اذهبي الى المحتوى

المشاركات التي تم ترشيحها

و الله زمان يا كفر ابو نعجة وحشتنا ايام الكفر يا خاله ستيتة و الله اييييييييييييييييييييييه كانت ايام ما تتعوضش الا هو انتي جايبه النصايح الذهبيه دي من انهي مصيبه عشان اجيب منها ؟؟؟؟

 

ايه دي ايه الحلاوي دي

 

انتي جيتي يا بت يا بسيمة يا نوارة الكفر

 

وحشتيني ووحشتي الجاموسة يا ضي عيني

 

يلا يابت روحي اكنسيلي قدام الدار بلا رط حريم ماسخ

 

والله زمان يا بسيمي

 

يا أحلى من الجوطن المنور على عوده يا بت انتي

 

اوعي تسيبي الكفر يا شيخة الغفر

شارك هذه المشاركه


رابط المشاركه
شارك

بالإذن يا ولاد حكم معاد نومي جه

 

والجاموسة بتعاعتي كمان نعساني

 

اشوفكو بكرة عشان ارحب بحبايب الكفر الاكابر اللي نوروني وشوفوني

شارك هذه المشاركه


رابط المشاركه
شارك

هههههههههههههه والله انت عسل مسكر يا هوبة

يسلم دماغك وتسلم بنات أفكارك ههههههههههههه

 

*****وعلى فكرة بحثت عن هذه *الي ما تتسماش اللي أخذت موضوعك ودخلت المنتدى عشان أتسجل فيه لكن لم أفلح في التسجيل

كنت سأكتب لها رسالة وأفهمها أن الذي تفعله لا يرضي الله

تم تعديل بواسطة حواء 2010

شارك هذه المشاركه


رابط المشاركه
شارك

هههههههههههههههههههههههههههههههههههه

يا خاله ستيته أنا جيت تاني أيتوها خيدمي

مش عوزاني أترب للبهايم ولا حاجة

شارك هذه المشاركه


رابط المشاركه
شارك

السلام عليكم ورحمة الله وبركاته

ماشاء الله عليكِ هوبة

جزاك الله خيرا

معك حق

فما اكثر حكايات القرى والنجوع

وما اكثر مساوءها

فلا توجد عندهم اسرار

ولا هم للسيدات سوى مايدور فى البيوت

جزاك الله خيرا

متابعة معك

شارك هذه المشاركه


رابط المشاركه
شارك

السلام عليكن ورحمة الله وبركاته

^________^

بارك الله فيك هبه الغالية

تصفحت خمس صفحات كاملة :)))

أعجبتني كثيرا الست ستيته ..

أشعر أنها إمرأة على الفطرة لم تغيرها أو تبدلها الآيام ...

تابعي بارك الله فيك وفي قلمك

شارك هذه المشاركه


رابط المشاركه
شارك

^ـــــــــــــــــــــ^

فظيعة خالة ستية أنا حبيتها أوي

جزاكِ الله خيرا هبة الحبيبة ونفع بكِ وبقلمك

شارك هذه المشاركه


رابط المشاركه
شارك

ان شاء الله يخليك يا خاله ستيتة هاستعيد مهامي في الكفر اهو الله زمان يا كفر

شارك هذه المشاركه


رابط المشاركه
شارك

هو أنا كل أما أدخل تروحي تنامي يا بنت

 

انت مش بتشبعي نوم ولا الفطير المشلتت كابس على مروحك

 

المفروض كفر أبو النعاج ما يبقاش فيه غير نعاج بتجيبوا الجاموس ده منين

 

ولو سمحتي الزبدة الأيام دي غالية قوي ما تبعتي أد عشرة عشرين كيلو زبدة رمضان داخل والكنافة محتاجة لزبدة كتير

  • معجبة 2

شارك هذه المشاركه


رابط المشاركه
شارك

ايه يابت الشربات ديه كله والحلويات دى كليههها

 

لزقتيلنا الدنيا من كتر عسلك يابت يا هيبهه هيهيهيهييييي

 

وانى كنت بجول انى البلدى ملهاش حد يشكمهها ولاحد يلمها بلا كلام فاضى

 

 

تسلمى يا خاله سوتيته يالمه رجالة الكفر قبل نساوينها

 

بلاذن بقى لحسن فايته جاموستى هحلبها واشربلى شوية لبن واغسل رجليه وانام هيهيهيهييييييييي

  • معجبة 2

شارك هذه المشاركه


رابط المشاركه
شارك

عذرا يا ولاد فاصل إعلاني ونواصل فقراتنا

 

الست منال اللي كانت عايزة شوية زبدي

 

استني يختي الاعلونات نازلي

شارك هذه المشاركه


رابط المشاركه
شارك

زيت ديل البهيمة أويل

مفأجي سارة للكارتة واللي على وش صلع

بعد عودتهي من رحلتهي الفاشلي لكفر ابو طشت

جاءت إليكم خايبة الرجي اشهر خبيرة تجميل في كفرأبو نعجي

 

وصاحبة كوافير أم كدش لأحدث التسريحات اللي ع الموضي

 

البت إنصاف

 

وهي بتنصحكو من غير شر باستعمال زيت ديل البهيمة اويل لشعر أسرع فناءا

 

ودعي شعرك مع زيت ديل البهيمة أويل

  • معجبة 2

شارك هذه المشاركه


رابط المشاركه
شارك

لعشاق الإناقي والشياكي

نقدم اليكم باقة من جلاليب الكستور لكل المناسبات الحلوي

 

 

جلاليب ام سيد الخياطي

 

 

فقط لعشاق الإناقي

 

 

جلابية كستور للسهرة

 

 

جلابية كستور للأفراح

 

 

جلابية كستور للوالدة والنفسة

 

أم سيد علامة من علامات الشياكي

شارك هذه المشاركه


رابط المشاركه
شارك

وآني يا خالتي ستيته

عايزة زيبده مع خالتي منال

وانتي عارفيه اني انيقه فعايزة جلبيه كستور للسهريه

ههههههههههههههههههههههههههههههههههههههههههههههههههههههههههههههههههههههههههههههه

تم تعديل بواسطة مـــاريـــا

شارك هذه المشاركه


رابط المشاركه
شارك

انت تعرفي تتكلمي بلدي يا بت يا مرر هههههههههههههه

 

ديي مش بلدي يا غندوري

 

دي لغوة فلاحي عقبال امالتك

 

نورتي يا ست ام هالي

شارك هذه المشاركه


رابط المشاركه
شارك

تعلن الحاجة ام اسماعيل عن افتتاح منفذ بيع الألبان الجديد

لبن جاموسي لعيون المحروسي

 

قشطة بلدي اللي عمركو ما دوقتوهي

 

 

زبدة فلاحي للست التفاحي

 

 

 

منتجات ام اسماعيل

 

 

من زرايبنا رأسنا إليكم

 

منفذ البيع بجوار قراطين الارض بتوع ابويا إبراهيم

شارك هذه المشاركه


رابط المشاركه
شارك

لأ مش مصدقة ... هبة نور ظاهرة يادي السعد ويادي الهني هههههههههههه

 

الله اكبر يا حريم كفر ابو نعجة خليتوا المغاربة رطنوا بالفلاحي هههههههههههههههههههههههههه

 

الهني والسعد دخل معاكي وانتي داخلة الكفر يا نوارة

  • معجبة 1

شارك هذه المشاركه


رابط المشاركه
شارك

تن تن تن

 

ميييييييييييييييييييييييين

 

افتحي يا خالة ستيتة اني نبوية

 

عايزة ايه يا بت يا نبويي

 

الست مرات العمدة عايزاكي في الدوار

 

مين فيهم يا بت . الست نعسة ولا الست غزالة

 

الست نعسة اللي عايزاكي تروحيلها طوالي ع الدار

 

 

 

 

 

 

 

 

 

 

ست نعسة اني روحت قولت لخالة ستيتي انك عايزاهي

 

طيب يا بت خشي اعمليلي حاجة اشق بيها ريقي

 

 

 

 

بت يا نبويي

 

نعمين يا ست غزالي

 

مين يا بت اللي أمرك تدبحي الوزتين اللي ع السطح

 

الست نعسة هي اللي أمرت يا ست غزالي

 

وهي تؤمر بصفاتها ايه

 

 

اني بتتكلمي عن مين يا غزالي

 

بتكلم عنك انتي يا نعسة .انتي ازاي تعملي حاجي في الدار من غير شورتي

 

شورتك ايه يا أم شورة انتي .انتي نسيتي يابت اني اني القديمي وكبيرة الدار

 

هيييي هيييي قصدك تقولي كركوبة الدار يا شايبي

 

اني شايبي يا اسم على غير مسمى انتي . ال غزالة ال

 

اني يختي سموني غزالي عشان حلاوتي

 

حلاوتك ايه يا ماسخي ياللي مافيكي ريحة الحلاوي .اني عارفة ايه اللي عاجب العمدة فيكي . ال على رأي المثل

 

سوق الحلاوة جبر واتغندروا النسانيس

 

اني برضو اللي نسناسي . روحي يختي بصي لروحك في المرايي الله يكون في عونك يا عمدة . تلات تيام مع بلاص عسل وتلات تيام مع بلاص مش

 

اني بلاص مش يا شوال التبن انتي طب والله لمورياكي ماحدش يحوشني

 

داني اللي هاكلك بسناني

 

 

 

الحق يا عمدة

 

فيه ايه يا شيخ الغفر

 

نساوينك بيتخانقوا وبيضربوا بعض

 

سيبوهم يا ولا يا كشي يخلصوا على بعض ويريحوني من بلاويهم

 

 

 

 

 

 

 

 

 

 

 

عواف يا شيخ الغفر

 

الله يعافيكي يا خالة ستيتي

 

الست نعسة موجودة

 

هخش اشوفهالك إذا كانت لسة عايشي ولا لأ

 

ليه ياواد كفالله الشر هي عياني ؟

 

لا يا خالة لسة مخلصة خناقي وحيلها اتهد من الهجوم والدفاع

 

 

يادي الغلب ياولاد . طب اني داخلالهي

 

خشي يا خالة

 

 

 

 

 

 

 

 

عواف ياست نعسي

 

الله يعافيكي يا خالة ستيتة

 

يا نضري يختي مال عينك وارمة كدي

 

المزغودي اديتني بونية في عيني

 

طب وانتو هتفضلوا في الهم دي لإمتى مش تتقوا الله في صحتكو اللي اتهدت من ضربكو في بعض

 

يا خالة ستيتي اني ببقى قاعدة في حالي وكافية خيري شري هي اللي بترمي بلاهي عليى

 

طب خلاص يختي اني لية قاعدة مع الست غزالي ان شاء الله يمكن ربنا يصلح مابينكو

 

سيبك منهي ياخالة ستيتي انتي وحشاني اوي عشان كدي بعتلك تيجي تنوريني شويي

 

يخليكي يا ضنايي . بس معلش يختي اني ماشيي عشان سايبة البهايم لوحديهم وعمك شلتوت في الغيط زمانه جاي وهروح اغديه

 

طب اقعدي اشربي حاجة يا خالة

 

بعدين يا ضنايي عشان اشوف مصالحي

 

بالسلامة يا خالة ستيتة يا نوارة الكفر

شارك هذه المشاركه


رابط المشاركه
شارك

بقولك ايه يا عتمان

 

عايزة ايه يا مسعدة

 

اني شوفت اعلونات الجلاليب بتاعة خالة ام سيد وعايزة اروح اشتري واحدي

 

يا شيخة داهية تاخد ام سيد هي وجلاليبها في ساعة واحدة .

 

ليه بس كدة يا عتمان

 

عشان جلاليب الرعب بتاعتهي دي خلاص اني كرهتهي من معاميع قلبي . وبعدين هي مش بتغير القصة من اساسه هي هي نفس الجلابية بس بتاعة السهرة بتحط عليها وردة

 

وبتاعة الوالدة بتحط عليهي كلفة وبصراحي اني كرهتي عيشتي بسبب الجلاليب دي

 

يعني ايه يا راجل انتي . قصدك اني ما بقتش عاجباك

 

لا اني ما اقصدش انك ما بقتيش عجباني . عشان انتي مش عجباني من الأول اصلا من يوم ما ختك ولازمن تغيري من نفسك ولو سمعتك بتجيبي سيرة جلاليب ام سيد تاني اني هطخك واطخ ام سيد واروح اسلم نفسي

  • معجبة 2

شارك هذه المشاركه


رابط المشاركه
شارك

عواف يا بت يا مسعدة

 

الله يعافيكي يا جمالات

 

سا لخير يا مسعدة

 

يسعد مساكي يا رمانة ماتيجو تقعدو معايا على عتبة الدار نتكلم ونرط شوية

 

وماله يختي واحنا ورانا ايه

 

مالك يا بت يا مسعدة مهمومة كدي مش عوايدك

 

يختي غلبت مع الراجل عتمان دي . تصدقي يختي مش عاجبه جلاليب ام سيد

 

يوه يوه ودي معقولة دي هو انصاب في نفوخه من قعدته في الشمس كتير ولا ايه

 

مش عارفة يا رمانة يختي باين الرجالة اتبدل حالهم من ساعة التلافزيون وحريم التلافزيون

 

طب يختي واحنا مالنا ومالهم دول كمان .

 

يكونوش الرجالي عايزينا نلبسلهم اللبس المسخوط بتاعهم

 

يالهوي يادي العيبة اني يختي ما اقدرش اقل قيمتي والبس الهدوم المسخوطة دي

 

بالك يا بت يا جمالات حريم البندر كلاتهم في بيوتهم بيلبسوا الحاجات دي

 

اني كنت بزور واحدة قريبتي في البندر ولقيتهي مطلعة جونلة مسخوطي وفنولة مسخوطة بحسبهي هتلباسهوم لبنتهي اللي عندهي اربع سنين

 

لقيتهي الولية اللي ما بتختشيش لبسيتهم هي .

 

يا لهوي صحيح الكلام دي

 

اي والله صحيح وبعدين قولت دلوقت جوزها يجي يبهدلهي على المسخرة اللي هي فيهي دي . لقيت الراجل اول ما دخل بدل مايلفحها الم على وشهي ويقولهي احترمي سنك

 

ضحك في وشهي وقالهي ايه الحلاوة دي وهي فرحت بشبابهي

 

يادي العيبة يختي يادي العيبة ايه النساوين اللي مابتختشيش من رجاليتهي دي

 

زمن ليه العجب يا جمالات يختي

 

واحنا مالنا خلينا في جلاليب ام سيد اللي سترانا قدام رجاليتني

 

على رأيك يختي على رأيك هقوم اعملكو دور شاي

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×