نوادر امن الولة (الحلقة 2)

[مسلمة معتزة بنقابى 16]

بسم الله الرحمن الرحيم

استكمالا لحلقات نوادر امن الدولة الحلقة الثانية

 

 

ضابط أمن دولة بيسأل أخ: تعرف فلان؟

قاله: آه طبعا دا ابن عمتي..

قاله: تعرفه منين؟

قاله: ياباشا بقولك إبن عمتي!

الظابط: انت ليه بتروح عنده البيت كتير؟

الأخ: بروح عند عمتي وبما إنه إبنها فبلاقيه هناك :)))

 

*****

 

18- كل واحد فينا في أمن الدولة ليه رقم، تنسى اسمك خلاص وتحفظ رقمك، اللي هيلازمك لغاية ما تخرج من أمن الدولة!

المهم أخ سيناوي لسه جي، الظابط بيقوله: رقمك كام ياله ؟؟؟

رد عليه: زيرو عشره ياباشا :)))

19- أمن الدولة مسكو أخ من كازخستان، الضابط وهو بيحقق معاه قاله: ولا أنت جت مصر علشان تعمل عمليات إرهابية؟

رد الأخ: أنا لا أتحدث إلا اللغة العربية الفصحى

راح الظابط قاله: حسنًا .. هل جأت إلى مصر لتقوم بأعمال تخريبية ؟

الأخ: لا .. لم أتي إلى مصر لأي عمل تخريبي

رح الظابط قال لأمين الشرطة: إذًا أضربه على قفاه :)))

 

*****

 

20- أحد الإخوة طلبوه في غرفة التعذيب، وربطوه على سرير الكهربا

والظابط بيكهربه، راح الأخ قاله: ربي الذي يحي ويميت

رد عليه الضابط : وأنا كمان بحي وبميت يابن تييييييييييييت

رح الأخ قاله: إن الله يأتي بالشمس من المشرق فأت بها من المغرب

الظابط : هجبها من ........ يابن تييييييييييييت

فجأة جاله تليفون، شكلها مراته علشان بقى وديع في الكلام معها :) وبعد نص ساعة رجع للأخ وأقعد يكمل كهربا وقاله : وئفنا فين ياله ؟؟

رد الأخ : وقفنا يا باشا عند "فبهت الذي الكفر " :)))

 

*****

 

21- واحد صحبي وهو في جلسة تعذيب، اتصلت أم الضابط اللي بيعذبه .. فكلمهم الضابط ، فالأخ عرف أنها أم الضابط

أقعد يقول بصوت عالي: الحقيني يا حاجه ، أبنك بيعذبني يا حاجه :)

راح الضابط بيقول لأمه : ده صوت التلفزيون يا ماما :)

فرح الاخ بصوت عالي : لاء يا حاجه .. ده مش التلفزيون يا حاجه .. ابنك بيعذبني يا حاجه :)))

 

*****

 

22- ضابط أمن الدولة بيسأل أخ: اسمك الحركي أيه وسط الاخوة ؟؟

الأخ: اسمي "الأخ الفاضل" !

الضابط: ليييه بيسموك كده ؟؟

الأخ: كنا في رحلة والاتوبيس مشي وسابني، فسموني "الأخ الفاضل" :)

المهم خرج بعدها معلق دراعه شهور :)))

 

*****

 

23- طبعا أول ما بندخل أمن الدولة بنقلع كما ولدتنا أمهاتنا ! إلا طبعا "العين" هي ديه العورة عندهم، لازم يغطوها بالغماية !

المهم أخ قام يصلي قيام الليل (وهو طبعا قالع!)

وهو بيصلي، عدى ظابط أمن الدولة، أول ما شاف الأخ، زعق بأعلى صوته: أيييييييييييه ده ؟؟؟؟

اتجمع المخبرييين بسرعة: في أيه يا باشا ؟؟

الضابط: سيبين الشيخ بيصلي كده ازاااااااااااااي ؟؟؟؟

المخبريين: طب نعمل أيه يا باشا ؟؟؟

الظابط: حطه سترة علشان نعرف نعدي أقدم الشيخ علشان، منقطعش صلاته :)))

 

*****

 

24- ضابط أمن الدولة بيقول لأخ صحبي: تعرف يالا ، أنا أبليس معلق بوستراتي في اوضته :)))

 

*****

 

25- ضابط امن الدولة بيحقق مع أخ، الظابط قاعد على المكتب، والاخ قدمه وأمين الشرطه هو اللي بيكهرب الأخ

المهم كل لما الأخ يلغبط، الظابط يقول لأمين الشرطة: كهربوا ..

المهم جيه تليفون للظابط، فالظابط انشغل بالتليفون،، أمين الشرطة اتمل من الفراغ! قطه معديه راح مكهربها،، القطة صرخت ..

الظابط ساب التليفون بسرعة وسب الدين لأمين الشرطة وقاله:

يابن تييييييييييييييييت القطه ديه مش روح ،، حرام عليك تعذبها :))

المهم الأخ سمع الظابط وكان هيموت من الغيظ :)))

 

*****

 

[مسلمة معتزة بنقابى 16]

وعايزة اقول معلومة نسيت اقولها ان المواقف دى من مذكرات الاخوة المعتقلين مش نكت كذب :)

[أمل الأمّة 1093]

الله المستعان، لم أستطع الضحك بقدر ما أصابني هم وقشعريرة من الذي يحصل! حقًا خنقتني العبرة ..

إلى الله المًشتكى وحسبنا الله ونعم الوكيل.

[رياحينو 205]

حسبنا الله ونعم الوكيل

هم يضحك وهم يبكي

الله المستعان

[رتاج نور الإسلام 73]

حسبنا الله ونعم الوكيل اللهم انصرنا على من عادانا

ان الظلم ظلمات يوم القيامة

سوف ينتقم الله منهم

[«..ارْتِـــقَّـےـاءْ..» 639]

السلام عليكم ورحمة الله وبركاته

موضوع مضحك مبكي

أسأل الله سبحانه وتعالى أن ينصر إخواننا في كل مكان وينتقم من الظلمة الفجرة .