صفحة تطبيقات الاخوات فى ☀ ☀دوره الطبخ العبقرية لكل انثى ذكية☀ ☀

[مسلمة مجاهدة 353]

تطبيقات جميلة جدااااا جداااا وشهية اللهم بارك

 

بوركتن يا حبيبات

 

بجد أثبتن جدارتكن وهمتكن ^___^

 

[عزتي نقابي 1]

ههههههههههههههههههههههههههههه

ضحكتيني والله

انت منين بالظبط؟؟

قصدك انا؟

انا من بلدكو

انت مش واخده بالك ولا ايه

وبعدين هي الطماطم غاليه ف حته غير مصر ولا ايه؟؟

[زهرة نسرين 246]

الطماطم غالية في كل مكان على ما اظن

صاحبة القلب الطيب

اعذريني لم اطبق هذا الاسبوع اي من المحاشي

لكن اعدك ان اكتب التقرير اول ما اعملهم

اعذريني

[~ماريا~ 1340]

ههههههههههههههههههههههههههههه

ضحكتيني والله

انت منين بالظبط؟؟

قصدك انا؟

انا من بلدكو

انت مش واخده بالك ولا ايه

وبعدين هي الطماطم غاليه ف حته غير مصر ولا ايه؟؟

 

ههههههههههههههههههههههههه

 

منا عارفه انك من مصر

 

منين من مصر من اي محافظه اقصد

 

اه والله والعه نار ويا ريت علي كدا حلوه

[صاحبه القلب الطيب 12]

تطبيقات رااائعه اللهم بارك

 

لى عودة ان شاء الرحمن

 

بارك الله فى كل اخت وضعت طبق فى صفحتنا

 

ماريا الدرس الجديد موجود بدرس المحاشى فى المشاركات 46 و65 و66 تقريبا

 

اذهبى اليه ووفينا بالاخبار

[عزتي نقابي 1]

ههههههههههههههههههههههههه

 

منا عارفه انك من مصر

 

منين من مصر من اي محافظه اقصد

 

اه والله والعه نار ويا ريت علي كدا حلوه

 

من دمياط

بس حاسبي صاحبة القلب الطيب تشوفنا واحنا قاعدين نرغي كدا

ممكن تشيلنا من قفانا ترمينا بره :laugh:

[~ماريا~ 1340]

انجي

علم يا فندم سوف نوافيك بالاخبار

 

عزتي نقابي

يا اهلا انا كمان من دمياط هههههههههههه

[ام زينة و ميسان 13]

السلام عليكــم ورحمـة الله وبركاتــة ،،

حياك الله أم حبيبة طبقت اليوم للمكرونة كنت أنوي عمل المكرونة النجريسكو لكن لظروف الإمتحانات وجدت إني لن أخرج لذا قمت بعمل مكرونة بالصلصة البيضاء و كانت هذه رائعة حقا

قمت بعملها بطريقتك بالحرف فجاءت حلوة و عجبتنا جدا لأني أول مرة أعملها و هذه هي الصور

 

كذلك أخذت جزء من المكرونة البيضاء التي سخنتها مع بعض الزيت و بعد ذلك أضفت ملح و فلفل و عملت صلصة لها

لكنها مختلفة عن الطريقة المذكورة

أولا قطعت بصلة و شوحتها بالزيت حتى أصفرت و أضفت لها قطع فلفل أخضر و ممكن إضافة فلفل ألوان أيضا ثم قلبت جيدا حتى بدأ الفلفل يذبل فوضعت ملعقتين صلصة طماطم و كوب ماء و مكعبين مرقة دجاج و تركتها تتسيك قلقلا و عند التقديم نسخنها و نسخن المكرونة و نضيفهم على بعض

و أحتجزت بعض من المكرونة البيضاء لأقدم غدا المكرونة بالتونة بإذن الله

[~ماريا~ 1340]

تسلم ايدك ام زييينه

 

بس ايه نوع المكرونه الي انت استعملتيها رفيعه جدااااا وبيضه جداااااااااااااااااااااااااااااااااا

[امة الله حنان 0]

]السلام عليكــم ورحمـة الله وبركاتــة ،،

 

ازيكم يا اشطر طباخات ما شاء الله الدرس حلو جدا

 

وسبحان الله انا عملت مكرونه بالبشاميل يوم الجمعه وصورتها مش عارفه ليه بس حبيت اشوف صورتها هتطلع حلوة ولا لا وقلت خليه احتياطى يمكن نعمل مكرونه فى من الايام

 

واليكم الصورة ويا رب تطلع حلوة

 

 

ما شاء الله تطبيق ام ميسان رائع

[ام زينة و ميسان 13]

أعز أوي تشجيع الأخوات

جزاك الله خيرا ماريا الحبيبة المكرونة دي شعرية لأني ساعتها لم يكن عندي سواها لكني أحب أكلها هكذا لأنها تكون أخف من الإسباجيتي ......ياريت تعجب أم حبيبة

أخت أمة الله حنان كلك ذوق فعلا و تطبيقك شكله لذيذ بالهنا و الشفا حبيبتي

[صاحبه القلب الطيب 12]

ياسلام على الروائع

 

تحفه ياام زينه

 

والحبيبه حنان

 

بجد جميل جداا

 

فتحتوا نفسنا

 

ربنا يعطينا الوقت ونرد على الجميع

[صاحبه القلب الطيب 12]

السلام عليكــم ورحمـة الله وبركاتــة ،،

طبقت اليوم للمحشي إشتريت اللوازم و أنا راجعة من العمل ووقفت للساعة5 من أجل عيون أخواتي العزيزات و أم حبيبة و هذه كانت النتيجة

اتبعت وصفة الخلطة بالضبط و فعلا ظبطت معايا لأول مرة جزاك الله خيرا

 

والله تعبك على دماغى حبيبتى ..وانا عرفه تعب يوم المحشى :tongue:

بس بصراحة النتيجة تستاهل

وطلع جميل اهو اللهم بارك

 

والحمد لله ان الخلطة طلعت تمام ..هى فعلا مظبوطة جدااااااااا

وبتطلع تحففففففففة

 

واضيفى عليها شئ عرفته قريبا يعطى طعم جنان

انك تبشرى بصله كبيرة وتضيفها على الخلطة بعدما تخلصيها من غير تشويح بتطلع مش عاوزه اقولك تحففففففة

 

تسلم الايادى ياغاليه

ويسعدنى جدااا همتك :icon17:

[صاحبه القلب الطيب 12]

ياسيدى ياسيدى على الجمال والحلاوه

ايه يابنتى الجمال ده

ونقول وحش وحش ايه بس !

 

تحففففففففففففففففففففففة

 

تسلم ايدكى .ممكن واحد

بموت فى الممبار على فكرة

 

الله يجبر بخاطرك ده كنت بقول دى اخر مرة

وبعد كده هطبق من غير ما اصور

بس خلاص بعد كده هصور كل حاجه حتى البيض المسلوق :icon17:

والف شكر على الصورة والتوقيع ربنا يبارك فيك اسعدتنى كثيرا

 

اما عن الممبار فاتفضلى الطبق كله ولو انه خلص ولم يتبقى ولا رزايه

بس ولا يهمك اعملك غيره

تسلمى يا غاليه

 

لا والله مش جبر خواطر ولا حاجة بالعكس طبقك جميل

 

ومتفكرنيش بالبيض بأه ههههههه

 

وتسلمى حبيبتى كلك زوووق ..الف هنا

 

وطبعا بانتظاررررررررر كل تطبيقاتك :tongue:

[صاحبه القلب الطيب 12]

السلام عليكــم ورحمـة الله وبركاتــة ،،

بســم الله الـرحمــن الرحيــم

على فكرة يا جماعة انا طبقت يومين ورا بعض ومنمتش غير ساعتين عشان خاطر عيونكم وعيون المحشى

اول حاجة عملتها حضرت الخلطة زى ما صحوب حبيبة قلبى ما قالت بس انا نسيت اصورها

بعد كدة فصلت الرنب وسلقته

واورت الكوسة والباذنجان وقشرت البصل ووضعته فى ماء مغلى

ونظفت الخرشوف

قعدت احشى زى ما فى الصورة

وعملت جنبها لحمة كباب حلة والحلو كستر بالشكولاتة عمايل ادية وحياة عنيه

 

ياسلام ياسلام

 

واضح تعبك جددددددددددا ..اللهم بارك وعندما تحتسيبن النيه وترين السعاده على من حولك يزول كل التعب

 

صراحة مجدة وما شاء الله كزا نوع من المحشى تمام

وما قلتى كيف كانت اخبار محشى البصل ؟؟؟؟

 

وياريت تقولى لنا طريقه الخرشوف بالتفصيل

 

وشكل كباب الحله برضو جميل جدا

برضو عاوزين الطريقه اكيييييييييييد

 

لا تنسينا بانتظارك

وصحتين وهنا على قلوبكم حبيبتى

[صاحبه القلب الطيب 12]

الحبيبات

 

عزتى نقابى

 

ماشى حبيبتى ونص البلد ييييييييييا شكلكوا عمركم ما هتعملوا محشى

 

هههههههه ..وفعلا الطماطم غاليه بس هنعمل ايه لازم نجبها كل الاكل يدخل فيه الطماطم

 

بانتظار طبق المحشى بتاعك بس يارب نلحقه ليتاكل فى بلدكم قبل ما تصوريه

 

نسرين ام زهرة

 

ماشى حبيبتى هل انتى مصريه ؟اظنك من الجزائر

عندما تسنح لكى الظروف ننتظر التطبيق

يسر الله امرك

[قطر الندى2 1]

السلام عليكم ورحمة الله وبركاته

أولا أوجه شكري الى صاحبة القلب الطيب على هذا الدرس الطيب كما هو معهود

وأعتذر عن التطبيق السابق الذي سأحاول تطبيقه في وقت لاحق ان شاء الله حتى ولو بعد انتهاء الدورة لانني سوف أستأذن عن المشاركة وأتابع من بعيد فقط لان الظرف الذي طرأ علي يجب أن أتفرغ له وهو الامتحانات والتحضير لها وفقني الله واياكم

وبالنسبة لهذا الدرس فقد تمكنت بعون الله من تطبيق صينية المكرونة بالبشاميل حيث قمت بالخطوات نفسها الا أنني استعملت المكرونة الصغيرة وفي اللحمة المفرومة لم أضف الفلفل أما عن البهارات فقد اكتفيت بالفلفل الاسمر والقرفة أما عن البشاميل فقد استعملت الزبدة بدل الزيت والجبن بدل الماجي(لعدم توفره في البيت وأيضا لانستعمله عادة)وفي الشكل النهائي كانت طبقة البشاميل الافقية غير سميكة لكن في المرة القادمة ان شاء الله سأجعلها أكثر سمكا

أما عن مذاقها فكما وصفتيها اللهم بارك فعلا لذيذة .

أعتذر عن الاطالة فأنا أضطر لذلك لعدم تمكني من وضع تطبيقي بالصور فأضطر لتقريب الصورة بالكتابة.

جزاك الله على ماتقدمينه خير الجزاء وجعله في ميزان حسناتك

بارك الله فيك.

[omsagda 4]

السلام عليكم ورحمة الله وبركاته،، كيف حالك إن شاء الله دائمــاً بخير ؟ محشى البصل كان روعهههههههههههههههههههههههههه كانت حماتى عملته لى مرة بس بطرقه تانيه بس الطرقه دى احلى اما بقى محشى الخرشوف فده سهل اوى اول حاجة تنظفى لخرشوف لغاية قلبه وتشيلى الشوك بالمعلقة تكونى بقى معصجة لحمه تضعى على الخرشوف ممكن تضعى عليه صلصة او بشاميل وبالهنا والشفى

[ساره أم حمزه 1040]

السلام عليكم

ام حبيبه الحمد لله امبارح كنت بجرب المكرونه

لكن امى كانت نايمه ساعتها فانا لغبطت شويه

جبت حله وملتها ميه كتير طبعا ههههه وحطيت ملعقه صغيره ملح

و3 ملاعق صغيرة زيت والمقدار من تأليفى

وولعت النار ومن غير ماأغطى الحله وغيبت كتير مغلتش كل شويه اروح ابص مغلتش

رحت خدت الحله وكبيت منها فى الحوض شويه وحطيتها تانى

امى صحت الحمد لله وقلتلها راحت قالتلى انتى مش مغطياها ، غطيها عشان تغلى

انتى حطاها ع العين الصغيرة حطيها ع الكبيرة

فعملت كده وغلت الحمد لله قالتلى بعد كده اقلل الميه لانها طلعت كتير

حطيت المكرونه وقلبت ولما اتعملت

حطيت حلة من غير ماغسلها فى الحوض عشان بس اسند فوقها المصفى واصفى المكرونه

ففضيت المكرونه وفاتحه الحنفيه فالحله اللى تحت المصفى اتملت ميه وطلعت ع المكرونه الميه دى

رحت فضيت الميه وغسلت المكرونه بسرعه وقلتش لأمى ع اللى حصل ده

وبعدين لاقيت مفيش بصل ولا ثوم ، وانا اصلا مُحبطه وانا بعمل حاسه انها مش هطلع حلوة

فحطيتها فى الثلاجه لان الوقت اتأخر ولان عايزاهم يجبولى بصل وثوم الاول إن شاء الله

[امة الله حنان 0]

ما شاء الله عليكى يا سارة ده انتى شاطرة خااااااااااالص

انا كنت داخله انام وبعدين قريت اللى كتبتيه وقلت لا ده انا لازم ادخل واهنيكى على التقدم الباهر هذا :biggrin: :tongue: :-

اضحك الله سنك يا غاليه

انا راى متقوليش لماما على حاجه خالص وكمان خبى المكرونه عشان تختفى اثار الجريمه

وربنا يباركلك فى الغاليه والدتك اول ما تصحى تعملها هى وابقى حوشيلى طبق

بس اوعى تضحكى على وتجبيلى اللى فى الثلاجه انا شايفاكى :sad:

[المتفائلة (ريفيّة) 979]

السلام عليكــم ورحمـة الله وبركاتــة ،،

 

ماشاء الله

تطبيقات الاخوات جدااا رائعة

والحمد لله إمبارح عملت المكرونة بالشاميل وهاهي صور التطبيق الخاصة بالمكرونة والمحشي

 

المحشي أنا عملت الخلطة بس أضفت له شوية فلفل حلو وشوية جمبري وطلعت لذيذ

وطبختها في الحلة والحمد لله النتيجة نوعا ما جيدة بس مازلت مبتدئة في المحشي لأني أول مرة أعمله

وعملت محشي باذنجان وكوسة وفلفل

هذه الصورتين

 

هذه وهو في القدر يطبخ

 

 

 

وهذه صور تطبيق المكرونة بالشاميل وأضفت للصلصة فلفل حلو وقمت بخلط الصلصة مع المكرونة

 

 

 

 

 

 

وهذه عملتها من فترة

 

 

 

ولم أضع البيضة فوق البشاميل فقط إكتفيت بالبشاميل

 

 

واتمنى التطبيق يكون جيد

[~ماريا~ 1340]

ساره

هههههههههههههههههههههههه

اضحك الله سنك

ايه يا بنتي الشطاره دي

الله يعين والدتك يلا اتعلمي فيها قبل ما تتجوزي

ههههههههههههههههههه

ربي يباركلك فيها

المتفائله

ما شالله عليك يا قمر شكل الاكل جميل جدااااا

تسلم الايادي

[omjana 6]

بسم الله الرحمن الرحيم

السلام عليكم ورحمة الله وبركاته،،

 

 

الغالية صاحبة القلب الطيب كيف حالك ؟

 

 

بالنسبة لدرس المحاشى انا مطبقتش حاجة قريب لكن من حوالى اسبوعين عملنا انا ووالدلدتى محشى كرنب وورق عنب وكوسة

 

طبعا سلقنا الكرنب وقطعنا وسلقنا ورق العنب وتم تأوير الكوسة

 

الخلطة كانت

 

صفرنا بصلة ثم وضعنا الصلصة حتى التسبيك وعليها التوابل ملح كمون شطة قليل عشان الاطفال

 

وصراحة احنا مبنحطش ثوم عشان الشيف قال بيعمل ريحة للمحاشى شوية

 

وخرطت الخضرة شبت وبقدونش وكسبرة

 

ووضعنها عالتسبيكة

 

ثم تم الحشو

 

 

 

معلش هو فين درس المكررونة ؟

 

 

 

جزاكم الله خيرا

تم تعديل 3 مايو, 2011 بواسطة omjana

[عزتي نقابي 1]

ماشى حبيبتى ونص البلد ييييييييييا شكلكوا عمركم ما هتعملوا محشى

 

هههههههه ..وفعلا الطماطم غاليه بس هنعمل ايه لازم نجبها كل الاكل يدخل فيه الطماطم

 

بانتظار طبق المحشى بتاعك بس يارب نلحقه ليتاكل فى بلدكم قبل ما تصوريه

 

ههههههه

لا طبعا ابي بيشتريلنا طماطم بس غير مسموح باستخدامها غير في السلاطه

هههههه

 

المهم نيجي للمكرونه

طبعا لو عملت مكرونه بالبشامل مش هسيب ولا حته وهزيد 10 كيلو مثلا لكن مش مشكله لازم التزم بالدوره

لان مش بيبقي عندنا لبن دايما انا بعملها بشوربه وبتتطلع اخف بكتيييييير مش قوامها اللي خفيف لا بتكون خفيفه علي المعده بس لما بيبقي عندنا لبن بعملها وبتبقي تحفه

-مكرونه اقلام مسلوقه

 

2-لحمه مفرومه معصجه

نص ك لحمه مفرومه - بصله متوسطه مفريه -زيت مع سمن -بهارت -طماطم وفلفل حسب الرغبه

 

3-باشميل

 

كوب دقيق تقريبا 7 ملاعق كبيرة..ليتر من الحليب اي تقريبا اربع اكواب..مكعبين ماجي و زبدة..ملح و فلفل اسود

 

تقريبا هي نفس المقادير والطريقه بس بضيف للحمه قرفه وبستخدم بس الزيت بدون زبده او سمن

[صاحبه القلب الطيب 12]

ملف المكرونه ياغاليات هنا

المكرونه فى المشاركات 60 و61 و62و63