اذهبي الى المحتوى
صاحبه القلب الطيب

جوزك تعبك بس بتحبية..اقولك اتقللللللللللللى عليه ..تابعينى واتعلمى ؟؟؟؟

المشاركات التي تم ترشيحها

السلام عليكم ورحمة الله وبركاته،،

 

قاعده بقوله استني صاحبتي بتتكلم في ازاي تكوني تقيله مع جوزك

ناصحة ياماريا

بتفكريني في نفسي اول الجواز

دة انا بحرص اني اخبي الموضوع عنه

 

^_________________^

يعني يا ماريا إحنا عمالين نقول عايزين نبقى غامضين

وإنتي تروحي تقولي لزوجك كده :smile:

محبة النبي : أحسنت يا غالية ....

الأفضل طبعا إن الزوج لا يعلم عن هذه الأمور

لأنه غذا رأي تغيرا في سلوكك أول حاجة هايقولها " كل ده من المواضيع إللي بتقرأيها "

وسيشعر أن زوجته شخصيتها ضعيفه وتتبع أقوال الآخرين ...,مش بعيد يقولك لا تدخلي المنتدى مرة أخرى

اجعليه يشعر أن هذا التغيير إنما هو نابع من قناعاتك الشخصية .... وليس من الآخرين

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

الموضوع شيق يا طيوبة و أنا أحتاج لمثله حقًا

 

بالنسبة للغموض... صعب أكون كذلك مع زوجي مع أنني كنت كذلك قبل الزواج، قاعدتي: ما لا داعي لقوله لا يقال و إن لم يكن سرًا

 

لكن زوجي يحب معرفة كل شيء يخصني حتى فيم أفكر، فإذا شردت قليلا يسألني: بم أفكر؟ دائما يكون ردي: فيك طبعًا (لإنو بيزعل لو حس إن حد تاني شاغلني غيرو و الكذب جائز على الزوج :smile: )، يرد طبعا لازم تفكري فيا، طيب في حاجة تانية؟ أقول لأ، لإني لو قلت آه يقولي: شو هي؟ و يزعل بجد لو ما قلتلوش

 

و لو كان عندي زيارة أو مناسبة يسألني: كيف الزيارة؟ و عملت إيه؟ و مين حضر؟ و قلتي إيه؟

 

أحاول أجاوبه باختصار، مرات بيسكت و يكتفي بالجواب و مرات يرجع يسأل!!!

 

حتى المفاجآت بيعصب لو قلتلو حضرت لك مفاجأة، يطلب مني أقولها و بعدين افاجؤه فيها :icon_eek: مش عارفة إزاي يعني

 

لذلك أنا لا أخبره عن المفاجأة للتشويق، أتركها حتى يراها و يفاجأ فيها، طبعا لا بد بعد أن يتفاجأ و يشكرني أن يسألني عن التفاصيل: ما المناسبة؟ من أين اشتريتها مثلا؟ و هكذا

 

و ذلك لأنه عنده فضول -و أنا دائما أقول له يا فضولي- و لأنني غالبا لا أخبره عن الشيء إلا عندما يسأل عنه و أقول له بالتدريج (بالقطارة زي ما قالت سجودة) لأجل ذلك اعتاد أن يسأل ليعرف!

 

و أحيانا اكون متشوقة لمشاركته بخبر ما، فأقوله له بتفاصيله -إن أمكن- لكن لا أعرف كيف يجد دائما أسئلة ليسألنيها!!

 

 

أكملي معاك معاك يا طيوبة!!

شارك هذه المشاركه


رابط المشاركه
شارك

بارك الله فى النقاش الممتع هذا

 

ندخل فى

 

 

الخطوه الرابعه:الانشغاااااااااااااااااااااااااااااااااااااااال

 

انشغال ايه ياحاجه ما احنا طبعا مشغولين اومل قاعدين فاضيين يعنى نعد النجوم

استنى بس هو انتو كل مره كده تخشوا شمال؟

صبرك عليه معنى الانشغال هو الانشغال القلبى والفكرى

 

وهو فروع

اول فرع:الانشغال بالله

حبى ربنا زى ما قلنا واستعينى بيه واتقربى منه اقرى كلامه بتدبر وصلى بخشوع وفكرى فى عظمته اختلى بنفسك وعيطى من خشية الله يمكن ربنا يظلك بظله افتكرى دايما ان جوزك لا هيقعد معاكى فى القبر ولا هينفعك فى الاخره

فى القبر اللى هيلازمك عملك الصالح

وفى الاخره كل واحد هيهرب من التانى ويقول نفسى نفسى

قوليلى لما تموتى بعد عمر طويل وتسئلى عن عمرك فيما ابليتيه هتقولى ايه:ابليته فى حب جوزى ونكد جوزى والتمحور حول جوزى

ربنا بيقول فى القراءن (قل ان صلاتى ونسكى ومحياى ومماتى لله رب العالمين)

اذن هنا مربط الفرس انتى مش بتنضفى الشقه لجوزك لا لله

عشان انتى بتتقى الله عشان انتى نفسك تخشى الجنه

انتى مش بتخلفى عشان تربطيه بالعيال لا انا بخلف عشان اجيب ذريه مسلمه تسبح بحمد الله وتقدس له

انتى مش بتهتمى بنفسك عشان هو يبص ويرميلك ابتسامه

انتى مش بتطبخى عشان هو ياكل واقرب طريق لقلب الراجل معدته والكلام البايظ لا انتى بتتطبخى عشان ياكل ويتقوى على العمل وربنا يديكى حسنات من ساهم فى عمل كان له مثل اجر اللى عمله بالضبط

انتى بتهتمى بنفسك لان النظافه من الايمان وربنا بيديكى اجر عشان انتى بتتزينى له

هو مجرد مطيه للعبور للجنه والله جه وبقى واد حبيب فبها ونعمت مجاش والله انا كده كده كسبانه حسنات وربنا بيؤجرنى ان شاء الله

حاولى تبرى مامتك وباباكى واديلهم حيز لا باس به من تفكيرك طاعة لله وردا لجميلهم الكبير

 

LQ077115.gif

الفرع التانى:انشغالك بولادك

بمعنى اشغلى نفسك بولادك قلبا وقالبا مش نظام تبقى بتعملى السندوتش للولد تحطيله مربى على جبنه لانك سرحانه فى مشكله مع سعادة الباشا

الولد يا عينى :يا ماما يا ماما

انتى:اخررس يا ولد انا مش فايقالك

انتى تنشغلى بولادك يا ستى كلكم راع وكلكم مسئول عن رعيته لازم تهتمى بدينهم بمذاكرتهم بنظافتهم بحفظهم للقراءن كام واحده مننا ابنها او بنتها حافظه حاجه جامده من المصحف شبه مفييييييش

احنا فاضيين للكلام ده يا جدع

 

 

LQ077115.gif

الفرع الثالث:انشغالك بنظافة شقتك

روقى وضيفى لمساتك مش عشان سعادة الكوماندا الكبير لا عشان نفسك

حاولى تحطى ورد يضفى جو من البهجه فى البيت

روقى مطبخك بطريقه مبتكره

نظمى دولابك باسلوب مختلف كل فتره

بخرى البيت عطرى الهدوم

وده مش عشان الباشا ده لله اولا ثم عشان انتى ست نظيفه

 

LQ077115.gif

الفرع الرابع:انشغالك بنفسك

يابنت الحلال حبى نفسك شويه دورى على هوايه حلوه تكونى بتحبيها تحسى انك انسانه لها وجود

كتابه بس مش كتابة جوابات هبل لسعادة الباشا

لا مثلا تطريز تريكو قراءه مثلا استضافة اصحاب

وخلى دايما اخر اليوم ليكى وقت يسمى فى علم النفس me time

يعنى وقتى الشخصى بعد ما الولاد يناموا والباشا كمان

شغلى اباجوره وافتحى الاذاعه على القراءن او برنامج اذاعى بتحبيه واضربى كوباية كاكاو او اى مشروب سخن او بارد تحبيه واقرى حاجه لذيذه

صدقينى الموضوع ده مجرب وبيجدد النفسيه جدددددددددددددا ولو داومتى عليه هتبتدى تحبى نفسك وده تقريبا اول الطريق

 

 

والخطوة الجايه هى خطوة الاهتمام ؟؟؟؟؟؟؟؟؟؟

 

انتظرونا :mrgreen:

 

 

 

 

 

 

شارك هذه المشاركه


رابط المشاركه
شارك

موضوع رائع وأكثر من رائع كمان

 

دائما انت متميزة اختى الحبيبة صاحبة القلب الطيب

 

قرات الصفحة الاولى فقط لانى خارجة لما ارجع ان شاء الله أقرأ كل الصفحات

 

لانه فعلا ماشاء الله موضوع جميل وشيق

 

جزاكم الله خيرا وشفاكى الله وعفاكى غاليتي

شارك هذه المشاركه


رابط المشاركه
شارك

اسعدنى ردك جدا حبيبتى ام مختار

 

وتيجى بالسلامة وتكملى معنا باقى الصفحات

شارك هذه المشاركه


رابط المشاركه
شارك

ماشاء الله ولا قوة الا بالله الموضوع اكثر من رائع وانا بصراحة كنت محتاجة للتقل شوى لان حسة انى بقيت عبيطة اوى

زوجى مسافر اتصل بة وواناابكى اقول لة وحشتنى يرد وانتى ايضآويكمل بضحك اريدك ان تذهبى الى نصف الغرفة وتبكى مثل الطفل واطنطى محتاجة ارجع كما كنت من نحية الغموض فأشعر بأنى كتاب مفتـــــــــــــــــوح

شارك هذه المشاركه


رابط المشاركه
شارك

السلام عليكم ورحمة الله وبركاته،،

الموضوع أكثر من رائع :)

النقاط السابقة صراحة سجودة كفت ووفت وأنا معها تقريباً فيما قالته (دي المشرفة يا ستي ومنقدرش نخالفها )

طبعاً بمزح لكن رأيها فعلاً كلنا بنلمس فيه الحكمة والواقعية ,لا حرمها الله الأجر

انتظريني بإذن الله لنتناقش في الانشغال (نقطة مهمة جدااا وعن تجربة شخصية)

بإذن الله لي عودة .

شارك هذه المشاركه


رابط المشاركه
شارك

أزيك ياعسل

وموضوعك جميل وبده جلسة طويلة وكلام كتير وبصراحة يادوب اقرأ شيء بسيط

أبقى لما اخلص قراءة يكون الموضوع اتقفل معلش حبيبتي اتحمليني أحاول أضع ردود ومشاركات افضل

ان شاء الله

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

جزاكى الله خيرا صحوبة

 

موضوع رائع بالفعل كل شوية أدخل أقرأ كلمتين لغاية ما الحمد لله خلصت

 

كلام جميل وفعلا نتايجه عظيمة وتعليق سجودة غاية فى الروعة وزاد الموضوع وضوحا

 

يعنى مفيش واحدة لها حجة هههه

 

يعنى وقتى الشخصى بعد ما الولاد يناموا والباشا كمان

شغلى اباجوره وافتحى

الاذاعه على القراءن او برنامج اذاعى بتحبيه واضربى كوباية كاكاو او اى مشروب سخن

او بارد تحبيه واقرى حاجه لذيذه

صدقينى الموضوع ده مجرب وبيجدد النفسيه

جدددددددددددددا ولو داومتى عليه هتبتدى تحبى نفسك وده تقريبا اول الطريق

 

هههه نفسى أعمل الموضوع ده جدا جدا لكن للأسف بيكون نفسى أنام قبلهم لكن الله المستعان ما بصدق يناموا وأجرى على السرير ألحق خمس دقائق نوووووم

 

متابعة معك صحوبة ربى يعينك

شارك هذه المشاركه


رابط المشاركه
شارك

ههههههه

 

اهلا اهلا اهلا بالعسولات كلهم منورينا اليوم

 

بنت ام عبد (بانتظار المناقشات الساخنه )

 

توكلت على خالقى ومولاى (ولا يهمك ياقمر )

 

اشروقه العسوله ( تنورى ياجميل )

 

سندس محمود (معلشى حبيبتى اهو هتنعلم كلنا سوا )

 

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

بارك الله فيك صحوبة ...

أتفق مع الكاتبة تماما فيما كتبت ...

ولا تعليق عليه :)

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

^___________^

و كفى بالإبتسامة تعليقي هههههههه

شارك هذه المشاركه


رابط المشاركه
شارك

ساجدة

 

الحمد لله ان ما فى اختلاف ها المرة هههه

 

ذليله

 

اسعدتنا ابتسامتك

 

شارك هذه المشاركه


رابط المشاركه
شارك

السلام عليكم ورحمة الله وبركاته،،

صحوبة قد يكون طال غيابي لكن الحمد لله ها أنا قد عدت ^____^

الأخت شمعة محقة تماما في النقطة دي واصابت في الفرع الاول فالإنشغال بالله سر النجاح وسر البركة وسر حب من حولك وتعلقهم بك لأن الانسان عندما ينشغل بالله وبإصلاح احواله مع ربه ويكون التعلق الأول بالله سيجد الدنيا تركض ورائه ركضاً وتأملي حال سلفنا انشغلوا بكل شيء يقربهم من الآخرة فركضت ورائهم الدنيا واكبر دليل ما زالت اسمائهم تتردد علي ألسنتنا وسطرالتاريخ سيرتهم الذاتية بأحرف ذهبية وهذة غاية كل منا أليس كذلك ؟؟؟؟

-الإنشغال بالاولاد وتهذيبهم وتعليمهم قيم وتعاليم الاسلام باب كبير للحسنات وقد يكونوا سبب دخول الاباء الجنة .

-الإنشغال بنظافة البيت والاهتمام بالنفس عن تجربة يبعث في النفس الطمأنينة والهدوء والراحة والإستقرار .

اما تجربتي صراحة عشت فترة في أول زواجي جعلت زوجي محور أهتمامي الأول والاخير فكنت اتقطع جوعاً وانتظره وقد اتفاجا أنه اكل اي شيء في الخارج او عند والدته أو صديقه عزمه ومحبش يكسفه وغيرها وبالتالي اتضايق وأشعر انه مقصر معي لكن بعد فترة غيرت اسلوبي لا إفراط ولا تفريط مثلاً تأخر قد أتناول شيء بسيط

وعندما يعود إن اراد أن نأكل شاركته وإن اعتذر ابتسم واقوله ارتاح شوية ونبقي نأكل بعد كده لأني اكلت شيء خفيف (صدقاً قد يحاول أن يأتي في موعده او ينتظرك ويتصل لكي تنتظريه )وغير ذلك يكفي اني اغلقت باب للمشاكل والحزن بيني وبينه حتي لو تكرر الامر ومن المؤكد هو مش بيتعمد كده لكن ظروف الحياة والشغل

ويكفي يوم الأجازة بنتناول الوجبات مع بعض والحمد لله مش بتتكرر الا نادراً .

ونقطة ثانية خلق جو لنفسي انا بحب الشاي والقهوة والنسكافية وزوجي عكسي تماماً ممكن عصائر وفاكهة بشاركه اشياؤه بعد الوجبات

وبعمل انا لنفسي وقت استجم فيه والله قد اصنع كوب شاي او قهوة وأغلق غرفتي علي وأترك البنات مجرد عشر دقائق وممكن افكر في شيء جميل او اتذكر صديقاتي ومواقفنا المضحكة مثلاً وبخرج من الغرفة وأنا كلي حيوية ونشاط وممكن اشتغل عشر ساعات بعدها وممكن استغل المنتدي مع حاجة حلوة الخلاصة اسعدي نفسك باي حاجة احنا اللي ممكن نصنع السعادة ونطرد النكد لكن تنبيه اهم شيء الطاعات اولاً لان بدونها استحااااااالة تشعري بسعادة ولا بانشراح صدر ولا بركة .

ومن غير تعمد صدقيني الزوج بيلاحظ ممكن يدخل المطبخ بالليل يشرب مثلاً يلاقي مكان الشاي او القهوة فيبتسم ويقولي مظبطة نفسك أنت وانا بصراحة بكون سعيدة لانه شعر ان لي حياتي واهتماماتي ومش تبع ليه لازم احب اللي هو يحبه

زارتني اخت من اسبوع واثناء الضيافة قولتلها اعملك كابتشينو قالتلي ياريت اصل بحبه وعلشان زوجها مش بيحبه مش بتشربه !!!!

وممكن القياس علي المثال السابق باشياء كثيرة وكل شيء بتوسط لا بعد وجفاء وعدم مشاركة ولا طمس لشخصيتي وتغييرها تبعاً لشخصية زوجي .

شارك هذه المشاركه


رابط المشاركه
شارك
السلام عليكم ورحمة الله وبركاته،،

صحوبة قد يكون طال غيابي لكن الحمد لله ها أنا قد عدت ^____^

 

هلا وغلا بكى ياغاليه ..وحشتنا حبيبتى

 

الأخت شمعة محقة تماما في النقطة دي واصابت في الفرع الاول فالإنشغال بالله سر النجاح وسر البركة وسر حب من حولك وتعلقهم بك لأن الانسان عندما ينشغل بالله وبإصلاح احواله مع ربه ويكون التعلق الأول بالله سيجد الدنيا تركض ورائه ركضاً وتأملي حال سلفنا انشغلوا بكل شيء يقربهم من الآخرة فركضت ورائهم الدنيا واكبر دليل ما زالت اسمائهم تتردد علي ألسنتنا وسطرالتاريخ سيرتهم الذاتية بأحرف ذهبية وهذة غاية كل منا أليس كذلك ؟؟؟؟

 

عندك حق ..ربنا يقربنا منه ويشغلنا بطاعته

 

-الإنشغال بالاولاد وتهذيبهم وتعليمهم قيم وتعاليم الاسلام باب كبير للحسنات وقد يكونوا سبب دخول الاباء الجنة .

-الإنشغال بنظافة البيت والاهتمام بالنفس عن تجربة يبعث في النفس الطمأنينة والهدوء والراحة والإستقرار .

 

صح عندك حق

 

اما تجربتي صراحة عشت فترة في أول زواجي جعلت زوجي محور أهتمامي الأول والاخير فكنت اتقطع جوعاً وانتظره وقد اتفاجا أنه اكل اي شيء في الخارج او عند والدته أو صديقه عزمه ومحبش يكسفه وغيرها وبالتالي اتضايق وأشعر انه مقصر معي لكن بعد فترة غيرت اسلوبي لا إفراط ولا تفريط مثلاً تأخر قد أتناول شيء بسيط

وعندما يعود إن اراد أن نأكل شاركته وإن اعتذر ابتسم واقوله ارتاح شوية ونبقي نأكل بعد كده لأني اكلت شيء خفيف (صدقاً قد يحاول أن يأتي في موعده او ينتظرك ويتصل لكي تنتظريه )وغير ذلك يكفي اني اغلقت باب للمشاكل والحزن بيني وبينه حتي لو تكرر الامر ومن المؤكد هو مش بيتعمد كده لكن ظروف الحياة والشغل

ويكفي يوم الأجازة بنتناول الوجبات مع بعض والحمد لله مش بتتكرر الا نادراً .

ونقطة ثانية خلق جو لنفسي انا بحب الشاي والقهوة والنسكافية وزوجي عكسي تماماً ممكن عصائر وفاكهة بشاركه اشياؤه بعد الوجبات

وبعمل انا لنفسي وقت استجم فيه والله قد اصنع كوب شاي او قهوة وأغلق غرفتي علي وأترك البنات مجرد عشر دقائق وممكن افكر في شيء جميل او اتذكر صديقاتي ومواقفنا المضحكة مثلاً وبخرج من الغرفة وأنا كلي حيوية ونشاط وممكن اشتغل عشر ساعات بعدها وممكن استغل المنتدي مع حاجة حلوة الخلاصة اسعدي نفسك باي حاجة احنا اللي ممكن نصنع السعادة ونطرد النكد لكن تنبيه اهم شيء الطاعات اولاً لان بدونها استحااااااالة تشعري بسعادة ولا بانشراح صدر ولا بركة .

ومن غير تعمد صدقيني الزوج بيلاحظ ممكن يدخل المطبخ بالليل يشرب مثلاً يلاقي مكان الشاي او القهوة فيبتسم ويقولي مظبطة نفسك أنت وانا بصراحة بكون سعيدة لانه شعر ان لي حياتي واهتماماتي ومش تبع ليه لازم احب اللي هو يحبه

زارتني اخت من اسبوع واثناء الضيافة قولتلها اعملك كابتشينو قالتلي ياريت اصل بحبه وعلشان زوجها مش بيحبه مش بتشربه !!!!

وممكن القياس علي المثال السابق باشياء كثيرة وكل شيء بتوسط لا بعد وجفاء وعدم مشاركة ولا طمس لشخصيتي وتغييرها تبعاً لشخصية زوجي .

 

 

كلام كله عقل وحكمه وفعلا نتعب جدا عندما نجعل ازواجنا محور حياتنا ... بارك الله فيكى ياغاليه

ودوما بانتظار اضافاتك

 

[وسط][/وسط]

شارك هذه المشاركه


رابط المشاركه
شارك

ياااااااااااااااااااااااه اخيرا وصلتت للآخر

مش تراعو يا جماعه ان انا صاحبة مرض وتبقو تندهو عليا من الاول؟؟!!

المهم انا جبت الموضوع من الاول للآخر وكان نفسي امسك كل كلمه اعلق عليها

لكن مش مشكله,,,, شايفين الغموض!

 

انا الحمد لله ماشيه تمام في النقاط اللي فاتت يعني الي حد ما كويس

من كام يوم قلت لزوجي انا نفسي اتعلم خياطه رغم ان هو رفض الفكره قبل كدا بس جبتها بشكل تاني وبعد فتره كبيره والحمد لله وافق

قلتله دي هوايتي وعاوزه اطلع الطاقه اللي جوايا

كمان امبيرح اتصل بيا واول كلمه قالها ايه؟؟هوا مفيش فرق بين امتحانات واجازه؟؟

قلتله ليه يعني ؟ قال ولا سألتي عني طول اليوم ولا حتي رنه؟؟

طبعا هوا كان متوقع علشان خلصت امتحانات هزهقه بس لاااااااااااا دا انا تقييييييييييله

جزاك الله خير يا صاحبة القلب الطيب

ونفسي اسأل بس عن بشرة خير

مش بشوفها خالص

وماظهرتش في الموضوع غير مره واحده

لوحد يعرف عنها حاجه يطمني

  • معجبة 1

شارك هذه المشاركه


رابط المشاركه
شارك

 

الخطوه الخامسه:الاهتمااااااااااااااااااااااااااااااااااااام بالمظهر

 

يااااااااه ياشمعه عماله تقولى استنونى فى الخطوه الخامسه وفى الاخر تطلع هى ده

 

ايوه معلش خدونى على اد عقلى واسمعونى للاخر

 

 

طبعا انا بتريق مش ده العنواين بالظبط بس المعنى واحد ان انا بهتم بنفسى وبمظهرى عشان خاطر ابو السباع طبعا اول ما تقرى الموضوع تسخنى وتقولى بسسسسسسسس تاهت ولقيناها انا هنزل اجيب الهدمتين دول والواد هيخر تحت رجلى

 

 

المفروض تبقى اموووووووره وتهتمى بنفسك لابعد الحدوووود بس عشان نفسك عارفه زى مين البنات اللى بيمشوا فى الشارع متبرجات ومهتمين بنفسهم على الفرازه .هما احسن منك فى حاجه ؟؟؟؟

 

معلش يا شمعه احنا تهنا وضحى اكتر

وماله نخش فى العملى

 

انتى قاعده فى البيت ومحضره الليله ولابسه الهدوم اللى على الحبل

يدخل ابو السباع يرمى بطرف عينه يعرف ان كل ده عشانه فيبقى كانك عملتى بالظبط هو كده اكتفى والرساله وصلتلوا انك :sad: يسيبك؟ لا طبعا

عايز يشوف هيجننك ازاى ؟؟

 

يقوم مديكى وش الخشب وقال الواد مش مهتم ويخشى ينام او انا تعبان او اى حاجه من الكلام الفاضى ده

طبعا انتى كنتى متوقعه انه يدوخ ويقع من طوله لما يشوفك

قام هو اللى دوخك ووقعك من طولك ....اومال ايه العمل؟

 

LQ077115.gif

 

 

الاهتماااااااااااااااااااااااااااااااااام بالنفس

 

بصوا يا جماعه ربنا جعل اهتمام المراءه بنفسها شيىء جبلى ولو تلاحظوا كلنا واحنا صغيرين امهاتنا كانوا بيزعقولنا اننا نقعد اودام المرايه ونعك فى المكياج بتاعهم

واحلى هديه لبنوته صغيره ادوات تجميل لعبه

بلاش ده كله ربنا سبحانه وتعالى جزاؤه للمراءه فى الاخره انها تبقى احلى النساء احلى من الحور العين كمان

 

بسسسسسسسسسسسسس ده مربط الفرس انك انتى كده ولا كده بتحبى الاهتمام بنفسك

 

المهم نكمل بقى الموقف اياه

 

ابو السباع دخل وادالك الطرشه

التصرف العبيط:هتنهارى وتقوليله انا غلطانه ان انا مستنياك انا لبست واتشيكت عشانك وده اخرتها

(وطبعا فى الحاله ده انتى منظرك اودامه انك بطلة العالم فى رمى الجته)

ما انتى راميه جتتك بقه

 

LQ077115.gif

التصرف الصح:ااااااااااااااه هو ده مربط الفرس التصرف الصح هنا هنرغى فيه شويه

 

انا عايزاكى تهتمى بنفسك جدددددا لبسك واستايلك جسمك تخين اعملى رجيم وخسى وكل حاجه فيكى حتى عنيكى ورموشك كلللللللللللللللللللل حاااااااااااااااااااااجه

بس مش عشان ابو السباع لا عشان انتى بتحبى تدلعى نفسك

طبعا اهتمامك بنفسك هيديكى ثقه جامده جدددددددا فى نفسك

لما هتجيلك الثقه اذن :

والجمله ده مهمممممممممممممممممه جدا

ثقتك بنفسك نابعه من جووواكى مش من نظرات الباشمهندس

 

LQ077115.gif

يبقى يوم ما ييجى وما يفرقش معاه وما يهموش انتى اصلا مش مستنيه انه يهمه و باذن الله لو اهتميتى بنفسك عشان نفسك انه من نفسه هو هيبتدى يهتم

زى ما احنا متفقين الراجل بيشم المدام من على بعد ميت متر

مثلا لما تعملى صبغه فى شعرك

اووووووووووووعى تساليه اعمل انهى لون انا عايزه اعرف اللون اللى بيعجبك؟

 

اللللللللللللللللللللللللللللله امال مسالوش ويطلع لون هو مش بيحبه؟

 

لا يا فالحه اعرفى من بعيد لبعيد يعنى مثلا اتكلمى على الالوان الموضه للشعر وهو هيقع على بوزه ويقولك

ولما يقول اللو ن اللى بيحبه

تردى تقولى:اووووووووه تصدق يا روحى هو ده اللون الموضه السنه دى

ولما تيجى تعمليه لو قالك :ايوه يا عم عملتى اللون اللى قلتلك عليه

هزى راسك بهبل كده شكيكيه فى نفسه وقوليله: انت قولتلى على اللون ده؟ معقول مش فاكره خالص ده انا عاملاه عشان موضه

 

 

LQ077115.gif

طبعا لازم تهتمى بنفسك لاقصى درجه بس مش عشان جوزك يعجب بيكى لا عشان انتى الاول تعجبى بنفسك وعشان الناس اللى تشوفك تعجب بيكى وبعدين والله جوزى عجب معجبش ده حاجه بتاعته وهو طبعا هيعجب ان شاء الله لان لو مكنتيش عاجباه مكنش اتجوزك من الاول

والحاجه التانيه لما تشيليه من دماغك

 

LQ077115.gif

 

 

الاهتماااااااااااااااااااااااااام بالنفس

بس المره ده الاهتمام بالنفس والعلاقه الحميميه

مبدئيا كده انا عارفه كويس جدا ان الموضوع ده بالنسبه لكتير مننا اشباع عاطفى بالدرجه الاولى ونظرا لان الست عاطفيه ورومانسيه بتحب الموضوع ده مش لذاته انما للمشاعر اللى فيه انما نظرة الراجل للقصه ده مختلفه خالص

 

ايه ده يا شمعه ايه البدايه الكبيره ده مش متعودين منك على كده

اصبرروا بسس

 

الواحده مننا زى ما قلنا تدخل على النت تتعلم طرق ارضاء الزوج وكده وتعد تستناه لحد ما يجى

وتبربش برموشها

طبعا هو من جواه عنده الرغبه اكتر منها بس طبعا نظرا لان التقل سمه سايده فى الرجاله يقوم دالقها

ليه بقه؟

لانه هو ممكن يطلبها فى اى وقت انما متعة انه يحس انها ميته عليه مش فى اى وقت

وخاصة المتعه اللى بيلاقيها من نظراتها المحرووووووووقه انها هتموت عليه

ولو تلاحظى وانا اراهن انك ممكن تعملى الحركة ديه بليل وبينتيلوا يقوم ينام ويسيبك وتانى يوم الصبح :wub:

 

صح؟انا متاكده انها حصلت مع كتير

هقولكوا ليه بقى الراجل طبعا عايز يحقق مكسبين

1-انه يشوفك كده ويديكى الطرشه وينام ويحس انك هتعيطى وهتموتى عليه

بالله عليكى حطى نفسك مكانه مش احساس ممتع

2-انتى تحت الامر والطلب وممكن يجيبك فى اى وقت ومتقدريش تمنعيه نفسك انما هو يقدر يمنعك نفسه لانه الليدر والكوماندا

 

LQ077115.gif

طب وبعدين يا شمعه دبرينا يا اختى!!!!!!!!!!!

:cry:

يا جماعه ده النحل والقطط والحيوانات الذكر هو اللى المفروض يعنى بيجرى وره الانثى

عندكوا مثلا ملكة النحل بتطير ويطير وراها ييجى خمسين ذكر يتسابقوا فى تلقيحها

بلاش القطه فى موسم التزاوج تقعد تنونو من غير ما تروح للقط وبيبقى يوم ما طلعطلوش شمس لما بييجى بيتزل يا عين امه

اما بقى حبيبتنا انثى العنكبوت تستنى الذكر وبعد ما تاخد مصلحتها تلدعه تموته وتخلص

 

يا جماعه على فكره ده كلام علمى بحت ولو مش مصدقينى اعملوا عليه سيرش على النت وانتو تتاكدوا

 

 

طب والعمل يا شمعه اهىء اهىء الحيوانات عندها كرامه عننا

 

وبعدين استنى هنا يا شمعه ايه علاقة الكلام اللى فات ده كله بموضوع الاهتمام بالنفس؟

اااااااه هقولك يا ستى

زى ما اتفقنا الجزء اللى فات اهتمامك بنفسك اصلا شيىء اساسى

 

نخش فى العملى

 

 

LQ077115.gif

جوزك جه من الشغل اوععععى مهما حصل تستقبليه بقميص النوم

اومال؟

البسى فساتين لذيذه بناطيل ضيققققققققققققه وحاجات مغريه برضه

 

اومال قميص النوم امتى؟

قبل ما تناموا تدخلى وتغيرى هدومك اوصاد الدولاب وتلبسى القميص والكلام ده يوميييييييييييييييييا يبقى لبس القميص ده عااااااااااااااااااااادى

لازم تعوديه ان هى ده هدوم النوم بتاعتك وكمان عشان اودام الولاد

بعد ما تلبسى القميص تتاوبى بدلع وتقومى وانتى بتطفى النور تروحى قايله :تصبح على خير انت بقى يا روحى انا هروح اقرى كتاب كده وبعدين هنام بعد شويه وتقومى خااااااااااااااااارجه من الاوضه

اول مره هيطنش تانى مره هيطنش وهو بيعيط

تالت مرررررررره احم احم :sad:

 

ومش لازم الموقف ده بحذافيره ممكن مثلا تلبسى القميص وتخشى تنامى قبليه وفعلا تعملى نفسك نايمه

انا مره عملت الموقف ده فى جوزى من قهرته صحانى وقالى انتى نمتى ؟

قلتله وانا مغمضه عينى:ايوه يا روحى فيه حاااااااااااااااااااجه :tongue:

 

اوعى مهما حصل تبتدى انتى الحوار ده مع جوزك خليكى دايما نظام التمننننننننننننننننننننننننننننع

وحتى لما يطلبك قوليله طب ثانيه يا روحى وهجيلك

 

LQ077115.gif

ما رأيكوا ياحبيبات

؟؟؟؟؟؟؟؟؟

 

انتظرونا فمازال هناك المزيد وهو اجمل واجمل

 

شارك هذه المشاركه


رابط المشاركه
شارك

بجد موضضوع جامد جدا

ومفيد جدا

 

تسلمي شمعة الحبيبة

وجزاكِ الله خيرا صحوبة

 

بس يا جماعة موضوع الغموض دا

 

خطيبي بيفسره عدم إهتمام

 

يعني مثلا ممكن يحكي حاجة تحرق دمي

وأغير أوي بس مش ببين ممكن أضحك

 

وكمان ممكن يعمل حاجة تزعلني برضه مش ببين

 

في مرة قالي أنا بقعد متحير مش عارف انتي مدايقة ولا عادي

 

وكمان مش عارف انتي بتحبيني ولا لأ؟

 

تخيلوا !!!!!!!!!!!!!!!!

 

يعني هو شايفه عدم إهتمام

 

أيه رأيكم؟

شارك هذه المشاركه


رابط المشاركه
شارك
ياااااااااااااااااااااااه اخيرا وصلتت للآخر

مش تراعو يا جماعه ان انا صاحبة مرض وتبقو تندهو عليا من الاول؟؟!!

المهم انا جبت الموضوع من الاول للآخر وكان نفسي امسك كل كلمه اعلق عليها

لكن مش مشكله,,,, شايفين الغموض!

 

ههههههه عزتى نقابى

بعد الشر عليكى من المرض

 

انا الحمد لله ماشيه تمام في النقاط اللي فاتت يعني الي حد ما كويس

من كام يوم قلت لزوجي انا نفسي اتعلم خياطه رغم ان هو رفض الفكره قبل كدا بس جبتها بشكل تاني وبعد فتره كبيره والحمد لله وافق

قلتله دي هوايتي وعاوزه اطلع الطاقه اللي جوايا

 

تمام .ماهى الامور بتيجى بالهدواه

كمان امبيرح اتصل بيا واول كلمه قالها ايه؟؟هوا مفيش فرق بين امتحانات واجازه؟؟

قلتله ليه يعني ؟ قال ولا سألتي عني طول اليوم ولا حتي رنه؟؟

طبعا هوا كان متوقع علشان خلصت امتحانات هزهقه بس لاااااااااااا دا انا تقييييييييييله

 

ياواد ياتقيل ..ماشى ياعم بس مش اووى لا الراجل يطفش

جزاك الله خير يا صاحبة القلب الطيب

ونفسي اسأل بس عن بشرة خير

مش بشوفها خالص

وماظهرتش في الموضوع غير مره واحده

لوحد يعرف عنها حاجه يطمني

 

هى بشره كانت قالت ان النت مقطوع عنها الفترة الماضيه

وانها ستسافر لمصر من اسبوع كده لرؤيه امها وحماتها

ربنا يطمنا عليها

شارك هذه المشاركه


رابط المشاركه
شارك
بجد موضضوع جامد جدا

ومفيد جدا

 

تسلمي شمعة الحبيبة

وجزاكِ الله خيرا صحوبة

 

بس يا جماعة موضوع الغموض دا

 

خطيبي بيفسره عدم إهتمام

 

يعني مثلا ممكن يحكي حاجة تحرق دمي

وأغير أوي بس مش ببين ممكن أضحك

 

وكمان ممكن يعمل حاجة تزعلني برضه مش ببين

 

في مرة قالي أنا بقعد متحير مش عارف انتي مدايقة ولا عادي

 

وكمان مش عارف انتي بتحبيني ولا لأ؟

 

تخيلوا !!!!!!!!!!!!!!!!

 

يعني هو شايفه عدم إهتمام

 

أيه رأيكم؟

 

ما احنا قلنا حبيبتى

 

ان فى فرق بين الغمووض وعدم الاهتمام

يعنى مثثلا شدى وارخى

مثلا ولا همك

ومرة فارق معاكى جداااا

 

يعنى اعرفى ازاى تكسيبه مش تبعديه ؟؟

 

وبعدين لو من النوع اللى بيتقل عليكى اوووى ممكن تستخدمى كل اللى هنا بالظبط

لكن لو الراجل لسه عاقد وغلبان فرحيه اليومين دوول .بكرة تدخلوا فى الجد هههه

 

وبعدين لو زعلك عرفيه انك مضايقه فى مرة والتانيه باسلوب تانى

 

وانتى وشطارتك

 

انما مش تققققل وغموض على طول :icon15:

 

وربنا يوفقك

شارك هذه المشاركه


رابط المشاركه
شارك

يعني مثلا ممكن يحكي حاجة تحرق دمي

وأغير أوي بس مش ببين ممكن أضحك

 

وكمان ممكن يعمل حاجة تزعلني برضه مش ببين

 

في مرة قالي أنا بقعد متحير مش عارف انتي مدايقة ولا عادي

بصي يا ميمونه في فترة العقد بالذات الزوج او الزوجه بيحاول يفهم شريكه علشان يفكر ويخطط ويعرف يتعامل معاه

شيئ مستفز جدا لما يكون هو بيتكلم في موضوع اصلا علشان يعرف رأيك او رد فعلك علي الموضوع دا وأنتي مش تفيديه بحاجه

يعني هو بيعمل كدا علشان يريحك بس انتي مش بتريحيه دا ممكن يولد جواه عند ومش هتاخدي بالك غير لما تتزوجي

خلي بالك من الاول وافهمي كويس كل كلمه هو بيقولها عاوز من وراها ايه

 

 

 

ياواد ياتقيل ..ماشى ياعم بس مش اووى لا الراجل يطفش

هو يقدر؟؟

امال الشغل اللي بنعمله دا كله علشان ايه؟؟

انا مأمنه نفسي :mrgreen:

 

هى بشره كانت قالت ان النت مقطوع عنها الفترة الماضيه

وانها ستسافر لمصر من اسبوع كده لرؤيه امها وحماتها

ربنا يطمنا عليها

ماشي جزاك الله خير

شارك هذه المشاركه


رابط المشاركه
شارك

جزاكم الله خيرا حبيباتي على النصائح

 

أنا حاليا ماعدتش زي الأول

 

بقيت سهلة وبسيطة

وهو مبسوط كدا وبيقولي انا كدا فاهمك أكتر وأنك اتغيرتي كتير

بس فيكِ شوية غموض برضه

شارك هذه المشاركه


رابط المشاركه
شارك
جزاكم الله خيرا حبيباتي على النصائح

 

أنا حاليا ماعدتش زي الأول

 

بقيت سهلة وبسيطة

وهو مبسوط كدا وبيقولي انا كدا فاهمك أكتر وأنك اتغيرتي كتير

بس فيكِ شوية غموض برضه

 

ميمونه

 

 

ايوا هو ده المطلوب بالظبط برافو عليكى

 

شويه وضوح مع شويه غمووض عشان الطبخة تتظبط :mrgreen:

يعنى لا تكترى من ده ولا ده هههه

 

وربنا يسعدك انتى وعزتى نقابى وكل البناااااات

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×