احارب الشيطان وادعو الله بالانتصار وهزيمته

[اسمهانمحمد 0]

السلام عليكــم ورحمـة الله وبركاتــة ،،انا عندى مشكله واحتارت فى حلها ليه زوجة اخ من النوع المعاند والمعتزيه بكرامتها اوى وفيها شوية غرور رغم انها ما بتسبش فرضها وصوامه والمصحف على طول فى ايديها ولكن دائمة النزاع مع اخى ومعى ومع اختى الكبيره وحتى ابنتى التى لايتعدى عمرها 11عاما لكن اخى فى برده عيوب سريع الغضب وسريع الغلط فيها وفى اهلها لكنها مستفزه وغير متحمله لمسؤليات الحياه الصعبه وكل واحد فيهم له طباع مختلفه عن الثانى ولكن المشكله الاساسيه ان بينهم طفلة صغيره بدات تتاثر بكثرة المشاكل الموجوده وبدات تتعلم النفاق بين ابوها وامها رغم انها لسه عندها 5 سنين وبدات تدخل فى صراعات نفسيه صعبه بينهم لغاية ما وصلت لحالة التبول اللا ارادى وهى نايمه وتتدخل لحل المشاكل بينهم ناس كتير جيران مقربين وشيوخ واصحاب واهلى تدخلم اكثر من 100 مره ولكن اهلها سلبيين وبصراحه بيخافوا منها وبيعملولها مليون حساب ودايما يخترعوا الاعذار الاب تعبان والام تعبانه على طول وهى فى الاساس ما بتحترمش كلامهم ودائما اهلى على غلط لانهم بيتحشروا رغم ان اخى مش مخليها محتاجه حاجه واى شىء بتطلبه بينفذه ويجيبه ومابتفتكرش اى حاجه ليه مهما عمل ومفيش حل وصل ليه اخويه غير الانفصال لكن انا صعبانه عليه الطفله الصغيره لما تكبر هتبقى صوره طبق الاصل من الام وبصراحه ما بحبش خراب البيوت لذا ارجوكم سعدونى للوصول لحلول لان اخى على طول عايش حياه تعيسه ودايما حزين على نفسه وبنته لدرجة انه اتمنى الموت هروبا من هذه الحياه البائسه

[يسرا عبد الرحمن 718]

اختى فى الله اسمهان السلام عليكــم ورحمـة الله وبركاتــة ،،

 

يبدو لى من كلامك حبيبتى ان اخوكى وزوجته بهم الكثير من العيوب ولكن اسمحى لى علشان اكون صادقه فى النصيحه انا فى رايى ان اكثر شىء يجرح الزوجه هو ان يغلط الزوج فى زوجته او اهلها

وبالتالى حبيبتى هى لو انسانه ضعيفة الايمان حتعامل اهله بنفس الطريقه حتى لو لم يكن لاهله يد فى الخلاف بينهم ووالله انا اعرف ناس بيتعاملوا مع بعض بنفس الطريقه هو يتكلم عن اهلها بطريقه سيئه وهى تعامله نفس المعامله من معاملته هو واهله بطريقه سيئه

 

انا ارى حبيبتى ان تبدئى بالحديث مع اخوكى وتحننى قلبه من ناحيتها بالشكر فيها ولا تذكرى السىء فيها له حتى يرق من ناحيتها وكلميه ان يحد من عصبيته وذكرها واهلها بطريقه سيئه وان هذا الشىء هو اكثر ما يضايقها وان الزوجه لا يمكن التعامل معها حتى تستجيب لاوامره الا بالرقه والمعامله الطيبه وان يجب ان يحترمها لاجل ابنته لانه بهذه الطريقه بيقلل من شان زوجته امام ابنته وحتى يمكنهم تربيتها تربيه صالحه فى طاعة الله بعيده عن المشاكل

وافعلى معها نفس الشىء بان تذكرى لها كم اخوكى يحبها ويتمنى ان يسترجعها كزوجه له وان ابنتهم ليس لها ذنب فى كل ما يحدث وان هذا سيؤثر عليها فى المستقبل وانك تحبيها فى الله وفهميها انه لن يتدخل اى احد من اهله فى حياتهم وان كل انسان بيحب ان يعيش على طريقته وهى واخوكى من حقهم ان يعيشوا بالاسلوب اللى يعجبهم

 

ولكن حبيبتى يتوقف هذا الكلام على انهم بيحبوا بعض ولا لاءه لان الموضوع اذا وصل للكره من الطرفين لبعض فاعتقد ان الرجوع صعب لان وقتها لن ياتى الكره الا بعد ان جرح كل واحد منهم الاخر بما يكفى فكيف سيعودوا لبعض وكل واحد يحمل ذكريات اليمه من الثانى

 

واسال الله ان يهديكى للتوفيق بينهم والسلام عليكــم ورحمـة الله وبركاتــة ،،