اذهبي الى المحتوى
عزتي نقابي

فرحي بعد ثلاث أيام

المشاركات التي تم ترشيحها

السلام عليكم ورحمة الله وبركاته

وحشتوني جدا يا أحلي أخوات

انشغلت عنكم جدا بسبب التجهيز لكن مش ناسياكم أبدا

ادخل في الموضوع علي طول

انا عاوزه منكم خدمه

انا ساكنه في قريه والناس عندنا بيعتبرو الافراح الاسلاميه دي حاجه كدا للناس الغلابه

وكل ما اقول هعمل فرحي اسلامي يقولولي ياعيني يا حبيبتي

وهو بقي اللي اشترط عليكي كدا؟

كأنه عقاب يعني!!!

فأنا نفسي اعمل فرح كويس يعرف الناس دي ان احنا كمان بنعرف نفرح

المهم

انا عندي اناشيد لكن بموسيقي

عاوزه الاناشيد دي بدون ايقاع

وأنا مش بعرف اشتغل ع البرنامج اللي بيعمل كدا

لو اي أخت تعرف تعملي كدا تقوللي ازاي أبعتلها الاناشيد دي

ويبقي جزاها الله الجنه وجعله في ميزان حسناتها

 

مش قدامي وقت كبير محتاجه حد يساعدني النهارده أو بكره

 

وشكرااااااااااااااااا مقدما

شارك هذه المشاركه


رابط المشاركه
شارك

مبرووووووووووك عزوز ..

 

يا فرحتنا بيك sm289.gif

 

أنا لا ادري اختي الحبيبة عن البرنامج ........

 

لكن فيه بالمنتدى أناشيد أفراح

 

ربي يبارك بزواجك و يسعدك

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

مباااارك لكِ وعليكِ

 

واتم الله لكِ بخير

 

 

الاسهل والاسرع نزلي على اسطونات فارغة مجموعة من الاناشيد بدون ايقاع وهي متوفرة في المنتدى والنت

 

اسعدك الله

شارك هذه المشاركه


رابط المشاركه
شارك

السلام عليكم

يافرحتي بك يا قمر sm289.gif

 

مش عارفة كيف اساعدك لان 0000000 في التقنيات دي ممكن وحدة من الاخوات تساعدك :)

شارك هذه المشاركه


رابط المشاركه
شارك

جزاكن الله خير

ربنا يبارك فيكو

أن عندي شوية اناشيد بدون يقاع مشغلاها بقالي كام يوم فزهقنا منها

وعاوزه الاناشيد دي علشان يوم الحنه

عاوزه اعمل حاجه مختلفه وحلوه

كمان الاناشيد اللي عندي دي اللي هي بموسيقي مش لاقياها ع النت خاااااااااالص بدون موسيقي

كمان الاناشيد اللي في المنتدي عندي ع الجهاز

عموما لسه عندي أمل ان حد هيساعدني

لاني والله بعمل كدا ابتغاء وجه الله

شارك هذه المشاركه


رابط المشاركه
شارك

وعليكم السلام ورحمة الله وبركاته،،

 

الف الف الف مبروووووووووووووووك يا عزتي نقابي

 

ربنا يتمم لك بخير يارب ويجعل زواجك زواج مبارك ويسعدك يارب ويرزقك بالذرية الصالحة

 

لكن بالنسبة لفصل الموسيقى عن الاناشيد فمش بينفع خالص البرنامج اللي بيفصل بيفصل الموسيقى مش الكلمات

 

لكن فيه هنا انا منزله موضوع في صفحة الاناشيد فيه اناشيد كتير جدا وجميلة وبدون موسيقى شوفيها

 

ولو لقيتي الروابط مش شغاله انا مستعده انلز لك مجموعة الاناشيد تاني من على جهازي انا عندي مجموعة اناشيد كبيرة اوي بدون موسيقى وكلماتها تحفة

 

وكمان علشان تعملي فرح حلو واسلامي ويعجب الناس كلها هتلاقي افكار كتير جدا موجودة على النت وعلشان انتي اكيد معندكيش وقت انا هاعمل لك بحث وهاجيب لك الافكار هنا في الموضوع ده ان شاء الله

شارك هذه المشاركه


رابط المشاركه
شارك

السلام عليكم ورحمة الله وبركاته،،

 

ألف ألف مباااااارك أختي الحبيبة

بارك الله لكما وبارك عليكما وجمع بينكما في خير

ورزقكما الذرية الصالحة

 

لا أعرف شيء عن هذا البرنامج وكنت أود المساعدة

هذا موضوع طيب بعنوان

فرحي إسلامي ليه شكل تاني

تفضلي الرابط

https://akhawat.islamway.net/forum/index.php?showtopic=261919

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

مجموعة اناشيد افراح جميلة اوي منزلهالك من جهازي

وربنا يتمم لك بخير

ويارب الاناشيد تعجبك

وده الموضوع اللي موجود فيه الاناشيد دي كلها بس انا نزلتها هنا في الموضوع ده لعزتي نقابي علشان هي فرحها بعد 3 ايايم فاكيد مش فاضية

شارك هذه المشاركه


رابط المشاركه
شارك
البرنامج اللي بيفصل بيفصل الموسيقى مش الكلمات

مش فاهمه!!

لكن بجد بجد شكرا ليكي

ربنا يجعله في ميزان حسناتك

انا عندي بعض الاناشيد اللي نزلتيها دي

لكن في أنا شيد جديده

 

شكرا سدرة المنتهي علي الرابط

هقرأه كلمه كلمه

شارك هذه المشاركه


رابط المشاركه
شارك
البرنامج اللي بيفصل بيفصل الموسيقى مش الكلمات

مش فاهمه!!

لكن بجد بجد شكرا ليكي

ربنا يجعله في ميزان حسناتك

انا عندي بعض الاناشيد اللي نزلتيها دي

لكن في أنا شيد جديده

 

شكرا سدرة المنتهي علي الرابط

هقرأه كلمه كلمه

يعني بيتفصل بس الموسيقى يعني اللي بيطلع من ناتج الفصل الموسيقى بس

 

وربنا يتمم لك بخير

 

 

وادعي لي ربنا يسهل ويرزقني بالزوج الصالح واحصلك قريب :))

 

انتي هتعملي فرحك فين في البيت ولا في قاعة ؟

شارك هذه المشاركه


رابط المشاركه
شارك

وعليكم السلام ورحمة الله وبركاته

 

 

مبارك لكِ يا حبيبة ..

 

بارك الله لكما وبارك فيكما وجمع بينكما على خير !!

 

( لكِ باقة زهور وأسعد الله قلبكِ )

 

:)

شارك هذه المشاركه


رابط المشاركه
شارك

السلام عليكــم ورحمـة الله وبركاتــة ،،

بارك الله لكما وبارك عليكما وجمع بينكما على خير !!

حاولت مساعدتك .... لكنني لم أجد البرنامج :cry:

حمّلته مرتين اليوم من أجلك لكن لم أجد نسخة كاملة

هو سهل الاستعمال ويمكنني العمل به...

إذا كانت لدى إحدى الأخوات نسخة من البرنامج أو وجدته في النت كاملا سأحمّله وأساعدك بإذن الله :cry:

شارك هذه المشاركه


رابط المشاركه
شارك

شوفي الموضوع عن ليلة الحنة فيه افكار جميلة لليلة حنة سعيدة :)

 

ليلة الحنة

شارك هذه المشاركه


رابط المشاركه
شارك

والموضوع ده لو هتعملي الفرح في البيت فيه افكار بسيطة وجميلة

 

لو هتعملي حفلة خطوبتك او كتب كتابك او فرحك في البيت

شارك هذه المشاركه


رابط المشاركه
شارك

عباد الرحمن

شكرا يا جميل علي كل الافكار وهنفذ منها حاجات ان شاء الله

ربنا يرزقك زوج صالح عاجلا غير اجل

 

ياسمين

الله يبارك فيكي وشكرا جا عليباقة الورد

 

امينه

شكرا لاهتمامك وتعبك معايا

وأنا منتظره لو عرفتي توصلي لنتيجه

شارك هذه المشاركه


رابط المشاركه
شارك

مبااااااااااااااااااااارك حبيبتي

بس عادي يعني عندنا بيعملو افراح اسلاميه عادي ومحدش بيتكلم

وانا في قريه برضو

انت منين؟؟

بالنسبه للاناشيد

والله ما بعرف للاسف

شارك هذه المشاركه


رابط المشاركه
شارك
عباد الرحمن

شكرا يا جميل علي كل الافكار وهنفذ منها حاجات ان شاء الله

ربنا يرزقك زوج صالح عاجلا غير اجل

العفو على ايه يا عزتي

 

ربنا يتمم لك بخير يارب وتعملي فرح اسلامي جميل جدا يرضي ربنا ورسوله ويعجب الناس

 

 

وربنا يسعدك يارب في حياتك الزوجية

 

وربنا يتقبل دعائك ليا يارب آمين

شارك هذه المشاركه


رابط المشاركه
شارك

بارك الله لكما وبارك عليكما وجمع بينكما على خير وفي خير

 

مبارك لكِ عروستنا الجميلة

 

ما أجمل الأفراح الاسلامية واناشيدها الهادفة

لا تلتفتي لمثل هؤلاء الناس حبيبتي

 

 

ربنا يكملك على خير

شارك هذه المشاركه


رابط المشاركه
شارك
وعليكم السلام ورحمة الله وبركاته،،

 

مباااارك لكِ وعليكِ

 

واتم الله لكِ بخير

 

 

الاسهل والاسرع نزلي على اسطونات فارغة مجموعة من الاناشيد بدون ايقاع وهي متوفرة في المنتدى والنت

 

اسعدك الله

شارك هذه المشاركه


رابط المشاركه
شارك

مبارك اختى

 

انا ماقدرتش افيدك غير انى ادعيللك ربنا ييسر لك الحال وتلاقى اللى انتى عيرزاه

 

بارك الله لكما وبارك عليكما وجمع بينكما فى خير

شارك هذه المشاركه


رابط المشاركه
شارك

السلام عليكم و رحمة الله و بركاته

بارك الله لك حبيبتي و بارك عليك و جمع بينكما في خير...

هي فعلا مشكلة الاناشيد دي مشكلة وواجهتني وواجهت الكثير

الاناشيد التي وضعتها لك عباد الرحمن فعلا جميلة جدا

انصحك الا تضعفي امام ضغط الاقارب ده اعملي ما يرضي الله و لا يهمك ردود فعل الناس لانك مهما فعلت لن ترضي كل الناس

انا شوفت ناس شغلت الاناشيد اللي بموسيقى دي و برضه فيه ناس مش عاجباها سبحان الله...

هو احسن حل بصراحة عملته انا هو فرقة بنات بالدف بتبقى جميلة جداااااااا و عاملين جو و الناس مش بتزهق و بتتفاعل معهم و في نفس الوقت ضامنة انه دف بس مافيهوش اللخبطة و الالات اللي في الاناشيد اللي بيسموها اسلامية بايقاع!!!! فمش عارفة متوافر عندك مثل الفرق دي و لا لأ .. بس مشكلتهم انهم غالبا غاليين شوية

بس الواحد قال مش مشكلة ماجاتش على دي في سبيل ان الفرح يكون شكله جميل و اسلامي منضبط و يحبب الناس في الافراح الاسلامية المنضبطة...

عندي بعض الاناشيد بالدف بس قليلة لان اللي لاقيته يا اما معاه الات تانية غير الدف او بدف بس مش حلوة ...

الله المستعان

تم تعديل بواسطة أمة من إماء الله

شارك هذه المشاركه


رابط المشاركه
شارك

بارك الله لكما وبارك عليكما وجمع بينكما في خير

الف مبرووووووووووك حبيبتي

وبالنسبة للاناشيد انا جاتلي فترة دورت عالبرنامج دا وما لاقتهوش خااالص او لاقيته بس مش بيشتغل او الرابط بايظ

فعلا لو كان عندي كنت عملتهولك بس قدر الله وما شاء فعل

وكنت هنزلك اناشيد بدون ايقاع بس تقريبا الاخوات وفوا وكفوا جزاهم الله كل الخير

ولا تلتفتي حبيبتي الى اولئك الناس المستهزئين واحتسبي الاجر عند الله

وربنا يتمملك على خييير

شارك هذه المشاركه


رابط المشاركه
شارك

السلام عليكم

 

 

عروستنا الجملة عزتك نقابى ربنا يعزك بنقابك يارب

داخلة أقولك ولاااااااااا يهمك من كلام حد

أنا أخدت تريقة مفيش بعدها وعاااااادى كنت بكبر دماغى

وكنت بقول فى بالى معذورين لانهم مش فاهمين !

المهم ربنا راضى

خلى عندك ثقة فى نفسك وثقة فى التزامك وثقة فى فرحك الاسلامى الجميل

وخدى بالأسباب برضه اللى تخلى الفرح أمور وفيه بهجة

فين صاحباتك اللى هيحضروا الفرح ؟ دول أكتر ناس هيعملوا جو حواليكى

هاتوا زينة اللى بتتعلق فى البيت وعلقيها فى الصالة أو الأوضة اللى هتقعدى فيها انتى والبنات

وهاتى بالونات وانفخيها وبالونات قلوب وعلقيها وانثريها فى الأوضة برضه ع الأرض

وهاتى البتاعة الاسطوانية دى اللى هى بتتلف من تحت لغاية ما تتفتح وتنفجر وتطلع أوراق ملونة شكلها جميل تقع على رأس الناس كلها ومنهم العروسة

وهاتى اسبراى اللى بيطلع رغوة ده ( لو مش بتتضايقى منه ) بيبقى حلو فى الهزار فى آخر الفرح ههههههه

 

 

ومش تكتفوا بالأناشيد اللى ع الكمبيوتر بس

انتوا كمان انشدوا وهيصوا

وفيه حاجات أمورة برضه زى ( عارفين العروسة بتقول لمامتها ايه ؟ والبنات يردوا يقولوا ايه ؟ وتكرروا السؤال التانى ويردوا تانى وفى الاخر تغنوا أغنية ما تزوقينى يا ماما أوام يا ماما ده عريسى هياخدنى بالسلامة يا ماما ... شايفة يا ماما طويل أوى فستانى وهكذا ) ... مش عارفة تعرفيها ولا لأ :icon15:

أو عارفين مامة العروسة بتقول للعروسة ايه ؟ وهكذا لغاية ما تقولوا ( أمورتى الحلوة بقت طعمة بقت طعمة ولها سحر جديد ليها خفة روح لما بتضحك بتروح لبعيد لو شوفتوا جمالها هتحتاروا وهكذا )

 

مش عارفة بصراحة فيه تعليق شرعاً عاللى بقولهولك ولا لا

بس احنا كنا بنبقى بنات مع بعض ونعمل كل ده

 

ربنا يسعدك يارب ويهنيكى ويرزقك الخير كله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

تمامُ الخذلان انشغال العبد بالنعمة عن المنعم وبالبلية عن المبتلي؛ فليس دومًا يبتلي ليعذّب وإنما قد يبتلي ليُهذّب. [ابن القيم]

×