اذهبي الى المحتوى

المشاركات التي تم ترشيحها

عندك حق يا هوبة فالزوجة لازم تستأذن زوجها إذا كان ماله فما بالك أن المال أصلا أمانة

 

وثاني حاجة ففي هذا الزمن لازم إذا استلف أحد منك مال أن تكتب ورقة عهد أن ترجعوهم

 

فأنا زوجي دائما يسلف بدون ورقة وفي الأخير لا يرجعونه لكن هو يفوض أمره لله ويقول لي ستعوض في الآخرة هم أخذوا إلا الحرام

شارك هذه المشاركه


رابط المشاركه
شارك

حلوة الحلقه كتيييييييييييييييييييييييييييييييييير

وتستاهل الي حصلها

حصلي موقف من صحبتي وكانت قريبه مني جدااا

بس انا قبل ما اعطيها عرفت جوزي ووافق

بس هي اختفت ولا حس ولا خبر ومهما اتصل موبايلها مقفول

في الاخر اتصلت بوالدتها وحكتلها

شارك هذه المشاركه


رابط المشاركه
شارك

أول مرة أدخل الموضوع قرأت فقط حلقتين

أعجبتني كثيرا هبة لديك اسلوب رائع

استمتعت بما قرأت واصلي هبهوبة الغالية

شارك هذه المشاركه


رابط المشاركه
شارك

اخص عليكى يازيزى

 

قسما بربى مااقصدك انتى ولا اى حد فى المنتدى والله

 

وانتى اصلا عمرك ماجيبتى سيرة ولادك انا اللى بسألك

 

والله انا اقصد واحدة صاحبة امى الله يرحمها كرهتنى اتصل بيها اقولها ازيك ياطنط

 

انا اقولها ازيك من هنا عمرها ماتقول الحمد لله تقولى عيانة وتعبانة وجاية من عند الدكتور وعندى الضغط وعندى السكر وعندى مش عارفة ايه

 

وكل المشاكل تحكيها بضجر وعدم حمد

 

والله يازيزى ماعندى اسلوب التلميح بالكلام خالص انا مباشرة جدا ولما حاجة مش بتعجبنى بقول على طول هههههههههههه

 

تبقى قادانى انا

 

ما كل ما اكلمك اقعد اعيط لك

 

لما كرهتى تكلمينى

 

 

سيبك انت والله ضحكت ضوحك

 

عسل يا هبة ربنا يسعدك يا رب

شارك هذه المشاركه


رابط المشاركه
شارك

الله المستعان

فعلا فيه ناس كتير بتعمل كدة لكن الغلط على ذيكو لأنها لا يجوز لها التصرف في الأمانة

 

وهذه فتوى تخص هذا الأمر

 

 

شخص أودع لدي أمانة، مبلغا من المال. هل يجوز لي التصرف بهذه الأمانة كإقراضها لشخص آخر محتاج للمال؟

 

الإجابــة

 

الحمد لله والصلاة والسلام على رسول الله وعلى آله وصحبه، أما بعـد:

فالواجب على من كان لديه أمانة لغيره حفظها وعدم التصرف فيها إلا بإذن من صاحبها، ومن تصرف فيها دون إذن صاحبها بإقراضها لغيره ونحوه فهو آثم متعد، وعليه ضمانها لتعديه بالتصرف في أمانته دون إذن من المودع.

وقد عظم الله تعالى شأن الأمانة وقرن الخيانة فيها بخيانة الله ورسوله صلى الله عليه وسلم، حيث قال جل شأنه: يَا أَيُّهَا الَّذِينَ آمَنُواْ لاَ تَخُونُواْ اللّهَ وَالرَّسُولَ وَتَخُونُواْ أَمَانَاتِكُمْ وَأَنتُمْ تَعْلَمُونَ. {الأنفال:27}، والأحاديث في الحض على حفظ الأمانة وعدم الخيانة فيها كثيرة منها قوله صلى الله عليه وسلم: أد الأمانة إلى من ائتمنك، ولا تخن من خانك. رواه أبو داود وحسنه الألباني.

والله أعلم.

 

هل يجوز التصرف في المال المحفوظ عندي مع رده قبل طلب صاحبه له

للشيخ علي ونيس|المعاملات المالية(البيع-الشراء-العقود)

 

المال الأمانة لا يجوز التصرف فيه فهو يعرف في شرع الله تبارك وتعالى بالوديعة والوديعة ترد بعينها بمعنى أنه ذا أعطاك أحد مائة جنية كوديعة فيجب أن ترد نفس الورقة ذات المائة جنيه فالوديعة إذا تصرف فيها الإنسان تصير قرضاً فالقرض نرد مثله أما الوديعة فترد عينها

فلا يجوز لك أن تتصرفي في مال الوديعة إلا إذا علمتي أن صاحبها لا يغضب لذلك لو أخبرتيه والأولى أن تستأذنيه

تم تعديل بواسطة وأشرقت السماء

شارك هذه المشاركه


رابط المشاركه
شارك

اهلا وسهلا يا حبايب ذكية منورين

 

المقتدية بأخلاق النبي عليه الصلاة والسلام

 

يختي يا الف اهلا وسهلا

 

ماشاء الله عليكي قريتي حلقتين بحالهم

 

ايوة يختي حافظي على نظرك اقرى حلقة كل سنة

 

نورتي يا عين اختك

 

اشرقت

 

مبسوطة منك وهديكي طبق بابا غنوج عشان بقيتي توفي بوعدك ولما بتقولي لي عودة بتعودي

 

ربنا يكرمك دنيا وآخرة انتي واللي زيك ياعين اختك

 

اسموءة

 

حبيبة اختك

 

اول مرة اعرف انك كنتي صاحبة امي ههههههههههههههه

 

قصة ابو زيد الهلالي

 

والله يا ام محمد ما اقصدك ولا اقصد حد في المنتدى

 

يارب اللى يزعلك يجيله حول في صوابع رجله

شارك هذه المشاركه


رابط المشاركه
شارك

اهلا وسهلا يا حبايب ذكية منورين

 

المقتدية بأخلاق النبي عليه الصلاة والسلام

 

يختي يا الف اهلا وسهلا

شكرا على الترحيب

 

ماشاء الله عليكي قريتي حلقتين بحالهم

 

ايوة يختي حافظي على نظرك اقرى حلقة كل سنة

كل سنة كثير هههههههههههههه

 

نورتي يا عين اختك

انتي لمنورة يا ست ذكية

 

شارك هذه المشاركه


رابط المشاركه
شارك

*~* يوميــ الست ذكية ـــــــات *~*

(34)

بقــ هبةنور ــلم

 

 

يا سلام على الست لما تفكر جوزها كدة كل شوية بجمايلها

 

عشان دايما يعرف انها صاحبة افضال عليه ايوة امال ايه

 

تعالوا شوفوا ذكاذيكو عملت ايه

 

 

 

 

 

 

 

 

 

 

 

عبد الصمد

 

نعم

 

 

فاكر ياخويا القميص الحلو اللي كان كل كم بلون واللياقة بلون والاساور بلون ووشه بلون وظهره بلون اللي اشترتهولك السنة اللي فاتت

 

ماله ان شاء الله

 

اصلي ياخويا مش بشوفك بتلبسه

 

بصراحة من ساعة ماكنت لابسه وواحد صاحبي قالي انت ناقصلك تركب مناخير حمرا وتلون وشك وتروح تشتغل في السيرك وانا مش بحب البسه

 

ياسلام هو قالك كدة .اكيد طبعا من فرسته منك دا كان قميص ولا كل القمصان انا جيباهولك من العتبة والراجل كان فارش على الرصيف

 

وماسك مكرفون وعمال يقول كله بسبعة ونص وتعالى بص

 

لا وانتي ذوقك ما يعلاش عليه

 

امال ايه الذوق ما يجيبش الا الذوق

 

طيب متشكرين

 

العفو يا عبد الصمد دي حاجات بسيطة

 

 

عبد الصمد

 

افندم

 

فاكر ياخويا لما اتزنقت في فلوس العفش وابويا قالك ماتشيلش هم يا ابني انت عايز كام وانا اساعدك

 

وانت قولتله انا عايز عشرتلاف جنيه وابويا اداك خمسة وعشرين جنيه بحالهم وقالك فك زنقتك يا ابنى

 

 

اه فاكر فاكر ياستي

 

لأ وابويا كمان جابلك موسين حلاقة على حسابه عشان ظروفك كانت ملطشة ومش لاقي تحلق يا عين امك

 

 

ربنا يخليكي انتي وابوكي في حاجة تاني ناسياها

 

لأ ياخويا انا منساش جمايلي عليك ابدا يا عبد الصمد انا ست اصيلة وبنت اصول

 

اه ماهو واضح يختي

 

عبد الصمد

 

نعم

 

فاكر ياخويا لما اختك جالها عريس ومالقتش حاجة تلبسها يا نضري وجت خدت مني العباية المرقعة بتعتي

 

ايوة فاكر يا ذكية فاكر

 

كانت عباية السعد والهنا والعريس مسك فيها بأيده واسنانه عشان بركة عبايتي حلت على اختك اللي كان كل ماعريس يشوفها يطفش

 

 

اوف ربنا يكرمك ويزيدك من نعيمه

 

ويكرمك يا عبد الصمد

 

قوليلي يا ذكية

 

اقولك ايه

 

انتي ليه كل شوية لازم تقعدي تفكريني بجمايلك انتي واهلك علية

 

دا واجبي يا عبد الصمد عيب عليك .الست لازم تفكر جوزها بجمايلها عشان دايما يفتكر افضالها ويشيلها فوق دماغه ويعرف ان مراته شعلة عطاء

 

مين اللي قال كدة

 

أمي حبيبتي هي اللى قالتلي

 

الله لا يسامحها

 

يا لهوي انت بتدعي على امي يا عبد الصمد

 

طبعا لازم ادعي عليها عشان اديتني ست منانة حولت حياتي لجحيم

 

ايه يا خويا الكلام اللى انقرض من ايام الاربعينات ده

 

لاء ده مش الكلام اللي انقرض ده حبي ليكي هو اللي انقرض بسبب عمايلك

 

 

 

منتديات أخوات طريق الإسلام

  • معجبة 1

شارك هذه المشاركه


رابط المشاركه
شارك

ههههههههههههههههه ذكاذيكو عاملة الواجب و زيادة كملي كملي نشوف وين توصلي يا ذكية بعمايلك

زيدينا ابداعا هبوبة و ان شاء الله ما نتحرموش ( ما نتحرمش بالجزائري ههههههه) من ابداعاتك

شارك هذه المشاركه


رابط المشاركه
شارك

ههههههههههههههههههههههههههه

 

ربنا يبارك فيك يا هبهوبه

 

فعلا خلقة تحفه

 

انا احيانا زوجى من باب الهزار يعنى لما يعمل لى حاجه يقولى عدى الجمايل

 

ههههههههههههههههههههههههههههه

 

بعد كده هبقى افكره بجمايلى

 

ههههههههههههههههههههههههههههههه

 

طبعا بهزر

  • معجبة 1

شارك هذه المشاركه


رابط المشاركه
شارك

حلقاتك روووووووووعة

يسلم قلمك بس اوعى تعترى وبعدين بعدها ما نعرف نكلمك ياهبة

المرة دى قلت مينفعش ادخل على هبة والست ذكية وايدى فاضية احسن لأضرب هههههههههه

شارك هذه المشاركه


رابط المشاركه
شارك

حلقاتك روووووووووعة

يسلم قلمك بس اوعى تعترى وبعدين بعدها ما نعرف نكلمك ياهبة

المرة دى قلت مينفعش ادخل على هبة والست ذكية وايدى فاضية احسن لأنضرب هههههههههه

post-150551-0-79093300-1336437468.jpg

تم تعديل بواسطة سندس محمود

شارك هذه المشاركه


رابط المشاركه
شارك

السلام عليكم ورحمة الله وبركاته

^_______^

جمايل إيه يا بنات ..إنتي صدقتوا زي عبد لصمد إنها جمايل بجد

قميص بسبعة جنية ونص وعباية مرقعة وخمسة وعشرين جنية أستلفهم من حماه ( يا ترى حماه طلب إنه يرجعهم ؟؟؟)

ماذا كانت ستفعل إذا لو أنها جمايل بحق وحقيق :)))

الله المستعان

المرأة الأصيلة هي التي لا تذكر أبدا معروفا قامت به أو قام به أهلها لزوجها

والرجل الأصيل هو الذي يقدر ذلك .. ويحمده لزوجته

وحتى إذا لم يقدر الرجل ذلك فنحن نعامل رب العباد ... ولا نعامل بشرا وكل منا يأخذ على قدر نيته

وحتى لو فعلت المرأة ذلك فهي لن تكسب شيئا وإنما ستوغر قلب زوجها ..وكما قال عبد الصمد حبه لها سينقرض :)

.

ولكن لنكون منصفين بعض الرجال ينسون ما فعلته لهم زوجهاتهم ...ويجحدون مساعداتهم

حتى أنني أعرف شخصا بعد سنوات كثيرة من تضحيات زوجته التي رأيتها بعني قال لها " أنت لم تفعلي شيئا لي "

فكيف سيكون شعور الزوجة ؟؟؟

  • معجبة 2

شارك هذه المشاركه


رابط المشاركه
شارك

جزاكى الله خيرا على كل الحلقات اللى انتى كتبتيها كلها وانا اتعلم منكى ومن ردود الاخوات جعله الله فى ميزان حسناتك

شارك هذه المشاركه


رابط المشاركه
شارك

أضحك الله سنك هبة الحبيبة دوما حلقاتك تدخل البسمة على القلوب وفيها أيضا رسالة ، جزاكِ الله خيرا

 

لكن الموضوع حقا خطير فمن يتحمل أن يحبط عمله لمن لا يعلم مثل ذكية وما هو رصيدنا من العمل الصالح وهل قُبل أم لا لنتحمل أن ما ماقبل إن كان قُبل يحبط بسبب المن نسأل الله العفو والعافية

 

قال الله تعالى : ( يا أيها الذين آمنوا لا تبطلوا صدقاتكم بالمن والأذى ) البقرة

 

ذكية أخطأت خطأ جسيم ولعل عذرها أنها لا تعلم بل تشعر أن هذا هو الصواب وهذا ما سيحبب فيها زوجها ولكن زوجها أخطأ أيضا لأنه يعلم الصواب ولم يُعلمها دينها ويبين لها عاقبة هذا الفعل

 

الله يهدي ذكية ويهدينا لما يحب ويرضى

 

:)

شارك هذه المشاركه


رابط المشاركه
شارك

السلام عليكم ورحمة الله وبركاته

ياااااااسلااااااام حلقات مسليه وجميلة

وطريقة النقد رائعة وتصحيح اخطاء ذكية

جميل تبارك الرحمن

الله يهدينا ويجعلنا زوجات صالحات

 

بس معلش من كلام ساجدة اتمنى منها تعليق

 

السلام عليكم ورحمة الله وبركاته

^_______^

جمايل إيه يا بنات ..إنتي صدقتوا زي عبد لصمد إنها جمايل بجد

قميص بسبعة جنية ونص وعباية مرقعة وخمسة وعشرين جنية أستلفهم من حماه ( يا ترى حماه طلب إنه يرجعهم ؟؟؟)

ماذا كانت ستفعل إذا لو أنها جمايل بحق وحقيق :)))

الله المستعان

المرأة الأصيلة هي التي لا تذكر أبدا معروفا قامت به أو قام به أهلها لزوجها

والرجل الأصيل هو الذي يقدر ذلك .. ويحمده لزوجته

وحتى إذا لم يقدر الرجل ذلك فنحن نعامل رب العباد ... ولا نعامل بشرا وكل منا يأخذ على قدر نيته

وحتى لو فعلت المرأة ذلك فهي لن تكسب شيئا وإنما ستوغر قلب زوجها ..وكما قال عبد الصمد حبه لها سينقرض :)

.

ولكن لنكون منصفين بعض الرجال ينسون ما فعلته لهم زوجهاتهم ...ويجحدون مساعداتهم

حتى أنني أعرف شخصا بعد سنوات كثيرة من تضحيات زوجته التي رأيتها بعني قال لها " أنت لم تفعلي شيئا لي "

فكيف سيكون شعور الزوجة ؟؟؟

 

انتي قلتي هذا الكلام عليكي نور

طيب وان كان تذكيرها له عندما يهنيها ويقلل من قيمتها او يقصر معاها

تذكره مش عشان تمن عليه تذكره عشان تصلح منه ويعاملها للافضل

وكمان ما تدخل اطراف يتعرفوا على مشاكلها

يعني تحاول تصلح من زوجها بهذه الطريقة لستر المشاكل

وماحد يدخل بينهم ولقلة حيلتها معه

هل تدخل بهذا المعنى انها منانه

انتظر الاجابه منك ومن الجميع

شارك هذه المشاركه


رابط المشاركه
شارك

أضحك الله سنك هبة الحبيبة دوما حلقاتك تدخل البسمة على القلوب وفيها أيضا رسالة ، جزاكِ الله خيرا

 

لكن الموضوع حقا خطير فمن يتحمل أن يحبط عمله لمن لا يعلم مثل ذكية وما هو رصيدنا من العمل الصالح وهل قُبل أم لا لنتحمل أن ما ماقبل إن كان قُبل يحبط بسبب المن نسأل الله العفو والعافية

 

قال الله تعالى : ( يا أيها الذين آمنوا لا تبطلوا صدقاتكم بالمن والأذى ) البقرة

 

ذكية أخطأت خطأ جسيم ولعل عذرها أنها لا تعلم بل تشعر أن هذا هو الصواب وهذا ما سيحبب فيها زوجها ولكن زوجها أخطأ أيضا لأنه يعلم الصواب ولم يُعلمها دينها ويبين لها عاقبة هذا الفعل

 

الله يهدي ذكية ويهدينا لما يحب ويرضى

 

:)

السلام عليكم ورحمة الله وبركاته،

هل ما فعلته مع زوجها يعتبر صدقة ؟؟

هذه ثاني مرة أسمع هذه الآية في موقف فيه منّ

وهذا صراحة شتتني ذهنيا لأن ما أعلمه أن ما يفعله الشخص خصوصا لو واجب لا يعتبر صدقة

فأرجوا التوضيح

شارك هذه المشاركه


رابط المشاركه
شارك

أضحك الله سنك هبة الحبيبة دوما حلقاتك تدخل البسمة على القلوب وفيها أيضا رسالة ، جزاكِ الله خيرا

 

لكن الموضوع حقا خطير فمن يتحمل أن يحبط عمله لمن لا يعلم مثل ذكية وما هو رصيدنا من العمل الصالح وهل قُبل أم لا لنتحمل أن ما ماقبل إن كان قُبل يحبط بسبب المن نسأل الله العفو والعافية

 

قال الله تعالى : ( يا أيها الذين آمنوا لا تبطلوا صدقاتكم بالمن والأذى ) البقرة

 

ذكية أخطأت خطأ جسيم ولعل عذرها أنها لا تعلم بل تشعر أن هذا هو الصواب وهذا ما سيحبب فيها زوجها ولكن زوجها أخطأ أيضا لأنه يعلم الصواب ولم يُعلمها دينها ويبين لها عاقبة هذا الفعل

 

الله يهدي ذكية ويهدينا لما يحب ويرضى

 

:)

السلام عليكم ورحمة الله وبركاته،

هل ما فعلته مع زوجها يعتبر صدقة ؟؟

هذه ثاني مرة أسمع هذه الآية في موقف فيه منّ

وهذا صراحة شتتني ذهنيا لأن ما أعلمه أن ما يفعله الشخص خصوصا لو واجب لا يعتبر صدقة

فأرجوا التوضيح

 

غاليتي بدءً لا أحب أن أفتي بغير علم وأسأل الله ألا يؤاخذني بالخطأ والنسيان ولكن إن كان كل عطاء يمكن أن يدخله المن فالهدية يمكن أن يمن بهاالإنسان والهبة والعطية وليس الصدقة فحسب وعلى هذا فهمت من الأية والله تعالى أعلى وأعلم أن الصدقة هنا معناها العطاء ابتغاء وجه الله وقد جاء في الحديث الشريف كُلُّ مَعْرُوفٍ صَدَقَةٌ رواه البحاري، رقم (6021)، ومسلم، رقم (2375)

وجاء أيضا عن أبي مسعود البدري رضي الله عنه قال : قال النبي صلى الله عليه وسلم : ( إن المسلم إذا أنفق على أهله نفقة يحتسبها كانت له صدقة ) . رواه البخاري (55) ومسلم (1002) .

 

ومع أن من واجبه الإنفاق على أهله ولكن ان احتسب تلك النفقة كانت له صدقة وأيضا حديث أخر ما معناه واللقمة يضعها في فم زوجته صدقة

 

معنى الصدقة

 

‏صدقة‏ :

‏الصدقة هي العطية التي يبتغى بها وجه الله تعالى‏

المعجم: مصطلحات فقهية

 

صدقة :

 

هو ما يدفعه الشخص تقربا لله تعالى . والصدقة تتحقق في الهبة أو الوقف أو الإبراء ونحوهما ، إن كانت هذه المعاملات صدرت على نحو القربة لله تعالى .

المعجم: مصطلحات فقهية

 

 

صدقة :

 

ما يعطى تقربا لله ورجاء الثواب ، جمع : صدقات

المعجم: الرائد

 

والله أعلم

شارك هذه المشاركه


رابط المشاركه
شارك

يا حلاوة ياولاد دي المناقشة كانت حامية اوي

 

الحمدلله اني كنت بعيد لحسن تكونوا بتحدفوا طوب

 

ماريا

 

تسلم رجليكي يختي ماتحرمش من دخلتك علية

 

بلبلة الفردوس

 

ياسلام ايه الاسامي اللي تشرح القلب الحزين دي

 

نورتي يا عين اختك

 

سندسة الجنة

 

اهلا يا حبيبتي ولا ماكانوا له لزوم الواجب اللي مادخلتيش بيه علينا ده

 

سندس محمود

 

تسلم مجايبك ياعسل صاحبة واجب بس المرة الجاية هاتيلي فراخ عشان عايزة اعمل شركسية

 

ساجدة للرحمن

 

لالالالالالا يا ابلة ماتجيش منك تتريقي على ذكية ومجايب ذكية

 

دي جمايل ونص وتلات تربع يا ابلة المشرفة

 

ام اروى السلفية

 

يختي اسم اروى ده حلو اوي ربنا يخلي وتفرحي بيها يختي يارب

 

النصر قادم

 

يانورك يانورك يانورك يا ابلة نصورة تسلميلي يارب ومااتحرم من نورك وزياراتك اللي بتفرح قلبي

 

توكلت على خالقي ومولاي

 

ليميها ياضنايا وقضي حياتك على خير اوعي تفكري تعايري الراجل حتى لو جايباله عزبة وحمارتين وعجل

 

امة الرحمن

 

 

قلبتيها ندوة مفتوحة اسم الله عليكي وعلى حواليكي ياعين اختك

 

نورتوا يا حبايب

شارك هذه المشاركه


رابط المشاركه
شارك

*~* يوميــ الست ذكية ـــــــات *~*

(35)

بقــ هبةنور ــلم

 

 

ايه رأيكوا يا جماعة في تنظيم الاسرة ؟

 

طيب ايه رأيكوا في تحديد النسل ؟

 

طيب يا ترى ايه رأي ذكية ؟

 

تعالوا نشوف

 

 

 

 

 

 

 

 

اسكت يا عبد الصمد مش انا اختاروني المرأة الزموزجية على مستوى الجمهورية

 

اختاروكي ايه يختي

 

اختاروني المرأة الزموزجية يعني الناس تعمل زي ما بعمل ويمشوا ورايا عشان يكسبوا

 

اه قصدك المرأة النموذجية

 

ايوة يا عبد الصمد افرحلي ياخويا

 

ومين الحمار اللي اختارك

 

اخص عليك ياعبد الصمد ليه كدة دي جمعية عملينها عشان الستات اللي نسلهم متحدد

 

لا اله الا الله ايه اللي بتقوليه ده ياست انتي ومين قالك اننا مححدين النسل

 

يوه ياعبد الصمد مش احنا معانا عيلين بس

 

ومين قالك اني هكتفي بيهم انا عايز عيال تاني

 

بقولك ايه ياعبد الصمد مش كل خرابة تطلعلي منها عفريت ياخويا انا واحدة مهمة في البلد دلوقتي والناس هتعمل زي

 

ياسلام واختك منكسرة اللي معاها ماشاء الله سبع عيال ايه رأيك فيها

 

وانا مالي ياخويا ومال منكسرة .وبعدين منكسرة عضوة في جمعية هيا نتكاثر

 

 

انا مش موافق على الكلام الفاضي ده

 

ياعبد الصمد اسمع كلامي بس دول ناوين يدوني جايزة كبيرة اوي عشان انا زموزجية

 

والله مهما قلتي كلامي انا اللي هيتنفذ

 

طيب انا هحضر الحفلة ياعبد الصمد عشان التلافزيون هيصورني

 

ياشيخة روحي هيصوروكي على ايه على خيبتك التقيلة وبعدين لازم تعرفي ان دي خطط مدبرة وهما مش عايزين المسلمين عددهم يزيد

 

دول نفسهم يبيدونا اصلا مش يحددولنا النسل بس

 

ترررررررررررررررنتررررررررررررررررررررررن

 

ردي على موبايلك ياست

 

الو مين

 

ايوة الست ذكية معايا

 

ان شاء الله انتي مين يختي

 

انا شجرة

 

ياسلام يختي هو فيه شجرة بتتكلم ياست انتي ماتبطلوا الحاجات اللي بتطعاطوها دي

 

ياست ذكية انا شجرة الدر

 

ايوة ايوة يختي عرفتك اللي اتلموا عليكي الستات وضربوكي بالقباقيب ياكبد امك . والله زعلت عليكي اوي بس سبحان الله انتي لسة عايشة لحد دلوقتي بعد العلقة اللي ماخدهاش حرامي في مولد دي

 

 

ياست انتي بتقولي ايه انتي رجعتينا لأيام المماليك تاني هي ناقصاكي .اللي بتتكلمي عليها دي شجرة الدر مرات السلطان ايبك

 

امال انتي مرات السلطان مين

 

يا ستي انا مدام شجرة الدر رئيسة جمعية عيلين وكفاية

 

يختي ماتقولي كدة من الصبح بقي وجعني من الكلام اهلا وسهلا ومرحبا يا ست الريسة

 

انتي هتعملي ايه عشان الحفلة بقا ياست ذكية

 

انا يختي ناوية بعون الله اعمل حلة رز بلبن واجي افرق عليكو بالمناسبة السعيدة دي

 

رز بلبن ايه بس ياست ذكية انا اقصد حضرتي الكلمة اللي هتلقيها في الحفلة

 

هو الكلام بيحضرولوا يا خالتي الريسة انا اللي هيجي على لساني هقولوا وخلاص هو الكلام عليه جمرك

 

بقولك ايه ياست ذكية انا هكتب الكلمة اللي هتلقيها وطبعا هقف جنبك وامليكي وانتي تقولي بدل مانروح في داهية

 

خلاص يختي اتفقنا هقوم اعمل حلة الرز بلبن واجيبها واجي

 

 

 

 

 

 

 

 

 

 

السلام عليكم ورحمة الله وبركاته

 

 

الآن مع كلمة المرأة النموذجية الست ذكية فلتتفضل

 

يزيد فضلك يا حبيبتي تسلمي وتعيشي

 

 

قولي ورايا ياست ذكية وخلي بالك من اللي هقوله يلا نبدأ

 

ايها السيدات الفاضلات

 

ايها السيدات الفضلات

 

يسعدني التواجد في هذا الجمع الطيب

 

يسعودني التواجد في هذا الجمع المطين

 

كم ارى امامي من وجوه وضيئة مثالية

 

كم ارى امامي من وجوه وضيعة مصدية

 

معا لرفض السطوة

 

معا لفتح المطوة

 

يجب ان نتخلص من جبروت الرجل سعيا وراء حرية المرأة

 

يجب ان نتخلتص من جربوت الرجل سعيا وراء حمورية المرأة

 

فالرجل لا يحب المرأة المنتجة صاحبة الحضارة

 

فالرجل لا يحب المرأة المنتنة ساحبة الحمارة

 

لذا فهو يريد ان يقيدها برعاية الاطفال ويحرمها من ان تكون مرأة متفردة

 

لوزة فهو يرود يقيودها بعراية الاطفال ويحرومها ان تكون مرأة متشردة

 

 

 

واخيرا اود ان اشكر السيدة الهمامة صاحبة هذه الاطروحات

 

واخيرا اود ان اشكر السيدة اللمامة صاحبة هذه الطرطوشات

 

 

 

ايه الهباب اللي هببتيه ده ياست ذكية

 

ايه يختي انا عملت ايه يا ست شجرة الدر

 

ايه الكلام الفارغ اللي قولتيه ده الاعضاء مستائين جدا

 

وانا مالي ياست هو انا جايبة الكلام من عند امي مش انتي اللي قاعدة جنب ودني بتوزيني على اللي اقوله .

 

ايه ده ايه الدوشة دي

 

يا لهوي الحقي ياست شجرة الدر دول قالعين القباقيب وجاينلك اجري استخبي يختي عيالك عايزينك يالهوووووووووى

 

 

 

منتديات أخوات طريق الإسلام

  • معجبة 4

شارك هذه المشاركه


رابط المشاركه
شارك

ايها السيدات الفاضلات

ايها السيدات الفضلات

 

يسعدني التواجد في هذا الجمع الطيب

يسعودني التواجد في هذا الجمع المطين

 

كم ارى امامي من وجوه وضيئة مثالية

كم ارى امامي من وجوه وضيعة مصدية

 

معا لرفض السطوة

معا لفتح المطوة

 

يجب ان نتخلص من جبروت الرجل سعيا وراء حرية المرأة

يجب ان نتخلتص من جربوت الرجل سعيا وراء حمورية المرأة

 

فالرجل لا يحب المرأة المنتجة صاحبة الحضارة

فالرجل لا يحب المرأة المنتنة ساحبة الحمارة

 

لذا فهو يريد ان يقيدها برعاية الاطفال ويحرمها من ان تكون مرأة متفردة

لوزة فهو يرود يقيودها بعراية الاطفال ويحرومها ان تكون مرأة متشردة

 

واخيرا اود ان اشكر السيدة الهمامة صاحبة هذه الاطروحات

واخيرا اود ان اشكر السيدة اللمامة صاحبة هذه الطرطوشات

تحففففففففففففففففففففففففففففففففففففففففففففففففففة

صراحة أستاذة ورئيسة قسم في كتابة كلام على الوزن

صدقا أضحكتيني وأنا في أشد الحاجة للضحك الآن

شارك هذه المشاركه


رابط المشاركه
شارك

هههههههههههههههه الله يسعدك يا هبة والله

آآآآآآآآآآه جيتي على الجرح

الله المستعان

شارك هذه المشاركه


رابط المشاركه
شارك

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×