اذهبي الى المحتوى

المشاركات التي تم ترشيحها

أولا أريد أحييك هبة الحبيبة على اعترافك وأظن ان الحلقات استفدت منها قبلنا =)

 

ثانيا ام فتحي كما ظننت هي من النوع الذي يتأثر بسهولة لازم يكون عندها شخصية قوية ولا تسمع لأحد

 

ثالثا المدام نسمة مادامت وافقت على هذا الزواج لازم تتغير وتبعد عن العجرفة وكلام الناس وانا الاحظ ان زوجها طيب

وقد أخطأت كثير لأنها تشرب حبوب منع الحمل وهذا حرام وليس من حقها ولا أعرف لماذا تمنع زوجها من ان يكون لها ولد منه اليست هي التي وافقت من الأول؟؟؟

 

 

 

 

ثالثا موقف هاجر مع حماتها لم يعجبني لأنها لو كانت تعرف أن حماتها هي السبب في عيشها سعيدة مع زوجها لما قالت له هذا القول

وأصلا الأم لها الحق في ولدها حتى لو كانت عندها مال ومش محتاجه فأنا زوجي يعطي لأمه المال كل شهر وسبحان الله ربي يخلف

وأنا التي أذكره هل اعطى لأمه ام لا =) ومادام هو يلبي طلبها فلا دخل لها يلا يا هاجر روحي صالحي جوزك فأنت لا تعرفين أن الزوجة لو عاملت اهل زوجها بالمودة والإحسان كم تكبر في عينه ويحبها أكثر وعن تجربة ^ـــــــــ*

رابعا أحيي ام مروة للمرة الثالثة فنعم الأم هي =)

 

أهلا نورة الحبيبة زمان ما شفناك =)

شوفي غاليتي انا لا اتفق معك لأني انا ايضا عشت فترة طويلة مع حماتي وانا بالفعل اعتبرها مثل امي فما افعل مع امي افعل معها

 

وكل وحدة تتكلم علة حسب تجربتها يعني الكلام ليس عام على الكل

شارك هذه المشاركه


رابط المشاركه
شارك

عسل والله ياهبه يكفينى الضحك اللى ضحكته بجد من قلبى من اسلوبك الفكاهى الجميل

ربنا يدخل السرور على قلبك زى ما بتحاولى ترفهى عننا وتخرجينا من همومنا

ثم بقولك ايه كفايه كده كلام هضحك ولا هعلق كفايه عليه اضحك

ههههههههههههههههههههههههههههههههههههههههههههههههههههههههه

شارك هذه المشاركه


رابط المشاركه
شارك

امبارح يا ماما مرتات باباه التلاتة جم عندنا . مش قادرة يا ماما اوصفلك اشكالهم . عارفة يا ماما ستات تخااااااااااااااااااااان اوي وكل واحدة لابسة عباية سودة وبتلمع

 

 

ولابسين سلاسل كبيرة وتخينة ونازلة لحد كروشهم . ومرشقين خواتم في صوابعهم بافترا

 

 

ولابسين غوايش دهب كتيييييييييييييير كتير اوي وحلقان مدورة كبيرة اوي . الحلق اد غطا علبة السمنة وكل واحدة فيهم عندها ضرسين تلاتة دهب في بقهم وشكلهم يخوف كدة

 

 

يا حبيبتي يابنتي . طب ما بلغتيش عنهم ليه

بس اللى انا اعرفه ان الديناصورات انقرضت من زمان

طيب لو هتيلغ عنهم هتجيبلهم ايه دول شكلهم جايين من المدبح عليها وسارقين محلات الدهب وقتلوا صاحبه هههههههههههههههههههههه

تم تعديل بواسطة سماء الفردوس

شارك هذه المشاركه


رابط المشاركه
شارك

رائعة يا بيبو الله

 

 

انا عن نفسي مش مستغربة موقف نسمة خالص

 

دة الطبيعي هي مش متفبلاه اصلا

 

واعتقد ان زوجها مش هيستمر على الطيبة دية كتير اكيد غي حد هيفهمه انها بتسخر منه

 

لكن لا اتمنى ان يطلقها اويتزوج عليها اتمنى ان ينصلح حالها

 

 

والحمد لله ان دة شهر مروة اصل طولت اوي في الحمل:))

 

ربنا يستر متجبش بنت وحماتها تبقى عايزة تسميها مديحة ^___________*

شارك هذه المشاركه


رابط المشاركه
شارك

زاد حبي لكِ غاليتي هبة عندما قرأت كلامكِ عن والدة زوجكِ ،، أسأل الله أن يجعل كل كلمة كتبتيها في ميزان حسناتكِ

ما شاء الله لا قوة إلا بالله ،، كلام والدة مروة وردها على بناتها في كل مرة ينم عن جمال شخصيتكِ أنتِ ، أسأل الله أن يجملكِ بالطاعة

شارك هذه المشاركه


رابط المشاركه
شارك

أولا أريد أحييك هبة الحبيبة على اعترافك وأظن ان الحلقات استفدت منها قبلنا =)

 

ثانيا ام فتحي كما ظننت هي من النوع الذي يتأثر بسهولة لازم يكون عندها شخصية قوية ولا تسمع لأحد

 

ثالثا المدام نسمة مادامت وافقت على هذا الزواج لازم تتغير وتبعد عن العجرفة وكلام الناس وانا الاحظ ان زوجها طيب

وقد أخطأت كثير لأنها تشرب حبوب منع الحمل وهذا حرام وليس من حقها ولا أعرف لماذا تمنع زوجها من ان يكون لها ولد منه اليست هي التي وافقت من الأول؟؟؟

 

 

 

 

ثالثا موقف هاجر مع حماتها لم يعجبني لأنها لو كانت تعرف أن حماتها هي السبب في عيشها سعيدة مع زوجها لما قالت له هذا القول

وأصلا الأم لها الحق في ولدها حتى لو كانت عندها مال ومش محتاجه فأنا زوجي يعطي لأمه المال كل شهر وسبحان الله ربي يخلف

وأنا التي أذكره هل اعطى لأمه ام لا =) ومادام هو يلبي طلبها فلا دخل لها يلا يا هاجر روحي صالحي جوزك فأنت لا تعرفين أن الزوجة لو عاملت اهل زوجها بالمودة والإحسان كم تكبر في عينه ويحبها أكثر وعن تجربة ^ـــــــــ*

رابعا أحيي ام مروة للمرة الثالثة فنعم الأم هي =)

 

أهلا نورة الحبيبة زمان ما شفناك =)

شوفي غاليتي انا لا اتفق معك لأني انا ايضا عشت فترة طويلة مع حماتي وانا بالفعل اعتبرها مثل امي فما افعل مع امي افعل معها

 

وكل وحدة تتكلم علة حسب تجربتها يعني الكلام ليس عام على الكل

 

 

أتابع كلامكِ غاليتي حواء عن أم الزوج وأحترمه كثيرا ربي يديم بينكم الود والرحمة ويزيدكم من فضله (أحبكِ في الله) ^_____^

أعلم أن هناك من يعشن حياة صعبة جدا وتكون السبب في ذلك أم الزوج لكنني على يقين أن حسن المعاملة والود والاحترام وأن نضع أنفسنا مكانها ومراعاة أن الرجل الذي تزوجته المرأة كان في يوم من الأيام في رحم هذه الأم فلها كل التقدير والاحترام والحب ( ادفع بالتي هي أحسن فإذا الذي بينك وبينه عداوة كأنه ولي حميم ) ولن يصبح ولي حميم إلا إذا جعلت قلبي نظيفا نقيا قابل لحمل الحب لهذه الأم التي ربت رجلا وأصبحت المرأة التي تزوجها مسؤلة منه دون أدنى جهد منها أو تعب معه حتى شب وكبر يوما بيوم وليلة بليلة

 

وإن كان العمل خالصا لوجه الله فما ضرنا أبدا ما المقابل ،، وإن عاملت الزوجة أم زوجها كمعاملتها لأمها وكان ذلك خالصا لوجه الله لن يضرنا ما تفعله هذه الأم لأن هذا فيه إرضاء لزوجها وإرضائها لزوجها فيه رضا لربها

  • معجبة 1

شارك هذه المشاركه


رابط المشاركه
شارك

رب يبارك فيكِ هوبة

 

بالنسبة للست نسمة دا لا تعليق لأن ده معروف من الأول وشيء طبيعي اللي بيحصل لها ده

لأنها جرت ورا المادة فمافيش أمامها غير حاجة من الاتنين إما تعيش وتستحمل وتصبر على اختيارها وده بعيد بالنسبة لشخصيتها

وإما تروح تقعد جنب مامتها وتطلق وده المتوقع واللي يمشي مع شخصيتها وتبقى خلاص جنت على روحها

 

أما بالنسبة لهاجر فغلطت غلط كبير لأنها تتدخل في أشياء خاصة جدا بين زوجها وأهله وده ممكن يخسرها حب جوزها واحترامه لها

وبعدين أي زوجة بتتضايق من سخاوة زوجها مع أهله إيمانها قليل لأن ده رزق ربنا بيبعته لأصحابه بمعنى إن ربنا أرسل الرزق ده علشان أهله

يعني مش من حقها حتى لو كانت تعيش في ضيق من الرزق أو في أشياء بتطلبها ومش بيقدر زوجها يوفره لها فلابد أن تتحمل

لأن ربنا سبحانه وتعالى سيجزيها خير ويبدلها خيرا مما ذهب لأهل الزوج

مش عارفة ليه دايما الستات بتتضايق من الحكاية دي ممكن تكون فطرة جوانا إننا نحب نستأثر بكل شيء لبيتنا وأولادنا

لكن لازم نكبت تلك الفطرة السيئة ونضغط على النفس حسبة لله وبعدا عن المشاكل لأن الممنوع مرغوب

وفي الآخر لن يصيب الإنسان إلا ما كتب له ولن ينال إلا ما قدره الله له فلما المشاكل ونكد الحياة

لازم ناخد الأشياء ببساطة ونعدي أي شيء طالما لا يغضب الله وفي الآخر انتظري أختي الفرج فسيأتيكِ به الله أكيد

في انتظار أم فتحي هوبة وانتهاء الهدنة بسبب الست سعاد

  • معجبة 2

شارك هذه المشاركه


رابط المشاركه
شارك

 

أحبك الذي احببتني لأجله وأنا احبك أكثر غاليتي ()()

 

وسبحان الله عرفت ماذا اقصد فلو كل زوجة عاملت حماتها كما لو تعامل امها لوجه الله ولا تنتظر المقابل لانحلت جميع المشاكل والله

 

اللهم ادم المحبة بين الحماة والزوجة =)

شارك هذه المشاركه


رابط المشاركه
شارك

لحظة يا حبيبات

لا أظن نسمة وافقت على فرج بسبب المال

بل وافقت عليه لأنه الوحيد الذي تقدم لها وشجعها على ذلك المال فاعتبرت ان هناك فائدة ستخرج من الزواج

ايضا وافقت عنادا في كل من تظن انه يريد الشماتة فيها

  • معجبة 1

شارك هذه المشاركه


رابط المشاركه
شارك

اهلا حبيباتي

 

منال كامل

 

ازيك يا منولة . هبقى اخد اسامي بنات اختك اللي اكبرهم عندها اربع سنين لما اعمل مسلسل اطفال على قناة سمسم هههههههههههههههه

 

اتمنى رضاه

 

اهلا بالفك المفترس بتاع تحليل الاحداث

 

الفقيرة الى الله

 

منورة يا امونة نسمة بتسلم عليكي والمعلم فرج يحيكي

 

ماريا

 

يعني هو انا عقلي هيروح فين في عقلك يا ام العقل كله

 

سارة محمد

 

سوسو القمر . ربنا يخليكي يا حبيبتي . ربنا يرزقك بزوج صالح وحما طيبة قولي آمين

 

زينب

 

يعني وفيها ايه لما ربنا يرزقك بعريس ستايل وملتزم في نفس الوقت ههههههههههههه

 

انفاس الفجر

 

ايوة طبعا الفرح مختلط يا انفاس يا اختي . انتي متخيلة واحدة بشخصية نسمة هتعمل فرح اسلامي ههههههههههه

 

نجوى الليل

 

منورة يا نوجا . اهلا بحبايبنا بفلسطين

 

حواء

 

حواااااااااااااااااااااء اديني كتبت اسمك شايفاه ولا تغيري نضارتك ههههههههههههههه

 

والله بتنوريني والموضوع ما يحلى الابيكي يا حياتي انتي

 

اشرقت السماء

 

ابوس ايدك يا شيخة غيري الحالة المزاجية اللي كأبتينا بيها هههههههههههههه اياك الاقيكي حزينة تاني

 

ام آية

 

اهلا ام يويو . ماتخافيش ام فتحي ما تتغيرش ابدا . دي كانت صحوة ضمير وراحت لحالها

 

أم عبد الرحمن وجنة

 

اهلا ام عبد الرحمن ازيك حبيبتي . تعالي شوفي الست ريمة اللي رجعت لعادتها القديمة

 

 

أم رقية

 

اهلا ام روكي ربنا يزيدك حب لحماتك ويديم المودة . منورة يا عسل

 

 

اعتز بالإسلام

 

ام عمور الامور . يا اختي امثال سعاد كتير ربنا يكفينا شرهم

 

المحبة للزهراء

 

اهلا هلولتي حبيبتي منوراني

 

ايماني عنواني

 

اهلا موني عيوني ازيك منورة الموضوع والله دايما بطلتك الحلوة

 

نشوى

 

ربنا يباركلي فيكي يا نوشا . دعواتك حبيبتي

 

oum ritage

 

روحي انتي قولي كلمتين لنسمة عقليها يا ام ريتاج انا ماليش كلام معاها هههههههههه

منورة حبيبتي

 

 

أم حبيبة المصرية

وعليكم السلام ورحمة الله وبركاته حبيبتي

اهلا ام حبيبة فينك ناسيانا . اديكي مخالفة تأخير ولا هتلتزمي معانا بالحضور ههههههههههه

 

 

أم ابراهيم السلفية

 

يعني يا ام ابراهيم يختي سايبة كل الاحداث والصراعات دي كلها ومافيش حاجة لفتت نظرك الا الشهقة ؟؟؟؟؟؟؟؟؟؟؟؟؟؟؟؟؟؟؟؟؟؟

 

هههههههههههههههه دي شهقة بيشهقوها المختلين عقليا وهما بيعملوا الملوخية ظنا ان طعمها هيبقى احلى ههههههههههههههه

 

حنين للجنة

 

اهلا ام محمد الغالية

 

والله نفسي فعلا اعمل مدونة واجمع كل الاعمال الفاشلة بتاعتي ههههههههههههههه

 

أم العبادلة

 

يختي يا عسل . ام عبد الرحمن رضيت علينا اخيرا

 

مرحبا بسيدة الفتاوى الأولى

 

والله ما نستغنى عن اراءك وفتاويكي يا عسل

 

ملاذ الفرح

 

اهلا حبيبتي تحليلات رائعة جدا ماتحرميناش منها

 

المتضرعة لرب الكون

 

عودا أحمد يا سكر

 

ماتغبيش تاني

 

سماء الفردوس

 

استخبي لحسن الديناصورات بيدوروا عليكي وناوينلك على نية مش كويسة هههههههههههه

 

ريحانة عبد الرحمن

 

اهلا ريحانة حبيبتي . الله يكرمك يا سكر انا بحبك اكتر واكتر واكتر

شارك هذه المشاركه


رابط المشاركه
شارك

اااااااااااااااااااااااه فتحي فتحي الحقني انا تعبانة اوي اصحى ااااااااااااااااااااه

 

ايه ايه يا مروة في ايه

 

انا تعبانة شكلها ولادة . صحيلي ماما بسرعة

 

حاضر حاضر يا حبيبتي

 

 

 

 

 

يا امي

 

اخخخخخخخخخخخخخخخخخخخخخخخ

 

امي

 

اخخخخخخخخخخخخخخخخخخخخخخخخخ

 

يا امي

 

اخخخخخخخخخخخخخخخخخخخخخخخخخخخخخخخخخخخخخخخخخخخخ

 

امي

 

ايييييييييييييييييييييه في ايه بتصحيني ليه

 

مروة بتولد

 

طب واحنا مالنا يابني

 

يا امي احنا مالنا بايه مراتي بتولد

 

استغفر الله العظيم . هي الساعة كام

 

الساعة حوالي اتنين

 

وهو في ست عقلة تولد الساعة اتنين بالليل . دا ايه وجع القلب ده . مافيش ذوق . ما تحطش في عنيها حصوة ملح وتقول استنى الصبح عشان ما اقلقش الناس معايا . انما هتجيب الذوق منين

 

يا امي يلا تعالي شوفيها

 

يادي قلة الراحة . الواحد لا عارف ينام ولا يرتاح في البيت ده

 

 

اااااااااااااااااااااااااااااااااه

 

مالك يا وش القلق . بتصرخي ليه

 

تعبانة تعبانة اوي . ما صحتليش ماما ليه يا فتحي

 

ما هي قدامك اهيه يا مروة

 

مش ماما دي . انا عايزة ماما الحقيقية . عايزة ماما الحقيقية ااااااااااااااااااااه

 

هو ايه اللي عايزة ماما الحقيقية . عايزة ماما الحقيقية . شيفاني خارجة من فيلم كرتون ولا شبح قدامك

 

ااااااااااااااااااااااااااااااااااااااااااااااااااااااه هاتولي ماما

 

روح اتصلها بامها عشان هتولد بدلها باين . ال ماما هاتولي ماما

 

 

 

 

 

 

 

ترررررررررررررررررررررن ترررررررررررررررررررررررررررررن

 

خير يارب في ايه الو ايوة يا فتحي

 

مروة بتولد يا طنط مروة بتولد

 

يا حبيبتي يابنتي .حاضر حاضر خدها ع المستشفى وانا هحصلكو حالا انا وباباها

شارك هذه المشاركه


رابط المشاركه
شارك

يارب يارب . اتأخروا اوي في اوضة العمليات . يارب استر

 

اهدي شوية يا راضية

 

اهدا ازاي يا صابر انا مش قادرة اتمالك اعصابي

 

 

تعالي اشربي شاي يا ام مروة

 

شاي ايه بس يا ام فتحي . انا عايزة اطمن على بنتي

 

وهي هيجرالها ايه . دلوقتي تقوم زي القردة وجنبها الشمبانزي الصغير ما تخافيش

 

ربنا يستر

 

اقعد يا فتحي يابني خيلتني مش عارفة اشرب كوباية الشاي

 

قلقان اوي يا امي

 

خلي قلقك على حاجة تستاهل يا حبيبي . القلق من غير سبب قلة ادب

 

استر يارب يارب ياااااااااااااااااااااااااارب

 

 

 

 

 

 

 

ها الدكتورة خرجت اهيه . خير يا دكتورة

 

 

مبروك يا جماعة ولد زي القمر

 

الحمدلله الحمدلله

 

بنتي بنتي طمنيني على بنتي

 

كويسة يا مدام بخير ما تقلقيش هننقلها لاوضتها بس هي تحت تأثير البنج دلوقتي . الف مبروك

 

 

مروة ولدت يا امي . ربنا رزقنا بولد

 

مبروك يا حبيبي يتربى في عزك . هنسميه فرغلي على اسم ابوك ان شاء الله

 

نعم !!!!!!!!!!!!!!!!!!!!!!!!!!!!!!

شارك هذه المشاركه


رابط المشاركه
شارك

اخيرا مبروك مقدما

 

حلوة شيفاني خارجة من فيلم كارتون دية

 

بس حقيقي مفيش حد بتألم ويشيل همك أد الام

 

أسأل الله ان يبارك في امهاتنا

 

ويرحم ماماتك يا هبة وجميع امهات المسلمين

شارك هذه المشاركه


رابط المشاركه
شارك

كنت خايفة تجيب بنت تسميها مديحة على اسمها

 

ولما ربنا يستر برضة مش رحمانا ام فتحي

 

انا من دلوقتي بعترض على الاسم واياك مروة توافق (وجه ناوي على شر)

شارك هذه المشاركه


رابط المشاركه
شارك

 

 

هو ايه اللي عايزة ماما الحقيقية . عايزة ماما الحقيقية . شيفاني خارجة من فيلم كرتون ولا شبح قدامك

 

 

 

 

خلي قلقك على حاجة تستاهل يا حبيبي . القلق من غير سبب قلة ادب

 

 

 

متابعة هبة الحبيبة

 

و الله أم فتحي بالرغم من سوء معاملتها لمروة لكن دمها خفيف و تضحكني و تسليني

 

لا تتأخري عنا

شارك هذه المشاركه


رابط المشاركه
شارك

يا خبر ,,,فاتني المسلسل

معلش ,, المهم لحقت بالإعادة

قرأت 4 صفحات ولي عودة بإذن الله لقراءة الباقي

شارك هذه المشاركه


رابط المشاركه
شارك

الف مبارك لمروة الحمد لله أن ولدت عادي

 

والحمد لله ايضا انها ولدت ولد لأن فيه حموات لما تولد البنت اول ولادة مش بيعجبهم وهذا بسبب الجهل =)

 

لكن ايه فرغلي ده عامل زي اسم الاسمنت هههههههههه

شارك هذه المشاركه


رابط المشاركه
شارك

^____^

 

انفاس الفجر

ايوة طبعا الفرح مختلط يا انفاس يا اختي . انتي متخيلة واحدة بشخصية نسمة هتعمل فرح اسلامي ههههههههههه

 

شوفي هبة المشكلة مش في نسمة المشكلة في فتحي يروح فرح مختلط ليه ع أساس هو ملتزم :/

شارك هذه المشاركه


رابط المشاركه
شارك

^ــــــــــــــــ^

عجبني اوي اسم الام والاب (راضيه وصابر)

^ــــــــــــــ^

ما شاء الله عليكِ يا هبه

سلمت يداكِ

لما بقرا قصصك احلي عندي من اني اتفرج علي كرتون((علي الرغم من اني بحب اتفرج ع الكرتون جداااا:) )

شارك هذه المشاركه


رابط المشاركه
شارك

سارة محمد

 

سوسو القمر . ربنا يخليكي يا حبيبتي . ربنا يرزقك بزوج صالح وحما طيبة قولي آمين

ويبارك فيك ^ــ^

اللهم امين ربنا يستر انا بخاف من الحماة

 

 

بس محدش رد على سؤالى

 

هو ايه اللي عايزة ماما الحقيقية . عايزة ماما الحقيقية . شيفاني خارجة من فيلم كرتون ولا شبح قدامك

 

خلي قلقك على حاجة تستاهل يا حبيبي . القلق من غير سبب قلة ادب

هههههههههه

 

على فكره انا بستفاد من الحكايه ومن الردود بتدونى خبره كده الحمد لله

شارك هذه المشاركه


رابط المشاركه
شارك

مش عاجبنى اسم فرغلى

والحمد لله انه مش عاجب فتحى

شغلانه هى

عايزه يسموا الاحفاد على اساميهم والاحفاد يسموا على اسم ابوهم هيبقى مكرر

شارك هذه المشاركه


رابط المشاركه
شارك

جرى ايه ياام فتحى فرغلى ايه ياختى اللى عايزة تسميه ?

 

ما سمعتيش عن اسماء مثلا

محمد

احمد

عمر

معاذ

زياد

واسماء كتييييييييير تانية

ال فرغلى ال

انا كمان مش موافقة على الاسم ده

 

 

 

 

بصراحة دمها عسل ام فتحى بس قوليلها تخف شويه مش كده

 

تسلم دماغك هبهوب

تم تعديل بواسطة اعتز بالاسلام

شارك هذه المشاركه


رابط المشاركه
شارك

الحمد لله على سلامة مروة ومبروووووووووك البيبي

 

 

ارحمينا بقى انتي ياست ام فتحي دانتي كنتي عاوزة تسقطيه ومش مهتمه ليه خالص وبالاخر عاوزة تسمي على مزاجك

 

 

ال فرغلي ال خلي والدة ووالدته هما اللي يختاروه اسم

 

كملي ياعسسسسسسولتي

شارك هذه المشاركه


رابط المشاركه
شارك

رائع ياهبة

متابعة معاكِ بشوق

وردود الاخوات جميلة

 

مبروك لمروة والله يهدى ام فتحى البتتحول بسرعة كده

عاوزة اعرف لوكانت بنتها البتولد كان حيكون قلبها جامد كده

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×