اذهبي الى المحتوى

المشاركات التي تم ترشيحها

ههههههههههههههههههه

عفيفه دي تحفه

حد قالها تجبره وتقول كده

 

يلا هوبه كمليها

رغم اني عندي امتحانات وبرضوا ادخل اقرء الحلقات

شارك هذه المشاركه


رابط المشاركه
شارك

أنا جيت نورت أهو متهيئلي الصوره الرمزيه بتاعتي والتوقيع بيلعلطو في الصفحه لوحدهم هههههههههههههههههههههههههههه

 

يعني من غير ماكتب ولا كلمه منوره منوره ههههههههههههههه

  • معجبة 1

شارك هذه المشاركه


رابط المشاركه
شارك

@@دره بنقابي

 

هههههههههههههه

ماشاء الله عليك

حتى صورتك وتوقيعك منورين بوجودك يا درة هانم :D

هههههههههههههههه

 

ها شفتي عفيفة وتقالت دمها لوين وصلتها؟؟

شارك هذه المشاركه


رابط المشاركه
شارك

طيب يا علااااااااااااااااااااااااااااااااء اصبر علية يا بتاع الطبنجة

 

 

عم جمعة يا عم جمعة

 

افندم عفيفة هانم

 

لو سمحت لما يجي علاء بك تسلمه الخطاب الشخصي ده

 

خطاب شخصي

 

ايوة خطاب شخصي جايله من جناب خديوي مصر

 

ماشاء الله الخديوي مرة واحدة

 

اومال مرتين . الخطاب وصلني من مخصوص في سرايا افندينا الخديوي . لما علاء بك يسألك

 

قوله الخطاب وصل مع مخصوص . ما تقولش اكتر من كدة والا الخديوي هيشنقك انت وعيالك

 

 

يشنقني !!!!!!!!! لا لالالا . انا هقول خطاب وصل مع مخصوص ومش هقول اكتر من كدة . هو انا اد الخديوي ومشنقة الخديوي . يا منجي يارب

 

ههههههههههههه برافو عم جمعة برافووووووووووو ههههههههههههههههههههه

 

 

 

 

 

 

 

 

جناب علاء بك

 

 

افندم عم جمعة

 

خطاب وصل لسيادتك مع مخصوص

 

خطاب !!!!!!!!! سلمني الخطاب

 

 

 

ياااااااااااااااااااااااااااااه من جناب الخديوي مرة واحدة . بيقول ايه الخطاب ده

 

 

 

من جناب خديوي مصر الى علاء بك فكري طبيب القلب الماهر

 

تشجيعا من فخامتنا وتقديرا لجهودك في مجال طب وجراحة القلب

 

يسرنا ان نقيم حفلا لتكريم شخصك الكريم ومنحك وسام التميز من الدرجة الاولى في سرايا الخديوي

 

نرجو الحضور لحفل التكريم المقام على شرف سموك

 

وذلك مساء بعد غد

 

 

 

يااااااااااااااااااااااااااااااااااه ههههههههههههههههههههههههههه الخديوي بنفسه هيحتفل بيا في سرايته هههههههههه دي امي هتفرح جدا

 

 

 

 

 

ههههههههههههههههههههههههههههههههههههههههههههههههههههه مسكين علاء بك مسكين جوز حظرتنا ههههههههههههههههههههههه

 

 

 

 

 

 

امي يا اميييييييييييييييييييييي امييييييييييييييييييييييييييييييييييييي

 

 

خير يا علاء يا حبيبي في ايه

 

ههههههههههههه ابنك سيقام حفل في سرايا الخديوي على شرف سموه

 

معقووووول ههههههههه وايه السبب

 

 

ههههههههههههههههههه عشان يكرم ابنك ويديلوه وسام التميز في مجال طب القلب ههههههههههههه

 

 

يا حبيبي ! ماشاء الله عليك . انت نابغة من يومك يا علاء يا حبيبي

 

ربنا يباركلي فيكي يا احسن ام في الدنيا

 

 

ههههههههههههه هتبقى حفلة هاييييييييييييييلة يا علاء يا حبيبي . انا فرحانة فرحانة فرحانة . روح فرح مراتك

 

 

 

انتي يللي اسمك عفيفة هانم

 

افندم علاء بك

 

جوزك يا هانم هيستلم وسام التميز بعد بكرة من جناب الخديوي شخصيا

 

وسام تميز ! وده عشان ايه علاء بك

 

هههههههههههه واضح يا هانم انك مش عارفة قيمة جوزك ونبوغه العلمي

 

ياربي مش قادرة نفسي اضحك . طبعا طبعا علاء بك . اعرف قيمة حضرتك كويس

 

بالمناسبة دي يا هانم عازمك على اسبوع نقضيه في العزبة انا وانتي بس هههههههه امتعك كام يوم قبل ما ترحلي عن عالمنا هههههههههههههههههه

 

 

ههههههههههههههههههههههههههههههههههه ربنا يخليك ليا حبيبي علاء بك

 

مالك واقفة حانية راسك كدة هههههههه ارفعي مناخيرك فوق فوووووووووق انتي مش زوجة رجل عادي

هههههههههههههههههههههههههههههههههههههههههههههههههههههههههههههههه زادك الله علما وادامك لنا فخرا هههههههههههههههههههههههههههههههههههههه

 

 

 

 

 

 

 

 

هاا قوليلي ايه رأيك في البدلة الجديدة دي

 

رائعة علاء بك ومناسبة جدا للحفل يا ذو المقام الرفيع

 

ههههههههه اشكرك زوجتي العزيزة اشكرك

 

استنى حبيبي البسك البيبيون

 

مشكورة عفيفة هانم

 

 

حبيبي انا مش هنام انا هستناك وانت داخل علية بوسام التميز ههههههههههههههههههههههه

 

ههههههههه اوعي تنامي هههههههه لازم تشوفي جوزك وهو راجع بالوسام يا مدام ههههههههههه

 

 

هههههههههههههههههههههههههههههههههههههههههههههههه يا عيني . الراجل صدق نفسه هههههههههههه

 

 

 

 

 

 

 

 

 

 

 

السلام عليكم

 

عليكم السلام

 

يعني مش شايف يعني مظاهر للحفل . انتو ماعندكوش خبر بتشريفي ولا ايه ؟

 

في حاجة جنابك

 

انا معزوم هنا على حفلة لتكريمي

 

تكريمك ! ومين هيكرمك . وهيكرمك بمناسبة ايه

 

ايه الكلام الفارغ ده . واضح انك موظف جديد عينوه بعد الخطاب ما وصلي

 

موظف جديد !!!!!!!! انا بقالي هنا تلات سنين . مين حضرتك

 

بلغ جناب الخديوي ان علاء بك فكري بيطلب الإذن بالمقابلة

 

الخديوي خارج البلاد يا جناب البك

 

خارج البلاد !!!!!!!!!!!!!!

 

خارج البلاد من امتى ؟؟؟؟؟؟؟؟؟؟؟

 

من حوالي اسبوع

 

اسبووووووووووووووووووع . يعني مافيش وسام . مافيش تكريم . اومال ايه الخطاب اللي وصلي ده . حاجة غريبة . يا شماتة عفيفة هانم فيا . اوريها وشي ازاي

 

في حاجة جنابك

 

لا مافيش . مافيش حاجة خالص . سلملنا على جناب الخديوي

 

 

 

 

 

 

 

 

يارب الاقي عفيفة نامت ياااااااااااااارب

 

 

حبيبي ههههههههههههههههههه علاء بك . فين الوساااااااااااااام يلا وريني الوسااااااااااااااااااااااااام

 

ايه ايييييييييييييييه في ايه

 

وريني الوسام يا حبيبي

 

مش هوريهولك فاهمة ولا لأ . هو اي حد يشوف الوسام ولا ايه .

 

ايه حبيبي علاء بك . هو الوسام ممنوع يشوفوه العوام ولا ايه ههههههههههه

 

بالظبط كدة . اللي يشوف الوسام ده لازم يكون زيي في الدرجة العلمية يا هانم . انتي تفهمي حاجة في مجال طب القلب

 

 

 

ههههههههههههه لأ

 

سافرتي اروبا حصلتي على اعلى الدرجات العلمية في طب القلب

 

 

هههههههههههه لأ

 

يبقى اتفضلي نامي يا هانم واعرفي قدرك كويس .

 

ههههههههههههههههههههههههههههههههههههههههههههههههه تصبح على خير حبيبي

 

وانتي من اهله يا هانم اووووووووف

 

حبيبي

 

افندم عايزة ايه

 

مالك معصب كدة . المفروض تكون فرحان عشان الخديوي كرمك واداك وسام التميز هههههههههه على العموم مبروك حبيبي . افهم من كدة اني استعد لاسبوع الاحتفال في العزبة ؟

 

احتفال ! احتفال بإيه

 

هههههههههههه بوسام التميز اللي مش عايز توريهولي عشان مش من مستواك العلمي

 

 

اووووووووووف حاضر حاضر طالما وعدتك يبقى لازم اوفي

 

رايح فين حبيبي

 

هتوضا واصلي ركعتين قيام ليل

 

تقبل الله حبيب قلبي علاء بك

 

 

 

 

 

 

 

 

علاء بك اصحى حبيبي

 

صاحي

 

مالك حبيبي

 

مافيش

 

اتفضل زهرة الياسمين

 

اشكرك

 

هروح اجيبلك الفطار

 

ماليش نفس . انا هلبس وانزل اروح المستشفى اخد اجازة عشان نروح العزبة زي ما وعدتك

 

علاء بك

 

افندم

 

بحبك

 

اشكرك

 

 

اووووووووووووووووف

 

 

 

 

 

 

 

 

 

حضرتي الشنطة عفيفة هانم

 

ايوة حبيبي حضرتها

 

طيب اتفضلي

 

 

تعرف حبيبي

 

افندم

 

نفسي اسمع منك كلمة بحبك ولو لمرة واحدة . مرة واحدة بس بالله عليك

 

ازاي اقول كلمة مش حاسسها

 

للدرجة دي علاء بك . ازاي يكون جوايا كل الحب ده ليك وانت مش حاسس ولا بتبادلني مشاعري

 

عفيفة .من فضلك . الحب والمشاعر دي حاجة مش بايدينا ومش بتتوجه بإرادتنا وبعدين ازاي احب واحدة اجبرتني على كل حاجة في حياتي . انا عمر ماحد اجبرني على حاجة . انتي ظهرتي في حياتي لخبطيها كلها . انا مش سعيد بوجودك في حياتي .

 

 

اومال ليه دايما تدور علية . ليه دايما لما اختفي عن عنيك تناديني

 

 

مجرد تعود مش اكتر . ارجوكي فرقي بين الحب وبين التعود

 

 

اهئ اهئ اهئ

انت قاسي قاسي علاء بك قاسي

 

لو سمحتي مش انا الراجل اللي اتأثر بدموع إمرأة . وفري دموعك

 

احنا قربنا على العزبة

 

تحت امرك علاء بك تحت امرك حبيبي

 

 

 

 

 

 

اهلا اهلا اهلا علاء بك اهلا بالهانم

 

اهلا بيك يا عم عواد . ازي احوالك

 

الحمدلله جنابك . نورت العزبة جناب علاء بك

 

اشكرك . خد الشنط دخلهم السرايا .وحضروا الغدا

 

 

الغدا جاهز

 

 

 

 

 

اهلا اهلا بالبيه والهانم نورتوا العزبة

 

ههههههه اهلا يا مبروكة ازيك

 

الحمدلله يا علاء بيه . ازيك ياست هانم

 

اهلا بيكي

 

ماشاء الله حضرتك زي البدر هههههههه فيكي شبه من علاء بك

 

هههههههههههه كدة برضو يا مبروكة بقى انا وحش كدة هههههههههه

 

يا دمك الخفيف . يهزر مع الناس كلها وينكد علية . اعوذ بالله . راجل عايز ضرب الرصاص . والله تستاهل يا بتاع وسام التميز ههههههههه

 

 

 

 

اتفضلوا الغدا . نورتوا العزبة والله هههههه ازي الهانم الكبيرة يا علاء بيه

 

الحمدلله يا مبروكة بتهديكي السلام . بقولك ايه يا مبروكة

 

تحت امرك يا بيه

 

انا واحشني جداااااااااااااا فطيرك المشلتت وياسلام بقى على عسل نحل بالقشطة

 

ههههههه جرا ايه يا بيه هو حضرتك مش هتاكل الفراخ والحمام اللي قدامد دول

 

هههههههههه لأ طبعا هاكلهم . انا بتكلم على العشا هههههه حضري الفطير على العشا . انا باجي العزبة بيصيبني نهم وشره

ههههههههه

 

ههههههه بالهنا والشفا يابيه . مابتكليش ليه يا هانم . مش عاجبك الاكل

 

الاكل جميل يا مبروكة تسلم ايدك

 

الله . صوت حضرتك حلو اوي . زي العصفورة اللي بتزقزق الصبحية ههههه

 

هههههههههه جزاك الله خيرا . مابسمعش الكلام ده من جوزي

 

طب اسيبكو بقى براحتكو واجيلكو على العشا

 

اتفضلي يا مبروكة

 

 

هو حضرتك يا علاء بك بتاكل الحمام بعضمه

هههههههه . اه . ليه في حاجة

 

يا مامي . هو جراله ايه . هو نسي انه ابن باشا . ماله بياكل زي اللي عمره ماشاف اكل كدة . انا عمري ماشوفته بياكل بالطريقة دي

 

 

مابتاكليش ليه يا هانم

 

بتفرج عليك وانت بتاكل علاء بك

 

كلي يا هانم كلي . ولا تحبي اسالك نفسك في ايه قبل ما تنضربي بالرصاص هههههههههه

 

 

انت جايب الطبنجة معاك

 

طبعا . مش بسافر من غيرها . بس ماتخافيش . مش هغدر بيكي . لسة قدامنا اسبوعين

 

 

اهئ اهئ اهئ هيموتني يا مامي اهئ اهئ

 

هو قلبه مش هيحن بقى ولا ايه اهئ اهئ

شارك هذه المشاركه


رابط المشاركه
شارك

أيوا كده يا ميس هبه :)

 

هما الرجاله كده

 

بس ازاي متخرجه من كليه حقوق ومدرسه انجليزي!!

 

هههههههههههههههههههههههه

 

عادي يا مريومة

 

هو حد قالك ان بتوع كلية الحقوق بهايم ما بيعرفوش لغات هههههههههههههههههههههههههههه

 

انا يا ستي من عشاق اللغة الانجليزية

 

كنت متفوقة فيها جدااااااااااااااااااا على طول سنين دراستي وكنت هوايتي قراءة القصص الاجنبية من صغري

 

بس للأسف ما عرفتش ادخل اداب انجليزي والتنسيق وداني تجارة بنها هههههههههههههه

 

قولت والله ما انا رايحة تجارة هههههههههه عشان اصلا مش حافظة جدول الضرب ولا بعرف اجمع ولا اطرح ههههههههههه

 

فحولت حقوق عين شمس

 

وبعد ما اتخرجت اخدت كورسات انجليزي لاشباع هوايتي وجنوني باللغة الانجليزية حتى لما دخلت اختبار مستوى دخلت على المستوى التاسع على طول

 

وكملت ووصلت للمستوى المتقدم بدرجة جيد جدا .

 

حكاية اشتغالي مدرسة جت بالاجباروالارغام من صديقاتي . كل اللي عندها ابن اخت ولا بنت اخ تلح عليا اديها دروس لحد ما احترفت غصب عني ههههههههههههههه

 

 

اديني حكيتلك قصة حياتي يا مريومة هههههههههههههه

  • معجبة 1

شارك هذه المشاركه


رابط المشاركه
شارك

السلام عليكم ورحمة الله وبركاته

 

تشكرات هبة هانم حبيب قلب حضرتنا على الحلقة الإضافية : )

عفيفة دي تحفة.. أفكر أصير مثلها :D

 

علاء واضح أن قلبه بدأ يلين ويحب عفيفة ولكنه يكابر..

والمسكين شايف حاله شخصية مهمة قال جناب الخديوي بذات نفسه عايز يكرمه.. حاجة تضحك بجد :)

 

ننتظر البقية بشوق ()

شكرا جزيلا هبة هانم ~

شارك هذه المشاركه


رابط المشاركه
شارك

@@** الفقيرة الى الله **

 

وعليكم السلام ورحمة الله وبركاته

 

بجد حطيت نفسي فمكان علاء هكون تحرجت مع نفسي ههههههههههههه

 

الله يكون بعون نفسه يارب

 

هبة هانم سمعت طراطيش كده أنو الحلقة دي اضافة من عندك

 

أنا متأكدة أنها اشاعات لآ أكتر علشان كده بنتظر منك الحلضات الاضافيات التانيات من جناب حضرتكم :D

 

بجد أنا الحمد لله عيانة شوي بس لما بقرا قصتك بنسى تعبي شوي

 

كنت عايزة أسألك ايه هي بنت التراكوة؟؟؟

والمخضرمة اللي زي حضرتك وحضرة خالتو منال؟؟

هههههههههههههههههه

شارك هذه المشاركه


رابط المشاركه
شارك

@@** الفقيرة الى الله **

 

وعليكم السلام ورحمة الله وبركاته

 

بجد حطيت نفسي فمكان علاء هكون تحرجت مع نفسي ههههههههههههه

 

الله يكون بعون نفسه يارب

 

هبة هانم سمعت طراطيش كده أنو الحلقة دي اضافة من عندك

 

أنا متأكدة أنها اشاعات لآ أكتر علشان كده بنتظر منك الحلضات الاضافيات التانيات من جناب حضرتكم :D

 

بجد أنا الحمد لله عيانة شوي بس لما بقرا قصتك بنسى تعبي شوي

 

كنت عايزة أسألك ايه هي بنت التراكوة؟؟؟

والمخضرمة اللي زي حضرتك وحضرة خالتو منال؟؟

هههههههههههههههههه

 

 

هههههههههههههههههههههههههههههههه

 

بصي يا ستي انا كنت اكتفيت بالحلقات اللي نشرتهم الصبح

 

واختك الفقيرة الى الله راسلتني على الخاص وقالتلي

 

لو سمحتي يا هبة انشري حلقات تاني النهاردة وعايزة اقراهم قبل ما انام

 

فعشان كدة هي سمت الحلقة اللي اتنشرت دلوقتي حلقة اضافية ههههههههههههه

 

 

بنت التراكوة يعني بنت الاتراك

 

يعني عشان اهلها اتراك بيقولها يابنت التراكوة هههههههههههههه

 

 

سلامتك حبيبتي

 

بعد الشر عليكي يا نور يا عسل

تم تعديل بواسطة هبةنور

شارك هذه المشاركه


رابط المشاركه
شارك

@هبةنور

 

هههههههههههه

ايوة كده قلتيلي الخاص

خلاص قولي للست عفيفة تستناني لحد ما أرجع مساعدة المشرفة

 

أقصد بعد 100 سنة

يعني هجيب اللي يخلفني وقتها يبقى يراسلوك ع الخاص هههههههههههه

 

الله يجازيك حبيبتي ويسمع منك اللهم آمين

بجد بستمتع بكتباتك حتى بروح لملفك وبقرا كل اللي كتبتيه لحد دلوئتي ممكن أغلبهم بس لسه ما خلصت ههههههههه

خاصة ميس ذكية

شارك هذه المشاركه


رابط المشاركه
شارك

هههههههههه

هيتعدل امتى بقى

المشكلة انها كل شويه تعمل خطه وكده بتزوده اكتر

صح ؟

شارك هذه المشاركه


رابط المشاركه
شارك

والله انت صح يا بنت يا سارة المفروض كانت ساقة في التقل وتسيبه يدور عليها

لحد أما يقر ويعترف إنه مش يقدر يستغنى عنها

لكن للأسف هي عيلة ولسة تفكيرها طفولي علشان كدة تفكيرها قاصر وبتعمل حركات عيالي

شارك هذه المشاركه


رابط المشاركه
شارك

@@منال كامل

معك حق يا خالتو

 

أنا فرحتلها في الأول قلت خلاص جا الدور على علاء

بس ز ماقلت تفكيرها طفولي

ولا ممكن نقولي عيله رضيعي؟؟؟ هههههههههه

بس مايصحش ههههههههههههههه

  • معجبة 1

شارك هذه المشاركه


رابط المشاركه
شارك

يبدو ان المنتدى مليان عائشات

الكل متضامن مع عائشة :D

 

ههههههههههههههههههههههههه

 

طبعا تقصدي بالعائشات الاخوات المتضامنات مع عائشة هههههههههههههههههه

 

نورتي لواء هانم . تشكرات لوجود حظرتكم

 

لواء الحبيبة ومس هبة

مش ضروري أن يكون المنتدى عائشات

ممكن يكون في عدد يتعد على الاصابع ولكن طبعاً في كتير لهم معارف مثل عائشة وممكن اكثر

بالنهاية رايي وقلته ووجهة نظري بالموضوع اوضحتها ولا اعتقد ان سيأتي يوم وابدل او اغير بما أقوله

 

 

 

نأتي للقصة

بوركتِ هبة الحبيبة

قصة رائعة واحداثها مشوقة

على فكرة اول مرة اتابع قصة لكِ يعني كنت يقرأ القصص الفائتة ولكن احياناً انساها (اوعي تزعلي )

ولا اعرف ما الذي شدني لقراءة هذه القصة

سلم فكركِ المبدع يا حبيبة

لنشوف شو رح يصير مع عائشة ام البنات وشريفة ام (الفرسان ) :blush:

وعفوفة المشاكسة العسولة

وعايزة اعرف بهيجة اخبارها ايه يا عيني الله يكون في عونها -_-

  • معجبة 1

شارك هذه المشاركه


رابط المشاركه
شارك

بت يا عفيفة ما تثقلي شوية عشان يجيلك بنفسه :))

 

ومش كل مرة تقولي له بحبك عشان ما يطلع له ريش

 

ونصيحة لكل الزوجات الرجل لا يحب كل ساعة او كل يوم كلمة اعجاب كي لا يتعودها وتجيله عدية بل خليه يشتاق لها وعن تجربة :))

 

مرة مرة نبتعد عنهم ولا نبالي وكوني متأكدة انه سيفتش عنك هههههه

 

امس كنت جالسة هنا وتركت زوجي مع الأولاد ومرت نصف ساعة وجا عنتدي كي يجلس معي :D

 

يلا يا عفيفة اسمع الكلام واثقلي شوية يلا B|

شارك هذه المشاركه


رابط المشاركه
شارك

تشكرات هبه هانم على القصه الجمييييييييييييييله.مستنيه حضرتكم ماتغيبيش علينا

شارك هذه المشاركه


رابط المشاركه
شارك

كلام جموله صحيح يابنات اسمعوا كلامها وتشوفوا بنفسكم الحب من ازواجكم هما الرجاله كدا

 

مبيحبوش الست اللي لازقه فيهم طول اليوم لازم يحس الزوج بالاشتياق لزوجته

 

-_-

شارك هذه المشاركه


رابط المشاركه
شارك

أيوا كده يا ميس هبه :)

 

هما الرجاله كده

 

بس ازاي متخرجه من كليه حقوق ومدرسه انجليزي!!

 

هههههههههههههههههههههههه

 

 

عادي يا مريومة

 

هو حد قالك ان بتوع كلية الحقوق بهايم ما بيعرفوش لغات هههههههههههههههههههههههههههه

 

انا يا ستي من عشاق اللغة الانجليزية

 

كنت متفوقة فيها جدااااااااااااااااااا على طول سنين دراستي وكنت هوايتي قراءة القصص الاجنبية من صغري

 

بس للأسف ما عرفتش ادخل اداب انجليزي والتنسيق وداني تجارة بنها هههههههههههههه

 

قولت والله ما انا رايحة تجارة هههههههههه عشان اصلا مش حافظة جدول الضرب ولا بعرف اجمع ولا اطرح ههههههههههه

 

فحولت حقوق عين شمس

 

وبعد ما اتخرجت اخدت كورسات انجليزي لاشباع هوايتي وجنوني باللغة الانجليزية حتى لما دخلت اختبار مستوى دخلت على المستوى التاسع على طول

 

وكملت ووصلت للمستوى المتقدم بدرجة جيد جدا .

 

حكاية اشتغالي مدرسة جت بالاجباروالارغام من صديقاتي . كل اللي عندها ابن اخت ولا بنت اخ تلح عليا اديها دروس لحد ما احترفت غصب عني ههههههههههههههه

 

 

اديني حكيتلك قصة حياتي يا مريومة هههههههههههههه

 

ما شاء الله

ضحكتيني جداااا

انا مقصدش طبعا

بس استغربت بس

ربنا يزيدك يارب وينفع بيكي

شارك هذه المشاركه


رابط المشاركه
شارك

يا هوبة عمتلي علينا إضراب اليوم يا بنتي دخلت علشان اقرا حلقة اليوم ما فسيش، الأعضاء يريد حلقة جديده ^________^ على فكرة هو علاء بك مش عارف أن من قتل مسلم متعمد فجزاه جهنم، بس إحتمال يكون تهديد ليكون ناوي يطلقها المسكينه، تعرفي يا بنتي أنا كنت أفكر أمس ازيا فيه يعفو عن حبيبة قلبنا عفيفة هانم قلت البنت عفيفة بتكون حامل وأكيد مش حيفرط في أبنة هههه وويسامحها وبتكون happy ending ^___________^ على فكرة ايش صار لست بهيجة

شارك هذه المشاركه


رابط المشاركه
شارك

فينك ياهوبه كل شويه ادخل علشان اقرا الحلقه الجديدة ملاقيييييييييييييييييش حاجه.....اهئ اهئ اهئ

شارك هذه المشاركه


رابط المشاركه
شارك

انا اليوم دخلت مليوووووووووووون مرة عشان اقرا

وهسه بدي انام ومفش اشي : ((((((((((

 

تستغربيش لو صحيت بنص الليل وجيت افتش ^^

شارك هذه المشاركه


رابط المشاركه
شارك

مثلى بالظبط يا نعمه

فكرت فى كده

قلت اتلاقيه هيلاقيها حامل فمش هيرضى يقتلها

شارك هذه المشاركه


رابط المشاركه
شارك

إنشاء حساب جديد أو تسجيل دخول لتتمكني من إضافة تعليق جديد

يجب ان تكون عضوا لدينا لتتمكن من التعليق

إنشاء حساب جديد

سجلي حسابك الجديد لدينا في الموقع بمنتهي السهوله .

سجلي حساب جديد

تسجيل دخول

هل تمتلكين حسابًا بالفعل ؟ سجلي دخولك من هنا.

سجلي دخولك الان

  • من يتصفحن الموضوع الآن   0 عضوات متواجدات الآن

    لا توجد عضوات مسجلات يتصفحن هذه الصفحة

منتدى❤ أخوات طريق الإسلام❤

‏ أخبروهم بالسلاح الخفي القوي الذي لا يُهزم صاحبه ولا يضام خاطره، عدته ومكانه القلب، وجنوده اليقين وحسن الظن بالله، وشهوده وعده حق وقوله حق وهذا أكبر النصر، من صاحب الدعاء ولزم باب العظيم رب العالمين، جبر خاطره في الحين، وأراه الله التمكين، ربنا اغفر لنا وللمؤمنين والمؤمنات وارحم المستضعفات في فلسطين وفي كل مكان ..

×