مين فيكم عندها غسالة أطباق أصغر حجم يا بنات ؟

[بُشرة خير 3]

السلام عليكم حبيباتى

 

اللى عندها غسالة أطباق أصغر حجم اللى هى بحجم الميكرويف كدة .... تخبرنى عشان عندى أسئلة

 

جزاكم الله خيراً

[سندس محمود 42]

ممكن واحدة من الاخوات تفيدكِ ان شاء الله

[بُشرة خير 3]

جزاك الله خيراً سندس

بالانتظار

[بُشرة خير 3]

مفيش حد يساعدنى يا بنات ؟ :(

[أم زيــــاد 880]

حبيبتي

ما ادري ما عندنا غسالة صحون بالبيت

بنغسل بايدنا

 

هههههه

ابي بيقول لو جبت لكم غسالة صحون كمان بيقى انتو مالكم داعي بالبيت

ههههههههههه

 

بس تجي اختي بسألها هي عندها

[بُشرة خير 3]

تسلميلى يا أم زياد

ربنا يبار فى عمر بابا

هو معاه حق الى حد كبير هههههه

 

ربنا يسعدكم حبيبتى منتظراكى

[بسمة الرضى 182]

للأسف ما عندي فكرة يا بشرة :)

 

أم زياد الإعجاب خاص لكلمة الوالد الله يبارك فيه ^_^ >> مش ليكي يعني : )

[أم زيــــاد 880]

ضحكتوين يا بنات ههههههههههه

 

بصي

اختي بتقول انها كويسة بس بسرعة تتملي اواني

 

انت عوزا تعرفي ايه بالظبط عنها؟

[بُشرة خير 3]

ههههههههه ضحكتينى يا بسمة الرضى ربنا يسعدك

 

أم زياد مش مشكلة أنا كدة كدة مش عندى ناس كتير احنا فردين بس ولسة مش عندى أولاد

 

بس الدراع اللى تحت اللى بيلف زى المروحة ده بيخبط ف الشبكة اللى بتترص عليها المواعين مفيش مسافة بينهم يعنى هو مش بيتحرك بحرية

 

فأنا مش عارفة أعمل ايه وخايفة أشغلها ومش هينفع أجيب الصيانة بأى شكل م الأشكال لازم أعتمد على نفسى :(

[شذى الهمة 331]

أنا عندي ياحبيبتي بس هي أكبر من الميكرويف شوية

بس عندي أصغر مقاس

أي استفسار نا تحت أمرك

[بُشرة خير 3]

جزاكى الله خيراً حبيبتى سجودى

أيوة أكبر م الميكرويف شوية

بتاعتى ماركة يونيفرسال

بتاعتك ماركة ايه يا سجودى ؟

 

ومشكلتى يا ستى هقولهالك يارب تفهمينى وتعرفى تساعدينى

الشبكة اللى بيترص عليها المواعين قريبة أوى من الدراع الرشاش اللى المفروض انه بيلف عارفاه ؟

ده واضح أوى بس قلت هشغلها برضه يمكن لما تشتغل يبعدوا عن بعض ويلف براحته عادى

لكن لما شغلتها بتعمل صوت كركبة كدة وف الكتالوج مكتوب ان الصوت ده معناه ان الدراع الرشاش مش عارف يلف بحرية

طيب أنا اعمل ايه دلوقتى ؟

معقولة يكون عيب تصنيع ؟

[يسرا عبد الرحمن 718]

معلشش يا بشورة دخولي على السريع

أنا عندي غسالة أطباق وصغيره الحجم وإليكي روابط مواضيعي عنها حتفيدك كتير بإذن الله

 

https://akhawat.islamway.net/forum/index.php?showtopic=249784

 

والرابط ده فيه شرح مستفيض عن غسالتي وصورة لها كمان حتلاقيها في ردودي على إحدى الأخواتalign:

https://akhawat.islamway.net/forum/index.php?showtopic=254815

ويارب أكون أفادتك حبيبتى

تم تعديل 31 مايو, 2012 بواسطة يسرا عبد الرحمن

[بُشرة خير 3]

جزاااااااااااااااااكى الله خيراً حبيبتى يسرا هشوفهم حالاً وأرجعلك أسألك عن اللى ما فهمتوش يا قمر ربنا يباركلك

[بُشرة خير 3]

يسرا حبيبتى جزااااكى الله خيراً قرأت الموضوع

أنا عندى فكرة كاملة عنها الحمد لله لانها كانت عند ماما

الأول اشترت الوسط

وبعدين اشترت الكبيرة

وبما إنى أنا اللى كنت بنضف فأنا اللى كنت متولية أمرها وكنت بفهم فيها كل حاجة الحمد لله

 

لكن الجديد بقى

انى لما اتجوزت ومرضت قررت أجيب الصغيرة

وجبتها فعلاً الحمد لله

بس جبتها من مصر

وسافرت بيها السعودية

وهى يونيفرسال مصرية

يعنى مفيش امكانية أجيب مهندس ولا أتصل بالصيانة :(

ومشكلتى الحالية هى ان الدراع الرشاش اللى بيلف من تحت بيخبط فى الشبكة اللى بتترص فيها المواعين ومش بيتحرك بحرية

مش عارفة اعمل ايه يا يسرا

معقولة يكون عيب تصنيع ؟ وساعتها هعمل ايه برضه ؟ :(

[**المحتسبه** 233]

يسر الله امرك ممكن تجيبي حدا يكشف عليها ويصلحها أكيد بتجدي حدا يفهم فيها

 

وبعدين انا دخلت الموضوع فكرتك هتجيبي غساله للي مش عنده :)))

 

تصوري فكرتيني بموضوع غسالة الأطباق لأن الشباب اللهم بارك بيخلوا المطبخ فل مجرد خروجي ساعه أجد الحوض في كل المواعين

[شذى الهمة 331]

أنا ماركة بتاعتي توشيبا

بصي جربي تشغليها وهي فاضية وشيلي الشبكة

وشوفي هيفضل الصوت ولا لا

طبعا هنا فالسعودية مش هتلاقي حد يفهم في غسالة الأطباق

هيبوظوها زيادة أصلا

[يسرا عبد الرحمن 718]

بصي لاقيت لكي الموضوع ده في منتدى فتكات

 

 

الحقوني يافتوكات عندي غسالة اطباق يونيفرسال بس بتعمل صوت عالي وهي بتشتغل كمان مش عارفه اشغلها مظبوط ازاي بليز حد يساعدني والا شكلي هبيعها

ودي الردود عليها

 

اتاكدي من موزع الماء بداخل الجلاية انو بيبروم منيح

يعنى ما بيدق بالاطباق طبعا قبل ما تشغلى الجلاية طبعا الموزع الاعلى والسفلي للجلاية

بس سؤال انتى بتحطى ملح خاص ضد التكلس

 

انصحك لا تشترى اي منتج يونيفرسال

انا اشتريت غسالة اطباق 10 افراد، وجاء الفنى يركبها وسألنى عندك مسحوق وملح وزيت، قلت له: لسه لم اشترى، قال لى: عظيم جدا.. واوضح لى كيفية تشغيل الغسالة وواخذ توقيعنا على ان الغسالة شغالة وكويسة بدون ان يشغلها اصلا.

ولما جبت المسحوق والملح والزيت وشغلتها وجدت الاتى:

1) تسريب ماء كثير من تحت.

2) لا تسحب المسحوق من الدرج، بل اجده مبلول بالماء فقط.

3) يوجد مادة زيتية على الاطباق بالاضافة الى انها تكون غير نظيفة طبعا.

كلمنا الفى تانى قال كلموا الصيانة، كلمنا مركز الصيانة قال كلام غير لائق، كلمنا الخط الساخن قالو الفنيين مشغولين ثم اعطونا ميعاد ورا ميعاد ولم يحضر احد.