اذهبي الى المحتوى
أم عائشة المصرية

سألت زوجها هنا أحسن ولا فى بيت مامتك؟؟

المشاركات التي تم ترشيحها

السلام عليكــم ورحمـة الله وبركاتــة ،،

 

قرأت هذا الموضوع فى أحد المنتديات وبصراحة أثار ضحكى على:

*حلم الزوجة وصبرها حتى تعرف أين خطأها..(وأنها لم تفعل مثل بعض الزوجات وتقلب اليوم نكد..)

*وعقل الزوج وطريقة نصحه لزوجته من بعيد لبعيد بطريقة غير منفرة..

 

أترككن مع الموضوع..

 

شارك هذه المشاركه


رابط المشاركه
شارك

فى احدى حواراتى مع زوجى الغالى عن العيشه واللى عايشنها

 

سالته طيب بالله...بالله..هنا احسن ولا لما كنت فى بيت مامتك

 

فضحك

 

قلت يا............ شكلى هتكبس كبسه مووووووووووووت

 

 

الفار لعب بقا...............قولتله ها هنا احسن ولا هناك

 

 

علشان يخرج من الكمين قالى هنا شقتى بتاعتى هناك بيتنا كلنا

 

 

شوفتو المكر بتاعه .....

 

 

المهم قالى هنا حاجه وهناك حاجه بس منكرش ان هناك كان فيه مميزات مش لاقيها

 

 

طبعا ده كله فى اطار الهزار والضحك

 

 

قلتله ايه بقا ان شاء الله

 

 

قالى مممم بصى

 

عمرى مادخلت مطبخنا لاقيت فيه كوبايه فى الحوض..ماما كانت تلم الفوارغ وتغسلها اول باول

 

مش زى نااااااااااااااااااااااااس تلم الغدا ويتغسل بعد العشاااااااااااااا

 

قلتله المهم بغسله

 

قالى ماانا ساعات بدخل المطبخ لما بلاقيهم بحس بالفرق

 

قلتله ها وبعدين

 

قالى لبسى بتاع الشغل كان اللى يتغسل يتكوى ويترص فى الدولاب بلاقى لبسى مكوى وكتير وانا اختار اللى عاوزه مش قبلها بيوم الساعه واحده

 

الصبح اقول قومى اكويلى دول

 

قلتله المهم بتلبسه مكوى ونضيف

 

قالى ما انا لما بفتح الدولاب الاقيه فاضى وكله هدومى مطبقه لكن محتاجه كوى بحس بالفرق

 

قلتله ها وبعدين

 

قالى انا معاد شغلى ورجوعى منه ثابت الساعه 3 بالكتير اوى 3 وربع

 

عمرى مارجعت لاقيت ماما واقفه لسه فى المطبخ بتعمل التشاطيب النهائيه كده فى الغدا لا كنت دايما الاقيها قاعده مستنيانى وحمد الله ع السلامه وتقوم غرف الاكل بس

 

قلتله المهم بتاكل (وانا شايطه بقا)

 

قالى ماانا لما ادخل الاقى عيون البوتاجاز كلها مولعه وانتى ملخومه وسط الحلل والاطباق مش عارفه تردى السلام بحس بالفرق

 

قلتله ها وبعدين

 

عند ماما انا اهم من ...........(بعض البرامج التليفزيونية+المنتدى اللى العضوة مشتركة فيه) يعنى مفتكرش دخلت عملت كوبايه شاى بدل ماما علشان هى مشغوله ب..............(بعض البرامج التليفزيونية+المنتدى اللى العضوة مشتركة فيه)

(وبما إننا الحمد لله ملتزمات لا نشاهد هذه البرامج فضعى مكانها المنتدى أو النت عموما)

 

قلتله المهم بتشرب شاى مش مهم مين اللى عمله

 

قالى ما انا لما بقوم بيصعب على نفسى فبحس بالفرق

 

قلتله ها وبعدين

 

 

صلح موقفه وقالى بس لما بقعد مع نفسى وافتكر العزوبيه وايام الوحده بحس بالفرق

 

قلتله وانا من كلامك فعلا حسيت بالفرق

 

 

مع انى كنت شايفه نفسى عروسه جديده وست بيت شاطره لكن برضه النقط دى حطيتها فى بالى

 

ومزعلتش من الحوار ده بالعكس انا فرحت ان فيه بينا لغه حوار جميله كده

 

 

مش هوصيكم

دعوه بالذريه الصالحه

 

 

(منقول مع بعض التعديلات..ونسأل الله لصاحبة الموضوع الهداية لها ولزوجها والذرية الصالحة)

(طبعا أختنا لما كانت بتقول ها وبعدين..المهم إنه حصل مش مهم امتى حصل كانت تقولها هروبا من الموقف وكان ظاهر كده من الوجوه التعبيرية اللى كانت وضعاها..لكنى أزلتها)

  • معجبة 2

شارك هذه المشاركه


رابط المشاركه
شارك

السلام عليكــم ورحمـة الله وبركاتــه،،

 

أضحك الله سنكِ أم عائشة الحبيبة..

عادة أقرأ من بعيد لبعيد في هذه الساحة..

لا أدري لماذا أستحي أن اشارك فيها..

لكنّ موضوعكِ هذا جذبني لأنه بدا وكأنه يصفني :smile:

خصوصا حكاية المطبخ دائما يرجع زوجي ويلاقيني باجري عشان أخلص وباسلم عليه وأنا متوترة عشان هو وصل والأكل لسه مش جاهز..

لكن الفرق إن زوجي ليس له مواعيد محددة وربما هذا يزيد من لخبطتي..

 

مثل هذه الحوارات لابدّ منها خصوصا في الأشهر الأولى من الزواج..

أنا عن نفسي كنت لا أتمالك دموعي حين يلمّح لي على تقصير أو خطأ..

لكني أتقبل ذلك وأحاول أن اتعلم من تلك الملاحظة وأن لا أكررها ثانية..

 

أسأل الله أن يصلح حالي وحال كل زوجة مقصّرة..

بروكتِ ياغالية على الموضوع الجميل (:

شارك هذه المشاركه


رابط المشاركه
شارك

السلام عليكــم ورحمـة الله وبركاتــه،،

أضحك الله سنكِ أم عائشة الحبيبة..

عادة أقرأ من بعيد لبعيد في هذه الساحة..

لا أدري لماذا أستحي أن اشارك فيها..

وسنك حبيبتى

لكن لم الحياء من المشاركة والحمد لله الساحة لا يوجد بها شيء يخدش الحياء

وخاصة أنكِ متزوجة وعليكِ تعلم فقه تعاملك مع زوجك..

يسر الله لكِ..

لكنّ موضوعكِ هذا جذبني لأنه بدا وكأنه يصفني :blush:

خصوصا حكاية المطبخ دائما يرجع زوجي ويلاقيني باجري عشان أخلص وباسلم عليه وأنا متوترة عشان هو وصل والأكل لسه مش جاهز..

لكن الفرق إن زوجي ليس له مواعيد محددة وربما هذا يزيد من لخبطتي..

 

مثل هذه الحوارات لابدّ منها خصوصا في الأشهر الأولى من الزواج..

أنا عن نفسي كنت لا أتمالك دموعي حين يلمّح لي على تقصير أو خطأ..

لكني أتقبل ذلك وأحاول أن اتعلم من تلك الملاحظة وأن لا أكررها ثانية..

 

أسأل الله أن يصلح حالي وحال كل زوجة مقصّرة..

بروكتِ ياغالية على الموضوع الجميل (:

حاولى يا حبيبتى فى موضوع الأكل تجهزى كل حاجة من بدرى شوية وتلفيها لو كانت متنفعش تتسخن(مثل الأرز)

ولما ييجي زوجك حيبقى إن شاء الله الشغل يسير..

وممكن تشغليه بإنك تخبريه إنه على بال ما يغير هدومه ويآخد دش سريع أو حتى يغسل وجهه سيجد كله تمام..

وبإذن الله دوما تجدى نفسك أفضل..

وربنا يصلح حالنا جميعا حبيبتى فما منا إلا مقصر..نسأل الله العفو والعافية..

شارك هذه المشاركه


رابط المشاركه
شارك

السلام عليكم ورحمة الله وبركاته،،

بارك الله فيك

كأن زوجى هو الذي يتحدثّ!

شارك هذه المشاركه


رابط المشاركه
شارك

ههههههههههههههههههههههههههههههههههه

أضحك الله سنك حبيبتي الغاليه

شارك هذه المشاركه


رابط المشاركه
شارك

:) اضحك الله سنك يا ام عيوش

 

على فكرة المقارنة بين الزوجة والام صعبة جدا

الام احن بكثير يعني مثلا انا حماتي

كانت بتحب ولادها جدا وكانت بتسمع كلامهم جدا ومريحاهم

 

انا زوجى دايما كان يقولى انا اتنين كانو بيخدموني امى واختى لكن انتى :blush:

 

برد عليه واقوله وانا الثالثة ناقص شىء يقولي لا اقوله خلاص ومابدخلش فى جدال

والحمد لله تعبت فى زواجى فى الاول والان اصبحت اعرف كل مايرضيه

لابد من المعاشرة لكى يفهمو يعض

 

عمرى مادخلت مطبخنا لاقيت فيه كوبايه فى الحوض..ماما كانت تلم الفوارغ وتغسلها اول باول

 

مش زى نااااااااااااااااااااااااس تلم الغدا ويتغسل بعد العشاااااااااااااا

 

انا اعترض على هذه الجملة

 

ماتخص الرجل بشىء

شارك هذه المشاركه


رابط المشاركه
شارك

السلام عليكن و رحمة الله و بركاته،

 

أضحك الله سنّكِ في الدّارين غاليتي " أم عائشة المصرية " ^_^

الله اسأل أن يرزق الأُخت و زوجها بحنان الذريّة الصالحة و أن يُبارك لهما في بعضهما ،، اللهم آمين

 

أعاننا الله على القيام بحقوق أزواجنا على الوجه الذي يُرضيه عنّا سُبحانه ،، اللهم آمين

شارك هذه المشاركه


رابط المشاركه
شارك

السلام عليكم ورحمة الله وبركاته،،

^_____^

بارك الله فيك أم عائشة الحبيبة

صراحة الموضوع لطيف جدا .... وظهر فيه كياسة الرجل وفطنته وكذلك صبر المرأة وحكمتها :)

 

ولكن عامة هي نقاط يجب علينا جميعا أن نتتبه لها ...

 

الحبيبة درصاف ...بالنسبة لمواعيد زوجك في العمل ..فأنا كنت مثلك ولكني اتفقت مع زوجي أن يتصل بي كلما خرج من عمله _ المسافة بين البيت والعمل نصف ساعة _ فهو يتصل يقول لي أنا خرجت الآن ..فأقوم أنا بتحضير اللمسات النهائية من تحمير أو تسخين ...وكذلك تجهيز ملابسي ...وهكذا عندما يأتي الزوج يكون كل شيء جاهز ^_^

 

بالتوفيق للجميع

شارك هذه المشاركه


رابط المشاركه
شارك

هههههههههههههههه موضوعك جميل حبيبتى فى الله عائشه وبيلمس اللى بيحصل فعلا فى اغلب البيوت

بس الحمد لله انا بعيده تماما عن الموضوع تقدرى تقولى انى مريحه زوجى على الاخر ولا يمنع ايضا من انه زوج مريح

 

يعنى مثلا والدة زوجى لا تحب كوى الملابس لكن انا فنانه فى كوى الملابس من قبل زواجى كنت دائما اكوى لوالدى حبيبى وعندما اكوى لزوجى بخصص يوم ليس فيه شغل للبيت واكوى جميع ملابسه علشان زوجى حبيبى يختار الطقم اللى هو عايزه

 

الامر الثانى انا حماتى نفسها حلو جدا فى الاكل وانا عندما تزوجت كنت لا اعرف اطبخ فتعلمت من حماتى طريقه الاكلات وممكن اكون عدلت عليها شويه لكن صممت اتعلم منها علشان كنت اخاف اعمل الاكل بطريقه اخرى غير طريقة والدته فمتعجبهوش لكن الحمد لله تقدرى تقولى اختك اصبحت استاذه ودلوقتى حماتى هى اللى بتسالنى على طريقة بعض الاكلات اللى بعملها وكمان زوجى بيحب اكلى جدا

وغير كده فى اكلات زوجى كان بيحبها قبل الزواج لكن والدته كانت بتكسل تعملها بحكم عملها وليس هناك وقت لديها لعملها لكنى اراها دائما سهله بالنسبه لى وزوجى يقول لى سبحان الله دى ماما كانت دائما تقو دى اكلات صعبه وانتى تقولى سهله مثل البيتزا والبشاميل

 

اما موضوع تحضير الطعام انا دائما احب اعمل الاكل بدرى الااذا حصل شىء عطلنى عن الاكل مثل الامبوبه او احد اولادى مريض ويبكى علشان اكون بجواره وده افضل الانتهاءمن الاكل بدرى لان زوجى وقت عمله مختلف وممكن فى اى وقت يذهب الى عمله فجاه بدون مقدمات

اما وضع الطعام على السفره قبل اتيانه من العمل فطبعا حكم شغله لا يسمح لى بذلك لانى ممكن اضع الطعام وهو لا ياتى ولو هو ايضا موجود فبنضع الطعام مره واحده علشان لينه هانم متوقعش الاطباق وتلعب فيها وزوجى هو اللى قرر كده بسبب حوادث لينه

 

وموضوع النت احنا متعادلين فى الموضوع ده بس اغلب جلوسى وهو مش موجود

 

وبالنسبه لكوباية الشاى زوجى دمقراطى مش بتفرق مين فينا اللى يعمله والاغلب هو اللى بيعمله لان زوجى نفسه حلو فى الشاى مثل مامته وانا للاسف ده الشىء الوحيد اللى فاشله فيه

 

اما غسيل الاطباق فكنت قبل غسالة الاطباق لازم اغسل اول باول علشان بحب المطبخ رايق ونضيف لان انا اصلا عندى مشكلة النظافه احب دايما البيت يكون بيلمع ورائحته جميله

وهى دى حكايتى يا ستى يعنى مفيش مقارنه بينى وبين حماتى الحمدلله ومنكرش انى اتعلمت منها الكثير والكثير وربنا يبارك فيها لزوجى واولادى لانهم بيحبوها قوىىىىىىىىى وفى الاخر هى امه وانا زوجته ليس هناك مقارنه بيننا

  • معجبة 1

شارك هذه المشاركه


رابط المشاركه
شارك

موضوعك ظريف يا ام عيوش

لكن ارى انها مقارنة لشخصين مختلفين تماما في حياة الرجل فامه شيء و زوجته شيء اخر هناك اشياء لا تعطيها الام و هناك اشياء ايضا يمكن الزوجة لا تعطيها للرجل

و كذلك الام و الزوجة عادة من جيلين مختلفين و المقارنة بين عروس و ام لها باع طويل في شغل البيت مقارنة غير عادلة صراحة .

في المقابل الجلسة كانت لطيفة و مرت في اجواء هادئة لان الزجة تصرفت بحكمة و الا كانت العواصف الرعدية هبت عليهما هههههههههه

اكره فعلا ان اقارن بامرأة اخرى خصوصا من طرف زوجي مهما كان مقامها و لكن ربما رسالة رقيقة و لطيفة فيها ذكر لبعض العتاب تصلح كل الامور فالزوجة غالبا تحب ارضاء زوجها و تكون مطيعة و تغير من سلوكاتها لارضاءه نسأل الله ان يعيننا على حسن التبعل.

  • معجبة 1

شارك هذه المشاركه


رابط المشاركه
شارك

جزاك الله خيرا ام عائشة

 

اسال الله ان يعينا على إرضاء ازوجنا

 

انا فى شهور الزواج الاولى ومثلها اجدهناك بعض من الصعوبة ولخبطة :wacko:

 

 

واجتهد فى التعلم من اخطائى كل مرة

 

الله المستعان

تم تعديل بواسطة ** بسمتى **

شارك هذه المشاركه


رابط المشاركه
شارك

جزاكما الله خيرا أختيّ الحبيبتين أم عائشة وساجدة للرحمن على النصيحة الطيبة..

 

وأسأل الله أن يبارك فيكِ أختي يسرا عبد الرحمن وأن يزيدكِ من فضله وأن يحفظكِ لزوجكِ وأولادكِ..

ما من ردّ قرأته لكِ إلا واستفدتُ منه..

أسأل الله أن يضاعف لكِ الأجر..

وإني أحبكِ في الله (:

 

عادة أتكاسل عن تحضير الأكل باكراً، لكن بفضل الله ثم هذا الموضوع اليوم تشجعت وبدأت تجهيزه باكراً (:

ونسأل الله الثبات على ذلك..

ربي يضاعف أجركِ أم عائشة الحبيبة وكل من أثرت الموضوع..

شارك هذه المشاركه


رابط المشاركه
شارك

جزاكى الله كل خير يا درصاف على دعائك الجميل

وانا ايضا احبك فى الله الذى احببتنى فيه

وكلنا بنتعلم من بعض علشان نحسن من اوضاع بيوتنا الاسلاميه الجوهريه مش المظهريه والمؤمن حبيبتى اخو المؤمن وربنا يجعل صحبتنا جميعا مع بعض سبب فى دخولنا الجنه

وفعلا والله حبيبتى عمل الطعام باكرا بيريحك من القلق ان فلان جعان والاكل لسه مخلصش فعلا وجع راس لانى شفت ده فى بيت والدتى لانها تعمل وطبعا كلنا عايزين ناكل وماما بايدها وسنانها فى المطبخ بتحاول تخلص علشان تسد فمنا وده سبب من الاسباب اللى جعلتنى لم انزل الى مجال العمل

والحمدلله المدبر لامورى كلها

شارك هذه المشاركه


رابط المشاركه
شارك

السلام عليكم ورحمة الله وبركاته،،

جزاك الله خيرا ام عائش الحبيبة علي الموضوع اللطيف , ما شاء الله تعليقات الاخوات كلها افادة

ومن المؤكد اننا كلنا في بداية الزواج ينقصنا الكثير من المهارات وبمرور السنين الاخت بتكون اسرع وتنجز الاعمال افضل حتي في وجود الاطفال , وبالنسبة لي الحمد زوجي عمره ما قارن بيني وبين والدته فهو يحب والدته جداااا وبار بها جداااااا ولكن علي الزوجة الا تضع نفسها في مقارنة مع ام الزوج او اخته وتكون واثقة من نفسها والاشياء المتميزة عندهم تحاول تقلدها وتضيف عليها والمفتقد عندهم تحاول ملاْ هذا الفراغ في حياة زوجها , فمثلاً حماتي عندها همة عالية تستيقظ مبكرا تعد الطعام مبكرا وتنتهي من اعمالها مبكرا, وترتدي ملابسها عند الخروج سريعاً خاصة ان كانت خارجة مع احد اولادها فاصبحت اقلدها في ذلك دون ان اشعر زوجي بملاحظاتي ولكن اضيف لمساتي علي الاشياء التي قد تفتقدها هي , والحمد لله اصبح لطعامي مذاق خاص به يشتاق اليه كلما تناول طعام عند والدته او اخته (اكيد بيحب اكلهم ايضا ) لكن بفضل الله اصنافي وطريقة اعدادها يشتاق اليها ايضاً , وهناك الكثير من الاشياء تستطيع الزوجة ان تتفنن في اتقانها وتضع لمسة خاصة بها تكون داءماً عالقة بالذاكرة

وهذا الامر يحتاج الي استعانة بالله , وعموماً الرجل يحتاج الي امه وايضاً الي زوجته فلا يستطيع الاستغناء عن اي منهما , الام تمثل العطاء والحب بدون مقابل خاصة ان كانت حانية علي ابنائها

والزوجة تمثل نوع اخر من الحب وهام جدا في حياة الرجل ولا يستطيع احد مهما كان قربه من الزوج ان يشغل هذا الفراغ , اسال الله ان يصلحنا ويعيننا علي القيام بالواجبات علي الوجه الذي يرضيه عنا وان يرزقنا رضا ازواجنا

احبك في الله ام عائشة الغالية

شارك هذه المشاركه


رابط المشاركه
شارك

أحبكن الله يا غاليات ورزقنى وإياكن جميعا الجنة

وفعلا والله أنا أعجبتنى كل التعليقات واستفدت منها

 

يسرا عبد الرحمن..بنت أم عبد

بوركتن على تجاربكن..

 

جميعا جميعا جزاكن الله خيرا

شارك هذه المشاركه


رابط المشاركه
شارك

السلام عليكم ورحمة الله وبركاته،،

سبحان الله قريت الموضوع دا امبارح فى منتدى اخر واحببت ان اسئل زوجى ولكنى نسيت

ان شاء الله الايام بيننا وابقى افتكر

الحمد لله الحاجتين اللى بيشهد ليا بيهم ان مطبخى بنضفو يوميا لان حماتى ممكن تقعد 3 ايام متنضفهوش وبعدين تنضفو يعنى كانت تنضفو مرتين اسبوعيا

اما الان انا بنضفو ليها يوميا وزوجى ديما يشكر فيا لانى منضفة مطبخى مطبخ ولدتو ربى يعطيها لصحة

وبالنسبة الغسيل كانت بردو بتتاخر اما الان فى بيتى لوجود الاتومتيك الغسيل بيتغسل اول باول

فالحمد لله من الناحية دى تمام

اما المكوى فى اول الزواج كنت اكوى له

اما الان هو الذى يكوى هدومة وهدومى بحكم عملو :grin: :unsure:

امال احنا عندنا مغسلة ليه

الحمد لله انى مش بديلو الهدوم يغسلهالى كمان :mrgreen:

زوجة مفترية :neutral:

جزاكى الله خيرا يا ام عائش

وتعليقات البنات حلوة اللهم بارك

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

ما شاء الله موضوع رائع حبيبتي أم عائشة

 

و تجارب الاخوات كذلك رائعة و جد مفيدة

 

 

بارك الله فيكن و جزاكن الله الجنة

شارك هذه المشاركه


رابط المشاركه
شارك

أضحك الله سنك أم سلمى...

وجزاك الله خيرا قدوتى عائشة وأنا حقا استفدت من تجارب الأخوات

زادهن الله نفعا..

شارك هذه المشاركه


رابط المشاركه
شارك

بارك الله فيك أم عائشة الحبيبة

صراحة الموضوع لطيف جدا .... وظهر فيه كياسة الرجل وفطنته وكذلك صبر المرأة وحكمتها :)

 

ولكن عامة هي نقاط يجب علينا جميعا أن نتتبه لها ...

 

فعلا سجودة بالضبط ما أردت قوله

جزيت خيرا أم عائشة ورزق الله الأخت صاحبة الموضوع الذرية الصالحة

شارك هذه المشاركه


رابط المشاركه
شارك

بارك الله فيك يا ام عائشه والله اضحكتينى اضحك الله سنك يا غاليه

 

انا اول ما قريت الموضوع وقبل ما اكتب لكم رحت عملت كوبيتين شاى على سبيل الرشوه هههههههههههه وقعدت جانب زوجى وسالته هنا احسن ولا بيت مامتك فضحك وقالى من ناحية ايه يعنى قلت له من كل الجوانب قالى هنا طبعا بيتنا واستقلالنا وفيه خصوصيتنا وكمان شقتنا الحمد لله واسعه عن شقة والدته وفضل طبعا يثنى عليا وقالى انتى الحمد لله مهتميه بيا اكتر وكمان منظمه ومرتبه واكلك كمان رووعه بصراحه من ناحية الاكل فانا الحمد لله بحب اجدد دايما فى اكلاتى وهو دايما بيقولى انه فيه اكلات عمره ما اكلها فى بيت والدته وذلك لان والدته فى الحقيقه بتشتغل وما كانش عندها وقت لحاجات كتيره

المهم بعد الثناء والمجاملات وفى الحقيقه مش عارفه بيقول كده ولا بيجاملنى ( انتم ايه رأيكم يا ترى بيجاملنى )

قالى بس فيه حاجه ان ماما كانت بتعمل لنا كل يوم فطار هههههههههه لانى بصراحه مش دايما بعمل فطار ودايما بياخد معاه ساندوتشات ههههههههه كمان والدته ما شاء الله عندها همه عاليه فى العباده بارك الله فيها فهى بتنام بدرى وتصحى على الساعه 3 قبل الفجر بساعتين

وتتعبد وتصلى الى الفجر وتجلس الى ان تطلع الشمس وتصلى الضحى على الساعه 7ونص وكل ذلك قبل ان تذهب لشغلها

فالمساله دى طبعا انتقدها فيا لانى يادوب بصحى اصلى الفجر وانام تانى

غير المسألتين دول فالحمد لله النتيجه كانت لصالحى على طول الخط

بس بصراحه كان حوار لذيذ

بارك الله فيك يا ام عائش

شارك هذه المشاركه


رابط المشاركه
شارك

جزاك الله خيرا ام عائشة وموضوع رائع مثلك

 

عاوزة اضيف تعليق على شاى يسرا اللى نفس زوجها فيه حلو ههههه

 

انا اول زواجى شايى كان ما ينشربش والحمد لله

 

لكن زوجى علمنى ازاى اعمله وبقى رائع بعد ما اخذت دورة فيه

 

بصى انت تغلى المياه كويس

 

مش اول ما يغلى تطفى لا انتظرى من تالت غلوة شريطة ان يقلب كويس(يعنى الماء اللى فوق يغطس تحت))

 

واوعى يغلى كتير لان غليانه كتير او قليل يعمل ريم ابيض

 

ضعى الشاى تحت ملعقة الا ربع وفوقه السكر يطلع مظبوط بفضل من الله

 

ما تنسيش غلو الماء تلات غلوات شريطة ىالماء اللى فوق يغطس تحت ..ليس مجرد غليان من الحواف

شارك هذه المشاركه


رابط المشاركه
شارك

جزاك الله خيرا ام عائشة وموضوع رائع مثلك

 

عاوزة اضيف تعليق على شاى يسرا اللى نفس زوجها فيه حلو ههههه

 

انا اول زواجى شايى كان ما ينشربش والحمد لله

 

لكن زوجى علمنى ازاى اعمله وبقى رائع بعد ما اخذت دورة فيه

 

بصى انت تغلى المياه كويس

 

مش اول ما يغلى تطفى لا انتظرى من تالت غلوة شريطة ان يقلب كويس(يعنى الماء اللى فوق يغطس تحت))

 

واوعى يغلى كتير لان غليانه كتير او قليل يعمل ريم ابيض

 

ضعى الشاى تحت ملعقة الا ربع وفوقه السكر يطلع مظبوط بفضل من الله

 

ما تنسيش غلو الماء تلات غلوات شريطة ىالماء اللى فوق يغطس تحت ..ليس مجرد غليان من الحواف

 

وبعد تقليب الكوب بالملعقة

 

ازيلى الريم المتكون الحلزونى اعلى الكوب

 

وبالهنا

شارك هذه المشاركه


رابط المشاركه
شارك

مسافرة زادها قليل...بوركتِ يا أحلى مسافرة..:)

سندسة..بارك الله فيكِ حبيبتى وفى حماتك..جزاها الله خيرا والله على العبادة اللى بتعملها ومع ذلك هى امرأة عاملة..ربنا يرزقنا وإياها التقوى والإخلاص..

لكن تعالى هنــــــــــا

ايه موضوع الفطار ده؟؟؟؟

لا تتأخرى فيه أبدا يا أختى..والله أذكر قبل ولادتى لابنتى الكبرى كنت كثييرة النوم وكنت أحيانا أكسل أعمل لزوجى فطار قبل ما ينزل عمله..الله يغفر لى يا رب..

وفى مرة قلت لنفسى..حرام عليكِ...مكسلة تقومى العشر دقائق دول وهو حينزل من الفجر ومش حييجي غير العصر ولا بعده..كل ده علشان خاطرك وانتى مش مقدرة؟؟

فبصراحة اكسفت من نفسى جدا..وأصبحت والحمد لله من يومها أجهز له ما يحتاج قبل أن ينزل أو على الأقل أكون بجواره فإن لم يحتاج للفطار ممكن يحتاج لأى شيء آخر أحضره له بدلا من أن يحضره بنفسه...(لازم يحس بالفرق حبيبتى)

 

محبة لربها..نورتِ الموضوع حبيبتى..جزاك الله خيرا على نصيحة عمل الشاى

بصراحة لا أنا ولا زوجى بنشرب الشاى السادة ولما بيجيلي ضيوف ويطلبوا شاى بقول يا رب يعجبهم..

لأنه اللى بيشرب شاى ومتعود عليه بيبقى له طعم معين..مش أى شاى وخلاص...!

^_____^

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

شكرا حبيبتي ام عائشة

قرات ردود الاخوات ماشاء الله عليكن

يعني ,,,,كل واحدة راح تتعلم اشياء جديدة من هذا الحوار,

لكن بيني وبينكن;الزوج دائمايشعر زوجته انه كان مهما

عند امه اكثر,وكانو يهتمون به في بيتهم اكثر,

همسة صغيرة; ابني كان يتصل قبل وصوله للبيت,

ويقول;ماماارجوك,بعد المدرسة عندي شغل ومستعجل,

اكويلي البلوزة الفلانية وووو,,,,,

واذا كان الاكل جاهز,, يكون احسن, والا اتصرفي واعملي لي

اي حاجة خفيفة ,,,,,

وكنت اعمله كل لي يطلب وزيادة وانا سعيدة,

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×