اذهبي الى المحتوى

المشاركات التي تم ترشيحها

ههههههههههههههههههههههههههههههههه

 

هههههههههههه

 

لاتعليق بجد انتي موهوبه ياهوبه رااااااااااااااااااااااااائعه ياعسووووووووووووولتي

شارك هذه المشاركه


رابط المشاركه
شارك

:)

 

بارك الله فيكِ ،،

 

أم فتحي وكأنها من الأسرة كل يوم لازم أدخل اطمئن عليها

 

أسعدكِ الله حبيبتي الغالية

أحبكِ في الله

<3

شارك هذه المشاركه


رابط المشاركه
شارك

الله يسعد قلبك يارب ياهبة ذى مابتسعدينا

بجد انتى دمك ذى العسل ربنا يبارك فيكِ

وبجد كله كوم وابو نسمة وهو بيحكى عن ضرب طلقته كوم تانى

معقول بجد فى ناس فى الدنيا كده ...

ومبروك لهاجر وعقبل سارة وجميع بنات المسلمين

شارك هذه المشاركه


رابط المشاركه
شارك

مبدعه حبيبتى هبه كالعاده

المنى جدا ما فعله منصور ابو نسمة لدرجة انه نسى حتى اسم ابنته

فليس معنى انه طلق زوجته الا يسأل عن ابنته كل هذه المده الله المستعان :(

متابعين مزيد من الابداع يا قمر

شارك هذه المشاركه


رابط المشاركه
شارك

بقولك ايه يا سارة

 

نعم يا ماما

 

عايزاكي تنزلي معايا نشتري شوية طلبات للعزومة بتاعة بكرة ان شاء الله

 

عزومة ايه دي يا ماما

 

هنعزم احمد جوز هاجر

 

هههههههههههه ايه ده هو خلاص بقى جوزها

 

ههههههههه ربنا يكملك بعقلك يابنتي . مش خلاص كتبنا كتابهم

 

اصل مش متخيلة ان هاجر الصغنونة بتاعتنا دي كبرت وبقالها جوز ههههههههههه

 

عقبالك يارب

 

ركزي معايا في الدعا شوية يا ماما اليومين دول عشان بالله عليكي مش عايزة اطول عندكو كتير

 

اخص عليكي زهقتي مني يا سارة

 

انا قولت كدة برضو يا ماما . بس نفسي بقى يا ماما يبقى عندي بيت كدة وجوز اتخانق معاه وانكد عليه ههههههههههه

 

والله انتي ما في اطيب من قلبك يا سارة ربنا يرزقك بالزوج الصالح قريب يا بنتي يارب

 

 

 

 

 

 

 

 

منور يا احمد يابني

 

الله يخليك يا عمي دا نورك

 

كل يا احمد ما تتكسفش

 

لالالا يا طنط انا مابتكسفش . البيت بيتي هههههههههه

 

طبعا يا حبيبي

 

كلي يا هاجر

 

لا بقولك ايه يا طنط ماتخليهاش تاكل كتير انا عايزها زي ماهي كدة . انا مابحبش التخن خالص

 

لا ماتخافش هاجر مالهاش في الاكل . طول عمري بأكلها بالعافية

 

احسن كدة . بحب الست اللي بتاكل عشان تعيش . اصل يا طنط في ستات عايشة عشان تاكل وتتخن وتطفش اجوازها

 

لا من الناحية دي اطمن يا احمد . انتي مابتتكلميش ليه يا هاجر

 

اقول ايه يا ماما

 

باين عليها لا ليها في الاكل ولا الكلام . الله يكون في عوني هههههههههه

 

 

 

 

 

 

 

اتفضل يا احمد في الصالون

 

هو انا هقعد في الصالون لوحدي ولا ايه يا جماعة , هي المدام بتاعتي فين

 

روحي يا هاجر اقعدي مع احمد

 

اقعد معاه فين يا ماما . انا بتكسف اقعد مع حد غريب

 

يابنتي خلاص بقى جوزك . ادخلي ما تسيبيهوش لوحده

 

طب هدخل بس تعالي يا ماما اقعدي معانا انتي وبابا وسارة

 

يابنتي يمكن عايز يقولك كلمتين . هنيجي نكبس على نفسكو ليه

 

يوووووووووووه . حاضر

 

 

 

 

 

 

 

 

هاجر

 

نعم

 

انتي قاعدة بعيد ليه

 

اومال حضرتك عايزني اقعد فين ان شاء الله

 

يعني قربي شوية . مش يبقى انا قاعد في حتة ومراتي بعيد عني بتسعين متر . تعالي اقعدي ع الكرسي اللي قدامي عشان نعرف نتكلم

 

طب ما تتكلم انا سمعاك من عندي كويس

 

ماشاء الله . يعني الكلام اللي هقولهولك جيرانكو هيسمعوه

 

طب ما يسمعوا هو احنا هنقول حاجة عيب

 

طب تعالي الله يهديكي وانا اجيبلك شيكولاتة وبمبوني

 

لأ . انت بتضحك علية . ماما دايما كانت تقولنا واحنا صغيرين اوعوا حد يقولكوا تعالوا معايا واديكوا شيكولاتة وبنبوني . لانه اكيد حرامي وعايز يخطفكو

 

ههههههههههههههه ماشاء الله مراتي عندها عرق عبط من الاصلي . لا يا حبيبتي انا ربنا تاب عليا وبطلت اخطف عيال صغيرة من زمان

 

طيب هقرب خطوتين

 

طب خليهم خمسة عشان خاطري

 

ماشي

 

نعم

 

الله ينعم عليكي دنيا وآخرة . الله تعرفي ان عنيكي حلوة اوي

 

ايه الكلام العيب ده . احترم نفسك يا استاذ

 

بحبك يا هاجر

 

لأ بقى دانت نهارك مش فايت النهاردة . انا هروح اجيبلك ماما تعلمك الادب

 

 

انتي يا مجنونة انتي استني رايحة فين يا هاجر يا هااااااااااجر . وبعدين بقى في البت الهبلة دي

 

 

 

 

 

 

 

انتي يا ست ماما

 

في ايه يا هاجر

 

تعالي شوفي الافندي اللي بتقولي عليه مؤدب بيقول ايه

 

ايه يا بنتي قالك ايه

 

بيقولي عنيكي حلوة وبحبك شوفتي قلة الادب

 

يابنتي دا جوزك وده من حقه

 

يعني الكلام ده مش عيب

 

لأ مش عيب . لكن في ضوبط وحدود هو شرعا من حقه يعاملك كزوجة وليه كامل الحقوق ولكن حسب العرف والتقاليد مش مسموحله حقوقه الكاملة الابعد الزفاف .

 

مش فاهمة حاجة . ع العموم اياك يحاول يتجاوز حدوده معايا

 

هههههههههه طب روحي اقعدي معاه

 

 

 

 

 

اهلا . انتي جيتي

 

ايوة جيت

 

ماما ماجتش بالعصايا يعني

 

مش فاضية بتعملك عصير

 

الله يهديكي يا هاجر

 

ويهديك ان شاء الله

 

تعرفي عنيكي مش حلوة ولا حاجة انا كنت بجاملك

 

كدة ! طب والله انت رخم

 

ههههههههههههه والله انتي عسل

 

ههههههههههههه ميرسي

 

بحبك

 

جزاك الله خيرا يا اخي الفاضل

 

اخيكي الفاضل ! هو انا ادفع تلاتين الف شبكة غير القايمة اللي مضيت عليها وتذاكر طيران عشان تقوليلي يا اخي الفاضل . وخيرا جزاكِ يا اختي الفاضلة

 

عن اذنك هروح اجيبلك العصير

 

اتفضلي يا اختي

 

 

 

 

انا جبتلك العصير اهو

 

ايه ده . هو انتي كمان هتشربي عصير

 

اومال يعني هتفرج عليك . ولا انت هتشرب الكوبايتين لوحدك

 

على فكرة انا بجد مش بحب التخن . العصاير والحلويات بتتخن . وانا مش عايزك تتخني . عشان لو تخنتي جرام واحد هشحنك على اول طيارة راجعة مصر

 

بقى كدة . طب انا بقى هشرب عصير وهاكل حلويات وهبقى اتخن من الدبة كمان وريني هترجعني مصر ازاي

 

ههههههههههههه ما اقدرش ابعد عن حبيبة قلبي . نور عيوني .حبيبتي اللي اغلى من حياتي كلها

 

ايوة كدة خليك كويس عشان ........

 

عشان ايه قوليها انطقي بقى نفسي اسمعها من شفايفك ها عشان ايه

 

عشان اجيبلك شيكولاتة وبنبوني هههههههههههههه

 

اووووووووووووووووووف ماشي يا هاجر والله لطلعه على عنيكي هههههههههههه

شارك هذه المشاركه


رابط المشاركه
شارك

هههههههههههههههههههههههه

 

 

ههههههههههههههههههههههههههههههه هاجر طيبه اوى وخام نادر زيها في الايام دي

 

اااااااااه ياهوبه فكرتيني باايام خطوبتي دي ولا في الاحلام ياسلام على الايام دي

 

 

كملي ياحبيبتي شكلها كدا احلوت

شارك هذه المشاركه


رابط المشاركه
شارك

هههههههههههههههههههههههه

 

 

ههههههههههههههههههههههههههههههه هاجر طيبه اوى وخام نادر زيها في الايام دي

 

اااااااااه ياهوبه فكرتيني باايام خطوبتي دي ولا في الاحلام ياسلام على الايام دي

 

 

كملي ياحبيبتي شكلها كدا احلوت

شارك هذه المشاركه


رابط المشاركه
شارك

السلام عليكن ورحمة الله وبركاته

هههههههههههههههههه

آخر حاجة كتبتيها ياهبة ضحكتني أوي

وأخي الصغير فتكر اني بعيط

فقالي بتعيطي ليه

ههههههههههههه

عن جد في بنات كده.....سبق وسمعت عن وحدة كانت بتستحي من جوزها حتى بعد الجواز

لاتمزح معاه ولاشي وهو شتكاها لأمها وأخواتاه المهم لما حكو معاها وقالولها ده جوزك هزري معاه و و

المهم في يوم المسكين كان نازل من ع الدر وهي وراه...فقالت أهي فرصة علشان تهزر معاه

قامت دفعتو والمسكين تشقلب...ووقع وبعدين صار يتألم

فقالها عملت كده ليه؟؟

قالتلو أمك قالت لي أهزر معاك...وهذي آخرتها هههههههههههه

بارك الله فيك ومتابعة معاك

والله يرزقك بالذرية الصالحة يارب عاجلا غير آجل

بس عندي طلب ممكن تعطيني روابط للقصص اللي بتكتبيها؟؟؟

سمعت انك كتبت كتير قصص في المنتدى صح؟؟

شارك هذه المشاركه


رابط المشاركه
شارك

ههههههههههههههههههههههههههههههههههههه

ههههههههههههههههههههههههههههههههه

ههههههههههههههههه

حلقه نكته احلى حلقه فيهم كلهم

هههههههههههههههههههههههههههه

هههههههههههههههههههههههه

متابعه معاكِ

شارك هذه المشاركه


رابط المشاركه
شارك

هههههههه هاجر معجبتنيش فى الاول فى طريقة ردها

لو كان واحد تانى كان ممكن يزعل منها

شارك هذه المشاركه


رابط المشاركه
شارك

فتحي

 

نعم يا مروة

 

هاجر واحمد خلاص مسافرين بكرة

 

ايوة عارف احمد اتصل بيا وقالي

 

طيب يا حبيبي المفروض النهاردة بالليل نروح نسلم عليهم

 

ايوة طبعا يا ستي هنروح اومال ايه . دا واجب . ومن حقك كمان تقعدي مع اختك وتساعدي امك في العياط هههههههههه

 

والله بجد هاجر هتقطع بينا وهتوحشنا اوي . الله يكون في عون ماما

 

يا حبيبتي دي سنة الحياة

 

 

 

 

 

 

 

 

حماتك جت يا هاجر هي ومريم اخت احمد قاعدين في الصالون مستنينك

 

انا رايحة اهو اسلم عليهم

 

 

 

 

السلام عليكم

 

اهلا اهلا مرات ابني حبيبتي ازيك يا قلبي عاملة ايه

 

الحمدلله يا ماما ربنا يخليكي . ازيك يا مريم

 

الله يسلمك يا هاجر . مالحقناش نتصاحب يا هجورة انا زعلانة

 

ههههههههههه لا ماتزعليش يا حبيبتي نبقى نتكلم ع النت ونتصاحب ونشبع صحوبية

 

ان شاء الله . دعواتك بس عشان امتحاناتي قربت

 

اه صحيح انا نسيت اسألك بتدرسي ايه

 

انا في كلية الصيدلة سنة اولى

 

ربنا معاكي حبيبتي .

 

تعالي اقعدي جنبي يا عروسة ابني عشان اقولك كلمتين

 

حاضر ياماما

 

بصي يا حبيبتي احمد ابني طيب وحنين ومش بقولك الكلام ده عشان انا مامته لا والله . انتي بكرة هتعيشي معاه وتعرفي الكلام ده من افعاله وحنيته عليكي

 

ومش معنى ان الراجل طيب انه مافيهوش عيوب يا حبيبتي . انا عايزاكي تستحملي عيوبه . يعني هو عصبي شوية . يعني وقت عصبيته ماترديش عليه يا حبيبتي

 

وهتلاقيه بعد شوية هدي خالص وجه لحد عندك يصالحك ولا كأن في حاجة حصلت . وهو كمان غيور شوية . يعني تراعي النقطة دي

 

حاضر ياماما

 

انا بقولك الكلام دا يا حبيبتي عشان تهمني سعادتك وسعادة ابني .

 

ربنا يخليكي لينا يا ماما

 

اهو احمد جه أهو

 

السلام عليكم

 

وعليكم السلام . اتأخرت ليه يا احمد

 

معلش يا امي روحت اسلم على اصحابي قبل ما اسافر

 

بص بقى انا زي ماوصيت هاجر عليك بوصيك على هاجر . تحطها في عنيك . انتو هتبقوا في غربة ومالكوش الابعض . انا بحذرك اوعى تزعلها ولا تخليها تندم انها سابت اهلها وناسها وسافرت معاك

 

ههههههههههههه ماتخافيش . انا هخليها تندم على كل لحظة عاشتها بعيد عني

 

ههههههههههههه ربنا يهنيكو يارب . اومال فين ام العروسة

 

قاعدة في الوضة بتعيط هي واخواتي . على فكرة يا احمد . فتحي قاعد مع بابا في البلاكونة روحلهم

 

انتي بتوزعيني يعني . على العموم بكرة مش هتلاقي في وشك غيري

 

 

 

 

 

 

 

 

حمدالله ع السلامة بعودة الايام يا سي فتحي انت والمحروسة . كنتوا باتوا برا بالمرة

 

الله يسلمك يا امي

 

كنتو فين

 

يا امي انا قولتلك روحنا نسلم على اخت مروة وجوزها

 

تقوموا تتأخروا لدلوقتي يابني

 

مروة كانت عايزة تقضي اطول وقت ممكن مع اختها

 

يا سلام ع الحنان . هي مابتردش ليه . هو انا مش مالية عينها

 

يا ماما هو انا عملت ايه بس عشان تزعلي

 

مش لازم تعملي حاجة . انا بشوفك بزعل من غير سبب

 

ربنا يسامحك . انا داخلة انام

 

استني يا مروة اوعي ادخل الاقيكي نمتي

 

 

وانت عايز منها ايه يا فتحي

 

هنلعب استغوماية

 

يا بني غلط يا حبيبي حرام عليك صحتك اللي اتهدت من لعب الاستغوماية

 

معلش يا امي دعواتك

 

وبعدين عيب تقفلوا عليكو الباب كدة . يابني لسة سامعة الشيخ بيقول ما اجتمع رجل وأمرأة الا وثالثهما الشيطان

 

شيطان ايه يا امي . دي مراتي

 

برضو يابني مهما كان لازم تسمع كلام الشيخ

شارك هذه المشاركه


رابط المشاركه
شارك

هههههههههههههههه القصة الأخيرة تضحك انا مش عارفة ام فتحي دي نكتة والله ال ايه لازم تسمع كلام الشيخ

هي جات في دي بس الله يهديها =)

 

بالنسبة للقصة التي قبلها ذكرتني هاجر بنفسي فأنا ايضا كنت زيها واكثر الله يكون في عون زوجي المسكين كان يقولي انا مش عارف هل انت هبلة فعلا ولا تستعبطي علي ههههههههههه

 

لكن طبعا مع مرور السنين الزوجة تفهم بالفطرة =)

 

متابعات معك يا مبدعة :)

شارك هذه المشاركه


رابط المشاركه
شارك

لبستي يا كريمة

 

ايوة لبست

 

انتي لسة مصممة تيجي معايا

 

ايوة طبعا . اومال اسيبهم يضحكوا عليك ويدبسوك في فلوس الجهاز

 

يبقى انتي ماتعرفيش جوزك ونصاحته . انا مادفعش جنيه الااذا كان هيتردلي الف

 

 

 

 

 

 

فتحي

 

ايوة يا امي

 

انا رايحة عند خالتك سهير . اتصلت بيا عشان النهاردة هيتفقوا مع عريس نسمة

 

طيب يا امي . الف مبروك مقدما

 

 

 

 

 

 

 

 

 

 

ترررررررررررررررررررن تررررررررررررررررررررررررن

 

مين

 

انا منصور

 

 

اهلا يا منصور . عاش من شافك . ومين اللي معاك دي

 

انا المدام بتاعته يا روحي

 

وليكي عين يا خطافة الرجالة تيجي لحد هنا سيبوني عليها

 

يا لهوووووووووي الحقني يا مصور

 

لالالالالالالالالالالالالالا بقولك ايه يا سهير انا معايا صاعق كهربائي والا هيقرب مني ولا من المدام هكهربه . فاهمة ولا لأ . استخبي ورايا يا سهير . منصور بتاع زمان اتغير وبقى وحش مفترس

 

 

 

 

مين اللي جه برا

 

دا منصور افندي

 

يااااااااااااااااااااااااااااااااااااااااااه مين . ازيك يا مديحة . دانتي عجزتي اوي وشكلك اتغير للأسوأ

 

 

مديحة في عينك . اسمي الحاجة مديحة يا منصور . ال منصور ال . الهي يا شيخ ما تتنصر لا في دنيا ولا آخرة

 

الله يسامحك يا حاجة مديحة احنا برضو مهما كان اهل

 

 

احنا لا اهلك ولا نعرفك

 

ازي جوزك يا مديحة

 

جوزي ! مستنيك ومتشوقلك . عقبال ماتحصله قريب ان شاء الله

 

على العموم انا جاي عشان خاطر نسمة بنتي هي فين

 

ماهي قاعدة قدامك اهيه

 

ماشاء الله هي دي نسمة بنتي . احمدك يارب . اني عيشت لحد ماشوفت بنتي عروسة على وش جواز تعالي في حضن ابوكي يا نسمة

 

بص يا بني ادم انت انا ما اعرفكش لا تقولي بنتي ولا ليك دعوة بيا . علاقتي بيك اوراق وبس . اسمك في شهادة ميلادي ومحتاجينه في عقد جوازي وما اعتقدش اني هحتاجك بعد كدة

 

اعوذ بالله . لسانك بينقط سم زي لسان امك

 

امها ماعرفتش تربيها يا منصور يا حبيبي . شوفت بقى الفرق بين بنت طليقتك وبين ولادي المتربين المؤدبين

 

مؤدبين اوي يختي بأمارة الواد الكبير اللي كل يوم يسرق عشرة جنيه من المحفظة والبت اللي كل ماكلمها تقولي اطلع من نفوخي

 

ياخويا بس بلاش فضايح قدام الاعداء

 

 

اومال فين عريس بنتي

 

زمانه جاي

 

طب مش هتشوفولنا حاجة نشربها

 

ماعندناش

 

ياراجل عيب عليك جاي ايد ورا وايد قدام . مش هاين عليك تجيب هدية لبنتك حتى

 

ايوة ايوة قولي كدة يا مديحة انتوا جايبيني عشان تنصبوا علية وتاخدوا فلوسي بقى . يلا يا كريمة نمشي

 

يلا يا منصور

 

اقعد ياراجل انت خلي يومك يعدي . العريس زمانه جاي ماتفضحناش

 

 

ترررررررررررررررررررن تررررررررررررررررررررررررررن

 

أهو العريس جه افتحوله الباب

شارك هذه المشاركه


رابط المشاركه
شارك

ازيك يا حوماتي

 

اهلا يا عريس بنتي ازيك وازي طيورك

 

بيسلموا عليكي ويبوسوا ايدك

 

والحاجة بطة امك فين

 

مش فاضية . اصلها بتتخانق مع ضرايرها وما ينفعش تسيب الخناقة وتيجي . اصل انسحابها من المعركة يعتبر هزيمة وامي ما تقبلش الهزيمة

 

هي امك ليها ضراير

 

ايوة . ابويا متجوز تلاتة غيرها

 

ماشاء الله هو ابوك عايش . انا افتكرته مات عشان كدة ماجاش معاك

 

ابويا مش فاضي للرغي الكتير بتاع الاتفاقات . دايما بيحضر كتب كتاب اخواتي . رجلي وجعتني من الوقفة هو عدم الامؤاخذة مش هقعد في السالون

 

لا يا خويا اتفضل في الصالون ابو العروسة مستنيك جوا

 

 

 

هو فين حوماي في اللي قاعدين دول

 

جرا ايه يا معلم فرج اللي قاعدين كلهم حريم ومافيش الاراجل واحد

 

حريم ! هما فين الحريم دول . انا شايف الاوضة مليانة رجالة وشكلهم يخوف . شبه مطاريد الجبل ومافيهومش ولا ست الا الانوسة نوسمة

 

اللي لابس بدلة وكرافتة ده

 

ماشاء الله . بقى الراجل الجنتل ده هيبقى حمايا . فينك ياما تيجي تشوفي النسب الملوكي اللي ابنك وقع فيه

 

 

ازيك يا حومايا

 

حوماك ! مين ده

 

انا العريس ولا مش باين علية النضافة

 

انا اجوز بنتي لواحد يقولي يا حومايا . انت شهاداتك ايه يابني

 

شهاداتي ! جرا ايه يا حوماتي يا ام نوسمة . هو انا جاي اتجوز ولا جاي اتقدم لوظيفة سكورتير

 

انتي اجننتي ولا ايه يا سهير . هو ده اللي هتجوزيه لبنتك

 

جن لما يلخبط كيانك . انت مالكش دعوة بينا . انت تتفق معاه وبس وتمضي ع العقد وبس

 

انا مش موافق ع الجوازة دي

 

بس انا بقى موافقة يا بابا

 

واحنا مالنا يا منصور ما يوافقوا احنا دخلنا ايه

 

على رأيك صحيح احنا مالنا يا كريمة

 

 

تعالى سلم على خالة العروسة

 

ازيك يا تنت

 

اهلا يا ابو الريش يا فخر العيلة . يا عيني عليكي يا نسمة اهئ اهئ اهئ يا حبيبة خالتك يختي اهئ اهئ اهئ

 

معلش يا جماعة انا كان نفسي اجيبلكو قفص فراخ زي بتاع المرة اللي فاتت بس امي مارضيتش وقالتلي احنا هنصرف عليهم ولا ايه

 

ست ذوق واصيلة ربنا يقل من امثالها

 

بصوا بقى نخش في المفيد عشان نستفيد . انا هقدم الشبكة اللي الانوسة نوسمة تشاور عليها وانتي طبعا يا حوماتي عارفة العمارة اللي هسكنها فيها

 

ايوة ياخويا اللي هتسكنها فيها مع الطيور والمعيز

 

عليكي نور . وهنكتب بأذن المولى الشهر الجاي ايه رأيكو

 

على بركة الله يا معلم فرج الف مبروك

 

زغروطة يا ام العروسة

 

 

لووووووووووووووووووووووووووووووولووووووووووووووووووووووووووووووووووووووي

 

لووووووووووووووووووووووووووووووووووووويييييييييييييييييييييييييييييييييييييييييييييييييييييييييييييييييييييييييييي

 

 

نسمة

 

نعم يا خالتو مديحة

 

انتي يابنتي موافقة من قلبك على عريس الندامة ده

 

يعني هعمل ايه يا خالتي

 

يابنتي لو مش موافقة قولي بالله عليكي

 

بصي يا خالتي مافيش حاجة فارقة خلاص . اهي جوازة والسلام

 

لا حول ولا قوة الا بالله

شارك هذه المشاركه


رابط المشاركه
شارك

السلام عليكن ورحمة الله وبركاته

 

آل حومايا آل

ههههههههههههه

والله بيضحك الفرارجي ده الله يكون في عونك يا أنوسة نسومة ههههههههههههههه

 

بسرعة يااختي هبة الله يخليك

علشان طالعة برا ونفسي أكمل ع القصة زي ماحكيت امي حواء مسلسل حلال

شارك هذه المشاركه


رابط المشاركه
شارك

ترررررررررررررررررررن ترررررررررررررررررررررن

 

الو ازيك يا بهية

 

مين معايا

 

مين معاكي دا ايه انا ام فتحي

 

ام فتحي مين

 

اخص عليكي يا بهية . ام فتحي بنت عمك

 

انا ماليش اعمام اصلا وما اسميش بهية

 

اخص عليكي يا بهية . كدة برضو تقولي ان انتي مش بهية يا بهية

 

يا ستي انا مش بهية

 

هو انا تايهة عن صوتك ولا انتي هتعرفي انك بهية اكتر مني

 

لا اله الا الله النمرة غلط يا مدام

 

لالالا يبقى انتي لسة زعلانة مني بقى عشان ما رضيتش ادخلك معايا الجمعية ام خمسوميت جنيه . والله يختي ماكان في مكان فاضي . كان العشرين نفر كلهم محجوزين

 

يا ستي بهية ايه وجمعية ايه انا ما اعرفش حاجة من الكلام ده خالص

 

ايه ده . يعني انتي مش بهية يا بهية

 

قولت لحضرتك النمرة غلط

 

طب احلفي يا بهية ان انتي مش بهية

 

والله العظيم انا مش بهية

 

ولما انتي مش بهية بتخليني ارغي معاكي واخلص عليكي الرصيد ليه . عالم ماعندهاش دم صحيح

 

 

 

 

 

 

 

 

تررررررررررررررررررررن ترررررررررررررررررررررررررن

 

الو ازيك يا ماما

 

ازيك يا دينا يا حبيبتي

 

انا كويسة يا ماما الحمدلله . عندي ليكي خبر حلو

 

خير يا حبيبتي

 

انا حامل

 

والله ! ماشاء الله الف مبروك يا حبيبتي فرحتي قلبي

 

الله يبارك فيكي يا ماما . لسة عاملة التحليل وجايبة النتيجة حالا

 

الحمدلله يا حبيبتي ربنا يتمملك بخير

 

انا جاية بكرة انا والولاد نتغدا معاكو

 

اهلا وسهلا يا حبيبتي تنوروني

 

وهالة كمان جاية . انا اتفقت معاها نتقابل عندك عشان بقالنا كتير ما اتقابلناش

 

اهلا وسهلا بيكو وبولادكو دي مروة هتطير من الفرحة لما تعرف انكو جاين وخصوصا هالة . اصل هي ومروة يعزوا بعض اوي

 

بقولك ايه . ماعندكيش رقم بهية

 

بهية مين

 

يادي الغولب . بهية بنت عمي

 

لا يا ماما وانا هعرف رقمها منين

 

خلاص هبعتلها فتحي يروحلها ويسأل عليها ويجيبلي رقمها . شكلها غيرت الرقم

 

انتي عايزاها ليه يا ماما

 

يا بنتي دي صلة رحم ولا هنقطع ارحامنا كمان

 

الله يزيدك حرص ع الدين يا ماما

 

اللهم آمين يابنتي . مستنياكو بكرة تيجو من الصبح بدري عشان ناخد النهار من اوله

 

حاضر ياماما . بس تعملولي البط اللي بحبه والمكرونة البشاميل اللي بموت فيها واعملوا للولاد تشيكن رولز زي كل مرة

 

من عنيا يا حبيبتي . هقوم مروة من الفجر تقف في المطبخ تعمل طلباتك . هو انا عندي اغلى منك

 

ربنا يخليكي ياماما يا حبيبتي وماتنسيش تقولي لمروة تعمل صنية جلاش باللحمة المفرومة وفراخ محمرة عشان جوزي هيجي بالليل يتعشا وطالب الاكل ده ع العشا

 

يختي يوم المنى يجي يتعشى ويتهنى يارب . ربنا مايحرمني من دخلتكو عليا

شارك هذه المشاركه


رابط المشاركه
شارك

منورين يا بنات والله منورين

 

يلا اتفرجوا على الحلقات دي وناقشوها عشان بكرة اجازة هههههههههههههههههه

 

اشوفكو يوم السبت ان شاء الله

 

يارب الحلقات تعجبكو

شارك هذه المشاركه


رابط المشاركه
شارك

جزاك الله خيرا يا اخي الفاضل

 

اخيكي الفاضل ! هو انا ادفع تلاتين الف شبكة غير القايمة اللي مضيت عليها وتذاكر طيران عشان تقوليلي يا اخي الفاضل . وخيرا جزاكِ يا اختي الفاضلة

 

عن اذنك هروح اجيبلك العصير

 

اتفضلي يا اختي

 

هههههههههههههههههههههههههههههههههههههههههههههههه

موتيني من الضحك يا هبه والله

ههههههههههههههههههههه

 

 

هو سي احمس دا بيهزانا ولا ايه

مالهم الناس الي بتاكل كتير

نعمل ايه يعني

شكله بخيل مش موضوع نحافه ال نحافه ال

 

 

 

 

لما شفت ابو نسمة فيالاول قلت استرجل بس هكع من اولها

هههههههههههههههههههههههه

 

 

 

 

ايوووووووووووووووووووووووووووووووووه

هو دا الي كنت مستنياه

ان اخت من اخوات فتحي تبقى حاااااااااااااااااااااااااااااااامل

منتظره الي هيحصل

شارك هذه المشاركه


رابط المشاركه
شارك

تسلم ايديك يا هوووووووووووووووبة يا حبيبتي

 

بصراااحة الاحداث تطورت كثييييييييييييييييييييييييييييييييييييير وذكرت نقاط كثيرة وقفت عندها منها

 

 

أحس أنه فتحي بدا يعامل أمه معاملة يلا مشي مشي يعني كله شوية يقول دي ست كبيرة ولازم تتحملي يا مروة

 

زي اللي بيعد أيامها وهو مش حاسس <<<<<<<<<< مأساة

 

 

أم فتحي دي تحفة من الاول وبدأت تعجبني أكثر و أكثر بشهادتها لأم مروة

 

وحضورها لبرامج دينية وكله كووووووم والفتوى الأخيرة اللي أصدرتها كوم تاني

 

وبعدين عيب تقفلوا عليكو الباب كدة . يابني لسة سامعة الشيخ بيقول ما اجتمع رجل وأمرأة الا وثالثهما الشيطان

 

شيطان ايه يا امي . دي مراتي

 

 

برضو يابني مهما كان لازم تسمع كلام الشيخ

 

وحديثها مع نسمة بخصوص العريس <<<<< حسيت فيها أمومة مش موجودة عند أم نسمة نفسها

 

والله يكون في عون مرووووووة ع العزووووومة دي موت وخراب ديار -_-

 

مسكينة نسمة ولااااا تعليق غير الله يكون في عونها

 

والدها <<<<< زيه كثييييييييييييييييييييييييييييييييييييييييييير وليه صاااحبة لو قرأت اللي كتبتيه عنه لقالت أني حكاية لك عن طليقها

 

<<<< وده حيكون آخر يوم في صداقتنا :(

 

أم نسمة أحيانا بشوفها ست مفترية وأحيانا أحس أنها عاوزة تطمن ع بنتها قبل ما يصير لها حاجة <<<< محدش عااارف ايه ممكن يصير وأبوها .... -_-

 

تصدقي يا هبة .... ولا بلاش مش حقووووول :P

 

خلاااااص خلااااص حقول في موقف أنا لما قرأته بكيت من قلبي :blush:

 

 

طولت عليك <<<<<< مارديتش علي بخصوص طلب العصابة والصلح :P :D يا حبيبتي أقول لهم ايه -_-

شارك هذه المشاركه


رابط المشاركه
شارك

جميل يا هبهوب وتعرضت لأكثر من مشكلة إجتماعية:

 

-الطلاق والتنصل من مسؤلية النفقة على الأبناء

-الزوجة المسترجلة وكيف وصل بها المطاف إلى الطلاق والتفكك

-دخول البنات إلي الحياة الزوجية بدون خبرة كافية (لا إفراط ولا تفريط ) قليل من الخبرة حتى لا يمل الزوج

-قبول الفتاة لأى عريس لمجرد اعتقادها أن الأبواب أغلقت فى وجهها وأمها السبب فى ذلك دوما تذكرها أنه لن يأتى من يقبلها زوجة وهذا خطأ كبير

-وأم فتحى ومشاكلها المعتادة مع مروة ولسانها الذى لايرحم ^__^

سلمت لنا يا مبدعة

تم تعديل بواسطة بنت ام عبد
  • معجبة 1

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×