هبة عبد العظيم نور 2042 أرسلي تقرير عن المشاركة قامت بالمشاركة 22 أبريل, 2013 تن تن تن ميييييييييين افتحي يا مروة انا ماما يا حبيبتي ماماااااااااااااااااااااااااااا ايه المفاجأة الجميلة دي يا حبيبتي وحشتيني هو انا لحقت اوحشك يا بكاشة والله يا ماما لما يعدي يوم مش بشوفك فيه بحس اني هتجنن واشوفك ربنا مايحرمنيش منك يا حبيبتي فين حماتك . انا جاية اعزمها على كتب كتاب هاجر طيب ما كنتي اتصلتي بيها بدل ما تتعبي نفسك وتيجي يا ماما ما يصحش يا حبيبتي . انا قولت اقدرها واجي بنفسي اعزمها كلك ذوق والله يا ماما . اتفضلي في الصالون هندهالك حالا ماما عايزة ايه يختي ماما برا جاية تعزمك على فرح هاجر يا سلام . دي بتفهم في الاصول بقى على كدة اهلا اهلا اهلا ام مروة يا الف خطوة عزيزة اهلا يا ام فتحي ازيك يا حبيبتي الله يسلمك من كل وحش . ايه يختي الغيبة الطويلة دي . بقالنا كتير ما شوفناكيش مشاغل بقى يا ام فتحي . بس على طول بوصلك السلام مع مروة الله يسلمك يا حبيبتي يا الف اهلا وسهلا . مروة يا حبيبتي يا مرات ابني ايه !!!!!! حضرتك بتكلميني !!!!!!!! ايوة يا حتة من قلبي . شوفي ماماتك تشرب ايه تشربي ايه يا ماما فنجان قهوة مظبوط يا مروة حاضر يا ماما بس القهوة وحشة ع الضغط يا ام مروة انا الحمدلله ما عنديش ضغط ما عندكيش ضغط ! ولا سكر ؟ الحمدلله ولا سكر اومال عندك ايه الحمدلله ربنا معافيني ماعنديش حاجة بفضل الله انا بقى عندي الضغط والروماتيزم ورجلي طول الليل تنئح علية عقبال عندك سلامتك الف سلامة ربنا يشفيكي ويعافيكي آمين يارب وازي غادة وهالة ودينا وولادهم بخير الحمدلله كلهم كويسين والاستاذ ممدوح ومراته وولاده ممدوح كويس بس مراته تخينة اوي . بتاكل زي الغيلان بعيد عنك . يا ستي مطرح ما يسري يمري هو بيمري ولا بيتمر يختي . ستات تجيب المرض . هو انا جالي الضغط من شوية ربنا يصلح حال الجميع ان شاء الله اتفضلي القهوة يا ماما تسلم ايدك يا حبيبتي والله يا ام مروة انتي غالية عندي اوي ودايما اشكر فيكي . حتى اسألي مروة كدة , لو انا كدابة تكدبني . ولا ايه يا مروة نعم !!!! اه اه طبعا طبعا طب دانا اول ماشوفتك يا ام مروة قولت ام مروة دي مش هتبقى حماة ابني بس دي هتبقى اختي الكبيرة اختك الكبيرة !!!!!!!!!!!!!! شكرا يا حبيبتي بس يا ماما على فكرة مامتي عندها سبعة واربعين سنة وممدوح عنده اتين واربعين سنة تبقى ازاي اختك الكبيرة شوفتي بنتك وطولة لسانها . يعني قصدك ايه يا يختي . قصدك ان امك من دور ولادي لالالالا يا ام فتحي ماتقصدش . مروة وبعدين . يابنتي عاملوا الناس على قدر عقولهم يا ماما دي عندها يجي ستين سنة ازاي تقول عليكي اختها الكبيرة يا ستي انا جدتها كمان اذا كان ده يريحها . اسكتي بقى منورة يا ام مروة نورك يا ام فتحي . على فكرة كتب كتاب هاجر يوم الجمعة ان شاء الله ولازم تشرفينا الف مليون مبروك فرحتلها اوي اوي اوي وخصوصا بالشبكة الغالية اللي هي تستاهلها . دنيا حظوظ الله يبارك فيكي ويخليكي . في انتظارك ان شاء الله . عن اذنك مع السلامة يا حبيبتي ابقى تعالي ماتغبيش الله يسلمك مع السلامة يا ماما انتي بقى اياك تعارضي كلام حماتك ولا تغلطيها فاهمة ولا لأ . ولا انتي غاوية مشاكل ووجع قلب حاضر يا ماما سلمي على فتحي الله يسلمك يا ماما مع السلامة شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 22 أبريل, 2013 (معدل) لاحول ولاقوة الا بالله ام فتحي دي ملهاش حل ابداااااااا وسبحان الله ام مروة دي حتة سكرة فاهمة ورزنة وبتمشي الامور بحكمه وعقل وقلبها طيب لولا كدا مكنتش استحملت ام فتحي دي وكمان بتهدي مروة وبتفهمها تتصرف بعقل وانا شفت فتحي كان تعاملوا مع امه كويس كان حابب انوا يفهمها متتكلمش على اهل مروة بالطريقه الوحشه بس هيا راكبه دماغها وشكلها مش طايقه مروة خالص -_- تم تعديل 22 أبريل, 2013 بواسطة المحبة للزهراء شارك هذه المشاركه رابط المشاركه شارك
المحبة للزهراء 231 أرسلي تقرير عن المشاركة قامت بالمشاركة 22 أبريل, 2013 لاحول ولاقوة الا بالله ام فتحي دي ملهاش حل ابداااااااا وسبحان الله ام مروة دي حتة سكرة فاهمة ورزنة وبتمشي الامور بحكمه وعقل وقلبها طيب لولا كدا مكنتش استحملت ام فتحي دي وكمان بتهدي مروة وبتفهمها تتصرف بعقل وانا شفت فتحي كان تعاملوا مع امه كويس كان حابب انوا يفهمها متتكلمش على اهل مروة بالطريقه الوحشه بس هيا راكبه دماغها وشكلها مش طايقه مروة خالص كملي يامبدعه ياهوبه عقبال ماروح اخد حبايه تهديني من ام فتحي دي شارك هذه المشاركه رابط المشاركه شارك
حواء أم هالة 1895 أرسلي تقرير عن المشاركة قامت بالمشاركة 22 أبريل, 2013 مبدعة كعادتك هبة الحبيبة =) بالنسبة لموضوع زواج الصغيرة قبل الكبيرة فأنا الصغيرة بين اخواتي واتخطبت الأول لكن اختي الكبرى لما علمت بالأمر لم تزعل بالعكس فرحت لي كثيرا رغم أنها كانت تتمنى ان تتزوج هههه يعني روحها مرحة زي ام فتحي بالظبط ههههههه وسبحان الله الناس قالو لأمي ليه زوجت الصغيرة قبل الكبيرة فأجابتهم العيد الصغير يسبق العيد الكبير ^ـــــ^ تمزح معهم أما سفر الزوجة خارج البلد فأنا من ايضا لا احب الابتعاد عن امي وبيتي لا يبعد عليها كثيرا ومع هذا اتمنى ان اسكن اقرب =)) فأنا لا احب ابنتي ان تسافر خارج بلدها صراحة شارك هذه المشاركه رابط المشاركه شارك
نجــ الليل ــوى 77 أرسلي تقرير عن المشاركة قامت بالمشاركة 22 أبريل, 2013 دخلي ايه ازاي . انا حماة اخت العروسة والعريس صاحب ابني . يعني ليا حكم ع الطرفين يا خبر أبيض ده كده عمره ما حدا حيتجوز ياخويا على طول ولا على عرض انا مالي . بس برضو انا مش موافقة ع الجوازة دي . ما عرفتش امشي كلمتي على ابني يبقى امشيها على صاحبه ان شاء الله هووووبة يا حبيبتي متسكتي الولية دي شوية <<<<< يا قاعدين يكفيوا شر أم فتحي -_- انك هتسافري معاه . يعني مافيش حماة تنكد عليكي ولا اخت جوز تأرفك في عيشتك ولا سلفة تقعد كل شوية تخمس في وشك هتبعدي عن كل الهم ده وهتبقي انتي وجوزك في بلد لوحدوكو . قمة الرومانسية . يا بختك يا هاجر يا محظوظة يا هاجر تصدقي كنت لسه حقول ايه يا مروة انت حتنقي فيها من دلوقتي بس البت هاجر طلعت ايه هههههههههههههه ايه الحقد ده من اولها يا ست مروة صدق رسول الله صلى الله عليه وسلم - : " لو أن لابن آدم واديا من مال لتمنى واديين ولو أن له واديين لتمنى ثالثا ، ولا يملأ جوف ابن آدم إلا التراب " . رواه أحمد بس سارة باين عليها زعلانة أقوي ومعصبة ويمكن ده شي طبيعي وهي في نفسها فرحاااانة لأختها بس مش قادرة تعبر ومع الايام حيظهر لنا سوسو الطيوب ع فكرة أنا بكتب وبنت أخي جالسة جنبي اسمها سارة عمرها سنة و7 شهور وأختها هاجر عمرها 3 سنوااات <<<< ينفع نبدل مع خوااات مروة :P بالنسبة للغربة صحيح صعبة بس أحيانا بتكون كالمنقذ من الغرق :blush: شارك هذه المشاركه رابط المشاركه شارك
' أم آية' 667 أرسلي تقرير عن المشاركة قامت بالمشاركة 22 أبريل, 2013 بارك الله فيك اختي هبة والله الغربة صعبة جدا ولا يعرفها الا من جربها وتكون اصعب اذا كنت في بلد غير مسلم اسال الله ان يخرحنا من هنا عاجلا اللهم امين اللهم امين اللهم امين شارك هذه المشاركه رابط المشاركه شارك
نجــ الليل ــوى 77 أرسلي تقرير عن المشاركة قامت بالمشاركة 22 أبريل, 2013 نجوى الليل انتي بقى مالكيش حل انتي والعصابة اللي بتجبيها معاكي دول هههههههههههههه قديني جت من دونهم المرة دي يا نوراة <<<<<< ينفع كده -_- هههههههه بس على شرط تخلي اختك تمشي قبل جوزك مايجي عشان مايصحش وجودها في وجود جوزك هذي العبارة استوقفتي <<<< شرطي مرور :P فيها ايه يعني ولا ده طبع أهلنا في مصر ؟؟؟؟!!!!! <3 ربنا يخليكي يا هاجر ويرزقك بالزوج الصالح اللي يسعد قلبك آمين طيب قوللها تدعيلي أنا كمان <<<< دي باين دعوتها مستجابة :) :) هههههههههههههههههههههههه اهلا نوجا اهلكو في مصر يهدوكو كتير السلام الله يسلمهم ويحفظهم من الانقسامات و الفتن انتي منين اصلا أنا من فلسطين يا غالية بصي يا حبيبتي المغزى من ورا العبارة ان مايحصلش اختلاط يعني طبعا ما ينفعش تكون في البيت لابسة هدوم البيت وعمالة تنفض وتشيل وتحط وفي راجل غريب عليها هو صحيح جوز اختها بس العلاقة تكون بحدود لتجنب العواقب الوخيمة في واحدة كانت دايما موجودة في البيت مع اختها وزوج احتها . وفي مرة زوج اختها بيقولها انتي عودك فرنساوي مش زي عود اختك المقصود هو تجنب الوقوع في المعاصي نفس طبعنا أنا فكرت حاجة تااانية :) أصل في ناس طبعهم أوووووف صعب خالص فين العصابة بتاعتك . زعلتيني عشان جيتي من غيرهم يا نوجا هههههههههههههههه هم زعلانين ومش رااضين بالصلح غير لما يعرفوا ايه في بطن مروة B| <<<< ناوية ع الصلح ولا إيه -_- :D يارب يرزقك بالزوج الصالح قريبا اللهم آمين [/color]] اللهم آمين <<<<< أمنوا يا يا جمااااعة :blush: جزاك الله كل خير شارك هذه المشاركه رابط المشاركه شارك
نجــ الليل ــوى 77 أرسلي تقرير عن المشاركة قامت بالمشاركة 22 أبريل, 2013 بارك الله فيك اختي هبة والله الغربة صعبة جدا ولا يعرفها الا من جربها وتكون اصعب اذا كنت في بلد غير مسلم اسال الله ان يخرحنا من هنا عاجلا اللهم امين اللهم امين اللهم امين اللهم آمين أختي غربة الجسد بتكون أهون من غربة الروح شارك هذه المشاركه رابط المشاركه شارك
اعتز بالاسلام 126 أرسلي تقرير عن المشاركة قامت بالمشاركة 22 أبريل, 2013 (معدل) يا ستير ايه الست اللى لسانها مبرد دى قولى لام فتحى تخف شوية احسن كده غلط على صحتها رائع هوبه كملى يا قمر تم تعديل 22 أبريل, 2013 بواسطة ساجدة للرحمن شارك هذه المشاركه رابط المشاركه شارك
ساجدة للرحمن 2049 أرسلي تقرير عن المشاركة قامت بالمشاركة 22 أبريل, 2013 السلام عليكم ورحمة الله وبركاته : ) سبحان الله ..ما تفعله أم فتحي إنما هو بسبب ما تعارف عليه الناس أن الحماة لابد وأن تكون شريرة بغض النظر على زوجة الإبن طيبة أم لا الله المستعان ... الحق أنني تضايقت من أسلوبها مع أهل مروة .. وأخشى أن يكون ما تفعله كذبا ونفاقا ..فهي تظهر لهم خلاف ما تبطن ... أما أم مروة فاللمرة ( لا أذكر كم ^ _^ ) أسجل اعجابي بشخصيتها فعلا ...كثير من الأحيان زوجة الإبن هي من تتعب نفسها .. كوني هادئة ..ولا داعي للتعليق على كل مالا يعجبك هكذا سترتاحين ..وتريحين : ) بوركت يا غالية شارك هذه المشاركه رابط المشاركه شارك
~ماريا~ 1340 أرسلي تقرير عن المشاركة قامت بالمشاركة 22 أبريل, 2013 ام مروة عثل بجد وكتير محترمه وبتعرف توجه اولادها حتي لو اتغلط فيهم شارك هذه المشاركه رابط المشاركه شارك
ساره أم حمزه 1040 أرسلي تقرير عن المشاركة قامت بالمشاركة 22 أبريل, 2013 اممممممم هاجر عاملة زيي لما بطلع لعريس ايدى بتبقى سقعه ومنقطه دم احمر هههههه وبقعد افرك فيها عشان الدم يجرى فيها ههههه بس انا بقعد واتكلم الحمد لله مش بمشى زى هاجر الله يكون فى عون ساره ومروه من حماتها ربي يفرحني فيكي عن قريب يا جميل ويرزقك بزوج الصالح إن شاء الله أنت وكل بناتنا في المنتدى القمرات الله يكرمك يا نعمه ^^ جزاك الله خيرا شارك هذه المشاركه رابط المشاركه شارك
ساره أم حمزه 1040 أرسلي تقرير عن المشاركة قامت بالمشاركة 22 أبريل, 2013 بس ام فتحى بتغلط فى اهل مروه من وراهم لكن لم تشوفهم بتكلمهم حلو لكن فى حماة بقى بتغلط فى الاهل امامهم عادى وتقولهم هتمشوا امتى ؟ مشوا بدرى عشان الظلمه ه ههههههههه شارك هذه المشاركه رابط المشاركه شارك
سماء الفردوس 305 أرسلي تقرير عن المشاركة قامت بالمشاركة 22 أبريل, 2013 عجبتنى اوى ام مروه ست محترمه وذوق فى كلامها وبتقابل السيئه بالحسنه وبكده هى بتجبر اللى بيكلمها انه يراجع نفسه وينتقى كلامه وعجبنى اكتر انها بتعاملها وبترد عليها على قد فهمها وبطريقه تريحها فى الكلام ودى نصيحه لاى زوجة ابن انها ماتعلقش على كل كلمه مع حماتها حتى لو كانت مضايقاها وخصوصا لو كانت حماتها كبيره فى السن لان معظم الستات المسنات بيفكروا بعقلية زماااااااااان وبيزعلوا اوى من البنات اللى بيتكلموا بتفتح وبيعتبروها جراه بل وبجاحه بجد جزاكى الله كل خير ياهبه اسلوبك رائع ومتميز شارك هذه المشاركه رابط المشاركه شارك
ام مريم ويحيى 136 أرسلي تقرير عن المشاركة قامت بالمشاركة 22 أبريل, 2013 سلمت اناملك حبيبتى هبه ما شاء الله مبدعه كالعاده بالفعل تضايقت جدا من كلام ام فتحى على اهل مروة واعتقد ان لازم يكون هناك خط احمر بالنسبه للاهل يعنى الحماه لما تغلط فى زوجة ابنها بتتحمل وتعدى وخلاص اما لو غلطت فى اهلها فالمفروض تعرف ان ده خط احمر لا يجب تجاوزه خصوصا كمان لو كانوا كويسين وطيبين زى اهل مروة واعتقد فى الحلقات القادمة هنشوف وجه اخر للحماه وده طبعا من خلال حماه هاجر " ام احمد " اما بالنسبه لمسألة زواج الصغرى قبل الكبرى فكل ده نصيب واكيد ساره فرحانه لاختها ولكنها اكيد بشر كان نفسها هى كمان تفرح بزوج وبيت واعتقد انها مش غيرانه من هاجر ولا حاجه ولكن بس نفسها كما قلت تفرح بزوج وتنعم ببيت مستقل اما بالنسبه لمسأله الغربه ففعلا مش بيحس بيها الا اللى مجربها كنت بقول لزوجى انا ان شاء الله هشترط على زوج ابنتى ان ياخد شقه جانبى لانى مش هقدر ابعد عنها ومش هغربها ولكن كل ذلك نصيـــــــــــــــيــــــــــــب ولا يعلم الغيب الا الله منتظرين مزيد من الابداع يا جميل شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 23 أبريل, 2013 رائعة يا هوبة كعادتك تسجيل إعجاب بشخصية أم مروة زادها الله عقلا ورزانة فعلا عندها حق لو مروة التفتت لكل كلمة لحماتها هى من سيتعب شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 23 أبريل, 2013 اهلا يا حبوبات نورتو الموضوع والله زينب ربنا يرزقك بالزوج الصالح حبيبتي اللهم آمين فرق السن بين هاجر واحمد مش كبير ولا حاجة يا زوزو وبعدين اشمعنى سبع سنين بس يعني اللي عجباكي اوي ههههههههههههه ساجدة للرحمن وام مروة بتسجل اعجابها بيكي برضو ههههههههههههههههه المقتدية بأخلاق النبي منوراني حبيبتي والله سارة محمد اهلا سوسو العسولة برحمتك استغيث انتي منورة يا احلى من السكر نور قلبي القرآن طبعا طاعة الوالدين سبب في الرزق بالازواج الصالحين حبيبتي ربنا يرزقك بالزوج الصالح قريبا آمين أم رقية اسعدتني متابعتك للحلقات اللي فاتت يا ام روكي تابعي الجديد ان شاء الله اعتز بالإسلام حبوبتي معتزة العسل ام عمور السكر منورة ابنة علي هي نسمة صعبانة عليكي اوي كدة ليه ههههههههههههه نورتي يا سكر اشرقت السماء اهلا اشروقتي حبوبتي القمر لازم احترمك زيادة عشان هتبقي ولية امر من اولياء امور الطلبة عندي ههههههههههه سجى الليل منوووووووووووووووورة والله منورة يا سجى يا عسل حنين للجنة اسعدتي قلبي والله يا ام محمد كدة الناس هيحسدوني عليكي هههههههههه ماشاء الله لا قوة الا بالله اللهم بارك سندسة ام مريم اهلا سندوسة قلبي منوراني حبيبتي بحس انك بتقري افكاري بجد مين قالك اني ناوية اقدم نموذج الحماة الطيبة في صورة ام احمد هههههههههههه هتجننيني يا بنت انتي ههههههههههههه كأنك عايشة في عقلي وشايفة اللي بيدور فيه طب ايه رأيك هغير الخطة واخليها شريرة عشان تبطلي تقري افكاري ههههههههه نشوى حبيبتي والله متابعتك دي شرف كبير اديتيهولي ربنا يباركلي فيكِ منال كامل منولة يا جماعة بتقولي ازاي تجيبي اسامي اتنين من بناتي في القصة واحب افجأك يا منولة اني هجيب التالتة النهاردة ههههههههههههههههههههه المحبة للزهراء يا هلولة ام فتحي مش هتدي لمروة نص تفاحة ولا ربع تفاحة دي خبت التفاح عشان تاكله لوحديها عشان خسارة في مروة ههههههههههههههه حواء منورة يا حواويئو والله يعني لو جه عريس لهالة خارج المغرب مش هتوافقي ؟؟ طب افرضي راجل كويس وهتكون سعيدة معاه ام ايه حبيبتي ربنا يعيدك لبلدك وناسك قريب ان شاء الله حسيت من كلامك بألم الغربة سماء الفردوس سموئتي نورتيني يا قمر فينك مش باينة من كام حلقة هههههههههه ماريا ام مروة بتسلم عليكي وبتقولك دا من ذوقك هههههههههه شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 23 أبريل, 2013 شوفت حماتك يا فتحي مالها يا امي خير زعلتك في حاجة بعد الشر لا والله دي طلعت اصيلة وكلها ذوق الحمدلله انا ندمانة على الكلام اللي قولته عنها بصراحة وزعلانة من نفسي اوي وضميري مأنبني وماعرفتش انام طول الليل طب الحمد انت بتحمد ربنا عشان ضميري مأنبني ومانمتش يا فتحي ؟ لا والله يا امي انا بحمد ربنا ان قلبك صفي لحماتي هو ما صفيش اوي يعني بس احسن من الاول خير يا امي الحمدلله تصدق . خالتك سهير بقالي يجي تلات شهور ما اعرفش عنها حاجة وخايفة اقولها ان مراتك حامل ليه يعني . هي دي حاجة هتستخبى اصل انت ماتعرفش سهير . دي ممكن لو عرفت ان مراتك حامل تأجر عصابة تخطفها وتخلص عليها اعوذ بالله يا حفيظ يارب . كل ده من الحقد وسواد القلوب . فيها ايه يعني لو اتمنت للناس امنيات طيبة . يمكن ساعتها ربنا يكرم بنتها امنيات طيبة من سهير . دا انت متفائل اوي . يا ترى عاملة ايه يا سهير يختي انتي ونسمة شارك هذه المشاركه رابط المشاركه شارك
ღأم عبدالله ღ 30 أرسلي تقرير عن المشاركة قامت بالمشاركة 23 أبريل, 2013 جزاك الله خيرا هووبة ورزقك بالذرية الصالحة علي فكرة انا متابعة كتاباتك من زمان من ما كتبتي موضوع يسعد صباحك زوجي العزيز او ماشابه لكن ردودي قليلة وعبدالله دائما مجنني فأنا أقرأ ولا أستطيع الرد لأني بكون ماسكة يده. شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 23 أبريل, 2013 نسمة نسومة تعالي يا حبيبة ماما جايبالك خبر ماحصلش ولا هيحصل بعد كدة . حدث تاريخي في ايه يا ماما جالك عريس يا حبيبتي جالك عريس بجد يا ماما . مين هو فرحيني عارفة المعلم فرج بتاع الفراخ اللي على ناصية شارعنا ايوة بشوفه لما بكون معاكي بنشتري فراخ . ماله ده ما له ازاي . هو ده العريبس يا خبر مش فايت . ازاي الكلام ده . ازاي يتجرأ اصلا ويطلب طلب زي ده طب اسكتي بس اما احكيلك . النهاردة وانا بشتري الفراخ قالي عايز اسألك سؤال يا مودام قولتيله خير يا معلم قالي هي الكتكوتة البيضة اللي كانت معاكي دي تبقى مين قولتله بنتي اللي طلعت بيها من الدنيا قالي عدم الامؤاخذة هي متجوزة قولتله لأ . قالي اصل عايز اتأهل وادخل دنيا ومش هلاقي احسن من بنتك انتي بتقولي ايه يا ماما . انتي بتتكلمي ازاي . انتي عايزة فتحي ومراته يشمتوا فيا . يعني مروة اللي انا برقبتها تتجوز محاسب في شركة كبيرة وانا اتجوز فرارجي يا دي فتحي وسنين فتحي . هو كان عبرك واحنا قولنا لأ . مش سابك تخبطي راسك في الحيط وراح اتجوز ولو يا ماما . انا بقى لما اتجوز لازم اتجوز واحد اغيظ بيه فتحي . مش فرج الفرارجي يابنتي فتحي ايه وخيبة ايه . هو كان فتحي هيأكلك فراخ اد اللي هيأكلهالك المعلم فرج . انتي عارفة الفرخة بكام . يا بنتي دا هيغرقنا فراخ وبيض البيض هيبقى عندك بالكراتين تسلقي وتعملي الاومليت اللي بتحبيه والبيض العيون . دا بالنسبة لوجبة الفطار ع الغدا بقى براحتك تعملي بط تعملي وز تعملي ارانب انتي حرا تاكلي والباقي ابعتيه لامك يا ماما يا ماما الاكل والشرب مش كل حاجة لأ كل حاجة . هناكل على حساب المعلم ونحوش . يا بنتي احنا فلوسنا ضايعة ع الفراخ والبيض . يعني لو وفرنا تمنهم ممكن نشتري دهب ولا حتة ارض ونبقى من اصحاب الاملاك انا مش موافقة انا خريجة جامعة وده شكله اصلا مش متعلم لا متعلم خارج من ستة ابتدائي وماحدش زيه يا ماما حرام عليكي انا اصحابي متجوزين دكاترة ومهندسين يا بنتي يا حبيبتي الدكاترة ريحتهم بنج وطول النهار يخرجوا من عملية يخشوا عملية والمهندسين طول النهار لابسين الخوذة الحديد ومقضين اليوم في المواقع ومش فاضين لستاتهم لكن ده راجل بيتعامل مع الطيور يعني رومانسي ورقيق وكله عواطف انا مش موافقة . ده عريس مش مناسب انا بقى موافقة ورأيي هو اللي هيمشي . كفاية ابوكي اللي من ساعة ماطلقني وهو رامي همك علية ومابيسألش عليكي ولا معبرك . انا خلاص تعبت هو عشان تعبتي مني تقومي ترميني الرمية دي بقولك ايه انا مش عايزة اسمع كلام . الراجل جاي بكرا هو وامه كمان امه عايشة احمدي ربنا هيبقالك حما زي بقيت الخلق شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 23 أبريل, 2013 منور ة يا مبدعة كده برضه تنسيني (أكيد سقط سهوا ^__^) بامزح طبعا الواحد داخل ينسي الهموم ويخفف عن نفسه ويطبق درس سجودة التعليق محتاج تركيز ان شاء الله لي عودة شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 23 أبريل, 2013 (معدل) ترررررررررررررررررن ترررررررررررررررررررررن مين المعلم فرج يا تنت أمو نوسمة اهلا اهلا اهلا يا معلم اهلا وسهلا ازيك يا حاجة ام فرج اسمي الحاجة بطة يختي اهلا بيكي يا حاجة اهلا وسهلا استني ما تقفليش الباب يا تنت . الصبي بتاعي معاه قفص فراخ بلدي هدية من المحل عربون محبة وقبول . ادخل يا مرزوق احط القفس فين يا معلمي اسأل تنت أم نوسمة ايه الهنا والعز دا كله . دحله المطبخ يا خويا على ايدك اليمين . تعيش وتجيب يا معلم توشكري يا تنت . اومال فين الكتكوتة حاضر هندهلها حالا . نورتونا نورك يا تنت تعالي يا نسمة سلمي على العريس وامه اهي ياما اهي الانوسة نوسمة اهي هي مالها عاملة زي الفرخة الدايخة كدة سلمي يا نسمة يا حبيبتي ازيكو مافيش زينا حد يا عروسة ابني ايه رأيك ياما في الانوسة نوسمة بصراحة يا ام العروسة المعلم فرج ابني عمال يحكي ويتحاكي عن نسمة وجمال نسمة بس بصراحة خدنا فيها مقلب نعم . كمان مش عجباكي بس يا نسمة . قصدك ايه يا حاجة بطة بصي يا حبيبتي انا عمري ما ادخلت لعيل من عيالي في جوازة . بسيبهم يختاروا براحتهم ويشيلوا الطين كلك ذوق امي ما تقصدش يا تنت ام نوسمة . هي بس ابوها كهربائي وكلامها صادم للعواتف عواتف . شوفتي العواتف دي ياست ماما . دا مابيعرفش يتكلم . جاهل جاهل يا ناس اسكتي خالص هتتجوزيه يعني هتتجوزيه . ندخل في الموضوع بقى يا معلم موضوع ايه يا ام العروسة . هو انتوا ماعندكوش رجالة يتكلموا مع المعلم فرج ابني ولا ايه احنا يا حبيبتي عيلتنا كلها رجالة هما فين يا حبيبتي ماشوفناش منهم ولا واحد يعني هتشوفيهم ان شاء الله هي ابوها ميت لأ ابوها مطلقني وطلقك ليه ان شاء الله وانتي ايه دخلك في الموضوع ده دخلي يعني ايه . دا نسب ولازم اعرف كل حاجة جرا ايه يا اما هو انا كل مااروح اشوف عروسة تبوظيلي الموضوع . حقك عليا يا حوماتي الله يجبر بخاطرك يا خويا طب احنا هنأجل الكلام لحد ما تجيبولنا شنب نقعد معاه . بالإذن اذنك معاك ياخويا هعمل ايه واسوي ايه . مش هينفع اكلم ابوها . دا رميها ومابيسألش فيها . اكلم مين اكلم مين . هكلم مديحة اختي حبيبتي تتصرف وتقف جنبي تم تعديل 23 أبريل, 2013 بواسطة هبةنور شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 23 أبريل, 2013 منور ة يا مبدعة كده برضه تنسيني (أكيد سقط سهوا ^__^) بامزح طبعا الواحد داخل ينسي الهموم ويخفف عن نفسه ويطبق درس سجودة التعليق محتاج تركيز ان شاء الله لي عودة بالله ماتزعلي يا قلبي كله الازعلك والله انتي لوجيتي عندي البيت تفطسي من الضحك بكتب اسامي الاخوات وجزأ من تعليقاتهم في ورقة عشان ارد عليهم هههههههههههههه معلش والله حقك عليا يا ام مريم شارك هذه المشاركه رابط المشاركه شارك
بنت ام عبد 151 أرسلي تقرير عن المشاركة قامت بالمشاركة 23 أبريل, 2013 منور ة يا مبدعة كده برضه تنسيني (أكيد سقط سهوا ^__^) بامزح طبعا الواحد داخل ينسي الهموم ويخفف عن نفسه ويطبق درس سجودة التعليق محتاج تركيز ان شاء الله لي عودة بالله ماتزعلي يا قلبي كله الازعلك والله انتي لوجيتي عندي البيت تفطسي من الضحك بكتب اسامي الاخوات وجزأ من تعليقاتهم في ورقة عشان ارد عليهم هههههههههههههه معلش والله حقك عليا يا ام مريم ولا يهمك يا جميلة بس بحب أشوف كل ردوك علي الأخوات علشان ابتسم ربنا يسعدك يارب يا هوبة مليش دعوه انا رديت مرتين فى ام فتحى تردي مرتين زيهم ^___^ أنت عارفة مريم أما تشوفك في أي موضوع تقول خالتو اللي بضحكك يعني أنت عالمية اهو افرحي بقي شارك هذه المشاركه رابط المشاركه شارك
هبة عبد العظيم نور 2042 أرسلي تقرير عن المشاركة قامت بالمشاركة 23 أبريل, 2013 جزاك الله خيرا هووبة ورزقك بالذرية الصالحة علي فكرة انا متابعة كتاباتك من زمان من ما كتبتي موضوع يسعد صباحك زوجي العزيز او ماشابه لكن ردودي قليلة وعبدالله دائما مجنني فأنا أقرأ ولا أستطيع الرد لأني بكون ماسكة يده. اهلا اهلا ام عبد الله منورة حبيبتي اسعدتيني والله بمتابعتك مواضيعي . جزاكِ الله عني خيرا حبيبتي وبعدين ماسكة ايد عبد الله ليه . خليه يعقب بدالك هههههههه شارك هذه المشاركه رابط المشاركه شارك
