اذهبي الى المحتوى
(محبة القرآن الكريم)

خلاص أنا بقيت أخت..!!!

المشاركات التي تم ترشيحها

السلام عليكــم ورحمـة الله وبركاتــة ،،

 

موضوع أعجبني فنقلته لكن حبيباتي

بســم الله الـرحمــن الرحيــم

 

 

 

بصوا

 

 

اسمحولي أتكلم شوية مع نفسي

 

يعني اللي هايتكلم دلوقتى ... أنا و نفسي

 

 

 

 

فاكرة الأيام دي ؟؟؟؟؟

 

 

أول ما لبستي حجاب شرعي سليم ؟؟؟؟

 

و الناس كلها بقت بتقوللك يا أخت فلانة

 

و بقيتى لما تشوفي واحدة متبرجة بتروحي تكلميها ؟؟؟

 

 

و لما تلاقي سواق الميكروباص مشغل أغاني تديله شريط قرآن أو درس دينى ؟؟؟؟

 

 

لما كنتى بتمشي في الشارع وكتاب طلب العلم في شنطتك وماشية للمسجد وكأنك رايحة للجنة ؟؟؟؟

 

 

و لما كنتِى بتسجدي و تقعدي تتكلمي مع ربنا و تحكيله على كل اللي مزعلك و تشتكيله ؟؟؟

 

 

فاكرة المشاعر اللي كنتِى بتحسي بيها أيامها ..؟؟

 

 

كنتى بتحسي إنك طايرة من الفرحة .. و إن الحياة كلها منورة ..

 

وإنتى ماشية في الشارع حاسة إن الشوارع و العمارات بتضحك و الدنيا فعلا شكلها اتغير

 

 

 

...!!!

 

 

حتى لما تحصلِلك مشاكل

 

لما كنتى بتقعدي وسط أصحابك وتلقيهم بينموا وتنصحيهم بيزعقولك ويقولولك ( وهو فيه إيه يعني دي شوية فضفضة )

 

كنتى بتسيبيهم و انتى زعلانة على حالهم ولكن كنتى بتبقي فرحانة إنك سبتي شيء لله

 

و لما كانت بتحصلِلك مشاكل في البيت و خناقات .. أول ما المشكلة تعدي كنتِ بتحمدي ربنا و بتفرحي جدا و تحسي إنك نجحتي في الابتلاء

 

فاكرة المشاعر دي؟؟؟؟؟

 

لما كنتى كل ماتعرفي حاجة جديدة في الدين بتحاولي انكِ تنفذيها فورا من غير ماتسألي ده واجب و لا مستحب

 

لما قعدتي تتدربي مع نفسكِ في البيت عشان تعرفي تقعدي جلسة التورك في الصلاة

 

 

و لما كنتى كل ما تيجي تشربى حاجة تدوّري على حتة تقعدي فيها عشان تشربي وانتي قاعدة على السنة

 

 

فاكرة المشاعر دي؟؟؟؟

 

(مشاعر البداية)

 

 

؟؟؟

 

أمال إيه اللي حصل بعد كده ؟؟؟

 

 

كنتي في الأول بتستغربى من كلمة يا أخت و الكلام ده و تقولي أنا لسه ما وصلتش للحاجات دي

 

 

دلوقتي اتعودتي على الكلمة دي .. و لما حد بيقول يا أخت (حتى لو مايقصدكيش انتى ) بتبصي فاكراه بينادي عليكى

 

 

دلوقتى سمعتي شرايط كتير و حضرتي شوية دروس

 

و بدأتى تصدقِى إنك أخت بجد

 

و الناس بقت بتسألكِ في الدين

 

 

و انتى بقيتى بتفتي

 

و بقيتى تقولي الشيخ فلان ده مبتدع

 

 

و الشيخ فلان ده ربنا يهديه

 

و بقيتى تقولي :

 

أصل ده مستحب

 

 

لا ده مش حرام ده مكروه

 

 

لا أصلِك مش فاهمة.. ده في مواضع تجوز فيها الغيبة

 

و بعد كده بدأتي تتخِلّى عن حاجات كتير كنتى بتعمِليها و تقولي أصلها مستحبة

 

و المرحلة اللي بعدها رجعتي لشوية معاصي و بقيتى تنامى عن صلوات و... و.. و...

 

... بس برضه

 

 

..أنا لسه ( ملتزمة )

 

فاكرة مشاعرك في الفترة دي ؟؟؟

 

 

مشاعر !!!... مشاعر إيه ؟؟؟؟؟

 

 

مابقاش فيه مشاعر خلاص

 

أنا بقيت لما أسمع درس في الرقائق أقول الحاجات دي كلها أنا عارفاها و سمعتها قبل كده

 

أنا عديت المرحلة دي

 

و الصلاة خلاص اتعودت عليها و مابقتش باحس فيها بأي حاجة

مابقاش فيه أي مشاعر

 

فيييييييييييييييييييييييييين أيام زمان ..؟؟

 

طيب أمال المشاعر الحلوة بتاعة زمان دي راحت فين ؟؟؟

أنا هاقوللِك

 

مشكلِتك إنِك عشتي الوهم

 

كذبتي كذبة كبيييييييييييرة و صدقِتيها

 

الكذبة دي هي كذبة

 

( أنا بقيت أخت )

 

بس استنى بس و ماتقعديش تقوليلي لا ياستي انا لا أخت ولا حاجة ده أنا غلبانة و كلي ذنوب

 

 

دي الكذبة التانية

 

إنكِ حتى مع نفسِك من غير ماحد يبقى معاكِى بتكدبي و تقولي إنكِ شايفة نفسك ولا حاجة

و إنتِى من جواكِى شايفة نفسك حاااااااااااااجة كبيييييييييييييييييرة جداااااا

بس المصيبة إنِك مش عارفة كده

مش عارفة إنك شايفة نفسك

 

موضوع معقد مش كده ؟؟

 

بس هي دي الحقيقة

 

 

شيخ الإسلام كان في عصره فيه شبهات كتير و كان هو بيتصدى لكل الشبهات دي و له كتب كتير في الرد على المبتدعة

 

بس شوفي الكلمة دي

 

كان بيقعد بعد صلاة الفجر في المسجد حتى يتعالى النهار يعني لحد الظهر و يقول:

 

(هذه غدوتي لو لم اتغدى هذه الغدوة لسقطت قواي)

 

و العلماء بيقولوا إن الكلام في الرجال و الرد على أهل البدع لو ماكانش صاحبه ليه حال مع ربنا يقسي القلب

عرفتِى ليه المشاعر راحت ؟؟

قال الإمام الذهبي

 

(الكلام في الرجال لا يجوز إلا لتام المعرفة تام الورع)

 

يعني مش إنتِى خااااااااااالص

إنتِى تسكتي و تبصى لحالك

إنتِى إيه حالِك مع ربنا

 

إيه حالِك في صيام النوافل و قيام الليل و الدعوة إلى الله؟؟؟؟

 

 

إنتِى صدّقتي إنك أخت بجد ولا إيه ؟!!!

 

لأ فوووووووووووووووووووووووووووووووقي

 

 

فوقي و حاولي تلحقي نفسِك قبل فوات الأوان

 

 

طيب أنا أعمل إيه دلوقتى عشان أرجّع الأيام دي تاني

 

* لازم أول حاجة تلجأى لربنا

 

خليكي قدّام الباب و ألحّي في الدعاء إنه يخلِصك من اللي انتِى وصلتيله ده

 

 

ابعدِى نفسك عن أي مجال للجدال و الكلام عن أي حد مش موجود... سواء مشايخ أو غيره حتى لو مخالفين للمنهج السلفي

 

 

 

و لو يعني اتزنقتِى و انتِى مثلا بتدعو حد و بتكلميه مثلا عن الأغاني و قال لِك أصل الشيخ فلان قال.. تقوليله إن كل إنسان ممكن يغلط و مادام الأمر فيه نَص من القرآن و السنّة يبقى ماينفعش نقدّم كلام أي حد على كلام ربنا و كلام الرسول صلى الله عليه و سلم ...وكده

 

بس إوعي تغلطِى في الشيخ اللي قاللتلك عليه... و والله ده هايعليكِى عند اللي قدامك دي

 

* لازم يبقى ليكي حال مع ربنا و ليكي ورد من العبادات تحاسبِى نفِسك عليه

 

باختصار ....

 

لازم تقفي مع نفسِك وقفة محاسبة...

 

لازم تشوفي يومك اللي انتِى بتقضيه ده يوم واحدة ملتزمة ولا لأ !!!!!

 

 

أسأل الله أن يجعلنى وإياكم من أهل القرآن وخاصته الذين هم أهله وخاصته

 

منقووول

شارك هذه المشاركه


رابط المشاركه
شارك

جزاك الله اختي نقابي نعمة من ربي

 

 

على النقل

 

بارك الله فيك

 

وزادك ايمانا

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

جزاكى الله خيرا اختى الحبيبة "نقابي نعمة من ربى"

بارك الله فيكى و فى كاتبة الموضوع

انا كان ليا موضوع بردو اسمه النفس اللوامة

فعلا محاسبة النفس دى مهمة جدا و مراقبة النفس

افتكرت حاجة

عارفة و انا فى الكلية طبعا انتوا عارفين الانفتاح و مخاطره

كان حد قالى طيب ليه مضيقة على نفسك و مش واخدة راحتك و تتكلمى مع الناس عادى (الولاد يعنى )

و ليه الرقابة المشددة دى

طبعا اللى بتسأل منتظرة انى اقولها والدى رجل صارم و صعب او الأسرة صعبة

لكن قولتلها الرقابة دى منى انا على نفسي قبل ما تكون من حد تانى

و ده المفروض فعلا إلى جانب طبعا دور الأسرة

شارك هذه المشاركه


رابط المشاركه
شارك

و عليكم السلام ورحمة الله وبركاته

بارك الله فيكِ سلمى الحبيبة على النقل الطيب

اللهم ردّنا إليك ردا جميلا و ثبت اللهم قلوبنا على دينك

جزاكِ الله خيرا.

شارك هذه المشاركه


رابط المشاركه
شارك

 

نقل رائع ومنتقى جزاك الله خيراا د سمسم

 

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

بارك الله فيكن و جزاكن الله خيرا ردودكن الطيبة

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

و لما كانت بتحصلِلك مشاكل في البيت و خناقات .. أول ما المشكلة تعدي كنتِ بتحمدي ربنا و بتفرحي جدا و تحسي إنك نجحتي في الابتلاء

 

فاكرة المشاعر دي؟؟؟؟؟

 

لما كنتى كل ماتعرفي حاجة جديدة في الدين بتحاولي انكِ تنفذيها فورا من غير ماتسألي ده واجب و لا مستحب

 

لما قعدتي تتدربي مع نفسكِ في البيت عشان تعرفي تقعدي جلسة التورك في الصلاة

 

 

و لما كنتى كل ما تيجي تشربى حاجة تدوّري على حتة تقعدي فيها عشان تشربي وانتي قاعدة على السنة

 

أه أنا فاكرة دى كويس أوى سلمى وكأنك معايا

 

أسأل الله أن يجعلنى وإياكم من أهل القرآن وخاصته الذين هم أهله وخاصته

 

ايوه دى نفسى فيها أوى اللهم تقبل الدعاء

 

سلمتى من كل سوء سلمى الحبيبة طبيبة المستقبل بإذن الله

 

ربنا يهبك ما تتمنين ويرضيه إنتى وبناتى والمسلمين وأسعدك فى الدارين

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

جزاك الله خيرا حبيبني منال كمال على المرور الطيب

الله المستعان

ربنا يهدينا

شارك هذه المشاركه


رابط المشاركه
شارك

 

 

 

السلام عليكــم ورحمـة الله وبركاتــة ،،

نقل رائع ومفيد اختي بارك الله فيك

لو كنت ستكونين طبيبة في مراكش ارجوك ان تقولي لكي اكون اول زبونة لديك

 

تم تعديل بواسطة ام الحبايب 2

شارك هذه المشاركه


رابط المشاركه
شارك

بارك الله فيكِ

لكن الموضوع مكرر

 

https://akhawat.islamway.net/forum/index.php?showtopic=256768

شارك هذه المشاركه


رابط المشاركه
شارك

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×