فضفضة أم عديمة الخبرة: أنا وابني ذو الثلاث سنوات

[~ أم العبادلة ~ 1903]

السلام عليكــم ورحمـة الله وبركاتــة ،،

 

يا هلا بالحبايب

 

أخيرا أتتني الشجاعة لأكتب عن بعض معاناتي مع عبدالرحمن - 3 سنوات و3 شهور - والتي أخاف أن تنال مني وتنتقل لعبد الله - سنة وشهر - والله المستعان

 

 

هناك الكثير والكثير مما أواجه مع عبد الرحمن وأقف عاجزة عن الرد والتصرف ولذلك جئت أمد يدي طلبا للمساعدة والعون من الله أولا ثم منكن وبما أن المواضيع كثيرة فسأتطرق إليها واحدة تلو الأخرى، كلا في وقته، ولهذا جعلت عنوان موضوعي "فضفضة" حتى لا أفتح موضوع جديد كل مرة

 

مشكلتي الحالية هو سؤال يردده ليل نهار منذ فترة

 

"ربنا فوق في السماء مستخبي ومش عايز ينزل ليه؟؟"

 

فأخبرناه (هربا من الاجابة): إن الله عز وجل ينزل بالليل عندما تغيب الشمس وينام الناس جميعا (ثلث الليل الآخير)

فأصبح ينتظر غروب الشمس وحلول الظلام ويقيم الامور بنفسه ليقرر أن الناس ناموا بالفعل ولكن ربنا مازال مستخبي ولا يريد الظهور ليراه عبد الرحمن

 

وهنا عجزنا عن الرد وشغل ذهنه بأي شيء آخر

 

فهل من معين على الاجابة؟؟

[أمة الله أم حمزة 2]

السلام عليكم ورحمة الله وبركاته

عندما رأيت عنوان الموضوع جريت عليه افتحه زي المجنونة لأني كنت امبارح لسة بافكر اني أعمل حاجة زي كده بس مش عارفة اسميها إيه ولا حتى اقول فيها إيه... سبحان الله

إلا أن حمزة لم يتم الثلاث سنوات فهو ذو الثلاث سنوات إلا ثلاث شهور

فلسة المرحلة دي ما جاتش معايا

لكن أنا أتابع معكي لنرى الأخوات بِمَ يردون فهذه مرحلة آتية قريباً عندي بإذن الله

أعاننا الله على أن نربي أبنائنا التربية السليمة الصحيحة التي ترضيه عنا سبحانه وتعالى وجعلهم عونا لنا لننال رضى الخالق .. اللهم آمين

بارك الله لكِ في عبد الرحمن وأخيه وجعلهما ربي من الأتقياء الصالحين ... اللهم آمين

[{ الــهـــا م } 81]

وعليكم السلام ورحمة الله وبركاته،،

 

بارك الله فيكِ

 

غاليتي ام عبد الرحمن

 

 

اذا سالك الطفل اين الله؟-----كيف تجيب

 

https://akhawat.islamway.net/forum/index.ph...;hl=الله+السماء

 

وهذا رد

 

فانا لى ابن أخت صغير ...كلما جاء وجلس معى وتكلمت معه على أن الله موجود معنا وأن الله يرانا وأنه عندما تدعوا الله طالما بالخير فسيستجيب لك . يظل يستمع إلى ...حتى جاء لى يوم وقال : تصورى يا خالتى لقد فقدت الاستيكة اليوم فى المدرسة ولكنى دعوت الله أن أجدها فوجدتها ...

لن تتصورا كيف كان شكله عندما كان يخبرنى ، أحسست أنه فرح ليس لأنه عثر على الأستيكة فقط ، ولكن لأنه دعى الله فاستجاب له...

فيجب أن نعلم الصغار أن الله معك دوما فلا تخف ، أنت فى معية الله

..

[< الصبر مفتاح الفرج> 6]

السلام عليكــم ورحمـة الله وبركاتــة ،،

اختي الكريمة, موضوعك اثار انتباهي,فدخلت لارد بما عندي

حبيبتي لا يخفى عنك ان كل الامهات يمرن بهذه التجربة.

وبما اننا والحمد لله مسلمين ,يتكرر اسم الله سبحانه وتعالى

في بيوتنا,والاولاد يسمعون هذه الكلمة ويردون استفسارها

ويكون لهم حب التطلع والمعرفة من الصغر,

فتراهم يسالون اسئة غريبة,فلا يخلو بيت من هذه الاسئلة

فدور الام هو ان تفهم طفلها بطريقتها حسب سن الطفل

مثلا تقول;ان الله يرانا ونحن لا يمكن ان نراه,

واذا زادت الاسئلة عن حدها تقول;سياتي يوم وتعرف كل شيئ

او انك صغير حبيبي ,وحين تكبر اشرح لك كل شيئ,

حقيقة مرت علينا اسئلة كثيرة ونحن بانفسنا كنا نسالها

وخطوة خطوة تعلمنا وتعلم اولادنا,

المهم ان لا نعمق كثيرا مع الاطفال الصغار ونحدثهم عن

النار والعذاب والقبر.بل نحببهم في الله وفي الدين

ولسماع القران,وننصحهم باشياء تتلائم مع سنهم,

حتى يتاقلمو شيئا فشيئا,

ارجو ان اكون قد افدتك ولو بشيئ بسيط,

[يسرا عبد الرحمن 718]

موضوعك حبيبتى رائع واسمه جميل وفعلا موضوع بتقع فيه كل الامهات

 

اولا حبيبتى بخصوص اسئلة ابنك عن الله ومكانه اعرفى حبيبتى ان لازم علشان تجاوبى عليه تجمعى بين شيئين انك تجاوبى عليه بكلام عقله يستوعبه او كلام يناسب ادراكه الصغير وتانى شىء انك لازم تجاوبى عليه فى نفس الوقت بالحقيقه بس بردو على حسب ادراكه

 

يعنى مثلا انا عندى ابنى عبد الرحمن سالنى مره فين ربنا جاوبته ربنا فى السماء وكان فى يوم والده بيشرح له سورة الفيل وعرفه ان الكعبه هى بيت الله وفى اليوم التالى قال لى عبد الرحمن يا ماما انا عايز اروح الكعبه علشان اشوف ربنا هى مش بيت ربنا قلتله حبيبى ربنا فى السماء فوق الكعبه قال لى خلاص انا حركب الطائره علشان اشوفه فى السماء قلتله مش حينفع الطائره قال لى خلاص حجيب سلم واطلع عليه واشوفه قلتله بردو مش حتشوفه ولما كل الوسائل اللى عنده خلصت قال لى طب ليه مش حشوفه قلتله عايز تشوفه اعمل حاجات حلوه صلى واحفظ القران وتحب ماما وبابا وتحب لينه ومنزعلش حد منك ومتقولش كلام وحش ربنا حيحبك وتروح الجنه ولما تروح الجنه حتشوف ربنا

ولو تلا حظى اختى امة الرحمن انى لم اقول له انك لما تعمل حاجات حلوه حتموت وبعد كده حتروح الجنه لان حبيبتى الموت فوق ادراكه العقلى بالنسبه لسنه 4سنوات ونصف وممكن يخاف منه وبالتالى حيعتقد انه لما يعمل حاجات كويسه حيموت وطبعا مش حيعملها لان ادراكه حيفهمه ان العمل الصالح هو اللى بيخلينا نموت

 

فلما سالك ابنك حبيبتى فى الله وجاوبتيه ان ربنا بينزل بالليل لما الناس تنام فوق ادراكه لان نزول المولى غير نزول البشر ومش حيفهمه فى سنه ده وممكن يعتقد انك كذبتى عليه لما قولتى انه بنزل بالليل وهو مش شايفه

انا رايى لو سالك تانى هو ليه ما نزلش فهميه ان ربنا مش بنشوفه هو بس اللى شايفنا وانناحنشوفه فى الجنه وفهميه انك لما تسمع كلام ماما وتنام بدرى هو كده حيحبك وحتشوفه فى الجنه

وربنا يعنا واياك على تربية اولادنا

[ام حفصة الوديعة 0]

كان الله في عونك اختي الفاضلة وألهمك الحكمة والصواب حقا أسئلة يصعب التصرف معها في الحين

 

لعل كل هذا ينتظرني:)( فابنتي مازال سنها عامين ويارب تتفاعل الأخوات الكريمات مع هذا الموضوع حتى نستفيذ جميعا وجزاكن الله كل خير

[شذى الهمة 331]

السلام عليكــم ورحمـة الله وبركاتــة ،،

عنوان موضوعك فقط أثارني بشدة لأني فعلا كنت بفكر زي أم حمزة في عمل موضوع مشابه لمعاناتي مع طفلي وأعتقد أن هذا بسبب قلة خبرتي أيضا

ولكن لم نصل لمرحلة الأستاذ عبدالرحمن ابنك

مرحلة سنه هذا بتكون شديدة الخيال وكل شئ يصنع لها من خياله واقعا ويفكر فيها بشدة ولذلك لا بد أن نحرص في كلامنا معهم

أعتقد أنه يمكنك أن تفهميه أننا لا نستطيع أن نرى الله عز وجل

وأنك لم تريه ولا والده رآه

هو فقط يرانا ونحن لا نراه

[~ أم العبادلة ~ 1903]

ربي يبارك فيكن يا حبيبات

 

لم أفرح بفتح موضوع من قبل بقدر فرحي بفتح هذا الموضوع لأني فعلا استفدت منه كثيرااااااااااااااا

 

وحاليا انا في حالة اقناعه بأننا لا نستطيع رؤية الله

 

لي عودة للرد المفصل خصوصا فيما يخص الخيال لانه كاد أن يدمرنا فقد تطور الامر لدرجة اننا ظننا ان شيء لبسه بسبب تصرفاته واستشرنا من له علم فهناك من قال ان به مس جلي ولابد من علاجه في الصغر والا تطور الحال وهناك من قال ان هذا طبيعه وسيزداد

 

المهم بعد عودتنا من الحج منذ اسبوع اكتشفنا انه طبيعي وانه مجرد خيال ولله الحمد

 

سأعود بالتفاصيل فيما بعد

 

فاصل للتشويق ^_^

[ساجدة للرحمن 2049]

السلام عليكم ورحمة الله وبركاته،،

بارك الله فيك أمة الغالية .... وأعانك وسدد خطاك مع أبنك حبيبتي

صراحة أتفق تماما مع الحبيبة يسرا فيما قالته

فيجب عليك أن تردي على اسئلة طفلك ولكن على قدر فهمه وإدراكه

وكونك قلت له أن الله عزوجل ينزل في الثلث الأخير كان فوق إدراكه بكثير ...فعليك أن تنتبهي بعد ذلك في ردودك عليه لأن كل كلمة ستعلق في ذهنه وربما إجابته تحيره أكثر وأكثر

فيمكنك إذا سألك طفلك سؤالا لم تستطيعي في وقتها أن تردي عليه حاولي أن تبعدي تفكيره في شيء آخر مؤقتا حتى تفكري في سؤاله وتجدي الرد المناسب يا غالية

 

إذا عودنا أطفالنا من صغرهم على أساسيات العقيدة بأن الله عزوجل في السماء وهو يرانا ونحن لا نراه ....وأننا لن نراه إلا في الجنة ....وتتطرقي مباشرة إلى الأعمال التي يحبها الله والتي تدخلنا الجنة ..... فلا أعتقد أننا سنجد منهم هذه الأسئلة الصعبة

 

على العموم الأمر يحتاج لصبر وكذلك حكمة في التعامل ...فاستعيني بالله يا غالية

وأكيد إن شاء الله سأتابع معك هذا الموضوع الذي يهم كل أم

[أمة الله أم حمزة 2]

موضوع رائع

جزى الله الأخوات خيراً على الإفادة

وفي انتظاركِ حبيبتنا أمة......

[أمينة احمد 0]

<br /><div align="center">وعليكم السلام ورحمة الله وبركاته،، <br /><br />بارك الله فيكِ <br /><br />غاليتي ام عبد الرحمن <br /><br /><br />اذا سالك الطفل اين الله؟-----كيف تجيب<br /><br /><a href="https://akhawat.islamway.net/forum/index.php?showtopic=20287&hl=الله+السماء" target="_blank">https://akhawat.islamway.net/forum/index.ph...;hl=الله+السماء</a></div><br /><br />وهذا رد <br /><br />

فانا لى ابن أخت صغير ...كلما جاء وجلس معى وتكلمت معه على أن الله موجود معنا وأن الله يرانا وأنه عندما تدعوا الله طالما بالخير فسيستجيب لك . يظل يستمع إلى ...حتى جاء لى يوم وقال : تصورى يا خالتى لقد فقدت الاستيكة اليوم فى المدرسة ولكنى دعوت الله أن أجدها فوجدتها ... <br />لن تتصورا كيف كان شكله عندما كان يخبرنى ، أحسست أنه فرح ليس لأنه عثر على الأستيكة فقط ، ولكن لأنه دعى الله فاستجاب له... <br />فيجب أن نعلم الصغار أن الله معك دوما فلا تخف ، أنت فى معية الله

.. <br /><br />

<br /><br /><br />

 

 

 

ماذا سيكون التصرف لو لم يجد الأستيكة؟؟؟

[ارجو الله 0]

ما شاء لله موضوع واقعى وجميل جدآ والله

أختى أم عبد الرحمن ابنى معاذ فى مثل سن إبنك ويسألنى دائمآ أين الله وأجاوبه بأن الله فوقث فى السماء وأنه يرانا ولا نراه والحمد لله يسكت وأحيانآ يتعمق فى الأسئلة وأكون فى ورطة والله المستعان

المهم بالنسبة للحديث ابنك مع نفسه وأنه يرى أشياء هذا أمر طبيعى أختى فخيال الطفل فى هذه المرحلة واسع إبنى كذلك أحيان يتحدث وكأنه يكلم طفل يقول له إفعل كذا ولإعل كذا شئ طبيعى لا تقلقى

فى انتظار المزيد لنستفيد

[يسرا عبد الرحمن 718]

اسمحيلى اجاوبك انا يا امينه لانه بيحصل الموضوع ده معايا

شوفى يا ستى الاطفال فى السن ده اخطائهم كتييييييييييييييييييييير ولما ابنى عبد الرحمن يقول لى يا ماما انا قلت يا رب ومحصلش حاجه ارد عليه واقول له مثلا على موقف عمله وانا زعلت منه واقول له علشان كده ربنا كمان زعل منك ومش حيعمل اللى انت عايزه علشان زعلت ماما منك وربنا بيزعل من اللى يزعل ماما وبابا واحكيله قصه قبل النوم من خيالى بتدل على كلامى والحمد لله بيقتنع من كلامى

[~ أم العبادلة ~ 1903]

اخيرا اقتنع باننا ما ينفعشي نشوف ربنا وهو بس اللي يشوفنا

 

واخر ما زهق مني، قام نقل صديقه الخيالي وخلاه فوق في السماء

وقال ان "الولد" فوق عند ربنا ومعاه حاجات حلوة

والان ابني يرغب من زوجي ان يأخذه علشان يطلع فوق في السماء علشان ياخد حاجات حلوة من "الولد"

 

موضوع الخيال بدأ عند ابني من بضعة أشهر في الصيف بالتحديد

كان البداية انه يمثل ان معه تليفون بيتكلم فيه مع أشخاص وهميين

ثم اصبح يتكلم مع اشخاص ويرد على نفسه بصوت مختلف مثال

صوته العادي: كيف حالك؟

صوت غليظ مثل الرجل: الحمدلله

ثم بعد قليل ينتقل للحوار مع فتاة ويتكلم ويردعلى نفسه بصوت رقيق كأنها من تتكلم

 

ثم بعد عودتنا للرياض اصبح يتخيل اشخاص ويلعب معهم

ثم اصبح يتخيل عمته وبنت عمته وابن عمته

 

ثم اصبح له صديق اسمه "الولد"

هذا الصديق مقره الوحيد هو الحمام اعزكم الله ويقضي معه وقت كبير

ومما شكنني ان في الامر شيء هو انه منذ سنة وهو يبكي احيانا عند سماعه صوت الاذان وكنا نقول لعله يرغب في الخروج مع زوجي للصلاة لكن مع مرور الوقت زاد الامر لدرجة انه قبل الحج بأيام كنت استمع لمحاضرة وتوقف الشيخ لاذان الصلاة ثم عاد

فوجدت عبدالرحمن يبكي ولا يتوقف ولا اعلم السبب

فسألته بعد سكوته: فاخبرني انه يبكي لان عمو بيقول الله اكبر

 

وفي الحج كلما حدث اكثر من مرة انه كلما دخلنا حمام يقول لي "الولد ليس هنا" ونفس الشيء مع زوجي وخفنا جدا

 

المهم الحمدلله منذ عدنا من الحج تغير الوضع فلقد وضعناه تحت رقابة شديدة مننا واتوقع ان الامر انه يشعر بالممل وهو بالحمام فيبدأ بالكلام والانسجام

[يسرا عبد الرحمن 718]

اختى امة الرحمن انا قرات ما قلتيه عن عبد الرحمن ابنك وخياله واستنبط من كلامك اختى فى الله امور

اولا ان ابنك على ما يبدو من كلامك ليس له اخوه وفى نفس الوقت عنده ابن عمته له اخت ويلعب معها وهو لاءه وعلشان كده بيحاول يزرع شخصيات وهميه فى حياته من الاطفال ليستانث بيهم فى لعبه والدليل على كده انك بتقولى انه لما رجع اصبح يتخيل عمته واولادها وده لانه متاثر بيهم وربما لانهم لما بيكون عندهم او العكس بيلعبوا مع بعض وعندما يذهبوا بيتخيل انهم لسه موجودين معاه

واذا كان حبيبتى عبد الرحمن ابنك ليس له اخوات ان استطعت الحمل بامر الله مره اخرى كل التخيلات دى حتروح وان لم يكن باستطاعتك الحمل مره اخرى فحاولى انه يذهب الى حضانه حتى يكون له رفقه يلعب معهم ولا يشعر وقتها بالوحده ولا تلك التخيلات

 

الامر الثانى اختى رجااااااااءا لا تتركيه فى الحمام بعد قضاء حاجته بدون داعى واستمرى فى الالحاح عليه بسؤالك هل انتهيت يا عبد الرحمن علشان تخرج من الحمام لان حبيبتى كلامه فى الحمام مش كويس علشانه وتقريبا هو بياخد راحته فى حمامه علشان كده بيتخيل الولد ده او عنده وقت يتخيله اما طبعا الحمامات الاخرى فبمجرد ان يقضى حاجته بيخرج فورا علشان كده مش بيشوف الولد او بالمعنى الاصح ليس عنده وقت ليتخيله

 

وهذا هو استنتاجى من كلامك حبيبتى فى الله وارجو يكون صحيح ويا رب اكون افادتك

[*أم رقية* 473]

السلام عليكــم ورحمـة الله وبركاتــة ،،

 

وأنا كمان جيت أجرى على الموضوع لانى برضة عديمة الخبرة

 

ربنا يباركلك فى عبد الرحمن وأخيه

 

رأى يسرا صح فعلاً

 

تعرفى يا أمومة أنا وحيدة ما عندى أخوات خالص

 

فأمى تقول لى وأنت صغيرة كنت تتخيلى أن عندك أصدقاء واحدة اسمها حديدة ووحدة اسمها خشبة (يادى الفضايح)

 

وكنت أتكلم معاهم واعمل عليهم أبلة

 

فالوحدة هى اللى بتخلى الطفل يتخيل ويلعب مع نفسه

 

 

أنا بنتى رقية ثلاث سنوات بس لسه لم تدرك هذة الإشياء بعد إن شاء الله الموضوع دة يكون مرجع ليا

[أمينة احمد 0]

ا

سمحيلى اجاوبك انا يا امينه لانه بيحصل الموضوع ده معايا

شوفى يا ستى الاطفال فى السن ده اخطائهم كتييييييييييييييييييييير ولما ابنى عبد الرحمن يقول لى يا ماما انا قلت يا رب ومحصلش حاجه ارد عليه واقول له مثلا على موقف عمله وانا زعلت منه واقول له علشان كده ربنا كمان زعل منك ومش حيعمل اللى انت عايزه علشان زعلت ماما منك وربنا بيزعل من اللى يزعل ماما وبابا واحكيله قصه قبل النوم من خيالى بتدل على كلامى والحمد لله بيقتنع من كلامى

 

رد جيد

لكن الفكرة إني كنت أفضل لو بدأت تعليمه فكرة (العقاب ) في سن متقدم أكتر

ترسيخ فكرة ان الله رحيم ويحبنا حتى بأخطائنا كانت أكثر قربا مني وكنت أكثر حرصا على تنفيذها

سن أربع سنوات سن مبكرة جدا لأعلمه انه إذا أخطأ في حقي فان الله لن يستجب لدعائه ولن يعد له اللعبة الضائعة !!!

[أم ربعي 21]

ماشاء الله موضوع رائ جدا

حقيقي موضوع الاسئلة الشائكة ده مهم دا

وانا ايضاعندي ربعي عنده 3 سنوات و3 شهور

وفي يوم سالنى لماذا تصلي يا امى قلت له لكي يحبني الله ويدخلنى الجنة قالى هو فين ربنا قلت له ربنا فوق في السماء

قالى فين ده وخرج الى حوش المنزل ليراه فقلت له ربنا فوق خالص احنا مش بنشوفه هو بس يشوفنا

قالى عاوز اروح قلتله لما تسمع كلام امى وابي وتحفظ قران ربنا يدخلك الجنة وتشوف ربنا

والحمد لله لم يعد يسالنى هذه السؤال

بعدها مباشرة دخلت في الصلاة

سمعته يهمس ويقول ربنا فوق وانا هسمع الكلام عشان اشوف ربنا

جائت اخته اصغر منه بسنة قالته ربنا يحب اوشة اسمها عائشة قالها اه ربنا يحب رورو وأوشة

والحمد لل عدى لموضوع ولما يقم بفعل غير صحيح اقو له ربنا مش هيحبك لو عملت كده

 

وربنا يهديهم ويصلح لهم الحال

[ام مصطفى ويوسف 0]

السلام عليكم ورحمة الله ماشاء الله موضوع هام جدا ربنا يعينا على مساعدة بعض بس انا هنا بقى هاستفيد بس لأنى لسة مامرتش بالمرحلة دى ابنى الكبير متأخر فى الكلام سبحان الله كنت زعلانة بس حسيت انها نعمة دلوقت على ما كلامه يتحسن يبقى اربع سنين واعرف اتكلم معاه شوية

أنا ما بكلمهوش عن ربنا خالص بحفظه بس القرآن وانه يردد وراء الأدان ويدعى وهو بيردد بلغته اللى مابيفهمهاش حد غيري

ياترى رأى الاخوات الخبرة ايه لازم ابدأ فى السن ده اكلمه عن ربنا عز وجل والرسول صلى الله عليه وسلم والجنة ولا استنى شوية؟ عمره ٣ سنين بالظبط

وبستأدن اختى امة الرحمن انها تسمح للأخوات معدومى الخبرة انهم يفضفضوا معاها

ممكن؟

سلام عليكم

[يسرا عبد الرحمن 718]

طبعا يا امينه عندك حق لازم يعرف ان ربنا غفور رحيم وانا طبعا عرفت عبد الرحمن الموضوع ده انه لما يقول انا اسف يا ربنا وانا اسف يا ماما ربنا حيسامحه وحيحبه ولا تنسى اختى الحبيبه ان بر الوالدين وسماع كلامهم مهم جدا وان ربنا بيغفر الذنوب بالتوبه والاستغفار والاعمال الصالحه وده اللى انا دايما بحاول باكده فى ذهنه باستمرار ان الصلاه وحفظ القران وعدم غضب الام والاب او اى انسان اخر ده اللى حيجعل ربنا يحبه ويدخله الجنه

 

 

اما بالنسبه للاخت ام مصطفى ويوسف بصى يا حبيبتى لما كان عبد الرحمن ابنى فى سن ابنك وكنت باكتفى بانى احفظه بعض السور القصيره وعلى قدر استطاعته وبالنسبه لابنى فى هذا السن حفظ الفاتحه من المسجد لانه كان بيذهب مع والده الى المسجد فى اوقات الصلاه ولما حفظها اتشجعت وحفظته الاخلاص والكوثر وكنت استمر على مراجعتهم معاه ليثبتوا فى ذهنه

وبالنسبه لحديثك معاه عن الله فانا كنت باكتفى ان اقول لابنى ان القران هو كلام الله واحكيله عن الجنه لم اتحدث معه ابدا عن الرسول ولا الموت ولا النار لان سن الثلاث سنوات لا يستوعب هذا الكلام وعندما تم ابنى الاربع سنوات اصبحت احفظه بعض الاحاديث القصيره وافهمه ان الكلام ده كلام الرسول لكن لم احدثه عن تفاصيل تخص الرسول وانما باكتفى بشرح الحديث على قدر فهمه واصبحت ايضا احدثه عن النار بدون وصفها فهو يعرف ان النار بتحرق ولذلك دائما اقول له لو لم تصلى مثلا ربنا حيزعل منك وتروح النار والجنه لاءه فالحمد لله بيسمع الكلام

 

وربنا يعينا جميعا على تربيتهم فى كل ما يحبه الله ويرضى عنه

[ام مصطفى ويوسف 0]

السلام عليكم ورحمة الله وبركاته جزاك الله اختى يسرا على الرد وربنا يبارك لك فى ابنك ان شاء الله الحقيقة انا ابنى مابيرحش المسجد خالص أول مرة يشوف صلاة جماعة كان فى العيد حتى يوم الجمعة زوجى بيكون فى الشغل بيخرج للصلاة ويرجع شغله تانى بس فكرت انى افرجه على صلاة الجماعة على النت لأن حتى التليفزيون العربي مش عندنا

اكيد الارتباط بالمسجد فى السن ده مهم جدا انتى لفتى نظري له ربنا يكرمك هحاول ان شاء الله مع بداية الصيف أودى الاولاد بنفسي ويكون ابنى الصغير سنتين والمشوار يبقى أسهل إن شاء الله

سلام عليكم

[~ أم العبادلة ~ 1903]

سامحوني على التأخير وان شاء الله لي عودة للرد والتعليق

[زهرة نسرين 246]

السلام عليكن

تابعت الموضوع منذ البداية بصمت

و هو موضوع شيق و مهم كل الامهات حتستفيد من تبادل الخبرات

حتى انا ابنتي زهرة عمرها 3 سنوات و شهرين و سالتني كثيرا عن الله و الجنة و النار و اسبابهما و كلما تسمح لي الفرصة احدثها عن شيء و احيانا من غير ما تسال ابدا انا الموضوع

لازم نحرص على تعريفهم بالعقيدة و طبعا حسب متوى تفكيرهم

انا مثلا لما سالتني عن مكان الله اخبرتها انه في السماء لكي يستطيع رؤيتنا حميعا و لكننا لا نستطيع رؤيته

قلت انه يدري بكل ما نفعله و نقوله و نسمعه و لما نعمل حاجة حلوة مثل الصلاة و الصدقة و غيرها بيجازينا بدخول الجنة الي فيها كل خير و لما نفعل حاجة مش حلوة يزعل منا و يدخلنا النار لانه ما يحب ها الحاجات مثل السرقة و الكذب و غيرها

و هي دوما تقولي احكيلي قصة قبل النوم استغل الفرصة لاحكيلها على المصطفى صلى الله عليه و سلم كل مرة جزء صغير من سيرته و استغل الفرصة لاكلمها عن الله و الخير و الشر و غير ذلك

و الحمد لله هي تستوعب كلامي كثير

مرة جاوني ضيوف و اذا هي تحكيلهم عن حادثة شق الصدر و فوجئت صديقتي و قالت لي كيف تكلميها بامور كهذه قلت اني ابسطها لها بابسط ما يكون و اسردها على شكل قصة

احيانا التعامل مع الاطفال يستلزم ذكاء

كلنا هدفنا نكون اطفال واعيين و صالحين

اذا ما بدينا من صغرهم متى سنبدا؟

احيانا تكون اسئلتهم محرجة ,اذا لم نستطع الاجابة فلنؤجل الحديث مثلا الى ما قبل النوم و لكن لا يمكن ان نقول لا اعرف او مازلت صغيرة على هذه الامور

مرة ابنتي سالتني قالت كل البنات لهم ازواجهم و ضربت لي المثال بخالاتها و جيراننا و قالت و انا اين هو زوجي؟

فاجبتها انه لما تكبري و تصبحين مثل فلانة و فلانة ربنا سبحانه و تعالى يبعثلك زوج مثل ما بعثلي انا ابوك و انتي و اخوك هو القادر الوحيد و هو لي يعرف متى يبعثلك فقابلتني بالصمت و لم تسالني بعدها و لما دخل ابوها اعادت له كل ما قلته على اساس انها تعرف الاجابة عن هذا السؤال

اكبر خطا هو عدم الاجابة او اعطاء مفاهيم خاطئة ترسخ في ذهنه الى ان يكتشف بان امه لم تعرف الجواب او انها كذبت عليه وة هنا تهتز ثقته في اجوبة امه او لن يسالها بعد ذلك و هنا نوجهه بايدينا الى الشارع و الاصدقاء الذين لا نعرف بماذا يجيبونه

و صدقوني ان الطفل يصدق كلام من يثق فيه فقط اي انه اذا عززت ثقته فيك قد يصدقك و اذا صدق اصدقاءه فهذا يعني انه يثق فيهم اكثر منك و هنا تساءلب دوما لماذا و ابحثي عن الاسباب

في انتظار باقي الردود و التجارب

لي عودة ان شاء الله

[ام فاطمه 22 0]

بارك الله فيكم افدتموني برغم ان فاطمه لسه مادركتش الكلام ده

[~ أم العبادلة ~ 1903]

بارك الله في كل من شارك بفائدة

 

يسرا:

عبد الرحمن له أخ (عبد الله - عمره سنة وشهر)

 

صحيح هو مفتقد للصحبة لاننا مش بنزور حد ولا حد بيزورنا ، بنخرج السوق مرة بالاسبوع ولو زوجي فاضي ممكن ياخدنا الحديقة

 

بالنسبة للحضانة صعبة لانها محتاجة سيارة وده غير متوفر حاليا

 

حاولت اشوف أخ يحفظه لانه بطل يحفظ معي وقلت ينشغل ذهنه شوية بس للاسف الكل بيقول سنه صغير يعني رافضين

 

المشكلة دلوقت ان صديقه الخيالي أصبح "الله" وبيقعد يتكلم معاه في التليفون ويقوله يا ربنا عندك جنة فيها حاجات حلوة؟؟

ويرد على نفسه بصوت تاني ويقول ايوة

 

وبيقعد يتكلم معاه ويقول حاجات غريبة

ويسألني هو ربنا عنده حَمَّام؟ وليه مش عنده

 

واحيانا بيرفض مسألة ان ربنا بيشوفنا واحنا مش بنشوفه وبيقولي ربنا نزل وانا شفته

 

يا خوفي على عقله لا يطير والله المستعان

 

يا ريت تستمروا في المشاركة والحكي عن اللي بتعملوه وبتعلموه لأولادكم لانه فعلا بيفيدنا