كيكة عاديه

[ساره أم حمزه 1040]

السلام عليكم

كيكه عاديه ^ـــــ^

معملتش فيها أى حاجه خالص غير انى كنت ماسكه المضرب الكهربائى وبعمل بيه بس كده

هى عباره عن 3 بيضات وفانيليا ولبن وبيكنج بودر وعصير فروتى ودقيق وزبده واتعملوا بالمضرب واتحطوا فى صينيه

وعلى الفرن والسلام عليكم هههههه

 

[ام جومانا وجنى 515]

جميل يا سوسو

خلصنا الأطباق الرئيسية ودخلنا على الحلو

^__^

[المشتاقة الى الحبيب 67]

ياسلام على الحلو يا حلو

 

ضحكتني والسلام ههههههه

بارك الله فيك سوسو تسلم الايادي

عقبال المقبلات والمعجنات ان شاء الله

[♥●آية إبراهيم●♥ 253]

وعليكم السلام ورحمة الله وبركاته

يا عيني يا عيني وسعوا يا جدعان سارة دخلت على الحلو

اكيد الكيكة لازم تكون حلوة عشان من ايديك ياسكرة

شوفي بشجعك اهوه

يلا ياسارة يلا ياسارة يلا ياسارة

[ساره أم حمزه 1040]

جميل يا سوسو

خلصنا الأطباق الرئيسية ودخلنا على الحلو

^__^

الله يكرمك ام جوماناا

لالا لسه مخلصناش الاطباق الرئيسيه انا طبخت النهارده

بس اللى بطبخه تانى مش بصوره ^ـــــ^

 

ياسلام على الحلو يا حلو

 

ضحكتني والسلام ههههههه

بارك الله فيك سوسو تسلم الايادي

عقبال المقبلات والمعجنات ان شاء الله

انتى احلى يا خوله ^^

امين وفيك بارك الله الله يسلمك من كل سوء

إن شاء الله ، بس قوليلى هما ليه سموها مقبلات ؟ يعنى ايه مقبلات ؟

 

وعليكم السلام ورحمة الله وبركاته

يا عيني يا عيني وسعوا يا جدعان سارة دخلت على الحلو

اكيد الكيكة لازم تكون حلوة عشان من ايديك ياسكرة

شوفي بشجعك اهوه

يلا ياسارة يلا ياسارة يلا ياسارة

هههههههه

على فكره يا ايه انا عملت قبل كده بيتفور وعملت بسكوت بالقرفه وكيكة بالقرفه

وعملت كريم كراميل بس منضجش كويس

بس الصراحه انا معملتش حاجه فى الكيكه دى غير انى عملت بالمضرب ^^

ههههههه جزاك الله خيرا على تشجيعك

[المشتاقة الى الحبيب 67]

ءامـــــــــــــين بارك الله فيك

سميت مقبلات لانها تكون قبل الاكل وتفتح الشهية او القابلية للاكل

[ساره أم حمزه 1040]

امين وفيك بارك الله

ااه فهمت الان جزاك الله خيرا خوله انك عرفتينى ^ـــ^

[المشتاقة الى الحبيب 67]

وإياك خير الجزاء حبيبتي

انا في الخدمة :)

[ساره أم حمزه 1040]

امين الله يبارك فيكِ ^^

[نجمة فلسطين 34]

لأاااا

دة مشش عااآآدي !!!

ס.0

 

ههههه يسلمو هالايدين يا سارة

فايتة عالمطبخ بنشاط وقوة اللهم بارك

 

 

[ساره أم حمزه 1040]

هههههههههه

الله يبارك فيك اسما

منووووره

الله يسلمك من كل سوء

[هـــدى 147]

ماشاء الله عليك يا سرسورة بديتي تورينا ابداعاتك فالحلويات ^_^

 

ان شاء الله بعد اشهر بس تصيري مبدددددعة وفنااااااانة :))

 

تسلم ايديك يا حبيبة : ) وننتظر المزييييييييد

[ساره أم حمزه 1040]

الله يكرمك هدى

منوووووووووره

بارك الله فيكِ

إن شاء الله جزاك الله خيرا على تشجيعك لى

^ـــــ^

[أم زيــــاد 880]

بارك الله فيك يا حبيبة

تسلم ايدك

 

قوليلي انت بتقيسي المقادير ولا ايه؟

 

العصير والزبدة و باقي المقادير

[ساره أم حمزه 1040]

امين وفيك بارك الله

بس هى على الطبعه كانت احلى من الصوره ^^

انا لما بعمل حاجه بقيس بالمقادير

لكن امى من غير مقادير

منوره

[أم ربعي 21]

ماشاااااء الله يا سوسو تسلم ايدك يا عسل

 

ان شاء الله مستقبلك رااائع مع المطبخ في المستقبل ان شاء الله شدي حيييييلك

 

بصي انا عاوزاكى تعملى كيكة عااادية بمقادير عندى رااائعة وهشة وترتفع جدددددددا وجك\ميلة ومقاديرها متوفرة في كل مكاااان

[أم ربعي 21]

دى صورة للكيكة يا سوسو

[ساره أم حمزه 1040]

الله يسلمك من كل سوء ام ربعى

منووووووره

ماشى إن شاء الله دعواتك كده ^^

الله شكلها حلو

طب قوليلى المقادير والطريقه

بس بالتفصيل الممل ^ــ^

[أم ربعي 21]

الله يسلمك من كل سوء ام ربعى

منووووووره

ماشى إن شاء الله دعواتك كده ^^

الله شكلها حلو

طب قوليلى المقادير والطريقه

بس بالتفصيل الممل ^ــ^

 

ربنا يكرمك يا سوسو ياحبيب قلبي

طيب الحمد لله انها عجبتك

 

شوفي يا عسل

 

الصينية اللى مامتك بتعمل فيها الكيكة ب3بيضات او يعني صينية صغيرة ماشي

 

في الخلاط الكهربائي او بالمضرب الكهربائي بس انا افضل الخلاط في المرحلة دى

 

هتحطى في الخلاط

 

3 بيضات عليهم شوية فانيليا يعني ملعقة من اللى بناكل بيها وتحطى كوباية حليب وبنفس الكوباية تحطى تلت ارباع كوب زيت

 

وتحطى عليهم بنفس الكوباية كوب ونص سكر تضربيهم كووووويس لحد ما السكر يدوب ويبقى تمام بعد كده يا عسل

 

تجيبي طبق غويط او بلاستكه غويطة تحطى فيها كوب ونص دقيق وياريت تنخليهم وبعدين تحطى عليهم ملعقة ونص من بتاعة الشاي بيكنج بودر

 

قلبي الدقيق مع البيكنج بودر كويس بعدين ضيفي الخليط اللى في الخلاط اللى عملناه صبيه على الدقيق وممكن تقلبي بالمضرب الكهربائي

 

على سرعة متوسطة مش اوى لحد ما يتجانس ممكن تحتاجى تزودى شوية دقيق في الحته دى ممكن تستعيني بخبرة مامتك

 

اقصد ان انا بحط كوب ونص دقيق ساعات بحتاج وساعات لا وده بحسب نوع الدقيق عشان كده بقولك ممكن تحتاجى وممكن لا

 

بس بعد كده تجيبي الصينية تحطى فيها شوية زيت صغيرين وتدهنيها كويس وبعدين شوية دقيق وخبطي على الصينية عشان الدقيق يلزق في كل قاع الصينية

 

بعد كده الفرن تكونى مشغلاه قبل ما تعملى اى حاجه على 180 بس صبي الخليط في الصينية وحطيها في الفرن بصي عليها بعد نص ساعة الا خمس دقائق

 

كمان الصينية تكون في الرف اللى في النص وعلى الشبكة وبسس يا عسل

[ساره أم حمزه 1040]

امين وكرمك ام ربعى الغاليه

جزاك الله خيرا

إن شاء الله لما اعملها هاعمل زى ماقولتيلى بس احنا معندناش فرن اللى هو فيه درجات

احنا عندنا فرن من العادى ^ــ^

[~ماريا~ 1340]

ماشاء الله

ايوة كدا نوري الساحات كلها يا ساره

شطورة والله

تسلم ايدك

[ساره أم حمزه 1040]

الله يبارك فيك يا ماريا

جزاك الله خيرا على تشجيعك ليا

منوره ^ــ^