*متميز *شاركونى فرحتى^___^ عملت صلصال لبنوتاتى بالصور

[أم عائشة المصرية 241]

السلام عليكم حبيباتى الغاليات

من فترة وأنا أريد عمل صلصال فى البيت لبناتى لأن الصلصال اللى بأشتريه ريحته للأسف سيئة جدا(ريحته جاز..!)

والحمد لله عرفت المقادير بتاعته بمساعدة الغالية ساجدة للرحمن..

والنتيجة الحمد لله ممتازة أوى والبنات كانوا بيتفرجوا علىّ لحد ما الصلصال استوى ههههههه

إليكم الصور:

دى لما حطيت المقادير كلها على النار مرة واحدة

ْــــــــــــ

ولما قلبتها على النار متواصل بقت كده

وأخييييرا استوى ^___^

وهنا حضرت الألوان اللى عندى (أزرق وأحمر)

ونصيحة لو حبيتو تجربوا تخلى بالكم إن الألوان ممكن تبوظ الهدوم أو فوط المطبخ..

يعني الأفضل تستخدموا مناديل وأطباق فل للتحضير وبعد الانتهاء تتخلصوا منها..

وهنا قسمت العجينة على اتنين..ووضعت بداخل كل واحدة اللون المطلوب..

ووضعتهم تحت كيس بلاستيك..خوفا على رخامة المطبخ من الألوان ^__^

انتظرونى لما أرفع بقية الصورة وآجى...وأستأذنكم تأجلوا الردود لغاية ما أخلص

[أم عائشة المصرية 241]

حطيت ملعقة من كل لون على العجينة

وعجنتهم

النتيييييجة ^_________^

ايه رأيكم

ملحوظة مهمة

لا أحلل نقل هذا الموضوع بدون ذكر المصدر.

منتدى أخوات طريق الإسلام

وجزيتم خيـــرا

[أم عائشة المصرية 241]

صحيح نسيت أقولكم المقادير:

1 كوب دقيق

1 كوب ملح

1 كوب ماء

1 ملعقة زيت

والألوان : اشترتها من محلات بيع أدوات الحلويات..أكياس صغيرة بودرة..خففت كل لون فى طبق صغير بملعقة ماء..

مع الحذر إن الألوان قوية وبتلتصق فى اليد وفى السطح المستخدم عليه أثناء الصناعة فقط (يعني لما أصبح صلصال خلاص بقى عجينة ومش بيوسخ اليد)

ملحوظة: الألوان دى هلى اللى بنلون بيها الكيكات أو الكريم شانتيه...إلخ

تم تعديل 26 ديسمبر, 2011 بواسطة أم عائشة المصرية

[**راضية** 1996]

رائع جدا

كنت احتاجها جدا بارك الله فيك

لما اصنع مع بنوتاتي اشياء جميلة به اصورها باذن الله

ادام الله فرحتك و اقر عينك بمن و بما تحبين

[أم عائشة المصرية 241]

مودة ورحمة...منتظرة الصور ..سهلة جدا وفرحة البنات بيها مختلفة خاااالص اللهم بارك وخصوصا وهم بيتفرجوا علي وأنا بعملها خطوة خطوة..

 

مودة وإخاء...جزانا وإياكم.أتمنى تعمليها لأولادك وتفرحيهم وتصوريلنا ^__^

[موده واخاء 417]

جزاكِ الله خيرا فكرة رائعه بارك الله فيكِ

[بنت ام عبد 151]

السلام عليكم ورحمة الله وبركاتة

رائع يا حبيبة ...ان شاء الله اجربه

بارك الله لكِ في بنوتاتك واسعدك بهن دائماً

[~ماريا~ 1340]

السلام عليكم ورحمة الله

ما شاء الله عليكي اختي

جميييييييييييييييييييييييييييل جداااا

فعلا الواحد بيعاني من الصلصال الي بنشتريه مبيمسكش في بعضة اصلا

انتي تقصدي ان دي الوان طعام يعني صح؟؟

وجزاك الله كل خير انت وساجدة للرحمن

[**أم سلمى** 656]

السلام عليكم ورحمة الله وبركاتة

رائع يا حبيبة ...ان شاء الله اجربه

بارك الله لكِ في بنوتاتك واسعدك بهن دائماً

[...أمينةُ كتاب الله... 744]

السلام عليكم

بارك الله فيك

 

عذرا على التطفّل,,,

لكن لدي سؤال :)

ما هو الصلصال؟؟؟؟

[إيماني عنواني 259]

ما شاء الله تبارك الله

فكرة جميلة جداً بعيداً عن الكيماويات والروائح الغير محببة

سلمت يمناكِ غاليتي

وبارك لكِ في بنوتاتكِ وأدام عليكن السعادة

[ساجدة للرحمن 2049]

السلام عليك ورحمة الله وبركاته

ما شاء الله ..همة عالية :))

بارك الله فيك يا حبوبة ...والله شجعتيني أعملها

ربنا يبارك فيك وفي بنوتاتك

[ام خديجه 7]

السلام عليكم ورحمه الله وبركاته ،،

رااااائع يا ام عائش :)) ،،

تسلم ايديكِ،، وفعلاً الصلصال اللي بنشتريه من بره بيكون ريحته وحشه اوووووي واكيد في مواد مضره على الاولاد ،، لكن الصلصال الطبيعي ده مش هيكون مضر ان شاء الله حتى لو الاولاد وهما بيلعبوا حطوا ايديهم في فمهم ،،

جزاكِ الله خيراً على الافاده يا ميوي :)) ،،

[~ أم العبادلة ~ 1903]

السلام عليكم ورحمة الله وبركاته،

لو الأولاد شافوها هيطالبوا بيها خصوصا انهم بهدلوا الصلصال اللي اشتريناه

طيب العجينة دي بتستحمل اللعب بيها كتير ولا بتنشف بسرعة؟؟

ويا ترى سهلة التشكيل ؟؟

وبتلزق في اليد ؟؟

ما فائدة وضعها على النار ؟؟

الأسئلة لكِ إنت وسجودة، يعني اللي يعرف يجاوب :)

.

✿أمِيــنَة✿

الصلصال هو playdough

عجينة يلعب بها الأطفال ويشكلوها كيفما شاءوا

[وأشرقت السماء 1565]

راااااااااااااااااااائعة

جميلة جدا ما شاء الله وفكرة أروع

بإذن الله أعملها وأصورها

يااااه أولادى هيفرحوا بيها جدا

جزاكِ الله خيرا أم عيوش الحبيبة وبارك فيكِ وفى بناتك

[(ميرفت) 205]

و عليكم السلام و رحمة الله و بركاته

 

اللهم بارك

رائعــــــــــــــة أم عائشة الحبيبة

سلمت الأيادي

جربتها سابقًا و فعلًا أكثر ما لفتني أنها تدخل السعادة على قلوب الصغار و هم يشاهدون خطوات تنفيذها

كما ان ملمسها ناعم و جميل أثناء اللعب بها و أهم شيء أنها غير مضرة و آمنة بفضل الله

أحيانًا كنت أضيف لها ملعقة ملح الليمون هو يساهم بحفظها فترة أطول أعتقد

 

بخصوص اسئلة الحبيبة أمة الرحمن ممكن أجيب على بعضها إن أذنتِ لي :)

طيب العجينة دي بتستحمل اللعب بيها كتير ولا بتنشف بسرعة؟؟

نعم تستحمل وقت طويل بشرط أن يتم تغليفها بالنايلون بعد اللعب بها و إن كان الجو حار يفضل حفظها في الثلاجة

ويا ترى سهلة التشكيل ؟؟

نعم سهلة جدًا و ما يلفت نعومتها

وبتلزق في اليد ؟؟

لا تلتصق باليد لوجود الزيت فيها

[~ أم البطلين ~ 26]

رااااائع

 

انا كماااااااان عملتها قريب لمعاذ .. بس من غير نار .. عالناشف كده .. وكاانت حلوة وسهلة التشكيل

 

وكنت فعلا مغلفاها وحطاها بالثلاجة وفى مرة نسيتها وقعدت كتتييير برة .. لقيتها .. باظت ..بقت تفرول : (

 

انا مكنتش عندى الوان صناعيه .. وكان عندى تانج-شراب عصير سريع التحضير- بطعم التوت .. حطيت منه بدل الالوان .. وطلع الصلصال بنفسجى فاتح ^_^

[الأمة الفقيرة 366]

السلامُ عليكم ورحمة الله تعالى وبركاته ،،

رااائع أم أختي الحبيبة أم عائش

جزاكِ الرحمنُ خبر الجزاء

وجزاكِ خيرًا سجُّودة ^_^

أختك الحاجَّة أمُّومة سابت دراستها وقامت تعلمها لإنو حضرتي أصغر من الصغار : )

لكن والله فرحوا إخواتي كتير حتى أنا فرحت :wub:

ولو كانت في صبغة كان فرحتنا زادت :cry: :icon15:

المهم >>

هاي الحجة ملعقة وقعت في الطنجرة وما رضيت تروح تغسل حالها مشان التصوير >>حرة :closedeyes:

وهدول الولاد لي طلعوا معي : )

وهاي هديتي ^_^ ..

سجودة قومي اعمليها لعلي ^_*

[ام هانيا 35]

جميله اوي ما شاء الله

بس سؤال هي كوباية ملح ولا ملعقة ملح؟؟

[~ أم العبادلة ~ 1903]

أم هانيا، اظن كوب ملح صح، لأن كوب الماء سيكون كثير جدا على كوب دقيق وملعقة ملح

الماء بيكون تقريبا نصف كمية المواد الجافة في المعجنات بصفة عامة

وعمري ما رأيت عجينة فيها المواد الناشفة تساوي مقدار الماء

.

سؤالي لماذا كمية الملح كثيرة جدا ولم تكن دقيق

وأي حد ممكن يجاوب ^_*

[~ أم العبادلة ~ 1903]

أنا كمان كنت عايزة اعلق على موضوع كوب الملح، اشعر انه كتير جداااااااااا

ولا هو ده سبب نعومتها ^_^

[**راضية** 1996]

البنوتات فرحوا جدااااااااااا بها

بارك الله فيك

 

 

 

 

[**المحتسبه** 233]

السلام عليكم ورحمة الله وبركاته

يسلموا الأيادي أم عآئش الحبيبه

جميل ماصنعت

لكِ حق الإختراع

تم تعديل 27 ديسمبر, 2011 بواسطة **المحتســـــبه**

[~ أم العبادلة ~ 1903]

شوقتوني يا بنات أعملها لكن المشكلة في كمية الملح :(

تم تعديل 28 ديسمبر, 2011 بواسطة ღ أمـ الرحمن ـة ღ

[**راضية** 1996]

كمية الملح صحيحة يا امة و هذا صحي حتى للاولاد

توكلي على الله و سترين الفرحة على تلك الوجوه البريئة