اذهبي الى المحتوى

المشاركات التي تم ترشيحها

ها يا منولة قولي يا حبيبتي اعمل ايه

 

بصي بقى يا مروة اسلوبك مع جوزك يتغير نهاااااااااااااااااااائي

 

يعني ازاي

 

يعني دور الست المسكينة اللي تقول حاضر وطيب وتخلي جوزها يستقل بيها ده تبطليه

 

مش فاهمة

 

بصي يعني اول ما يدخل تقابليه بتكشيرة حلوة كدة ملو الوش تسد نفسه وتكرهه في عيشته

 

دي سهلة خالص من عنية

 

يقولك ازيك يا حبيبتي تقوليله زي الزفت

 

يقولك في ايه بس مين زعلك

 

تقوليله خليها في القلب تمرح ولا تخرج لبرا تسرح

 

هي مين دي يا منولة

 

هي مين ايه يا مروة . دا مثل شعبي

 

ههههههههههههه الله . لطيف اوي .قوليه تاني كدة

 

اقولك واحد تاني . ال جوا وبرا فرشتلك وانت حالك مايل وايه يعدلك

 

هههههههههه الله وده حلو اوي كمان . استني استني هجيب ورقة وقلم واكتب وراكي عشان احفظهم

 

هو انتي ماسمعتيش الامثال دي قبل كدة من امك ؟

 

ماما ! ماما تقول الكلام ده !!!!!!!!! ماما ماتعرفش غير جزاكم الله خيرا لما حد يعملها حاجة حلوة وسامحكم الله لما حد يزعلها

 

والله يا مروة امك دي تروح تعيش في عالم سمسم وتسيبنا في حالنا احسن

 

هي مامتك هي اللي بتحفظك الامثال اللطيفة دي ؟

 

ايوة طبعا . كل يوم تجمعني انا واخواتي وتحفظنا امثال وتخلينا نطبقها ودايما تقول خليكو جامدين عشان حمواتكو ما يستوطوش حيطتكم

 

يعني ازاي يعني .حيطة ايه . هو انتوا بتبنوا بيت

 

مروة . بطلي غباوة لحسن اقوم اروح ومش هعلمك حاجة

 

لالالا خلاص علميني بالراحة . طب انتي عارفة في مثل حفظته من ايناس سلفتي وكل مااشوفها اقولهولها وهي تتغاظ

 

مثل ايه ده ؟

 

بتاع مركب السلايف

 

اه اه عارفاه . دا قديم اوي . امي حفظيتهولنا من زمان ايام جواز نسرين

 

طيب خلينا في المثل مليني تاني

 

جوا وبرا فرشتلك وانت حالك مايل وايه يعدلك

 

جوا لبرا فرشتلك

 

جوا لبرا ايه يا مروة . اسمه جوا وبرا

 

اه سوري سمعت غلط . خلاص كتبته وهحفظه على مايجي فتحي

 

عايزاكي تنكدي عليه عشان يعرف قيمتك ويجيبلك حقك

 

طيب فتحي وخلصنا منه . اعمل ايه مع حماتي ؟؟؟؟؟؟؟؟؟؟

 

بسيطة اوي . سوقي العوج

 

بس انا مش بعرف اسوق ولا معايا رخصة

 

استغفر الله العظيم . يا حبيبتي يعني ماتسمعيش كلامها ودايما اتمردي عليها واقهريها

 

بس انا بخاف منها اوي . دي عصبية خالص

 

عصبية على نفسها يا حبيبتي مش عليكي . اسمعي كلامي وهتشوفي

 

خلاص ماشي . طيب واخواته هالة ودينا

 

عندهم عيال ؟

 

ايوة عندهم وبيجوا يبهدلوا البيت ويسيبوه زريبة

 

اضربيهم .موتيهم من الضرب

 

يا سلاااااااااااااااااام . وانتي فاكرة هالة ودينا هيسكتوا . يابنتي اصلك ماشوفتيش هالة .دي عاملة زي مازينجر .شكلها زي بتوع كمال الاجسام

 

بلا خيبة دي منظر ع الفاضي . انا عارفة الاشكال دي . الواحد ينفخ فيهم يقعوا

 

الله . انا كدة هبقى سوبر مروة ز انا فرحانة اوي

 

اومال يا حبيبتي . اعملي اللي قولتلك عليه وهتشوفي الخوف والرعب اللي هيبقوا فيه منك

 

متشكرة اوي اوي اوي يا منولة . من النهاردة هنفذ مع فتحي . وبكرة هالة ودينا جايين وهيشوفوا اللي عمرهم ماشافوه

 

الى الامام يا مروة . ثبت الله خطاكي

شارك هذه المشاركه


رابط المشاركه
شارك

جمييلة الحلقات يا هبة ، استمتعت بقراءتها يا حبيبة

 

بارك الله في جهدك يا عسل

 

احبك في الله ♥

شارك هذه المشاركه


رابط المشاركه
شارك

بتدوري على ايه يا نوسمة

 

ماشوفتش البرشام بتاعي يافرج

 

شوفته ورميته وهحبسك في البيت عشان ماتجبيش منه تاني لحد ماتبطلي اودمان

 

يا نهارك مش فايت انت اتجننت هات البرشام هات البرشااااااااااااااااااااااااااااااااام البرشام بتاعييييييييييييييييييييييييييييييييييييييييييييي يا مامي اديني البرشام البرشااااااااااااااااااااااااااااااام

 

انا كدة اتأكدت انك مودمنة عدم الامؤاخذة . بشوف زمايلك المودمنين يقعدوا يصوتوا ويتمرمغوا في الأرض كدة ويقولوا هاتوا البرشام . بس انا مش هضعف . لازم تتعالجي يا حرمنا المصون

 

اهئ اهئ اهئ . طب اطلع نام برا

 

نعم ! ليه ان شاء الله . حد في الدنيا يشوف القمر ده ويسيبه

 

يا ماميييييييييييييييييييييييييييييي

 

 

 

 

 

 

 

 

 

 

مروة

 

مروة

 

حبيبتي

 

 

روحي

 

عقلي

 

القمر مابيردش ليه

 

عايز ايييييييييييييييييييييييييييييييييييييييييه

 

مين دي !!!!!!!!!!!!!! مالك يا مروة

 

جوا وبرا فرشتلك يا مايل يللي مافيش حاجة بتعدلك

 

ايه !!!!!!!!!!!!!!!!!!!!!!!!!!!!!!!!! ايه الكلام البيئة ده . ايه اللي حصلك يا مروة

 

اللي حصل اني مش طيقاك . مش عايزاك . بتعصب لما اشوف وشك اللي يقطع الخميرة من البيت ده

 

لالالالالالالالا مش ممكن تكوني مروة مراتي المؤدبة المتربية . انا مش مصدق وداني . في ايه يا مروة سمعتي من منين الكلام المتدني ده

 

سمعته من حبايبي اللي بيحبوني وعايزين مصلحتي . يا مبهدلني يا فتحي . يا ذاللني لكلاب السكك يا فتحي

 

لا لا بجد مش ممكن انا مذهول . دي مش مراتي الرقيقة الهادية اللي بحبها

 

انا فتحتلك الباب اخرج نام برا برااااااااااااااااااااااااااااااااااااااا روح نام في حضن امك يا ابن امك . براااااااااااااااااااااااااا خد مخدتك ولحافك وبراااااااااااااااااااااااااااااااااااا

 

يا مروة ماتزقيش كدة امي قاعدة في الريسيبش عيب

 

براااااااااااااااااااااااااااا اخرج بقى يوووووووووووووووووووه الواحد مش قادر يزوقك اخرج بقى

 

 

يا مروة افتحي الباب عيب كدة نتفاهم مروة يا مروة

 

 

احم احم مساء الخير يا امي

 

انت معزل يا حبيبي !

 

انا !!!! لا . لا ابدا

 

اومال شايل مخدتك ولحافك ورايح فين

 

ابدا ابدا اصل الولد صهيب . صهيب ابني الصغير مانتي عارفاه . اصله بيعيط ومش عارف انام منه . قولت اخرج انام برا

 

يا وكستك في ابنك يا مديحة . ياريتني ماعيشت لليوم ده . يا خسارة الرجالة . اطردت من اوضتك يا سيد الرجالة . ادخل احلق شنبك عشان مالوش لزمة تحتفظ بيه وتهزئوا معاك اكتر من كدة

 

 

يا امي

 

بلا امي بلا ابويا بلا خيبة . ال اكسر للست ضلع يطلعلها اربعة وعشرين . اديك دلعت وفي الآخر جت على دماغك

 

لا حول ولا قوة الا بالله . ايه اللي عمل فيكي كدة يا مروة . الله يسامح اللي كان السبب . انا داخل انام في الصالون . عايزة حاجة يا امي

 

عايزاك تجيب منخل وتحطه على وشك وتقول يا أرض اتشقي وابلعيني

  • معجبة 4

شارك هذه المشاركه


رابط المشاركه
شارك

الله المستعان

 

بصراحة مروة مش عاجباني خالص

من كام حلقة .

ودلوقتي زودت الطين بلة . المفروض الواحدة ما تسمع من أي حد

كل زوجة أدرى بنفسها وبزوجها وبيتها وتعرف تتعامل مع كل فرد فيه إزاي

أما مروة فطالما أصبحت من النوع إللي بيرمي ودانه في أي مكان عمرها ما هتسلم وكل ما تطلع من مطب هتقع في غيره

لأنها فقدت الحكمة وفقدت معه العقل والأدب وأصبحت لا تميز بين حسن المعاشرة والأدب وبين قلة الإحترام والأدب

 

أما فرج : فواضح إنه إنسان طيب وشكله هيكسب قلب الننوسة نوسمة : )

ربنا يهديها وأمثالها يارب .

 

جزاكِ الله خيرا حبيبتي وبارك فيكِ وفي قلمك المميز.

  • معجبة 1

شارك هذه المشاركه


رابط المشاركه
شارك

تررررررررررررررررررن تررررررررررررررررررررررررن

 

مين

 

احنا هالة ودينا يا ماما

 

هيييييييييييييييييييييه هييييييييييييييييييييييييييييه هييييييييييييييييييييييييييييييييييييييييييييييه تيتة اهيه تيتة اهيه

 

يا حبايب تيتة يا نور عين تيتة . انتشروا يا حبايبي

 

هييييييييييييييييييييييييييييييييييييه

 

هيييييييييييييييييييييييييييييييييييييييييييييييييييييييييييييييه

 

هييييييييييييييييييييييييييييييييييييييييييييييييييييييييييييييييييييييييييييييه

 

 

 

 

 

 

ازيك يا ماما

 

الحمدلله ازيك انتي يادينا وازي جوزك

 

الحمدلله بخير هيجي يتعشى معانا ان شاء الله

 

ينور ويآنس . وانت ازي جوزك يا هالة

 

كويس يا ماما . بس امه مطلعة عنية كأني عدوتها

 

اخص عليها ليه بقى كدة . هي نسيت نفسها ولا ايه . لالالا تلم نفسها لحسن قسما بالله اروح ابهدلها انا ماحدش يمس بنت من بناتي بكلمة ولا بفعل

 

ياريت يا ماما تروحيلها لحسن دي بجد مزوداها وكل ماتيجي عندي تولع الدنيا وتخلي حسين يقلب عليا

 

اتقلبت يا نهار جهنم البعيدة . مرووووووووووووووووووووووووووة

 

يا مرووووووووووووووووووووووووووووووووووووووووووووووووووووووووووووووووة

 

مرووووووووووووووووووووووووووووووووووووووووووووووووووووووووووووووووووووووووووووووووووووووووووووة

 

 

 

ايييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه عايزة ايه

 

يا نهارك مالوش ملامح . هي مين دي اللي عايزة ايه . مش سامعاني بنادي عليكي

 

سا معة ومش عايزة ارد

 

مش عايزة تردي ليه يختي

 

مزاجي كدة . كيفي كدة . انا حررررررررررررررررررررررررررررررررررررررررررة

 

حرة في عينك . روحي حضريلنا الفطار

 

وانا احضره ليه . ماتقومي اسدين قصر النيل اللي جنبك دول يحضروه ولا دول قاعدين ديكور وزي قلتهم

 

اسدين . احنا اسدين يا مامي . سامعة مرات فتحي بتقول ايه

 

يابنتي الله يهديكي روحي اعملينا حاجة نفطر بيها

 

وانا مالي . هو انا اللي هطفح ولا انتوا .

 

 

شامة في كلامك ريحة تمرد يامرات ابني وده مش في صالحك

 

انا هنا بخدم جوزي وابني وبس . انا داخلة اوضتي

 

دي اجننت دي ولا ايه يا ماما . دي مش عاملالك اعتبار

 

 

 

 

اطلعوا برا يا زفت الطين انت وهو جاتكو الارف بهدلتوا البيت

 

مش هنطلع ياطنط احنا عايزين نلعب هنا

 

طب والله لانا مموتاك من الضرب انت والبلاوي دول

 

 

ااااااااااااااااااااااااااااااه يا ماما اهئ اهئ اهئ

 

اااااااااااااااااااااااااااااااه ااااااااااااااااااااااااااااه يا مامي اهئ اهئ اهئ

 

 

ايه يا ولاد في ايه

 

 

طنط مروة ضربتنا اهئ اهئ

 

دي وقعتها سودة النهاردة .مرووووووووووووووووووووووووووووووووووووووووووووووووووة

 

 

اييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييييه عايزين ايييييييييييييييييييييييييييييييييييييييييييييييييييييييه

 

 

ايه اللي بتعمليه ده يا مرات ابني

 

باين عليها اتجننت ياماما

 

انا ماحدش ليه دعوة بيه . اتصرف زي ماانا عايزة

 

كدة !!!!!!! طب هاتوهالي يا بنات عشان مش قادرة اقوم

 

 

يا ماماااااااااااااااااااااااا سيبوني سيبوني

 

اتفضلي ياماما تحت امرك .

 

سخنولي حلة مية كبيرة وهاتوهالي

 

انتوا هتعملوا فية ايه حرام عليكو . انا عايزة اعيش اهئ اهئ

 

قولولها يا بنات . مين اخر واحدة اتحدتني وجرالها ايه

 

كانت عمتي عنايات يا ماما

 

وجرالها ايه

 

بقالها خمسة وعشرين سنة في الجبس ولسة مافكتوش يا ماما

 

وغلطت فيا بعد كدة ؟؟؟؟؟؟؟؟

 

لا يا ماما دي حتى كنا عندها الاسبوع الي فات وبتدعيلك انك قعدتيها في بيتها معززة مكرمة بسبب كسر ضلوعها بعد العلقة اللي اديتيهالها ورحمتيها من زحمة المواصلات

 

ربنا يقدرني على فعل الخير . المية غليت ولا لسة

 

اهئ اهئ با ماما انا اسفة مش هعمل كدة تاني . مش هزعلك

 

لالالا انتي زودتيها اوي ولازم تتربي . امبارح تنيمي الواد في الصالون والنهاردة طايحة زي الطور الهايج وماحدش قادر عليكي

 

اهئ اهئ خلاص والله حرمت

 

فات الاوان يا مرات اخويا

 

حرام عليكو ابني صغير ومحتاجلي

 

ابنك هيتربى وسط العيال ماتشليش همه . كتفوها كويس يا بنات

 

ايه ده يا ماما يا ماما دي هربت الجبانة

 

اجروا وراها هاتوها

 

جريت وقفلت باب اوضتها بالمفتاح يا ماما

 

اديني قاعدالها على باب الاوضة يعني هتروح مني فين . البت فاكراني من الحموات النص كم اللي يعيطوا وينهنهوا ويقولوا مرات ابني ظالماني . كان غيرك اشطر يا مرات ابني

 

ماعاش ولا كان اللي يدوس على خيال أم فتحي

شارك هذه المشاركه


رابط المشاركه
شارك

منال صاحبة مروة

وبعدين بقى في المقاطيع اللي بيتحدفوا علينا كل شوية دول . افندم

دي أخرتها يا هوبة

 

بصراحة فرج طلع فيه حاجات جميلة

أولها الأمانة في البيع وبيراعي ربنا في عمله

وكريم وحنين ودي صفات ممكن نسمة هانم تفرح بيها طالما اتجوزت

وتنازلت عن الفارق البيئي والثقافي يبقى لازم تاخد لها قفلة وتتعامل بما يرضي الله

غير كدة منعها للحمل بدون رضا زوجها إثم كبير ولا يحق لها ذلك وإن لم تعدل من نفسها

هتكون أخرتها زي ما قلت قبل كدة نفس مصير والدتها

 

أما مروة للأسف لبست توب غير توبها واتغيرت أخلاقها

ولم يكن من حقها أن تطلع صحبتها على مساوىء حماتها لأنها كدة وقعت في الغيبة

غير كدة الصاحب الحق هو اللي يصبر صاحبه وينصحه بالتحمل حسبه لله

لكن منال هانم عملت العكس وكلامها ونصايحها نهايتها خراب بيوت وكره الزوج لزوجته

مروة ممكن توصل لأخوات زوجها أنها ليست مطالبة بخدمتهم وإنها يدوب تقدر تقوم بخدمة زوجها وابنها ومعاهم حماتها حسبة لله وطاعة لزوجها

وإن هما في بيت والدتهم يعني يقدروا يخدموا نفسهم بكل حرية وإنها زيها زيهم في بيت حماتها يعني لو مروة مش موجودة في بيت حماتها ولها بيت مستقل

هل هما كل اما هيروحوا لوالدتهم هي اللي هتقوم بخدمتهم من فطار لغدا لعشا لتنظيف مكان أولادهم لا أظن وبردوا مش معقول هيسيبوا والدتهم هي اللي تعمل

يبقى لازم يكون في قلبهم رحمة ويشكروا لها أنها تراعي أمهم وتخدمها

 

والمرة الجاية تبقي تجيب صاحبة قرشانة بجد هوبة مش منولة الأمورة :)

  • معجبة 4

شارك هذه المشاركه


رابط المشاركه
شارك

سلمت يداك حبيبتى هبه الاحداث كثيرة ومتلاحقة ولن استطيع التعليق على كل الاحداث

ولكن طبعا سأعلق على فرج واخلاقة الطيبة برغم عدم تعليمه الان ان تصرفاته افضل كثير من ناس متعلمين يكفى انه بيحب نسمة وبيخاف على مشاعرها

ومش عاوز حد يطلع على عيبوها وده باين من كلامه لما قال لو روحت اكل عند امى هتقول مراتك ما بتعرفش تطبخ

اما نسمه لازم يحصل لها موقف عشان تعرف فضل فرج وتدرك حسن اخلاقة

نيجى بقى لمروة واللى عملته طبعا جميعا لا نختلف انها غلطانه فى اللى عملته من اول الحلقات واحنا بنقول كان لازم تاخد موقف وزى ما بنقول تحط النقط على الحروف من الاول

لكن بما انها ما عملتش كده من الاول فطبعا غلط جدا اللى هى عملته الان وتصرفها مع زوجها سيئ جدا كان ممكن تعمل اللى هى عاوزاه بطريقة احسن من كده

لكن بصراحه احس انها عديمة الخبرة وعلى نيتها فقد تربت على ايد الست راضيه نعم الام وعم صابر وواضح انها لم يكن لها اختلاط بناس كتير ولذلك احس انها مش عارفه تميز بين اللى ينفعها واللى يضرها بدليل انها صدقت كل كلام منال ببساطه ونفذته كما قالت لها بالضبط وزى ما احنا شايفين انها حتى ما تعرفش الامثال اللى كنا عرفينها وبنسمعها كثيرا هههههههههههههه حتى لما غلطت مع حماتها وهاله قالت انا هنا لخدمة زوجى وخدمتك وبس وهذا بيدل على اصلها الطيب

واظن ان اللى حصل ده هيكون درس نافع هتنتفع منه فى باقى حياتها

فى انتظار البقية حبيبتى هبه ولا تتأخرى

شارك هذه المشاركه


رابط المشاركه
شارك

الاستاذ فرج طيب اوى ومن السهل التعامل معاه ولو كان فيه حاجه مش عاجب مروة كمان سهل انها تغيروا

 

بس الغلط من نسمه مش عارفه تتقرب ليه وتحبوا وتتعامل معاه بما يرضي الله ويوم بعد يوم هاتحبوا

 

بس هيا بتتكبر عليه ومـتأرفه منو وكدا صعب

 

 

 

اما مروة غلط انها تسمع كلام الرايح والجاي كدا هتخرب عيشتها وهتخسر جوزها

 

المفروض تمشي بكلام امها عشان هيا اللي عارفه مصلحتها

 

استمري ياهوووبه ياحبيبتي تسلم ايديكي وتسلم افكارك الراااااائعه

شارك هذه المشاركه


رابط المشاركه
شارك

تررررررررررررررررررررررن ترررررررررررررررررررررررررررررررن

 

ترررررررررررررررررررررررررررررررررررررررررررررررررررررررررررررررررررررن

 

 

ترررررررررررررررررررررررررررررررررررررررررررررررررررررررررررررررررررررررررررررررررر

 

رد يا فتحي بقى ترررررررررررررررررررررررررررررررررررررن تررررررررررررررررررررررررررررررررررررررررررررررررررررررررررررررررن

 

 

يووووووووه الخط فصل ومش عايز يرد علية

 

تررررررررررررررررررررررررررررررررررررررن

 

تررررررررررررررررررررررررررررررررررررررررررررررررررررن

 

تررررررررررررررررررررررررررررررررررررررررررررررررررررررررررررررررررررن

 

افندم

 

فتحي تعالى الحقني مامتك واخواتك حابسني في الاوضة ومش عارفة اخرج ومامتك عايزة تضربني وانا محبوسة وخايفة

 

هههههههههههههههههههههههههههههههه احسن تستاهلي

 

كدة يا فتحي . عشان خاطري تعالى

 

مالكيش خاطر عندي . انا تنيميني في الصالون يا مروة . طيب يا مروة

 

حقك عليا سامحني

 

ايوة طبعا لازم تعتذري عشان مضطرة

 

بجد حقك عليا انا غلطانة والله غلطانة

 

هو انا يا مروة ماكنتش اقدر لما اشوفك بتعملي كدة وبتطاولي علية اديكي المين على وشك يفوقوكي ؟ بس انا اخلاقي ماتسمحليش اهين مراتي عشان ده مبدأ عندي وتحت اي ظرف مش

 

هغيره . لكن انتي بقى يا هانم شوفي مسلمة ودانك لمين وغيرك بالشكل ده وخلاكي تبقي واحدة تانية وبتسيئ لجوزك

 

 

انا اسفة يا فتحي حقيقي اسفة والله انا مااعرفش عملت كدة ازاي مع جوزي وحبيبي

 

لا يا شيخة . بقيت جوزك وحبيبك دلوقتي

 

خلاص بقى مايبقاش قلبك اسود . انا متعودة على طيبتك وحنيتك

 

وانا كمان متعود على رقتك وحسن اخلاقك وياريت ترجعي زي الاول

 

انا اسفة حبيبي

 

حاضر هاجي . مع اني والله كنت ناوي ماارجعش البيت دلوقتي خالص واروح اسهر مع اصحابي

 

ربنا يخليك ليا يا حبيبي ومايحرنيش من قلبك الطيب

شارك هذه المشاركه


رابط المشاركه
شارك

تررررررررررررررررررررررررررن ترررررررررررررررررررررررررررررررن

 

مين

 

انا فتحي يا امي

 

اهلا يا حبيبي

 

ازيك يا توحا

 

اهلا اهلا منورين

 

ازيك يا خالو فحتي

 

فحتي ! الواد ده عنده حول في الحروف ابقي ظبطيهاله يا هالة

 

ازيك يا فتحي عامل ايه

 

الحمدلله يا دينا . اخبارك انتي ايه

 

كويس انك جيت يا فتحي ادخل خلي مروة تخرج تحضر الغدا عشان جوعنا اوي

 

يا سلام . ماتحضروا الغدا انتو يا ست هالة

 

جرا ايه يا فتحي . احنا ضيوف عندكو

 

لا يا دينا انتوا اصحاب بيت واكتر والمطبخ قدامكو والفريزر فيه من خيرات ربنا

 

كدة برضو يا فتحي . طب بلاش عشانا احنا . خليها تيجي تطبخ عشانك انت واحنا ناكل معاك

 

لا ماتشيلوش همي واطمنوا خالص انا هاخد مراتي ونتغدا برا . البسي يا مروة ولبسي صهيب عشان هنتغدا برا يا حبيبتي . سامعاني ؟؟؟؟؟

 

سامعاك يا حبيبي حالاااااااااااااااااااااااااا هكون جاهزة

 

 

انت بتغيظنا يا توحا ولا ايه

 

لأ يا دينا يابنتي دا بيكافأها عشان علمتوا الادب ونيمته في الصالون امبارح

 

لا يا امي بكافأها عشان اتعتذرت وعرفت غلطتها

 

وقلة ادبها معايا مالهاش اعتذار ؟ ولا امك ماتساويش حاجة وزعلها مش مهم

 

 

 

مروة . تعالي اعتذري لامي قبل ماننزل

 

حاضر انا جاية

 

انا اسفة يا ماما سامحيني

 

المسامح ربنا يختي . تبهدلينا وتفرجي علينا الدنيا ويخرجك يغديكي برا عشان يشل امه

 

بعد الشر عليكي يا امي احنا نازلين عايزة حاجة

 

هعوز ايه . احنا بنزرع وغيرنا يحصد خيرنا . هقول ايه واعيد ايه

تم تعديل بواسطة هبةنور

شارك هذه المشاركه


رابط المشاركه
شارك

متشكرة اوي يا حبيبي على العزومة دي

 

العفو يا ستي

 

شكلك لسة زعلان مني

 

طبعا زعلان يا مروة زعلان جدا

 

خلاص بقى يا فتحي

 

مش معنى ان انا عزمتك على الغدا ان انا راضي عنك . انا بس عشان اضايقت من اخواتي وهما عايزين يستغلوكي ويخلوكي تخدميهم وهما قاعدين

 

حسيت ان لازم ادافع عن كرامتك واوقفهم عند حدهم

 

فتحي ! انت ماتعرفش كلامك ده بيخليني أخجل من نفسي ازاي

 

يا مروة لو سمحتي من فضلك اسرار بيتنا ماحدش يطلع عليها ارجوكِ . مش معقول تخلي الناس تشوف اخطاءنا وينتقدونا وهما مالهومش الحق في ده

 

مشاكلنا نحلها جوا بيتنا وبينا وبين بعض وما نفضحش نفسنا قدام الاغراب وكل واحد يدينا رأي شكل والبيت يتخرب

 

عندك حق يا حبيبي . والله اسفة ومش عارفة اعمل ايه عشان ترضى عني

 

مش عايز اكتر من انك ترجعي مروة حبيبتي اللي حبيتها عشان ادبها وحسن اخلاقها وصممت اتجوزها واتحديت الدنيا بيها

 

اوعدك يا حبيبي اني هكون زي ما انت عايز وافضل

 

ان شاء الله يا ام صهيب . هو صهيب نايم لحد دلوقتي

 

ههههههههههههه ايوة نايم

 

ايوة طبعا الاستاذ نايم ولا على باله العزومة اللي ابوه اتدبس فيها بسبب امه ههههههههههههههههههه

  • معجبة 1

شارك هذه المشاركه


رابط المشاركه
شارك

هههههههههههههههههههههههههههههه

 

ههههههههههههههههههههههههههههههههههههههههههه

 

لا تعليق

:D

شارك هذه المشاركه


رابط المشاركه
شارك

يا نوسمة

 

انتي فين يا نسوم

 

في المعتقل يا سي فرج . انت تقفل الباب علية بالمفتاح وماما تيجي تزورني اقولها فرج قافل بالمفتاح !!!!!!!

 

ماهي امك عدت علية وسألتني انا حابسك ليه قولتيلها بعالجها من الاودمان والبورشام اللي هيخسر صحتها

 

يا اخي انت مالك ومالي عايز مني ايه

 

مالي ومالك ازاي . انتي عنية اللي بشوف بيها يا نسوم . والله مانتي عارفة غلاوتك في قلبي . انا بعمل ده لمصلحتك يا حرمنا المصون

 

اوووووووووووووووووووووف انا زهقانة عايزة اخرج

 

من عنيا الاتنين روحي البسي وتعالي اوديكي ايوتها مكان تشاوري عليه يا نن عين فرج

 

تعرف يا فرج . انا نفسي تجيبلي عربية

 

لا مااجلكيش عربية

 

يا سلام ! ليه بقى يا بخيل . ال وبتقول بتحبني ال

 

والله بحبك بحبك اكتر من نفسي كمان ومش بخل والله . انا خايف عليكي . السواقة خِطرة اوي يا نسوم . اخاف والله لبعد الشر يجرالك حاجة

 

بقولك ايه . دا بخل بس انت مش عايز تبين بخلك يا بخيل يا جلدة

 

طب شوفي تمن العربية الكام واحطيهولك بأسمك في البنك عشان تعرفي اني بس بخاف عليكي من الهوا الطاير .مش بخل ولا حاجة

 

 

انت بجد بتخاف علية يا فرج

 

اومال يعني عدم الامؤاخذة هخاف على مين غيرك يا نن عين فرج

 

اول مرة اسمع الكلمة دي . انا خايف عليكي . انا كنت فاكرة ان كل الرجالة زي بابا ماعندهومش مشاعر

 

يا ستي اعتبريني انا ابوكي واخوكي وصاحبك وكل اللي تحبيهم

 

ميرسي ميرسي اوي يا فرج . ها هنروح فين بقى

شارك هذه المشاركه


رابط المشاركه
شارك

بوووووركت هوبة

روووووووووووعة

انا متبعاكي بس مش بلحق اكتبلك

شارك هذه المشاركه


رابط المشاركه
شارك

كدة فتحي عمل الصح وفهم إخواته إنهم في بيت والدتهم يخدموا نفسهم بنفسهم وحفظ كرامة مراته

لكن هو أخطأ في شيء لما خرج بمروة كان المفروض يعزم على والدته أو على الأقل يجيب لها عشا معاه

علشان ما تحسش إن ابنها خلاص أخد موقف علشان مراته ونساها

 

ونسمة شكلها هيبتدي يشوف الحاجات الكويسة في فرج رب ييسر

بوركتي هوبة

شارك هذه المشاركه


رابط المشاركه
شارك

الظاهر نوسمه بدأ ت تعرف قيمة فرج وهاتحبوا ان شاء الله

 

 

بتعاملوا واسلوبه الطيب معاها ربنا يتتم على خير

شارك هذه المشاركه


رابط المشاركه
شارك

الظاهر نوسمه بدأ ت تعرف قيمة فرج وهاتحبوا ان شاء الله

 

 

بتعاملوا واسلوبه الطيب معاها ربنا يتتم على خير

شارك هذه المشاركه


رابط المشاركه
شارك

الحمد لله ^^

 

وانا كمان مكنتش اعرف الامثال دى اللى منال قالتها وحتى مش فهماها كويس : )

شارك هذه المشاركه


رابط المشاركه
شارك

مروة غلطت غلطة كبيرة جدا مكانش عليها تفشي اسرارها ومتتسناش حل من حد ومتسمعش كلام حد الي يخرب بيتها

كان ممكن تتعامل وحش مع اخواتو دون زيادة لكن مع زوجها وامه دي طلعة هبلة هههههههههه

زوج نسمة رائع لاكنها لم تبحت عن الجوهر الدي فيه واضن انها ستتغير من ناحيته

اعجبني ما فعله فتحي امام اخواتو ولكن كان عليه ان يرضي امه حتى تادن له بدلك او ياخدها معهم

شارك هذه المشاركه


رابط المشاركه
شارك

ايه يا فرج وقفت العربية ليه ؟

 

استني بس يا نوسمة في ست كبيرة باين عليها رايحة مشوار ومش لاقية حاجة تركبها

 

طيب واحنا مالنا يا فرج

 

مالنا ازاي يا نوسمة حرام عليكي يا شيخة . يا حاجة . ياما . ياست

 

نعم يابني

 

انتي رايحة فين

 

والله يابني بقالي ساعة واقفة مش لاقية حاجة اركبها ورجلي وجعتني مش قادرة اقف

 

طب اركبي هوصلك

 

يا فرج انت بتهرج . ايه الاشكال اللي هتركبها العربية دي

 

عيب يا نوسمة دي زي امي وامك . هي الرحمة اتنزعت من قلوب الخلق ولا ايه يا ناس

 

اووووووووووووووووف

 

اتفضلي ياما . فتحتلك الباب

 

الله يكرمك يابني . ربنا يوقفلك ولاد الحلال منين ماتروح . هي اللي جنبك دي الست والدتك ؟

 

نعم !!!!!!!!!!!!!!!!!!!!!!!!!!!!!!!!!!

 

لا يا حاجة سلامة الشوف . دي الست حرمنا المصون

 

ازيك يابنتي . معلش اصل نظري ضعيف

 

اووووووووووووووووووووووووووووووف

 

رايحة فين يا حاجة

 

رايحة امبابة

 

حاضر من عونيا

 

احنا ايه يودينا امبابة . ايه يودينا امبابة

 

معلش يا نوسمة هنوصلها ونروح نتفسح زي ما اتفقنا

 

اووووووووووووووووووووووووووووووووف

 

 

وقفت ليه تاني يا فرج

 

في واحدة ست معاها عيال صغيرين وشايلة عيل على كتفها وباين عليها مش لاقية حاجة تركبها

 

يعني اعمل ايه اعمل ايه في تصرفاتك اللي زي وشك دي . انتي هتقلبلي العربية ميكروباص .

 

يا حاجة . يا ست . يا ست يا ام العيال

 

نعم يا اسطى

 

رايحة فين

 

رايحة باب الشعرية

 

طب اركبي اوصلك

 

هتاخد كام

 

لا من غير فلوس

 

ربنا يخليك ياخويا اركبوا يا عيال . انتي يا اختي يللي جنب السواق انتي نازلة فين

 

هي مين دي اللي نازلة فين . ثم انتي مالك اصلا

 

طب خدي الواد ده على حجرك الله يباركلك

 

ايه ده ايه ده . شيلي الولد القذر ده من على حجري . ايه الارف ده . انتي ما بتحميهوش . اعوذ بالله

 

والله محمياه الاسبوع اللي فات وريحته زي الفل . مالك مش طايقة روحك

 

وانت مالك انتي يا ست يا بيئة انتي

 

انا بيئة ! طب لمي لسانك بقى لحسن اخلي الاسطى ينزلك . نزل الست اللي جنبك دي يا اسطى . وبعدين استنضف الناس اللي بتركبها جنبك

 

يا نهارك مش فايت . نزل الست دي حالا يا فرج

 

وبعدين بقى . خلاص بقى يا نسوم كبري دماغك .

 

خدي ابنك المعفن ده

 

مش هاخده . قاعد مرتاح على حجرك اخده ليه

 

طب والله لو ماخدتيه لرميهولك مش الشباك . ايه ده ايه ده لالالالالالالالالالالالالالالالالالالالالالا الولد عمل بيبي على حجري يا ماميييييييييييييييييييييييييييييييي عاجبك كدة يا فرج

 

معلش يا اختي اصل مابلبسوش بامبرز عشان بوفر .

 

اهئ اهئ اهئ اتفضلي شيليه لحسن اخنقهولك وكفاية هدومي اللي اتبلت

 

هاتي يا اختي ادينا وصلنا اركن على جنب يا اسطى

 

اتفضلي يا ست

 

روحني روحني خليني استحمى الله يسامحك يا شيخ

 

طب نوصل الست الحاجة بتاعة امبابة دي ونروح تغيري هدومك وننزل تاني

 

 

 

 

وصلنا امبابة يا ست

 

يا حاجة

 

يا ست

 

هي ماتت ولا ايه يا نوسمة

 

ماتت !

 

شوفيلها النبض كدة دي مابتتحركش

 

يا دي الخروجة وسنين الخروجة . انا كان ايه خلاني اقول عايزة اخرج . انتي ياست انتي

 

مين بيصحيني

 

مين بيصحيكي ده ايه . هو انتي نايمة في بيتكو قومي انزلي وصلنا

 

 

ربنا يكرمك يابني وينور طريقك

 

مع السلامة يا حاجة . ابقي تعالي

 

 

 

 

 

استغفر الله العظيم . في حد يعمل عمايلك دي . خارجين نتفسح تقوم تملالي العربية ناس عجيبة وتوصلهم وتعطلنا عن مشوارنا

 

هو البني ادم يا يعملش خير يا نوسمة ولا ايه . اومال هنقابل ربنا بأيه

 

وان شاء الله كدة حضرتك بتركب ستات وانا مش معاك

 

ههههههههههههه انتي بتغيري عليا

 

اغير عليك ده ايه . ده مجرد سؤال

 

لا والله مابركبش حريم . بركب رجالة . الاقي راجل عجوز ولا راجل مسكين باخده اوصله

 

ان عمري ماشوفت بني ادم زيك . اتفضل روحني خليني اخد شاور . مش طايقة ريحتي

شارك هذه المشاركه


رابط المشاركه
شارك

مساء الخير يا امي

 

مساء النور

 

الجميل مكشر ليه

 

ما كفاية مراتك بتضحك . مالك ومال امك وتكشيرة امك

 

زعلانة ليه بس . مروة اعتذرتلك

 

وهي كانت تغلط ليه من الاصل . ماهي لو لقت راجل يشكمها ويوقفها عند حدها ماكانتش اتجرأت على امه

 

هي غلطت واعتذرت . مروة طيبة والله . بس ممكن الضغط النفسي بيولد الانفجار

 

ضغط نفسي ! سلامتها . الف بعد الشر . وجالها منين الضغط النفسي . اكيد امك المفترية هي اللي جابتهولها

 

يا امي انا ماقولتش كدة

 

لأ قول . ماهو ده اللي ناقص

 

يا امي برضو ماينفعش الحمل كله يبقى عليها في وجود هالة ودينا

 

حمل ايه ياخويا . هي كانت بتهد وتبني ولا بتشيل حديد . ماكانوش شوية طبيخ وشوية اطباق بتغسلهم

 

معلش يا امي . بس برضو المفروض يساعدوها مافيهاش حاجة

 

ايوة ايوة ماهي خدتك برا عملتلك غسيل مخ واعادة برمجة وحفظتك كويس

 

يا امي مش كل حاجة تتهميني ان مراتي بتوجهني وبترشدني اقول ايه واعمل ايه

 

انا لا بقول ولا بعيد اتفضل روح ورا الهانم عشان عيب تسيبها وتقعد مع امك .كدة نفسيتها هتتعب والضغط هيولد الانفجار

 

هههههههههه لا انا بقى عايز اقعد معاكي

 

لا انا بقى عايزاك تخرجني زي ماخرجتها

 

يا سلام . من عيوني يا ام فتحي يا عسل . شوفي عايزة تخرجي امتى واختاري اليوم اللي يناسبك

 

دلوقتي

 

دلوقتي يا امي !!!!!!!!

 

ايوة دلوقتي انا داخلة البس وعايزة اتعشى برا في مطعم احسن من اللي غديت فيه الهانم . ولا ده مش من حقي ؟

 

من حقك يا امي يا ست الحبايب . البسي يا ستي وانا مستنيكي

 

 

 

يا مروة يا مرات ابني

 

نعم يا ماما

 

انا جاية اغيظك . انا خارجة انا وفتحي نتعشا برا ونتفسح وناكل ايس كريم ومش هنجيبلك معانا اتغاظي بقي وخلي الضغط يولد الانفجار على مانيجي

شارك هذه المشاركه


رابط المشاركه
شارك

لي عودة للترحيب بالحبيبات وضرب المتابعات بصمت هههههههههههههههههههههه

 

شرفتوا الموضوع جميعا يا حبيبات

شارك هذه المشاركه


رابط المشاركه
شارك

ههههههههههههه

 

هي غلطت واعتذرت . مروة طيبة والله . بس ممكن الضغط النفسي بيولد الانفجار

 

ضغط نفسي ! سلامتها . الف بعد الشر . وجالها منين الضغط النفسي . اكيد امك المفترية هي اللي جابتهولها

 

 

طيب هما الاباء والامهات مينفعش نكلمهم خالص

مش كلهم والله أعلم كده

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×