هبة عبد العظيم نور 2042 أرسلي تقرير عن المشاركة قامت بالمشاركة 14 مارس, 2012 ههههههههههههههههههههههههههههههههههههههههههههههههههههههههههههههههههههههههههههههه ما عنديش حاجة أقولها بطني وجعتني من الضحك الله يسمحك الا حركة تلاته فبراير تحفه والله يا هبه مش بنزل للبقال تحت البيت الا بإذن زوجي ربنا يسترنا ويستر بنات المسلمين خرجتينى من الكرب اللى كنت فيه والله ربنا يباركلك يا هبه يا قمر انت يا ابو ضحكة جنان منورانى يا سهسوهة قلبى على طول ويارب مااتحرمش من طلتك الحلوة ايوة شاطرة ماتخرجيش الا لما تقولى لجوزك هو كدة بنات الاصول برضو ربنا مايجيبلك كرب ابدا حبيبتى شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 14 مارس, 2012 ما شاء الله حلقه تحفه وجيه على الوجيعه والله يا هبه اللهم احمى مصر من شر الفتن ما ظهر منها وما بطن والله يهدى نساء وبنات المسلمين ويردهم الى الدين ردا جميلا سؤال:امرأة تخرج بغير إذن زوجها إلى أهلها أو إلى مكان فيه مناسبة نسائية، هل تأثم؟ وإذا خاصمها زوجها قالت: أنا كنت في واجب؟ أفيدونا جزاكم الله خيراً. الجواب:ليس لها الخروج إلا بإذن زوجها، يحرم عليها أن تخرج إلا بإذن زوجها، ولو كانت في تعزية لأهل ميت أو عيادة مريض أو لأهلها ليس لها الخروج إلا بإذنه، عليها السمع والطاعة لزوجها إلا في المعصية، أما في المعروف فعليها السمع والطاعة، وليس لها الخروج إلا بإذنه، سواء كان ذلك لأهلها أو لغير أهلها، وعلى الزوج أن يراعي حقها وأن يتلطف بها وأن يحسن عشرتها فيأذن لها في الخروج المناسب الذي ليس فيه منكر، وليس فيه إعانة على منكر من باب المعاشرة بالمعروف، ومن باب جمع الشمل، فلا ينبغي أن يشدد ولا يجوز لها أن تعصيه في المعروف، أما إن أمرها بمعصية فلا، ليس لها طاعته في ذلك، لو أمرها أن تسب والديها أو تشرب الخمر أو تترك الصلاة، لا يجوز لها طاعته في ذلك، حرم عليها طاعتها في ذلك؛ لأن الرسول عليه السلام يقول: (إنما الطاعة في المعروف)، ويقول عليه الصلاة والسلام: (لا طاعة لمخلوق في معصية الخالق)، لكن إذا أمرها بشيء مباح من عدم الخروج للجيران أو لأهلها، أو عدم صنع الطعام المعين أو أشياء أخرى مما أباح الله، فليس لها أن تعصيه، بل عليها السمع والطاعة. ما شاء الله حلقه تحفه وجيه على الوجيعه والله يا هبه اللهم احمى مصر من شر الفتن ما ظهر منها وما بطن والله يهدى نساء وبنات المسلمين ويردهم الى الدين ردا جميلا سؤال:امرأة تخرج بغير إذن زوجها إلى أهلها أو إلى مكان فيه مناسبة نسائية، هل تأثم؟ وإذا خاصمها زوجها قالت: أنا كنت في واجب؟ أفيدونا جزاكم الله خيراً. الجواب:ليس لها الخروج إلا بإذن زوجها، يحرم عليها أن تخرج إلا بإذن زوجها، ولو كانت في تعزية لأهل ميت أو عيادة مريض أو لأهلها ليس لها الخروج إلا بإذنه، عليها السمع والطاعة لزوجها إلا في المعصية، أما في المعروف فعليها السمع والطاعة، وليس لها الخروج إلا بإذنه، سواء كان ذلك لأهلها أو لغير أهلها، وعلى الزوج أن يراعي حقها وأن يتلطف بها وأن يحسن عشرتها فيأذن لها في الخروج المناسب الذي ليس فيه منكر، وليس فيه إعانة على منكر من باب المعاشرة بالمعروف، ومن باب جمع الشمل، فلا ينبغي أن يشدد ولا يجوز لها أن تعصيه في المعروف، أما إن أمرها بمعصية فلا، ليس لها طاعته في ذلك، لو أمرها أن تسب والديها أو تشرب الخمر أو تترك الصلاة، لا يجوز لها طاعته في ذلك، حرم عليها طاعتها في ذلك؛ لأن الرسول عليه السلام يقول: (إنما الطاعة في المعروف)، ويقول عليه الصلاة والسلام: (لا طاعة لمخلوق في معصية الخالق)، لكن إذا أمرها بشيء مباح من عدم الخروج للجيران أو لأهلها، أو عدم صنع الطعام المعين أو أشياء أخرى مما أباح الله، فليس لها أن تعصيه، بل عليها السمع والطاعة. ماشاء الله عليكى رائع الفتوى التى اتيتى بها يا بنوتة ياعسل افدتينا بها ياحبيبة بارك الله فيكى كل مرة تيجى وتردى بفتاوى واحاديث خلاص يا بنت افرحى انا اعتمدتك فى الردود المفيدة نورتى يا حبيبتى والله شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 14 مارس, 2012 مش هاقولك غير الله يسامحك على الضحك اللى ضحكته تسلم ايدك ياهبه حلقة تحفففففففففففففففففففففففففففففففة لا اللهم لك الحمد النقطة دى بالذات زوجى بيموت فى جلده منها لو خرجت لوحدي حتى كشف الاولاد أخرج من البيت أنتظره فى مكان أمن وأراه منتظرني ويترك عمله ونكشف ويرجعنى فى مكان برضه قريب أذهب للبيت ولو ذهبت لعيادة قريبة من البيت أذهب متأخرة لكى ينتهي من عمله ويأخذنا للبيت لالالا عبد الصمد غلطان واليومين دول بالذات أخطر أيام من بعد الثورة ده حصل معي موقف من قاطع الكشف للعياده جلست أنتظر زوجى فى العيادة وزوجى تأخر وحان دخولي ومشيت كل الناس واضطريت أخرج أقف بره العيادة أنتظره وجالي الراجل اللي بيقطع الكشف بره زعألي وقالي هو فيييييييييين قلت له بيصلي العصر وأتصلت به موبايله صامت طبعا قالى هو زوجك ايه اخوان والا سلفي؟؟؟؟ قلت له سلفي قالي علشان كده ماحنا اخوان وصلينا فى عملنا قلت له طيب جاء زوجي وحكيت له فى الموبيل قبل مايدخل وجاء وقاله أنا مش هتكلم معاك هتكلم مع الدكتور وأعتذر له الدكتور ونده للراجل يتأسف لنا وقاله (أحترم الراجل اللي يخاف على زوجته) والحمد لله تم الكشف بأشارة زوجى بيديه على هدومي بمكان الألم للعظام كمان سبحان الله الاسلام وقر المرأة ونحن لا نعمل بهذا الوقار مش هاقولك غير الله يسامحك على الضحك اللى ضحكته تسلم ايدك ياهبه حلقة تحفففففففففففففففففففففففففففففففة لا اللهم لك الحمد النقطة دى بالذات زوجى بيموت فى جلده منها لو خرجت لوحدي حتى كشف الاولاد أخرج من البيت أنتظره فى مكان أمن وأراه منتظرني ويترك عمله ونكشف ويرجعنى فى مكان برضه قريب أذهب للبيت ولو ذهبت لعيادة قريبة من البيت أذهب متأخرة لكى ينتهي من عمله ويأخذنا للبيت لالالا عبد الصمد غلطان واليومين دول بالذات أخطر أيام من بعد الثورة ده حصل معي موقف من قاطع الكشف للعياده جلست أنتظر زوجى فى العيادة وزوجى تأخر وحان دخولي ومشيت كل الناس واضطريت أخرج أقف بره العيادة أنتظره وجالي الراجل اللي بيقطع الكشف بره زعألي وقالي هو فيييييييييين قلت له بيصلي العصر وأتصلت به موبايله صامت طبعا قالى هو زوجك ايه اخوان والا سلفي؟؟؟؟ قلت له سلفي قالي علشان كده ماحنا اخوان وصلينا فى عملنا قلت له طيب جاء زوجي وحكيت له فى الموبيل قبل مايدخل وجاء وقاله أنا مش هتكلم معاك هتكلم مع الدكتور وأعتذر له الدكتور ونده للراجل يتأسف لنا وقاله (أحترم الراجل اللي يخاف على زوجته) والحمد لله تم الكشف بأشارة زوجى بيديه على هدومي بمكان الألم للعظام كمان سبحان الله الاسلام وقر المرأة ونحن لا نعمل بهذا الوقار منمونتى صغنونتى ازيك يا امورتى حقيقى والله يامنى الاسلام كرم المرأة واراد حمايتها من كل الشرور لكن كثير من النساء يأبين الا الخروج عن منهج الاسلام هدا الله الجميع رائع ماقصصتى علينا ماشاء الله شكرا يا منمونتى على التوقيع والله كنت عايزة اكتب اسمك فيه لكن خايفة العب فى حاجة ابوظ الدنيا وانا ماصدقت اتعمل شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 14 مارس, 2012 اللهم بارك دوماً في تألق يا هوبة ولم أعلق علي الحلقتين السابقتين علشان مجيش أيدي فاضية وزكية طالبة مني 60كيلو موز بصي يا ذكذك ده اللي لقيته يارب يكفيك :) وزي ما سجودة قالت الكلام الملخبط بتجبيبه منين يا ذيكو ؟؟؟ وأنا بقي الحلقة دي أكتفيت بالضحك والأخوات اللهم بارك كفوا ووفوا ح اللهم بارك دوماً في تألق يا هوبة ولم أعلق علي الحلقتين السابقتين علشان مجيش أيدي فاضية وزكية طالبة مني 60كيلو موز بصي يا ذكذك ده اللي لقيته يارب يكفيك :) وزي ما سجودة قالت الكلام الملخبط بتجبيبه منين يا ذيكو ؟؟؟ وأنا بقي الحلقة دي أكتفيت بالضحك والأخوات اللهم بارك كفوا ووفوا حوش حوش اقفاص الموز اللى داخلة يا جدع ودول يختى شلتيهم لوحدك ولا جيبتى بلدوزر على حسابك ياحبيبتى داخلتك علية بستين شجرة موز وضحكتك دى تساوى كتير يانور عينى شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 14 مارس, 2012 الله يخرب عقلك يا هوبة ههههههههههه والله إنت سكرة ودمك خفيف أوي الله يزيدك يارب وابقي سلملي على الست ذكية الله يخرب عقلك يا هوبة ههههههههههه والله إنت سكرة ودمك خفيف أوي الله يزيدك يارب وابقي سلملي على الست ذكية الله يسلمك من كل وحش يا نضرى تسلمى يا ست الستات منورة يا حواء يا عسل شارك هذه المشاركه رابط المشاركه شارك
بنت الاسلام السلفيه 110 أرسلي تقرير عن المشاركة قامت بالمشاركة 15 مارس, 2012 ماشاء الله عليكى رائع الفتوى التى اتيتى بها يا بنوتة ياعسل انت الاروع هبه والمواقف كلها فى السليم افدتينا بها ياحبيبة بارك الله فيكى افادك الله حبيبتى كل مرة تيجى وتردى بفتاوى واحاديث مش ده المراد من الحلقات دى برضو خلاص يا بنت افرحى انا اعتمدتك فى الردود المفيدة لالالاوظيفه عمرى ما حلمت بيها ربنا ما يحرمنى منك ولا من جميلك على يا زيكه نورتى يا حبيبتى والله البيت منور بصحابه يا قمر شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2012 خلاص يابنت الاسلام انا عشان كفائتك ذكية قررت تعينك مديرة اعمالها ربنا يعينك على لسانها بقا هههههههههههههههههه شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 16 مارس, 2012 *~* يوميــ الست ذكية ـــــــات *~* (18) بقــ هبةنور ــلم النهاردة ذكية وعبد الصمد ماشاء الله اخر انسجام وكل ماتطلب حاجة يقولها ؟ تعالوا نشوف بيقولها ايه صباخ الخير ياعبد الصمد صباح النور ياعيون عبد الصمد عايزة فلوس ياخويا عشان اجيب عباية جديدة كانت عجبانى وماله ياحبيبتى . عايزة كام يعنى هى كانت بحوالى ستوميت جنيه حاضر ياحبيبتى وهكملهوملك الف كمان عشان تجيبى معاها شنطة وجزمة ياحبيبى ياعبد الصمد . تسلملى من كل وحش ياخويا انتى طلباتك اوامر ياروح قلبى ربنا يخليك ياعبده بقولك ايه ياذكية نعم ياخويا ماتيجى ناخد العيال ونتغدا برا النهاردة فى اى مكان تختاريه بجد ياعبد الصمد ايوة ياحبيبتى . شوفى انتى عايزة تروحى فين طيب انا نفسى اكل فوشى اسمه سوشى ياحبيبتى ايوة ياخويا ماانا عارفة ابويا كان بيجيبهولنا على طول من عيونى يا ست الستات تسلم عيونك ياخويا . عبد الصمد نعم ياحبيبتى انا ياخويا كنت عايزة ازور اختى منكسرة عشان ابنها كان بعافية شوية سلامته بعد الشر ماله لا ابدا عمل عملية اللوز سلامته وسلامة لوزه . طيب خدى المية وخمسين جنيه دول هاتيلو فاكهة ولا عصاير دول كتير ياعبد الصمد اوى لا ياست مش كتير على ابن اخت مراتى حبيبتى تسلملى ياعبد الصمد ذكية نعم يا عبده غمضى عنيكى ليه ياخويا هنلعب استغوماية لأ ياروح قلبى عاملك مفاجأة مفأجة ايه ياعبده طيب غمضى عنيكى بس ادينى غمضت ياخويا فتحى بقا ياحلاوة ياحلاوة ايه الخاتم الحلو ده عجبك ياحبيبتى هو انت تجيب حاجة ماتعجبنيش برضو ياعبد الصمد . دا حتى الغوايش اللى جيبتهوملى الشهر اللى فات يهبلو كل ده شوية عليكى حبيبتى تسلم ياعبده عبد الصمد نعم حبيبتى انا كنت عايزة خمسوميت جنيه عشان اجيب حلة بريستون بدل اللى باظت معلش حبيبتى استنى كام يوم نعم ياخويا استنى كام يوم دا ايه انا محتاج الفلوس اللى معايا ومش هقدر اتصرف فيها عشان لزمانى يعنى هى جت على الحلة البريسون ياستى الحلة البريستو تستنا شوية لا ماتستناش ياعبده لا حولا ولا قوة الا بالله ياستى الصبر حلو مش كدة لا ياعبد الصمد ياتجيبلى الحلة البريستون ياإما مش قاعدالك فى البيت كدة برضو ياذكية ايوة كدة طيب اعملى اللى انتى عايزاه بلاش وجع دماغ اهئ اهئ اهئ كدة برضو ياعبد الصمد بتطردنى من البيت بعد المر اللى انا شارباه معاك اه يامجوعنى ياحارمنى يللى ماشوفتش معاك يوم عدل افتكرهولك اهئ اهئ اهئ منتديات أخوات طريق الإسلام 1 شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 16 مارس, 2012 سبحان الله فالمرأة تحب أن تلبى كل طلباتها وعندما يقصر معها في شيء واحد تنكر كل شيء وصدق رسول الله حينما قال: عن ابن عمر رضي الله عنهما ، أن النبي صلى الله عليه وسلم قال : (( يا معشرَ النساء ،تصدّقن ، وأكثرن من الإستغفار ؛ فإنّي رأيتُكُنَّ أكثرَ أهلِ النّار )) قالت امرأة منهن : ما لنا أكثر أهل النار ؟ قال : ( تُكثِرن اللعْن ، وتَكْفُرْنَ العشير ، ما رأيت من ناقصات عقل ودين أغلب لذي لبٍّ منكُنَّ )قالت : ما نقصان العقل والدين ؟ قال : ( شهادة امرأتين بشهادة رجل ، وتمكث الأيام لا تصلّي ) رواه مسلم /79 / من كتاب رياض الصالحين (((تكفرن العشير : تنكر المعروف ،لو غضبت من زوجها ولو بعد سنين تقول ما رأيت منك خيرا أبدا شارك هذه المشاركه رابط المشاركه شارك
بنت الاسلام السلفيه 110 أرسلي تقرير عن المشاركة قامت بالمشاركة 16 مارس, 2012 لاحول ولا قوة الا بالله ما كملتش اليوم حلو مش قادره تعيش من غير عكننه بسى انا حستقيل من الوظيفه دى بدل ما تحرق دمى وضغطى عالى لوحده جزاكى الله خير حواء حديث فى مكانه تمام صدقت يا رسول الله (ناقصات عقل ودين ويكفرن العشير) شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 16 مارس, 2012 السلام عليك ورحمة الله وبركاته نموذج صارخ لكفران العشير ... كدة برضو ياعبد الصمد بتطردنى من البيت بعد المر اللى انا شارباه معاك اه يامجوعنى ياحارمنى يللى ماشوفتش معاك يوم عدل افتكرهولك بعد أن فعل لها الكثير والكثير ... وإذا بموقف واحد فقط يجعلها تنكر كل ما مربها والله المستعان مجوعها وحارمها ؟؟؟؟ قال تعالى " ولا تنسوا الفضل بينكم " نفسي اعرف الحج عبد الصمد صابر عليها ليه ؟؟؟ أنا لما قرأت الموضوع من أوله قلت خلاص .. شكله كده نوى على عروسة جديدة وبيمهد الطريق :mrgreen: بس للأسف طلع طيوب وبيحبها بجد والسؤال الذي يطرح نفسه الآن ....ما الذي يحبه فيهاااااااااااااااااااااا؟؟؟؟؟؟ :angry: بارك الله فيك هبهوب ... ولا حرمنا الله من حلقاتك المميزة شارك هذه المشاركه رابط المشاركه شارك
{ الــهـــا م } 81 أرسلي تقرير عن المشاركة قامت بالمشاركة 16 مارس, 2012 والسؤال الذي يطرح نفسه الآن ....ما الذي يحبه فيهاااااااااااااااااااااا؟؟؟؟؟؟ : ) شارك هذه المشاركه رابط المشاركه شارك
ام اروى السلفيه 1 أرسلي تقرير عن المشاركة قامت بالمشاركة 16 مارس, 2012 جزاكى الله خيرا على كل هذه الحلقات الجميله وجعله الله فى ميزان حسناتك والله المستعان على الست ذكيه المفتريه شارك هذه المشاركه رابط المشاركه شارك
شذى الهمة 331 أرسلي تقرير عن المشاركة قامت بالمشاركة 16 مارس, 2012 السلام عليك ورحمة الله وبركاته نموذج صارخ لكفران العشير ... كدة برضو ياعبد الصمد بتطردنى من البيت بعد المر اللى انا شارباه معاك اه يامجوعنى ياحارمنى يللى ماشوفتش معاك يوم عدل افتكرهولك بعد أن فعل لها الكثير والكثير ... وإذا بموقف واحد فقط يجعلها تنكر كل ما مربها والله المستعان مجوعها وحارمها ؟؟؟؟ قال تعالى " ولا تنسوا الفضل بينكم " نفسي اعرف الحج عبد الصمد صابر عليها ليه ؟؟؟ أنا لما قرأت الموضوع من أوله قلت خلاص .. شكله كده نوى على عروسة جديدة وبيمهد الطريق :mrgreen: بس للأسف طلع طيوب وبيحبها بجد والسؤال الذي يطرح نفسه الآن ....ما الذي يحبه فيهاااااااااااااااااااااا؟؟؟؟؟؟ :angry: بارك الله فيك هبهوب ... ولا حرمنا الله من حلقاتك المميزة عارفة يا سجودة عبدالصمد ده في منه كتير في أمة المسلمين للأسف مغلوب على أمره ويحب زوجته ومخلص لها لا أدري لماذا ؟ بينما هناك الكثير من الزوجات المحبات المخلصات ابتلين بالسيد زكي وليس عبدالصمد والله المستعان جزاكم الله خيرا ياهبة نور الحلقة الأخيرة جميلة جدا وتوصل فكرة كفران العشير وكل واحدة أدرى بما يصنعه زوجها 2 شارك هذه المشاركه رابط المشاركه شارك
وأشرقت السماء 1565 أرسلي تقرير عن المشاركة قامت بالمشاركة 17 مارس, 2012 هههههههههه عسل يا هوبة بصراحة اتصدمت وأنا بقرأ وقلت مين ده ؟ وإيه الحنية والرقة دى ؟ مالك يا سي عبد الصمد يا أخويا على العموم يا ذيكو عيب عليكى كدة الراجل ما قصر معاكي يا مفترية هو تقريبا كدة ذكية متجوزة عبد الصمد تخليص حق علشان كدة صابر وساكت على العموم اعقلي يا ذكية وفوقي شوية جبتلنا الضغط ياختي 1 شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 17 مارس, 2012 مشغووووووولة لكن قلت لازم أمر علي ذيكو أطمن عليها كده برضه يا ذكذك تنسي كل حاجة كويسة في لحظة واحدة (الله يهديك ) الراجل جايبلك عباية ب600جنية احمدي ربنا يا مفترية قوليلي يا هوبة هي مصر حبيبتي العباية فيها دلوقتي ب600جنيه أنت عارفة الغربة نست الواحد الأسعار ^____^ ولا دي لزوم الحبكة الدرامية يا هبهوب شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 17 مارس, 2012 بريد ذكية يا حبايب عايزة اقول اولا ان انا بناقش سلبيات الزوجات من خلال شخصية ذكية وحبيبت تبقى شخصية موحدة عشان ده فى نظرى بيضفى جمال على الحلقات كان ممكن كل مرة اغير الاسماء والاشخاص بس انا مش حابة كدة يعنى شخصية الزوجة المهملة لزوجها والمهملة فى نفسها ومدمنة النت ومدمنة المسلسلات التركى عافانا الله وغيرها من الشخصيات التى ذكرتها ناقشتها من خلال شخصية ذكية لذا لم اضعها فى مستوى مادى محدد او مستوى ثقافى محدد ارجو ان تكون فكرتى وصلت حبيباتى نقرأ البريد بقى حواء حبيبتى نورتينى يا نن عينى والحديث الشريف اللى ذكرتيه عن الرسول عليه الصلاة والسلام هو مقصودى من كتابة الحلقة وهو كفران العشير اللهم لا تكتبنا ممن يكفرن العشير بنت الاسلام يا قمرايا زعلانة منك عشان استقلتى من الوظيفة المهمة جدا دى ههههههههههههه سجودة مشرفتنا العسولة بارك الله فيكى يا صاحبة النصائح الطيبة الهام المشرفة الجميلة نورتى يا سكر ام اروى السلفية حبيبتى نورتينى والله خطوة عزيزة ياعسل اشروقة قلبى وعقلى وحشتييييييييييييييييييييييينى سجودى لله فقط مرورك اسعدنى يا غالية بنت ام عبد هاتى ودنك اقولك حاجة فكرتينى بجوزى لما قرأ الحلقة عشان يدينى رأيه كنت مش مركزة معاه ولقيته فجأة بيبرقلى ويقولى نعم يختى هو فى راجل يجيب لمراته عباية بستوميت جنيه ليه .هو بيلاقى فلوسه فى الشارع قولتله حبيبى فى ناس كدة والله بس احنا مالناش دعوة بيهم بصى ياام عبد انا اخر عباية اشتريتها كنت فى القاهرة من شارع 26 يوليو او من قصر النيل مش فاكرة بالظبط الشارع كانت ب300 جنيه لكن كان فى اسعار خيالية للعبايات اللى معاه يشترى واللى مامعاهوش مايلزموش يختى هههههههههههههههههههه والله حبيبتى الحمدلله ربنا يعلم ان الواحد بيخاف يشترى بالأسعار الخيالية دى حتى لا يحاسبنى الله ويكون اسراف فى غير محله شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 17 مارس, 2012 ربنا يبارك فيكى يا هبة اللهم بارك ابداع كل حلقاتك مميزة وتقفى فعلا على ما يمكن ان يدمر البيوت فى الحلقة الفائتة ذكرتى موضوع نزول بعض النساء الى المظاهرات ولا حول ولا قوة الا بالله لا وهذا ما لحظته كثيرا واصبح شائع بل واصبح مصدر للفخر ان تقول امرأة انها من الثوريين او انها من متظاهرى ميدان التحرير وكأنهم نسوا مهمتهم الاصلية التى فرضها الله عليهم وهى افضل واسمى من مجرد ثورة او قضاء على ظلم وهى تنشءة بيت وجيل صالح فاذا صلحت الام صلح جيل ومجتمع كامل واذا فسدت الام فسد جيل ومجتمع كامل بالرغم من دور الرجل فى الحياة وان له القوامه ولكن لو تذكرين ستجدى ان لو يوجد ام واحدةغير مدركه لدورها سيكون هناك جيل ومجتمع كامل غير مدرك لدوره للاسف لان التربية الاعتمادالغالب فيها على الام وليس الاب جزاك ربى الفردوس الاعلى بتذكير بعض الفتيات بخطأ نزولهم الى تللك المظاهرات والاماكن التى اصبحتحاليا مصدر شبهه ناتى للحلقة الجديدة رائعة كعادتك يا غالية وذكرتى نقطة مهمه جدا الكفرااااااااااااااااان بالعشير فكثير من النساء الان تقع فى هذا الخطأ الفادح الله المستعان ةجعلتينى اتذكر خوفى الشديد عند غضبى من زوجى ان اذكر فى كلامى انه مثلا لا يسعدنى ابدا وما الى ذللك فانا دائما اذا غضبت اقول انت لم تلبيلى تللك الحاجة فقط واذكر له ما يفعله من اجلى حتى لا اقع فى هذا الخطأ اذا ذكرت فى اثناء غضبى مثل ما رايت منك خيرا قط افيق واتراجع عنها سريعا واصحح كلمتى امامه حتى لا اكون ممن يكفر بالعشير جزاك ربى كل خير يا هبهوب على موضوعاتك الهادفة اسال الله تعالى ان يجعلها فى ميزان حسناتك (كلمتين بقى باللغه العامية معلشى يا هوبة اتاخرت عليكى فى التعليق على حلقاتك ولو انك مسالتيش عليا اختفيت لية هااااااااااااا بس يلا عموما ادعيلى انتى وكل الاخوات ربى ييسرلى امورى ) شارك هذه المشاركه رابط المشاركه شارك
اتمنى رضاه 117 أرسلي تقرير عن المشاركة قامت بالمشاركة 17 مارس, 2012 اية دة دانتى سألتى عليا اهو معلشى لسة شايفة التعليق دلوقتى خلاص سماح المرة دى شارك هذه المشاركه رابط المشاركه شارك
عاشقة القلم الاولى 1 أرسلي تقرير عن المشاركة قامت بالمشاركة 17 مارس, 2012 حلو بارك الله فيك ضحكتينا والله فيه ستات كثير هيك بس انا والله طيبة كثير مستحيل اعمل هيك سلامات شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 18 مارس, 2012 اهلا يا حاجة ام مريم كترتينا ونورتينا يختى ذكية رايحة جاية تبص عليكى من الشباك وتقول هى ام مريم حبيبتى اتأخرت ليه شكرا على التعقيب يا سكرة يا احد اعمدة الردود الاساسية شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 18 مارس, 2012 عاشقة القلم اهلا وسهلا يا عسولة ربنا يفرح قلبك دايما حبيبتى ودايما تضحكى يارب سعيدة بزيارتك ياقمر ويارب تكونو بخير كل اهلنا فى ليبيا ان شاء الله شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 18 مارس, 2012 *~* يوميــ الست ذكية ـــــــات *~* (19) بقــ هبةنور ــلم ياذكية وطى صوتك شوية عايزة اكتب مقدمة الحلقة الله يهدك بس اسكتى شوية هقدم الحلقة وكملى الخناقة ياجماعة ذكية النهاردة بتتخانق مع جارتها اللى تحتيها تعالوا نشوف مين الغلطان انتى يا ست يللى فوق عايزة ايه ياست يللى تحت انتى ازاى كدة عمالة تنفضى السجاجيد بتاعتك من البلكونة وتبهدلى الغسيل بتاعى يختى من نضافة غسيلك اوى . بلا خيبة . دا غسيلك زى الطين اصلا انت ست مش مؤدبة سيبنالك يختى الادب والاخلاق الحميدة يعنى عاجبك الغسيل اللى تعبت فيه وحاطاه فى الشمس ينشف يتبهدل بالشكل ده يا شيخة فلقتينا بغسيلك .دا انتى يوم مابتنشريه الدبان بيتلم فى الشارع ويطلع علينا ياكلنا انتى حقيقى ست فالجر وسوسى كمان انا ست فجلة ومسوسة كمان . طيب استنى علية انا نازلة اعرفك شغلك يا انشف من عود القصب انتى يا استاذ عبد الصمد اهلا يا استاذ حسين حضرتك جاى منين دلوقتى انا راجع من شغلى يا استاذ حسين يعنى ماشوفتش اللى الست بتاعتك عملته فى الست بتاعتى خير يا استاذ حسين يرضيك الست بتاعتك تضرب الست بتاعتى وتفتحلها دماغها معقول الكلام ده انا لولا اننا جيران كنت عملت محضر فى القسم لا معلش يا استاذ حسين انا هطلع اعلمها الادب واجيبها تعتذر للست بتاعتك . حقك عليا خلاص يا سيدى عشان خاطرك انتى يا هانم يا بلطجية جرا ايه يا عبد الصمد .داخل بشرك ليه من برا انا برضو اللى شرانى . ايه اللى عملتيه فى جارتك ده هى اللى شتمتنى الاول ياسلام يا سلامين يا خويا ايه هتضربينى انا كمان ولا ايه استغفر الله العظيم وبعدين يا عبد الصمد معاك اتفضلى البسى وانزلى اعتذريلها انا ماغلطتش فى حقها يا عبد الصمد ومش هنزل هتنزلى ورجلك فوق رقبتك والا خلاص يا خويا ولا إلا ولا حيثما انا نازلة ماتزعليش يا اسمك ايه ماكانش قصدى يوه انتى مابترديش ليه يا عود القصب انا لية اسم تنادينى بيه اسمك ايه يختى اسمى وفاء خلاص يا وباء ماتزعليش هاتى بوسة يا ستى ولا تبوسينى ولا ابوسك ربنا يكفينا شرك . صباح الخير ياجارى انت فى حالك وانا فى حالى خلاص ياجماعة ماتزعليش منها ياست وفاء انتى مين يختى انا جارتك سعاد طيب وانتى مين حشرك فى الكلام اصلا .ماتقفلى باب شقتك وتتهدى انا غلطانة انتى ست اخلاقك صعب خالص بقولك ايه ياعبد الصمد ايه عايزة ايه نعم فى ايه مالك ياخويا مش طايقلى كلمة كدة بسبب عمايلك والنكد اللى مسببهولى بطولة لسانك مع الناس ماهما ياخويا اللى بيخرجونى عن شعورى عندك شعور اوى ماشاء الله ايوة ياخويا عندى شعور امال قرعة على فكرة اختى جاية تزورنا انهاردة ياقاعدين يكفيكو شر الجايين الله يسامحك ياست . بالله عليكى تحسنى الفاظك وماتفضحنيش قدام اختى هحاول ان شاء الله ربنا يوفقنى اهلا اهلا اختى ام احمد ازيك ياخويا واحشنى اوى والله ربنا مايحرمنيش منك يا غالية امال فين ذكية انا جيت اهو يختى ازيك يا ام احمد ازيك انتى ياذكية وحشانى اوى ماتشوفيش وحش يختى اتفضلى ياذكية دى فاكهة عشان الولاد ايه ده يختى انتى جايبالنا برتقان . هو انتى طالعة الارافة . ومالك مكلفة خاطرك كدة . مالقتيش حاجة ارخص من كدة تجيبيها ها تعيشى وتجيبى يا ام احمد نورتى البيت تسلم ياخويا . بس باين مراتك مش عاجبها الفاكهة سيبك منها كفاية دخلتك علينا هى دى شوية يا حبيبتى ربنا مايحرمنيش منك يا خويا قومى اعملى حاجة لأختى تشربها هقوم اعملها شاى لا ياحبيبتى انا مش بشرب الشاى اه يختى ماانتى داخلة علينا بجمال محملة فاكهة اشكال والوان ومن حقك تتأمرى علينا لا حول ولا قوة الا بالله . انا ماشية تمشى فين بس يا حبيبى اقعدى يا ام احمد معلش ياخويا ولما تحب تشوفنى بيتى مفتوحلك فى اى وقت يا عبد الصمد ياخويا عن اذنك عاجبك كدة يا مصيبة انتى هتخسرينى اهلى بسبب عمايلك ولسانك اللى بينقط سم ايوة ياخويا اغلط اوى .انا لسانى بينقط سم .ليه متجوز عقربة اكتر من عقربة والعياذ بالله ماما عايز ايه ياواد عايز كوباية زبادى لا ما فيش الزبادى فى التلاجة ياماما فى التلاجة ومش هديك انا حرة وامشى من وشى لحسن اقوم اقطعك طرنشات حتى ابنك بتعامليه بالسوء ده بقولك ايه يا عبد الصمد .ابنى وانا حرة فيه معلش ياابنى دى غلطتى انا وانتو بتدفعوا تمنها سامحنى منتديات أخوات طريق الإسلام شارك هذه المشاركه رابط المشاركه شارك
راغبة بالفردوس 477 أرسلي تقرير عن المشاركة قامت بالمشاركة 18 مارس, 2012 هههههههههههههه شارك هذه المشاركه رابط المشاركه شارك
دره بنقابي 55 أرسلي تقرير عن المشاركة قامت بالمشاركة 18 مارس, 2012 حبيبتي هوبه الحمد لله لحقت أرد وأول واحده كمان أنا بتابع الحلقات بس علا مقرأها بكون دوخت وصدعت واكتئبت ومش قدره أكتب اي حاجه الست ذكيه دي تجيب العصبي ايه البتعمله ده انا اتخنقت منها بجد بس المره دي زودتها أوي سوء خلق مع الجيران والزوج واهله واولادها أنا ماليش دعوه جوزها هيصبر عليها ولا لأه هي بصراحه ملهاش الا تترمي في الشارع مش بس تطلق بس المهم ربنا يصبرنا احنا عليها يا رب ميكونش اي حد فينا فيف اي صفه واحده من صفاتها الذكيه ماشي يا ذكذوكه انا هامشي واسيبك شارك هذه المشاركه رابط المشاركه شارك