انا جيت افرحكم وخايفه ادعولى استحلفكم بالله

[نسمه الايمان 1]

اذيكم يااحلى احلى اخواااات يارب تكونو فاكرنى

 

انا جيت افضفض معاكم شويه انا الحمد لله تعالى بفضل الله حددت ميعاد الفرح الحمد لله بمشيئه الله تعالى15\9 بأذن الله ادعوووولى بالله عليكم ان ربنا يكملى على خير ويعدى الايام دى على خير ويفرح قلبى يااااارب وقلب امى بيا

 

انا جيت افضفض معاكم شويه مش عارفه ليه انا خايفه خايفه اى حاجه وحشه تحصل كل يوم بدعى ربنا فى قيام الليل ان ربنا يكملى فرحتى على خير نفسى افرح اووووى اوووووى

 

بس مش عارفه ليه القلق اللى عندى ده حتى مش عارفه انام من الارق نفسى اغمض وافتح والاقى نفسى فى الفرح ادعولى بالله عليكم

وادعولى ان ربنا يهدى ابى علينا وعلى امى هو زى ماقلتلكم انه مش هنا هو فى السعوديه بس فى حبة مشاكل هو عاملهاربنا يهديه ادعوله ان (ربنا يريه الحق حقا ويرزقه اتباعه ويريه الباطل باطل ويرزقه اجتنابه)

والنهارده باردو عمة خطيبى اتوفت بس هو لسه معرفش والدته قالتلى متقلهوش عشان امتحاناته انا زعلت وخفت فى نفس الوقت هما علاقتهم مش جامده اوى بدليل انها مجدتش شبكتى ولا كتب كتابى ولامره من المرات لما رحتلهم زياره شوفتها دى حاجه وماما قالتلى ان لسه بدرى على الفرح وهيكون عدى وقت كافى وحستش حاجه من مامته النهارده بس يارب مايحصل تاجيل ولا اى حاجه وحشه تيجى تانى ويكمل فرحتى على خير يارب عدى الايام على خير ويكون الفرح فى ميعاده انا واثقه ان ربنا كرييييييم اوى يااارب

 

انا اسفه طولت عليكم بس معرفش ليه حبيت اتكلم معاكم وافضفض معاكم انا عارفه انى تعبتكم معايا بس استحلفكم بالله ادعولى بظهر الغيب انا بحبكم اوى وسامحونى

[أم ربعي 21]

وعليكم السلام ورحمة الله وبركاته

ازيك يا نسومتى

ايه يا بنتى اللى انتى في دى

كل دى وساوس شيطانية لا اكثر ولا اقل حتى يعجعلك مش مستريحة ولا سعيدة خصوصا انك ماشاء الله اى طلب بتقومى تصلي وتدعي ربنا ولا ازكيك على الله

واقول لك ان كل ده طبيعي جدا جدا

تعرفي اول مرة سافرت للحج كنت لسه متزوجتش وكنت والله العظيم بعد ما التاشيرة طلعت وقبل السفر باسبوع فعلا مش بنام ونفس الوساوس اللى بتجيلك بتجيلي

ممكن تموتى اصلا ومش تسافرى ممكن ابي يجراله حاجه وكمان مش هتسافري والله ما كنت بشوف النوم اخر ليلة امى قالتلى نامى بقه عشان تقدرى تسافرى قلتلها حاضر بس مين ولا نمت ولا اى شيء

ودا بيجي بنتيجه صعبة بصراحة شحوب في وشي وكنت بترعش وحاجات غريبة

انا بقولك اهوه ربنا لا يقدر لك الا الخير باذنه تعالى وان شاء الله ياحبيبتي تفوت الايام سريعا وتلاقي نفسك في شهر 9 وتتزوجى وتتهنى باذن الله

انصحك ابتعدى عن الافكار دى اشغلى نفسك باى شيء مفيد

اقراى بقه عن الزواج ومابعده

شوفي خلصتى حاجتك ولا لسه

انشغلى مع مامتك في عمل شيء وربنا ييسر الخير وطمنينا يا حبيبتي

 

طولت عليكي معلش يا نسوم بس تعرفي انا تقربت منك من مواضيعك دى والله ربنا يبارك فيكِ ياقمررر

[نسمه الايمان 1]

وعليكم السلام ورحمة الله وبركاته

ازيك يا نسومتى

ايه يا بنتى اللى انتى في دى

كل دى وساوس شيطانية لا اكثر ولا اقل حتى يعجعلك مش مستريحة ولا سعيدة خصوصا انك ماشاء الله اى طلب بتقومى تصلي وتدعي ربنا ولا ازكيك على الله

واقول لك ان كل ده طبيعي جدا جدا

تعرفي اول مرة سافرت للحج كنت لسه متزوجتش وكنت والله العظيم بعد ما التاشيرة طلعت وقبل السفر باسبوع فعلا مش بنام ونفس الوساوس اللى بتجيلك بتجيلي

ممكن تموتى اصلا ومش تسافرى ممكن ابي يجراله حاجه وكمان مش هتسافري والله ما كنت بشوف النوم اخر ليلة امى قالتلى نامى بقه عشان تقدرى تسافرى قلتلها حاضر بس مين ولا نمت ولا اى شيء

ودا بيجي بنتيجه صعبة بصراحة شحوب في وشي وكنت بترعش وحاجات غريبة

انا بقولك اهوه ربنا لا يقدر لك الا الخير باذنه تعالى وان شاء الله ياحبيبتي تفوت الايام سريعا وتلاقي نفسك في شهر 9 وتتزوجى وتتهنى باذن الله

انصحك ابتعدى عن الافكار دى اشغلى نفسك باى شيء مفيد

اقراى بقه عن الزواج ومابعده

شوفي خلصتى حاجتك ولا لسه

انشغلى مع مامتك في عمل شيء وربنا ييسر الخير وطمنينا يا حبيبتي

 

طولت عليكي معلش يا نسوم بس تعرفي انا تقربت منك من مواضيعك دى والله ربنا يبارك فيكِ ياقمررر

 

 

اشهد الله الذى لااله الا هو انى احبك فى الله جزاكى الله خيرا على كلماتك ادعيلى بظهر الغيب

 

والله المستعان والله متوكله على الله بس اعمل ايه فى القلق ده واكثر الوق بستغفر وبدعيله ان يكمل فرحتى على خير وفرحى فى ميعاده بمشيئة الله

 

احبك فى الله وربنا يفرح قلبك بما تتمنين ويقر عينك بذريتك

[***أم محمد*** 8]

مبارك يا نسومة على تحديد موعد الزواج وكمان على الشقة

بالنسبة لما تحسين به فهذه وساوس من فعل الشيطان ...ماتخليه يسطر عليكي و استغلي الوقت في التحضير لزفافك

وماتخلي فرحتك رهينة هذه الوساوس

توكلي على الله وان شاء الله يتمملك على خير

[محبة لربها، ادعوا لي بالثبات 72]

حبوبة نسمة مبارك وربنا يكمل لك على خير حبيبتى

 

 

 

بارك الله لكما وبارك عليكما وجمع بينكما فى خير

 

 

 

تفاءلوا بالخير تجدوه

 

 

 

واستعينوا على قضاء حوائجكم بالكتمان...الكتمااان يا نسمة كى يتم موضوعك كما تتمنين

 

 

 

قيام الليل انت عارفة قيمته مؤثرة قد ايه

[شذى الهمة 331]

ربنا يتملك على خير يارب ويرزقكما السعادة

استعيني بالله ولا تتركي نفسك لوساوس الشيطان

واستمتعي بحياتك وأيامك في بيت والدتك

ويإذن الله لن يكون إلا الخير

[الاء القدوس 18]

هذه مجرد وساوس كما قالت امم ربعي

عارفة يا نسومة انا ايضا يوم العقد كنت خايفة جدا يحصل شيء و ظليت متوترة لكن الحمد لله كل شيء مر بسلام

عارفة انا ممكن ايضا اتزوج في شهر 9 ان شاء الله كنت عايزة قبل بس رمضان حيلخبطنا لكن شيء جميل انك تاخدي وقتك في فرش البيت و إحضار كل المستلزماتي لتدخلي له مرتاحة

و اسال الله ان يوفقك ادعيلي ايضا

و انصحك كما قالت محبة كوني كتومة شوية يا بنتي انت مش عارفة ان العين حق

اقرئي المعوذتين و اي خطوة كديدة في حياتك لا تقوليها حتى تتحقق ماشي يا حلوة :)

[*ميمونة* 104]

مبارك لكِ يا حبيبة

 

غاليتي كل اللي بيحصل لك دا مجرد وساوس فعلا

 

أنا برضه يوم العقد بتاعي كنت خايفة ومتوترة وبيتهيألي حاجات غريبة كدا

 

وحاسة إني هفضل كدا ليوم الفرح

 

بس أنا مش جامد أوي زيك كدا

 

تفائلي خيرا حبيبتي وعليكِ بالدعاء كثيرا

 

أزال الله همك ورزقكِ السعادة في الدنيا والآخرة

[(أم *سارة*) 981]

رب يتم فرحتك حبيبتي وتقر عينيك بزوجك ويقر عينيه بك

 

إللي إنتي فيه شيء طبيعي لا تخافي واهتمي بعبادتك وادعي الله باستمرار واستغفريه كثيراً

 

ثم انشغلي بحاجياتك لزوم الجهاز وبإذن الله كل شيء هيصير كما تتمنين وأكثر

 

بس بلاش تنسي تدعينا في الفرح ماهو من لقى أحبابه نسى أصحابه

[نسمه الايمان 1]

جزاكم الله خيرا

[،،، نور ،،، 39]

ربنا يسعد قلبكِ ويتم لك على خير يا نسومة

وبلاش تبقي قلوقة كده :)

كله هيبقى تمام إن شاء الله ..

 

وابقي طمنينا عنِّكِ يا قمر

[ذليلة إلى اللـَّـه 417]

السلام عليكم ورحمة الله وبركاته،،

 

فعلاً حالة طبيعية

بنشعر بها قبل السفر أو قبل النتيـــــــــجة

الله يوفقكـ

بس بلاش تنسي تدعينا في الفرح ماهو من لقى أحبابه نسى أصحابه

و حتى لو مش جينا ^_^ تجيبيلنا الجاتوه ههههههه

[عبــاد الرحمن 165]

ايه يا نسومه مالك ؟ يا بنتي انتي المفروض الفترة دي تكون فترة فرح وسعادة مش قلق زيادة كده

 

متقتليش فرحتك بوساوسك وتدي الشيطان فرصة يوسوس ليكي

 

افرحي وتفائلي خيرا وادعي ربنا يكمل لك فرحتك على خير

 

وربنا يتمم لك زواجك بخير يارب

[°° نورسين °° 0]

ربنا يسعد قلبكِ ويتم لك على خير يا نسومة

رب يتم فرحتك حبيبتي وتقر عينيك بزوجك ويقر عينيه بك