زوجى والكلام عن الزواج الثانى

[* مشكلتى تحيرنى * 1]

السلام عليكم ورحمة الله وبركاته

 

المشكلة التى عايزاكم تساعدونى فيها سببت لى فوبيا وحساسية زايدة

جوزى بيهزر كتير بالزواج الثانى..ويقول إنه جميل ويا سلام على اللى متجوزين اتنين..يا بختهم :)

يعني من باب إنه يهزر ويغيظني..

كنت فى الأول بفوت من باب إنى أوريله إنى واثقة بنفسي وإن الموضوع مش فارق معايا

 

 

ساعات يتكلم عن البنات اللى يا عيني غلابة ولسه متجوزوش لحد دلوقتى والواحد يكسب فيهم ثواب..

فكنت بقوله يا سلام لو اللى عاوز يكسب فيهم ثواب ده يكسب ثوابين وبدل ما يتجوز البنات دول يروح يشوب شاب غلبان برضه ويجوزه لواحده ويبقى ضرب عصفورين بحجر ههههههه

فكان يقولى لا لا كل واحد بيحب يآخد الثواب بطريقته

 

لكن دلوقتى خلاص اتخنقت وزهقت فقلت له لو سمحت ممكن متهزرش معايا بموضوع الجواز التانى ده مرة تانية علشان أنا زهقت واتخنقت وانت قربت تجيبلى وسواس لأن اانته مش بتهزر الهزار الطبيعي.الناس الطبيعية بتهزر باموضوع ده كل شهرين مرة لكن انته فى اليوم مرتين...بعتله الكلام ده على إيميل فبعت لى "آز يو لايك....ههههههههه"

(يعني كما تحبين هههههه)

 

 

أعمله ايه لو اتكلم تانى وأنا كده صح ولا غلط لما قلت له متكلمنيش بالهزار ده تانى

[حجابي هو عفتي 159]

في الحقيقة موضوع صعب وخصوصا على الستات الغلابة الي زينا ما اقدر اقو ل لك شيء الا انك تدعيلو بالهداية حبيبتي وان شاء الله ما يعود يكلمك في الموضوع

ارجو من الي يقدر يفيدك يدخل بسرعة حتى نقدر نستفيد كلنا

بالتوفيق حبيبتي عذرا على قلة خبرتي

[**راضية** 1996]

صراحة أؤمن حقا أن الرجل الذي يصرح بالامر هو الذي نادرا ما يستطيع فعله حقا

[وأشرقت السماء 1565]

صراحة أؤمن حقا أن الرجل الذي يصرح بالامر هو الذي نادرا ما يستطيع فعله حقا

 

يا سلاااااااااااااااااااااااام

نفسي رأيي بالظبط شكلك حكيمة مثلي :)))))))))

[basmat 7ayah 17]

انا شايفه انه عادى بس طالما بتضايقى يبقى لازم تاخدى موقف جاد مش هزار عشان تحلوا المشكله .. وربنا يسعدكم

[أم زيــــاد 881]

والله يا حبيبة

الزوج لو عايز يتزوج حيعملها

 

بس هزاره ده ثقيل شوية

خاصة انو تكرر

 

تطلبي منو يوقف هزاره وخلاص

 

وحاولي تشوفي لو مقصرة معاه في حاجة

وسدي اي ثغرة ممكن تخليه يشوف برا

 

وفقك الله

[أم حبيبة المصرية 2011 20]

الله يدبرلك امرك وما تتعبيش نفسيتك وكما قالوا الاخوات انه كثر ما بيقول ساتزوج هو فى الحقيقة نادرا ما يكون ولا تشعريه عندما يخبرك بذلك انكى الا مبالاه بما يقول وضعى تحت كلمتك هذه{مش فارق معايا} مائة خط فى رجال احيانا يلقون بهذه الكلمات لكى يختبر زوجته ان كان مايريد الزواج فيختبر مدى تمسككى به وان كان يريد الزواج فيجس النبض هل موافقه على ذلك لكى يطمئن ويصل الى مراضه ، فانظرى زوجك اى الرجلين وتصرفى بكياسة وفهم.وربنا يصلح الاحوال

[درصاف 73]

حصل معي هذا في بداية زواجي وكنت أتضايق جدا، فاتفقنا على أن لا نمزح أو نتحدث في هذا الموضوع إلا إذا فعلاً أراد يوماً ما أن يعدّد

ورغم هذا الاتفاق بقي أحيانا يمزح المزحة ذاتها

إلى أن سمع أحد المشايخ في المسجد، جزاه الله خيرا، تحدث في الموضوع ونهى الإخوة عن المزاح بهذا الشكل لأنه تلاعب بمشاعر الزوجة ويسبب لها التوتر وعدم الأمان

فهي ستبقى في كل لحظة تتوقع أن تسمع خبر زواج زوجها وتبقى تتخيل حياتها وحياة أطفالها بعد أن يعدد

وهو ما سيؤثر كثيرا على نفسيتها وحياتها وسيفوّت عليها التركيز في طاعاتها وأعمالها وغير ذلك

صراحةً رأيته رأيا موفقا جدا، ولله الحمد زوجي منذ ذلك الوقت لم يمزح في هذا الشأن

الله يستر (:

[راغبة بالفردوس 477]

ههههههههههههه

علي فكره انا زوجي كمان نفس النوعيه ( وعلي فكره الرجل بيعمل كدا علشان يشوف رده فعل المرأه .. لأنه بينبسط قوي لما يلاقيها متضايقه من هذا الشئ )

 

بس قرأت مره علي فكره حلوه وطبقتها والله نفعت معي

 

جه زوجي مره يقول لي انه هيدور بقي علي واحده ثانيه ( وانا مثل الهبله كل مره اقوله هطلب الطلاق لو فعلتها )

لكن هاي المره قلتله ( عادي روح تزوج ياسيدي ) فنظر لي بإستغرب وقالي يعني عادي عندك .. قلتله ايوه عادي خالص

فقال لي وهو بيضحك ( خلاص توكلنا علي الله هروح اتزوج واحده تانيه ) .. وقالي يعني مش هتغيري طيب

قلتله لا .. أساساً لو تزوجت عليّ فما عدت هحبك ولو اصبحت ما بحبك يبقي مش هغير عليك لأن الغيره وقتها هتموت ومش هيبقي في غيره هههههههههههههههههه

 

فقعد يقول لي ( صحيح ماعدتي هتحبيني .. صحيح ماعدتي هتحبيني ) وقلب الموضوع وخلاه موضوع .. هفضل احبه ولا لا هههههههههههههههههه

 

وبعدها فين وفين لما يجيب لي سيره الموضوع ده تاني ههههههههههههههه

[أم زيــــاد 881]

طيب ممكن مثل ما قالت الاخت تدوري على محاضرات مثلا تتكلم عن هذا الموضوع

وتخلي زوجك يستمع لها

عشان يبطل يكلم بالموضوع ده

[ساجدة للرحمن 2049]

السلام عليكم ورحمة الله وبركاته

الله المستعان

يسر الله لك يا غالية

لا أعرف صراحة ماذا يقصد زوجك من هذا الأمر

ربما كما قالت الأخوات أن الرجل الذي يفعل ذلك نادرا ما يعدد بالفعل

ولكن قد يكون أيضا أنه يحاول أن يمهد لك

الأمر يختلف من رجل لآخر

ولكن في كلا الحالتين يا غالية فعليك أن تفوضي أمرك لله

لأن الزوج لو أراد أن يتزوج وقدر الله عليك هذا الأمر فلن تستطيعي أنت ولا غيرك أن تفعلي شيء

ولو قدر الله أنه لا يتزوج فمهما فعل وحاول فلن يستطيع إلا أن يقدر الله

فارتاحي غاليتي ..وأعلمي أن ما قدره الله هو ما سنلاقيه

ولا داعي لتنغصي عليك حياتك وعيشتك

وحاولي ألا تقصري في حق من حقوقه ...

أسأل الله أن ييسر لك

[هبة عبد العظيم نور 2042]

اطمني يا ضنايا

 

الراجل اللي يقعد يقول هتجوز هتجوز كل شوية

 

ده اصلا مش ناوي

 

ما تخافيش

 

هو بس بيغيظك

 

مرة واحدة مرات صاحب جوزي كانت قاعدة معايا وقالتلي

 

جوزي على طول يقولي انا يا حبيبتي عمري ما افكر اتجوز عليكي

 

انتي مالية علية كل حياتي ومش منقصاني حاجة

 

انا لو لفيت الدنيا مالقيش ضفرك

 

طبعا ان سمعت منها الكلام وروحت قولت لجوزي

 

شوفت صاحبك بيطمن مراته ازاي انه عمره ما هيتجوز وانه بيحبها حب جنون

 

راح جوزي قعد يضحك اوي ويقول يخرب عقلك يا وائل هو قالها كدة صحيح ؟

 

قولتله ودي فيها ايه

 

قالي اصله فعلا عايز يتجوز ومستني لما ظروفه تتحسن شوية ههههههههههههههههههه

[sara soror 87]

ههههههههههه

ضحكتيني يا خالة ستيتة والله من أول الكلام كنت عارفة انو عكس كده الله المستعان

 

بالنسبة لي أنا أنا اللي كل شوية أتعصب على زوجي أقوله خلاص روح تزوج أنا رح زوجك وكلام زي كدة فمرة تعصب مني زوجي وعارفين قال لي ايه ؟؟؟ صدمني بكلاموا فكان بمتابة نصيحة أعلقها قرط في وداني

 

قال لي يا سارة عارفة لو الراجل عايز يتزوج هيتزوج برضا مراته أوبغير رضاها وبمجرد ما تكون عنده الفكرة عندوا بيطبقها ولكن اعلمي أن تطبيقها بتكون زوجته هي اللي مساهمة فيها أ

 

كثر من 50 في المئة المهم قال لي أخيرا ان كان قدر لي الله الزواج هتزوج لكن اعلمي أن فكرته أبدا ما عندي في بالي ولا بنسبة 1 في المئة لكن انت بتحاولي تدخليها براسي بقولك تزوج أنا أزوجك ...... فصدمت من كلاموا وخفت وسكتت وراح يضحك يضحك فقال لي أعطيك عهد الله وأشهد الله على قولي أنني لن أتزوج عليك لاني لا أستطيع العدللللللللللللللللل بالمرة وأخاف أن آتي يوم القيامة وضلعي أعوج وظليت ساكتة كأني ماصدقت الوعد فقال لي اعلمي يا سارة مهما بلغت المرأة من جمال وحسن وأناقة فلا تملك قلب الرجل وكيانه إلا بثلاثت أشياء أساسيين

 

الأول ... التقوى

ثانيا ... السمع والطاعة

ثالثا ...بحسن الخلق

حينها يكون الرجل بساطا تمشي عليه وبهذه العبارة قالها أكون لك سجادة تمشي عليها

فكانت نصيحة زوجي لي غاية في الأهمية وحاولت تطبيقها في حياتي الزوجية والحمد لله

[**راضية** 1996]

بارك الله لك في زوجك يا سارة حافظي عليه فقليل من الرجال من ينظر للأمر بهذا المنظور و قليل منهم من ينصح زوجته و يعطيها مفتاح التعامل معه جاهزا.....

[((مــريــم)) 35]

ما شاء الله

دي الازواج كلها كده

أعجبتني حكمتك يا اشروقه انتي وموده

فكره حلوه يا رغوبه

أما يا ساره النصيحة فهي رائعه

ربنا يعافينا يااااارب

الإكثار أيضاً من قول ""ربنا هب لنا من ازواجنا وذرياتنا قرة أعين واجعلنا للمتقين إماما"""

له أثر كبير في حل أي مشكله

الله يوفقنا وإياكن

[ام عبد الله2010 58]

ماشاء الله نصائح مفيدة كلها ربنا يباركلكوا ويهدي ازواجنا جميعا