اذهبي الى المحتوى
محبة لربها، ادعوا لي بالثبات

قومى يا عسل وبطّلى كسل ((مضحك))

المشاركات التي تم ترشيحها

السلام عليكم ورحمة الله وبركاته

 

حبيباتى

 

وجدت لكم موضوعا يارب يفيدكم ويسعدكم

 

 

انا بقي النهاردة عايزة الفت نظر كل البنات لشوية حاجات بسيطة بس هي مهمة اوي بتلفت نظر الراجل للست و خصوصا ان في بنات كتير مش بتاخد بالها من الحاجات دددددددي

 

اولااااا: الاهتمام بنضافة السناااااااان يعني مش تبقي اكلة ملوخية و وجوزك ييجي يلاقي سنانك كلها منقطة اخضرررر يقولك ايه ده يا حبيبتي قوليله ده ترتر يا روحي كوني انثي يعني لازم علطول تغسلي سنانك و عشان خاطري بلاش البصل قبل ماييجي

 

2: لازم ريحة ...

نفسك تبقي حلووووة بجد دي اهم حاجه عشان في ناس كتير بيبقي عندها مشاكل في سنانها او عندها جيوب انفية فابتلاقي غصب عنهم نفسهم ريحته مش حلوة فاحاولي دايما يكون جنبك كلورتس بجد بتخلي ريحه النفس حلوة اوي و حاولي كل شويه تغيريها و بعد الاكل وكده بس ياريت تاكليها براحة بلاش الطرقعة و البلالين و الحاجات الغريبة وبلاش تفتحي بؤك عالاخر وانتي بتاكليها ماحنا مش داخلين حرب كوني انثي مش عايزيين الراجل يطفش ههههه و برضو في معطرات للفم حلوة اوي بتترش زي السبراي خلي بالكوا يا بنات النقطه دي مهمه اوووووووووووي .

 

 

3: ريحه العررررررررق ...خلي بالك اوي من ريحه العرق يعني خدي شاور كده قبل مايجىوقبل متنامى و حطي مزيل عرق عشان تبقي واثقة في نفسك مش اول ماترفعي دراعك الراجل يغمي عليه ويروح فيها هههههههههههه.

 

4: بمناسبة ريحه العرق بقي في برضو ناس مع العرق ممكن الشوز يعمل ريحة مش مرغوب فيها طبعا و بالذات اننا بنات مايصحش حد يلاحظ حاجه زي دي فحاولي لو واحده عندها المشكله دي تجيب بودر او كريم فطريات او سبراي لريحه القدم يعني ماينفعش اول ما تقلعي الشوز ريحته تطلع زي برطمان الفسيخ هههههههه و برضو حاولي ماتكرريش لبس الشراب اكتر من مره..

 

5:الضواااااااااااافر ودي نقطه مهمه جدا برضو عشان في رجالة بيلفت نظرهم اوي ضوافر البنت يعني لازم تهتمي بنضافة ضوافرك اوي و تبرديها مش لازم يعني تحطي مانكير عشان الصلاه وكده ممكن تعملي حنه او حتي حطي مانكير و بعدين شيليه لما تيجي تصلي و اهتمي اوي بشكل ايدك يعني لازم يحس بفرق بين ايدك و بين ايد صاحبه هههههههه

 

6: خالوا بالكوا كمان من نقطة مهمة اوي يا بنات الشعرررررررر اللي بيبقي في كف الايد او في الايد عموما حاولي على قد متقدرى تشيليه اول باول و لو عندك براون يبقي تمام بتنجز برضو ابوس ايدك اوعي تفضحينا

 

7: برضو الشعر اللي في الوش و فوق الشفايف و الحواجب بيبقي ملفت جداااا ... واهتمي انك تزيلي شعر المناخير و فوق الشفايف و خصوصا ان الحاجات دي بتظهر اوي زي الشمس احنا بنااااااات مش رجاله لازم تهتمي اوي بموضو ع ازاله الشعر اوي عشان في رجاله كتير بتقرف منه اللهم اني بلغت اللهم فاشهد

 

8: اللبس .. طبعا هدومك كلها لازم تكون نضيفة وريحتها حلوة يعني مش يكون الدولاب فوق بعضه و الهدوم مكرمشه و تقومي تلبسيها لالالالا اوعي والله في اختراع اسمه مكوااااه مش مطلعه البادي من الخلاط و تلبسيه ينفع كده. ولا تكوني ضاربة ساندوتش فول قبل ماييجي و يبص يلاقي بقعة تسد عين الشمس علي هدومك هههههههه

 

9: لازم برضو النضافه تبقي من جوة ومن بره يعني برضو مش هدومك بس اللي بره هي اللي نضيفه و مرتبه لازم برضو الملابس الداخليه تكون نضيفه و بتبرق عشان تبقي اعده واثقة في نفسك من كله و يبقي عندك احساس بالراحه و تبقي هدومك كلها ريحتها حلوة

 

10:الرجلييييييين: لازم يا بنات يا حلوين انتوا نهتم بالرجلين اوي يعني تبقي عملاها باديكير كده و مظبطاها مش ييجي يبص علي رجلك يلاقي حوافر يروح مخضوض و يطلع يجري ههههههه لالالا لازم بجد عشان دي نقطه مهمة وفي رجالة بتهتم اوي بشكل الايد و الرجلين مش نهتم بوشنا و نسيب الباقي لازم تبقي انثي في كل حاجه

 

11:طريقة اكلك لازم تكون برااااااحه وعلي مهلك ماهو محدش بيجري وراكي كوني انثي ولازم تحسسيه بفرق بينه و بينه في طريقه الاكل يعني تحسسيه انك بسكوته كده و عاملة زي البيبيهات هتلاقيه هو بيأكلك بأيدة والله

 

 

12: ايااااكي ايااااااااكي و الصوت العالي خليكي دايما بنوتة رقيقة و صوتك عامل زي الهمس لان بجد كل الرجالة بتتنرفز اوي من الموضوع ده بيبقي عايز يحس انه بيكلم بنت مش واحد صاحبه علشان كمان لو صادفت في شغله انه شف بنت رقيقة او شاف مرات صاحبة مثلا مايقولش شايف البنات دانا سايب عسكري مرور اعد في البيت ههههههههه فاخلي بالك من النقطه دي.

 

13: كمان الفاظك ياريت ياريت يارررررررريت بلاش المصطلحات الغريبة اللي طالعه اليومين دول اشطه يا عم و يا معلم و يا باشا والحاجات الغريبة دي اه ممكن بينا و بين بعض لكن مش ادام جوزك خالص ما بدل ما يكلمك بقي يروح يعد مع بواب العمارة ساعتها مش هيحس بفرق كتير علي الاقل البواب هيعمله كباية شاي يشربها

 

14:برضو مش تبقي اعده ادامه تلاقي نموسه قرصتك تعدي تهرشي كده ولا تعدي تهرشي في شعرك عصر القمل انتهي خلاص وهتلاقيه بيدور وشه الناحيه التانيه خايف حاجه تطير عليه

 

15: خلاص ظبطي نفسك واخدتي شاور و غيرتي هدومك وكله تمام تمام وزي الفل نيجي بقي لنقطه مهمممممة اوي ودي بتبقي عنوان اي ست ...............,,,, الاهتمام بنظافه البيت يعني مش يبقي جوزك جاي و يبقي البيت مقلوب كأنه كان فيه مصارعه تيران من شويه .. يعني اهتمي بنظافة البيت و خصوصاااا خصوصاااااا الحمام اهتمي اوي انه يكون نضيف و بيبرق ماتخلهوش ياخد عنك فكره مش كويسه وافضلي لفي كده في الشقه و شوفي ايه اللي ناقص واللي عايز يترتب و اعمليه

 

16: اخر نقطه لازم تحسسيه انك بونبونايه البيت و انك متدلعه عشان هو يتعود علي كده

 

معلش يا بنات طولت عليكوا و ياريت محدش يزعل من الهزار

  • معجبة 7

شارك هذه المشاركه


رابط المشاركه
شارك

ههههههههههههههههههههههههههههههههههه

يعني كل ما أقرأ كلمة اضحك

ههههههههههههههههههههههههههه

بارك الله فيك حبيبتي

دايما تغيبي تغيبي

واما ترجعي تجيبي معاك حاجة حلوة

تسلميييييييييييي

نصائح مهمة وحلوة

ههههههههههههههههههههههههه

  • معجبة 1

شارك هذه المشاركه


رابط المشاركه
شارك

ههههههههههههههههههههههه

بارك الله فيك محبه

نصائح مهمه جدا خصوصا لو فى اولاد

بيبقى عسكري قاعد في البيت بجد

 

بس خلى بالك من موضوع الحواجب ده الله يكرمك

لانروح في دهيه دى فيها لعن الله يخليكى

  • معجبة 1

شارك هذه المشاركه


رابط المشاركه
شارك

ههههههههههههههه تسلمي يا قمره عالموضوع المهم والطرح الخفيف الظل جزيت خيرا

  • معجبة 1

شارك هذه المشاركه


رابط المشاركه
شارك

حبيباتى اللاتى قمن بالرد

 

وحشستونى جدا واسعدتونى بكلامكن الرقيق

 

 

بارك الله فيكن

شارك هذه المشاركه


رابط المشاركه
شارك

والله يا سمسمة أنت اللى اللى عسل

 

لو الكسل مش عندنا امال هيبقى عند مين

 

قعدت اضحك على الكلام اللى انت كتباه بجد كلام جميل بقالبكوميدى

 

ربنا يبارك لك فى أولادك

شارك هذه المشاركه


رابط المشاركه
شارك

ما شاء الله جميل جدآ

هههههههههههههههه

ربي يبارك فيك

شارك هذه المشاركه


رابط المشاركه
شارك

شكرا يا ويبا انت وام لبابة

 

ايه النور ده كله

شارك هذه المشاركه


رابط المشاركه
شارك

شكرا يا سجودة انت ونوفا وارجو مغفرتك

 

نورتونى

 

على فكرة الموضوع منقول :)

شارك هذه المشاركه


رابط المشاركه
شارك

مش اول ماترفعي دراعك الراجل يغمي عليه ويروح فيها هههههههههههه

 

هههههههههههههههههههههههههههههههههههههههههههههههههه

 

شكراااا نصائح اكثر من ذهبية

  • معجبة 1

شارك هذه المشاركه


رابط المشاركه
شارك

موضوع عسل

جزاكِ الله خيرا سمسمة ونفع به وجعله بميزان حسناتك

  • معجبة 1

شارك هذه المشاركه


رابط المشاركه
شارك

جزاك الله خيرا يا محبة لربها كلام جميل بس خدي بالك من حتة شعر الحواجب دي علشان قال رسول الله صل الله عليه وسلم (لعن)الله النامصة والمتنمصة /واحنا مش ناقصين زنوب نروح نعمل حواجبنا بالمرة احنا عايزين ربنا يرضي عننا/وحتي لوزجك طلب منك تعمليهم قوليله قال رسول الله صل الله عليه وسلم (لا)طاعة لمخلوق في معصية الخالق وابحثي فيها جيدا وياريت تعدليها علشان حتي لو فيها اختلاف ميكنش الوزر عليكي لأن في ناس هتاخد كلامك ثقة لأنه منتدي اسلامي وتعمل من غير ما تبحث معذرة اوعي تزعلي مني احنا اخوات في الله وواجب علينا ننبه بعضنا في امور ديننا بالأخص وجزاكي الله خير دانا ان شاء الله هنزلها عالموبيل وابعتها بالبلوتوث لأن البعض بيستهون بالحاجات دي بس هي ضرورية جدا وجزاك الله خيرا

  • معجبة 3

شارك هذه المشاركه


رابط المشاركه
شارك

شكرا يا بطوطة على كلامك الحلو يا حلو

 

اشرقت الجمبيلة باحبمكك اوى

 

ام طه كلامك جميل وصح الصح جزاك الله خيرا

 

وفعلا فيه واحده نبهت كاتببة الموضوع لمثل ما قلت

 

هى قالت انها لا تقصد شعر الحاجب

 

وانما الذى فوقه ال((جبين..القورة)) لو كان كثيفا ظاهراا

 

والله اعلم

 

ارجو من المشرفات ازالة هذا الجزء او تعديله حتى لا يفهم خطأ

 

وناخد الوزر

 

على الا يذكر كلمة الحاجب افضل

شارك هذه المشاركه


رابط المشاركه
شارك

ههههههههههههههههههههههههههههههههه

 

مضحك جدا يا سمسمة وخصوصا اللي واكلة ملوخية وسايبة بقيت الترتر على سنانها

 

واللي لما بتقلع الشراب كأنها فتحت برطمان فسيخ ههههههههههههههههههههههههههههههههههه

 

نقل متميز سمسمة جعله الله في ميزان حسناتك

 

وحشتينيييييييييييييييييييييييييييييييييييييييييييييييييييييييييييييييييييييييييييييييييييييييي

  • معجبة 1

شارك هذه المشاركه


رابط المشاركه
شارك

حبيباتى اللاتى قمن بالرد

 

وحشستونى جدا واسعدتونى بكلامكن الرقيق

 

 

بارك الله فيكن

 

وحششششششششششششششششششششششششششششششششششششششششششششششششششانى جدا جدا جدا

 

 

يامحبه بجددددددددددددددددددددددددددددددددد

 

موضوع تحفففففففففة

  • معجبة 1

شارك هذه المشاركه


رابط المشاركه
شارك

موضوع عسل

جزاكِ الله خيرا سمسمة ونفع به وجعله بميزان حسناتك

 

الغاليه اشرقت

 

احبببببببببببببببببببببببببببببببببببببببببك فى الله

شارك هذه المشاركه


رابط المشاركه
شارك

أضحك الله سنكِ وعودا حميدا..لم أركِ فى المنتدى منذ زمن

نصائح مهمة وأسلوب ساخر يوصل الغرض بمرح ^^

شارك هذه المشاركه


رابط المشاركه
شارك

ههههههههههههههههههه طرح جمييييييييل جدا

اضحك الله سنك

 

من ناحية النضافة عندي دايما هذا التساؤل بس متضحكيش :)

ليش انا بهتم بنفسي بزيادة وهو يمكن مايهتم بنفسه كل هذا الاهتمام

  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×