صفحة تطبيقات الاخوات فى ☀ ☀دوره الطبخ العبقرية لكل انثى ذكية☀ ☀

[صاحبه القلب الطيب 12]

ايه ياماريا

 

الجمال ده كله

 

ما شاء الله

استاذة اللهم بارك

صور واضحة وشهيه وشكلها يفتح النفس

 

تعرفى انا مع انى ماليش اووى فى الجمبرى وكده

بس ممكن لو معاكى كنت اكلت منهم هههههههههه

 

بجد جميييييييييييييله

 

تسلم الايادى ياغالية

[صاحبه القلب الطيب 12]

سارة محمد

 

معلش ياغاليه

ردك مكنتش شايفه خالص بس انتبهت له الان

 

 

ما شاء الله شطوورة وايوا كدة

بدئتى تعملى حاجات جامده كده على طول

 

محشى بصل وبطاطس بيوريه

الف هنا وبانتظار لسان العصفور سهل خااالص

 

وطبقى بأه محشى كرمب وحاجات صعبه كده

[ام زينة و ميسان 13]

السلام عليكــم ورحمـة الله وبركاتــة ،،

ما شاء الله أخت ماريا إبداع حقا سلمت يداك يا غالية

أخت أم حبيبة طبقت لدرس الأكلات المتنوعة و الدجاج عملت لسان العصفور كما بالوصفة لكن نشفت المرق شوية لأننا نحبها هكذا

كذلك عملت الدجاج على الطريقة الفلبينية لأنني من عشاق الدجاج لذا أبحث دائما عن الجديد بالوصفات لأنوع بها و بالتالي الوصفات الطيبة للأخوات لم أتوانى أن أجربها فأحببت أن أضيف هذه الوصفة لتعم الفائدة

الدجاج الفلبيني

=========

تقطع الدجاجة لثمانية أجزاء و ينزع الجلد تماما ثم تغسل جيدا

يشوح بعض الثوم المفري ببعض الزيت ثم نضيف الدجاج و يشوح هو الآخر حتى يتغير لونه ثم نضيف الملح و الفلفل و الصويا صوص و نهدئ النار عليه و نقلبه من الحين للآخر

هذه الطريقة سريعة جدا و شهية حقا أترككم مع الصور

[~ماريا~ 1340]

انجي

ههههههههههههههههههههه

بصي انت لو قعدتي معايا ممكن مش تحبيه بس تاكليه بقشره كمان

ههههههههههههههههههههه

انا مدمنه يا بنتي جمبري

 

ام زينه

ما شاء الله

تطبيقك ممتاز

انا بيعجبني اكلاتك اصلا كتير

[ساره أم حمزه 1040]

سارة محمد

 

معلش ياغاليه

ردك مكنتش شايفه خالص بس انتبهت له الان

 

 

ما شاء الله شطوورة وايوا كدة

بدئتى تعملى حاجات جامده كده على طول

 

محشى بصل وبطاطس بيوريه

الف هنا وبانتظار لسان العصفور سهل خااالص

 

وطبقى بأه محشى كرمب وحاجات صعبه كده

طيب الحمد لله انك شفتيه

الله يكرمك جزاك الله خيرا ( :

ماشى إن شاء الله

انا لما نخلص الدورة خالص إن شاء الله هبدأ اطبق حجات تانيه مكنتش عملتها

واعمل اللى عملته تانى إن شاء الله

لانى لازم اعملهم كذا مره عشان اتعود إن شاء الله

[ام زينة و ميسان 13]

السلام عليكــم ورحمـة الله وبركاتــة ،،

طبقت اليوم لطبق شاورما اللحم و كانت رائعة و ها هي الصور

[~ماريا~ 1340]

ما شاء الله عليك ام زينه

تسلم الايادي والله

انا معزووومه صح

[omsagda 4]

السلام عليكــم ورحمـة الله وبركاتــة ،،

انا جيييييييييييييييييييت

انا اسفة يا جماعة على التاخير اصلى النت كان فاصل وكمان انا بنفض البيت ادعو لى انى اخلصه

بس انا مسكتش عملت تطبيق الصوانى وكمان الخضار و الاكلات المنوعه وفضلى السمك

اة قبل منسى شكرا جدااااااااااااااااااااااااااااااااااااااعلى الوسام انا مكنتش متوقعة لما اختى قلت لية وفرحت قوىىىىىىىىىىىىى

انا نسيت اصور لانى كنت مشغولة بالتنفيض

تعالوا نشتغل بجد

تطبيق الصوانى اما انا عملت برام ارز معمر وكمان طاجن تورلى

الارز المعمر

غسلت2ك ارزوبعد كدة وضعت ك لبن وك ماء وملح وفلفل اسود ونسيت ووضعت ملعقة سمن كبيرة من الاول وكنت مسخنة الفرن ووضعتة فى الفرن حتى تشرب اللبن وبعد كدة رفعتة لمستوى اعلى عشان يتحمر ويعمل وش وكان جنان تحفة

كمان عملت معه تورلى

قطعت فصوليا خضراء مع بسلة وجزر وبطاطس وبصل ووضعت ملح وفلفل اسود وشوربة وملعقة صلصة ونص اللحمة

ودخلت الفرن كان ساعتها الارز استوى

جوزى قاعد يدعلكم ويقولى انت مكنتيش كدة هو فى اية اللى جرى ليك؟

اما تطبيق الخضار

انا عملت بسلة بالجزر والحمة

كان عندى بسلة وجزر فضلين من التورلى

بش مستوين يعنى

هههههههههههههههههههه

شوحت البصلة وبعد كدة وضع الصلصة وملح وفلفل اسودوسبتها تتسبك وبعد كدة وضعت البسلة والجزر

وعملت معاهم ارز ابيض وشوربة لسان عصفور

انا انهاردة عملت حواوشى اسكندرانى

العجينة

2ك دقيق

1\2ك خميرة بس بعد مخمرت

الماء حسب الحاجة

1\2ملعقة ملح وعجنت

وسبتها حتى متخمر

وبعد كدة عملتها كور صغيرة وسبت العجينة تريح

فى الوقت دة عملت الحشو

لحمة مفرومة \بصل مشور \بقدونس

وكمان سدق \طماطم\جبنة رومى

بعد كدةفردت العجينة وحطيت الحشو وقفلت الرغيف

وسبها تريح عقبال مالفرن يسخن

وبعد كدة وضعتة فى الفرن

وسبته حتى الجناب محمرت وبعد كدة شغلت الشواية

عشان يحمر الوش

على فكرة

العجينة عملت 8 ارغفة

وبالهنا والشفا

وجوزى بيدعلكم قوىىىىىىىىىىىىىىىىىى

[ام زينة و ميسان 13]

أخت ماريا جزاك الله خيرا و طبعا أنتي و الأخوات كلهم معزومين بالهنا و الشفا

أخت صاحبة القلب الطيب

بالنسبة لدرس الأسماك كنت قد ملحت سردين و عند الفتح عليه سآتيك بالصور أما بالنسبة للتطبيق الآخر فأسألك أن تمهليني بعض الوقت لأننا أكلنا سمك كثيرا الإسبوع الماضي (بوري مشوي و بلطي مقلي )لذا لن أقوم بعمله هذا الإسبوع على الأقل في آخره و عندما أطبق سآتيك بالصور يا غالية

لكن أنوي عمل المكرونة النجريسكو هذا الإسبوع لأنها معلقه معايا خالص و لما أعملها سأنزلها هنا بإذن الله

جزاك الله خيرا يا غالية و بارك لك في وقتك (قلقت عليك حقا لعدم دخولك لعل مانعك خير)

[صاحبه القلب الطيب 12]

ما شاء الله

 

ام زنيه

 

ام سجدة

 

لى عودة ان شاء الله

[~ماريا~ 1340]

انا عملت كشري مصري

سلقت المكرونه لوحدها وبعدين عملت التسبيكه وهي عباره عن اني حمرت بصله وحطيت عليها الطماطم وسبتها تتسبك وبعدين حطين ملح وفلفل اسود

وبعدين جبت العدس وسلقته نص سلق ثم ضفت اليه الرز وتركته وبعدين حمرت شويه شعريه وضفتهم للعدس والرز وتركتهم لما يستوي

 

وجبت بصل مفروم وحمرته في الزيت واخدت زيت البصل حطيته علي الكشري

بيبقي جميل جدااااااااااااااااااااااااا بزيت البصل

 

 

ان شاء الله يوم الثلاثاء

احط تطبيق السمك المقلي ورز الصيديه

[~ماريا~ 1340]

دا تطبيقي للرز بالخضروات

الطريقه لااخت لنا اسمها ام بدور

 

وهي عباره عن انك بتحطي شويه زيت وتضيفي الماء وفيه كمون وقرفه عيدان وقرنفل وبعد ما الماء يغلي نضيف 2 مكعب ماجي

ثم الرز والبسله والجزر وازا حبيبتي بطاطس

وتضيفي الملح

وتتركيه لما يستوي

[صاحبه القلب الطيب 12]

ام زينه وميسان

جميل تطبيقاتك دوما متميزة حبيبتى

 

واللشان العصفور والدجاج الفلبين جميل جدااااااااا

بس ياترا هل مع تشويح الدجاج فقط يستوى .؟؟؟؟؟؟؟؟؟؟؟؟؟؟؟؟

 

 

والشاورما يمم ..شكل السندوتيش يفتح النفس

تسلم ايدك

وفعلا رائعه تستحقى التميز

بالنسبة لدرس الأسماك كنت قد ملحت سردين و عند الفتح عليه سآتيك بالصور أما بالنسبة للتطبيق الآخر فأسألك أن تمهليني بعض الوقت لأننا أكلنا سمك كثيرا الإسبوع الماضي (بوري مشوي و بلطي مقلي )لذا لن أقوم بعمله هذا الإسبوع على الأقل في آخره و عندما أطبق سآتيك بالصور يا غالية

لكن أنوي عمل المكرونة النجريسكو هذا الإسبوع لأنها معلقه معايا خالص و لما أعملها سأنزلها هنا بإذن الله

جزاك الله خيرا يا غالية و بارك لك في وقتك (قلقت عليك حقا لعدم دخولك لعل مانعك خير)

 

ماشى حبيبتى وياسلام ياسلام سردين كمان ماشى بالانتظار

وفعلا انتى كنتى ناويه تعملى النجرسكو لكن كان فى ظروف ..بانتظارها ايضا

بارك الله فيكى

 

 

 

ماريا

بصي انت لو قعدتي معايا ممكن مش تحبيه بس تاكليه بقشره كمان

 

تعرفى انه فعلا بسببك كنا جايبن جمبرى من كام يوم (شوربه سى فود ) ولاول مرة استطعم اكل البحر ..تذكرتك حينها

 

 

وتطبيقك فى الكشرى المصرى والارز بالخضروات يمممممممممممم

 

تسلم ايدك

شطووره يازيزى

سارة محمد

انا لما نخلص الدورة خالص إن شاء الله هبدأ اطبق حجات تانيه مكنتش عملتها

واعمل اللى عملته تانى إن شاء الله

لانى لازم اعملهم كذا مره عشان اتعود إن شاء الله

 

شاطرة ياسارة

بالظبط كده ..لازم تجربى مرة واتنين وعشرة

 

 

 

ام سجدة

السلام عليكــم ورحمـة الله وبركاتــة ،،

انا جيييييييييييييييييييت

انا اسفة يا جماعة على التاخير اصلى النت كان فاصل وكمان انا بنفض البيت ادعو لى انى اخلصه

بس انا مسكتش عملت تطبيق الصوانى وكمان الخضار و الاكلات المنوعه وفضلى السمك

اة قبل منسى شكرا جدااااااااااااااااااااااااااااااااااااااعلى الوسام انا مكنتش متوقعة لما اختى قلت لية وفرحت قوىىىىىىىىىىىىى

انا نسيت اصور لانى كنت مشغولة بالتنفيض

تعالوا نشتغل بجد

 

اهلا بيكى حبيبتى وربنا معاكى بس يتنطفى البيت ولا بتغيرة مش فاهمة

المهم الوسام تستحقية وتطبيقاتك جميله جداا وكنا نريد صور لنمتع نظرنا

وبارك الله فى زوجك وفيكى وجعلكم قره اعين

 

بانتظارك جديدك

 

 

 

 

 

 

بارك الله فيكم

[~ماريا~ 1340]

تعرفى انه فعلا بسببك كنا جايبن جمبرى من كام يوم (شوربه سى فود ) ولاول مرة استطعم اكل البحر ..تذكرتك حينها

 

 

وتطبيقك فى الكشرى المصرى والارز بالخضروات يمممممممممممم

 

تسلم ايدك

شطووره يازيزى

هههههههههههههههههههههههههههه

بالف هنا

شفتي

انا كنت زيك في الاول مطقش حد يجبلي سيرته

الوقتي جوزي يقولي انا ايه الي خلاني احببك فيه

هههههههههههههههههههههههههه

[~ماريا~ 1340]

انا عملت تطبيق الكفته ومعاها مكرونه

 

الكفته

جبت لحمه مفرومه وبشرت بصله صغننه جدااا وشويه كسبره خضرا وملح وفلفل اسو وتوابل لحمه وكيس خلطه الكفته ونص كوب ماء وخلطتهم مع بعض

وصبعتها وحطيتها في الصينيه علي نار هادئه وبعد فتره قلبتها وسبتها تستوي وجبت فحم وولعته وحطيته في الصينيه

وبعد ان استوت حمرتها في الزيت

بتبقي تووووووووووووووحفه

 

 

ودا طبق مكرونه

[عبــاد الرحمن 165]

السلام عليكــم ورحمـة الله وبركاتــة ،،

 

تطبيقي لملف الارز :

 

عملت رز صيادية

 

بشرت بصلتين وحمرتهم في الزيت لغاية لما لونهم بقى احمر غامق وبعيدن حطيت كوبين ماء وملعقتين ملح صغيرين لغاية لما الماء غلي وغسلت الارز كويس ووضعته لما الماء غلي وربع ساعة وكان جاهز وكان مفلفل وطعمه حلو الحمد لله

 

ودي الصورة :

 

[عبــاد الرحمن 165]

تطبيقي التاني لملف السمك :

عملت سمك مشوي بنفس الطريقة اللي مكتوبة في الملف وبصراحة اول مرة اعملها في حياتي دايما بنشوي السمك بره البيت في شوايات السمك ولو اضطرينا نشويه في البيت باشويه زي بره وهو مقفول برضه

لكن المرة دي بقى عملت زي المكتوب في المف بالظبط فتحت السمكة ونظفت بطنها كويس وحشيت بطنها بخلطة مكونة من بصل مقطع وطماطم وفلفل وتوم مقطع وملح وكمون وبعدين حطيتها على الشواية وطعمها كان مختلف عن السمك المشوي العادي

وادي صورة السمكة بعد الشوي :

كده بقى طبقت ملفين ملف السمك وملف الرز ربنا يسهل واطبق باقي الملفات قريب

وجزة الله خيرا كل من ساهم في هذه الدورة

بصراحة بانصح اي بنت او اي سيدة مبتدئة او محترفة انها تتابع الدورة دي مفيدة جدا للمبتدئات وكمان المحترفات برضه اكيد هتستفيد بطريقة او اكتر وكمان النص نص زيي هيستفيدوا كتير والله المستعان

[ام زينة و ميسان 13]

السلام عليكــم ورحمـة الله وبركاتــة ،،

طبقت أخيرا لمكرونة النجريسكو جميييييييييييلة حقا

تأخذ مجهود عن البشاميل لكن تستحق العناء

جزاك الله خيرا أخت محبة و بارك لك في وقتك

بالنسبة للدجاج الفلبيني نشوح الدجاج ثم نتركه على نار هادئة جدا ستفقد الفراخ ماءها ثم تستوي فيه و تبدأ تشربه و هنا تكون استوت و ممكن نتحكم في كميه الصوص و نغلق النار عند الكمية التي نحبها

[~ماريا~ 1340]

انا جبت اليوم تطبيقي للرز الصيديه

والسمك المقلي

بس انا بعمل الرز بطريقه مختلفيه شوي

بحمر بصله كبيره بتبقي واخده الشكل البني

وبعدين احط قطع سمك صغيره يعني بجيب سمكه واخليها واحطها علي البصل

واحط راس السمكه واحط الكمون والكزبره الناشفه وكسبره خضرا واقلب واضيف المايه

واتركها لما تغلي وقبل اضافه الرز بشيل راس السمكه واحط الرز والملح واقلب واتركه لما يستوي

ودا السمك

 

[محبة عائشة رضي الله عنها 0]

السلام عليكم ورحمة الله وبركاته،،

 

بعتذر لصاحبة القلب الطيب لاني لم اطبق من ملف الرز معاكم..و الله مشغولة..الله المستعان..و متضايقة جدا اني بجي كده أشوف و خلاص ..ربنا يوفقك وياريت لا تزعلي مني، انا اي نعم لا اطبق بس كل شوية بجي اشوف الدروس و ان شاء الله ناوية اطبق حتي لو الدورة فاتتني لان ما شاء الله اطباقك جميلة و انا بحب االوصفات المصورة..حافظه صفحة فهرس الدروس عندي في المفضله ..ملف صواني الفرن لا استطيع تطبيقة ما عندنا فرن!!..و ملف السمك لا استطيع تطبيقه لان ما باكل سمك --انا ساكنه جنب البحر بس اصبحت لا اكل السمك يمكن حصلي تشبع--..اما المحاشي فانا ناوية اجربه قريبا ان شاء الله يمكن اطبق محشي الفلفل الاخضر لان هذا النوع يحبوه عندنا بالبيت يارب اعرف اجيب لك صور عند التطبيق و بالنسبة للمكرونه انا عملت مكرونه باللحمة المفرومة و طلعت كويسه و هي تقريبا نفس طريقتك بغلي مياه و اجيب المكرونة و اضع ملح و زيت و انتظر لما تستوي و اغسله بماء و كده يكون خلص و اضيف عليه اللحمة المفرومة وخلاص.. يعني باقي لي تطبيق المحاشي وانواعة ..والاكلات المنوعه و طهي الخضروات..الله المستعان.. جزاك الله خيرا

[صاحبه القلب الطيب 12]

جميييييييييييييلة كل الاطباق

 

لى عوده

 

عذرا

[ام زينة و ميسان 13]

حياك الله أم حبيبة قمت اليوم بعدة تطبيقات

أولا فتحت على السردين و نظفته و ووضعت عليه زيت و ليمون ووضعته بعلبه بالثلاجة

ثانيا خللت خيار بالطريقة التي بالدرس بالضبط ووضعت معه فلفل أخضر

ثالثا عملت الممبار المحشي و كان لذيذ جدا جدا جدا

جزاك الله خيرا حبيبتي

[صاحبه القلب الطيب 12]

ايه الحلاوة ديه بس ام زنية والله انتى ممتااااااااااااااااازة

 

 

اكيد زوجك طاير بيكى ..ما شاء الله عليكى

 

الف هنا

 

كل الاطباق رووووووووووووووووووووووعه

 

بس ابقى اعزمينا المرة الجاية

[صاحبه القلب الطيب 12]

السلام عليكــم ورحمـة الله وبركاتــة ،،

 

ماريا

 

الكقته شكلها جنااااااااااااااااااااااااااااان بجد

 

تسلم ايدك والمكرونه كمان ..الف هنا (من هنا ورايح راح اجيب توابل الكفته ان شاء الله )

 

 

والرز والسمك برضو شكله يجوع اوووووووى بس انتى قلتى

بس انا بعمل الرز بطريقه مختلفيه شوي

بحمر بصله كبيره بتبقي واخده الشكل البني

وبعدين احط قطع سمك صغيره يعني بجيب سمكه واخليها واحطها علي البصل

واحط راس السمكه واحط الكمون والكزبره الناشفه وكسبره خضرا واقلب واضيف المايه

واتركها لما تغلي وقبل اضافه الرز بشيل راس السمكه واحط الرز والملح واقلب واتركه لما يستوي

 

ايه الحكمة من رأس السمكة .مش فاهمة ؟؟؟

 

 

 

عباد الرحمن

 

ياسلام ياسلام على النشاط طبقين مرة واحدة رز وسمك مشوى كمان

 

شطوووررة حبيبتى ..اسماء صح ولا اسراء ؟؟؟ ولا لا ده ولا ده ؟؟

 

بس قوليلى طريقة السمك المشوى عجبتك ؟؟؟؟؟؟؟؟

 

بانتظار تطبيقات اكثر واكثرررررررررررررررررررر

 

 

وجزة الله خيرا كل من ساهم في هذه الدورة

 

 

بصراحة بانصح اي بنت او اي سيدة مبتدئة او محترفة انها تتابع الدورة دي مفيدة جدا للمبتدئات وكمان المحترفات برضه اكيد هتستفيد بطريقة او اكتر وكمان النص نص زيي هيستفيدوا كتير والله المستعان

تسلمى ياغالية .. يارب تعم الافادة على الجميع

وصراحة انا ايضا استفدت كتير :tongue:

 

 

محبة عائشة

 

السلام عليكم ورحمة الله وبركاته،،

بعتذر لصاحبة القلب الطيب لاني لم اطبق من ملف الرز معاكم..و الله مشغولة..الله المستعان..و متضايقة جدا اني بجي كده أشوف و خلاص ..ربنا يوفقك وياريت لا تزعلي مني، انا اي نعم لا اطبق بس كل شوية بجي اشوف الدروس و ان شاء الله ناوية اطبق حتي لو الدورة فاتتني لان ما شاء الله اطباقك جميلة و انا بحب االوصفات المصورة..حافظه صفحة فهرس الدروس عندي في المفضله ..ملف صواني الفرن لا استطيع تطبيقة ما عندنا فرن!!..و ملف السمك لا استطيع تطبيقه لان ما باكل سمك --انا ساكنه جنب البحر بس اصبحت لا اكل السمك يمكن حصلي تشبع--..اما المحاشي فانا ناوية اجربه قريبا ان شاء الله يمكن اطبق محشي الفلفل الاخضر لان هذا النوع يحبوه عندنا بالبيت يارب اعرف اجيب لك صور عند التطبيق و بالنسبة للمكرونه انا عملت مكرونه باللحمة المفرومة و طلعت كويسه و هي تقريبا نفس طريقتك بغلي مياه و اجيب المكرونة و اضع ملح و زيت و انتظر لما تستوي و اغسله بماء و كده يكون خلص و اضيف عليه اللحمة المفرومة وخلاص.. يعني باقي لي تطبيق المحاشي وانواعة ..والاكلات المنوعه و طهي الخضروات..الله المستعان.. جزاك الله خيرا

 

لا تعتذرى ياغالية ولا شئ ..كلنا تكن عندنا ظروف

 

وانا فاكراكى ..من يوم الرز لما عمليته بدون غسيل ؟؟

 

ههههه ..حلوة حكايه انك حصلك تشبع ديه :tongue: عسوله

 

وماشى كده انتى طبقتى ملف المكرونه ..بانتظار البقيه حسبما تسمح ظروفك :icon15:

 

 

ام زنية وميسان

 

كل اطباقك راااااائعه صراحة :icon15: :icon15: :icon15: .... ربنا يعيطى الصحة والعافية بجد

 

 

تم تعديل 28 مايو, 2011 بواسطة صاحبه القلب الطيب

[~ماريا~ 1340]

الحكمه من راس السمكه

ان مافي حكمه اصلا هههههههههه بس بتدي طعم اقوي لااكل

ولو مش حابه تحطيها براحتك

كدا كدا انا بشلها اول ما المايه تغلي

بس مو اكتر