اذهبي الى المحتوى

المشاركات التي تم ترشيحها

ياااااااااااااه دي شريفة التي كنا نعرفها ؟؟؟؟ تغيرت كثيرا

 

انا الذي اغاظني مس الزواج لكن منها بالذات فلو كان تزوج من وحدة لا تعرفها الزوجة الأولى لكان اهون

 

لكن يجب ان تكون عائشة ذكية فلو انسحبت فستترك لها زوجها وستكون هي الخسرانة أكيد لكن لو بقيت معه وعدل بينهما يمكن يرجع لها زوجها كما كان

 

ومش غريب يكون حب محمد لشريفة مجرد وهم

 

ننتظر الأيام هي ستحكم :)

شارك هذه المشاركه


رابط المشاركه
شارك

شريفه كانت رقيقه وطيبه كيف قدرت تتغير بالشكل دا وتتعامل مع عائشه بالقسوة دي :blink:

 

المفروض تقدر مشاعر عائشه وتحترمها لان مهما كانت فعائشه لها الحق ان تزعل فهيا زوجه وتحب زوجها

 

ودي فطرة النساء بتغير على ازواجهم وطبعا انصدمت من قبول شريفه لمحمد

 

 

كان عندها امل برفضها ربنا يكون فعونك ياعائشه :(

 

 

كملي ياهووووووووبه وكفايه تشويق نزلي حلقات كتيره

شارك هذه المشاركه


رابط المشاركه
شارك

والله قلبى وجعنى على عائشة

وعلى رأيها هو يعنى مفيش راجل ملتزم زمتدين غير زوجها وما ينفعش تخلف فرسان من راجل تانى

بصراحه انا مش عاجبنى رد شريفه خالص انها بتقول على عائشة انانيه

هى عشان عايزة تحافظ على بيتها وزوجها تكون انانية

وكمان يعنى هو محمد لوحده اللى انقذها ما كان معاه اتنين كمان من اصحابه ودول بقى يعنى مش متدينين وملتزمين ولا ايه ؟

اهئ اهئ اهئ اهئ اهئ

كملى يا ستى لما نشوف اخرتها ايه

اهئ اهئ اهئ اهئ

تم تعديل بواسطة سندسة ام مريم
  • معجبة 3

شارك هذه المشاركه


رابط المشاركه
شارك

كيفكم يا أغلى أخوات

طبعا مشغولات ومتعاطفات مع عائشة أعانها الله ... وأعتقد والله أعلم أن عائشة فى كابوس وبتحلم

هذة ليست شخصية شريفة ولا تصرفاتها لكن هواجس عائشة وخوفها من ردة فعل شريفة عند طلب محمد يدها

وأعتقد محمد لم يكتب أي رسائل لشريفة ولكن هى غيرة عائشة خاصة عندما أشتعلت وقت إعطاء شريفة المال

لا تخذليني هوبة قولى توقعاتك صح (أنا بدخل من التليفون دقايق وباكتب بسرعة )

**عارفة أنا زعلانه جدااا أنى لفترة قريبة كنت باعتبر سعد زغلول ده بطل ومنذ سنوات سمعت محاضرة للشيخ الحويني أفقت علي كثير من الحقائق المرة وأقول لهم موتوا بغيظكم جردتم المرأة المصرية من حجابها قرابة خمسين سنة مثلا وعاد الحجاب بفضل الله ثانية أقوى

ماذا تعنى خمسين عاما في عمر الأمم ؟؟؟ لا شيء ... موتوا بغيظكم يا دعاة السفور

 

وأخشى أن ياتى الوقت الذى نجد فيه من يعد مبارك بطلا من الأبطال

  • معجبة 3

شارك هذه المشاركه


رابط المشاركه
شارك

:(

 

:blink:

شارك هذه المشاركه


رابط المشاركه
شارك

يلا يا هوبه

تم تعديل بواسطة ام لبابة السلفية

شارك هذه المشاركه


رابط المشاركه
شارك

دة اكيد كابوس فعلا مش مصدقة انه حقيقة الصراحة

 

 

كملي يا ست هوبة

 

امبارح شديت انا وزوجي بسبب قصة سيادتك ومتابعتي ليها بيقلي كل شوية تدخلي تحطي الفلاشة وتقعدي حتى وانت واقفة اية اللي شغلك كدة

 

عاجبك كدة ما تكتبي الحلقات بدري عن كدة شوية وياريت تكتبيها كلها مرة واحدة بقى B|

شارك هذه المشاركه


رابط المشاركه
شارك

@@بنت ام عبد

 

سبحان الله كنت داخلة اقول اللي قلتيه فأنا لما فكرت في الأمر قلت يمكن تكون شريفة هي التي تحلم وليس محمد

لكن يبدو ان الحلم طويل :)) ويارب يكون حلم فعلا وإلا حزعل من شريفة فهي ليس ناكرة للجميل

 

أما علاء وعفيفة فيبدو ان البالطو مازال سيظهر في الحلقات وسيكون له دور مهم في مسامحته لعفيفة :))

شارك هذه المشاركه


رابط المشاركه
شارك

انتو الي في حلم يا بنات

هبه كملت الحلقات عادي يعني مو حلم ولا شيء

 

واكتر حلقه مستفزة هي الحلقه دي

بصراحه ما شفت وقاحه ولا بجاحه في الرد زي رد شريفه

قمه في الاستفزاز والانانيه من شريفه وليس من عائشه

 

 

يعني ايه انت مو صحبه فضل علي يا عائشه ومحمد بس هو الي صاحب الفضل

؟؟؟؟؟؟؟

 

والله عيب كبير عليك لما تكون واحده فتحالك بتها وبتعاملك بما يرضي الله وانت تكلميها كدا

دي من الاخر بتقولها روحي اخبطي دماغك في الحيطه اتفلقي يا عائشه ولا تهميني لو كانت مؤدبه ومحترمه كانت حتي تحاول تكسب عائشه بكلام طيب

وكلام كويس يحنن قلب عائشه عليها وتخليها تحن عليها

لكن دي قله ادب

والحلقه دي ما عجبتني بنوووووووووووووووووووووووووووووووووووووب

كنت داخله بتفرج كزائرة ومن شده الاستفزاز سجلت ودخلت

 

والله انا لو مكانها لارفع ايدي واعطيها بالاقلم على وشها

  • معجبة 4

شارك هذه المشاركه


رابط المشاركه
شارك

ههههههههه

يا بنات في الاخر دي قصه يعني اضحكتني رودودكم وزعلكم اوي علي عائشه

تعالي يا هوبه كملي الحلقه لاني لوحدي هنا

انا بس اللي مأيده شريفه

شارك هذه المشاركه


رابط المشاركه
شارك

مأيدها في اية بس يا ام لبابة

 

 

معقول يا ماريا يكون مش حلم يعني اية شريفة اتغيرت من موقف رفيق معاها معقول مش مصدقة

 

فينك يا هبة هانم

شارك هذه المشاركه


رابط المشاركه
شارك

مأيدها في اية بس يا ام لبابة

 

 

معقول يا ماريا يكون مش حلم يعني اية شريفة اتغيرت من موقف رفيق معاها معقول مش مصدقة

 

فينك يا هبة هانم

 

أم رقيه هتتضربني بصي يا حبيبتي

اللي شريفه عملته ده متوقع ن اي حد مكانها

قوليلي ليه بقي

اقولك ليه ههههههه

لانها شافت العذاب اللي عذبهلها اللي اسمه رفيق ده

فطبعا هي في الوقت ده كانت محتاج حضن دافئ ويد حانية تمتد لها

واللي عمل كده وقدم لها يد العون هو محمد

اه كان معاه اصحابه بس هو كان صاحب الفكرة زي ما عائشه حكيت لها

فهي حبيته وتعلقت بيه ولما لقيته هو كمان عنده نفس الشعور اتعلقن بيه اكتر

فطبعا انا مش معاه في ردها علي عائشه بالطريقه دي

بس مقدرة موقفها هي كمان

اكيد مش هتفرط في اللي حسسها بالامان ..

شارك هذه المشاركه


رابط المشاركه
شارك

^_______________^

مش معقولة يا بنات هانخسر بعض عشان قصة : )

استهدوا بالله

مرمر ..هدي أعصابك يا جميل

 

بالنسبة لي رد شريفة لم يعجبني كذلك ..ولكنه في هذا الموقف طبيعي

كما ذكرت أم لبابه ..وكذلك راماس قبلا

أن محمد بالنسبة لشريفة فارس شجاع أنقذها من مصير مدمر ..فطبيعي جدا أن تشعر له بالإمتنان والشكر والعرفان

ومجرد طلب محمد ليدها هذه فرصة بالنسبة لها لرد الجميل عن طريق إسعاده بالزواج ..

هذا بالإضافة إلى الفرق الشاسع بين زوجها الأول ومحمد ...

فهي لم ترى في الحياة إلا هذين النموذجين ...وبالتالي محمد بالنسبة لها شيء فوق الوصف وستتمسك به لا محالة

وردها على عائشة هو دفاع عن حقها ..من وجهة نظرها طبعا

فهي ترى الآن أنها الأقدر على إسعاده ..ولن تفرط في هذه الفرصة

 

ولا تنسوا أنها أحبته _ أو تتوهم أنها أحبته _ ومن وجهة نظرها في تدافع عن حبها هذا بشراسة

فإذا دخل الحب فلا مجال أبدا للتنازل ...

وإنما الأنانية تكون هي سيدة الموقف

 

أمر آخر لمن يستغربون تغير شريفة الواضح ...

الأهوال التي مرت بها لا شك أنها غيرت في شخصيتها الكثير ...ولابد أن نضع هذا في الحسبان

 

 

يسر الله لك هوبة ..وفي انتظار التكملة : )

  • معجبة 1

شارك هذه المشاركه


رابط المشاركه
شارك

نخسر بعض اية بس يا أم عمر إن شاء الله مش يحصل ابدا اختلاف التوقعات لا يفسد للود قضية

 

 

ام لبابة لو دة مش حلم هتكون المشكلة فرد شريفة كمان في الحلقة اللي فاتت هبة قالت بصوا شريفة بتغني لمحمد ودية مش متواقعها ان يكون حقيقة

 

ولو حقيقة رد فعلها على عائشة مستفز الصراحة ودة اللي يدايق اكتر لانها جربت الظلم

شارك هذه المشاركه


رابط المشاركه
شارك

@@~ أم العبادلة ~

 

السلام عليكن ورحمة الله وبركاته

 

بقرا الردود وبشوف اعجابات هبة وبمني نفسي انها تكون كاتبة لو سطر بس طلعت زي ماقلت بالظبط

 

وبظن أنها لسه بتنتظر دخول ام لبابة للرد على أم رقية :D

 

كانوا بيتكلموا عن رد شريفة على عائشة قام طلع العكس O_o

 

 

 

 

أم رقية + أم لبابة =بهزر معاكم أكيييييييييييييييييييييييييييييييييد

 

في انتظارك هبة الحبيبة واحنا ناس غلبة ومسالمين يعني كملي القصة زي مانت عايزة المهم تكمليها وخلاص

وإلا.......................

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

 

هنكملها احنا :D

شارك هذه المشاركه


رابط المشاركه
شارك

اذا كان ده مش حلم ولا كابوس والدليل اعجابات هوبة علي مرمر وسجودة

اذن هبة تريد أن تظهر الصورة السيئة أو الخطأ الذى تقع فيه كثير الزوجة الثانية ولا اعتمد في كلامى على رأىشخصى ولكن هذا الموضوع دار فيه نقاش فى الاذاعة هنا بالسعودية ورد أكثر من شيخ أنه من الأخطاء التى يتصيدها الغير لامر التعدد هو عدم مراعاة مشاعر الزوجة الأولى سواءا من الزوج أو من الزوجة الثانية والمفروض عليهما سويا أخذ هذا فى الأعتبار بل ذكر الشيخ أن الزوجة الثانية من المفروض أن تكون معينا للزوج في ذلك ولم يتطرق أبدا أن الثانية تكون عانت أو لم تعانِِ بل هى هنا أخذت شيء من الأولى سبب لها جرحا وعليها ان تعوضها حتى بحسن الكلام والأخلاق وإن كان هذا الرد من شريفة من البداية فكيف عندما يكون زوجها فعلا

صراحة هوبة لم أكن أحب أن تسير الاحداث فى هذة الوجهة لأنها ستزيد من غضب الاخوات من امر التعدد وهذا ما لا نريده :)

نريد تسليط الضوء على نماذج حسنة نعم شريفة قالت لها لن اجور علي حقك لكن الزوجة في هذة الحالة ترى انه أصبح لها نصف زوج

والثانية لم يكن عندها شيء أصلا فالنصف شيء طيب أفضل من لاشيء

سمعتها من احد شيوخنا المعددين وليس بزوجة واحدة بل بأكثر قال من أهم شروط نجاح التعدد أن يشعر الزوج زوجته وهو معها أنه ملكها هى فقط وإن نجح فى ذلك فهذا كفيل بتييسير عقبات كثيرة ستعترضه من غيرة النساء ومحاولتهم تنغيص حياته

 

لا أخفيكم منذ فترة كنت أشعر بمشاعر غريبة عند مناقشة أمر التعدد واشعر بصراعات داخلية بين أنه شرع الله والمؤكد أنه كله منافع وفوائد للزوجتين فالأولى لعلها تفرغ قلبها لحب أعظم وتفرغ أهتمامتها لأهتمام اعظم حب الله وطاعته الثانية تجد من يكفيها بالحلال ويعينها على أمرها خاصة إن كانت مطلقة أو أرملة وللزوج الأجرإن اتقى واصلح والصراع الأخر بين هوى النفس وحبها للامتلاك والحمد لله الأن تخلصت من الأمر وأصبح موضوع التعدد لا ينغص على حياتى المهم أن تنأى الزوجة بنفسها ولا تدفع زوجها لهذا الأمر وأن تقوم بحقوقه كاملة ولا تشغل بالها إن تزوج عليها فى يوم من الايام أو لم يتزوج .

 

رفقا شريفة بعائشة ... لا اقول أرفضيه ففى هذة الحالة تقدم المصلحة الشخصية إن وجدت فى نفسها ميلا فلا خلاص له الا بالزواج

وكما قالت الحبيبة راماس قبلا ان رفضت كل أخت الأمر مراعاة لمشاعر الاولى فلن تجدي رجلا له زوجتان أبدا

ولكن على الثانية أن تحسن للأولى طلبا للأجر وتحرص ألا تكون سببا فى زيادة آلام مسلم ولكن طريقة شريفة حادة وخالية من المشاعر

  • معجبة 4

شارك هذه المشاركه


رابط المشاركه
شارك

مالك بنت شريفة عيطي ليه .مش انتي فرحانة عشان اتجوز حبيب قلب ؟

 

انا كنت قاسية كتير مع عائشة مامّا اهئ اهئ اهئ . حقيقي كنت قاسية .بس غصب عني مامّا

 

عائشة جاية تقنعني اسيب محمد وده مستحيل مامّا مستحيل اهئ اهئ

 

عشان كدة كان لازم اكون حاسمة في الأمر ده مع عائشة . بس حقيقي انا كنت قاسية معاها اوي مامّا

 

 

حاول تصالحها بنت . حاول تكسبيها لصف حظرتكم دي مهما كان ضرة حظرتكم حبيب قلب حظرتكم

 

ان شاء الله مامّا .انا نفسي والله انا وعائشة نكون احباب وبينا مودة مش غريمات بينا منازعات

 

ان شاء الله حبيب قلب مامّا . احنا مش نروح نبلغ عفيفة هانم بجواز حظرتكم بنت ؟

 

طبعا مامّا .تعالي نلبس ونروح دلوقتي ومن فضل حضرتك خليهم يجهزوا الكاريتة

 

 

 

 

 

 

علاء حبيبي انا جيت عشان اوضيك

 

اشكرك

 

حاسبي اوعي تجيبي مية ع الجبس

 

ماتخافش يا حبيبي انا ببل ايدي وامسح مش هغرقك مية انا شاطرة

 

 

الله يا حبيبي عنيك حلوين اوي . رموشك تجنن . انت طالع لبابا ولا لماما ههههههههههه

 

اشتغلي وانتي ساكتة مش عايز اسمع صوتك

 

عنية يا حبيبي

 

 

اسيبك تصلي واروح انا كمان اصلي

 

اتفضلي يا ست الشيخة

 

هههههههههههه جزاك الله خيرا يا مولانا

 

 

 

 

 

 

 

 

 

السلام عليكم ورحمة الله وبركاته ازيك عفيفة هانم ازيك علاء بك جوز بنت حظرتنا

 

وعليكم السلام ورحمة الله وبركاته . اهلا جيلان هانم

 

اهلا مامّا اهلا شريفة وحشتوني كتير كتير بس انا زعلانة منكو اهئ اهئ اهئ

كدة مامّا مش تسألو علية . طيب بلاش انا . اسألو على جوزي الراجل العاجز المسكين للي راقد في السرير ده

 

خلاص عجزتيني وحكمتي علية اني مش هفارق السرير . ااااااااااااااخ ياويلك يا بنت التراكوة

 

هههههههههههههه حبيبي سنانك هتتكسر من كتر ما بتجز عليها هههههههه

 

اخبار صحتك ايه علاء بك

 

الحمدلله جيلان هانم الحمدلله غمة وهتتزاح ان شاء الله واقوم اقوى من الاول عشان اربي اللي عايزين يتربوا

 

ههههههههههههه عن اذنك علاء بك جوز حظرتنا هقعد برا انا ومامّا وشريفة . لو عوزت حاجة نادي بأعلى صوتك وقول حبيبتيييييييييييييييييييييييييييييييييييييييي

 

هتلاقيني بقولك شوبيك لوبيك حبيبي تأمر بأيه حبيب قلب ههههههههههههههه

 

حبيبتي ! لو تعرفي بكرهك اد ايه

 

ولو تعرف بحبك اد ايه ما كنتش تقسى علية يانور عنية هههههههههه عن اذنك علاء بك

 

 

 

 

 

عفيفة انا هتجوز الجمعة الجاية

 

هههههههههه صحيح . خبر جميل جميل .شكلك مش قادرة تقعدي في البيت من غيري هههههههههه مين العريس ؟ اوعي يكون ابن طنط جولبهار التاني هههههههههههههه

 

اعوذ بالله بتفكريني ليه بس . لأ طبعا . انا هتجوز دكتور محمد اللي قابلته في اروبا

 

ايييييييييييييييييييييييييييييه ايه اللي بتقوليه ده شريفة انتي اتجننتي !

 

اتجننت ليه عفيفة

 

شريفة دكتور محمد راجل متجوز وعنده بنت كمان

 

يووووووووووووووووووه هي كل الناس ضدي . هو انا عملت جريمة اووووووووووووف استغفر الله العظيم

 

اختك مش تقصد اهانات اختك خايفة عليكي

 

لأ مامّا المفروض شريفة مش تتجوز دكتور محمد . حرام عليها تجرح مراته . الست دي اكرمتك شريفة وده مش رد الجميل

 

انا زعلانة منك شريفة زعلانة . يا خبر . انا مش متصورة . طيب شوفتي علاء مش طايقني ازاي ومش بيحبني لكن والله لو واحدة فكرت تاخده مني اقتلها . ايه ده . يعني ايه واحدة تاخد مني جوزي . هما الاجواز خلصوا عشان ياخدوا جوزي . الله يكون في عون عائشة الله يكون في عونها

 

اهئ اهئ اهئ كدة برضو عفيفة انتي بتدافعي عن عائشة وبتهاجمي اختك

 

ايوة طبعا لاني حطيت نفسي مكانها وحسيت ان واحدة جاية تاخد مني علاء وتخيلت ازاي هيكون موقفي منها

 

 

اهئ اهئ على العموم عفيفة انا مش كنت منتظرة منك تهاجميني بالشكل ده

جوازي من محمد الجمعة الجاية عفيفة

 

 

وانا مش هحضر شريفة

 

اهئ اهئ الله يسامحك اختي الله يسامحك عفيفة اهئ اهئ اهئ

 

 

 

 

 

 

 

 

انتي يا كارثة انتي يا عملي الأسود

 

ههههههههههههه عملك الأسود ! هو انت ليك اعمال سودة حبيبي . سبحان الله مع ان شكلك طيب واعمالك كلها بيضة هههههههه . افندم حبيبي

 

اهلك مشيوا

 

ايوة مشيو حبيبي .جواز شريفة الجمعة الجاية بس انا مش هروح .ابقى روح بدالي وبلغهم اعتذاري الشديد هههههههه

 

يا خفة دمك

 

مرسي حبيبي دمك اخف

 

ومش هتروحي ليه

 

الهانم اختي هتتجوز راجل متجوز

 

وفيها ايه

 

فيها ايه يعني ايييييييييييييييييييييييه يعني انت ممكن تتجوز علية

 

هههههههههههه قصدك اتجوز بعدك مش عليكي .يعني بعد ما اقتلك ان شاء الله اكيد هتجوز

 

هههههههههههه لا فالح صحيح . انت بعد ما تقتلني هيدخلوك الحبس مع المجرمين وقتالين القتلا زمايلك يا حبيبي ههههههههههه

 

لا طبعا انا مش هدخل فيكي السجن . لاني هقتلك دفاع عن العرض

 

ايوة صحيح انا نسيت عندك حق . لما القاضي يسألك ظبط مراتك متلبسة مع مين قولهم ظبطها معايا ههههههههههههههههههههههه خليهم يدخلوك الخانكة يا دكتور ههههههههه

 

اوووووووووووووووووووف فين الطبنجة

 

في الحفظ والصون شايلهالك وهسلمهالك يوم ماتفك الجبس عشان تقتلني يا حبيبي ههههههههه

 

في الحفظ والصون فين يعني

 

وانت عايز تعرف ليه هو انت عندك ايد تالتة غير الاتنين الحلوين المتجبسين دول ههههههه

 

فين الطبنجججججججججججججججججججججججججججججة انطقي

 

هروح اجيبها حاضر مش تزعل

 

 

 

ادي الطبنجة اهيه

 

حطيها في الكومود اللي جنبي

 

حاضر حبيبي اهئ اهئ اهئ .يارب العفاريت يسرقوكي يا طبنجة يا وحشة اهئ اهئ

 

 

ههههههه لا بتخافي اوي .

 

ناديلي عم جمعة

 

عم جمعة ! دا كان امبارح . النهاردة السبت يا حبيبي ههههههههههههه

 

ناديلي عم جمععععععععععععععععععععععععععععععععععععععععععععة

 

انته عايزه ليه

 

عايز اروح التواليت

 

طب ما اندهلك مامتك احسن هههههههههههههه

 

 

 

 

انتي

 

افندم

 

مش هتروحي فرح اختك ؟

 

لأ لأ لأ

 

اختك ما غلطتش انها هتتجوز راجل متجوز . ما تبصيش للموضوع بالأهواء الشخصية .دا شرع ودين

 

انا ما انكرتش الشرع والدين

 

انتي برفضك الموقف يبقى بتحاربي الشرع والدين . يا بني ادمة يا مسلمة انتي كدة بتنصري اعداء الدين اللي بيحاربوا الجواز التاني افهميييييييييييييييي افهميييييييييييييي

 

خلاص علاء خلاص عشان خاطرك هروح

 

 

ابعتي مرسال للسرايا عندكو بكرة يبلغ عادل بك اخوكي اني عايز اقابله

 

عااااااااااااااااااااادل ؟ هو عادل اخويا بقى شخصية والناس بتطلب تقابله ههههههههههههههههههه دا حتة عيل يادوب طلعله شنب خفيف وصوته ابتدا يتخن شوية ههههههههه

 

اتكلمي عن اخوكي بأدب . مش عشان هو الصغير تستخفي بيه وبكيانه . اتأدبي شوية

 

 

اوامرك يا حبيبي ههههههههه هبعت لأبيه عادل اخويا الصغير عشان يقابلك هههههههههه

 

اديني اتأدبت . تعيش وتأدبني يا عمري . يا قلبي انت

 

 

 

هاتي القنديل جنبي وحطيلي المصحف على صدري عايز اقرأ الورد بتاعي قبل ما انام

 

اللهم قو إيمانك . يا سلام ونعم الزوج . انا عشان طيبة ربنا اكرمني بيك . بس انت هتقلب الصفحات ازاي

 

حضرتك لو ماعندكيش مانع هتقلبيها لما ابصلك

 

طيب استنى لما اتوضا بقى . السهرة باين عليها هتطول يا فضيلة الشيخ

  • معجبة 1

شارك هذه المشاركه


رابط المشاركه
شارك

ازيك عدووووووووووووولة ازيك يا حبيبي نورت سرايا اختك هههههههههه

 

انتي استوليتي على السرايا ولا ايه ههههههههه ازيك عزيزتي عفيفة اخبارك ايه

 

كويسة . بس انت شكلك خاسس كدة ليه . انت زعلان عشان مش بتشوفني كل يوم مش كدة ههههههههه

 

اكيد اختي العزيزة اكيد ههههههه . فين علاء بك

 

هيكون فين يعني في سريره

 

اقدر اقابله بعد اذنك

 

 

اتفضل وانا هأمرلك بعصير برتقال زي ما بتحب

 

اشكرك اختي العزيزة

 

 

 

 

 

السلام عليكم ورحمة الله وبركاته ازيك علاء بك عزيزي

 

اهلا وعليكم السلام ورحمة الله وبركاته ازيك عادل بك

 

تمام الحمدلله . انت ازي صحتك عزيزي علاء بك

 

ههههههه الحمدلله عزيزي

 

خير كنت طلبت تقابلني

 

 

ايوة كنت عايز اطلب منك تيجي تاخد عفيفة هانم من السرايا بنفسك عشان تحضر فرح شريفة هانم بس على شرط

 

خير عزيزي

 

تاخدها مني وتسلمهالي . يعني بعد الفرح مباشرة تجيبها السرايا وتطلعها لحد عندي هنا

 

 

 

العصير عاااااااااااااااااااادل . عشان تعرف احنا ناس كرما ازاي ههههههههه

 

اشكرك عزيزتي عفيفة

 

قولت ايه عزيزي عادل

 

 

هههههههههههههههه هو عداك انت كمان . اصل عادل اخويا كل الناس عزاز عليه . مش بيبطل كلمة عزيزي وعزيزتي هههههههههههه

شارك هذه المشاركه


رابط المشاركه
شارك

ميرحبا هوانم ميرحبا

 

وحشتو حظرتنا من صميم قلب

 

المؤيد والمعارض لزواج محمد وشريفة

 

 

عازمة حظرتكم على زفاف محمد وشريفة

 

 

لقاء عائشة بشريفة ومحمد بعد الزواج

 

لقاء السحاب هههههههههههههههههههههههههههههه

 

 

انتظرونييييييييييييييييييييييييييييييي راجعة بعد قليل ان شاء الله

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×