اذهبي الى المحتوى
sagda2

و حضرت الفرح

المشاركات التي تم ترشيحها

السلام عليكــم ورحمـة الله وبركاتــة ،،

 

من اول ما التزمت عما قبل الحمد لله بعدت عن حاجات كتير كانت غلط

زى سماع الأغاني و طريقة اللبس اختلفت فطولت طرحتي و تركت البنطلونات (للتوضيح كانت واسعة و كان عليها تونيك طويل)

لكن بردو تركتها و بحسن من لبسي شوية شوية

و بقول يارب استمر على كده و الاقي اللى يشجعني من أسرتي

يعني مثلا بعدت عن الأغاني و قلت مش هاحضر فرح تاني فيه أغاني

مش هاحضر غير الفرح الإسلامي

 

المهم اختي كانت معزومة على فرحين لزميلاتها في العمل واحد في يوم و الآخر بعده بأربع أيام

و طلبت مني أذهب معها

و سألتها إسلامي؟ قالت نعم الأول إسلامي أما التاني فلا

و قلت لها سأذهب معك للفرح الأول فيهم و هو الإسلامي

و بالفعل ذهبت معها و كانت قاعة بها نساء فقط و كان في دي جيه به أغاني إسلامية

و كان ذلك في أول 10 دقائق من وصولنا هناك

و فجأة

لاقيت الإسلامي مبقاش إسلامي

لاقيت أغاني عادية

طبل بصوت عالي و موسيقى جامدة للرقص

و العروسة و الناس حواليها بيرقصوا كلهم

بجد أتفأجت و استغربت أوي

و كنت عايزة أقوم بس احنا كنا لسه داخلين كان هيبقى موقفنا انا و أختي غريب جدا بالنسبة لهم طبعا

و بقول لأختي هو ده الإسلامي؟!!

ايه الأغاني دي

ايه ده

قالتلي ايه يا بنتي احنا كلنا بنات مع بعض مفيش رجال

 

المهم قعدنا طبعا شوية و بصراحة العروسة و أهلها و المعازيم كانوا فرحانين جدا جدا و متفاعلين

و أول ما الموسيقى دي تسكت يحسوا بالملل

 

مش عارفة اعمل ايه و كان مفروض اعمل ايه

أحيانا بتبقى في حاجات الواحد لو عملها هيبقى غريب أوي فى وسط الناس

 

ياريت تفيدوني

تم تعديل بواسطة sagda2

شارك هذه المشاركه


رابط المشاركه
شارك

حبيبتى

 

 

 

انا سعيده لأجل الله ان هناك تغيير لك للأفضل ما شاء الله

 

 

 

زادك ورعا وتقوى حبيبتى وثبتك ورزقك الاخلاص

 

 

 

اللهم آمين

 

 

 

لو كنت مكانك لاستأذنت فى الخروج

 

وخللى اللى تقول تقول ولا يهمممممممممممك إلا ربك!!!!

 

اصل ما ينفعش ان ربك منَّ عليك بالالتزام والتقدم فيه وانت تنزلى من تانى

 

 

 

المنحة هاتضيع ومش هتيجى تانى بعيد الشر

 

 

 

استغفرى ربك

 

واظهرى ندمك ،هايفرح بك وبعودتك ومش هايخليك تغلطى تانى

شارك هذه المشاركه


رابط المشاركه
شارك

جزاك الله خيرا حبوبة

و ثبتني الله و إياك على الالتزام و الطاعة

 

للأسف زى ماقولتلك انا قعدت شوية

أنا عايزة أعرف لو أنا كنت هاقوم بمجرد ما سمعت الأغاني دى كنت هقول ايه السبب

يعنى هيسألوني طبعا ايه اللى حصل ده انتي لسه داخلة

و لو كنت قولت السبب بصراحة

كانوا هيقولوا "يعني الناس كلها قاعدة و فرحانة و محدش اتكلم حتى المنتقبات و انتي اللي هتعملي فيها ملتزمة

و بعدين الكلام ده لوكان في رجال معنا لكن احنا كلنا بنات"

 

و غير كده مكان الفرح بعيد عن بيتنا يعني لازم أنا و أختي نبقى مع بعض

 

معلش يا محبة أنا عارفة إن أسئلتي كتير

بصراحة مش عارفة ايه يعني بعد ماخدت قرار إني مش هحضر أفراح إلا إذا كانت إسلامية و بعد اللي حصل في الفرح ده بقيت أخاف حد يقوللي في فرح و إنتي معزومة

تم تعديل بواسطة sagda2

شارك هذه المشاركه


رابط المشاركه
شارك

عارفة!! الناس فاهمة اسلامى غلط

 

 

 

والفرح الاسلامى

درجات

 

 

 

ومما يذكر من مخالفاته ان يجلس العريس مع العروس وسط

النساء!!!!!!

 

عموما كنت استأذنى فى الخروج معلش اصلى معاهدة ربنا انى ما

احضر فى مكان به موسيقى

 

ما يهمك اختى من الناس الناس هيمتعضوا شوى((لو مش

ملتزمين)) وربنا هيرضيهم عنك بعد ذلك لانه راضٍ((اسأله ذلك))

 

 

 

ثم هذه

هى صورة من صور الدعوة الى الله وهى اشرف مهنة فى الكون

 

 

 

ثم

اين هو الجهاد الى الله

 

ابنى عنده 15 سنة

 

عندما اتى عمى ومعه زوجته

وعمتى

 

لم يسلم على السيدتين

 

ونظر الىّ فقلت له سلم على عمتى ((حلال

لا تقلق))فنظرت الىّ زوجة عمى وقالت انا فى مثل عمر جدته

 

قلت لها سيدنا رسول

الله كا ن لا يصافح النساء وهو ليس بافضل منه صلى الله عليه وسلم

 

فاندهشت

وما تزال غير مصدقة

 

على فكرة من خبراتى انه الناس تندهشس للاحكام وفى يوم من

الايام سيصدقن ويمتثلن لأوامر الله

 

 

 

وتكونى انت اول من نبهتيهم

وذكّرتيهم

 

:angry:

شارك هذه المشاركه


رابط المشاركه
شارك

زادكِ الله حرصا غاليتي الحبيبة

 

فعلا حبيبتي مثل ما محبة قالت كنتي قومي علطول أول ما الموسيقى اشتغلت

ودا هيكون تنبيه للجميع

ممكن يسخروا منك عادي ما هو الحق غريب الايام دي جدا

 

أنا حصل لي موقف مشابه

كنت في فرح واحدة صاحبتي وبعدين واحدة قريبتها قامت تصورها فناديت عليها وقلتلها انتي ما تصوريش حاجة قامت زعلانة ومامتها زعلت ومشوا شوية وبعدين رجعوا

وكمان شوية قامت وصلت الموبايل بتاعها على الكمبيوتر وشغلت أغاني وموسيقى

المهم قمت قلتلها كدا ما ينفعش احنا مش هنشغل الحاجات دي

 

الكل قعد يبصلي بإستحقار والله بجد لدرجة إني بكيت وزعلت من صحبتي بصراحة لاننا متفقين إن مافيش تصوير ولا أغاني ولا موسيقى

 

بس الحمد لله بعد الفرح بمدة

واحدة بعتتلي رسالة اللي كانوا حاضرين وقالتلي انتي شخصية جميلة وملتزمة وبتدافعي عن دينك بالدليل

 

وحسيت اني حركت حاجة جواها

 

وفقنا الله جميعا إلى طريق الحق

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

حياك الله حبووبتي

بداية انا سعيييييدة بالتغيير الذي قمت به بفضل الله

ترك اغاني ترك لبس البطلون تطويل الطرحة ...اللهم زد وباارك

حمد لله رب العالمين

 

اما بخصوص ذاك الفرح

حبيبتي قبل ما تروحي لأي فرح ابقي تأكدي هو فرح اسلامي صح ولا لا

 

لان ليس كل فرحا به نساء فقط يكون فرحا اسلاميا

 

ممكن يقولو لك اه اسلامي

بس يكون فيه اناشيد بموسيقى و الموسيقى لا تجوز شرعا

ممكن يقولو لك اسلامي ويكون العريس يدخل وسط النساء!! ولا ادري ماذا يعني هذا أليس العريس رجلا؟؟

الله المستعان

معلش انت ابقي تأكدي كويس

الفرح ده في منشدات بدفوف وبس ولا فيه ديجي و موسيقى؟

الناس للي عاملين الفرح هم ناس ملتزممين صح ولا ناس عادي ميهمش تكون موسيقى ولا لا

 

وكمان يا حبيبة أين تركت الاستخارة ؟

قبل ما تروحي لأي فرح ابقي استخيري ربنا

يارب انا عاوزة ارضيك يارب ان كان الفرح ده ليس فيه خيرا فاصرفه عني

وانت عارفه دعاء الاستخارة حبيبتي

 

اما ان قدر الله و أخطأت وحسبتيه اسلامي وطلع غير ذلك مثل للي حصل معك

فكان عليك أن تستأذني و تنصرفي

ماذا ستقولين ؟

ان حسيتي باحراج قولي اسفة اصل انا احس نفسي مش كويسة اشعر بضيق (كده مش كدب دي معارض لانك فعلا لما شفتي الموسيقى و الحاجات دي احسستي بضيق من هذا المنكر...)

وصراحة لو كنت مكانك اقول لهم اسفة سأنصرف فأنا لا اسمع للموسيقى

وقد أبدوا بذلك غريبة

لكن يكفيني قول حبيبي صلى الله عليه وسلم:

 

بدأ الإسلام غريبا وسيعود غريبا كما بدأ فطوبى للغرباء، وفي رواية قيل يا رسول الله : من الغرباء؟ قال : الذين يصلحون إذا فسد الناس، وفي لفظ آخر قال : هم الذين يصلحون ما أفسد الناس من سنتي

الراوي: - المحدث: ابن باز - المصدر: مجموع فتاوى ابن باز - الصفحة أو الرقم: 158/3

خلاصة حكم المحدث: صحيح

 

وبعدين للي بدو يحكي يحكي للي بدو يقول عني معقدة يقول مليش دعوى

المهم احصل على رضا ربي ولا اعصيييه

هما الناس دول هيفيدوني بايه؟؟

نفترض اني جلست و بقيت في الفرح ده وسط المنكرات وبعدين الناس دول هيعطوني جائزة ؟؟

لن يفيدوني بشيء

وسأخرج مليئة بالاوزار و الذنوب و ضيق وحزن

طب وليه ده كولو؟

 

هو كده افضل ولا اخرج منشرحة الصدر مطمئنة القلب لاني ما عصيت ربي ؟

 

كانوا هيقولوا "يعني الناس كلها قاعدة و فرحانة و محدش اتكلم حتى المنتقبات و انتي اللي هتعملي فيها ملتزمة

و بعدين الكلام ده لوكان في رجال معنا لكن احنا كلنا بنات"

الله المستعان

المفروض المنتقبات هما للي يعطو المثل

بس ما عليك يا حبيبة

أنت تتبعين شرع الله

يعني كتاب الله و سنة رسول الله

وملكش دعوه بفعل اي اخت سواء منتقبة او لا

الاصل للي تمشي عليه و تبني عليه افعالك هوكتاب ربي و هدي رسول ربي

مليش دوعه بأيييي حد

مش عشان الناس عملت ذنوب اروح ارمي نفسي انا كمان في بحر المعاصي !!

 

 

أتمنى ان لا اكون قسوت عليك في كلماتي حبيبتي

بجد انا اسفة كل قصدي هو نصحك لاني ومش عاوزاك ترجعي ورا عايزاك تبقي ماشية في السكة الصح

ثبتك الله حبيبتي

احبك في الله

تم تعديل بواسطة نقابي نعمة من ربي

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،السلام عليكــم ورحمـة الله وبركاتــة

،،السلام عليكــم ورحمـة الله وبركاتــة ،،

 

ماشاء الله ميمونة كلمتك مؤثرة

وابكتنى :cry:

 

وبرافو نقوبه ومبارك النجاح

 

 

وجعل الله ردود

نقوبة وميمونة وسجودة بموازين حسناتهن

 

اللهم آميييين

شارك هذه المشاركه


رابط المشاركه
شارك

نسي اقول لك يا نقوبة اعرف ناس كانوا بيخرجوا من الفرح غير الاسلامى المهم ما يكونوش فى نفس القاعة اللى فيها مخالفات

شارك هذه المشاركه


رابط المشاركه
شارك

جزاكم الله خيرا

محبة لربها، ادعوا لي بالثبات

*ميمونة*

نقابي نعمة من ربي

 

بجد أنا أشكركم لكل كلمة كتبتوها و ما شاء الله عليك ميمونة و على اتخاذك القرار الصحيح و السريع في موقف قد يكون صعب

و مش زعلانة يا نقوبة لأنك بنصحيني و تقوليلي الصح و ماشاء الله عليك كلامك كله يتسم بالحكمة رغم صغر سنك

و ربنا يقدرني و ابقى قوية شوية و مفكرش في كلام الناس

و اعمل اللي قولتوا عليه

 

بس معلش لي طلب

 

أنا دائما أكون عارفة حكم فعل شيء ما و أكون قرأت الأدلة و اقتنعت و نفذت

لكن لما حد غيري يعمل الفعل ده

أنصحه و أقوله لا حرام بس طبعا بيبقى عايز الأدلة عشان يقتنع و أنا للأسف ببقى مش قادرة اجمعها في دماغي و أقولها

 

طلبي هو أرد أقول ايه فى الموقف ده لو كنت قمت و قلت إن الأغاني حرام فى الموقف ده او غيره فالناس طبيعي هتسأل حرام ليه؟

و حرام ليه طالما احنا بنات كلنا

تم تعديل بواسطة sagda2

شارك هذه المشاركه


رابط المشاركه
شارك

السلام عليكــم ورحمـة الله وبركاتــه ،،

 

كانوا هيقولوا "يعني الناس كلها قاعدة و فرحانة و محدش اتكلم حتى المنتقبات و انتي اللي هتعملي فيها ملتزمة

و بعدين الكلام ده لوكان في رجال معنا لكن احنا كلنا بنات"

 

الحمد لله الذي هدانا لهذا حبيبتي

ثباتك على مبدأك في حد ذاته دليل ،، والمنتقبة أو غيرها هي قدوة ليس إلا في اتباعها للحق

ومتى ما تنازلت عن الحق ،، انتهى امر التأسي بها

هي كانت قدوة وهي متبعة للأساس ^المنهج الذي ارتضاه الله^ ولما تنازلت عنه رجعنا نحن إلى الأساس ،،

وقولي لو واجهكِ أحدٌ بمثل هذا فقولي لهم لا أحد حجة على الإسلام،،والإسلام حجة على الناس أجمعين وعلى ما جاء به سيحاسبوا

"وإنْ تُطعْ أَكثَرَ مَنْ في الأَرْضِ يُضِلُّوكَ عن سبيلِ الله"

 

أما بالنسبة لأمر الدليل ،، فقبله ^وأقول لكِ عن تجربة قريبة ولولا تشجيع اختٍ حبيبة لما أقدمتُ على خطوة ^

قبل الدليل يجب أن تكوني واثقة بنفسك ،، وأنَّكِ على حقٍّ ،، وكما ثبتَ رسول الله ^الأسوة والسراج المنير^ اثبتي أنتِ ولا عليكِ مما يقولون ،لكن فلتبقي طيبة الروح بلسمًا ومسكًا وليبقى وُدَّكِ ظاهرًا حتى لمن خالف الصواب ،، والله يتولى جعل هذه القلوب تلين للحق

واعلمي ان من غرق في الهوى لم ينفعه ذكر دليل ،، إنما ثباتك أولًا ، وتذكيرك الناس أننا ما خلقنا عبثًا وأننا لا نملك صفة كرامة إلا صفة العبودية لله يحرك في القلوب الحياة

وإن يُسِّر لكِ أختي حفظ الأدلةِ فافعلي ،، وإن لم تستطيعي ولم تكن حاضرةً لديكِ حال النصيحة فبيني الثبات وكوني واثقة بما تقولينه ومن ثم أخبريهم أنك لا تحفظينها وعديهم أنكِ في اليوم التالي أو في أقربِ فرصة أن تأتي بها مكتوبةً وتشرحيها ولا تخجلي ،، فالأئمة رضي الله عنهم لم يخجلوا من قول لا أعلم ،، ^صحيحٌ ان الدعوة يجب أن تكونض بالدليل ، لكنك في هذه الحالة المشكلة فقط تكون عدم الحفظ وأنتِ ستكونين عن وعدك بإحضار الدليل ^

 

آسفة لطولِ ردي ،، لربما كررت كلامًا مما قالته أخواتي بورك فيهن ،،لكنني أحسست بك فقد مررت بمثل هذا

ومع التكرار لن يكون عسيرًا عليكِ حفظها ،،أهم شيء التوكل على الله والثقة بالحق الذي أنزل والثبات على المبدأ

شارك هذه المشاركه


رابط المشاركه
شارك

السلام عليكــم ورحمـة الله وبركاتــه ،،

 

كانوا هيقولوا "يعني الناس كلها قاعدة و فرحانة و محدش اتكلم حتى المنتقبات و انتي اللي هتعملي فيها ملتزمة

و بعدين الكلام ده لوكان في رجال معنا لكن احنا كلنا بنات"

 

الحمد لله الذي هدانا لهذا حبيبتي

ثباتك على مبدأك في حد ذاته دليل ،، والمنتقبة أو غيرها هي قدوة ليس إلا في اتباعها للحق

ومتى ما تنازلت عن الحق ،، انتهى امر التأسي بها

هي كانت قدوة وهي متبعة للأساس ^المنهج الذي ارتضاه الله^ ولما تنازلت عنه رجعنا نحن إلى الأساس ،،

وقولي لو واجهكِ أحدٌ بمثل هذا فقولي لهم لا أحد حجة على الإسلام،،والإسلام حجة على الناس أجمعين وعلى ما جاء به سيحاسبوا

"وإنْ تُطعْ أَكثَرَ مَنْ في الأَرْضِ يُضِلُّوكَ عن سبيلِ الله"

 

أما بالنسبة لأمر الدليل ،، فقبله ^وأقول لكِ عن تجربة قريبة ولولا تشجيع اختٍ حبيبة لما أقدمتُ على خطوة ^

قبل الدليل يجب أن تكوني واثقة بنفسك ،، وأنَّكِ على حقٍّ ،، وكما ثبتَ رسول الله ^الأسوة والسراج المنير^ اثبتي أنتِ ولا عليكِ مما يقولون ،لكن فلتبقي طيبة الروح بلسمًا ومسكًا وليبقى وُدَّكِ ظاهرًا حتى لمن خالف الصواب ،، والله يتولى جعل هذه القلوب تلين للحق

واعلمي ان من غرق في الهوى لم ينفعه ذكر دليل ،، إنما ثباتك أولًا ، وتذكيرك الناس أننا ما خلقنا عبثًا وأننا لا نملك صفة كرامة إلا صفة العبودية لله يحرك في القلوب الحياة

وإن يُسِّر لكِ أختي حفظ الأدلةِ فافعلي ،، وإن لم تستطيعي ولم تكن حاضرةً لديكِ حال النصيحة فبيني الثبات وكوني واثقة بما تقولينه ومن ثم أخبريهم أنك لا تحفظينها وعديهم أنكِ في اليوم التالي أو في أقربِ فرصة أن تأتي بها مكتوبةً وتشرحيها ولا تخجلي ،، فالأئمة رضي الله عنهم لم يخجلوا من قول لا أعلم ،، ^صحيحٌ ان الدعوة يجب أن تكونض بالدليل ، لكنك في هذه الحالة المشكلة فقط تكون عدم الحفظ وأنتِ ستكونين عن وعدك بإحضار الدليل ^

 

جزاك الله كل خير أختي الحبيبة الأمة الفقيرة على نصيحتك

 

آسفة لطولِ ردي ،، لربما كررت كلامًا مما قالته أخواتي بورك فيهن ،،لكنني أحسست بك فقد مررت بمثل هذا

ومع التكرار لن يكون عسيرًا عليكِ حفظها

 

بالعكس متقوليش كده كلامك مفيد جدا و فيه حاجات جديدة و مختلفة

و على فكرة كل رد أنا باستفاد منه و بيكون فيه نقطة جديدة أو نصيحة أو موقف مشابه حصل مع أخت منكم و بتعرفني كان ايه رد فعلها أو تصرفها كان ازاى

و فعلا اشكركم كلكم و جزاكم الله كل خير

 

أهم شيء التوكل على الله والثقة بالحق الذي أنزل والثبات على المبدأ

و نعم بالله

معك حق يا أمومة الحبيبة

تم تعديل بواسطة sagda2

شارك هذه المشاركه


رابط المشاركه
شارك

بارك الله فيك و ثبثك على الحق

موقفك عادي طبعا بس الناس كدة

 

كاننا جايين من كوكب ثاني

 

ربنا يثبثك يا حبيبتي على الحق

شارك هذه المشاركه


رابط المشاركه
شارك
بارك الله فيك و ثبثك على الحق

موقفك عادي طبعا بس الناس كدة

 

كاننا جايين من كوكب ثاني

 

ربنا يثبثك يا حبيبتي على الحق

 

اللهم آمين

بارك الله فيك أختي المعتزة بدينها

شارك هذه المشاركه


رابط المشاركه
شارك

اختي سجدة انت على الطريق الصحيح لكن لو انك خرجت كان لك افضل لا مرضاة لمخلوق في معصية الخالق ثبتك الله وايانا على دينه

شارك هذه المشاركه


رابط المشاركه
شارك
اختي سجدة انت على الطريق الصحيح

الحمد لله و ربنا يثبتني عليه

لكن لو انك خرجت كان لك افضل لا مرضاة لمخلوق في معصية الخالق

ياريت كنت خرجت كان نفسي أعمل كده بس يمكن عشان أنا لسه في البداية و اول مرة أتعرض للموقف ده بعد ابتعادي عن سماع الأغاني

ثبتك الله وايانا على دينه

آمين يارب

جزاك الله خيرا ام آدم و محمد

 

و على فكرة الفرح التاني اللى كنت قولت عليه في مشاركتي الأولى

لسه أختي بتطلب مني أروح معاها الفرح ده و رفضت و بتصميم و مش هاروح لو حصل ايه مع إن فعلا حصل إنها زعلت مني و أنا زعلت منها بس مش رايحة

بتقولي هتروح تبارك و تيجي علطول (عندي سؤال في الجزء ده لو أختي هتروح فعلا تبارك فقط و تأتي سريعا هل يجوز؟)

شارك هذه المشاركه


رابط المشاركه
شارك

السلام عليكم ورحمة الله وبركاته،

 

احذري يا غالية، الان تقول هنروح نبارك وهناك هتقول نستريح من الطريق شوية وستجدي نفسك حضرتِ الفرح

 

قولي لها نروح نبارك في بيت العروسة قبل الفرح ونعتذر عن الحضور او بعد الفرح لان اكيد قبله هيكون في اغاني واختلاط بالبيت

شارك هذه المشاركه


رابط المشاركه
شارك
السلام عليكم ورحمة الله وبركاته،

 

احذري يا غالية، الان تقول هنروح نبارك وهناك هتقول نستريح من الطريق شوية وستجدي نفسك حضرتِ الفرح

 

عندك حق يا أمومة

ده فعلا اللي بيحصل و كان هيحصل

و الحمد لله الفرح فات خلاص و ماروحتش

و الحاجة الأجمل بقى إنها كمان ماراحتش

بس كان نفس يكون السبب إنها مقتنعة إن ينفعش حد يروح فرح فيه أغاني

هو السبب طبعا لأن أنا ماروحتش معاها و مفيش حد يروح معاها

بس الحمد لله بجد إنها ماراحتش

 

 

 

قولي لها نروح نبارك في بيت العروسة قبل الفرح ونعتذر عن الحضور او بعد الفرح لان اكيد قبله هيكون في اغاني واختلاط بالبيت

 

و فعلا ده اللي قولته بس قالتلي ليه هاروح ليه قبل الفرح و هما مشغولين و بعده طبعا هيكون في إحراج

براحتها بقى تروح او متروحش

المهم إن الفرح فات بأغانيه و أنا و أختي محضرناش

 

جزاك الله كل خير

شارك هذه المشاركه


رابط المشاركه
شارك
اختي سجدة انت على الطريق الصحيح

الحمد لله و ربنا يثبتني عليه

لكن لو انك خرجت كان لك افضل لا مرضاة لمخلوق في معصية الخالق

ياريت كنت خرجت كان نفسي أعمل كده بس يمكن عشان أنا لسه في البداية و اول مرة أتعرض للموقف ده بعد ابتعادي عن سماع الأغاني

ثبتك الله وايانا على دينه

آمين يارب

جزاك الله خيرا ام آدم و محمد

 

و على فكرة الفرح التاني اللى كنت قولت عليه في مشاركتي الأولى

لسه أختي بتطلب مني أروح معاها الفرح ده و رفضت و بتصميم و مش هاروح لو حصل ايه مع إن فعلا حصل إنها زعلت مني و أنا زعلت منها بس مش رايحة

بتقولي هتروح تبارك و تيجي علطول (عندي سؤال في الجزء ده لو أختي هتروح فعلا تبارك فقط و تأتي سريعا هل يجوز؟)

 

لا يجوز لأنه يعتبر اقرار وتشجيع على الإثم

 

 

 

وتعاونوا على البر والتقوى ولا تعاونوا على الإثم والعدوان

شارك هذه المشاركه


رابط المشاركه
شارك
بارك الله فيك و ثبثك على الحق

موقفك عادي طبعا بس الناس كدة

 

كاننا جايين من كوكب ثاني

 

ربنا يثبثك يا حبيبتي على الحق

 

 

ولد الاسلام غريبا ويعود غريبا ..طوبى للغرباء

شارك هذه المشاركه


رابط المشاركه
شارك

وإياتك يا سجودتى

 

 

 

خللى بالك كلما وجدتى نفسك غريبة وسط الناس بأفعالك التى ترضى ربك ان شاء الله

 

فاعلمى حبيبتى انك ماشية مضبوط وزيدى من طاعاتك واستمرى

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×