اذهبي الى المحتوى
(المسلمه)

الى كل اخت مهمومه وحزينه اليكم تجربتى لتعلموا ان مع العسر يسرا

المشاركات التي تم ترشيحها

السلام عليكــم ورحمـة الله وبركاتــة ،،

 

حبيباتى الفضليات انا كنت كتبت لكم تجربتى المريره من حوالى سنتين او اكتر

 

كنت وقتها متزوجه من ست سنوات ولم ارزق بااولاد وزوجى كان بيعاملنى معامله جافه جدا وقاسيه جدا بسبب تاخر حملى

 

علما باانه ملتزم ومتدين ولا يترك فرض او سنه الا فعلها ولكن سبحان الله الصبر ده رزق ربنا بيعيطه بقدر لكل انسان

 

انا والله كنت صابره ومحتسبه وكنت بقول دايما حديث النبى صلى الله عليه وسلم

 

عجبا لامر المؤمن ان امره كله له خير ان اصابته سراء شكر فكان خير له وان اصابته ضراء صبر فكان خير له وليس ذالك الا للمؤمن

 

المهم زوجى جاله فتره كان خلاص بيحاول يكرهنى عشان لو تزوج عليا وطلبت الطلاق ميزعلش على فراقى كان والله والعظيم

 

بيعاملنى اسوء معامله ودايما كنت حاسه بالذل والقهر من جوايا ولكن والله العظيم لم ابين له فى يوم انى مقهوره ولا مذلوله لان المؤمن

 

عزيز لا يذل ابدا الا الى الله عز وجل)

 

كنت دايما حاسه ان فرج ربنا قريب منى اوى مع ان الشكل العام للمشكله بتقول ان مفيش منها مخرج

 

علشان مطولش عليكم زوجى اجر شقه ووجد فى جيبه اسعار لغرف نوم وتنجيد ولوازم لفرش شقه فواجهته وقلت له بالله عليك احكى

 

لى انت ناوى على ايه فقالى انا خلاص خطــــــــــــــــبت وهتزوج فى خلال ايام انا انهرتانهيار شديد ولكن والله مقولتش ولا كلمه

 

غير انا لله وانا اليه راجعون اللهم اجرنى فى مصيبتى واخلف لى خير منها

 

وظليت ابكى طوال الليل وقمت صليت وبقيت اسجد سجود طويل وادعو ربى واشكى له همى وكربى وصليت ركعتين استخاره

 

فى انى اعيش معاه وده كان هيسبب لى الم فظيع انا عارفه ان التعدد حلال والله وان ربنا سبحانه وتعالى ذكره فى القران

 

لكن انا والله عندى غيره فظيعه وبحب زوجى جدااااااااااا لانه اول راجل بحياتى تزوجنى وعمرى 17 سنه

 

وكنت كل مااتخيل انه يتزوج عليا ويخلف من الجديده ويهتم بيها اكثر منى كنت اموت ولان زوجى مش عاقل ورزين مش هو اللى ينفع يعدد

 

التعدد عاوز راجل عاقل وبيفهم مش راجل يخليكى تغيرى ويغيظك وكان زوجى لما حد يحمل من اخواته او اقاربه كان يجى يغظنى

 

بس والله والله ماكنت بتغاظ وكنت بتمنى الخير لكل الناس علشان ربنا يعطينى الخير

 

المهم فى الصباح قلت له انا عايزه اروح عند اهلى وطلقنى قالى مش هطلقك غير بعد سنه من زواجى

 

قلت له ليه قالى طيب خلاص اشتكينى فى المحاكم ولما القاضى يحكم لك هبقى اطلقك

 

قعدت فى بيت والدى شهر كامل مش باكل نهائى ولا بنااااااااام خالص خسيت فى شهر واحد 25 كيلو من القهر

 

وكنت بسمع عنه انه خلاص جاب الشبكه وكتب الكتاب وفرش الشقه وخلاص هيتزوج فى ناس طلبت انها تصلح بينى وبينه ولكن بلا جدوى

 

انا رفضت رفض شديد وبقيت اقول للناس انا بكره وانا والله كنت مازلت بحبه وكنت امام امرين كل امر اصعب من التانى

 

انى اعيش معاه وهو متزوج او انى اطلق ولكن اقسم بالله كان عندى حسن ظن فى الله

 

المهم طلبت منه الطلاق كتييييييييير جدا رفض وقالى انا بحبك ومقدرش استغنى عنك واللى انتى عيزاه هعملو لكى لكن مستحيل اطلقك

 

ساعتها بس حسيت بحبه ليه وانه لما حس انى هضيع من ايده حس بالندم على كل حاجه عملها فيا وكل الذل والقهر

 

المهم خلاص عرفت انه هيتزوج يوم الاربعاء فروحت محكمة الاسره علشان اسال عن اجرات الطلاق فى الظروف دى

 

قالو هترفعى قضيه طلاق للضرر بس هتقعد فى المحكمه سنه واكتر طبعا انهرت

 

هو هيكون فى السنه دى تزوج وخلف لا انا عايزه اطلق منه قبل مايدخل على التانيه دى

 

المهم رجعت البيت فاانا عارفه بيت مراته التانيه قلت اروح لها اقول لها قولى له مش هتدخل عليا غير لما تطلق زوجتك الاولى

 

روحت لها اخوها قالى ده هى بتفرش الشقه علشان حنتها بكره الناااااااااار اشعلت فى جسمى كله فروحت الشقه اللى زوجى

 

هيتزوج فيها وجدت مراته واقفه اقسم بالله اقسم بالله انا لابسه النقاب من ونا عندى 16 سنه واهلى ملتزمين امى منتقبه وابى ملتحى

 

البنت اللى تزوجها زوجى كانت بتلبس بادى وبناطيل وكانت بتشتغل فى المصانع وكانت بتحط مكياج بس هو خلاها تلبس النقاب

 

المهم لما لقتها قلت لها خلى زوجى يطلقنى قبل مايدخل عليكى بدل مااخلى عيشتك جحيــــــم طبعا اهل زوجى كانو فى الشقه

 

قعدو يصوتو وفكروا انى جايه اضارب ماما كانت معايا جالها انهيار عصبى ووقعت سورقت فى الارض

 

لانى بالنسبه لها كنت ميت مش بيندفن كانت تقولى لو متى كنت هستعوض ربنا واقول قضاء وقدر لكن انتى كده مش عايشه ومش ميته

 

المهم زوجى جه ونا منهاره وامى منهاره بصراحه حضنى اودام مراته واهلها وقالى انا بحبك ومقدرش استغنى عنك قلت له

 

ارمى عليا يمين الطلاق دلوقتى حالا علشان ارتااااااااح برضو مرضاش ورفض

 

اخدت امى وروحت الليله دى كانت اسود ايام حياتى الليله دى الوحيده اللى خلاص الامل اللى كان مالى قلبى خلاص راااااااح

 

الليله دى اللى حسيت فيها انى انكسرت وانهزمت ولكن والله قمت لله وصليت وبكيت وقلت يارب

 

ياااااااااااارب اللى شايفه خير ليه حققه ليه بس ارضينى بيه مش طالبه منك غير الرضا يااااااااااارب

 

يارب لو كاتب انى اعيش معاه على ضره انا موافقه بس ارضينى يارب ولو كاتب انى اطلق ارضينى يارب

 

ونمت وقلت يارب لو راضى عنى خلينى احلم اعطينى بشره انك تقبلت دعائى ياااااااارب

 

نمت محلمتش بحاجه ولكن اول ماصحيت صليت الظهر وقعدت اقرا سوره الانفال وياجماعه سوره الانفال جميييييييله جدا

 

فكنت بقرا وببكى المهم لقيت تليفون من نمره غريبه بيتصل بيا

 

فتحت قالى انا صديق زوجك وزوجك معايا هنا وهو عايز يرجعك قلت له انا عايزه اطلق هو يشق طريقه وانا اشق طريقى

 

وانا سليمه زيى زيه انا والله لا اعانى من اى مرض يمنع عنى الحمل روحت لدكاتره كتيييييييييير قالو سليمه ميه فى الميه

 

قالى صاحبه هو خلاص هيطلق زوجته التانيه اتصدمت مصدقتش اديت التلفون لبابا

 

بابا والله العظيم قاله كده حرام انه يطلقها يوم حنتها

 

فصاحب زوجى قاله والله ابوها طلب منه انه اما يطلق بنتك او يطلق بنته

 

يعنى قاله طلق مراتك الاولى وانا ازوجك بنتى او تطلق بنتى فزوجى قاله انا بحب مراتى ومقدرش اطلقها

 

قاله خلاص يبقى تطلق بنتى

وشويه

 

وزوجى جه دخل حضنى وبكىىىى وحضن امى وبكىىىى

 

مبقتش مصدقه ومصدومه

 

فعلا يارب انت كريم ورحيم ورحمتك واسعه وفعلا ان مع العسر يسر وبعد الجوع شبع وبعد السهر نوم وبعد المرض عافيه

 

وبعد الفقر غنا وفعلا ولرب ضائقه يضيق بها الفتى زرعا واعند الله منها المخرج

 

ضااااااااااااقت فلما استحكمت حلاقاتها فرجت وكنت اظنها لا تفرج

 

فعلا

 

تصبر ان عقبى الصبر خير ولا تجزع لنائبة تنوب فان اليسر بعد العسر يأتى وعند الضيق تنكشف الكروب

 

وفعلا مش مصدقه رجعت لزوجى حبيبى مبقتش مصدقه ان كل ده حصل وانى رجعت له

 

قبل مايتزوج بقيت اقول له اعمل لى الحقن المجهرى لان تشخيص حالتى بتفسر انها تاخر انجاب بلا سبب

 

وحل المشكله دى هى الحقن المجهرى فكان رافض يعملى العمليه وقالى بدل ماعملك العمليه اتزوج

 

انا دلوقتى عملت العمليه وبفضل الله حــــــــــــــــملت ومحصلش نصيب والان انا حملت تانى ادعولى ربنا يثبت حملى ويكمل حملى على خير

 

على فكره زوجى اعطاه لمراته التانيه نصف الحجات اللى كان جايبها لها علشان ميكونش فى ظلم واقع عليها

 

والله انا حبيت احكى لكم علشان تعرفو ان ربنا فرجه قرييييييب وان مع العسر يسرا

 

وسامحونى على الاطاله

  • معجبة 1

شارك هذه المشاركه


رابط المشاركه
شارك

 

وعليكم السلام ورحمة الله وبركاته

 

سبحان الله

 

إن مع العسر يُسرا

 

ولسوف يُعطيك ربُك فترضى

 

سورة الانعام رائعة وكُل سور القرآن فهو دواء للقلوب

 

{وَنُنَزِّلُ مِنَ اَلْقُرْءَانِ مَا هُوَ شِفَاءٌ وَرَحْمَةٌ لِلْمُومِنِينَ وَلاَ يَزِيدُ الظَّالِمِينَ إِلاَّ خَسَارًا}

 

وتستوقفني أيات سورة الانعام وخاصة

 

{ وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدِيرٌ}.

 

وسبحان الله هناك من حينما يقع في ضائقة ينسى نعم الله عليه ويتسخط ولاحول ولاقوة الابالله

 

ولايعلمون أن الله يبتلي ليرى الصابرين فيُعطيهم

 

{ وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ}

 

أسال الله أن يُثبت حملكِ وأن يرزقكِ الله الذرية الصالحة المُعافاة

 

وأن يُسعدكِ ويوفقكِ لكل خير

 

اللهم إنا نسألك الصبر على البلاء اللهم ارزقنا قلوباً خاشعة وأعيناً دامعة وألسناً ذاكرة وأجساداً على البلاء صابرة.

 

 

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

ما شاء الله

إن مع العسر يسرا

أنتي نجحتي فى الامتحان حبيبتي ماشاء الله عليكى

اصعب امتحان هو الصبر على البلاء و الرضا بكل ما يحدث لنا

و مداومة الدعاء و الإلحاح فيه

ربنا يزيدك و يزيد زوجك صبر و إيمان و رضا

و ربنا يثبت لك حملك و يرزقك بالذرية الصالحة

و يسعدك أنتي و زوجك و تكون حياتك كلها فرح و سعادة و أمل و تفاؤل مع زوجك و أبنائك

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

والله اختاه وانا اقرا ما كتبتيه قلت لن ارد لانى لا اعرف ماذا اقول

 

وافاجا بعد انتهائى من القراءه اسمع هذه الاغنيه واهديها لك

 

مولاى انى ببابك قد بسطت يدى مالى الوذ به الاك يا سندى

 

فمبارك لك اختاه رجوع زوجك والف مبروك على الحمل اسال الله ان يرزقك بالزريه الصالحه التى تقر بها عيونك

شارك هذه المشاركه


رابط المشاركه
شارك

السلام عليكــم ورحمـة الله وبركاتــه ،،

 

سبحانه ربي ما ارحمه وما اكرمه

 

اسأل ربي ان يثبت حملك ويبارك لك في زوجك ويقر اعينكم بالذرية الصالحة السليمة المعافاة

 

بكتني قصتك يا اختي لان ربنا ارحم بنا من انفسنا لكن سبحان ربي كثير ناس تغفل عن هالشئ

 

تعرفي يا اختي من فترة قريبة جدا صار معي موقف والمواقف اللي شملتني فيها رحمة ربي كثيرة

 

لكن بذكر هالموقف لانه يشبه موقفك بس الفرق اني جتني البشرى.

 

والدي يدخن بشراهة ويحب اكل اللحوم وبسبب هالشئ صار معاه جلطتين على فترتين مختلفات

 

وهالشئ صار من زمان من اكثر من عشر سنوات وبعد ماتعافى بفترة قصيرة رجع للدخان وتوقف عن الادوية اللي

 

مفروض يظل ياخدها مدى الحياة

 

فبعدها بسنوات اكتشفنا ان فيه شرايين للقلب مسدودة واردنا نعمل عملية له لكن كان ضغطه يرتفع كونه معاه ضغط

 

وكانت تتأجل الى ان مل ولغى فكرة العملية كلها.

 

وكان نفسه " تنفسه" في الفترة الاخيرة يتعب فاخذناه وعملنا له فحوصات لنكتشف ان احدى الرئتين

 

مهترية ومسدودة بالكامل والمية متجمعة عليها دخلناه المستشفى وظلوا كل شوية يسحبوا له المية عن الرئة

 

لكن مايقدروا يسحبوها بشكل كامل لأن الرئة عنده تعبانة وماتسمح. كانت حالته سيئة جدا وكان بين الحياة والموت

 

كانوا اخواني وامي يبكوا وعايشين على اعصابهم خاصة ان الاطباء والجراحين خوفوهم وقالوا لهم

 

مافي امل يكمل الثلاث اشهر . حاولنا نعمل له جراحة مانفع لان حتى نعالج الرئة طلب اطباء الرئة علاج القلب قبل،

 

لانهم مايقدروا عمل شئ قبل علاج القلب ورحنا لاطباء القلب قالوا مانقدر نعمل شئ قبل علاج الرئة

 

وظلينا نركض يين الطرفين. حكينا مع مستشفيات اجنبية كمان نفس الشئ حطمونا .

 

سمعنا عن خبير اعشاب من جنسية عربية يعالج هالحالات وهو جاي من بلاد برة رحنا له قلنا عسى ولعل

 

طلب قبل كل شئ 9000 دولار ثمن العشبة قالوا اخواني ان هالعشبة تشفي ابونا ندفع واحنا مبسوطين

 

بس تشفيه . لكن سبحان ربي كشف هالشخص قبل لا ينصب عليهم وتبين انه مابفهم شئ وانه مجرد تاجر يتاجر

 

بأرواح البشر

 

ماخلينا لا مستشفيات ولا ادوية ولا اغذية ولا اي شئ نقدر عليه الا وعملناه لكن ماكان في اي تحسن وان تحسن

 

التنفس نرجع والدي للبيت ومايلحق يجلس يومين الا والسوائل كثرانة عالرئة نقوم نرجعه للمستشفى

 

وظل على حاله وجهاز الاكسجين والتبخير مابفارقوه وكل يوم رايح جاي يسحب سوائل بالمستشفى .

 

وطبعا كنا في ظروف واحوال نفسية سيئة وعلى اعصابنا من خوف لاقدر الله يصير له شئ

 

كنا انا وامي الله يرحمها مانفتر عن الدعاء وكذلك اخواني واختي

 

وبليلة مطرت السماء وانا متعودة ان وقعت بازمة اكثف الصلاة والدعاء والحمدلله ولا مرة ضاقت الا وربي فرجها

 

علي من

 

اوسع ابوابه. وكنت احب الدعاء كثير وخاصة تحت المطر كنت في الايام العادية اظل امشي تحت المطر وادعي

 

بكل شئ اتمناه. وفي هديك الليلة الماطرة ازحت الستارة عن الشباك وجلست اراقب المطر وادعي وهالحكي

 

قبل الفجر بساعة ونص تقريبا . وبعدها بدقائق لبست ملابس الصلاة وحملت سجادتي وخرجت للسطح اللي غرفتي

 

تطل عليه وجلست اصلي تحت المطر وادعي. والله اني بعمري ماارتحت مثل هاللحظة ولاعمره الدعاء

 

خرج من قلبي بمثل هالصدق والله ان قلبي كان يرتعش قبل جسدي وكان الجو جدا بارد وكنت منقعة بالمية

 

ويومها تعمدت ألبس صيفي تحت ملابس الصلاة لأنها اقل تشرب للمية من الملابس الشتوية

 

مع هالشئ والله ماحسيت بالبرد ابدا طول ما انا اصلي تحت المطر لكن سبحانه ربي اول مافتت لغرفتي

 

متت من البرد رغم انه الكوندشن كان شغال والدفاية شغالة لكن بردت فيها جدا اما تحت المطر ماحسيت بأي

 

برد.

 

من الاشياء اللي طلبتها من ربي انه ان كان والدي هيعيش ويتعافى يبعث لي علامة او بشرى

 

بدلت ملابسي ونمت وفي اليوم الثاني صحيت بس ماشفت اي رؤية وماخبرت احد بهالشئ.

 

لكن الظهر قالت لي امي انها شافت بشرى لي بمنامها وانه جتني عطية هي عبارة عن هديتين.

 

بس قالت لي هالمنام جلست ابكي وقلت لأمي اللي صار وخبرتها ان الاشياء اللي رأتها الله يرحمها هي البشرى

 

اللي ارسلها رب العالمين لي.

 

والحمد لله الان تحسن والدي كثيرا وخرج من المستشفى وما عاد يستخدم اجهزة الاكسجين والتبخير.

 

حتى الاطباء اللي عالجوه تعجبوا من التحسن اللي طرأ على حالته واكيد الفضل وحده لرب العالمين

 

وان شاء الله ربي يعافي والدي تماما .

 

والله يا اختي وعن تجارب كثيرة جدا والله ربنا مايخيب رجاء ودعاء احد فهو الرحمن الرحيم سميع الدعاء

 

والله ما استصعب علي امر الا ووجدت علاجه في سجدة ابكي فيها بصدق بين يدي رب العالمين

 

وكثير كثير انسدت امور بوجهي والله وربي الشاهد على ما اقول اني كنت احس بفرح وبقرب فرجها وانا ساجدة لله

 

ادعيه وارجوه ووالله كانت تفرج بسرعة ومن حيث لا احتسب.

 

ظلمتني مرة واحدة ظلم مؤلم جدا وقست علي جدا وانغرت بنفسها جدا ومن شدة قهري دعيت عليها

 

مع اني والله عمري مادعيت على احد غير اعداء الاسلام والمسلمين لكن يومها ظلمتني ظلم شنيع قهرني جدا

 

فدعيت عليها

 

لكن والله رجعت استخطيت نفسي ودعيت ان ربي مايضرها ومايستجيب لدعائي عليها وان يسخرها لي

 

وسبحان ربي مبدل الأنفس بعدها بأيام لقيتها متغيرة كليا معي ولقيتها حريصة علي وعم تبذل كل مابوسعها حتى

 

تفتح الابواب اللي تسببت هالانسانة في سدها بوجهي .

 

قلت سبحان الله وللان اقول سبحان الله ولو ظل لساني طول الدهر يرددها والله مايوفيه حقه

 

سبحانه ما اكرمه وما ارحمه .

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

أوجعتى قلبى والله وبكيت من أجلك

 

على فكرة أعرف واحدة بتمر بنفس ظروفك صحيح زوجها لم يتزوج ولكنه يهينها ويؤلمها جداً

 

مع إنه بيحبها أنا مش عارفة حب إيه ده مع الإهانه والذل ربنا ييسر حالها ويهديه لها ويرزقها الذرية

 

وربنا يثبت حملك ويتمه عليكى يارب ويقر عينيك بطفلك ويعوضك خير اللهم إستجب

شارك هذه المشاركه


رابط المشاركه
شارك

جـــــــــــــزاكم الله خيرا اخواتى الكريمات على ردودكم

 

وربنا يصلح احوالنا كلها وييسر لنا امورنا ويفرج همومنا وغمومنا

شارك هذه المشاركه


رابط المشاركه
شارك

السلام عليكم أختي (المسلمة)

ترددت في الدخول على الموضوع ,,, لاني لم اتعافي تماما من حزني والكرب الذي بي

فرحت لاجلك يا حبيبة وحبست دموعي عن البكاء حتى لا تغلبني فلا اتمالك التوقف ،، ولكن ما استطعت دموع حزن وفرح

اسأل الله ان يبثت حملك ويهبك الذرية الطيبة،، ولكل اللواتي يسألن الله الذرية كذلك \

إنه سميع مجيب

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

لله الحمد من قبل ومن بعد ولله ترجع الامور

والصبر مفتاح الفرج ولا ملجأ من الله الا اليه

فبوركت من امرأة صبورة اوكلت الامر لصاحب الامر عز وجل

وربنا عوضك خيرا في صبرك فبارك الله لك في زوجك ورزقك ذرية صالحة واتم لك حملك على خير وسهل لك

شارك هذه المشاركه


رابط المشاركه
شارك

السلام عليكم أختي (المسلمة)

ترددت في الدخول على الموضوع ,,, لاني لم اتعافي تماما من حزني والكرب الذي بي

فرحت لاجلك يا حبيبة وحبست دموعي عن البكاء حتى لا تغلبني فلا اتمالك التوقف ،، ولكن ما استطعت دموع حزن وفرح

اسأل الله ان يبثت حملك ويهبك الذرية الطيبة،، ولكل اللواتي يسألن الله الذرية كذلك \

إنه سميع مجيب

 

ربنا يفرج همومنا وغمومنا لا تياسى يااختى من روح الله

 

ولا تقنطى والله والله كنت دايما بذكر نفسى بالفرج بعد الشده وبالرخاء بعد الضراء

 

لسه امى كانت بتقولى امبارح فاكره لما كنت بعيط وكنتى تقولى لى بكره ياماما هبقى كويسه بكره ياماما هبقى احسن الناس

 

وربنا هيرزقنى والله واحده مره بتقولى لو الخلف خير ليكى ربنا يرزقك ومتزعليش وكله باامره خلفتى خلفتى مخلفتيش مخلفتيش

 

فقلت له واللـــــــــه ربنا هيرزقنى بالذريه الصالحه الست استغربت جداااااااا فقلت لها لازم نحسن الظن بالله

 

وربنا يهدينا جميعا ويصلح لنا امورنا

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

لله الحمد من قبل ومن بعد ولله ترجع الامور

والصبر مفتاح الفرج ولا ملجأ من الله الا اليه

فبوركت من امرأة صبورة اوكلت الامر لصاحب الامر عز وجل

وربنا عوضك خيرا في صبرك فبارك الله لك في زوجك ورزقك ذرية صالحة واتم لك حملك على خير وسهل لك

 

اللهم امييييييييييين

 

جزاكى الله خيرا اختى الفاضله

شارك هذه المشاركه


رابط المشاركه
شارك

الحمدلله حبيبتى والله ان عيونى ادمعت لكلماتك

اسال الله العظيم ان يهدى ازواجنا جميعا

ربنا يثبتلك حملك ويرزقك الخير حيثما كان

شارك هذه المشاركه


رابط المشاركه
شارك

ربنا يهدى سرك والله دمعتينى من صدق الكلمات ربى ييسرك الحال وتجبلنا احلى نونو فى الدنيا وان شاء الله يكون تواءم وربنا يعوضك خير على الى فات الصبر ثمااارة جميله باذن الله

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

يا حبيبتي يعلم الله كم اثرت فيني قصتك وكأن الله يعلمني درس من دروس الصبر

 

اسأل الله العلي العظيم ان يثبت حملك وييسر لك زوجك ويرزقك الذريه الصالحه التي تنفع المسلمين والمسلمات

 

ادعيلي والله محتاجه الدعاء ...... الله يرزقني الصبر مثل ما رزقك لان الصبر سبحان الله قليل ما تجديه هذه الايام

جعلك الله من المقبولين ومن المقربين و يسر الله امرك واسعدك في الدارين

 

يشهد الله اني احببتك بالله

 

لا تنسيني من الدعاء

شارك هذه المشاركه


رابط المشاركه
شارك

السلام عليكم ورحمة الله وبركاته،،

معقوووووووول؟

انا مش مصدقة يامسلمة

تم تعديل بواسطة محبة النبي عليه الصلاة والسلام

شارك هذه المشاركه


رابط المشاركه
شارك

الحمدلله حبيبتى والله ان عيونى ادمعت لكلماتك

اسال الله العظيم ان يهدى ازواجنا جميعا

ربنا يثبتلك حملك ويرزقك الخير حيثما كان

 

اللهم امين

 

جزاكى الله خيرا اختى ربنا ييسر لنا الامور ويهدى لنا ازواجنا ويجعلهم قرة عين لنا

شارك هذه المشاركه


رابط المشاركه
شارك
ربنا يهدى سرك والله دمعتينى من صدق الكلمات ربى ييسرك الحال وتجبلنا احلى نونو فى الدنيا وان شاء الله يكون تواءم وربنا يعوضك خير على الى فات الصبر ثمااارة جميله باذن الله

 

ربنا يجعلنا جميعا من الصابرين المحتسبين انه على كل شىء قدير

 

والحمد لله من رحمة ربنا بينا انه جعل لينا مع العسر يسر هو ممكن اليسر يتاخر بس مش بيضيع وبياتى

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

يا حبيبتي يعلم الله كم اثرت فيني قصتك وكأن الله يعلمني درس من دروس الصبر

 

اسأل الله العلي العظيم ان يثبت حملك وييسر لك زوجك ويرزقك الذريه الصالحه التي تنفع المسلمين والمسلمات

 

ادعيلي والله محتاجه الدعاء ...... الله يرزقني الصبر مثل ما رزقك لان الصبر سبحان الله قليل ما تجديه هذه الايام

جعلك الله من المقبولين ومن المقربين و يسر الله امرك واسعدك في الدارين

 

يشهد الله اني احببتك بالله

 

لا تنسيني من الدعاء

 

يارب يصلح حالى وحالك وحال كل المسلمين

 

واحنا وقت البلاء ملناش غير الصبر

 

بالله عليكى لو جزعنا وسخطنا وقنطنا هل البلاء هيترفع بتاكيد لاء بل ممكن يزيد كمان وكمان

 

فلازم نصبر فى البلاء حتى نؤجر وربنا يرفع عنا البلاء والوباء

شارك هذه المشاركه


رابط المشاركه
شارك
السلام عليكم ورحمة الله وبركاته،،

معقوووووووول؟

انا مش مصدقة يامسلمة

 

انتى عارفاااااااااااااااانى ؟؟؟؟؟؟؟؟؟

:laugh:

شارك هذه المشاركه


رابط المشاركه
شارك
وعليكم السلام ورحمة الله وبركاته

 

سبحان الله

 

إن مع العسر يُسرا

 

ولسوف يُعطيك ربُك فترضى

 

سورة الانعام رائعة وكُل سور القرآن فهو دواء للقلوب

 

{وَنُنَزِّلُ مِنَ اَلْقُرْءَانِ مَا هُوَ شِفَاءٌ وَرَحْمَةٌ لِلْمُومِنِينَ وَلاَ يَزِيدُ الظَّالِمِينَ إِلاَّ خَسَارًا}

 

وتستوقفني أيات سورة الانعام وخاصة

 

{ وَإِنْ يَمْسَسْكَ اللَّهُ بِضُرٍّ فَلَا كَاشِفَ لَهُ إِلَّا هُوَ وَإِنْ يَمْسَسْكَ بِخَيْرٍ فَهُوَ عَلَى كُلِّ شَيْءٍ قَدِيرٌ}.

 

وسبحان الله هناك من حينما يقع في ضائقة ينسى نعم الله عليه ويتسخط ولاحول ولاقوة الابالله

 

ولايعلمون أن الله يبتلي ليرى الصابرين فيُعطيهم

 

{ وَبَشِّرِ الصَّابِرِينَ الَّذِينَ إِذَا أَصَابَتْهُم مُّصِيبَةٌ قَالُواْ إِنَّا لِلّهِ وَإِنَّـا إِلَيْهِ رَاجِعونَ}

 

أسال الله أن يُثبت حملكِ وأن يرزقكِ الله الذرية الصالحة المُعافاة

 

وأن يُسعدكِ ويوفقكِ لكل خير

 

اللهم إنا نسألك الصبر على البلاء اللهم ارزقنا قلوباً خاشعة وأعيناً دامعة وألسناً ذاكرة وأجساداً على البلاء صابرة.

شارك هذه المشاركه


رابط المشاركه
شارك
السلام عليكم ورحمة الله وبركاته،،

معقوووووووول؟

انا مش مصدقة يامسلمة

 

انتى عارفاااااااااااااااانى ؟؟؟؟؟؟؟؟؟

:roll:

 

انتى مين بقىىىى حاسه انك عرفانى ؟؟؟؟؟؟؟

 

بالله عليكى قولى اختى انتى ميييييييييييييين

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×