.~زينب محمد~. 100 أرسلي تقرير عن المشاركة قامت بالمشاركة 20 أبريل, 2013 (معدل) هههههههههههههههه ست قويه ماشاء الله :D موضع ان البنت الصغيره متتجوزش قبل الكبيره ده مش بيعجبنى يعنى مثلا لو جه للصغيره واحد كويس واخلاق وفيه كل الصفات الحلوه يرفضوه لمجرد ان اختها الكبيره لسه متجوزتش وصراحه سن احمد كبير على هاجر اوى انا مش موافقه على الجوازه دى :D فرق يبقى اكتر حاجه 7سنين بس اما كده كتير وحطكايه كمان حنين ورومانسى اهم حاجه الدين والخلق كما قال النبى من جاءكم ترضون دينه وخلقه فلما تلاقى فيه دول هتلاقى فيه الحنيه: :) وبرضوه انه مسافر بره عادى ما كل البنات كده دلوقتى مفيهاش حاجه من رأيي متابعه معاكِ تم تعديل 20 أبريل, 2013 بواسطة *زينب* شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 20 أبريل, 2013 ها يا جماعة ايه رأيكو والله يا فتحي هو اذا كان بالمواصفات وبالاخلاق دي يبقى انسان ممتاز ايوة يا ابو مروة بس ازاي نجوز هاجر قبل سارة وفيها ايه يا ام مروة . كل واحد وبياخد نصيبه . وسارة ان شاء الله ربنا يبعتلها ابن الحلال اللي يستاهلها لأ انا بصراحة خايفة على مشاعر سارة . ازاي يعني نجوز اختها الصغيرة وهي لسة ما اتخطبتش حتى اسمحيلي يا حماتي انا مش معاكي . انا رأيي من رأي عمي . ماينفعش تضيعوا فرصة كويسة زي دي من هاجر وصدقيني احمد ما يتعوضش لأ لأ لأ يا فتحي يابني حماتك خايفة من بعد بنتها عنها هههههههههه بصراحة ده كمان سبب . يعني يا ناس ابقى في بلد وبنتي في بلد وما اعرفش اطمن عليها واشوفها يا ام مروة الست مكانها مكان جوزها . وياما بنات بيتجوزوا جنب اهاليهم ومع ذلك اجوازهم في قمة السوء وبيعاملوهم ابشع معاملة ووجود اهلهم مش نافعهم بحاجة انا ادي بنتي لراجل يصونها ويتغرب بيها ولا اديها لراجل يهينها ووجودي جنبها ما يفيدهاش . الفيصل هو الدين والالتزام مش القرب والبعد نعم الرأي يا عمي والله طيب مش نشوف رأي العروسة الاول ادخليلها يا مروة وكلميها على انفراد ماقولتليش يا هاجر نعم يا مروة ايه رأيك في الشاب اللي شوفتيه النهاردة داخل عندنا شاب مين وداخل فين . انا ماشوفتش حد يا بنتي اللي كان مع فتحي ما اخدتش بالي يا مروة والله . هو في ايه ؟ اصله عايز يخطبك هو مين ده وعايز يخطب مين هو ايه الحكاية بصي يا ستي الراجل اللي كان مع فتحي ده صاحبه وبيشتغل محاسب في الكويت ومسافر بعد شهر وعايز يتجوزك وياخدك معاه ايه يا مروة اللي بتقوليه ده . اسافر مع مين . اسافر مع واحد ما اعرفوش واروح بلد غريبة . ايه الكلام ده بصي بقولك ايه ده انسان هايل بجد وفتحي بيشكر فيه ومعجب بيكي جدا معجب بيا ازاي وانا ما شوفتوش ماهو ده اللي عجبه فيكي هههههههههه يعني ايه عجبتيه عشان خجلك وانك ما بصتيش في وشه حتى وانتي خارجة فلفتي نظره ليكي جدا يا سلام . يقوم يقرر يتجوزني وياخدني ويسافر . بس انا بقى مش موافقة تبقي عبيطة ليه بقى يا بنتي بقولك فتحي مرشحه وبيشكر فيه يعني مش هنرميكي لواحد من الشارع وكمان في ميزة مهمة جداااااااااااااااااااااااااااااااااااااااا ايه هي انك هتسافري معاه . يعني مافيش حماة تنكد عليكي ولا اخت جوز تأرفك في عيشتك ولا سلفة تقعد كل شوية تخمس في وشك هتبعدي عن كل الهم ده وهتبقي انتي وجوزك في بلد لوحدوكو . قمة الرومانسية . يا بختك يا هاجر يا محظوظة يا هاجر هههههههههههههههه هههههههههههههه ايه الحقد ده من اولها يا ست مروة استخيري يا حبيبتي وردي علينا وكمان اتشاوري مع بابا وماما وربنا يقدم ما فيه الخير طيب هو اسمه ايه الله . دانتي ابتديتي تحنيله بقى ههههههههه بس بقى يا مروة بتكسف اسمه احمد يا ستي . الله . هاجر واحمد . اساميكو لايقة على بعضها خالص عنده كام سنة عنده اتنين وتلاتين سنة ايه ده . دا اكبر مني بكتير خالص . عشر سنين بحالهم مش مشكلة يا حبيبتي . الستات بيعجزوا قبل الرجالة . يعني فرق السن مناسب جدا خلاص هصلي استخارة ان شاء الله تررررررررررررررررررن ترررررررررررررررررررررررن ايوة يا فتحي ايوة يا احمد . حددتلك معاد بكرة مع ابو العروسة الساعة تمانية ونص مساءا وربنا يوفق ان شاء الله ايوة كدة اهي دي الصحوبية ولا بلاش ههههههههه طيب هات العنوان عشان اخد والدي ووالدتي ونروح بإذن الله شارك هذه المشاركه رابط المشاركه شارك
(سجى الليل) 65 أرسلي تقرير عن المشاركة قامت بالمشاركة 20 أبريل, 2013 :) ماشاء الله فعلا نوع هاجر هذا قارب على الإنقراض والله المستعان أكملي يا حبيبة :) شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 20 أبريل, 2013 فتحي ايوة يا حبيبتي شايف التفاح الأمور ده ايوة شايفه شكله حلو مش كدة ؟ تحبي اخدلك صورة جنبه يا حبيبتي ههههههههههه لأ يا سيدي عايزاك تشتريلي عشان بتوحم عليه . ولا انت عايز الواد يطلع في وشه تفاحة انا عيوني للواد وام الواد . حاضر حبيبتي تررررررررررررررررن تررررررررررررررررررن مين انا فتحي يا امي السلام عليكم ازيك يا ماما وعليكم السلام يا الف اهلا وسهلا . اتأخرتوا ليه ان شاء الله على ما اقنعنا العروسة واهلها وايه الشنطة اللي في ايدك دي دا تفاح طلبته مروة وهو كل اللي تطلبه مروة تجري تجيبهولها . يابني حرام عليك هو انت قاعد على مطبعة فلوس ياامي دي بتتوحم يا حلاوة ياخويا . اللي بتتوحم تتوحم على حتة جبنة قديمة ولا شوية فول حيراتي مش تتوحم على تفاح . وجايب كام كيلو تلاتة كيلو . ليه ياابني تلاتة كيلو بحالهم تجيبهم للهانم . حرام عليك شقاك ياابني اللي عمال تبعتروا ع اللي يسوا واللي مايسواش ده. جبت الكيلو بكام بتمنتاشر جنيه يا وكستك في ابنك يا مديحة . تمنتاشر جنيه الكيلو . استنى احسبهوملك . تمنتاشر وتمنتاشر يبقوا ستة وتلاتين وعليهم تمنتاشر يبقوا !!!!!!!!!!!!!!!!!!! قلبي قلبي مش قادرة اقول . دفعت اربعة وخمسين جنيه في شوية تفاح . حرام عليك يابني . حرام عليك توجع قلب امك . خد الهانم واخفى من وشي الساعة دي حاضر . يلا يا مروة سيب الشنطة بتاعة التفاح هنا . ولا انت جايبه للأميرة نازلي لوحدها لأ يا امي هحطه في طبق الفاكهة في السفرا واللي عايز ياكل أصيل يافتحي يابني شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 20 أبريل, 2013 صباح الخير يا مروة صباح النور يا حبيبي هو التفاح اللي اشتريته راح فين ؟ انا لقيت طبق الفاكهة في تلات تفاحات بس اقولك يا حبيبي . انا قلقت بالليل وقومت عشان اشرب لقيت مامتك بتعبي التفاح اللي في السفرا في كيس نايلون وجريت بيه على اوضتها هههههههههههههههههههه معقول معقول ونص بس امي كريمة برضو سابتلنا تلات تفاحات هههههههههههههه انت بتضحك يا فتحي معلش يا حبيبتي . ست كبيرة وعقليتها كدة هنعمل ايه . انا هجيبلك غيره ما تزعليش ماهي برضو هتاخده تخبيه لأ ما تخافيش . خليه عندك في اوضة النوم يا مروة نعم يا ماما ممكن يا مرات ابني يعني لو مافيهاش رزالة وقلة ذوق مني تعمليلي كوباية شاي . ولا مرواحك المطبخ فيه خطورة على الاستاذ البيبي كفالله الشر لأ مافيش خطورة ولا حاجة حاضر لو فيها خطورة ابعتلك تاكس يوديك ويجيبك من المطبخ ولا يهمك . احنا ما ورناش الا راحتك . انتي معنا في ايدي امينة شكرا يا ماما . مالوش لزوم التاكسي . تحت امرك هي مالها مرات ابني مكشرة في وشي ليه . زي مااكون قتلتيلها قتيل . اه يا مظلومة ياني . بسرعة يختي هو انتي لسة ماجبتيش الشاي شارك هذه المشاركه رابط المشاركه شارك
**حنين للجنة** 16 أرسلي تقرير عن المشاركة قامت بالمشاركة 20 أبريل, 2013 تحففففففففففففففة يا هبه ربنا يحفظك ويبارك فيك ويرزقك كل خير وييسرلك كل امورك بجد انا بحب الحلقات موووووووووووووووت ولما تكونى موجودة بفضل اعمل ريفريش للصفحة كل دقيقة علشان اشوف الحلقة الجديدة اقولك سر انا مابدخلش المنتدى غير علشان اشوف ام فتحى وامشى هيا ام فتحى دمها خفيف بس مفترية اوووووووى وبتجيى على مروة جامد انا بتعصب لمروة ربنا يكملها بعقلها بجد هيا ومامتها مثال رائع مرات ممدوح ومامتها بقى نسأل الله العافية انا نفسى فتحى يراضى دايما مروة لانها بجد تستاهل كفاية انها مستحملة الست الوالدة وعمايلها بس نفسى اعرف اخرتها اية مروة هاتفضل طول عمرها كدا ولا حماتها حاتخف عليها ولا هايمشوا ويسبولها البيت شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 20 أبريل, 2013 وحشتووونى ووحشتنى الست ام فتحى ومبرووووك لمروه على الحمل ومبروووك لهاجر وان شاء الله الزواج يتم على خير مبدعه يا هبه ما شاء الله عليكى بألى 10 ايام النت عندى كان فاااااصل واول لما جه جريت جرى اشوف ايه اللى حصل لقيت فاتنى كتير اوووى بس الحم لله قرأت كل اللى فاتنى وبالنسبه للشكر حبيبتى هبه ربنا يبارك فيك يا جميل ولا شكر على واجب لان ده حقك ان يتكتب اسمك على عى عمل يحب حد انه ينقله لمنتدى اخر دى أمااااانه شارك هذه المشاركه رابط المشاركه شارك
(نشوى) 105 أرسلي تقرير عن المشاركة قامت بالمشاركة 20 أبريل, 2013 جميل يا هبة، ما شاء الله عليكِ في انتظار البقية :) شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 20 أبريل, 2013 السلام عليكم ورحمة الله وبركاته بارك الله فيك هبة الحبيبة .. سبحان الله أثرت قضيتين مهمتين في القصة زواج الأخت الصغرى قبل الكبرى ..وهذا للأسف مازال موجودا في مجتمعاتنا وإن كان أفضل من ذي قبل فالأهل يرفضون زواج البنت الصغرى قبل الكبرى مع أن الأصل " إذا جاءكم من ترضون دينه وخلقه فزوجوه " أما الأمر الآخر فهو سفر الفتاة مع زوجها ^__^ كنت أتكلم مع زوجي في هذا الأمر وقلت إذا حدث فلن أوافق أن تسافر ابنتي وسأشترط هذا في الزواج ..لأنني جربت الغربة وأعرفها جيدا كم أنا أنانية : ) الإبتعاد عن الأبناء أم مؤلم ... فهي ستكون مغتربه في بلد بعيد لا أعرف عنها إلا ما تخبرني هي به ولكن أعتقد وقت الجد لن أمانع إذا كان صاحب دين وخلق : ) بوركت يا حبيبة وجزاك الله خيرا 2 شارك هذه المشاركه رابط المشاركه شارك
ساره أم حمزه 1040 أرسلي تقرير عن المشاركة قامت بالمشاركة 20 أبريل, 2013 امممممم هو صحيح ان ميمنعوش العريس عن الصغيره بسبب الكبيره بس الصراحه بتبقى حاجه صعبه جدا وبيبقوا مهتميين بقى بالعروسه وسايبببين الكبيره وانا كمان مبحبش اللى طالع الايام دى كتير اتجوزوا وسافروا وفى منهم مشافتش امها بقالها 8 سنين واكتر مبحبش كده @ ممكن تعدلى كلمة الحمد لله ^^ @@ساجدة للرحمن ممكن تعدلى إذا جاءكم ^^ شارك هذه المشاركه رابط المشاركه شارك
(أم *سارة*) 981 أرسلي تقرير عن المشاركة قامت بالمشاركة 20 أبريل, 2013 لو فيها خطورة ابعتلك تاكس يوديك ويجيبك من المطبخ ولا يهمك . احنا ما ورناش الا راحتك . انتي معنا في ايدي امينة بجد أم فتحي دي عسل والله :) ماشاء الله فعلا نوع هاجر هذا قارب على الإنقراض والله المستعان أكملي يا حبيبة :) لا ساجو لسة ما انقرضش هاجر بنتي الحمد لله في الكلية وما فيش حد من الشباب يجرؤ يكلمها واللي يحاول يكلمها صاحبتها رب يبارك لها تاكله بأسننها لأنها وشها بيحمر ومش بتعرف ترد على حد 1 شارك هذه المشاركه رابط المشاركه شارك
(سجى الليل) 65 أرسلي تقرير عن المشاركة قامت بالمشاركة 20 أبريل, 2013 لو فيها خطورة ابعتلك تاكس يوديك ويجيبك من المطبخ ولا يهمك . احنا ما ورناش الا راحتك . انتي معنا في ايدي امينة بجد أم فتحي دي عسل والله :) ماشاء الله فعلا نوع هاجر هذا قارب على الإنقراض والله المستعان أكملي يا حبيبة :) لا ساجو لسة ما انقرضش هاجر بنتي الحمد لله في الكلية وما فيش حد من الشباب يجرؤ يكلمها واللي يحاول يكلمها صاحبتها رب يبارك لها تاكله بأسننها لأنها وشها بيحمر ومش بتعرف ترد على حد ربي يبارك لك فيها الحبيبة منال وفي صاحبتها وفي كل بنت عفيفة شارك هذه المشاركه رابط المشاركه شارك
نور قلبي القران 430 أرسلي تقرير عن المشاركة قامت بالمشاركة 20 أبريل, 2013 السلام عليكن ورحمة الله وبركاته بارك الله فيك اختنا هبة سمعت عن امرأة رفضت ان تزوج ابنتها الصغرى وذلك لأن أخوتها الكبيرتان لم يتزوجا بعد والصغيرة هي الوحيدة التي يتقدمون لخطبتها والأم ترفض وذات يوم سألت أحد المشايخ فقال لها بأن زواج البنت الصغرى هو مفتاح للكبيرتان وسبحان الله مذ خطبة الصغرى تدم احدهم لخطبة الكبى بعدها الثانية والحمد لله الآن الكل متزوجات :) أنا برضه لما يخطبني أي حدا وأختي الكبيرة تقولي عادي مافيش اي حاجة وسبحان الله بتبقى تسألني ليه رفضت وتخبرني عن الميزات اللي فيه والحمد لله...وأخيرا هي قبلنا هههههههههههههههه شارك هذه المشاركه رابط المشاركه شارك
ساره أم حمزه 1040 أرسلي تقرير عن المشاركة قامت بالمشاركة 20 أبريل, 2013 ]وذات يوم سألت أحد المشايخ فقال لها بأن زواج البنت الصغرى هو مفتاح للكبيرتان[/b] فعلا وخصوصا مثلا لو كانت الصغيره احلى منهم فعشان كده العرسان بيتقدموا ليها هيا فلما تتجوز مش هيبقى قدامهم إلا الكبار وهيشوفوا حلوين انما مثلا كانوا شافين الكبار حلوين بس الصغيره احلى خلاص ناخد الصغيره شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 21 أبريل, 2013 جميل ما كتبتي يا هبه فعلا مشكله زواج الاخت الصغرى قبل الكبري مشكله بتواجه كتير من الناس بالنسبه ليا الامر عادي جدااا انا اختي الصغيره اتجوزت وخلفت وانا كنت لسه وما كنت زعلانه خالص وكمان موضوع ان الاهل يرفضو جواز بنتهم علشان العريس هيسافر وبتها هتسافر معاه ايه المشكله في كدا المفروض لو مناسب تدعي ربنا يرفقها في حياتها اصلا لو جوزتيها جمبك هتمنعي عنها الي مكتوب ليها؟؟ كله بتاع ربنا ام فتحي عثللللللللللللللللللللللللللللللللللللللللل ودت التفاح فين ههههههههههههههههههههههههههههههههههههه شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 21 أبريل, 2013 والله مفيش حاجه لو الاخت الصغيرة اتجوزت قبل الكبيره عادي يعني وبخصوص فرق السن بين هاجر واحمد عادي مش كتير وبعدين كل ماكان الراجل فاهم وناضج كان افضل للبنت بيقدرها ويعرف قيمتها وقادر على تحمل المسؤوليه وبرضه عادي لما ياخدها ويسافر بيها المهم يكونوا متفاهمين وسعداء احسن من قريبين من اهلها ومش مبسوطين فتحي كلامه مظبوط وهاجر عجبني تفكيرها اول حاجه تعملها صلاة الاستخارة دا الصحيح وربنا يقدرلها الخير اما ام فتحي دي عصبتني بجد مستكترة التفاح وكمان خبته عنها حرام اللي بتعملوا ده ربنا يهديها وتكون شايلاه علشان كل مامروة تتوحم على التفاح تقوم مطلعلها نص تفاحه وتقولها كلي تسلمي ياهوووبه العسووووووووله كملي ياحبيبتي شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 21 أبريل, 2013 هاجر نعم يا ماما قولتي لسارة ان جايلك عريس لأ ليه يا حبيبتي بصراحة يا ماما خايفة اقولها لتزعل تزعل من ايه بس يعني يا ماما عشان هي الكبيرة والمفروض انها تتجوز الاول لأ مش مفروض ولا حاجة . اللي يجيلها نصيبها الاول هي اللي تتجوز الاول طيب يا ريت يا ماما تقوليلها انتي . انا مش قادرة اقولها سارة حبيبتي نعم يا ماما مش تباركي لهجورة اباركلها على ايه يا ماما جالها عريس عقبالك ايه !!! عريس !!! عريس لهاجر انتي اتضايقتي يا حبيبتي انا ......... لا ......... لا انا ما اتضايقتش يا ماما ابدا انا فرحت خالص انا عارفة انك هتفرحي لاختك يا حبيبتي . عقبال ما افرح بيكي يارب لكن مين العريس ده وعرفتوه منين صاحب جوز اختك واشمعنى اختاروله هاجر والله يا بنتي ما حد اختار لحد لحاجة . هو شاف هاجر عند مروة وعجبته اه عشان كدة بقى الاجتماع السري بتاع امبارح بين مروة وهاجر سارة . انتي زعلانة مش كدة ؟ لا يا ماما . بس كان المفروض هاجر ومروة يقولولي ولا انا مش اختهم يعني معلش يا حبيبيتي . اديني انا قولتلك اهو . وبعدين احنا حتى لسة ما شوفناش العريس ولا نعرف هنوافق ولا نرفض كفاية هاجر شافته يا ماما . كفاية رأيها هي والله ما شافته . هي كانت نازلة من عند اختك وما شافتوش . انتي عارفة هاجر وخجلها طيب في حاجة مطلوبة مني يا ماما . اصلي مشغولة ومش فاضية لأ يا حبيبتي اسيبك تشوفي اللي وراكي اهلا وسهلا يا استاذ احمد اهلا بيك يا عمي اهلا يا استاذ عبد المنعم اتشرفنا بيك وبالمدام اهلا بيك يا استاذ صابر . احنا اللي زادنا شرف فين العروسة يا ام مروة حاضر هتيجي حالا يا هاجر نعم يا ماما جهزتي ولا لسة جاهزة يا ماما طب يلا يلا ايه اخرجي عشان تشوفي العريس يوه يا ماما هو لازم اشوفه ؟ اومال هتتجوزيه من غير ما تشوفيه مكسوفة اوي يا ماما . طب هاتيلي صورته وخلاص يلا يا بنت بلاش دلع ايه ده انتي مال ايدك متلجة كدة يا هاجر يابنتي يلا هو انا هجرجر فيكي كدة لحد الصالون ولا ايه يلا سمي وادخلي طيب دخلي سارة بدالي انا متنازلة عنه لاختي بصي ما تخلنيش اتعصب عليكي يلا خلصيني اتفضلي ادخلي طب اقولهم ايه ما تقوليش حاجة . قولي السلام عليكم واقعدي طب اقعد فين يا ربي ياربي طب خلاص يا ماما حاضر حاضر ادخلي يا عروسة السلام عليكم وعليكم السلام ورحمة الله وبركاته ماشاء الله الله . عروستك زي القمر يا احمد حماتك بتقول عليكي حلوة قوليها شكرا مش هقول حاجة يا ماما انا داخلة اوضتي يا بنت خدي هنا يا بنت معلش يا جماعة اصلها مكسوفة انا اسفة خالص ماشاء الله . ربنا يزيدها حياء ربنا يخليكي يا ام احمد والله انا اتشرفت بيكي يا ام مروة ربنا يخليكي يا حبيبتي ها ندخل في الموضوع بقى يا استاذ احمد ترررررررررررررررررررررن ترررررررررررررررررررررررررررن الو ايوة يا ماما عملتوا ايه باركي لاختك وافقت على العريس وابوكي وافق الحمدلله مبروك مبروك الحمدلله والله فرحتيني يا ماما هو بصراحة شاب مهذب جدا ما يتخيرش عن فتحي جوزك وارتحناله خالص هيجيب شبكة بكام والله انتي عارفة يا مروة ابوكي مش بيدق على الحاجات دي . لكن العريس قال انه هيجيب شبكة بتلاتين الف ماشاء الله ماشاء الله . ده واقع لشوشته بقى ههههههههههههههه هاجر طيبة وتستاهل كل خير . وكمان قال انه هيجهز كل حاجة وعايزها بشنطة هدومها ايه الجمال ده . طب والله فرحتيني اكتر باباكي بقى قال انه هيجيب لهاجر بفلوس جهازها دهب عشان ما يظلمهاش بابا ده ونعم الاب والله ربنا يخليه لينا بس سارة شكلها متضايقة انا كنت متوقعة يا ماما . معلش غصب عنها . ربنا يبعتلها ابن الحلال قريب ان شاء الله يارب يا حبيبتي اسيبك بقى دلوقتي مع السلامة الله يسلمك يا ماما فتحيييييييييييييييييييييييييييييييييييييييييييييييييييييييييييييييي تعالى اقولك خبر حلو شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 21 أبريل, 2013 خير يا مورا يا حبيبتي هاجر وافقت على العريس خلاص وتخيل هيجيب شبكة بتلاتين الف ماشاء الله الف مبروك ربنا يتمم بخير . هو مييييييييييييييين ده اللي هيجيب شبكة بتلاتين الف جنيه يا فتحي يا بني ده احمد صاحبي هيجيب لهاجر اخت مروة يا نهاري . ضحكو ع الواد واكلوه البالوظة زي ما اكلوهالك . وازاي امه توافق على الكلام الفاضي ده . حموات ايه اللي هتجيبلنا العار وتبوظ سمعتنا دي يا امي واحنا مالنا واحنا مالنا ازاي . اديني نمرة امه يا واد عايزة نمرة امه تعملي بيها ايه بس افهمها ووعيها باين عليها خام في عالم الحموات . دي زميلة ولازم اقوم معاها بالواجب ربنا يتمملهم بخير اندهلي مراتك اللي اسمها ايه دي تعالي يا مروة كلمي امي نعم يا ماما هو العريس هيجيب كام اوضة وانتو هتجيبوا كام اوضة لأ احنا مش هنجيب حاجة خالص . هياخدها بشنطة هدومها هو انتوا حيلتكو هدوم اصلا عشان تحطوها في شنطة ربنا يسامحك يا ماما ايوة ايوة انا فهمت . اكيد لما جم وشافوا البؤس والفقر والمنطقة اللي انتو عايشين فيها صعبتوا عليهم ومارضيوش يخلوكوا تبيعوا البلاط عشان تجهزوا البت جرا ايه يا ماما . هما اهلي شحاتين لأ جعانين ومش لاقين تاكلوا . فقر وعنطزة . امك يوم فرحك كانت لابسة عباية واسعة زي البحر عليها . تلاقيها كانت شحتاها وتاني يوم رجعتها لاصحابها شا يف كلام مامتك عن اهلي معلش يا حبيبتي فوتي والله انا مش عارفة اقوت ايه ولا ايه انا زهقت شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 21 أبريل, 2013 منورييييييييييييييييييييييين يا بنات والله كلكم هرجع تاني للترحيب بيكو يا حبيباتي الموضوع حلو بتواجدكم والله شارك هذه المشاركه رابط المشاركه شارك
ساره أم حمزه 1040 أرسلي تقرير عن المشاركة قامت بالمشاركة 21 أبريل, 2013 اممممممم هاجر عاملة زيي لما بطلع لعريس ايدى بتبقى سقعه ومنقطه دم احمر هههههه وبقعد افرك فيها عشان الدم يجرى فيها ههههه بس انا بقعد واتكلم الحمد لله مش بمشى زى هاجر الله يكون فى عون ساره ومروه من حماتها شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 21 أبريل, 2013 جميل ما سطرت يداك يا مبدعة لم يفتني شيء علي فكرة أتابع كل جديد أولاً بأول ^__^ لفت نظرى طريقة أم فتحي الغير لائقة فى الحديث مع مروة عن أهلها صراحة تحتاج وقفة من فتحى وأن يلفت نظر والدته حتى من باب البر لايترك والدته تقع فى غيبة الأخرين وتتحمل كل هذة الذنوب والتلطف مهم جداااااا لكن ترك الأمر لا يصح عجبني فى مروة أحساسها بالرضا والفرح لأختها ... كل بنت تأخذ رزقها سارة مخطئة من المفروض أن تفرح لأختها ولاتترك للشيطان مجالا أن يحزن قلبها فرزقها سيأتى إن شاء الله والله هذا الأمر تتعرض له الكثير من البيوت وأنني حقيقة أغبط البنوتات البشوشات اللاتي يفرحن لأخواتهن من القلب ولا يظهرن أي مشاعر غيرة أو حسد وهذا دور الأم تتحدث مع سارة وتتلطف معها أكثر وأكثر وعدم اجتنابها في التجهزات حتي لا يلعب الشيطان بها وتتملك الغيرة من قلبها بل إشراكها وأخذ رأيها والدعاء لها بين الحين والأخر سلمت يا هوبة 1 شارك هذه المشاركه رابط المشاركه شارك
إبنة علي 60 أرسلي تقرير عن المشاركة قامت بالمشاركة 22 أبريل, 2013 أحياناً لما الصغيره تتجوز قبل الكبيره يسبب عقده للكبيره وكمان ياثر في علاقتهم مع بعض ، بس كل قدر ونصيب وكل واحد ياخذ نصيبه مكان لازم إلي قالته أم فتحي عن أهل مروه عيب وكمان فتحي لازم ينصح أمه ويقول لها أن ما يحب أحد يحكي عن أهله بهذي الطريقه فمش لازمه هاي تحكي عن أهل مراته كدا ، ما شاء الله عليها مروة صبوره أنا لو مكانة كنت انفجرت ، أهلي خط أحمر ومش اسمح لي أي أحد يتجاوزه شارك هذه المشاركه رابط المشاركه شارك
إبنة علي 60 أرسلي تقرير عن المشاركة قامت بالمشاركة 22 أبريل, 2013 اممممممم هاجر عاملة زيي لما بطلع لعريس ايدى بتبقى سقعه ومنقطه دم احمر هههههه وبقعد افرك فيها عشان الدم يجرى فيها ههههه بس انا بقعد واتكلم الحمد لله مش بمشى زى هاجر الله يكون فى عون ساره ومروه من حماتها ربي يفرحني فيكي عن قريب يا جميل ويرزقك بزوج الصالح إن شاء الله أنت وكل بناتنا في المنتدى القمرات شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 22 أبريل, 2013 تررررررررررررررررررررررررررررن تررررررررررررررررررررررن الو ايوة يا احمد ازيك يا استاذ فتحي يا عديلي ههههههههههههههه ههههههههههههههههه باين عليك هتقع في اربيزي العمر كله . واهي ختمت بإننا اتجوزنا اختين ربنا يديم المعروف يا عم ان شاء الله ها ما قولتليش انطباع اهلك عن اهل هاجر امي مبسوطة جدا وطايرة بأم هاجر وعمالة تقولي ان حبيتها جدا ست طيبة وبنت حلال سبحان الله نفس رأي أمي فيها وكمان والدي معجب بوالد هاجر واخلاقه وتربيته لبناته ايوة فعلا عمي راجل محترم بجد وانسان هايل . ورأيهم ايه في العروسة نفس رأي ابنهم طبعا هههههههههههه ربنا يتمملك بخير ان شاء الله ان شاء الله . اتفقنا هنكتب الكتاب الجمعة الجاية عشان كمان نلحق نخلص اجراءات السفر لهاجر الف مبروك يا احمد . وياترى انا معزوم انا والمدام ولا لأ ههههههههههههه هفكر وارد عليك ههههههههههههه هههههههههههه ماشي ياسيدي . امي يا امي انتي فين يا امي انا هنا يا فتحي يا حبيبي . قاعدة في البلكونة وعايزة اشرب شاي ومش لاقية حد يعملي لأ ازاي بقى . انا هروح اعمل كوبايتين شاي واجي اقعد معاكي ونحكي مع بعض للصبح زي زمان الله . كانت ايام حلوة . قبل ماتيجي واحدة تشاركني فيك هو في حد يقدر يشاركني فيك يا جميل . انت اللي في القلب يا باشا ومالكش شريك ههههههههههه ربنا يخليك يا حبيبي ويجبر بخاطرك طيب هروح اعمل الشاي واجي تيجي لوحدك اوعى تجرجرلي حد معاك هههههههههههه لأ ما تخافيش مروة نامت احسن برضو عملت طيب الشااااااااااااااااااااااااااااااااااي يا ام فتحي يا قمر هات يا حبيبي تسلم ايدك كنت عايز اتكلم معاكي شوية يا امي في موضوع كدة خير يا حبيبي . عايز تتجوز على مراتك . من عيوني . الصبح اجيبلك ست ستها لأ يا امي انا بصراحة زعلان من طريقة كلامك عن اهل مروة هو انا قولت حاجة غلط يابني . انا بوصفهم بالاوصاف المناسبة يا امي مايصحش تقولي المنطقة اللي هما فيها مش حلوة وتنقصي من قدر ابوها وامها بالشكل ده انا يابني ما نقصتش ولا زودت انا شهدت بللي اعرفه عنهم غلط يا امي كدة يا حبيبتي دول مهما كان اهلها وهي ماتحبش حد يغلط فيهم جرا ايه يا فتحي هي الست هانم سلطتك على امك ولا ايه مروة مالهاش دعوة اومال مين اللي ليه دعوة . انت جاي تحاكمني ولا ايه يا فتحي . ايه يابني هو انت هتحجر على لساني . احط كمامة على بقى ومااتكلمش . مااخدش حريتي في بيتي ولا ايه يا امي انا مااقصدش والله . انا بس عايز العلاقة بينكم تكون كويسة بلا علاقة بلا نيلة . قوم يا واد من هنا وهات الكوباية اللي ايدك دي والله ما انت شارب شاي ولا قاعد معايا . يلا امشي لحسن احميك بالمية اللي في البراد دي عن اذنك يا امي تصبحي على خير ال خلاص الواد كبر وطلعله شنب وجاي يحاكمني . هو انت لولايا كان طلعلك شنب ولا بقيت راجل . ال ربي يا خايبة للغايبة شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 22 أبريل, 2013 ههههههههههههههههههههههههههههههههههههههههههههه حلوة دي زميله ولازم اوعيها ههههههههههههههههههههههههههههه متاابعه يا هبوبه شارك هذه المشاركه رابط المشاركه شارك
