رحلة فى السجون

[ام(عمير) 5]

رحلة فى السجون

يوم ما جأء الامن بيتى ..... امى قلت سيبو ابنى

قالو ساعتين وييجــــى ..... رفضو تغير الهدوم

يلا هات الهارد يـــــلا ..... والكتب تطلع والا

لمهم واحد فشــــــــــلا ..... وقتها كان النزول

 

وتأخر الوصول

 

فى الكلابشات حط ايدى ..... بالفانلة غمى عينى

مد ايده جوا جيبــــــــى ..... خد بطاقتى والفلوس

خد منى تليفونـــــــــــى ..... كان ناقص يكتفونى

قلت دول بيخطفونــــى ..... قلت دا جيش المغول

وقتها كان النزول

 

وقفت العربيه فجــــأة ..... قالوا انزل قلت لاه

بس طبعا هيا زقــــة ..... كنت على باب الدخول

بالشتيمة استقبلونــى ..... عن بياناتى سألونـى

من ايديا سحبونـــى ..... امرونى بالجـلـــوس

فى الطرقة كان الجلوس

 

من ايديا جرجـرونــــــــــى ...على غرفة سحبونــــــــــــى

عن التزامى سألونـــــــــــى .....سألونى عن الـــــــــدروس

قالى يا ابنى انا عاوز اساعدك ..... قولى مين من الاخوه قبلك

كلـــــــــهم اتســـــألو قبــــــلك ..... قالوا وانت لازم تقــــــول

 

طبعا كان لازم اقول

 

خدت كام يوم انفــــــرادى ..... فجأه جه واحد ينادى

قلت هارجع اشوف ولادى ..... قالى يلى يا اخويا قوم

ركبونى العربيــــــــــــــة ..... اعتقال من غير قضية

جيت وزرت بطانيــــــــة ..... افراجات واجى علطول

واهى رحلة فى السجون

 

 

 

من دفتر والدى

 

بقلم معتقل صديق والدى

[ام عبدالله2011 78]

سبحان الله

اسأل اللله ان تنتهي ايام الاعتقالات والسجون

 

بارك الله فيك

[وأشرقت السماء 1565]

جميلة

جزاكِ الله خيرا

اللهم فُك أسر الأسرى من المسلمين وفرج كربهم

[عـــائشة 0]

رائع بارك الله فيك

فك الله اسر المسلمين

[**أم سلمى** 656]

جميلة

جزاكِ الله خيرا

اللهم فُك أسر الأسرى من المسلمين وفرج كربهم

[(أم *سارة*) 981]

جميلة ومعبرة جدا ام عمير

 

رب ينتقم من تلك النظم الاستبدادية

 

ويفك كرب كل أسير ومكروب ويرده لبيته وأهله

 

اللهم انصر المسلمين وفك كربهم وأسرهم واحقن دمائهم في كل مكان

 

ينقل للساحة المناسبة

[المسلمة لينة 28]

جميلة

جزاكِ الله خيرا

اللهم فُك أسر الأسرى من المسلمين وفرج كربهم

[ام(عمير) 5]

اللهم امين

فرج الله كرب كل مكروب وفك اسر كل اسير

 

نورتوا الموضوع يا اخوات

[~ماريا~ 1340]

جمييييييييييييييييييييييييييييييييله جداا

كتير عجبتني

 

جزاك الله خيرا اختي

اللهم فُك أسر الأسرى من المسلمين وفرج كربهم

[الوفاء و الإخلاص 568]

كلمات مؤثرة

بارك الله فيك يا حبيبة

أسأل الله عز وجل أن يزيح الغم والهم عن كل مسلم

ينقل للساحة المناسبة