((محبة رسول الله)) 1 أرسلي تقرير عن المشاركة قامت بالمشاركة 24 فبراير, 2012 بسم الله الرحمن الرحيم السلام عليكم و رحمة الله و بركاته منتقبة ولكن ...! منتقبة ولكن بلا حياء ! منتقبة ولكن كاذبة ! منتقبة ولكن متبرجة ! منتقبة ولكن لا تغض بصرها ! منتقبة ولكن .........! هتقولي اشمعني منتقبة مالصفات دي في بنات مش منتقبات انا كنت عاوزة اسميه مسلمة ولكن ! بس عشان المنتقبة دي هي من باعت الدنيا بما فيها واشترت الاخرة والمفروض انها تكون قدوة صالحة لكن الواحد بيشوف مناظر عجيبة تبكي دما خاصة المنتقبات تلاقي واحدة منتقبة ولكن متبرجة ازاي ! تلاقيها لابسة عباية ضيقة جدا تصف جسمها فيها الوان الدنيا ومطرزة وملفتة جدا للنظر تلاقي واحدة منتقبة ولكن لا تغض بصرها ازاي ! تلاقيها ماشية مع صاحبتها وتقولها شايفة فلانة اللي ماشية هناك دي ايه اللي هي لابساه ده ؟ ده مش لايق عليها خالص البنت دي رخمة اوي ودمها تقيل وهكذا وتتحول من غض بصر الي غيبة ونميمة عارفين يعني ايه منتقبة ويعني ايه نقاب ؟ النقاب ده تاج علي راس كل من ترتديه فمن الواجب عليك انك تحترميه لان ده زي امهات المؤمنين فمدام لابسة زيهم يبقي لازم تحترميه وتعملي بيه ويزود من ايمانك وطاعتك وقربك من الله مش العكس اللي احنا بنشوفه النهاردة نفسي اسأل المنتقبات دول اللي بيشوهوا صورة النقاب انتوا لابسينه ليه ؟ تلاقي واحدة منتقبة وحاطة ميك أب علي وشها ومحددة عنيها ومظبطاها علي الاخر طيب ليه كده ؟ ده انتي المفروض عينك مش تبان اصلا وتلاقي واحدة تانية صوتها عالي جدا في الشارع ومفيش حياء خالص تفتكروا لو واحدة مش منتقبة وشافت المناظر دي تفتكروا هيكون ايه رد فعلها ؟ هتقول بقي دول منتقبات هما دول القدوة هما دول اللي بيظهروا هوية الاسلام ؟ لكن اكيد في منتقبات محترمة للنقاب وتعمل به لكن البنات دول زي مابيقولوا بيتاخدوا في الرجلين وبيبقوا من الوحشين وكله بكده هيكره النقاب والمنتقبات بسبب واحدة منتقبة بتشوه صورة النقاب من ضمن اسباب رفض اهلي للنقاب كان بسبب منتقبات لم يحترموا النقاب وللاسف كانوا اهلي بيقابلوا نماذج مش كويسة من المنتقبات ده مثال واحد واكيد في كتير قابل النماذج دي وكانوا سبب في رفض النقاب من بعض الاهالي سبحان الله شفتوا لحد فين ؟ يعني لو منتقبة محترمة نقابها وماشية يحياء وبتتكلم مع الناس باسلوب كويس لو واحدة شافتها هتقول ايه ؟ هتقول انا نفسي ابقي زي دي ... يعني انتي يا منتقبة ممكن تكوني سبب في ان بنت تلبس النقاب او لأ شوفتوا لدرجة ايه ياريت بالنسبة للبنات اللي مش بتلبس جوانتي ياريت تلبسية لانه ممكن وانتي مثلا بتدفعي الاجرة في الميكروباص او الاتوبيس ايدك تيجي علي ايد اللي بيلم الاجرة واحنا في غني عن ده فياريت اللي مش بتلبسه تلبسه افضل لها والبنات برده اللي عينهم بتبقي يابنة من النقات حاولوا علي قد ماتقدروا انها مش تبان حاولي تكوني قدوة صالحة لغيرك وياريت كل البنات تبعد عن التقلبد والكلام ده موجه لكل البنات منتقبة او مش منتقبة في بنات لما تشوف واحدة لابسة بادي ولا بنطلون تقول الله الطقم ده جميل اوي انا هجيب زيه ممكن واحدة تانية تقلدك وده هيكون في ميزان سيئاتك وفي بنات منتقبات لما تشوف واحدة منتقبة راسمة عنيها ولا عاملة النقاب مش عارفة ازاي تقول الله شكلها حلو انا هعمل كده و واحدة تانبة تقلدك وكل ده في ميزان سيئاتك يابنات قبل ماتفكروا انكم تقلدوا حد فكري هل فعلا لما البس كده ربنا هيبقي راضي عني ولا لأ ؟ يا بنات انتم احفاد عائشة وسمية عاوزين نبعد عن التقليد الاعمي بقي واكيد ده اللي جايبنا ورا ونسينا اننا امة اسلامية نتبع هدي محمد ونتشبه بأمهات المؤمنين ليه التقليد دايما تقليد الوحش مش الحلو ؟ ليه ماتاخديش السيدة عائشة و و زوجات الرسول قدوة لكي مش البنت فلانة الكلام ده مش للمنتقبات بس لكن لكل بنت تحمل لقب ملمة و فى النهاية اقول لكل بنت اتقين الله لو واحدة فيكم شافت حاجة غلط ياريت لا تتردد فى النصيحة و كما قال الله تعالى يَا أَيُّهَا الَّذِينَ آمَنُواْ لاَ تُحِلُّواْ شَعَآئِرَ اللّهِ وَلاَ الشَّهْرَ الْحَرَامَ وَلاَ الْهَدْيَ وَلاَ الْقَلآئِدَ وَلا آمِّينَ الْبَيْتَ الْحَرَامَ يَبْتَغُونَ فَضْلاً مِّن رَّبِّهِمْ وَرِضْوَانًا وَإِذَا حَلَلْتُمْ فَاصْطَادُواْ وَلاَ يَجْرِمَنَّكُمْ شَنَآنُ قَوْمٍ أَن صَدُّوكُمْ عَنِ الْمَسْجِدِ الْحَرَامِ أَن تَعْتَدُواْ وَتَعَاوَنُواْ عَلَى الْبرِّ وَالتَّقْوَى وَلاَ تَعَاوَنُواْ عَلَى الإِثْمِ وَالْعُدْوَانِ وَاتَّقُواْ اللّهَ إِنَّ اللّهَ شَدِيدُ الْعِقَابِ (2) و كما قال الله تعالى لَتُبْلَوُنَّ فِي أَمْوَالِكُمْ وَأَنفُسِكُمْ وَلَتَسْمَعُنَّ مِنَ الَّذِينَ أُوتُواْ الْكِتَابَ مِن قَبْلِكُمْ وَمِنَ الَّذِينَ أَشْرَكُواْ أَذًى كَثِيرًا وَإِن تَصْبِرُواْ وَتَتَّقُواْ فَإِنَّ ذَلِكَ مِنْ عَزْمِ الأُمُورِ (186) انا عاوزة كل منتقبة تسأل نفسها انا بعمل بالنقاب و هل انا فعلا قدوة صالحة لا لأ ؟ استغفر الله الذى لا اله الا هو الحي القيوم و اتوب اليه شارك هذه المشاركه رابط المشاركه شارك
