اذهبي الى المحتوى
بسبوووسه

ريجيم هايل نزلت عليه دهون مش عضلات

المشاركات التي تم ترشيحها

السلام عليكم ورحمة الله وبركاته

انا النهارده هكتبلكم انجح ريجيم عملته في حياتى .. وده طبعا بالنسبه ليا

كان وزنى 78ك وطولى 170 وانا عريضه علي فكرة وعضمى تقيل

بصو بقي انا كنت وصلت لمرحلة ان معدل الحرق عندى بقي بطيء ومهما اعمل ريجيم كان الميزان يجبر بخاطرى وينزلنى نص كيلو(طيب ده كده بيجبر بخاطر امال لو عايز يحرق دمى كان عمل ايه :mrgreen: )

عشان كده الدكتور مبدأش ريجيم علي طول بالمعنى المفهوم او زى ماانا عايزه هو كان عايز يعلي الحرق عندى الاول وفي مرحلة معينه نبدأ الريجيم , وكنا ماشيين 5 ايام في 5 ايام وهكذا مش بالاسبوع يعنى

بصو انا هكتب اللى تم بالظبط وهكتبلكم النتيجه بالتفصيل

---------------------

 

اول 5 ايام(وزنى 78 ك وجسمي حسيت انه عامل زى الجلى)

---------------------------------------------------------

الافطار:رغيف عيش بلدى+طبق كبير سلطه+5معلق فول بدون زيت

أو قطعه جبنة قريش 150جم

أو كوب لبن كبير خالى الدسم

أو2كوب زبادى منزوع الوش

أو3 بيضه مسلوقه

 

بين الافطار والغدا:كوب نعناع او شاى اخضر بدون سكر

 

الغداء:رغيف الاربع بلدى+طبق كبير خضار مسلوق+طبق كبير سلطه+صدر فرخه مسلوقه او مشويه

أو قطعه لحمه مسلوقه او مشويه

أوسمكة مشويه 200 جم

أو 4 قطع كبدة من غير زيت

 

بين الغدا والعشا:كوب نعناع او شاى اخضر بدون سكر

 

العشا:2كوب زبادى بدون وش+2تفاحه

أوخيار

أو خس

 

ملاحظات:

1_شرب ميه كتير مووووووووت اقل مافيها 10 اكواب

2_لو جوعتى كلى تفاح زى ماانتى عايزه

3_الرياضه بعد كل وجبه بساعه ونص ونبتديها ب 5 عدات لكل تمرين (التمارين الخاصه لكل واحده علي حسب جسمها يعنى اللى الارداف زايده عندها شويه تهتم اكتر بالتمارين الخاصه بيهم واللى عندها بطن اكتر تهتم اكتر بتمارين البطن ..وهكذا

4_ملكيش دعوة بالميزان نهاااااائي لان الشغل كله هيبقي علي الدهون مش العضلات يعنى مقاساتنا بالسنتيمتر مش الكيلوجرام علي الميزان

 

النتيجه:

انا كنت حتة واحده ومفيش وسط لكن اول 5 ايام جسمي اتشد شويه لسه طبعا محسيتش ان فيه فرق في النزول كشكل او كميزان بس حسيت ان جسمي بيتشكل وسط وبطن وارداف يعنى ببتدى ملامحى تظهر ... ده غير ان وشي بشرتى مبقيتش تفرز دهون زى الاول

شارك هذه المشاركه


رابط المشاركه
شارك

تانى 5 ايام (وزنى 79ك وجسمى حسيت انه مشدود شويه صغيرين خالص)

----------------------------------------------------------------------

الافطار:زى ماهو لكن بدل رغيف بلدى يبقي رغيف الاربع

 

بين الافطار والغدا:زى ماهو

 

الغدا:زى ماهو لكن بدل رغيف الاربع بلدى يبقي نصف رغيف

 

بين الغدا والعشا:زى ماهو

 

العشا: زى ماهو

 

ملاحظات :

كله زى ماهو لكن باختلاف

1_التفاح بين الاكل لما تحسي بالجوع خليه 2 تفاحه ىبلاش زى مانتى عايزه دى

2_الرياضه بدل ماتبقي 5 عدات لكل تمرين خليها 8 عدات

3_بردو ملكيش دعوة بالميزان

 

النتيجه:

حسه انى بنزل شويه وجسمى بيتقسم اكتر وبطنى بتاخد وضع الاستعداد انها تصغر .. وكمان جلدى عامة اتحسن خالص

شارك هذه المشاركه


رابط المشاركه
شارك

السلام عليكم ورحمة الله وبركاته

 

 

طرريقة ريجيم حلوه وكفايه انو مش هنتحرم من الاكل يعني :mrgreen:

 

 

بس مشفتش ولا يوم في ببسي ولا اي حته مسسسكره :neutral:

 

 

ربنا يقدرني واعملو بس بعد رمضان لاني هكون تخنت اوي :mrgreen:

 

 

أحبكِ في الله أختي بسبوسه

شارك هذه المشاركه


رابط المشاركه
شارك

تالت 5 ايام(وزنى77ك جسمى مشدود شويتين تلاته وموضوع الجلى بيتلاشى)

الافطار:زى ماهو لكن بدل رغيف الاربع يبقي نصف رغيف

 

بين الافطار والغدا:زى ماهو

 

الغدا:زى ماهو لكن بدل نصف رغيف يبقي ربع رغيف

 

بين الغدا والعشا:زى ماهو

 

العشا:زى ماهو

 

ملاحظات:

1_لو انتى مش حسه بجوع مش تاكلى حاجه خلاص بين الوجبات بس ده لووو مش حسه بالجوع

2_الرياضه تبقي 10 عدات لكل تمرين

3_متنسوش الميه كتيييييييير موت

 

النتيجه:

جسمى حسه بفرق نزول اوى في جسمى وخاصة منطقه الارداف والبطن , وجسمى مشدود مش جلى زى ماكنت حسه في الاول وكمان الحبوب اللى في جسمى بتروح ووشي مبقاش يجيب دهون اوى زى الاول عشان كده الحبوب قلت من وشي , وكمان كنت منورة اوى وابيضيت عن الاول لان الرياضه بتنشط الجسم والدورة الدمويه وكمان بكتر اوى اوى من الخضار والفاكهه يعنى مش باكل طبق كبير بس خضار لالالالالا انا باكل لحد مااشبع واحس ان الاكل هيطلع من ودنى هههههههه

وعلي فكرة الخضار المسلوق والفاكهه خصوصا التفاح الاخضر والبلدى لو كترتوا منهم اوى اوى استحاله تتخنو ده ملوش علاقه بده نهائي لكن وشكم هيورد اوى وجلدكم هيبقي رائع

شارك هذه المشاركه


رابط المشاركه
شارك

رابع5ايام(وزنى75وجسمى مشدود اوى ورائع)

الافطار:طبق كبيرسلطه+تلت رغيف+نقلل من الكل حاجه بسيطه يعنى لو3بيضات نخليهم 2,ولو5معالق فول يبقو 4..وهكذا

 

بين الافطار والغدا:زى ماهو

 

الغدا:طبق كبير سلطه+طبق كبير خضار مسلوق+اقل من ربع رغيف+نقلل من الكل حاجه بسيطه يعنى صدر فرخه نشيل منها حته , ولو قطعه لحمه نشيل منها حته زى الفطار كده

 

بين الغدا والعشا:زى ماهو

 

العشا:كوب واحد زبادى+تفاح لحد ماتشبعى او خيار او خس

 

 

ملاحظات:

1_الرياضه بقت 20 او 15 عده لكل تمرين وركزت اوى بقي علي تمارين الارداف والبطن

2_نصحنى قبل الرياضه امشي حوالى نص ساعه او تلت ساعه او حتى ربع ساعه وبعدها اعمل الرياضه لانه هيبقي كويس جدا الموضوع ده في حرق الدهون .. بس بصراحه معملتش الموضوع ده عشان شغل البيت ووقتى مكنش يسمح بس قالى ممكن بدالها انى اكنس البيت كله واحده واحده وبعدها اعمل رياضه او امسح الشقه وبعدها اعمل رياضه .. علي حسب

 

النتيجه:

بقيت علي مااتذكر74 او 73ك بس والله العظيم كان شكل جسمى كأنى 68ك جسمى قل خالص والارداف نزلت اوى وبطنى قربت تسيبنى للابد وكنت فظيعه , وعلي فكرة كنت في الاول ببقي ملهوفه انى اتوزن عشان اعتقادى بالتخسيس كان غلط في غلط و اخر مرة قالى يلا عشان تتوزنى قولتله ميهمنيش اعرف :mrgreen:الراجل احتار معايا

ده غير المفاجأة اللى متوقعتهاااااااااااش وهو ان الاماكن الغامقه اللى عندى افتحت اوى اوى اوى (الاماكن اللى انتو عارفينها)تقريبا مبقيتش غامقه اصلاااااااااااااااااااااااااا

شارك هذه المشاركه


رابط المشاركه
شارك

**بعدها قالى بقي نرجع للاكل الطبيعي واحده واحده ونصحنى كمان ان يبقي السكريات والدهون في اكلى يبقي مرة في الاسبوع ويبقي بحساب لان كمان بشرتى دهنيه وده كان سبب الحبوب اللى بتطلعلى في جسمى ووشي وانا مش فاهمه وكل همى انى ادور علي ماسكات احطها وناسيه البلاوى اللى جوه :mrgreen:

 

**وكان قالى انى ابدل الخضار المسلوق بالخضار المطبوخ نى في نى اللى هو مفيهوش زيت

وسمحلى معاه بموزه كل يوم

وممكن اقلل من الرياضه بنقص العدات في كل مرة لحد مااوصل ل5 عدات لكل تمرين وبعدها تبقي مرتين تمارين بدل 3 مرات يعنى بردو تدريجيا عشان انا عارفه اننا استحاله ننتظم في التمارين طول عمرنا

وشويه بشويه ارجع للاكل بس الدهون والسكريات اللى زى الجولاش والجاتوه والكلام ده يبقي مرة في الاسبوع طول العمر

وعلي فكرة شعرى بقي احسن من الاول

 

---يعنى تقدروا تقولوا ان مشاكلى كلها اتحلت---

 

 

وحاجه عايزه اقولهالكم بس لسه مجربتهاش بس واضح انها جامده انا لسه سامعه حالا من دكتورة علي قناة الاسرة والطفل بتقول (كوبايه ميه مغليه ومعلقه كمون وشريحتين ليمون وربع معلقه قرفه ونص معلقه جنزبيل )وتسيبيهم لحد ماتبرد شويه والمكونات دى تنزل في قاع الكوبايه وتشربيهم قبل الاكل بتلت ساعه 3 مرات في اليوم دى بقي بتعلى معدل الحرق وبتقوى جهاز المناعه وبتسد النفس وبتعالج التهاب المفاصل

خلى بالك .. اليمون والكون فقط بيسدو النفس بسسسس .. والجنزبيل والقرفه فقط بيقووا جهاز المناعه وتعالج المفاصل بس

اما الخليط علي بعضه بيعلوو معدل الحرق + الحاجات اللى قولتلكم عليها

وقالت كمان احسن نزول في الوزن هو النزول بالسنتيمتر مش الميزان لان الميزان نزل عضلات والسنتيمتر نزول دهون وده احسن واهم نزول

شارك هذه المشاركه


رابط المشاركه
شارك

وعلي فكرة قبل مايبتدى معايا ريجيم سالنى عن طبيعة اكلى قولتله انى ..(طيب بالله عليكم من اسمى انتم ممكن تفهموا ايه :mrgreen:؟؟ ) وقولتله انى عاشقه السبوسه والحلويات وباكل منها بكميات وكمان القشطه والحاجات اللى متنغنغه في السمن البلدى :biggrin:

عشان كده زودلى الكميات اوى في الاكل ومحرمنيش من العيش علي طول عشان محسش بنهم سكريات

وكمان خلانى ااخد تفاح بين الوجبات لما اجوع وعلي فكرة من بعد 10 ايام بقيت محسش بجوع بين الوجبات وبطلت من نفسي موضوع التصبيره ده

.

..

...

إيه رايكم بقي في ريجيم الدلع بتاعى ده :wink:

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

 

بسبوستى..مبارك يا حبيبتى يارب تحققى ما تتمنيه يارب

 

اسلوبك راائع وجميل وجذاب مثلك

 

لكن حبيبتى احذرى من الذهاب لطبيب ذكر

شارك هذه المشاركه


رابط المشاركه
شارك

:closedeyes:

 

كيفك محبه

 

كنت ناويه أمـر عليك هناك بالمكان اللي تعرفيه

 

كويس انك جيتي

 

قولي لي ينفع ابدل (لاني ناويه عليه من بكره وخايفه ان بسبوسه تتأخر بالدخول

شارك هذه المشاركه


رابط المشاركه
شارك

اختى شانى

بص ياحبيبي يستحسن العشا عادة يكون فاكهه وزبادى .. ياريت بلاش تبدليه

ومعلش انا اسفه انى اتخرت عليكى في الرد

 

 

اختى محبه لربها

جزاكى الله خير علي زوقك ياقلبي

متقلقيش هو دكتور ثقة جدا ولولا كده مكنتش روحت خالص ربننا يخليكى ليا

 

 

اختى امة ارحم الراحمين

جزاكى الله خير لمرورك الكريم

وبلاش تشائم ان شاء الله تقدرى تستمرى وتخسي كتير .. انتى ممكن تدخلى في صفحه بستان الرشاقه وتابعى معانا ونشجع بعض , الاخوات ماشاء الله زى السكررررر وبنشجع بعض

ربنا يقويكى

شارك هذه المشاركه


رابط المشاركه
شارك

نسيت اقولكم انى كنت باخد في بدايه الريجيم اقراص شاى اخضر علبه لونها ابيض اسمها خلاصة الشاى الاخضر

دى عبارة عن شاى اخضر انما مركز شويه

وملوش اىىىىىىىىىىىىى ضرر لانه مكمل غذائي

وكان مهم في البدايه عشان يساعدنى في تعلية الحرق شويه لانه كان زى ماقولت في البدايه ان مهما اعمل ريجيم مكنتش بنزل لان الحرق كان بطيء موت

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×