اذهبي الى المحتوى
( أم رحمة )

أخواتي المصريات بالرياض ... اريد مساعدتكن

المشاركات التي تم ترشيحها

السلام عليكم ورحمة الله وبركاته

 

عدت اليكن بعد طول غياب

 

اخواتي المصريات الللي ولدوا في الرياض عاوزة طبيبية نساء وتوليد تكون كويسة واسم مستشفى في الرياض لمتابعة الحمل والولادة وعنوانها فين بالظبط واسعارها ايه

 

وجزاكن الله خيرا

شارك هذه المشاركه


رابط المشاركه
شارك

حياك الله اختي الحبيبة

عودا حميدا

واهلا وسهلا

منورانا من جديد

(:

 

ان شاء الله الاخوات الي عايشين هناك هناك يساعدوكي

بس ليه مصريات بالظبط؟

شارك هذه المشاركه


رابط المشاركه
شارك

مستشفى المبارك بحي المربع احسن حاجة

بس هو كان قفل من حوالي 7 شهور وقالوا هيفتح بعد التجديدات

الكشف هناك 100 ريال (كشف + سونار)

ولو مشتركة في صندوق رعاية المصريين يبقى الكشف + سونار هيكون 50 ريال وهيكون عندك تخفيض (على ما اتذكر) 20% على التحاليل او ربما اكثر

دكتورة عزة ممتازة وشاطرة

الولادة فوق 3000 ريال شوية

.

الولادة ارخص مكان هو مستشفى الازهار وكانت في حدود 1800 ريال تقريبا ومش هتلاقي ارخص من كده

لا انصجك بالطبيبة المصرية هناك لانها كانت بتديني طلق صناعي علشان تخلصني وانا اصلا كان عندي طلق شديد والرحم كان لسه مش عايز يفتح

في دكتورة هندية ممتازة وهي اللي انقذتني من المصرية بس مش متذكرة اسمها

شارك هذه المشاركه


رابط المشاركه
شارك

جزاكِ الله خيرا يا أم العبادلة :)

 

بس كنت عاوزة أسألك ايه صندوق رعاية المصريين ده؟؟

 

وبالنسبة لمستشفى المبارك فزملاء زوجي في الشغل بيقولوله انها فقلت بسبب انه فيها تلوث وعدوى ..... مش عارفة الكلام ده صح ولا غلط

 

لو تعرفي مستشفيات تانية او حد من الاخوات يعرف يا ريت يقيدني

 

انا حاليا في الجنوب بس احتمال ننقل في الشمال بعد شهرين ان شاء الله

 

اذا تعرفي مستشفيات في الشمال او الجنوب قوليلي

 

 

جزاكِ الله خيرا على الاهتمام

شارك هذه المشاركه


رابط المشاركه
شارك

وجزيت خيرا يا غالية

صندوق رعاية المصريين هي خدمة توفرها السفارة المصرية عن طريق دفع 100 ريال والحصول على كارنيه تستطيعي به الحصول على تخفيضات في اماكن متعددة منها المستشفيات

والتخفيض يشمل ثمن الكشف والتحاليل (طبعا التخفيضات ليست بكل المستشفيات بل تكون بالمستشفيات اللي هم مشتركين فيها)

هنا عنواين مقراتها بالرياض

http://www.egyfund.net/pages/sitepages/contact.aspx

 

بالنسبة للمبارك فعلا قفلت بأمر من وزارة الصحة بسبب عدم توفر الشروط فيها لكن بعدها بدأوا يعملوا فيها تجديدات ولا أعلم هل فتحت ام لا

اما بخصوص التلوث والعدوى فلا أظنه صحيحا، منذ سنوات ونحن نذهب هناك خصوصا فيما يخص الاطفال والنساء والولادة والتخصصين ممتازين هناك وارتحنا مع الاطباء كثيرا

بصفة عامة لن تجدي مستشفى بالمملكة الا وقيل عنها انه حدث وفاة او غيره وهذا أمر طبيعي جدا ولو انت مؤمنة بقدر الله ستعلمي ان كل شيء بيد الله ولا داعي للقلق الا اذا كان المستشفى معروف عنها انها سيئة واطبائها سيئون جميعا وهذا شيء لا اعتقد انه صحيح فكل تجاربي معها كانت جيدة ولله الحمد

 

بجوار مستشفى المبارك في مستشفى اخرى اسمها دار الشفا تقريبا، في بيقولوا كويسة لكني لم اتعامل معها ولا اعرف نظامها

صحيح من الامور المهمة في متابعة الحمل ان تسألي عن سعر الكشف والسونار

فمعظم المستشفيات والمستوصفات تأخذ ثمن الكشف منفصل عن السونار وهذه تجدي الكشف بالسونار وحده ثمنه تقريبا 120 ريال

مستشفى المبارك فيها كشف + سونار معا 100 ريال

الالماني السعودي قالت لي احدى الاخوات ان الكشف + السونار 150 ريال

 

مستشفى الازهار في حي النسيم (لا اعلم هل هذه جنوب ام لا)

في الشمال لا يوجد مستشفيات الا الاستثمارية فقط وهذه معروفة انها بمبلغ وقدره والولادة فيها غالية جدا

الالماني السعودي استثماري لكن يبدو كشف متابعة الحمل فيه رخيص

 

اقرب مستشفى للشمال هي المبارك

والبقية منتشرة في الجنوب

 

لا اعلم في اي شهر انت لكن انصحك بالبحث جيدا قبل الولادة بفترة لاني تعبت جدا في هذا الامر، فقدر الله ان تغلق المبارك وانا في الشهر التاسع والحمدلله يسر الله لي مستشفى الازهار وقتها

المهم ابحثي جيدا وجمعي معلومات عن عدة المستشفيات لتنفعك اذا لا قدر الله حدث شيء في المستشفى اللي بتتابعي فيها

  • معجبة 1

شارك هذه المشاركه


رابط المشاركه
شارك

وعليكم السلام ورحمة الله وبركاته

 

جزاكِ الله خيرا على ردك وعلى المعلومات القيمة دي

ربنا يباركلك ويكرمك

 

بالنسبة لمستشفى المبارك اعتقد لسا مفتحتش

بالنسبة لدار الشفا سمعت عنها هحاول اخلي زوجي يسأل عن اسعارها

الازهار مش عارفة ممكن اروحها ولا لأ لاني صعب اتابع مع دكتورة هندية

 

ربنا ييسر الخير

 

انا في حملي في رحمة جربت مستوصف كان بياخد الكشف 100 والسونار 200 لمدة 3 شهور في اخوات دلوني على مستشفى كانت بتاخد الكشف والسونار 100 واحيانا بتاخد من المصريين 50 مع اننا مش مشتركين في الصندوق ده ولا حاجة وولدت فيها ب 2000 وشوية وكنت بتابع مع طبيبة كويسة ما شاء الله بس كنت في الخُبر انا بقالي شهور فقط في الرياض ولسا مش عارفة حاجة هنا

 

اول حملي رحت مستوصف جنبنا عملوا نفس الحركة اخدوا كشف 70 تقريبا وسونار 200 والدكتورة اللي فيه قالتلي بتولد في دار الشفا وسعرها حسب وقت الولادة بيبدأ من 2000 وكل ما الولادة طولت بتاخد فلوس اكتر ولو اضطرت تلغي عيادتها علشان تولدني هتدفعني فلوس اكتر بكتير قالتلي كدا بكل صراحة !!!!!! اتغظت منا جدا .... الله المستعان

الشهر اللي فات كنت في مصر وكشفت هناك انا لسا في آخر الثالث او اول الرابع تقريبا ... بحاول أسأل على مكان اتابع فيه وربنا يييسر واشوف هولد هنا ولا في مصر

 

ربنا ييسر الخير

لا تنسيني من صالح دعائك

ربنا يجزيكِ عني خيرا

شارك هذه المشاركه


رابط المشاركه
شارك

طيب في حل جميل وهو حصل معايا قدرا

وهو انك تتابعي في اي مكان قريب منك

وتولدي في مكان اخر مثل الازهار

وعلى فكرة الطبيبة هندية بس بتعرف عربي

 

ولو هتولدي في مكان غير اللي بتتابعي فيه

يبقى وانت بالشهر الثامن لازم تروحي مستشفى الولادة وتفتحي ملف علشان يقبلوا يولدوكي عندهم

 

وربي ييسر لك امرك يا رب

شارك هذه المشاركه


رابط المشاركه
شارك

وجزيت خيرا يا غالية

في رأيي انها من افضل المستشفيات عيبها الوحيد هو الدكتورة المصرية التي انقذني الله من يديها

يمكنك معرفة تفاصيل الولادة من خلال قصة ولادتي مع العلم ان ولاداتي بتكون متعسرة يعني لا تخافي من القصة وفقط خذي العبرة منها

ولئن نجيتني من هذه لأكونن من الشاكرين (قصة ولادتي)

شارك هذه المشاركه


رابط المشاركه
شارك

معلش في حاجة تاني عاوزة أسألك عليها لو تعرفي حاجة عنها

 

عاوزة أسألك عن مدارس تحفيظ القرآن النسائية لو تعرفي حاجة عن نظامها

 

انا اتصلت بمدرسة اسمها دار الايمان في شارع الخزان بس قالولي ممكن ملاقيش مكان في الحضانة لرحمة لسا هروح أسأل فيها إن شاء الله بس قلت أسألك لو تعرفي مدرسة كويسة

 

انا لقيت على النت مدارس كتير بس مش كلهم بيردو على التليفونات

شارك هذه المشاركه


رابط المشاركه
شارك

ولا يهمك اسألي كل حاجة

يا بنتي الرياض كبيرة جداااااااااااااا مثل القاهرة يعني لازم تبحثي عن المكان القريب منك

 

لما تتصلي، حاولي تتصلي ما بين العصر والمغرب لان ده وقت دوامهم

واعرفي ان مش كل دور التحفيظ فيها حضانات

وبعض دور التحفيظ فيها فترة صباحية وبعضها مسائي بس الأغلب مسائي

 

افتحي الرابط ده

http://www.qk.org.sa/nawah.php?FIELD174=%C7%E1%D1%CD%E3%C7%E4%ED%C9&n=schoolsearch&search=1&dp212=0

اختاري

النوع

الحي

وهيظهر لك كل الدور بالحي اللي انت فيها

 

او ممكن تختاري

النوع

المركز

وهيظهر الاحياء اللي حولك كمان

شارك هذه المشاركه


رابط المشاركه
شارك

جزاكِ الله خيرا

 

أنا فعلا لقيت 3 مدارس في الحي اللي انا فيه بس اتصلنا قيل كدا مش بيردوا بس كنت بتصل في الفترة الصباحية

 

إن شاء الله هسأل يوم السبت في دار الايمان هي مش قريبة ومش بعيدة

لو ملقتش حضانة او مواصلات لعندي هحاول تاني اتصل بالمدارس الللي في الحي اللي انا فيه

 

ربنا يجزيكي خيرا ويكرمك ويرضى عنك :)

شارك هذه المشاركه


رابط المشاركه
شارك

والله احب مساعدة كل اخت في الله ويارب يفرج هم الجميع ويصلح احوالنا يارب قدرني للعمل الصالح لوجهك الكريم يارب

شارك هذه المشاركه


رابط المشاركه
شارك

السلام عليكن اخواتي الفضلليات اني احبكن في الله انا جديده في المنتدى اتمنى من الله ان تقبلوني اخت لكن في الله فوالله اني بحاجه ماسه الى من ياخذ بيدي الى طاعة الله وجزاكن الله خيرا

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏من خاف زلة القدم بعد الثبات، فليجعل له حظا من عبادة السر والقُرُبات، وليحرِص عليها حتى الممات.

×