يا رسول الله فالحمو، قال "الحمو الموت" ـ والحمو قريب الزوج، وهو تحذير نبوي من خطر العلاقات غير المنضبطة بين الجنسين، لا سيما وأن الحب في الله قد يختلط بشعور الأنس الغريزي والميل الفطري بين الجنسين، ويجعل الشيطان الحب الإيماني مدخلا إلى العشق الشيطاني. وقد قال بعض العلماء إن الشيطان يقيم تسعة وتسعين حيلة من الحق ليوقع فريسته بعدها في شرك الباطل، ومازالت أمة الإسلام لا تعرف التآخي الخاص بين رجل وامرأة، وإنما وقع في هذه الخدعة الشيطانية المتصوفة فأوردهم ذلك دكادك من النار والعياذ بالله تعالى. فعلى المسلم أن يحذر كل الحذر من مداخل الشيطان، لاسيما ومن المعلوم أن أشد مداخله خطرًا ما يكون من جهة الشهوة بين الجنسين، ولهذا فقد حذر منها النبي صلى الله عليه وسلم أكثر من غيرها.

والله أعلم.

 

المفتي: حامد بن عبد الله العلي

____________________________

http://www.islamweb.net/ver2/Fatwa/ShowFat...;Option=FatwaId

 

عنوان الفتوى : محادثة الرجال الأجانب بحجة الأخوة في الله من تلبيس إبليس

 

السؤال

 

أنا فتاة مخطوبة وأخاف من الله والحرام والحمد لله ، ومسجلة في معهد وعندنا في المعهد شاب عزب صاحب دين وذو أخلاق حميدة ونحن نتحدث مع بعض في كل فترة استراحة في المعهد على اعتبار أننا أخوان في الله فهل حديثنا فيه أي نوع من الحرام وأنا خائفة أن يكون حديثنا مرافقا لمشاعر سواء عندي أو عنده فماذا علي أن أفعل لكي أتجنب الحرام والمشاكل أيضا وخاصة أنه يشبه خطيبي كثيرا شكلا وأفعالا وطباعا ؟ أرجو الرد بسرعة ؟

 

جزاكم الله كل خير.

 

الفتوى

 

 

الحمد لله والصلاة والسلام على رسول الله وعلى آله وصحبه، أما بعـد:

 

فاعلمي أيتها الأخت الكريمة أن حديثك مع هذا الرجل الأجنبي لا يجوز إلا عند الحاجة. ودوام المحادثة بهذه الطريقة مؤذن بفتح باب من الشر عظيم يجركم إليه الشيطان، ولذا فعليك بقطع هذه العلاقة مباشرة طاعة لربك، وصيانة لنفسك ومشاعرك. وانظري الفتوى رقم : 56052 ، ومحادثة ومخالطة الرجال الأجانب بحجة المحبة والأخوة في الله من تلبيس إبليس ليوقع الإنسان في حبائله وشراكه. وفقك الله لمرضاته .

 

والله أعلم .

 

 

 

المفتـــي: مركز الفتوى

 

 

ونتابع معكِ بأذن الله

[رضوي 2 1]

جزانا واياكم خيرا اخواتي

 

جزاكي الله خيرا راماس علي الاضافة

[رضوي 2 1]

المشهد الاول

 

 

 

احمد ومحمد واقفين في الكلية وفاجاة يجي اصحاب احمد

مني :هاي ازيك يا احمد مش تعرفنا بصاحبك

احمد:ازيك انتي ده محمد صاحبي

محمد:طب استاذنكوا انا

وائل:ايه يا عم صاحبك ده معقد ولا ايه؟:yd7k:

احمد:سيبك منه في رحلة طالعة لدريم بارك هتروحوا

مني ووائل :طبعااااااااا

احمد:خلاص سجلولي اسمي عقبال ما اروح اشوف عم المعقد ده

 

 

 

احمد:ايه يا عم اللي عملتوا ده ليه سبتنا ومشيت:yst7lf:

محمد:اصل كان واقف بنات

احمد:وايه المشكلة يعني

محمد:لا مشكلة كبيرة اووووووووووي

احمد:ايه يا عم ما تكبرش الموضوع احنا زمايل دراسة وما بنعملش حاجة غلط

محمد:عارف ان اللقاء بين الشباب والبنات مش حراااااااااام

احمد:انت هجنني امال مشيت ليه؟؟؟؟؟؟؟؟؟؟؟

 

محمد:اللقاء بينهم جائز ومشروع طالما كان فيه ضرورة يعني في نساء بتضرر تشتغل وبتضرر تختلط مع الرجال ولكن فيه حدود

في ناس بتفتكر انها ملائكة مطهرة لا في خوف لا منهم ولا عليهم والحقيقة اننا مش ملايكة

 

احمد:طب ايه الحدود دي يا تري؟؟؟

 

عد معايا وركز وخليك فاكر ان ربنا لما يامرنا بحاجة او يحط لنا حدود لشئ اكيد في مصلحتنا متفقين؟؟؟؟

طبعا متفقين

 

 

 

1- غض البصر من الطرفين فلا تطيل النظر من غير حاجة قال تعالي"قل للمؤمنين يغضوا من أبصارهم ويحفظوا فروجهم ذلك أزكى لهم إن الله خبير بما يصنعون، وقل للمؤمنات يغضضن من أبصارهن ويحفظن فروجهن".

2- البنت لازم تكوني ملتزمة بالحجاب الشرعي المحتشم اللي لا يصف ولا يشف حاجة منها اصلها غالية اوي في الاسلام: " ولا يبدين زينتهن إلا ما ظهر منها وليضربن بخمرهن على جيوبهن"

3-والبنت وهي بتتكلم لازم كلامها يكون بعيد عن اي هزار ، وقد قال تعالى: ( فلا تخضعن بالقول فيطمع الذي في قلبه مرض وقلن قولاً معروفاً).حتي وانتي ماشية فلا تتمايلي: : ( ولا يضربن بأرجلهن ليعلم ما يخفين من زينتهن) ، وأن تكون كالتي وصفها الله بقوله: ( فجاءته إحداهما تمشي على استحياء).فبلاش تكوني زي اللي الحديث الشريف ب(المميلات المائلات) اكيد انتي مش كده

 

4- وطبعا العطور مافيش داعي منها خالص بلاش تكوني زي ما الرسول صلي الله عليه وسلم قال "زانية"

 

5-وطبعا ما ينفعش تختلي بالرجال فقد نهت الاحاديث الصحيحة عن ذلك وقالت: (ان ثالثهما الشيطان)

.

 

 

بس للاسف في كتير من الحالات ما حدش بيحافظ علي الضوابط دي وبتوصل لصداقة

بريئة

هاحكي لك عليها المرة الجاية ان شاء الله

 

احمد:يااااااااااااااااه انا ماكنتش فاكر الموضوع جامد جدا

 

محمد:اصبر عليا بكرة اكملك بس فكر في اللي قولناه انهارده

احمد:ماشي بس لسة بدري

محمد:معلش لازم اروح

احمد:خلاص هستناك بكرة

[محبة النبي عليه الصلاة والسلام 6]

السلام عليكم ورحمة الله وبركاته،،

ياخوفي علي محمد احسن نلاقيه في نهاية الطريق يمضغ اللبان ويلبس الحظاظة!ّّّ

ربنا يستر

[~أملي بالله كبير~ 63]

بارك الله فيكي اختي الحبيبة كملي

فعلا طرح الفكرة جميل وغير مكرر

[ام سلمى وحمزة 0]

جزاك الله خيرا أختى

يلا كملى أنا متابعة معاك

[رضوي 2 1]

السلام عليكم ورحمة الله وبركاته،،

ياخوفي علي محمد احسن نلاقيه في نهاية الطريق يمضغ اللبان ويلبس الحظاظة!ّّّ

ربنا يستر

 

وعليكم السلام ورحمة الله وبركاته

ربنا يستر لما نشوف هترسي علي ايه:)

بارك الله فيكي اختي الحبيبة كملي

فعلا طرح الفكرة جميل وغير مكرر

وفيكي بارك الله هي اصلها من تاليفي فمش مكررة :)

 

جزاك الله خيرا أختى

يلا كملى أنا متابعة معاك

جزانا واياكي خيرا

[رضوي 2 1]

احمد:اهلا عم محمد

محمد:ده انت كمان حاجز لي جنبك

احمد:امال يلا كملي بسرررررررررعة قبل الدكتور ما يدخل

محمد:فاكر وقفنا فين المرة اللي فاتت

احمد:قولت لي هتكلمني عن الصداقة بين الولد والبنت

محمد:تمام بص يا سيدي

الصداقة هي من اجمل الحاجات اللي بنعيشها

الصداقة عبارة عن علاقة اجتماعية بيحصل فيها تواصل وتعاون وتحكي همومك للي بتثق فيه

والصداقة دي هي اللي الاسلام نصح بيها

احمد:هو ده بالظيط اللي بيحصل بيني وبين اي بنت

محمد:طب اصبر بس واسمعني لغاية الاخر

النوع ده في الاسلام اسمه الاخوة في الاسلام مبني علي اساس حسن اختيار الصديق

احنا فعلا محتاجين الصديق اللي يقف جنبنا في الصعوبات اللي بنمر بيها وينصحك لو لقاك بتعمل حاجة غلط وينصرك لو بتقول الحق وينهاك لو بتقول الباطل يدافع عنك في غيابك

عشان كده قيل"المرء علي دين خليله فلينظر احدكم من يخالل"

الصداقة دي مش لعبة الغرض منها نتسلي شويةمع اصحابنا ونرغي مع بعض ولو مللنا منهم سبناهم زي ما بيحصل اليومين دول وممكن يسيبوا بعض علي حاجات تافه زي مثلا يتخانقوا علي بنت

احمد:هههههههه في دي عندك حق اوي كمل يا عم ده انت كلامك حكم

محمد:ماشي متشكرين علي المجاملة

لو دي اداب الصداقة بينا تفتكر الصداقة بين البنت والولد بنفس الطريقة

احمد:اممممممم يعني مش اوي بس الواحد والله بيتعامل باحترام اوي مع البنات وهم برده كده بنات محترمين جدا

يدخل طالب ويعلن ان الدكتور اعتذر ومش هيدي محاضرة انهارده

احمد:كويس اوي كملي بقي

محمد:لا يا عم الظهر اذن ولازم انزل اصلي ما تيجي معايا

احمد:لا انا هصلي لما اروح البيت

محمد:براحتك بس انا مش ضامن اعيش لغاية ما اروح

احمد:ايييييه

محمد:اتخضيت ليه هو انت كنت ضامن انك تروح ؟؟؟؟؟؟

احمد:لا بس عمري ما فكرت فيها كده انا جاي اصلي معاك

كانت دي اول مرة احمد يصلي في المسجد

تابعونا

[اللوتس رآجية الجنة 471]

السلام عليكم

 

متبعينك يا احلى اخت

شكرا لك

 

ونتظر باقي القصة

[~أملي بالله كبير~ 63]

سلمت يداكي على افكارك وجمال القصة

بارك الله فيكي اختي الحبيبة

وحبقى متبعاكي للاخر

[رضوي 2 1]

بوركتم اخواتي معلش اتاخرت عليكم :grin:

[رضوي 2 1]

ياااااااااااااااه فيها حاجة حلوة

دي كانت اول حاجة احمد يقولها بعد ما خلص صلاة اصلها كانت اول مرة يصلي

محمد:عرفت ايه الفرق ولا لسة؟؟؟

أحمد:نبقي نكمل بكرة انا لازم امشي

محمد:مالك وشك اصفر كده ليه؟

احمد:لا ابدا بس لازم امشي

أحمد خرج كانه كان خايف من حاجة ياتري كان خايف يقرب لربنا ولا خايف من كلام اصحابه والتريقة اللي هياخدها منهم لو عرفوا انه صلي في المسجد؟؟؟؟؟

مني:احمد انا سجلت اسمك معانا في الرحلة

احمد:ايه ..طيب ماشي

كريم:ايه ياعم فوق مالك؟وبعدين انت كنت فين؟

احمد:انا كنت بصل....كنت مع محمد

مني :اه صاحبك المستشيخ ده شكله هيبوظك هههههههه

احمد:طب انا هامشي اصلي تعبان شوية

لا الف سلامة ما تنساش تحضر نفسك للرحلة بكرة الساعة 8

احمد:طبعا هبقي هنا من 7 ما تقلقوش

 

يوصل احمد للبيت ويدخل غرفته ويدخل في حديث مع نفسه

 

ايه ده انا ايه اللي حصل لي ياتري انا متلغبط كده ليه

الصلاة كانت حلوة اوي انهارده

انا نفسي ابقي زي محمد حاسس ان حياته حلوة اوي بالرغم من انه ما بيعملش كل المتع اللي انا عملتها دي

هي دي متع اللي انا عايشها دي؟اديني بخرج وبلعب ومصاحب بنات بس حاسس برده ان فيه حاجة غلط

خلاااااااااااااااص انا هاتوب بس هيقولوا عليا ايه الشيخ احمد ومش هترحم من التريقة بقي اوووووووووف

طب اروح معاهم بكره وبس هاروح بس الرحلة

يا تري ايه اللي هيحصل في الرحلة واحمد هيعمل ايه مع اصحابه؟؟؟؟؟؟؟؟؟

تابعونا

تم تعديل 28 نوفمبر, 2010 بواسطة رضوي 2

[ليل المستغفرين 14]

بسم الله الرحمن الرحيم

السلام عليكم ورحمة الله وبركاته،،

نحن في الانتظار اخت رضوى

[~أملي بالله كبير~ 63]

ننتظر اختي الحبيبة البقية........

[ام مريم ويحيى 136]

ما شاء الله

 

متابعين معاكى يا قمر

 

قصة حلوة جدا

[رضوي 2 1]

ووصل صاحبنا احمد لمكان التجمع الساعة 7 بالظبط وبدا الطلاب بالتوافد لغاية ما جت الشلة

كريم لاصحابه:اهو عم الشيخ جه

مني :ازيك يا احمد انا قلت انت هطنشنا ومش جاي

احمد:ازاي بقي انا اقدر بس ايه اللي انت جايبه ده يا وائل

وائل:دي طبلة ايه عمرك ما شفت طبلة .بقولك ايه احنا جايين انهارده نهيس ونلعب ونعمل كل اللي احنا عايزينه فانسي بقي اي كلام قالهولك محمد

احمد لنفسه:لو محمد عرف اني هنا هيقول عليا ايه ؟بس دي اخر مرة وخلاص هاتوب

مني :احمد انت سرحت في ايه يلا الاتوبيس جه

وفي الاتوبيس الاغاني اشتغلت وكله انشغل بيها حتي احمد بدا ينسي الكلام اللي قالهوله محمد واندمج مع الباقي ووصل الاتوبيس لدريم بارك وبعد فترة من اللعب يسمع احمد صوت الاذان ويشعر بشئ غريب بيقوله ارجع حالا ويجري يدور علي مسجد وفجاة

احمد احمد انت رايح فين انا كنت عايز اكلمك في موضوع ضروري

وكان ده صوت كريم صاحبه

ياتري كان عايز يقوله ايه ؟وايه اللي هيحصل ؟

تابعونا

[رضوي 2 1]

معلش يا اخوات اتاخرت عليكم :lol:

[~أملي بالله كبير~ 63]

فين باقي القصة

مش حلوة لما يصير تاخير في السرد

[سمية يحيى 3]

اجمل حاجة عجبتني في قصة رضوى الامووووووووووورة

ان جابت دليل حرمة الوقفات اياها مع شروطها

والله انتي هايلة ياقمر

واسلوبك بجد رااااااائع

وبما انك قولتي كلام جميل عن الصداقة

ان شاء الله نكون صديقات يا عسوووووولة

[بنت ام عبد 151]

السلام عليكم ورحمة الله وبركاته،،

نسأل الله أن يهدي شباب وبنات المسلمين

[الطير الجريح 0]

السلام عليكــم ورحمـة الله وبركاتــة ،،فين باقى القصه نفسى اسمع الباقى بجد قصه مشوقه وجميله جدا وربنا يهدى شباب وبنات المسلمين وجزاك الله خيرا

[ثروة 259]

السلام عليكم ورحمة الله وبركاته،،

عساك بخير أختي الحبيبة

بارك الله فيك على القصة ،بانتظار الباقي إن شاء الله

نسأل الله أن يهدي شباب المسلمين