๑ ๑ عملت لبناتى حفلة علشان صاموا شهر رمضان..تعالوا شوفوا๑ ๑

[أم عائشة المصرية 241]

السلام عليكم ورحمة الله وبركاته

حبيباتى فى الله

 

الحمد لله مر شهر رمضان بسلام واقترب شهر شوال على الانتهاء

فكل عام وأنتن بخير وأسأل الله أن يتقبل منا ومنكم صالح الأعمال

 

 

زى ما انتو عارفين يا حبيبات إن بنوتاتى عمرهم : عائشة سنوات6.5 ومريم 4 سنوات

والسنة دى أول مرة يصوموا بجد..يعني بصورة يومية مش مجرد مرة ولا مرتين فى الشهر...

أنا خليت عائشة تصوم لحد العصر (لأنها خلاص داخلة أولى ابتدائى ومن السنة الجاية إن شاء الله حيكون الصيام لحد آخر اليوم)

وخليت مريم تصوم لحد الظهر لأن سنها صغير وكانت بتتعب لو صامت اكثر من كدا..

 

قبل ما الشهر يخلص البنات كانوا تعبوا وخصوصا عائشة..وكل شوية تسأل...ماما العصر فاضله أد إيــــــــــه؟

ويا سلام بقى على فرحتها لما تسمع الأذان

لذلك وعدتهم إنهم لو صاموا الشهر لحد الآخر حجيبلهم هدية من محل هم بيحبوا اللعب بتاعته أوى..

وقد كان..الحمد لله صاموا الشهر كاملا

وفى يوم من أيام شهر شوال جهزت تجهيزات الحفلة علشان أفاجئهم بيها.

 

 

*

*

*

*

 

بصوا يا عسولات..أنا ححكى بالتفصيل الممــــل ^___^

اوعوا تزهقوا..أنا حعملها على مشاركات فأرجو عدم الرد حتى أنتهى

ويارب الصور ترضى تنزل :/

[أم عائشة المصرية 241]

..

نزلت اشتريت لهم لعبة لكل واحدة فيهم

واشتريت حاجات الكيك..علشان أعملهم كب كيك لأنهم بيحبوها أوى J

وعملت الكب كيك وشافونى وأنا بعملها عادى وساعدونى كمان..

بس أنا لما قرب الوقت اللى حددته للحلفة دخلتهم يلعبوا فى البلكونة..وزينت الكب كيك كلها (على شكل علم سوريا)

وحطيتها فى الأنتريه وجهزت اللبيبسي والهدايا وكله وهم مش حاسين لأنى قفلت الأنتريه ^__*

قلت لهم..يالا يا بنات علشان تستحموا..وأنا بجهزلهم الهدوم طلعت فستان فرح عندهم هم بيحبوه أوى

قالوا لى

* ماما...احنا حنلبس الفستان ده؟؟؟

*قلت لهم آه..أصل احنا رايحين حفلة..

*بجد يا ماما؟؟حفلة ايه؟؟

*حفلة بس مش حقولكم بتاعة ايه حتعرفوا لما تروحوا....يالا بقى بسرعة علشان منتأخرش على الحفلة ههههههه

وحميتهم ولبستهم وفى بنوتة قريبتهم عملتلهم شعرهم فورمة تحفة J

وكانوا فرحانين بنفسهم أوى..

وأنا كمان لبست واتشيكت وهم بيسألونى..ماما حضرتك حتروحى الحفلة كده؟؟!!

*قلت لهم آه

*يعني حتمشى فى الشارع من غير نقاب ولا عباية ولا جلباب...كده عادى يعني...؟!

وفضلوا يضحكوا مش مصدقين أو مذهولين إنى حنزل الشارع كده (ميعرفوش اللى فيها)

المهم قلت آه..يالا بينا أنا خلاص جهزت ومسكت إيدهم هم الاتنين ومشيت بيهم ناحية باب الشقة وهم فرحانين أوى إنهم رايحين حفلة ومذهولين أوى إن ماما حتنزل من البيت مش لابسه حجاب ولا نقاب كده ^^

بعد ما روحنا عند باب الشقة رحت قلت لهم:

*الحفلة مش هنا(وشاورت عند باب الشقة)

الحفلة هنـــــــــــــا >> ودخلت بيهم الأنتريه

لقوا الكب كيك والبيبسى وباباهم قاعد مستنيهم وبيضحك لهم ^___^

فرحوا أوى بس برضه مستغربين !

قلت لهم..فاكرين يا بنات لما ماما قالت لكم إن شاء الله لما تصوموا شهر رمضان لحد آخره ماما حتجيب لكم هدية جميلة وحتفرح بيكم..

اتفضلوا..وعطيتهم هديتهم وكانوا مزأتتين أوى ^_____^

 

تعالوا بقى بعد الرغى ده كله شوفوا الصور ^____^

[أم عائشة المصرية 241]

للأسف بقية الصور مش راضية تظهر فى مشكلة عندى فى البلوتوث :"(

بإذن الله لما تتصلح أضع لكم بقية الصور..

أنا زينت كل الكب كبك بنفس الزينة بتاعة القالب الكبير

وكنت مصورة لكم فساتين البنات واللعبة

 

 

لما عملتلتهم الكب كيك المزين بعلم سوريا قلت لهم إننا فرحانين بس مش عاوزين ننسى إخواتنا فى سوريا من دعائنا..وهم عارفين ودايما بيقولوا يارب انتقم من بشار الأسد ودخله النااااااار

 

 

 

 

 

 

لو عاوزة الفكرة عجبتك وعاوزة تعملى لولادك حاجة زى كده..ممكن تختارى آر يوم فى شوال كأنك يعني كنتى مستنية..

أو قبل المدرسة بيوم واحد اعملى حفلة لانتهاء الأجازة وجيبليهم هدايا علشان أنهوا صيامهم وكمان أجازتهم على خير

[~ماريا~ 1340]

وعليكم السلام ورحمة الله

بجد بجد

ربنا يباركلك فيهم

ما شاء الله عليهم

 

فكرة جميله جدااا ان شاء الله راح انفزها السنه القادمة ان كان لينا عمر

 

الكب كيك جميل جداااا

تسلم ايدك يا ام عيوشه

 

بس منتظرين بقيت الصور

اتصرفي مع البلوتوث بتاعك دا

هههههههههههههه

[بنت ام عبد 151]

ربي يبارك فيهم حبيباتي ويحفظهم من كل سوء

دايما أفكارك حلوة أم عائش :)

[في جنة الله أحيا 103]

ربنا يفرح قلبك بهم يارب

 

ويجعلهم من الصالحات

 

ربنا يباركلك فيهم

ما شاء الله عليهم

[**أم سلمى** 656]

ماشاء الله بجد فكرة رائعه

ربنا يبارك فى بناتك ام عيوش ويحفظهم لك

[(مسلمة في زمن الغربة) 87]

بصراحة روووووعة

فكرة بتجنن

الله يحفظهم إلك أختي الحبيبة

وإن شاء الله بتشوفيهم أحلى عرايس يااارب

...

ممكن طلب ؟؟

إذا بتقدري تحطي طريقة الكب كيك وطريقة تزيينها ...

وجزاك الله خيرا

[بسمة ُأمل 44]

ما شاءالله اللهم بارك :)

ربنا يحفظهن لكِ ويجعلهن قرة عين لكِ ولأبيهنّ ...

إن شاء الله هكذا سيحبون الطاعة من سن صغير

ويارب يدخلن فى حديث رسول الله صلى الله عليه وسلم :

(( سبعة يظلهم الله فى طله يوم لا ظل إلا ظله ....وذكر منهم : وشاب نشأ فى طاعة الله ))

تم تعديل 8 سبتمبر, 2012 بواسطة بسمة ُأمل

[دِفءُ الأُنـْــــــــس 21]

:)))

ماشاءالله

الله يباركلك فيهم ويبارك لهم فيك يا أم عيوش

تخيلت الحفله وأنا عمالي أقرأ كلامك ..وشعرت بفرحتهم

[أمّ عبد الله 2361]

وعليكم السلام ورحمة الله وبركاته ،،

 

فكرة جميلة تدخل البهجة على الأطفال والوالدين :)

بارك الله فيكِ أم عمر الحبيبة وحفظ الله أولادكِ من كل سوء .

[**راضية** 1996]

:)))

ماشاءالله

الله يباركلك فيهم ويبارك لهم فيك يا أم عيوش

تخيلت الحفله وأنا عمالي أقرأ كلامك ..وشعرت بفرحتهم

[اتمنى رضاه 117]

اللهم بارك فى البنات وامهم واجعلهم من الصالحين

 

فكرة جميلة جدا جدا وان شاء الله احاول انفذها لمريوم رمضان اللى جاى

 

 

فعلا وانا بقرأ اللى انتى كتباه حسيييت فعلا بفرحة كبييرة علشانهم

[ساره أم حمزه 1040]

وعليكم السلام ورحمة الله وبركاته

الله

جمييييل الله يبارك فيك ام عائشة ويبارك فى بناتك

عساسيل اللهم بارك

بس انا عايزة الفساتين واللعب ^^

[راجية رضا الرحمان 1 55]

وعليكم السلام ورحمة الله وبركاته

الله

جمييييل الله يبارك فيك ام عائشة ويبارك فى بناتك

عساسيل اللهم بارك

بس انا عايزة الفساتين واللعب ^^

[بنت الاسلام السلفيه 109]

ما شاء الله فكره جميله فعلا ومشجعه للاولاد فى السن ده

حنفذها ان شاء الله مع البنات وخصوصا انهم صاموا اليوم كامل من الفجر للمغرب والشهر كله 30 يوم الحمد لله

اعمرهم 9 و7 سنوات وده مش اول رمضان ده التالت

[ندى الورود 11]

ما شاء الله اللهم بارك فكرة رائعة

اسال الله ان يحفظهن ويقر عينيك بهم

[** الفقيرة الى الله ** 985]

وعليكم السلام ورحمة الله وبركاته

 

ما شاء الله فكرة جميلة!

سلمت أفكاركِ أم عائشة الحبيبة وحفظ بناتك وأقر عينكِ بصلاحهنّ

جزاكِ الله خيرا ()

[الأمة الفقيرة 366]

السّلامُ عليكُم ورحمةُ اللهِ وبركاتُه

 

جميــــــــــــــــــــــلٌ تباركَ الرّحمن

 

أسألُ اللهَ أن يحفظَ أبناءَكِ جميعًا، وأن يُنبِتَهُم نباتًا حسنًا، وأن يُباركَ فيكِ وفيهِم

وعليكِ وعليهِم...

 

أعطيتِنِي فكرةً جميلة، كُنتُ قد قُمتُ بعملِ مُنافسةٍ بينَ أخويّ وابن عمّي في رمضَان

لكن ليسَت تخُصُّ الصّيامَ فحسب فهُم يصُومُونَ بفضلِ الله،

وإنّما صنعتُ لكُلّ واحدٍ ورقةً تحتوِي على الصّلوات الخمس، وطاعة الوالدينِ، والأخلاق، والقُرآن(لم يستطيعوا الحفظَ كثيرًا في رمضان)

 

ووزّعتُ عليهمُ الهدايا بعدَ العيد: )

 

وسُبحانَ اللهَ مثلُ هذهِ الأعمالِ تُبهجُ قلُوبَ الصّغارِ والكبارِ معًا، وتُعينُ على التّربية وتقويمِ الأخطاء...

 

أُحبُّكِ في الله()

 

<<صحيح أنا صمت كل رمضان من الرّوضة لإنّي غرت من أخي الأكبر كان يصوم، وما حدًا عملّي حفلة ضُمّيني لبناتك بمشي الحال ما؟ :))

[(ميرفت) 205]

ما شاء الله

بارك الله لك في ابنائك يا غالية

ليس أجمل من ادخال السرور على تلك القلوب البريئة

[أنين السَّحر 35]

السلام عليكن و رحمة الله و بركاته،

 

اللهمّ بــارك فكرّة جميلة أم عائشة الحبيبة : )

بارك الله لكِ في ذُريتكِ و أنبتهم نباتاً حَسَناً ،، اللهمّ آمين

[الولاء والبراء 35]

اللهم باااااااااااااااارك : ) رائعة جدا ربنا يحفظهم ليك يارب

 

عقبال مريم وسارة بناتي يارب وأنا أغرقهم حفلات وهدايا بإذن الله : )

[بسمة الرضى 182]

ما شاء الله

بارك الله لك في ابنائك يا غالية

ليس أجمل من ادخال السرور على تلك القلوب البريئة

 

^___^

و انا كمان خديني جنب الآمة الفقيرة : )

 

أسأل الله أن يقر عينك و عين زوجك ببرهما و صلاحهما في صغرهما قبل الكبر

[ويبـا 39]

اضم رايى لرأى ماريا

 

الشعب يريد الصور كامله

 

بار ك الله لك فيهن وجعلهم تقيلات صالحات

[حواء أم هالة 1895]

بارك الله في بنوتاتك الحلوات ويخليهم لك =))

انا ابنتي وابني صاما الشهر ماعدا 4كله أيام ولم اعمل لهما حفلة هههه

لكن إن شاء الله سأبقى أعملها لهما مع انهما كبرا على الحفلة صح؟ =)