اكبر مجموعة اناشيد مسليه ومفيده للاطفال

[ملكه متوجه بنقابي 0]

 

 

 

كلنا طبعا عارفين ان الاناشيد اللي الام او المدرسه بترددها للطفل قد ايه بتاثر في شخصىة الطفل وتصرفاته وبتعلمه كتير

 

 

ودايما نقول لو نحب نقنع حد بحاجه ندخله من الناحيه اللي بيحبها خاصة الاطفال

 

 

ومن هنا يجي الدور الكبيييييرللقصه والنشيد والالعاب التعليميه اللي هي تعتبر الباب المباشر لعقل وقلب الطفل

 

 

 

فانا هنا هبدا احط الاناشيد اللي عرفتها من شغلي السابق في الحضانه

 

وكل واحده تدخل تحط نشيد من عندها

 

 

 

 

وعلي فكره ياجماعه اسلوب ان الام هي اللي تقول النشيد للطفل او القصه احلي وافيد للطفل بكتير من اللي في التلفزيون والكمبيوتركفايه انه من ناحيه مش مضر من ناحية الصحه وكمان بيربط الطفل بامه لو مثلا ترددهوله قبل النوم بعد طول انشغالها عنه طول النهار

 

 

 

هبدأ بسم الله

 

 

-------------------------------------

(1)

كوره في بيتنا----ملعبهاش

حاجه سخنه----ممسكهاشش

حاجه وحشه----معملهاش

كلمه وحشه----مااقولها

ومنقلهاش

 

 

 

 

سهل ويتحفظ بسرعه

 

 

----------------------------------

(2)

 

 

 

 

قطه يعي كات------ليها قصه وفيونكات

وقابلها الفار فرافيرو----من غيظها عضت ديله

وشجره يعني تري--------ورقها اخضر تلاقيها

بتطلع تفاح احمر--------ناكله ونفرح بيه

-----------------------------------

(3)

شباك يعني وندو-----وباب يعني دور

يلا نلعب ياجدو-----وانتي واللي عليك الدور

بحر يعني سي----شجره يعني تري

واللي يحبك حبه ---واللي يخصمك سامحه

عربيه يعني كار ----ونجمه يعني ستار

وانا نفسي اكون طيار---واسابق الشطار

---------------------------

(4)

العصفوره جمعت قش-----قشه وقشه بنت العش

عشها عالي فوق الشجره---عالي عالي عند القمره

من عرفها مكان القش---هو الله هو الله

من علمها تبني العش---هو الله هو الله

سبحان الله سبحان الله

----------------------

(5)

لما الشمس بتطلع بدري----- كل الناس عالشغل بتجري

عمي محمد في الدكان--------واقف دايما مش كسلان

والمس بتاعتنا بتضحك لينا----ووتقول صباح الخير ياولاد

وتقول صباح الخير يابنات

ممممممم مش فكراه ان شاء الله بكر اكمله

-------------------------

(6)

كتكت كتكت كتاكيتوا-----دايما .يكسر..... في بيته

ويزعل ماما الفرخه------ويغضب بابا الديكوا

ابله البطه خدت اسمه----وقالت كلنا نخصمه

ومناخدوش ويانا الرحله

---------------------

(7)

انا بحب حضانتي----فيها الابله حببتي

فيها لعبه جميله-----ارجع واحكي لمامتي

-----------------------

(8)

وده اللي انا كنت مالفاه

 

 

 

 

ايه رأيكم

وقوق وقوق وق بطه يعني duck

 

 

 

ليها ريش طويل لونه حلو جميل

 

نعمل بيه مخده وننام طول الليل

 

وقوق وقوق وق بطه يعني duck

 

 

 

 

 

 

بتعوم وسط الميه برجليها مش بالديل

وبتنده عليا وتقول صباح الخير

 

 

وقوق وقوق وق بطه يعني duck

 

 

 

 

بتبيض لينا بيضه بنقول عليهاegg

في الفطار ناكلها ونكبر نبقي big

 

 

وقوق وقوق وق بطه يعني duck

 

 

 

 

بتبيض لينا بيضه بنقول عليهاegg

في الفطار ناكلها ونكبر نبقي big

 

 

وقوق وقوق وق بطه يعني duck

 

 

 

 

-----------------------------------

(9)

 

الفرخه مشمشه---------بتنام من العشه

تصحي الصبح بدري-----------حلوه مفرفشه

-----------------------------------------

(10)

اش اش اش--------طبق يعني دش

اش اش اش --------سمكه يعني فيش

(سوري يابنات في النطقه الالف بتاع اش مكسوره علشان اللحن يبقي حلو)

وانت ياواد يامندو---------شبك يايعني وندو

وانتي خد وهات -----والقطه يعني كات

--------------------------

(11)

والانشوده دي برضه الاطفال بيموتوا فيها

 

 

 

 

اناالفرخه

 

واحنا الكتاكيت

 

اكلكو ايه

 

اكلنا فتافيت

لعبكوا ايه

جري وطنطيط

من فيكم .أفضل....... كتكوت اللي هيجري ويقول توت

توت توت انا الكتكوت اشرب ميه واكل لقمه واكل توت

اكل نص رغيف ملتوت

صقفوله صقفوله(شكشكشك تصقيف ياجماعه)

هيصوله اليوم بطوله (هيه هيه)

غانوا ..للكتكوت..... وقولوله

نقوله ايه

ياحلاوتك يا شطارتط ربي يخليك لمامتك

كاك كاك------صوصوصو

كك كاك----صوصوصو

من فيكم اشطر كتكوت اللي هيجري ويقول توت

توت توت توت انا الكتكوت

اقوم في ميعادي بالمضبوط

اخد مسطرتي وكرستي

وانزل اروح علي مدرستي

 

 

(12)

1..2..3..........قطه ووزه وبطه

عايشين الثلاثه....في حديقة المحطه

البطه تقوم بدري ....تنضف المكان

والوزه تجري تجري....عالسوق ياسلام

والقطه الاكل تطبخ.....تمام التمام

7

8

7

8

7

8

ياربنا القدير......زيسر لنا الامور

نوقر الكبير.....ونرحم الصغير

نساعد الضرير.....ونكرم الفقير

الناس جميعا اخواني....الناس جميعا اخواني

8

7

8

7

8

الام:تك؟تك؟

الابن:مين عالباب

الام:افتح افتح انا رمضان

الابن:اهلا وسهلا يارمضان..........شرفت ياشهر القران

اصوم نص يوم...علشان انا طفل

واصلي كل ليله ..واقوم ليلة القدر

الام:ليه هاتصلي ليه هاتصوم يلا بسرعه تعالي وقول

الطفل :علشان رسولنا محمد قال

الصوم فرض علينا

علشان نرضي بارينا

----------------

(13)

 

كان في ارنب ...طالع يلعب بره البيت

لقي كتكوته ...رمت بسكوته جنب الحيط

قام واكلها....بعد شويه قال اه يابطني

هتموتني...جه الدكتور واعطاله الحقنه

قال حرمت...اكل حاجه من عا الارض

 

(14)

 

عربيتنا سريعه سريعه....تاخد السكه في غمضة عين

تجري وترجع تاني في دقيقتين...واحنا فيها مش خايفين

لكن أط أط كان زعلان......قال العجله من الشيطان

لازم نمشي واحده واحده...علشان تبقي حياتنا امان

7

87

سلم بيتنا عالي عالي...لكن باخده في ثانيتين

نطه ونطه القي نفسي ...جوه بيتنا في ثانيتين

رجلي فلتت مره مني....رحت نازل غصب عني

رجلي اتلوحت ايدي اتكسرت...واتجبست فيها شهرين

أط أط زارني وكان زعلان؟؟؟قال العجله من الشيطان

قال العجله من الشيطان

 

 

16)

محمد نبينا أمة امينة

ابوة عبد الله

مات ما رأة

جدة إللى رباة

أبو طالب عمة كان بيخفف عنة

وستنا حليمة مرضعة نبينا

كانت لما تقابلة تجرى علية وتقولة جانا السعد جانا

 

(17)

الى يصلى يخش الجنه ....يشرب وياكل ويتهنى

 

الى مش بيصلى يتحسر.... ويومه عليه يتعسر

وينادى ويقول ياماما.... ماما تقوله ياندامه

مش كنت بقولك صلى ...مش كنت بتهرب منى

بص ودوق عذاب النار... خليك كده فيها محتار

(18)

انا لما احب اتسالى ........... محبش اقزقز لب

انا عندى اقرا مجله ............ او ارسم زى ما احب

مهما تكون الاسباب............ مش ممكن هبقى وحيده

انا اصلى مصاحبه كتاب ....... وحببتى رياضه مفيده

 

()

 

 

 

 

وطبعا كلنا عارفين اناشيد تقليديه زي ذهب الليل وكده

تم تعديل 11 أغسطس, 2011 بواسطة { الــهـــا م }

[** أم الصبر الجميل ** 98]

السلام عليكــم ورحمـة الله وبركاتــة ،،

 

جزاكِ الله خيرا ملوكه يا قمر الأناشيد لذيذه وخفيفة وفعلا الأطفال بيحبوها .

 

بارك الله فيكِ يا غالية . وكمان إن شاء الله ممكن نضع أناشيد إسلامية خفيفة وجميلة وبيحبوها الأطفال .

 

إن تيسر لي الوقت إن شاء الله أكتبها هنا فى موضوعك .

 

سلمت يداكِ يا غالية .

[* سمر * 2]

وعليكم السلام ورحمة الله وبركاته

لذيذة أوي الأناشيد تسلم إيدك ياقمر

[توتى سمسم 8]

جميله أوى ممكن أقولها ليا أنا تسلم إيدك