اذهبي الى المحتوى
* مشكلتى تحيرنى *

مشكلة مع زوجى وأرجو المساعدة

المشاركات التي تم ترشيحها

PM

 

السلام عليكم ورحمة لله وبركاته

 

انا متزوجه بقالى 3 سنين ومعايا ابنى الصغير عنده سنه و8شهور

 

وعايشه فى بيت العائله وزوجى بتغير اوى اوى

 

وهو لا يعطينى الفلوس خالص الا لما اروح عند امى يوم فى الاسبوع ويعطينى 20 ج بس

 

وكل الملابس لابنى اختى الكبيره هى اللى جايبلى كل الهدوم وكل حاجه

 

انما الاكل والحاجات ابى هو اللى جايب كل حاجه وربنا يخليهم لى يارب

 

بس المشكله ان زوجى حاسه انه مش بيفكر ودلوقتى هو بيشغل يوم ويوم والفلوس بسيط وانا بقوله سافر السعوديه احسن علشان خاطر ابنك حيروح الحضانه والمدرسه

 

مش راض ويقول لما يروح الحضانه هسافر السعوديه اقوله ازاى مينفعش لازم يسافر فى اى وقت وهو مش راض يسمع الكلام ابى وكلامى وكلام اى حد

 

حسيتى مخنوقه اوى ومتضايقه

 

وابى بيجيب الطلبات لى كتير وغالى وابى دكتور صيدلى وربنا يخليه لى

 

وكمان هو مش حنين مع امى وابى ومش بتكلم معاهم ولا يقولهم ازيك ولا عن اخبارهم يقولهم السلام عليكم وبس

 

علشان هو كان بيشتغل مع ابى فى الصيدليه وبعد سنتين ساب الصيدليه وراح يشتغل مع ابوه وانا نفسى ان زوجى يشتغل شغل لوحده الافضل وهو مش راض

 

انا مخنوقه اوى وامى زعلانه من زوجى علشان هو مش كويس معاها وهى لما بتكلمه التليفون وهو ساكت وقفل على وشها وهى عيطت وزعلت

 

زوجى ده كنت بحبه بالحب قبل ما اتزوج وابى كان مش موافق وانا بقوله هو طيب وعارف ظروفى وفى الاخر وافق علشان خطرى وعلشان هو بتحبنى اوى اوى اوى

 

انا ظروفى لابسه السماعه يعنى لما بقلع السماعه مسمعتش والحمد لله لابست السماعه وبقيت كويسه

 

بس فى الاخر بحس مخنوقه منه علشان مش كويس مع امى خالص ومش حنين معاها وانبارح كنت نايمه وزوجى صحينى وبيقول قومى البسى حاجه حلوه قولتله ماشى ومتضايقه وبعد ما لابست قالى خلاص مش مهم الجماع ماليش مزاج علشان انتى متضايقه

 

النهارده اقوله مالك مش راض يتكلم وانا نمت مع ابنى فى غرفه اطفال وهو متضايق من كده

 

انا بجد مخنووووووووووووقه اوى اوى ساعدونى

شارك هذه المشاركه


رابط المشاركه
شارك

السلام عليكم و رحمة الله

أختي الحبيبة أنا أنصحك أنك تتقربي من زوجك كثير و تعطيه أهمية كبيرة كي لا ينظر إلى غيرك و متنسيش أنه أبو إبنك يعني عليك بالصبر ،أما علاقته مع والديك هذا ما قدر الله كل واحد و طبعوا،فأنا مثلا زوجي لا يسأل عن أهلي و لا يكلمهم حتى في الهاتف لا في الأعياد و لا في المناسبات لا يحضرها ،لا أهتم لهذا الأمر كثيرا لا يمكن أن أفرض عليه شيئ لا يحبه .أخيرا أختي إصبري و دعي ربنا يفرج عليك و الرزق بيد الله حقا أنه على الإنسان السعي لطلب الرزق و لكن لا تخلقي المشاكل لهذا السبب.الزوج عارف مسؤولياته.عيشي حياتك طبيعية و حاولي أن تجعلي بيتك سعيدا بطريقتك.

شارك هذه المشاركه


رابط المشاركه
شارك

السلام عليكم و رحمة الله

أختي الحبيبة أنا أنصحك أنك تتقربي من زوجك كثير و تعطيه أهمية كبيرة كي لا ينظر إلى غيرك و متنسيش أنه أبو إبنك يعني عليك بالصبر ،أما علاقته مع والديك هذا ما قدر الله كل واحد و طبعوا،فأنا مثلا زوجي لا يسأل عن أهلي و لا يكلمهم حتى في الهاتف لا في الأعياد و لا في المناسبات لا يحضرها ،لا أهتم لهذا الأمر كثيرا لا يمكن أن أفرض عليه شيئ لا يحبه .أخيرا أختي إصبري و دعي ربنا يفرج عليك و الرزق بيد الله حقا أنه على الإنسان السعي لطلب الرزق و لكن لا تخلقي المشاكل لهذا السبب.الزوج عارف مسؤولياته.عيشي حياتك طبيعية و حاولي أن تجعلي بيتك سعيدا بطريقتك.

شارك هذه المشاركه


رابط المشاركه
شارك

حبيبتي ده شيطان

استعيذي بالله من الشيطان الرجيم كلنا عندنا مشاكل كتيرة

فالكثير منا أزواجهم لا يحسنون معاملة أهل الزوجات

والحمدلله الأخوات ينصحونا جميعا برضا ربنا أولا والدعاء ثانيا وحسن المعاملة ثالثا والله وبكل صدق إن طبقتي هذه الأشياء الثلاثة ستتفاجئ بالنتيجة

كنت زيك حاطة المشاكل المادية عائق وبتشغل تفكيري كتير

حبيبتي هو زوجك وهو من له القوامة لا تنظري لنواقصه بل انظري لمميزاته احسني معاملة زوجك بنية رضا ربنا وهتلاقي معاملة منه مختلفة تماما إن شاء الله

لو قرأنا عن حسن معاملة الزوج وعن رضا ربنا قد إيه لما بيكون الزوج راضي عننا لحملناهم فوق رؤسنا مخافة من الله

لولا إن ممنوع إن حد يتكلم عن مشكلتة كنت حكيتلك أكتر بكتير من اللي قولتيه

بس هقولك وبكل ثقة في الله الدعاء واللجوء إلى الله وشيلي من دماغك هواجس الشيطان دي وعيوب زوجك واسمعي ما هي حقوق الزوج على زوجته وطبقيها لله

ربنا ييسرلك أمرك ويهدي سرك حبيبتي وكل بيوت المسلمين

  • معجبة 4

شارك هذه المشاركه


رابط المشاركه
شارك

لاحظت ان كثير من الاخوات هنا تقول ان أهلها يصرفوا عليها بسبب ظروفها وأن زوجها لا أيًا كانت الاسباب (عدم قدره او تقصير او ... )

وانصحكن يا غاليات أن تقرأن هذه القصة وتتعلمن كيف ينبغي ان تكون الزوجة مع ظروف زوجها المادية ليبارك الله لكما في رزقكما ولتنالن السعادة مع أزواجكن

مفتاح جنتها

  • معجبة 1

شارك هذه المشاركه


رابط المشاركه
شارك

سمعت تلك العبارة مرارااا وتكراراااا

 

أصلحى ما بينك وبين ربك يصلح الله ما بينك وبين زوجك وبين كل الناس

 

وعندما عملت بتلك العبارة تحسنت أحوالى

 

لا أقول لك جربى العمل بها

 

ولكن اقول تيقنى انها الطريق والمفتاح الذهبى

 

فقط توكلى على الله واطلبى منه العون

  • معجبة 1

شارك هذه المشاركه


رابط المشاركه
شارك

شكرا على مشاركتكم

 

ارجوا حذف الموضوع ضرورى المشاكل اتحلت والحمد لله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×